Tag: پنجاب

لاہور: وزیراعلیٰ پنجاب مریم نواز شریف نے لاہور میں "آسان کاروبار فنانس” اور "آسان کاروبار کارڈ” پروگرام کی افتتاحی تقریب سے خطاب کرتے ہوئے کہا کہ یہ اقدام پنجاب حکومت کی جانب سے ایک اور انقلابی قدم ہے جو چھوٹے اور درمیانے درجے کے کاروباروں کو فروغ دینے کے لیے اٹھایا گیا ہے۔

مریم نواز نے کہا کہ "آسان کاروبار پروگرام” کے تحت کاروباری افراد کو تین کروڑ روپے تک بلاسود قرضہ فراہم کیا جائے گا۔ اس پروگرام کا مقصد کاروباروں کی مالی حالت کو مستحکم کرنا اور انہیں مزید ترقی کی راہوں پر گامزن کرنا ہے۔وزیراعلیٰ نے اس بات کا بھی ذکر کیا کہ وزیراعظم شہباز شریف کی قیادت میں ملک کو ڈیفالٹ سے بچایا گیا ہے اور ماضی میں نواز شریف کے دور حکومت میں معیشت کی ترقی اور دہشت گردی کے خاتمے کے حوالے سے اہم کامیابیاں حاصل کی گئیں۔ تاہم، 2018 کے بعد معیشت کو تباہی کا سامنا کرنا پڑا، لیکن اب معیشت دوبارہ بہتری کی جانب گامزن ہوچکی ہے۔

مریم نواز نے کہا کہ "مہنگائی میں نمایاں کمی آئی ہے اور زرمبادلہ کے ذخائر میں اضافہ ہو رہا ہے۔ ایک مضبوط معیشت کے ثمرات اب عوام تک پہنچنا شروع ہو گئے ہیں۔” انہوں نے مزید کہا کہ "صنعتوں اور کاروباروں کے فروغ کے بغیر معاشی ترقی ممکن نہیں ہے۔”وزیراعلیٰ پنجاب نے اس موقع پر یقین دلایا کہ حکومت چھوٹے و درمیانے درجے کے کاروباروں کے لیے مزید سہولتیں فراہم کرے گی۔ اس ضمن میں، بینک آف پنجاب کے ذریعے قرضے دیے جائیں گے اور قرض فراہم کرنے کے بعد کاروباروں کی رہنمائی بھی کی جائے گی۔مریم نواز نے کہا کہ "صنعت یا کارخانہ لگانے کے لیے رعایتی نرخوں پر زمین بھی فراہم کی جائے گی اور برآمدات پر مبنی کاروبار کے لیے اضافی سہولتیں دی جائیں گی۔”

اس پروگرام کی مدد سے چھوٹے کاروباروں کو نہ صرف مالی مدد ملے گی بلکہ انہیں حکومتی معاونت بھی فراہم کی جائے گی تاکہ وہ اپنے کاروبار کو مزید بڑھا سکیں اور ملکی معیشت میں اپنا حصہ ڈال سکیں۔

زخمی سیف علی خان کو بیٹے نے رکشے میں ہسپتال منتقل کیا

مذاکرات،پی ٹی آئی کے تحریری مطالبات کمیٹی میں پیش

اٹک: پنجاب میں اربوں روپے کے سونے کے ذخائر دریافت ہونے کا معاملہ، پنجاب حکومت نے اٹک کے مقام پر سونے کی ذخائر کی موجودگی تصدیق کردی-

باغی ٹی وی: سابق صوبائی وزیرابراہیم حسن مراد نے اٹک میں سونے کے ذخائر کی موجودگی کا دعوی کیا تھا، وزیرمعدنیات شیر علی گورشانی نے ذخائر کی تصدیق کردی، کل وزیراعلی پنجاب مریم نواز کو سونے کے ذخائر سے متعلق بریفنگ دی جائے گی، سونے کے ذخائر نکالنے کے لیے پنجاب حکومت نے بین الاقوامی سطح پر نیلامی کرانے کا فیصلہ کیا ہے-

دریائے کابل اور دریائے سندھ کے ملنے کے مقام پرحالیہ سروے میں سونے کی تصدیق ہوئی سونے کے ذخائر کے تصدیق کرنے میں موجود پنجاب حکومت کو ایک سال لگا جیولوجیکل سروے آف پاکستان کے بعد نیسپاک کی جانب سے بھی سونے کی موجودگی چیک کرائی گئی، ہر طرح سے تصدیق کے بعد پنجاب حکومت کی اعلی سطحی کمیٹی کل وزیراعلی کو ملے گی-

دوسری جانب اس حوالے سے وزیر اطلاعات پنجاب عظمیٰ بخاری نے کہا ہے کہ سونے کے کان کی تصدیق ہوچکی ہے ایک ماہ میں خوشخبری بھی دیں گے۔

پاکستان کی اصل یوتھ پنجاب کی ترقی چاہتی ہے،عظمیٰ بخاری

پنجاب:جنگلی جانوروں پر تشدد، قبضہ اور دیگر جرائم پر کارروائی کیلئے عدالتیں قائم کرنے کا فیصلہ

چیف جسٹس کی سپریم کورٹ بار ایسوسی ایشن کے عہدیداران سے ملاقات

وزیر اعلیٰ پنجاب مریم نواز شریف نے مستحق اور نادار افراد کو تین مرلے کا مفت پلاٹ دینے کے لیے ایک نئی سکیم متعارف کرانے کا اعلان کیا ہے۔ ان کا کہنا تھا کہ یہ سکیم ایک سال کے اندر عمل میں لائی جائے گی جس کے تحت ہزاروں افراد کو تین مرلے کا پلاٹ فراہم کیا جائے گا۔ مریم نواز شریف نے اس سکیم کا مقصد غریب اور مستحق افراد کو اپنے گھر کا خواب حقیقت میں تبدیل کرنے میں مدد فراہم کرنا بتایا۔

وزیر اعلیٰ مریم نواز شریف نے آج کالا شاہ کاکو کا دورہ کیا اور وہاں زہرہ ہومز / مسکن راوی کے منصوبے کا افتتاح کیا۔ اس دوران انہوں نے 100 خاندانوں کو گھروں کے الاٹمنٹ لیٹرز اور چابیاں فراہم کیں۔ مریم نواز شریف نے اس موقع پر اس بات کا اعادہ کیا کہ زہرہ ہومز / مسکن راوی میں تمام کام میرٹ اور شفافیت کی بنیاد پر کیے گئے ہیں۔انہوں نے کہا کہ "زہرہ ہومز مسکن راوی کو صرف ڈھائی ماہ کی قلیل مدت میں مکمل کیا گیا ہے، اور ہم اس بات کو یقینی بناتے ہیں کہ مستحق اور حقدار افراد کو ان کا حق ملے۔”

زہرہ ہومز میں ہر گھر 400 مربع فٹ پر محیط ہے جس میں دو بیڈروم، ایک باورچی خانہ، ایک باتھ روم اور ایک صحن شامل ہے۔ اس منصوبے میں جدید ترین ای پی ایس سمارٹ پینل ٹیکنالوجی استعمال کی گئی ہے جس کی بدولت یہ گھروں میں زلزلے سے تحفظ، توانائی کی بچت اور ماحولیاتی پائیداری کی سہولتیں فراہم کی گئی ہیں۔ مزید برآں، ہر گھر میں 5 کلو واٹ کا سولر سسٹم نصب کیا گیا ہے تاکہ بجلی کی ضروریات کو پورا کیا جا سکے۔کمیونٹی میں صحت کی سہولتوں کے لیے ایک ڈسپنسری، کھیل کا میدان، سکول اور آر او پلانٹ بھی نصب کیے گئے ہیں تاکہ صاف پانی کی فراہمی یقینی بنائی جا سکے۔

وزیر اعلیٰ مریم نواز شریف نے اس موقع پر کہا کہ "پنجاب میں 22 لاکھ خاندانوں کے پاس اپنا گھر نہیں ہے، اور ان شاء اللہ ہم ایک سال کے اندر ایک لاکھ خاندانوں کو گھر فراہم کریں گے۔” انہوں نے مزید کہا کہ "ہم حکومت کی جانب سے مستحق افراد کو سہولتیں فراہم کرنے کے لیے مختلف سکیمیں لا رہے ہیں، جن میں سے ایک تین مرلے کا پلاٹ دینے کی سکیم ہے جو بہت جلد عمل میں لائی جائے گی۔”وزیر اعلیٰ نے اس بات کا بھی ذکر کیا کہ "ہزاروں مستحق افراد کو مختلف سکیموں سے فائدہ پہنچایا جا رہا ہے، جن میں کسان کارڈز، فارمرز کو قرضوں کی فراہمی اور ہسپتالوں میں مفت ادویات شامل ہیں۔” انہوں نے اس عزم کا اعادہ کیا کہ "محمد نواز شریف کے ویژن کو حقیقت بنانے کے لیے تمام وسائل بروئے کار لائے جا رہے ہیں۔”

وزیر اعلیٰ نے بتایا کہ پنجاب کے مختلف اضلاع میں نئے ترقیاتی منصوبے شروع کیے جا رہے ہیں، جن میں 400 نئی سڑکوں کی تعمیر، 25 الیکٹرک بسوں کی فراہمی اور نئے روٹس پر بسوں کی آمد شامل ہے۔ ان منصوبوں کا مقصد صوبے کے عوام کو بہتر سفری سہولتیں فراہم کرنا ہے۔وزیر اعلیٰ مریم نواز شریف نے اعلان کیا کہ وہ جلد بہاولپور یونیورسٹی جائیں گی، جہاں وہ 3011 طلباء کو 17 کروڑ 72 لاکھ روپے کے سکالرشپ دیں گی۔ یہ سکالرشپ نوجوانوں کی تعلیمی حوصلہ افزائی کے لیے فراہم کی جائیں گی۔وزیر اعلیٰ پنجاب مریم نواز شریف کے ان اقدامات سے ظاہر ہوتا ہے کہ ان کی حکومت پنجاب کے عوام کی فلاح و بہبود کے لیے بھرپور کوششیں کر رہی ہے۔

پنجاب میں صحت کے شعبے میں ایک نیا انقلاب آ رہا ہے، وزیر اعلی مریم نواز شریف کی ہدایت پر محکمہ صحت نے صوبے میں آئندہ چار سال کے ترقیاتی منصوبے کا لائحہ عمل پیش کر دیا ہے۔ اس منصوبے میں دل، جگر اور جل جانے والے مریضوں کے علاج کے لیے جدید طبی سہولتوں کا ایک نیٹ ورک قائم کیا جائے گا، جس سے پورے صوبے میں معیاری علاج کی سہولتیں فراہم کی جائیں گی۔وزیر مریم اورنگزیب کی صدارت میں پنجاب میں سالانہ ترقیاتی پروگرام (اے ڈی پی) کا پانچواں جائزہ اجلاس ہوا، جس میں صحت کی فراہمی کے بنیادی اور ثانوی نظام، پاپولیشن ویلفیئر، اعلی تعلیم اور ریسکیو 1122 کی کارکردگی کا جائزہ لیا گیا۔ اجلاس میں ترقی اور منصوبہ بندی کے چیئرمین نبیل احمد اعوان، سیکرٹری آصف طفیل اور متعلقہ محکموں کے سیکرٹریوں نے شرکت کی۔

اہم فیصلے اور اقدامات:
لاہور میں موروثی اور خون کی بیماریوں کے علاج کے لیے ایک ادارہ قائم کرنے کا فیصلہ۔
محکمہ صحت کو فنڈز کی بروقت فراہمی اور منصوبہ بندی پر وزیر مریم اورنگزیب نے شاباش دی۔
‘کلینک آن ویلز’ کے فلیگ شپ پروگرام کو تیز کرنے کی ہدایت۔
بچوں کی نشوونما کی کمی (سٹینٹنگ گروتھ) روکنے کے لیے فولک ایسڈ اور وائرن کی فراہمی جاری رہے گی۔
سٹینٹڈ گروتھ اور ذیابیطس کی سکریننگ کے لیے مشینوں کی فراہمی۔
میڈیکل سٹیز اور یونیورسٹی کمپلیکسز کا قیام۔
وزیراعلی نے ہسپتالوں میں مشینوں کی مسلسل فعالیت کو یقینی بنانے کی ہدایت دی۔
3000 نرسوں کی بھرتی کا عمل مکمل کیا جائے گا۔
ضلعی اور تحصیل سطح پر ہسپتالوں کی اپگریڈیشن کی رفتار بڑھانے کی ہدایت۔

دیگر اہم اقدامات:
بہاولپور میں 200 بستروں کا ماں اور بچے کا ہسپتال اور میانوالی میں 100 بستروں کا ہسپتال قائم کرنے کی منصوبہ بندی۔
پتوکی اور قصور میں ٹی ایچ کیو میں 20 بیڈز پر مشتمل ٹراما سینٹر کی تعمیر۔
لاہور، سرگودھا، فیصل آباد اور ساہیوال میں کینسر ہسپتال بنائے جا رہے ہیں۔
1610 آئی سی یو بیڈز کی تعداد میں اضافہ کیا جائے گا۔
وزیراعلی کے منصوبوں کے تحت 13831 ملین روپے کے فنڈز کے ساتھ بنیادی ہیلتھ یونٹس اور رورل ہیلتھ سینٹرز کی تجدید کا عمل جون تک مکمل کیا جائے گا۔
ایمرجنسی سروسز کی بہتری کے لیے ریسکیو 1122 کے مزید سٹیشنز بنائے جائیں گے۔

تعلیمی شعبے میں اقدامات:
ہائیئر ایجوکیشن کی 100 سکیموں میں سے 81 جاری اور 19 نئی سکیموں پر کام کیا جا رہا ہے۔
گوجرانوالہ یونیورسٹی کے قیام کے لیے 400 ملین مزید فنڈز فراہم کیے جائیں گے۔
وزیر اعلی مریم نواز شریف نے کہا کہ حکومت عوام کے خادم ہیں اور اس پر کوئی رعایت نہیں دی جائے گی۔ ان کا کہنا تھا کہ ان کی خواہش ہے کہ عام آدمی کی زندگی میں آسانی آئے اور تمام محکموں کی کارکردگی کو تسلی بخش بنانے کے لیے بار بار جائزہ لیا جائے گا۔

ملک ریاض کا دبئی میں بحریہ ٹاؤن کے ہیڈ آفس کا افتتاح

بلوچستان میں اغوا برائے تاوان کی وارداتیں بڑھ گئیں

مریم نواز کی جعلی تصویر وائرل کرنے والا گرفتار

لاہور: پنجاب حکومت نے رواں سال بھی گندم نہ خریدنے کا فیصلہ کیا ہے-

باغی ٹی وی : تفصیلات کے مطابق پنجاب حکومت نے گزشتہ سال کی طرح رواں سال بھی کاشت کاروں سے گندم نہ خریدنے کا فیصلہ کیا ہے، اس حوالے سے گندم کی امدادی قیمت جاری نہ کرنے کی حکمت عملی تیار کی ہے۔

پنجاب حکومت نے ایک بار پھر گندم خریدنے سے انکار کردیا اور فصلوں کی امدادی قیمت دینا بھی بند کردی، جس سے کسانوں میں تشویش کی لہر دوڑ گئی، پہلے سے گوداموں میں موجود گندم کو اب طویل عرصے کے بعد فلور ملز کو جاری کرنا شروع کیا ہے۔

حکومتی فیصلے پر گندم کے کاشتکاروں نے سر پکڑ لیے، ان کا کہنا ہے کہ گزشتہ سال کا اسٹاک اب تک گوداموں میں ہے، نئی فصل کی بویائی ہوچکی، خریداری نہ ہوئی تو کیا ہوگا؟محکمہ خوراک پںجاب اور وفاقی حکومت محکمہ پاسکو کو بند کرنے کا فیصلہ کرچکی ہے، حکام کے مطابق فیصلہ محکمے میں کرپشن کے باعث کیا گیا-

دوسری جانب کسان اتحاد کے رہنما خالد باٹھ کا کہنا ہے کہ اگر حکومت نے کسانوں سے گندم نہ خریدی تو کسان تباہ و برباد ہوجائیں گے۔

لاہور: وزیر اعلیٰ پنجاب مریم نواز شریف نے ہیلتھ کلینک کا افتتاح کر دیا۔

باغی ٹی وی: وزیر اعلیٰ پنجاب مریم نواز نے ہیلتھ کلینک کی افتتاحی تقریب سے خطاب کرتے ہوئے کہا کہ ہر روز ایک نیا چیلنج ہوتا ہے چیلنجز بہت زیادہ ہیں اور ہم عوامی کی خدمت پر یقین رکھتے ہیں پچھلے دور حکومت میں لوگوں کو مفت ادویات بند کر دی گئی تھیں لیکن ہم نے شہباز شریف کی روایت کو دوبارہ زندہ کیا میں خود مریضوں سے پوچھتی ہوں کہ دوائیاں فری مل رہی ہیں یا نہیں۔

مریم نواز نے کہا کہ پیرا میڈیکل اسٹاف کی زندگی میں خدمت کے علاوہ کوئی کام نہیں لیکن ہم سب اپنا کوئی کام خدمت اور فرض سمجھ کر نہیں کرتے بلکہ وقت گزار کر چلے جاتے ہیں ہم مریضوں کو اسپتالوں میں 90 فیصد مفت ادویات دے رہے ہیں یہاں پر دو ڈھائی کروڑ کی انسولین چوری ہوئی اور اسپتالوں میں مریضوں کو انٹری کے لیے بھی فیس ادا کرنا پڑتی تھی میں سوچ بھی نہیں سکتی تھی کہ یہ مسائل بھی یہاں پر ہیں۔

وفاقی وزارتوں نے معلومات تک رسائی کے قانون پر عملدرآمد نہیں کیا، فافن رپورٹ

وزیر اعلیٰ پنجاب نے کہا کہ لاہور کے 3 اسپتالوں میں اپنے آفیسرز لگائے اور ان اسپتالوں میں اپنے آفیسرز کو اپنی آنکھ اور کام بنا کر بھیجا ہے اسپتالوں میں ہیلپ ڈیسک کے علاوہ وزیر اعلیٰ کمپلین ڈیسک بھی قائم کر رہے ہیں اگر کسی کو شکایت ہے تو وہ فوری رپورٹ کر سکے گا۔

انہوں نے کہا کہ مسائل شدید ہیں لیکن راتوں رات تبدیلی نہیں آتی تاہم کوششیں کر رہے ہیں موبائل اسپتالوں میں 70 لاکھ سے زائد افراد کا علاج کیا جا چکا ہے یہ موبائل اسپتال دیہی علاقوں میں مختلف اقسام کے ٹیسٹ بھی کرتے ہیں کلینک آن ویل گلی محلوں میں جا کر مریضوں کا علاج کر رہے ہیں۔

دسمبر 2024 کیلئے پلیئر آف دی منتھ کی نامزدگیوں کا اعلان

مریم نواز نے کہا کہ ہم نے چین کا اسٹڈی ٹور کیا کینسر کے علاج کے لیے جدید ٹیکنالوجی کو پاکستان لانا ہے جبکہ لاہور میں کارڈیالوجی کا نیا اسپتال بن رہا ہے اور لاہور کارڈیالوجی میں دنیا کی بہترین مشینری لا رہے ہیں پاکستان کے پہلے پبلک سیکٹر کینسر اسپتال کی تعمیر تیزی سے جاری ہے اور چند ماہ قبل نواز شریف انسٹی ٹیوٹ آف کارڈیالوجی کی تعمیر کا آغاز ہوا اور اب نواز شریف انسٹی ٹیوٹ آف کارڈیالو جی کی چوتھی منزل بنائی جا رہی ہے۔

گووندا اور اہلیہ سنیتاعلیحدہ گھروں میں کیوں رہتے ہیں؟دلچسپ انکشاف

وزیر اعلیٰ پنجاب نے کہا کہ اس ماہ ساڑھے 12 ہزار بنیادی صحت مراکز (بی ایچ یوز) کو ری ویمپ کر دیں گے اور 904 بی ایچ یوز کو بہترین اسٹینڈرڈ پر ری ویمپ کیا ہے آپ کو اسپتالوں میں جا کر ایسا لگے گا کہ کسی ترقی یافتہ ملک کے اسپتال میں آ گئے ہیں ہر محلے اور گاؤں میں بی ایچ یوز موجود ہیں اور ہم ہر بی ایچ یوز کو منی اسپتال بنانے میں کامیاب ہوں گے دنیا کے جی بی ماڈل پر 2 ہزار 5 سو بی ایچ یوز کو ری ماڈل کر رہے ہیں جبکہ پنجاب کے بی ایچ یوز کو آؤٹ سورس کرنے کا فیصلہ کیا ہے کوشش کریں گے کہ بی ایچ یوز میں تمام بنیادی سہولیات موجود ہوں۔

لاہور میں فضائی آلودگی کے خاتمے کیلئے جدید طریقہ لاگو کرنے کا فیصلہ

وزیر اعلیٰ پنجاب مریم نواز شریف نے سعودی عرب کے صوبہ حفر الباطن کے سابق گورنر شہزادہ منصور بن مشعل آل سعود سے ملاقات کی۔ اس ملاقات میں دونوں رہنماؤں نے دو طرفہ تعلقات، باہمی تعاون اور مختلف شعبوں میں پیش رفت پر تفصیلی تبادلہ خیال کیا۔

ملاقات کے دوران وزیر اعلیٰ مریم نواز شریف نے سعودی عرب کے سرمایہ کاروں کو پاکستان خصوصاً پنجاب میں مختلف شعبوں میں سرمایہ کاری کی دعوت دی۔ انہوں نے کہا کہ پنجاب حکومت نے انفراسٹرکچر، صحت، تعلیم، اور مذہبی سیاحت کے شعبوں میں سعودی عرب کے سرمایہ کاروں کو خصوصی مراعات فراہم کرنے کی تیاریاں کی ہیں۔مریم نواز شریف نے مزید کہا کہ پنجاب میں کاروباری ماحول کو بہتر بنانے کے لیے سیکیورٹی اور میرٹ کی بنیاد پر سرمایہ کاری کو فروغ دیا جا رہا ہے۔ انہوں نے سعودی سرمایہ کاروں کو پنجاب میں خصوصی پیکج دینے کی پیشکش بھی کی، تاکہ سعودی عرب کے سرمایہ کار آسانی سے یہاں اپنے کاروبار کا آغاز کر سکیں۔

مریم نواز شریف نے سعودی عرب کے پاکستان کے لیے ہمیشہ برادرانہ تعاون کو سراہا اور کہا کہ سعودی عرب پاکستان کا بڑا بھائی ہے اور دونوں ممالک کے عوام کے دل یکساں دھڑکتے ہیں۔ وزیر اعلیٰ نے کہا کہ سعودی عرب کی جانب سے ہمیشہ پاکستان کو تعاون فراہم کیا گیا ہے اور یہ دوطرفہ تعلقات خطے کے استحکام اور ترقی کے لیے نہایت اہم ہیں۔

شہزادہ منصور بن مشعل آل سعود نے اس ملاقات میں پاکستان اور سعودی عرب کے تعلقات کو مضبوط بنانے کے عزم کا اعادہ کیا۔ انہوں نے کہا کہ سعودی عرب ہمیشہ پاکستان کے ساتھ کھڑا رہے گا اور دونوں ممالک کے عوام کے درمیان برادرانہ تعلقات کو مزید مستحکم کرنے کے لیے ہر ممکن اقدامات کیے جائیں گے۔شہزادہ منصور نے کہا کہ سعودی عرب پاکستان کے ساتھ اپنے تعلقات کو ہر سطح پر مزید مستحکم کرنے کے لیے تیار ہے اور سعودی عرب کی حکومت پنجاب سمیت پورے پاکستان میں سرمایہ کاری بڑھانے کی مکمل حمایت کرتی ہے۔

مریم نواز شریف اور شہزادہ منصور کی ملاقات نے دونوں ممالک کے درمیان اقتصادی اور تجارتی تعلقات کو مزید مستحکم کرنے کے امکانات کو مزید روشن کیا۔ سعودی سرمایہ کاروں کے لیے پاکستان میں مختلف شعبوں میں سرمایہ کاری کے دروازے کھولنا دونوں ملکوں کے عوام کے درمیان اقتصادی ترقی کو فروغ دینے کے لیے اہم قدم ثابت ہو گا۔اس ملاقات کے نتیجے میں یہ واضح ہوا کہ پاکستان اور سعودی عرب کے تعلقات نہ صرف سیاسی اور سفارتی سطح پر بلکہ تجارتی اور اقتصادی شعبوں میں بھی مسلسل مضبوط ہو رہے ہیں۔

قتل کا بدلہ؟ تھانے میں گھس کر فائرنگ،پولیس سوتی رہی،3 افراد قتل

حماس کی 34 یرغمالیوں کی رہائی پر رضامندی

صوبائی وزیر اطلاعات پنجاب عظمیٰ بخاری نے کہا ہے کہ وزیراعلیٰ مریم نوازپنجاب کے عوام کی فلاح وبہودکیلئے بھرپوراندازمیں کام کررہی ہیں.

پریس کانفرنس کرتے ہوئے عظمیٰ بخاری کا کہنا تھاکہ وزیراعلیٰ مریم نوازانتقامی سیاست پر یقین نہیں رکھتی ہیں.وزیراعلیٰ پنجاب نے مہنگائی میں کمی کیلئے سرتوڑکوششیں کیں.ملک میں مہنگائی کی شرح کم ہو کر 4.1فیصدپرآچکی ہے.مہنگائی میں کمی کیلئے وزیراعظم محمدشہبازشریف کی کوششیں لائق تحسین ہیں.وزیراعلیٰ پنجاب کی طرف سے مفت سولرپروگرام شروع کیاگیاہے.مفت سولرپروگرام کے تحت ایک لاکھ سولرپینل تقسیم کئے جائیں گے.بجلی چوری میں ملوث افرادکوسولرپینل کی سہولت نہیں ملے گی.جنوبی پنجاب شریمپ فارمنگ کا حب بننے جارہاہے.پنجاب حکومت نجی شعبے کے اشتراک سے 48ہزارایکڑاراضی پر جھینگافارم قائم کرے گی،

عظمیٰ بخاری کا مزید کہنا تھا کہ ایک طرف یہ لوگ معافیاں مانگتے ہیں،والدین گڑگڑاتے ہیں، خدا کا واسطہ اور ترلے منتے کرتے ہیں دوسری طرف باہر آتے ساتھ ہی جو زبان استعمال کرتے ہیں، ان کا وہی جذبہ ہے کہ دوبارہ نو مئی کرنے کیلئے تیار ہیں، کیا اس جیسی جماعت یا لیڈر کے لئے کوئی رعایت ہونی چاہئے،یہ رعایت پاک فوج کی طرف سے انہیں ملی ہے اور پاک فوج کو اس پر دوبارہ سوچنا ہوگا،مجھے ان بچوں سے بہت ہمدردی ہے جو انتشار اور فساد کا ایندھن بنے،دوسری طرف کے پی کے کے وزیراعلیٰ ہاؤس میں ان فسادیوں، بلوائیوں کے اعزاز میں تقریب ہوتی ہے اور ہلا شیری دی جاتی ہے کہ شاباش بڑا کام کر کے آئے ہو، مجھے لگتا ہے کہ مستبقل میں ریلیف کے دروازے بند کئے جا رہے ہیں، ٹک ٹاکر خاتون کھڑی ہیں اور ساتھ لڑکا ایکشن مار رہا ہے،بلوائی دندنا رہے ہیں، دھمکیاں دے رہے ہیں، ایسے لوگوں کو کوئی رعایت نہیں ملنی چاہئے،

بانی پی ٹی آئی جیل میں دیسی مرغیاں ،ڈرائی فروٹ کھاتے ، ان کی خدمت کیلئے اور کیا رہ گیا ،عظمیٰ بخاری
عظمیٰ بخاری کا مزید کہنا تھا کہ یہ جھوٹ بہت بولتے ہیں، پکا منہ بنا کر جھوٹ بولنے کی عادت ہے ،الزام لگا کر مظلوم بننا اور پھر ہمدردی حاصل کرنا، سوشل میڈیا پر وائرل ہونے کا طریقہ ہے، جو مرضی الزام لگا دیں جھوٹا، یہ سب کرتے ہیں،26 نومبر کے دھرنے میں ایک کلپ آیا تھا جس میں کہا گیا کہ میرا باپ مر گیا گیا تھا ،لیکن بعد میں پتہ چلا کہ اس کا باپ زندہ سلامت تھا، پی ٹی آئی کی مذاکراتی کمیٹی کا کوئی معاملہ جیل ریفارمز کا نہیں یہ صرف بانی پی ٹی آئی کو ریلیف دلاناچاہتے ہیں، بانی پی ٹی آئی جیل میں دیسی مرغیاں کھاتے ہیں،ڈرائی فروٹ کھاتے ہیں ان کی خدمت کیلئے اور کیا رہ گیا ہے ،ہم کہتے ہیں کہ انہوں نے ہر چیز میں سیاست کرنی ہے، خیبر پختونخوا میں جیلوں میں انسانوں کی کیا حالت ہے وہاں کوئی نہیں جاتا لیکن انہوں نے اڈیالہ میں عمران کے سیل میں گھسنا ہے یہ سیاسی ایجنڈہ ہے اور کچھ بھی نہیں.

میرپور ماتھیلو: باغی ٹی وی کی خبر پر ڈی آئی جی سکھر کا نوٹس، بااثر ملزمان کے خلاف مقدمہ درج

میرپورخاص: مہنگائی کا طوفان، عوام کی چیخیں نکل گئیں، ضلعی انتظامیہ بے بس