Tag: پشاور

پشاور: خیبرپختونخوا میں لوڈشیڈنگ کے بحران پر وفاقی وزیرداخلہ محسن نقوی اور وزیراعلیٰ خیبرپختونخوا علی امین گنڈاپور میں رابطہ ہوا ہے۔

باغی ٹی وی : وزیراعلیٰ کے پی علی امین گنڈاپور نے اپنے تحفظات سے وزیرداخلہ محسن نقوی کو آگاہ کیا دونوں نے خیبرپختونخوا میں لوڈشیڈ نگ کے مسئلے پر 2 روزمیں مشاورت اور مذاکرات پراتفاق کیا اور کہا کہ افہام وتفہیم سے باہمی غلط فہمیاں دورکی جائیں گی۔

وزیراعلیٰ خیبرپختونخوا نے وزیرداخلہ کو گرڈ اسٹیشنز کی حفاظت اور تحفظ کی یقین دہانی کرائی، اس موقع پر محسن نقوی کا کہنا تھاکہ پوری کوشش ہے کہ خیبرپختونخوا میں لوڈشیڈنگ کا مسئلہ جلد حل ہو اور تمام وفاقی تنصیبات کی حفاظت ہماری ذمہ داری ہے۔

وزیراعلیٰ پنجاب سے اسپین کے سفیر کی ملاقات

واضح رہے کہ خیبر پختونخوا میں بجلی کی لوڈشیڈنگ کا تنازع شدت اختیار کر گیا اور صوبائی وزیر کے بعد وزیر اعلیٰ کے پی علی امین گنڈا پور بھی بجلی بحال کرنے خود گرڈ اسٹیشن پہنچ گئے تھے علی امین گنڈا پور اپنے علاقے کی بجلی بحال کرنے ڈی آئی خان گرڈ اسٹیشن پہنچے تھے اور انہوں نے اپنے اعلان کے مطابق لوڈ شیڈنگ کا دورانیہ 12 گھنٹے فکس کر دیا تھا-

پاکستان میں مون سون کا آغاز 27جون سے 4جولائی کے درمیان ہونے کی پیشگوئی

پشاورمیں 72 سالہ شخص کی 13 سالہ بچی کے ساتھ شادی کی کوشش ناکام بنادی گئی۔

باغی ٹی وی: پولیس ذرائع کے مطابق پشاور کے علاقے تنگی میں 72 سالہ شخص نے 13 سالہ بچی کو پانچ لاکھ روپے کے عوض اپنے نکاح میں لینے کی کوشش کی اور یہ رقم والد کو ادا کرنے پر رضامندی ظاہر کی،پولیس نے 72 سالہ بوڑھے دلہا کو گرفتار کرلیا جس کی شناخت حبیب جان کے نام اور ارمڑ کے رہائشی سے ہوئی، کارروائی کے دوران بچی کا والد موقع سے فرار ہوگیاپولیس نے ملزم کو گرفتار کر کے چائلٹ ایکٹ کے تحت ملزم اور لڑکی کے والد کے خلاف مقدمہ درج کرلیا جبکہ نکاح خواں کو بھی گرفتار کرلیا گیا ہے۔

دوسری جانب شوہر سے طلاق کے خوف کے باعث خاتون نےاپنی نومولود بیٹی کو اغوا کروایا جسے پولیس نے گرفتار کرلیا اسلام آباد میں نومولود بچی کے اغواء میں ملوث دوعورتوں سمیت چار ملزمان گرفتار کرلیے گئے۔

نان فائلر کی موبائل سم، بجلی اور گیس کنکشن بھی منقطع کرنے کی تجویز

ترجمان پولیس کے مطابق ملزمہ زاہدہ بی بی نے اپنے شوہر سے خلع کے ڈر سے بچی کے اغوا کا پلان بنایا، گرفتار ملزمان میں محمد یار، زاہدہ بی بی، آسیہ بی بی اور محمد یاسر شامل ہیں اسلام آباد کے تھانہ لوہی بھیر میں شہری محمد سجاد نے مقدمہ درج کراتے ہوئے بتایا کہ اس کے ہاں 21 مئی کو بچی کی ولادت ہوئی، دائی آسیہ بی بی نے بچی ملزمان محمد یاراور محمد یاسرکو فروخت کردی اور ہمیں بتایا کہ آپ کی بیٹی فوت ہوگئی ہے-

جاپان میں48 گھنٹوں کے اندر موت کا سبب بننے والے ”گوشت خور …

ملزمہ کے خاوند نے جرم چھپانے کے لئے ایک جھوٹی درخواست بھی تھانہ میں جمع کرائی جس میں اس نے بچی کا والد ہونے کا دعوی کیا ترجمان پولیس کے مطابق چاروں ملزمان نے تفتیش کے دوران اپنے جرم کا اقرار کیا پولیس نےمغوی نومولود بچی کو والدین کے حوالے کر دیا،ملزمہ زاہدہ بی بی نے دائی کو اغواسے قبل کچھ رقم ایڈوانس میں دی تھی۔

سپنٹک کی چوٹی پر لاپتا ہونے والے دو میں سے ایک جاپانی کوہ پیما کی …

پشاور کی انسداد دہشتگردی عدالت نے 9مئی واقعات پر پی ٹی آئی کے سابق وزرا سمیت 115 کارکنوں پر فرد جرم عائد کر دی۔

باغی ٹی وی :9مئی کو توڑ پھوڑ اور سرکاری املاک کو نقصان پہنچانے کے کیس میں عدالت نے سابق وزرا تیمور سلیم جھگڑا اور کامران بنگش پر فرد جرم عائد کردی، ملزمان نے احتجاج کے دوران توڑ پھوڑ کی تھی، ملزمان نے نجی اور سرکاری املاک کو نقصان بھی پہنچایا تھا، ملزمان کے خلاف تھانہ خان رازق شہید میں مقدمہ درج کیا گیا تھا۔

عدالت کی جانب سے رکن قومی اسمبلی شیر علی ارباب اور آصف خان سمیت 115 ورکرز پر بھی فرد جرم عائد کی گئی، سابق وزرا اور ممبران اسمبلی سمیت تمام ملزمان نے صحت جرم سے انکار کردیا،عدالت نے آئندہ سماعت پر استغاثہ گواہان کو طلب کرتے ہوئے سماعت 26 جون تک ملتوی کردی۔

قبل ازیں راولپنڈی کی ڈسٹرکٹ کورٹ نے موٹر وے پر ہنگامہ آرائی اور کارِ سرکار میں مداخلت کے کیس میں وزیرِاعلیٰ خیبرپختونخوا علی امین گنڈاپور کی عبوری ضمانت میں 5 جولائی تک توسیع کر دی اور ملزم کو آئندہ تاریخ پر ہر صورت پیش ہونے کا حکم دے دیا ایڈیشنل سیشن جج راولپنڈی راجہ فیصل رشید نے علی امین گنڈا پور کے خلاف راولپنڈی موٹروے چوک پر ہنگامہ آرائی، کار سرکار میں مداخلت، دفعہ 144 کی خلاف ورزی کے مقدمے میں درخواست ضمانت پر سماعت کی۔

دورانِ سماعت وزیر اعلیٰ خیبرپختونخوا علی امین گنڈا پور مصروفیت کے باعث آج بھی عدالت میں پیش نہ ہوئے، ان کی جانب سے ان کے وکیل ایڈووکیٹ محمد فیصل ملک پیش ہوئے،اس موقع پر علی امین گنڈاپور کے وکیل نے ان کی ایک روز کی حاضری سے استثنیٰ کی درخواست دے دی، جس پر عدالت نے وزیراعلیٰ خیبرپختونخوا کی استثنیٰ کی درخواست منطور کرلی، عدالت نے علی امین گنڈا پور کی عبور ی ضمانت میں 5 جولائی تک توسیع کر دی اور ملزم کو آئندہ سماعت پر ہر صورت عدالت پیش ہونے کا حکم دے دیا۔

واضح رہے کہ علی امین گنڈا پور کے خلاف موٹروے ٹول پلازہ پر گھیراؤجلاؤ کا مقدمہ راولپنڈی کے تھانہ نصیر آباد میں مقدمہ درج ہے۔

سوات: وزیراعلیٰ خیبر پختونخوا علی امین گنڈا پور نے صوبے میں ٹیکس کی بات کرنے والوں کو دھمکی دے ڈالی۔

باغی ٹی وی : سوات میں جلسہ عام سے خطاب میں علی امین گنڈاپور کا کہنا تھاکہ بانی پی ٹی آئی نے نکلنےکی کال دی تو ہم بتائیں گے، قبضہ مسلط کرنے والے اور مینڈیٹ چوری کرنے والے پاکستان میں کہیں نہیں چھپ سکیں گے، ہم اپنا حق چھینا اور لینا جانتے ہیں، جبر سے ہمارے لوگوں کی وفاداریاں تبدیل نہیں کرا سکتے خیبرپختونخوا میں مزید ٹیکس نہیں لگانے دیں گے،آؤ گے پیروں پر اور جاؤ گے کندھوں پر۔

ان کا کہنا تھاکہ ملک شخصیات سے نہیں، آئین سے چلتے ہیں، جعلی کیسز میں ہمارے لیڈر کو سزائیں دی جارہی ہیں، خیبرپختونخوا والوں کویقین دلاتا ہوں ان کے ہر مسئلے کو حل کریں گے ے پی میں جو کوئی غیرقانونی طریقے سے جنگل کاٹے، اس کے ہاتھ کاٹ دو، رشوت لینےوالواں کو نہیں چھوڑیں گے،ان کے ہاتھ توڑیں گے ہم صرف عمارت اور میدان نہیں، تمام سہولیات دیں گے، تعلیم اور علاج دیں گے،کھلاڑیوں کو سہولیات دیں گے، عوامی حکومت میں عوام کےتمام کام ہونگے۔

خالد مقبول صدیقی کا قومی کرکٹ ٹیم پر میچ بیچنے کا الزام عائد

دوسری جانب چیئرمین پی ٹی آئی بیرسٹر گوہر کا کہنا تھاکہ ملک آئین اور قانون کے بغیر نہیں چل سکتا، وہ دن دور نہیں جب بانی پی ٹی آئی کارکنوں کے درمیان ہوں گے۔

خالد مقبول صدیقی کا قومی کرکٹ ٹیم پر میچ بیچنے کا الزام عائد

ایڈووکیٹ جنرل خیبرپختونخوا شاہ فیصل اتمان خیل نے چیف جسٹس قاضی فائز عیسیٰ پر اعتراض سے متعلق خبر کی تردید کر دی ہے

ایک بیان میں ایڈووکیٹ جنرل کے پی شاہ فیصل اتمان خیل کا کہنا ہے کہ میرے دفتر میں مخصوص نشستوں سے متعلق بینچ پر اجلاس نہیں ہوا، اس بارے میں وزیرِ اعلیٰ کو خط لکھنے کی خبر بھی من گھڑت ہے، عدلیہ اور پی ٹی آئی کے درمیان کشیدگی پیدا کرنے کے لیے پروپیگنڈا کیا جا رہا ہے ہائی کورٹ اور سپریم کورٹ کے تمام ججز پر پورا اعتماد ہے مخصوص نشستوں سے متعلق کیس خراب کرنے کے لیے جھوٹی خبریں چلائی جا رہی ہیں۔ جھوٹی خبروں کا مقصد مخصوص نشستوں کے کیس کو نقصان پہنچانا ہے، خلیج پیدا کرنے کی کوشش کی جا رہی ہے

واضح رہے میڈیا میں کہا گیا تھا کہ ذرائع کے مطابق گزشتہ روز ایڈووکیٹ جنرل خیبر پختونخوا کے آفس میں اجلاس ہوا جس میں خیبر پختونخواحکومت نے مخصوص نشستوں سے متعلق بینچ میں چیف جسٹس قاضی فائز عیسیٰ کی شمولیت پر اعتراض اٹھایا گیا اور بینچ میں چیف جسٹس کی شمولیت پر اعتراض سے متعلق منظوری کے لیے وزیر اعلیٰ خیبر پختونخوا کو خط بھی لکھا گیا جس میں کہا گیا کہ پی ٹی آئی سے متعلق کوئی بھی کیس چیف جسٹس نہ سنیں۔

خیبر پختونخواہ کے صوبائی دارالحکومت پشاور میں طلبا آپس میں لڑ پڑے، ویڈیو سوشل میڈیا پر وائرل ہو گئی

یونیورسٹی آف پشاور میدان جنگ بن گئی، طلبا آپس میں لڑے تو ڈنڈوں، گھونسوں کا استعمال کیا گیا، طلبا کو چھڑانے کے لئے جانے والے طلبا بھی مکوں کا نشانہ بن گئے،ویڈیو سوشل میڈیا پر وائرل ہوئی ہے، جس میں طلبا کی آپس کی لڑائی کو دیکھا جا سکتا ہے، یونیورسٹی میں موجود طلبا کا کہنا ہے کہ : اکنامکس ڈیپارٹمنٹ کے طلبا کی ٹور کے دوران آپس میں لڑائی ہو ئی تھی، ٹور سے واپسی پر گزشتہ روز ٹ دوبارہ یونیورسٹی میں لڑائی ہو ئی ہے، تاہم ڈیپارٹمنٹ نے ابھی تک جھگڑے کا نوٹس نہیں لیا۔

طلبا کا کہنا ہے کہ ایسے واقعات طلباء کی تعلیم پر اثر انداز ہوتے ہیں اگر ایکشن نہ لیا گیا تو ایسے واقعات معمول بن جائیں گے، طلبا کو ایسے واقعات پر روکنا ہو گا اور جو ملوث ہیں انکے خلاف کاروائی کرنی ہو گی.

پاکستان کے امریکہ میں سابق سفیر حسین حقانی نے طلبا کی لڑائی پر ٹویٹر پر تبصرہ کرتے ہوئے کہا ہے کہ "اگر یونیورسٹی میں پڑھنے والے جو پڑھے لکھے طبقہ کا حصہ ہیں ، بات چیت سے اختلافات طے کرنے کے بجائے ہاتھا پائی پر اتر آتے ہیں تو باقی قوم کا کیا حال ہوگا؟ معاشرہ میں رواداری اور مہذب اختلاف رائے کی گنجائش پیدا کرنے کے لئے بھی کوئی تحریک چلائے!”.

اگر یونیورسٹی میں پڑھنے والے جو پڑھے لکھے طبقہ کا حصہ ہیں ، بات چیت سے اختلافات طے کرنے کے بجائے ہاتھا پائی پر اتر آتے ہیں تو باقی قوم کا کیا حال ہوگا؟ معاشرہ میں رواداری اور مہذب اختلاف رائے کی گنجائش پیدا کرنے کے لئے بھی کوئی تحریک چلائے! https://t.co/SWiESwxnN7

— Husain Haqqani (@husainhaqqani) May 31, 2024