Tag: پنجاب

وزیراعلیٰ پنجاب مریم نواز شریف کی ہدایت پر صوبے بھر میں غیر قانونی فیٹ میلٹنگ، بون کرشنگ اور ماحولیاتی آلودگی پھیلانے والے یونٹس کے خلاف بلاامتیاز کریک ڈاؤن جاری ہے۔

سینئر صوبائی وزیر اطلاعات مریم اورنگزیب کے مطابق ڈرون سرویلنس ٹیمیں چوبیس گھنٹے فعال ہیں اور کسی بھی غیر قانونی یونٹ کو دوبارہ کام کرنے کی اجازت نہیں دی جائے گی،11 اور 12 جون کے دوران مجموعی طور پر 263 صنعتی یونٹس کا معائنہ کیا گیا، جن میں متعدد خلاف ورزی کرنے والے یونٹس کو سیل کیا گیا جبکہ ایک یونٹ کو مسمار بھی کیا گیا ، اس دوران ایف آئی آرز درج کی گئیں اور بھاری جرمانے عائد کیے گئے پنجاب میں ماحولیاتی قوانین کی خلاف ورزی کرنے والوں کے لیے کوئی رعایت نہیں برتی جا رہی اور قانون پر مکمل عملدرآمد یقینی بنایا جا رہا ہے۔

انہوں نے بتایا کہ سنگل یوز پلاسٹک کے خاتمے کے لیے بھی کارروائیاں تیز کر دی گئی ہیں، جس کے دوران 929 کلوگرام ممنوعہ پلاسٹک بیگز ضبط کیے گئے مزید برآں 16 کاروبار ی اداروں نے رضاکارانہ طور پر سنگل یوز پلاسٹک یعنی ایس یو پی سے دستبرداری کا اعلان کرتے ہوئے خود کو ’ایس یو پی فری زون‘ قرار دے دیا ہے ادھر پنجاب انوائرمنٹل ریفر نس لیبارٹری نے بین الاقوامی معیار آئی ایس او 17025 کے تحت پروفیشنسی ٹیسٹنگ کامیابی سے مکمل کر لی ہے،لیبارٹری نے 19 تجزیاتی پیرامیٹرز، بشمول ہیوی میٹلز، کی جانچ میں شاندار کارکردگی دکھائی اور 5 پیرامیٹرز میں پرائم زیڈ اسکور حاصل کیا، جسے پنجاب کے ماحولیاتی گورننس نظام پر عالمی اعتماد کا مظہر قرار دیا جا رہا ہے۔

وزیراعلیٰ پنجاب مریم نواز شریف کی خصوصی ہدایت پر جدید، ماحول دوست اور بین الاقوامی معیار کے سلاٹر ہاؤسز کا مؤثر آپریشن بھی یقینی بنایا جا رہا ہے غیر قانونی اور غیر معیاری ذبح خانوں کے خاتمے، ماحولیاتی آلودگی میں کمی اور محفوظ خوراک کی فراہمی کے لیے جامع حکمت عملی پر عمل جاری ہے جبکہ مریم اورنگزیب نے سلاٹر ہاؤسز کے جامع سروے، میپنگ اور فیلڈ وزٹس فوری مکمل کرنے کی ہدایت بھی جاری کی ہے پنجاب حکومت کا مؤقف ہے کہ صوبے کو صاف، سرسبز، صحت مند اور پائیدار ماحول کی جانب لے جانے کے لیے تمام دستیاب وسائل بروئے کار لائے جا رہے ہیں۔

پنجاب حکومت مالی سال 2026-27 کا بجٹ آج 2 بجے پنجاب اسمبلی میں پیش کرے گی۔

پنجاب اسمبلی کا 43 واں بجٹ اجلاس 16 جون بروز منگل دوپہر 2 بجے منعقد ہوگا جس کی صدارت اسپیکر ملک محمد احمد خان کریں گے ،اجلاس میں آئندہ مالی سال کا اہم بجٹ پیش کیا جائے گا جس میں ترقیاتی منصوبوں اور سرکاری اخراجات کے نئے اہداف مقرر کیے جائیں گے۔

بجٹ کا مجوزہ حجم 5 ہزار 131 ارب روپے ہو گا، بجٹ میں تنخواہوں کیلئے 650 ارب، پنشن کیلئے 505 ارب 80 کروڑ مختص ہوں گے بجٹ میں سرکاری ملازمین کی تنخواہ میں اضافہ وفاقی حکومت کے فیصلے کے مطابق ہوگا، مزدور کی ماہانہ اُجرت میں بھی اضافہ متوقع ہےبجٹ میں تعلیم کیلئے 900 ارب سے زائد، صحت کیلئے 680 ارب کے حجم کا تخمینہ لگایا گیا ہے وزیر اعلیٰ پنجاب مریم نواز کے شروع کردہ تمام منصوبوں کی فنڈنگ میں اضافہ سرکاری ملازمین کی تنخواہوں اور پنشن میں سات فیصد اضافے کی تجویز ہے-

وزیر اعلیٰ پنجاب مریم نواز نے ہدایت کی ہے کہ محرم الحرام کے دوران گزشتہ انتظامات کو پیچھے چھوڑ کر بہترین سے بھی بہتر کارکردگی کا مظاہرہ کرتے ہوئے فول پروف سیکیورٹی اور عزاداروں کو ہر ممکن سہولیات فراہم کی جائیں-

وزیراعلیٰ پنجاب مریم نواز شریف کی زیر صدارت لاہور میں محرم الحرام کے دوران سیکیورٹی انتظامات کا جائزہ اجلاس ہوا،مریم نواز نے کہا کہ ہمیں ہر روز پہلے سے بہتر کارکردگی دکھانے کی کوشش کرنی چاہیے یہ احساس نہیں آنا چاہیے کہ ہم نے بہت اچھا کام کر لیا ہے اور اب یہی کافی ہے جس طرح گزشتہ عید کے مقابلے میں اس عید پر بہتر انتظامات کیے گئے، اسی طرح گزشتہ محرم الحرام کے مقابلے میں کل سے شروع ہونے والا محرم بھی مزید بہتر ہونا چاہیے حساس مقامات پر خصوصی نگرانی انتہائی اہم ہے۔

انہوں نے کہا کہ پنجاب حکومت نے انتظامی امور میں نیا معیار قائم کر دیا، عیدالاضحیٰ کے بہترین انتظامات پر ضلعی انتظامیہ اور فیلڈ ٹیمیں شاباش کی مستحق ہیں، کامیابی پر اکتفا نہیں بلکہ مسلسل بہتری ہماری پالیسی ہےانہوں نے نے عیدالاضحیٰ کے موقع پر صوبہ بھر میں صفائی اور سیکیورٹی کے شاندار انتظامات کو سراہتے ہوئے کہا ہے کہ تمام متعلقہ اداروں، کمشنرز، ڈپٹی کمشنرز اور ضلعی انتظامیہ نے انتہائی محنت اور لگن سے کام کرتے ہوئے ایک مؤثر کردار ادا کیا ہے۔

انہوں نے آر پی اوز، ڈی پی اوز، سیکرٹری ہوم اور دیگر متعلقہ حکام کی کارکردگی کی تعریف کرتے ہوئے کہا کہ لوکل گورنمنٹ کی ٹیم اور پنجاب بھر کی سترہ فیلڈ فارمیشنز نے عید کے دنوں میں مثالی خدمات انجام دیں، جس کے باعث قربانی کے بعد صفائی آپریشن بروقت اور مؤثر انداز میں مکمل ہوا جبکہ عیدگاہوں اور مساجد کی صفائی کے انتظامات بھی انتہائی قابلِ ستائش رہے۔

مریم نواز شریف نے واضح کیا کہ تمام اداروں نے ایک مشترکہ حکمتِ عملی کے تحت کام کیا ہے اور انتظامی امور کے لیے ایک جامع اور مؤثر بلو پرنٹ تیار کیا گیا ہے کیونکہ پہلی بار معاملات کو رسمی انداز کے بجائے گہرائی، سنجیدگی اور عملی بنیادوں پر دیکھا جا رہا ہے اور ہر پہلو کا تفصیلی جائزہ لے کر انتظامی امور میں شفافیت اور کارکردگی پر خصوصی توجہ دی جارہی ہے کامیابی پر اکتفا کرنا ہماری پالیسی نہیں بلکہ ہمارا ہدف ہر آنے والے مرحلے کو پچھلے انتظامات سے بہتر بنانا ہے، اس لیے محرم الحرام کے دوران امن و امان اور عوامی تحفظ کو اولین ترجیح بناتے ہوئے سیکیورٹی انتظامات کو مزید مؤثر بنانے کی ہدایت کی گئی ہے تاکہ کارکردگی کی ایک نئی مثال قائم کی جاسکے۔

انہوں نے ہدایت کی کہ حساس اور اہم علاقوں میں خصوصی سیکیورٹی انتظامات یقینی بنائے جائیں اور ضرورت پڑنے پر اضافی نفری کے ساتھ ساتھ جدید ٹیکنالوجی کا بھرپور استعمال کیا جائے جبکہ مجالس اور جلوسوں کی مؤثر نگرانی کا سلسلہ مسلسل جاری رہنا چاہیے اور محرم الحرام کے حوالے سے علمائے کرام اور مذہبی قیادت کے جذبے کو سراہتے ہوئے کہا کہ تمام علمائے کرام اور رائے ساز شخصیات انتظامیہ سے بھرپور تعاون کر رہی ہیں اور علاقائی حالات کے پیشِ نظر امن و امان برقرار رکھنا ہماری سب سے بڑی ترجیح ہے۔

وزیراعلیٰ پنجاب نے کہا کہ محرم میں عزاداروں کو ہر ممکن سہولت اور تحفظ فراہم کیا جائے تاکہ انہیں یہ احساس ہو کہ حکومت ان کے ساتھ کھڑی ہے انہوں نے شدید گرمی کے پیشِ نظر تمام افسران کو فیلڈ میں متحرک رہنے کا حکم دیتے ہوئے ہدایت کی کہ جلوسوں کے راستوں پر ٹھنڈے پانی اور شربت کی سبیلیں یقینی بنائی جائیں اور حکومتِ پنجاب کی جانب سے مفت پانی اور شربت کی فراہمی کو مسلسل جاری رکھا جائے،اس کے علاوہ جلوسوں کے روٹس پر پانی کا چھڑکاؤ، صفائی کے انتظا ما ت، واضح سائن ایج کی تنصیب اور راستوں سے تمام رکاوٹیں اور تعمیراتی ملبہ فوری ہٹانے کے احکامات بھی جاری کیے گئے ہیں۔

مریم نواز شریف نے خاص طور پر تاکید کی کہ صوبے میں کسی بھی مقام پر کھلا مین ہول یا خطرناک جگہ نظر نہیں آنی چاہیے اور تمام کھلے مین ہولز اور سیوریج پوائنٹس کو فوری طور پر محفوظ بنایا جائے انہوں نے ریسکیو، میڈیکل اور ایمرجنسی سروسز کو چوبیس گھنٹے الرٹ رکھنے اور فیلڈ ہسپتالوں سمیت طبی کیمپوں کی مؤثر تعیناتی یقینی بنانے کی ہدایت کی ، محرم کے دوران قائم کیے جانے والے تمام معلوماتی اور سیکیورٹی کیمپوں کا ڈیزائن اور شناخت یکساں ہونی چاہیے کیونکہ شہریوں کی سہولت، تحفظ اور فلاح و بہبود پنجاب حکومت کی اولین ذمہ داری ہے۔