Tag: پنجاب حکومت

لاہور ہائی کورٹ نے پی ٹی آئی کو مینارِ پاکستان پر جلسے کی اجازت کے معاملے پر پنجاب حکومت و دیگر سے جواب طلب کرلیا۔

باغی ٹی وی کے مطابق پاکستان تحریک انصاف کی 22 مارچ کو مینارِ پاکستان جلسے کی اجازت کے لیے تحریک انصاف کے نائب صدر اکمل خان باری کی درخواست پر سماعت لاہور ہائی کورٹ کے جسٹس فاروق حیدر نے کی۔سردار لطیف کھوسہ ایڈووکیٹ کی وساطت سے دائر کی گئی درخواست میں مؤقف اختیار کیا گیا ہے کہ پی ٹی آئی 22 مارچ کو قانون اور آئین کے مطابق جلسہ کرنا چاہتی ہے۔ یہ جلسہ منیار پاکستان پر کرنا چاہتے ہیں۔

درخواست میں کہا گیا کہ انہوں نے عدالت کے حکم پر جلسے کی اجازت کے لیے ہوم سیکرٹری پنجاب کو درخواست دی۔ ہوم سیکرٹری نے ابھی تک ان کی درخواست پر فیصلہ نہیں کیا۔ ان کو پرامن جلسے کی اجازت نہیں دی جا رہی۔درخواست میں استدعا کی گئی ہے کہ عدالت مینار پاکستان پر 22 مارچ کو جلسے کی اجازت دے۔بعد ازاں عدالت نے صوبائی حکومت، ہوم سیکرٹری، آئی جی پنجاب پولیس اور ڈی سی لاہور سے کل جواب طلب کرلیا۔

موبائل فونز کی درآمدات میں 13فیصد کمی

دریائے سندھ پر 6 نہریں نہیں بننے دیں گے،سعید غنی

جے یو آئی کے مرکزی رہنما حافظ حسین احمد انتقال کرگئے

لاہور: پنجاب حکومت نے سوشل میڈیا فراڈ، ہنی ٹریپ اور خواتین آن لائن ہراسگی سے سے خبردار کرنے کیلئے باضابطہ مہم جاری کر دی-

باغی ٹی وی :ترجمان محکمہ داخلہ پنجاب کے مطابق وزیراعلیٰ مریم نواز کی ہدایت پر محکمہ داخلہ نے عوامی فلاح کے لیے احسن اقدام کرتے ہوئے شہریوں کو دھوکے باز عناصر سے خبردار کرنے کے لیے آگاہی مہم شروع کردی، سوشل میڈیا کے ذریعے ہونے والے فراڈ سے بچاؤ کے لیے محکمہ داخلہ نے اہم ہدایات جاری کی ہیں، جس میں کہا گیا ہے کہ شہری سوشل میڈیا اور تمام ڈیجیٹل پلیٹ فار مز ذمے داری سے استعمال کریں ۔

ہدایات میں بتایا گیا ہے کہ واٹس ایپ سمیت دیگر سوشل میڈیا پلیٹ فارمز پر انجان لوگوں سے معلومات ہرگز شیئر نہ کریں انجان نمبرز سے آنے والی کالز اور میسجز پر کوئی رقم یا کوڈ نہ بھجوائیں، اسی طرح نان کسٹم پیڈ اشیا کی خریداری کے لیے کوڈ اور اکاؤنٹ نمبر بھی کسی سے شئیر نہ کریں ۔

اوچ شریف:موٹروے پر محفوظ سفر، وزیر اعلیٰ پنجاب کی ہدایت پر ریسکیو 1122 چوبیس گھنٹے الرٹ

ہدایات میں کہا گیا ہے کہ شہری کسی عزیز کے اغوا کی جھوٹی کال پر کوئی رقم نہ بھیجیں اور خواتین کی جانب سے دوستی کی کالز سے محتاط رہیں، آپ ہنی ٹریپ کا شکار ہوسکتے ہیں ، کسی انجان شخص کو اپنی دفتری، ذاتی یا خاندانی معلومات ہرگز نہ دیں، شہری انٹرنیٹ پر کوئی بھی مشکوک یا انجان لنک کھولنے سے گریز کریں ، کسی بھی مشکوک سرگرمی یا فراڈ کی اطلاع فوری طور پر ایمرجنسی 15 پر دیں ۔

اے آئی سے تیار بچوں کے جنسی استحصال کی تصاویر فروخت کرنیوالے درجنوں افراد گرفتار

لاہور:حکومت پنجاب نے دستاویزات میں دھوکہ دہی اور جعل سازی کو روکنے کے لیے نوٹریز کے معاملات کو وفاقی حکومت کے بعد خود بھی دیکھنے کا فیصلہ کیا ہے۔

باغی ٹی وی:پنجاب اسمبلی میں صدارتی آرڈیننس کو باضابطہ قانون کی شکل دینے کے لیے ایک بل پیش کر دیا گیا ہے، جس کے تحت نوٹریز کی نگرانی سیکرٹری ہوم ڈیپارٹمنٹ یا ان کے مقرر کردہ افسران کریں گے بغیر لائسنس کے نوٹری کا کام کرنے والے افراد پر ایک سےپانچ لاکھ روپے تک کا جرمانہ عائد کیا جا سکتا ہے، نوٹریز کو تین سال کے لیے مقرر کیا جائے گا اور غیر تسلی بخش کارکردگی کی صورت میں انہیں ہٹایا جا سکے گا۔

بل کے مطابق نوٹری کا بنیادی کام دستخطوں، دستاویزات کی کاپی اور اقرار ناموں کی تصدیق کے ساتھ ساتھ بین الاقوامی کاغذات کی توثیق بھی شامل ہےعام طور پر نوٹری کی خدمات بینک، عدالت اور دیگر قانونی معاملات میں استعمال کی جاتی ہیں، اس ترمیم کا مقصد نوٹریز کے کام کو مزید شفاف، مؤثر اور منظم بنانا ہے۔

ذرائع کےمطابق نوٹریز کا نظام 1961 کے صدارتی آرڈیننس کے تحت وفاق کے پاس تھا تاہم اس میں صوبائی ضروریات کو پورا کرنے میں مشکلات پیش آ رہی تھیں، پنجاب میں نوٹریز کی خدمات کے حوالے سے بل کو متعلقہ کمیٹی کے سپرد کر دیا گیا ہے اور کمیٹی دو ماہ میں اپنی رپورٹ پیش کرے گی۔

لاہور: پنجاب حکومت نے صوبے میں مریم نواز کمیونٹی ہیلتھ سروسز متعارف کرانے کا فیصلہ کیا ہے۔

باغی ٹی وی : وزیر اعلیٰ پنجاب مریم نواز کی زیر صدارت اجلاس صوبے میں صحت کی سہولیات سے متعلق امور کا جائزہ لیا گیااجلاس میں پنجاب میں مریم نواز کمیونٹی ہیلتھ سروسز متعارف کرانے کا فیصلہ کیا گیا، مریم نواز کمیونٹی ہیلتھ سروسز شعبہ صحت کے 19 اہم ٹاسک پورےکرے گی۔

پنجاب میں آؤٹ سروسنگ کے ذریعے 20 ہزار ہیلتھ انسپکٹرز کی خدمات حاصل کی جائیں گی، لیڈی ہیلتھ ورکرز پروگرام کو بھی مریم نواز کمیونٹی ہیلتھ سروسز سے منسلک کر دیا جائے گا جس کے تحت 39 ہزار لیڈی ہیلتھ ورکرز مریم نواز کمیونٹی ہیلتھ سروسز فورس کا حصہ ہوں گی۔

صدر مملکت اور وزیراعظم کے درمیان ملاقات متوقع

کمیونٹی ہیلتھ سروسز کی ورک فورس تقریباً 60 ہزار سے زائد افراد پر مشتمل ہوگی، مریم نواز کمیونٹی ہیلتھ سروسز پولیو سمیت دیگر ویکسی نیشن کی ذمہ دار ہوگی، کمیونٹی ہیلتھ سروسز کے ذریعے مریضوں کا مستند ریکارڈ مرتب کیا جائےگا۔

اجلاس کو بتایا گیا کہ 93 فیصد مریض ہیلتھ سروسز سے متعلق اصلاحات سے مطمئن ہیں، مریم نواز کمیونٹی ہیلتھ سروسز سے میپنگ کا ٹاسک بھی پورا کیا جائےگا جبکہ وزیر اعلیٰ پنجاب مریم نوازنےکمیونٹی ہیلتھ سروسز سے متعلق جامع پلان طلب کرتے ہوئے کمیونٹی ہیلتھ سروسز کو فعال کرنے کے لیے فوری اقدامات کا حکم دے دیا۔

صدر مملکت اور وزیراعظم کا اسکاؤٹس کے عالمی دن کے موقع پر پیغام

پنجاب میں بڑھتی ہوئی سمگلنگ اور دہشتگردی کے واقعات کے پیش نظر صوبائی حکومت نے خیبرپختونخوا اور بلوچستان کے بارڈر ایریا پر سکیورٹی سخت کرنے کا فیصلہ کیا ہے۔

باغی ٹی وی کے مطابق جاری دستاویز میں کہا گیا کہ 50 کروڑ کی لاگت سے ٹرائی بارڈر ایریا کیلئے لاجسٹک، گاڑیاں اور اسلحہ خریدا جائے گا، اس کے علاوہ چیک پوسٹس کی اپ گریڈیشن پر 52 کروڑ 71 لاکھ کے اخراجات کئے جا رہے ہیں۔دستاویز کے مطابق اس حوالے سے پنجاب بارڈر ملٹری پولیس اور بلوچ لیویز سروسز رولز میں تبدیلی کا فیصلہ کیا گیا ہے، ابتدائی مرحلے میں سکیورٹی کی بہتری کیلئے 50 فیصد خالی آسامیوں پر بھرتیاں ہوں گی، بھرتیوں کی حد عمر میں 5 سال کا اضافہ کیا گیا ہے۔جوائنٹ چیک پوسٹ پر بارڈر ملٹری پولیس، بلوچ لیویز اور کسٹمز کی ٹیمیں دہشتگردی اور سمگلنگ کو روکیں گی۔دستاویز کے مطابق بارڈر ملٹری پولیس اور بلوچ لیویز کی ڈی جی خان اور راجن پور میں آخری بار 1998 میں بھرتیاں کی گئی تھیں۔

جاسوسی سرگرمیاں، بھارت کے عرب ممالک کے ساتھ تعلقات کشیدہ

اہلسنت و الجماعت کا بھی کراچی میں دھرنوں کا اعلان

دبئی: 461 ملین درہم کی منی لانڈرنگ کرنے والا گروہ گرفتار

گداگری کیلئے سعودیہ جانے کی کوشش، 2 غیر مسلم خواتین گرفتار

ملتان کے نشتر ہسپتال میں ایڈز پھیلنے کے واقعے کی انکوائری کے بعد وزیراعلیٰ پنجاب نے غفلت برتنے پر وی سی نشتر میڈیکل یونیورسٹی، مناز خاکوانی کو استعفیٰ دینے کی ہدایت کی تھی۔

باغی ٹی وی کے مطابق نشتر میڈیکل یونیورسٹی کی فیکلٹی نے وی سی کے خلاف کارروائی کو انتقامی قرار دیتے ہوئے اپنے استعفے سیکرٹری ہیلتھ پنجاب کو جمع کروا دیے۔نشتر میڈیکل یونیورسٹی کی فیکلٹی ممبران نے ایک مشترکہ بیان میں کہا کہ وہ حالیہ واقعات پر گہرے تحفظات رکھتے ہیں، جن میں اعلیٰ حکام کی جانب سے فیکلٹی اور وائس چانسلر کے ساتھ نامناسب رویہ اپنایا گیا۔فیکلٹی ممبران نے افسوس کا اظہار کرتے ہوئے کہا کہ وہ اپنے متعلقہ عہدوں سے اجتماعی طور پر استعفیٰ دے رہے ہیں۔نشتر میڈیکل یونیورسٹی و ہسپتال کے قریب 31 فیکلٹی ممبران نے اپنے استعفے سیکرٹری ہیلتھ پنجاب کو ارسال کر دیے ہیں، جس سے ہسپتال کی انتظامیہ اور حکومت کے درمیان کشیدگی میں اضافہ ہوگیا ہے۔فیکلٹی کا موقف ہے کہ ان کے ساتھ ہونے والی زیادتی اور فیصلوں میں ان کی مشاورت نہ ہونے کی وجہ سے وہ یہ قدم اٹھانے پر مجبور ہوئے ہیں۔

خیبرپختونخوا، اسکولوں میں موسم سرما کی چھٹیوں میں توسیع

مراد علی شاہ کا غیر ملکی سیاحوں سے لوٹ مار کا نوٹس

ایکنک کمیٹی کی 217 ارب کےترقیاتی منصوبوں کی منظورری

دھرنے ختم، ورنہ قاانونی کاروائی کریں گے، کراچی پولیس چیف

لاہور:وزیر اطلاعات پنجاب عظمیٰ بخاری نے انگریزی اخبار میں شائع ہونے والے آرٹیکل میں حکومت پنجاب کی یو اے ای کے فنڈز میں سرمایہ کاری کی خبر کو سراسر غلط قرار دیتے ہوئے کہا کہ حکومت پنجاب نے کسی بھی یو اے ای کے فنڈ میں سرمایہ کاری نہیں کی-

باغی ٹی وی :وزیر اطلاعات پنجاب عظمیٰ بخاری نے کہا کہ اس موضوع پر حکومت پنجاب کے عہدیداروں کے ساتھ آئی ایم ایف کے اجلاس میں کبھی بات بھی نہیں ہوئی مذکورہ آرٹیکل میں آئی ایم ایف کے بارے میں غلط تاثر دیا گیا ہے کہ وہ پنجاب کے پہلے سہ ماہی کے خسارے پر پریشانی کا شکار ہے جبکہ آئی ایم ایف نے تسلیم کیا ہے پنجاب حکومت کا پہلی سہ ماہی کے اختتام پر تقریباً 40 ارب روپے کا سرپلس تھا جس کے بعد وفاقی وزارت خزانہ نے اپنے اعداد و شمار درست کیے۔

عظمیٰ بخاری نے کہا کہ پنجاب حکومت کے سرپلس کو ظاہر کرنے والے نظر ثانی شدہ مالیاتی آپریشنز بھی اَپ لوڈ کیے آرٹیکل میں یہ بھی غلط رپورٹ کیا گیا ہے کہ پنجاب اپنے 150 ارب روپے کے سرپلس ہدف سے پہلے سہ ماہی کے اختتام پر پیچھے ہے جبکہ حقیقت یہ ہے کہ قومی مالیاتی معاہدے میں پنجاب کے لیے سہ ماہی سرپلس کے اہداف نہیں ہیں۔

وزیر اطلاعات نے کہا کہ آئی ایم ایف نے تسلیم کیا پنجاب اپنے متعین سرپلس کو مالی سال کے آخر تک حاصل کرنے کے لیے صحیح راستے پر گامزن ہے، پنجاب حکومت انگریزی اخبار کی غلط رپورٹنگ پر افسوس کا اظہار کرتی ہے، یہ رپورٹنگ صحافتی معیار اور صحافتی اصولوں کے خلاف ہے۔