Baaghi TV

Tag: پنجاب

  • جعلی ایلیٹ فورس کے اہلکار گرفتار

    جعلی ایلیٹ فورس کے اہلکار گرفتار

    جعلی ایلیٹ فورس کے اہلکار گرفتار

    باغی ٹی وی کی رپورٹ کے مطابق پنجاب کے صوبائی دارالحکومت لاہور میں جرائم پیشہ عناصر کیخلاف پولیس کی کاروائیاں جاری ہیں ،کاہنہ پولیس نے کارروائی کرتے ہوئے جعلی ایلیٹ فورس اہلکار بن کر مٹر گشت کرنے والے 2 نوسرباز گرفتار کر لئے، ملزمان کو دوران پٹرولنگ فیروز پور روڈ کاہنہ مشکوک جان کر چیک کیا گیا ،دونوں ملزمان نے ایلیٹ فورس کے مشبہ وردی پہن رکھی تھی۔ سروس کارڈ کا پوچھنے پر دونوں نوسرباز پہلے ٹال مٹول سے کام لیتے رہے تصدیق کرنے پر پتہ چلا دونوں ملزمان ایلیٹ فورس کے اہلکار نہیں ہیں ،ملزمان قیصر اور رحمان سے امریکن 223 بور رائفل برآمد کی گئی ہے، ملزمان کے خلاف تھانہ کاہنہ میں مقدمہ درج کر لیا گیا مزید تحقیقات جاری ہیں،

    خواجہ سرا کے ساتھ ڈکیتی، مزاحمت پر بال کاٹ دیئے گئے

    پشاور پولیس کا رویہ… خواجہ سرا پشاور چھوڑنے لگے

    شہر قائد خواجہ سراؤں کے لئے غیر محفوظ

    خواجہ سراؤں پر تشدد کی رپورٹنگ کیلئے موبائل ایپ تیار

    ہ ٹرانسجینڈر قانون سے معاشرے میں خواجہ سرا افراد کو بنیادی حقوق ملے۔

     پاکستان میں 2018 سے قبل ٹرانسجینڈر قانون نہیں تھا،

    دوسری جانب لاہور کے علاقے لاری اڈہ میں پولیس نے کاروائی کی ہے، نقلی پستول اور چاقو دکھا کر شہریوں کو لوٹنے والے گروہ کو گرفتار کر لیا گیا ہے ،ترجمان ڈولفن کے مطابق لاری اڈا ڈولفن سکواڈ نے ہونیوالی واردات ناکام بنا دی،3 ڈاکو شہری سے واردات کررہے تھے ڈولفن ٹیم موقع پر پہنچ گئی ڈاکوﺅں نے ڈولفن کو دیکھ کر فرار ہونیکی کوشش کی ڈولفن ٹیم نے تعاقب کے بعد آزادی چوک کے قریب راؤنڈ اپ کرلیا .ڈولفن زوہیب رانجھا نے بتایا کہ ملزمان کے قبضے سے نقلی پستول اور چاقو برآمد کر لیا گیا ملزمان نے متعدد وارداتوں کا اعتراف کیا گرفتار ملزمان کو مزید کارروائی کے لیے تھانہ لاری اڈا پولیس کے حوالے کیا گیا .

  • الیکشن کمیشن نے میڈیا کے لئے بھی ضابطہ اخلاق جاری کر دیا

    الیکشن کمیشن نے میڈیا کے لئے بھی ضابطہ اخلاق جاری کر دیا

    الیکشن کمیشن نے میڈیا کے لئے بھی ضابطہ اخلاق جاری کر دیا

    الیکشن کمیشن کی جانب سے جاری ضابطہ اخلاق کے مطابق ملک کی سالمیت خود مختاری اور عدلیہ کی آزدی کے خلاف کوئی مواد شائع اور جاری نہیں کیا جائے گا ،انتخابی مہم کے دوران قومی یکجہتی کو نقصان پہنچانے اور امن عامہ میں خلل پیدا کرنے پر مبنی کو بیان شائع نہیں کیا جائے گا اخبارات ڈیجیٹل اور سوشل میڈیا بھی اس کے پابند ہوں گے ،مذہب ،نسل ،جنس ،ذات برادری سمیت ذاتی حملوں سے گریز کیا جائے گا اس طرح کی کسی بھی شکایت پر قانونی کاروائی کی جائے گی ،میڈیا کو الیکشن مہم کے دوران پولنگ کے دن امن و امان کی صورتحال کو خراب کرنے والے مواد سے اجتناب کرنا چاہیے ۔میڈیا سرکاری اخراجات سے چلنے والی سیاسی مہم کا حصہ نہ بنے ۔میڈیا ایک امیدوار کے دوسرے امیدوار کے خلاف الزامات کی تصدیق کیلیے الیکشن کمیشن سے رابطہ کرے۔پولنگ ختم ہونے کے ایک گھنٹے تک میڈیا کو نتائج کی خبر دینے سے روک دیا گیا ۔میڈیا کے نمائندے الیکشن کے عمل میں رکاوٹ نہیں بنیں گے ۔حکومت اور قانون نافذ کرنیوالے ادارے میڈیا کے اظہار رائے کی آزادی کو یقینی بنائیں۔

    بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟

    ہوشیار،بشری بی بی،عمران خان ،شرمناک خبرآ گئی ،مونس مال لے کر فرار

    بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

    تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

    عمران خان، تمہارے لئے میں اکیلا ہی کافی ہوں، مبشر لقمان

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

    پنجاب میں انتخابات ، الیکشن کمیشن نے نیا شیڈول جاری کردیا ،الیکشن کمیشن نے سپریم کورٹ کے فیصلے کے مطابق شیڈول جاری کیا،پنجاب میں پولنگ 14 مئی کو ہوگی ، ریٹرننگ افسر کے فیصلے کے خلاف اپیل دائر کرنے کی آخری تاریخ 10 اپریل ہے ،الیکشن ٹربیونل 17 اپریل تک اپیلوں پر فیصلہ کرے گا،نوٹیفکیشن کے مطابق اپیلیٹ ٹریبونل اپیلوں پر فیصلے 17 اپریل تک کرے گا اور امیدواروں کی نظرثانی شدہ فہرست 18 اپریل کو جاری ہو گی کاغذات نامزدگی واپس لینےکی آخری تاریخ 19 اپریل ہوگی اور امیدواروں کو انتخابی نشانات 20 اپریل کو جاری ہوں گے

  • پاکستان مرکزی مسلم لیگ نے لاہورسے امیدواروں کا اعلان کر دیا

    پاکستان مرکزی مسلم لیگ نے لاہورسے امیدواروں کا اعلان کر دیا

    پاکستان مرکزی مسلم لیگ کے صدر خالد مسعود سندھو نے کہا کہ ہم کھوکھلے نعروں پر نہیں بلکہ عملی خدمت کی سیاست پر عمل پیرا ہیں, اس وقت پورے ملک میں پاکستان مرکزی مسلم لیگ عوام الناس کے لیے سحری و افطاری کے دسترخوان لگا رہی ہے، جس کا مقصد عوام کی خدمت کرکے اللہ کی رضا کو تلاش کرنا ہے، ہم ملکی وسائل کو بروئے کار لاتے ہوئے خود انحصاری کی پالیسی اپنائیں گے,ہم کسی کو بھی تنقید کا نشانہ بناۓ بغیر قوم میں ہر ممکن آسانیاں پیدا کرنے کے لیے ہر ممکن کوشش کررہے ہیں- ہم خدمت کی سیاست پر یقین رکھتے ہیں اور اس کی بنیاد پر ملک و قوم کو ترقی پر گامزن کریں گے

    ان خیالات کا اظہار انہوں نے پاکستان مرکزی مسلم لیگ لاہور کی جانب سے ایک نجی ہوٹل میں دعوتِ افطار کی تقریب میں شرکاء سے خطاب کرتے ہوئے کیا،جس میں پاکستان مرکزی مسلم کے لاہور کے نامزد امیدواران براۓ ایم این ایز اور ایم پی ایز نے شریک ہوئے اس موقع پر پاکستان مرکزی مسلم لیگ کے جنرل سیکرٹری چوہدری محمد اعظم ،پاکستان مرکزی مسلم لیگ لاہور کے جنرل سیکرٹری انجنئیر حارث ڈار سمیت دیگر نے خطاب کیا صدر پاکستان مرکزی مسلم لیگ خالد مسعود سندھو نے تقریب سے خطاب کرتے ہوئے مذید کہا کہ اس وقت پاکستان مرکزی مسلم لیگ خدمت کے سیاست پر یقین رکھتے ہوئے ملک کے تمام صوبوں میں عوام الناس کے لیے سستی روٹی سستی سبزی اور سستے بازار لگا کر معاشی ریلیف فراہم کرنے کی کوشش کررہی ہے

    اس موقع پر پاکستان مرکزی مسلم لیگ کے جنرل سیکرٹری چوہدری محمد اعظم نے شرکاء سے گفتگو کرتے ہوئے کہا کہ پاکستان مرکزی مسلم لیگ اس تھیم کے ساتھ میدان عمل میں آئی ہے ہم نے پاکستان اور عوام کی خدمت کوئی کسر نہیں چھوڑیں گے،پورے پاکستان میں اس ایجنڈے کو ہم عام کریں گے کہ وہ پارٹی باقی رہے گی جو قوم کی خدمت کی سیاست کرے گی، پاکستان مرکزی مسلم لیگ لاہور کے جنرل سیکرٹری انجنئیر حارث ڈار نے کہا کہ خدمتِ خلق کے جذبے سے سرشار اور باکردار امیدواران براۓ قومی و صوباٸی اسمبلی ہر قومی خوشی و دکھ میں اپنے حلقے کی قوم کے شانہ بشانہ ہیں اور اس وقت جب ہمارے پاس کوٸی سرکاری اختیارات بھی نہیں ہیں ان حالات میں بھی ہم قوم کے لیے ہر ممکن آسانی پیدا کر رہے ہیں اس تقریب کے موقع پر صدر پاکستان مرکزی مسلم لیگ خالد مسعود سندھو نے صوباٸی الیکشن شیڈول کے مطابق پاکستان مرکزی مسلم لیگ کے لاہور کے 30 امیدواران برائے صوباٸی اسمبلی کو پارٹی ٹکٹ جاری کٸے جس کے مطابق
    پی پی 144 سے عادل خلیق
    پی پی 145 سے میاں کاشف
    پی پی 146 سے شیخ صداقت
    پی پی 147 ڈاکٹر مقبول احمد
    پی پی 148 سے شاٸمان بٹ
    پی پی 149 سے حافظ عبید اللہ
    پی پی 150 سے رضوان اکرم
    پی پی 151 سے حاجی اسحٰق مغل
    پی پی 152 سے رانا آصف
    پی پی 153 سے محمد ارشد
    پی پی 154 سے عمر عبداللہ
    پی پی 155 سے عبدالرحمن نقوی
    پی پی 156 سے خواجہ عمران
    پی پی 157 سے عمر بن عبدالعزیز
    پی پی 158 سے چوہدری عبدالسلام
    پی پی 159 سے محمد رضوان
    پی پی 160 سے محمود الاسلام
    پی پی 161 سے یاسمین سیف
    پی پی 162 سے حافظ عبدالماجد
    پی پی 163 سے سیٹھ اکرم
    پی پی 164 سے احمد یاسین
    پی پی 165 سے ناٸلہ خالد
    پی پی 166 سے ریاست وڑاٸچ
    پی پی 167 سے چوہدری عبدالرزاق
    پی پی 168 سے طلحہ احسان
    پی پی 169 سے سے عابد رحمٰن
    پی پی 170 سے محمد ارسلان
    پی پی 171 سے عباس بھٹی
    پی پی 172 سے ریاض احمد احسان
    اور پی پی 173 سے ناصر محمود گھمن
    پاکستان مرکزی مسلم لیگ کے پلیٹ فارم سے الیکشن میں حصہ لیں گے

  • سوال ہی نہیں پیدا ہوتا14 مئی کو پنجاب میں الیکشن ہوجائے ،وکیل الیکشن کمیشن

    سوال ہی نہیں پیدا ہوتا14 مئی کو پنجاب میں الیکشن ہوجائے ،وکیل الیکشن کمیشن

    اسلام آباد: الیکشن کمیشن کے وکیل اور سینئر قانون دان عرفان قادر نے سپریم کورٹ کے فیصلے کے تحت پنجاب میں الیکشن کا امکان رد کردیا۔

    باغی ٹی وی: عرفان قادر نے کہا سوال ہی نہیں پیدا ہوتا کہ تین رکنی بینچ کے فیصلے کے مطابق 14 مئی کو پنجاب میں الیکشن ہوجائے الیکشن کمیشن اس فیصلے کا پابند نہیں ہے، یہ فیصلہ آئین کے خلاف ہے ۔

    وفاقی کابینہ اجلاس، سپریم کورٹ کے فیصلے کو مسترد کر دیا

    سینئر قانون دان کا کہنا تھا کہ یہ نہ آئین میں ہے نہ قانون میں کہ سپریم کورٹ الیکشن کی تاریخ دے، اس فیصلے کو کابینہ ہی نہیں ایک عام شہری بھی مسترد کرسکتا ہے۔

    واضح رہے کہ سپریم کورٹ نے پنجاب اور خیبرپختونخوا (کے پی) میں الیکشن کے التوا سے متعلق کیس کا فیصلہ سناتے ہوئے الیکشن کمیشن کا 8 اکتوبر کو الیکشن کرانے کا فیصلہ کالعدم قرار دیتے ہوئے 14 مئی کو الیکشن کرانے کا حکم دیا تھا-

    سپریم کورٹ 6 رکنی لارجر بنچ نے جسٹس قاضی فائز عیسیٰ کا ازخود نوٹس ختم …

    فیصلے میں کہا گیا تھاکہ الیکشن کمیشن کا 22 مارچ کا فیصلہ غیر آئینی قرار دیا جاتا ہے، صدر مملکت کی دی گئی تاریخ کا فیصلہ بحال کیا جاتا ہے، آئین وقانون انتخابات کی تاریخ ملتوی کرنےکا اختیارنہیں دیتا، 22 مارچ کو الیکشن کمیشن نے فیصلہ دیا تب انتخابی عمل پانچویں مرحلے پر تھا، الیکشن کمیشن کے آرڈر کے باعث 13 دن ضائع ہو گئے، الیکشن کمیشن نے غیر آئینی فیصلہ کیا۔

    چیف جسٹس کو چاہیے کہ الیکشن کیس پر فل کورٹ بنا دیں. وزیراعظم

    فیصلے میں کہا گیا تھاکہ وفاقی حکومت انتخابات کے لیے افواج، رینجرز، ایف سی اور دیگر اہلکار فراہم کرے، وفاقی حکومت 17 اپریل تک الیکشن کمیشن کو سکیورٹی پلان فراہم کرے، وفاقی حکومت اور نگران حکومت پنجاب نے عدالتی حکم پر عمل درآمد نہ کیا تو کمیشن عدالت کو آگاہ کرے۔

    الیکشن از خود نوٹس کیس، سپریم کورٹ نے فیصلہ سنا دیا

  • سی ٹی ڈی کی کاروائی،9 دہشتگرد گرفتار

    سی ٹی ڈی کی کاروائی،9 دہشتگرد گرفتار

    باغی ٹی وی کی رپورٹ کے مطابق ملک دشمن عناصر کیخلاف سی ٹی ڈی کی کاروائیاں جاری ہیں،سی ٹی ڈی نے پنجاب سمیت ملک بھر میں دہشت گردوں کے خلاف آپریشن جاری رکھا ہوا ہے ، آئے روزکئی شہروں میں دہشت گردوں کے خلاف آپریشن کیا جاتا ہے،

    سی ٹی ڈی ترجمان کے مطابق پنجاب میں آپریشن کے دوران کئی شہروں سے دوران کاروائی 9 دہشت گرد گرفتار کر لئے گئے، گرفتار دہشت گردوں کے قبضہ سے بارودی مواد، اسلحہ، خود کش جیکٹ بنانے کا سامان و دیگر اشیاء ملی ہیں، سی ٹی ڈی نے راولپنڈی، سرگودھا، گوجرانوالہ میں کاروائیاں کی، گرفتار دہشت گردوں کا تعلق کالعدم جماعتوں سے ہے، دہشت گردوں کی شناخت نذیر ، فہد، ارشد، عثمان ، شیرمحمد ، طاہر، وزیراورعبدالرشید کے طور پر ہوئی

    واضح رہے کہ رواں ہفتے صوبے بھر میں 340 کومبنگ و سرچ آپریشن کیے گئے، کومبنگ و سرچ آپریشنز کے دوران 41 مشتبہ افراد کو حراست میں لیا گیا دہشتگردی کے خلاف جنگ میں سی ٹی ڈی ہر سطح پر کارروائی جاری رکھے گی

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    پی ٹی آئی رہنماؤں کیخلاف مقدمات درج کر لئے

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

  • سپریم کورٹ: انتخابات سے متعلق کیس سماعت کیلئے مقرر، نیا بینچ کریگا سماعت

    سپریم کورٹ: انتخابات سے متعلق کیس سماعت کیلئے مقرر، نیا بینچ کریگا سماعت

    پنجاب اور خیبرپختونخوا انتخابات کیس سپریم کورٹ میں سماعت کیلئے مقرر کردیا گیا

    سپریم کورٹ میں کیس کی سماعت کل دن کو ساڑھے گیارہ بجے ہو گی، جسٹس امین الدین کی جانب سے معذرت کے بعد اب نیا بینچ کیس کی سماعت کرے گا سپریم کورٹ کی جانب سے کہا گیا ہے کہ کون سا بنچ سماعت کرے گا، اس کا فیصلہ کل ہو گا،عدالتی عملے نے آج کی سماعت کا حکم نامہ پڑھ کر سنایا ،کل نیا 4 رکنی بنچ سماعت کریگا۔

    قبل ازیں سپریم کورٹ میں کے پی کے اور پنجاب میں انتخابات سے متعلق کیس کی سماعت کرنے والا بینچ ٹوٹ گیا – چیف جسٹس پاکستان عمر عطا بندیال کی سربراہی میں سپریم کورٹ میں پنجاب اور کے پی الیکشن کی تاریخ کے تعین کے حوالے سے لیے جانے والے سپریم کورٹ کے از خود نوٹس کیس کی سماعت کرنے والا 5 رکنی لارجر بینچ ٹوٹ گیا ہے،بینچ میں شامل شامل جج جسٹس امین الدین نے کیس سننے سے معذرت کرلی ہے-

    سپریم کورٹ کے تین رکنی بینچ کا ازخود نوٹس کے تمام کیسز ملتوی کرنے کا حکم

    گزشتہ روزکے فیصلے کے تناظر میں جسٹس امین الدین نے کیس سننے سے معذرت کی، جسٹس امین الدین کے بات کرنے کے بعد بینچ کورٹ روم سے چلا گیا، انتخابات ملتوی کیس میں اب نیا بینچ بنایا جائے گا۔

    چیف جسٹس پاکستان نے کہا کہ جسٹس امین کچھ کہنا چاہتے ہیں، جسٹس امین الدین نے کہاکہ جسٹس قاضی فائز عیسیٰ کے فیصلے کے تناظر میں کیس سننے سے معذرت کرتا ہوں۔

    واضح رہے کہ گزشتہ روز سپریم کورٹ نے رولز بنائے جانے تک آرٹیکل 184 تھری (ازخود نوٹس) کے تمام کیسز ملتوی کرنے کا حکم دیا سپریم کورٹ میں حافظ قرآن کو 20 اضافی نمبر دینے کے از خود نوٹس میں جسٹس قاضی فائز عیسیٰ کی سربراہی میں 3 رکنی خصوصی بینچ نے فیصلہ جاری کیا خصوصی بینچ میں جسٹس امین الدین اور جسٹس شاہد وحید شامل ہیں اور فیصلہ دو ایک کے تناسب سے جاری کیا گیا۔

    توشہ خانہ کیس: عمران خان کی حاضری سے استثنیٰ کی درخواست منظور

    فیصلے میں کہا گیا تھا کہ رولز بنائے جانے تک آرٹیکل 184 تھری کے تمام کیسز کو ملتوی کردیا جائے چیف جسٹس پاکستان کو خصوصی بینچ بنانے کا اختیار نہیں ہے اسپیشل بینچ میں مختلف بینچز سے ایک ایک جج کو شامل کیا گیا، عدالتی وقت ختم ہونے کے وقت کیس سماعت کیلئے مقررکیا گیا-

    فیصلے میں کہا گیا تھا کہ پاکستان کے عوام اراکین پارلیمنٹ کے انتخاب کے وقت ان کا احتساب کرتے ہیں، اراکین پارلیمنٹ الیکشن میں عوام کو جوابدہ ہوتے ہیں، قوانین کے تحت بیوروکریسی حکومت کو جوابدہ ہوتی ہے، عدلیہ اس طرح کسی کو بھی جوابدہ نہیں ہے۔

    ملک بھر میں ایک ساتھ انتخابات کے لیے سپریم کورٹ میں درخواست دائر

    فیصلے میں قرار دیا گیا تھا کہ چیف جسٹس کے پاس اختیار نہیں بینچ کی تشکیل کے بعد کسی جج کو بینچ سے الگ کریں، ایک جج سپریم جوڈیشل کونسل کوجوابدہ ہوسکتا ہے لیکن جوڈیشری نہیں چیف جسٹس اپنی دانش کو آئین کی حکمت کی جگہ نہیں دےسکتے، آئین نے چیف جسٹس کو یکطرفہ اورمرضی کااختیارنہیں دیا، سپریم کورٹ کےتمام ججز کو اجتماعی طورپرتعین کاکام چیف جسٹس انجام نہیں دے سکتے۔

  • مفت آٹے کی تقسیم،بھگدڑ مچنے سے ایک اور خاتون کی موت

    مفت آٹے کی تقسیم،بھگدڑ مچنے سے ایک اور خاتون کی موت

    باغی ٹی وی کی رپورٹ کے مطابق حکومت کی طرف سے پہلی بار غریب شہریوں کے لئے مفت آٹے کی تقسیم کا سلسلہ شروع ہوا تو پنجاب کے کئی شہروں میں بدامنی، دھکم پیل دیکھنے میں آئی ، آٹے کی تقسیم کے دوران بھگدڑ مچنے سے کئی اموات ہو چکی ہیں، اب تازہ ترین واقعہ پنجاب کے شہر ساہیوال میں پیش آیا ہے جہاں بھگدڑ مچنے سے 65 سالہ بزرگ خاتون کی موت ہو گئی ہے جبکہ 19 خواتین زخمی ہو گئی ہیں، واقعہ نواز شریف پارک میں پیش آیا، جس خاتون کی موت ہوئی اسکی شناخت نسیم اختر کے طور پر ہوئی،

    اطلاع ملنے پر پولیس اور ضلعی انتظامیہ کے افسران بھی موقع پر پہنچ گئے مفت آٹا لینے والوں کا کہنا تھا کہ یہ واقعہ ضلعی انتظامیہ کے ناقص انتظامات کے باعث پیش آیا ، زخمی خواتین کو طبی امداد کے لئے ہسپتال منتقل کر دیا گیا ہے،

    دوسری جانب بھکر میں گھنٹوں باری کا انتظار کرنے والا شخص دم توڑ گیا، مظفر گڑھ میں بھگدڑ بزرگ خاتون کی زندگی لےگئی جبکہ ملتان، فیصل آباد اور کوٹ ادو میں قطاروں میں انتظار کرنے والے 3 افراد دل کا دورہ پڑنے سے چل بسے۔ادھر چارسدہ میں دھکم پیل اور بھگدڑ میں ایک شہری جاں بحق ہوا۔ پنجاب اور خیبرپختونخوا میں مفت آٹے کی تقسیم کے موقع پر شدید بدنظمی دیکھی گئی تھی پشاور میں آٹے کی مل کی دروازے توڑ دئیے گئے تھے حافظ آباد میں بھی مفت آٹا لیتے ہوئے شدید دھکم پیل ہوئی اور اس دوران بھی متعدد مرد و خواتین زخمی ہو گئے، پولیس نے رش کم کرنے کے لئے مبینہ تشدد بھی کیا

    عامرمیر نے مری میں قائم مفت آٹا پوائنٹ کا دورہ کیا 

    مفت آٹے کی ذلت آمیز دستیابی نے نااہلی کے پول کھول دیے، خالد مسعود

    مفت آٹے کی تقسیم کے دوران پنجاب میں مزید دو افراد جان کی بازی ہار گئے

  • پنجاب اور خیبرپختونخوا میں عام انتخابات ملتوی کرنے کا معاملہ،پی ٹی آئی نے سپریم کورٹ سے رجوع کر لیا

    پنجاب اور خیبرپختونخوا میں عام انتخابات ملتوی کرنے کا معاملہ،پی ٹی آئی نے سپریم کورٹ سے رجوع کر لیا

    اسلام آباد:رجسٹرار سپریم کورٹ نے پنجاب اور خیبرپختونخوا میں عام انتخابات کے معاملے پر پی ٹی آئی کی درخواست تسلیم کر لی-

    باغی ٹی وی: تحریک انصاف نے پنجاب اور خیبر پختونخوا میں الیکشنز ملتوی کرنے کے الیکشن کمیشن اور گورنر کے پی کے فیصلوں کیخلاف سپریم کورٹ سے رجوع کر لیا اسپیکر پنجاب اسمبلی سبطین خان ، اسپیکر کے پی کے اسمبلی مشتاق غنی نے آئینی درخواست دائر کی تحریک انصاف کےسیکرٹری اسد عمر، میاں محمود الرشید اور عبد الرحمان بھی مشترکہ درخواست گزاروں میں شامل ہیں۔

    اہلکاروں سمیت ملزمان عدالت میں پیش

    آئینی درخواست میں وفاق،پنجاب ، کے پی کے، وزارت پارلیمانی امور ، وزارت قانون اور کابینہ کو فریق بنایا گیا ہے،درخواست میں الیکشن کمیشن کا فیصلہ کالعدم قراردینے کی استدعا کرتے ہوئے موقف اختیارکیاکہ الیکشن کمیشن نےآئینی مینڈیٹ اورعدالت کے فیصلہ سے انحراف کیا، الیکشن کمیشن کا فیصلہ کالعدم قرار دیا جائے، الیکشن کمیشن کو شیڈول کے مطابق 30 اپریل کو الیکشن کرانے کا حکم دیا جائے۔

    پی آئی اے کی جدہ سے کراچی کےلیے پرواز اچانک تبدیل

    رجسٹرار سپریم کورٹ نے پنجاب اور خیبرپختونخوا میں عام انتخابات کے معاملے پر پی ٹی آئی کی درخواست پر نمبر لگا دیا اور کوئی اعتراض بھی نہیں اٹھایا گیا۔

  • مفت آٹے کی تقسیم کے دوران خاتون سمیت دو شہری چل بسے

    مفت آٹے کی تقسیم کے دوران خاتون سمیت دو شہری چل بسے

    مفت آٹے کی تقسیم کے دوران پنجاب میں مزید دو افراد جان کی بازی ہار گئے

    پنجاب کے شہر مظفر گڑھ میں مفت آٹے کی تقسیم کے دوران بھگدڑ مچنے سے 60 سالہ خاتون کی موت ہو گئی ہے، خاتون مفت آٹا لینے کے لئے سرکاری پوائنٹ پر آئی تھی کہ اچانک بھگدڑ مچنے سے اپنا توازن کھو بیٹھی اور گر کر زخمی ہو گئی بعد ازاں خاتون کی موت ہو گئی،

    تحصیل جتوئی میں آٹا پوائنٹ پر دھکم پیل کے دوران بزرگ خاتون کی ہلاکت کا معاملہ ، ڈپٹی کمشنر آغا ظہیر عباس شیرازی مرنے والی خاتون زہرہ بی بی کے گھر بستی عارف پہنچ گئے،لواحقین سے اظہار تعزیت کیا، ڈپٹی کمشنر نے متاثرہ خاندان کو یقین دہانی کروائی کہ زہرہ بی بی کی موت کے حوالے سے ذمہ داروں کے تعین کے لئے غیرجانبدارانہ تحقیقات کروائی جائیں گی.

    دوسرا واقعہ پنجاب کے شہر بھکر میں پیش آیا جہاں 66 سالہ شخص کی موت ہو گئی، ڈی سی بھکر موقع پر پہنچنے اور انہوں نے تحقیقات کا اعلان کیا کہ انکوائری کروائی جائے گی کہ اس شخص کی موت کیسے ہوئی، تا ہم مفت آٹے کے حصول کے لئے شہریوں‌ کی لمبی لائنیں ، اموات میں اضافہ اور پھر پولیس کی جانب سے کئی مقامات پر شہریوں پر تشدد کے واقعات بھی دیکھنے کو ملے ہیں، حکومت کو چاہئے کہ مفت آٹا دینا ہے تو باعزت طریقے سے شہریوں کو دیا جائے چہ جائیکہ انکی تذلیل کی جائے،

    عامرمیر نے مری میں قائم مفت آٹا پوائنٹ کا دورہ کیا 

    مفت آٹے کی ذلت آمیز دستیابی نے نااہلی کے پول کھول دیے، خالد مسعود

    دوسری جانب وزیراعظم شہباز شریف نے آج پنجاب کے شہر سرگودھا کے دورے کے دوران مفت آٹے کی تقسیم کے مرکز کا جائزہ لیا اور مستحق افراد میں مفت آٹا تقسیم بھی کیا، اس موقع پر وزیراعظم شہباز شریف کا کہنا تھا کہ غریب آدمی کو مہنگائی کے دور میں آٹے کے 3 تھیلے مفت ملنا عبادت ہے سرگودھا میں 3 مراکز کا دورہ کیا مفت آٹے کی تقسیم میں کوتاہی برداشت نہیں کی جائے گی ملکی تاریخ میں پہلی مرتبہ عوام کو مفت آٹا فراہم کیا جا رہا ہےعوام کی دعاوں سے ملک معاشی مشکلات سے نکل کر آگے بڑھے گا

  • پنجاب الیکشن ملتوی، تحریک انصاف سپریم کورٹ پہنچ گئی

    پنجاب الیکشن ملتوی، تحریک انصاف سپریم کورٹ پہنچ گئی

    پنجاب کے الیکشن ملتوی ہونے پر تحریک انصاف نے سپریم کورٹ میں درخواست دائر کر دی ہے

    تحریک انصاف نے پنجاب کے الیکشن ملتوی ہونے کے خلاف آئینی درخواست سپریم کورٹ میں دائر کی ہے، پی ٹی آئی نے سپریم کورٹ میں دی جانیوالی درخواست میں عدالت سے استدعا کی ہے کہ سپریم کورٹ الیکشن کمیشن کے 22 مارچ کے فیصلے کوغیر آئینی قرار دے۔ درخواست میں کہا گیا ہے کہ وزیراعظم شہباز شریف، چیف الیکشن کمشنر اور محسن نقوی کے خلاف توہین عدالت کی کارروائی شروع کی جائے۔ درخواست میں نگران وزیراعلیٰ پنجاب اور چیف سیکریٹری پنجاب کو بھی فریق بنایا گیا ہے،

    سپریم کورٹ میں دائر درخؤاست میں تحریک انصاف نے مزید موقف اختیار کیا کہ وزیراعظم، چیف الیکشن کمشنر اورنگران وزیراعلیٰ پنجاب محسن نقوی اپنی ذمہ داریاں ادا کرنے میں ناکام ہوئے اورذاتی مقاصد کیلئے فنڈ جاری کر رہے ہیں

    درخواست میں کہا گیا ہے کہ نگران دور حکومت میں ترقیاتی منصوبوں کے لیے بھی فنڈ جاری کیے جا رہے ہیں۔ وزیراعظم اور وفاقی وزرا کے الیکشن نہ ہونے کے بیانات ریکارڈ پر موجود ہیں۔ وزیراعظم اور دیگر فریقین عدالتی الیکشن سے متعلق حکم کی تعمیل نہ کر کے عدالت کی توہین کر رہے ہیں۔ گورنر خیبرپختونخوا میں انتخابات کرانے کے لیے تاریخ دینے کی ہدایت کی جائے

    پنجاب میں انتخابات ملتوی کرنا قابل قبول نہیں ہے. سراج الحق

    پنجاب کے انتخابات اکتوبر تک ملتوی کر کے آئین کی خلاف ورزی کی ہے۔

    ہمیں اپنی صفوں میں اتحاد اور اپنے آپ کو قومی مقصد سے آراستہ کرنا ہو گا،وزیراعظم شہباز شریف

    واضح رہے کہ الیکشن کمیشن نے پنجاب اسمبلی کے 30 اپریل کو ہونے والے انتخابات ملتوی کردیئے ہیں۔ الیکشن کمیشن کے نوٹی فکیشن کے مطابق پنجاب اسمبلی کے انتخابات کے لیے 8 اکتوبر کی تاریخ مقرر کی گئی ہے نوٹی فکیشن میں کہا گیا کہ پنجاب اسمبلی کے انتخابات کے لیے امن و امان کی صورتحال سازگار نہیں ہےکمیشن کی تمام تر کوششوں کے باوجود وفاقی اور صوبائی حکومتیں اور قانون نافذ کرنے والے اداروں سمیت تمام ایگزیکٹو اتھارٹیز پنجاب میں آزادانہ، منصفانہ اور شفاف انتخابات کے انعقاد کے لیے کمیشن کی مدد نہیں کر سکے۔