Tag: پشاور

ایڈیشنل آئی جی سی ٹی ڈی شوکت عباس نے کہا ہے کہ پشاور پولیس لائنز دھماکے کی پیشرفت سے آگاہ کررہے ہیں،دھماکے کے تمام کرداروں کو پکڑا جائے گا،

ایڈیشنل آئی جی سی ٹی ڈی شوکت عباس کا کہنا تھا کہ پولیس لائنز دھماکے میں 84 افراد جاں بحق ہوئے، دھماکے کے ہنڈلرز کو بھی ٹریس کیا ہے، پولیس لائنز دھماکہ میں تاحال کسی پولیس اہلکار کے ملوث ہونے کے شواہد نہیں ملے ۔دھماکے کی پلاننگ افغانستان سے کی گئی ،پولیس لائنز پر حملہ خودکش تھا،خودکش حملہ آور کے آنے کو 300 کیمروں کی مدد سے ٹریک کیا ،اس سے خودکش حملہ آور کے سہولت کار کو ٹریک کرنے میں آسانی ہوئی، پولیس لائنز حملہ کالعدم ٹی ٹی پی کی زیلی تنظیم جماعت الاحرار نے کیا،آج بھی جس دہشتگردکو پیش کررہے ہیں وہ بھی خودکش حملہ آور ہے،یہ ایک تربیت یافتہ اور خودکش حملوں کی اس کی بھی ہسٹری ہے،پہلے والا خودکش حملہ کامیاب ہوا تواس کا سہولت کار اس کو لے کر فرار ہوگیا،خودکش دھماکا کرنے والا دہشتگرد اور گرفتار ملزم دونوں نے افغانستان میں تربیت لی

پشاور پولیس لائن دھماکے میں ملوث ماسٹر مائنڈ ٹریس ,دوسرا خودکش بمبار گرفتار ، ایڈیشنل آئی جی پی سی ٹی ڈی شوکت عباس pic.twitter.com/623V2V3Iq7

— Baaghi TV باغی ٹی وی (@BaaghiTV) March 17, 2023

واضح رہے کہ رواں برس 30 جنوری کو پولیس لائنز کی مسجد میں ہونے والے خودکش دھما کے کے نتیجے میں 100 سے زائد افراد شہید ہوئے تھے پشاور دھماکے میں ٹی این ٹی دھماکہ خیز مواد استعمال کیا گیا خود کش بمبار نے مسجد کے پُرانے حصے میں دھماکا کیا مسجد کے پُرانے حصےّ میں کوئی پِلر موجود نہ تھا مسجد کی دیوار یں صرف اینٹوں کے سہارے کھڑی کی گئی تھیں دھماکے کی وجہ سے مسجد کی دیواریں اور چھت گرنے سے زیادہ شہادتیں ہوئیں،

نیشنل ایکشن پلین پر سختی سے عمل کرنے کی ضرورت ہے،

ہ پشاور کا سانحہ دہشت گردوں کی مزاحمت کا تقاضا کر رہا ہے،

وزیراعظم شہباز شریف پشاور پہنچ گئے،

ہوسکتا ہے کہ حملہ آور پہلے سے ہی پولیس لائنز میں موجود ہو 

 پشاور کی پولیس لائنز مسجد میں نماز جمعہ ادا 

باغی ٹی وی کی رپورٹ کے مطابق خیبر پختونخواہ کے صوبائی دارالحکومت پشاور کی پولیس لائن مسجد میں ہونیوالے دھماکے کے دو سہولت کاروں کو پولیس نے گرفتار کر لیا ہے

میڈیا رپورٹس کے مطابق پشاور پولیس لائن مسجد میں دھماکہ کرنیوالے کے دو سہولت کار سیکورٹی اداروں نے گرفتار کئے ہیں، ملک سعد پولیس لائن خود کش حملے میں ملوث ہے افغان سہولت کار واقعے کے بعد بیرون ملک فرار ہونے کی کوشش کررہا تھا جسے گرفتار کرلیا گیا افغان سہولت کار سے پاسپورٹ اور دیگر دستاویزات برآمد کرلی گئی ہیں اور تفتیش کا عمل جاری ہے گرفتار ملزمان میں سے ایک ملزم کا تعلق افغانستان اور دوسرے کا تعلق ضلع خیبرسے ہے جسے ہشت نگری سے گرفتار کیا گیا ہے ذرائع کا کہنا ہے کہ گرفتار افغانی سہولت کار کا تعلق افغانستان کے صوبہ ننگرہار سے ہے

واضح رہے کہ رواں برس 30 جنوری کو پولیس لائنز کی مسجد میں ہونے والے خودکش دھما کے کے نتیجے میں 100 سے زائد افراد شہید ہوئے تھے پشاور دھماکے میں ٹی این ٹی دھماکہ خیز مواد استعمال کیا گیا خود کش بمبار نے مسجد کے پُرانے حصے میں دھماکا کیا مسجد کے پُرانے حصےّ میں کوئی پِلر موجود نہ تھا مسجد کی دیوار یں صرف اینٹوں کے سہارے کھڑی کی گئی تھیں دھماکے کی وجہ سے مسجد کی دیواریں اور چھت گرنے سے زیادہ شہادتیں ہوئیں،

نیشنل ایکشن پلین پر سختی سے عمل کرنے کی ضرورت ہے،

ہ پشاور کا سانحہ دہشت گردوں کی مزاحمت کا تقاضا کر رہا ہے،

وزیراعظم شہباز شریف پشاور پہنچ گئے،

ہوسکتا ہے کہ حملہ آور پہلے سے ہی پولیس لائنز میں موجود ہو 

 پشاور کی پولیس لائنز مسجد میں نماز جمعہ ادا 

بلدیاتی نمائندوں کی معطلی کیخلاف دائر درخواست پر پشاور ہائیکورٹ میں سماعت ہوئی

پشاور ہائیکورٹ نے بلدیاتی نمائندوں کو بحال کردیا، عدالت نے کیس نمٹا دیا،ڈپٹی اٹارنی جنرل نے کہا کہ الیکشن کمیشن کے پاس بلدیاتی نمائندوں کو معطل کرنے کے اختیارات ہیں، یہ پہلی دفعہ ہوئے، 2018 میں بھی بلدیاتی نمائندوں کو معطل کیا گیا تھا، انتخابات کے دوران اسے پھر معطل کیا جائے گا، جسٹس روح الامین نے استفسار کیا کہ کن بلدیاتی انتخابات کے دوران صوبائی اسمبلیوں کو معطل کیا گیا تھا، کیاصرف بلدیانی نمائندے ہی معطل ہوں گے؟ عدالت نے ریمارکس دیتے ہوئے کہا کہ الیکشن کمیشن کا اعلامیہ معطل، تفصیلی فیصلہ بعد میں جاری کیا جائے گا،

عدالت نے فیصلہ محفوظ کر رکھا تھا جو اب سنا دیا گیا ہے، گزشتہ سماعت پر عدالت نے ریمارکس دیتے ہوئے کہا تھا کہ اگر بلدیاتی نمائندوں کی موجودگی میں شفاف انتخابات نہیں ہو سکتے تو یہاں پر وفاق کے نمائندے بھی بیٹھے ہیں،گورنر، چیف سیکرٹری ، آئی جی وفاقی نمائندہ، کیا ان کو بھی معطل کرینگے؟ اگر کسی پر ٹرسٹ نہیں ہے تو پھر ان کے خلاف کاروائی کریں اور ہٹا دیں چیک اینڈ بیلنس نہیں رکھ سکتے تو ریزائن کریں کہ ہمارے بس کی بات نہیں،بلدیاتی نمائندوں کے پاس تو 30 فیصد فنڈ تھا،ان کو معطل کیا؟ ترقیاتی کام جس کے پاس ہے وہ تو ابھی کام کررہے ہیں ،قومی اسمبلی ممبرز پر تحفظات آئے تو آپ قومی اسمبلی کو بھی معطل کرینگے؟نگران حکومت بلدیاتی نمائندوں پر کنٹرول رکھ سکتی ہے،عدالت نے کہا کہ جو خلاف ورزی کرتے ہیں ان کے خلاف کارروائی کریں

مرد دوسری شادی کے بعد پہلی بیوی کو گھر سے نکال دیتا ہے،وزیراعظم

تاثر غلط ہے کہ ہراسمنٹ کا قانون صرف خواتین کے لیے ہے،کشمالہ طارق

عورت مارچ والی آنٹیاں ایسے نعرے کہیں اور لگا کر دکھائیں …تو کیا ہوگا ؟

باغی ٹی وی”عوام کو”عورت مارچ” کےفوائد نہیں بتاتا:ہمیں یہ منظورنہیں:”عورت مارچ "کی آرگنائزرکاموقف دینے سے انکار،

میرے ساتھ ایک عورت کی موجودگی میں اس کے خاوند نے جنسی زیادتی کی:وہی عورت اب عورت مارچ کی روح رواں

عورت مارچ کے لیے فنڈریزنگ شروع:حکومت مخالف قوتیں دل کھول کرفنڈدینے لگیں‌

پشاورہائیکورٹ میں پی ٹی آئی ممبران کی استعفوں کی منظوری کیخلاف درخواستوں پر سماعت ہوئی

بیرسٹر گوہر خان نے کہا کہ اسپیکر نے خود کہا کہ ایک ایک ممبر کو بلا کر ویری فکیشن کے بعد استعفے منظور کریں گے، 14 جنوری کے بعد حالات تبدیل ہوئے تو پی ٹی آئی نے دوبارہ اسمبلی جانے کا فیصلہ کیا، جسٹس ارشد علی نے وکیل سے سوال کیا کہ کیا ممبران نے استعفے واپس لینے کے لیے اسپیکر سے رابطہ کیا؟ بیرسٹر گوہر خان نے کہا کہ پارٹی چیئرمین نے میڈیا پر اعلان کیا کہ ہم اسمبلی واپس جارہے ہیں ،یہ کافی ہے، جسٹس ایس ایم عتیق شاہ نے وکیل سے مکالمہ کرتے ہوئے کہا کہ آپ پارلیمنٹ کے ساتھ کھیل رہے ہیں، استعفیٰ منظور ہوئے تو ٹھیک،ورنہ واپس جائیں گے، بیرسٹر گوہر خان نے کہا کہ اسلام آباد ہائیکورٹ نے ضمنی الیکشن ملتوی کیے، یہاں بھی ملتوی کیے جائیں،

ڈپٹی اٹارنی جنرل نے عدالت میں کہا کہ گیارہ ماہ میں واپس پارلیمنٹ نہیں گئے،استعفیٰ کے بعد اسپیکر سے رابطہ نہیں کیا ،جسٹس ایس ایم عتیق شاہ نے ریمارکس دیتے ہوئے کہا کہ کہا جارہا تھا ہمارا مقصد صرف حکومت پر پریشر ڈالنا تھا کہ وہ نئے انتخابات کرائے، ڈپٹی اٹارنی جنرل نے کہا کہ الیکشن ہونے جارہا ہے،انتظامات مکمل ہیں،درخواست گزار بھی امیدوار ہے، جسٹس ارشد علی نے ریمارکس دیئے کہ آپ اتنے دیر سے عدالت کیوں آئے ہیں؟ضمنی الیکشن تو قریب ہے،بیرسٹر گوہر نے کہا کہ تمام ممبران نے لاہور ہائیکورٹ سے رجوع کیا لیکن عدالت نے کہا کہ آپ وہاں جائیں،جسٹس ارشد علی نے استفسار کیا کہ الیکشن پر جو خرچ آرہا ہے کیوں نا ان ہی سے ہی وصول کیا جائے؟ وکیل الیکشن کمیشن نے کہا کہ پی ٹی آئی کے علاوہ باقی جماعتوں نے انتخابات سے بائیکاٹ کیا ہے،

پشاور:شوگر کے مریضوں کیلئے ادویات کی مفت فراہم کی جائیں گی،انسولین فار لائف پروگرام نے ادویات فراہمی کے لیے کمپنیوں سے معاہدہ کر لیا۔

باغی ٹی وی: صوبائی حکومت نے ایک ماہ میں ادویادت کی دستیابی یقینی بنانے کی ہدایت کر دی۔خیبرپختونخوا کے 24 اضلاع میں گزشتہ ایک ماہ سے مفت شوگر ادویات کا سلسلہ معطل تھا۔

شوگر کے مریضوں کے لیے ادویات کی مفت فراہمی کیلئے 36 کروڑ 30 لاکھ روپے جاری کردیے گئے خیبر پختونخوا میں فنڈز کی عدم دستیابی کیوجہ سے 24اضلاع میں شوگر کے مریضوں کو مفت ادویات نہیں مل رہی تھی۔

انسولین فار لائف پروگرام میں 58 ہزار سے زائد شوگر سے متاثرہ مریض رجسٹرڈ ہیں۔

یہ ہم ہیں جو کبھی بشری خود اپنے بھی نہیں تھے
نہ جانے کس طرح خود کو تمہارا کر لیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختونخواہ کی پہلی اردو، پشتو، ہندکو اور انگریزی کی آرٹسٹ

ترقی پسند اور عوام دوست ادیبہ ، شاعرہ مصنفہ اور کمپیئر

خیبر پختونخواہ کی پہلی صاحب کتاب نعت گو شاعرہ

تحریر: آغا نیاز مگسی

16فروری 1954ء میں پیداہونےوالی بشری صاحبہ کاشمار پاکستان کی صف اول کی ادیبہ، مصنفہ اورشاعرات میں ہوتا ہےوہ خیبر پختونخواہ کی پہلی اور واحد خاتون ہیں جنہیں بیک وقت ادیبہ،شاعرہ،مصنفہ، کمپیئر اور ریڈیو اور پی ٹی وی کے 2000 سے زائد پروگرام کرنے کا اعزاز حاصل ہے انہوں نے 100 سےزائد ایوارڈز حاصل کیے ہیں بشری صاحبہ نے 1979 میں پی ٹی وی کےسینیئرآفیسرفرخ سیر صاحب سے شادی کی جن سے انہیں 4 بیٹیاں پیدا ہوئیں۔

شادی کے 20 سال بعد ان کے شوہر کی وفات ہو گئی جس کی وجہ سے بچیوں کی تعلیم اور تربیت کی تمام تر ذمہ داریاں ان کے کاندھوں پر آ گئیں جو کہ انہوں نے بہتر طور پر نبھائیں۔ بشری فرخ صاحبہ نے اپنی شاعری کا پہلا شعر اپنے خاوند مرحوم کی قبر کے سرہانے کھڑے ہو کر لکھا جس کے بعد ان کی شاعری میں مسلسل روانی آتی گئی۔

بشری صاحبہ ایک ترقی پسند سوچ کی مالک ہیں وہ حکومت کی کارکردگی سے مطمئن نہیں عوام کی مشکلات اور مسائل پر انہیں بہت تشویش لاحق رہتی ہے۔ جنوری 2017 میں انہوں نے خواتین لکھاریوں کے لیے ” کاروان حوا لٹریری فورم” کا قیام عمل میں لایا جس سے خواتین لکھاریوں اور شاعرات کی صلاحیتوں کو اجاگر کرنے کے لیے بھرپور کردار ادا کیا جا رہا ہے۔

تصانیف اور ایوارڈز
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اک قیامت ہے لمحہ موجود (اردوشاعری) ، ادھوری محبت کا پوراسفر (اردوشاعری) ، بہت گہری اداسی ہے (اردوشاعری) ، محبتاں دے مزاج وکھرے (ہندکوشاعری) ، جدائی بھی ضروری ہے (اردوشاعری) ، خمینی کے ایران میں (سفرنامہ) ، ورفعنالک ذکرک (نعتیہ مجموعہ) ، مجھے آواز مت دینا (اردوشاعری) ، توکجا من کجا (نعتیہ مجموعہ)

بشریٰ فرخ کو ملنےوالے مختلف ایوارڈز کی تعداد ڈیڑھ سو سےزائد ہےچند قابل ذکر ایوارڈز یہ ہیں: سردارعبدالرب نشتر ایوارڈ (گولڈمیڈل) ، ہندکو ورلڈ کانفرنس ایوارڈ، بزم بہارادب سلور جوبلی ایوارڈ، سٹی ڈسٹرکٹ گورنمنٹ ایوارڈ، فروغ ادب ایوارڈ، روزن انٹرنیشنل لٹریری ایوارڈ، تانگ وسیب ایوارڈ، خیبرکالج آف کامرس شیلڈ، عظیم ویلفیر سوسائٹی ایوارڈ، پی ٹی وی ایوارڈ (بیسٹ پرفارمنس ایوارڈ)، اگفاایوارڈ، فرنٹیئر کلچرکلب ایوارڈ، فرنٹیئرآرٹس کونسل ایوارڈ، میر آرٹس سوسائٹی ایوارڈ، پاکستان آرٹسٹ اکویلیٹی ایوارڈ

بشری فرخ صاحبہ کی شاعری سے انتخاب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بدلاؤ کیسا شہر ستمگر میں آگیا
وہ صبح خیز شام کے منظر میں آگیا
ہر اک گزرنے والا کھلے در کو دیکھ کر
دستک دیے بغیر مرے گھر میں آگیا
دھندلا گیا تھا پھر مری یادوں کا آئینہ
اک اشک تھا جو آنکھ کے پتھر میں آگیا
احساسِ تشنگی کو مٹانے کے واسطے
جانے کہاں سے قطرہ سمندر میں آگیا
دل سے نکل چکا تھا مگر گھوم گھام کے
پھر درد تیرا یاد کے ساگر میں آگیا
خوش تھا وہ میرے درد کے بخیے ادھیڑ کر
آنسو کہاں سے چشمِ گل تر میں آگیا
خود اپنی ذات سے میرا رشتہ بحال تھا
جو عکس آئینہ ہوا ، پتھر میں آگیا
بجھنے کے میں قریب تھی بشریٰ کہ یک بیک
اک آفتاب اتر کے میرے گھر میں آگیا

غزل
۔۔۔۔۔۔۔۔۔
یہ ہفت آسماں بحروبر چار دن کا
یہ رشتے یہ ناطے یہ گھر چار دن کا
گھنی چھاؤں والا شجر چار دن کا
بنایا تھا پانی پہ گھر چار دن کا
یہ دنیائے فانی تو ہے آنی جانی
یہاں آدمی کا گزر چار دن کا
محبت کبھی راس آئی نہ ہم کو
کہ جو بھی ملا ہمسفر چار دن کا

غزل
۔۔۔۔۔۔۔۔۔
موافق نہیں دل کی آب و ہوا بھی
خوشی ہو کہ غم ،ہے اثر چار دن کا
یہ شہر ہنرور وہی ہے جہاں پر
ہنر ور کا دست ہنر چار دن کا
خرد یا جنوں ہو محبت یا نفرت
یہ سارا ہی ہے شور و شر چار دن کا
یہ جبہ و دستار عزت و شہرت
یہ جتنا بھی ہے کر و فر چار دن کا

غزل
۔۔۔۔۔۔۔۔
تمہارا غم خوشی کا استعارہ کر لیا ہے
گزارا ہی تو کرنا تھا،گزاراکر لیا ہے
سلگتے موسموں کو ابر پارہ کر لیا ہے
برا بر ہجر کا ہر گوشوارہ کر لیا ہے
بقدرِ ظرف بڑھا لی ہے استعداد دل نے
کسی کی بے وفائی کو گوارا کر لیا ہے
میں اپنے آپ میں یوں دفن ہوتی جا رہی ہوں
کہ کچھ مجروح جذبوں کا نظارہ کر لیا ہے
کسی بھی سانحے کو اب صدا دیتا نہیں یہ
دلِ شعلہ فشاں کو یوں شرارہ کر لیا ہے
نہ پوچھو ہم سے احوالِ دروں،کار جنوں میں
منافع ہونے والا تھا،خسارہ کر لیا ہے
جو کرب ذیست کی روداد چہرے پر ہے رقصاں
بتاتی ہے، محبت نے کنارا کر لیا ہے
تھی غیر آباد جانے کب سے خوابوں کی حویلی
اِک امکاں کو مکیں اس میں دوبارہ کر لیا ہے
یہ ہم ہیں ،جو کبھی بشریٰ خود اپنے بھی نہیں تھے
نہ جانے کس طرح خود کو تمہارا کر لیا ہے