Baaghi TV

Tag: پنجاب

  • صوبائی الیکشن کمشنر کا سیکیورٹی کے غیر مناسب انتظامات پرشدید تحفظات کا اظہار

    صوبائی الیکشن کمشنر کا سیکیورٹی کے غیر مناسب انتظامات پرشدید تحفظات کا اظہار

    اسلام آباد: صوبائی الیکشن کمشنر پنجاب نے موجودہ سیکیورٹی انتظامات پر خدشات کا اظہار کرتے ہوئے انتخابات کے ملتوی ہونے کا خدشہ ظاہر کردیا۔

    باغی ٹی وی: صوبائی الیکشن کمشنر پنجاب سعید گل نے سیکیورٹی کے غیر مناسب انتظامات پرشدید تحفظات کا اظہار کیا اور اس حوالے سے الیکشن کمیشن کے سربراہ کو بھی بذریعہ خط آگاہ کردیا جس میں کہا گیا ہے کہ اگر سیکیورٹی کی یہی صورت حال رہی تو لاہور میں الیکشن شیڈول معطل کرنا ہوگا۔

    ترکی کے زلزلہ زدہ علاقے میں شدید سیلاب کے باعث متعدد افراد ہلاک

    ذرائع الیکشن کمیشن کے مطابق صوبائی الیکشن کمشنرزاور ریٹرننگ افسران کو مطلوبہ سیکیورٹی فراہم نہیں کی گئی ہے، جس پر صوبائی الیکشن کمشنر نے سیکیورٹی عملے کی کم تعداد کے باعث کاغذات نامزدگی وصولی کے دوران ناخوشگوار واقعات کی نشاندہی کی ہے۔

    ذرائع کے مطابق صوبائی الیکشن کمشنرپنجاب نے سیکیورٹی صورتحال سے متعلق الیکشن کمیشن کوآگاہ کردیا اور کہا ہے کہ نا خوشگوار واقعات سے نمٹنے کیلئے پنجاب حکومت کی جانب سےاطمینان بخش انتظامات نہیں کئےگئےاورنہ ہی ریٹرننگ افسران کو مطلوبہ سیکیورٹی فراہم کی گئی ہے ریٹرننگ افسران کے دفاتر میں کاغذات نامزدگی جمع کراتے وقت رش زیادہ ہے، جس کی وجہ سے عملے کو مشکلات کا سامنا ہے۔

    چینی کمپنی پاکستان میں دو ارب ڈالرز کی سرمایہ کاری کرے گی

    علاوہ ازیں الیکشن کمیشن نے چیف سیکرٹری پنجاب کو مراسلہ لکھا جس میں انہیں تقرر و تبادلوں کی اجازت دے دی اور الیکشن کمیشن کے افسران و ملازمین کو چھٹیاں دینے کی اجازت بھی دے دی۔

    الیکشن کمیشن پنجاب سیکرٹریٹ میں کام کرنے والے گریڈ 19 اور ماتحت افسران کی ٹرانسفر پوسٹنگ کی اجازت بھی دے دی گئی ہے جبکہ گریڈ 17 اور ماتحت افسران و ملازمین کی ٹرانسفر پوسٹنگ کی بھی اجازت دے دی گئی ہے۔

    الیکشن کمیشن نے ہدایت کی ہے کہ تقرر و تبادلوں کے احکامات کی تفصیلات الیکشن کمیشن کو بھجوائی جائیں، گریڈ 20، 21 اور 22 کے افسران اور پولیس کے تقرر و تبادلے کی منظوری الیکشن کمیشن سے لی جائے۔

    حکومت نے پیٹرولیم مصنوعات کی قیمتوں میں مزید اضافہ کردیا

  • الیکشن کمیشن میں پنجاب اورکے پی انتخابات کی تیاریوں پر آج اجلاس،وزیر اعلیٰ پنجاب محسن نقوی،چیف سیکریٹری ،آئی جی پنجاب بھی طلب

    الیکشن کمیشن میں پنجاب اورکے پی انتخابات کی تیاریوں پر آج اجلاس،وزیر اعلیٰ پنجاب محسن نقوی،چیف سیکریٹری ،آئی جی پنجاب بھی طلب

    الیکشن کمیشن کی جانب سے پنجاب اور خیبرپختونخوا انتخابات کی تیاریوں پر آج اجلاس طلب کیا گیا ہے-

    باغی ٹی وی: الیکشن کمیشن نے پنجاب اور خیبرپختونخوا انتخابات کے لیےتیاریوں سے متعلق فریقین کو بھی آج طلب کر لیا ہے چیف الیکشن کمشین کی جانب سے نگران وزیر اعلیٰ پنجاب محسن نقوی اور گورنر خیبرپختونخواغلام علی الیکشن کمیشن میں طلب کیا گیا ہے-

    آئی جی پنجاب، خیبرپختونخوا اور چیف سیکریٹری ، خیبرپختونخوا الیکشن کمیشن میں پیش ہوں گے،گورنر خیبرپختونخوا الیکشن تاریخ پر الیکشن کمیشن کے اہم مشاورتی اجلاس میں شرکت کریں گے،نگران وزیر اعلیٰ پنجاب محسن نقوی پنجاب میں الیکشن تیاریوں پر اجلاس میں شرکت کریں گے-

    محسن نقوی الیکشن کمیشن کو پنجاب میں انتخابات کی تیاریوں پر بریفنگ دیں گے،آئی جی پنجاب اور خیبرپختونخوا الیکشن کمیشن کو امن و امان کی صورتحال پر بریفنگ دیں گے،چیف سیکریٹری پنجاب اور خیبرپختونخوا صوبوں میں الیکشن کی انتظامی تیاریوں پر بریفنگ دیں گے-

    وزارت دفاع اور حساس اداروں کے افسران الیکشن کمیشن کے اجلاس میں شرکت کریں گے،پنجاب اور خیبرپختونخوا میں انتخابات سے متعلق امن و امان کی صورتحال کا تفصیلی جائزہ لیا جائے گا-

  • وزیراعلیٰ پنجاب کی پی ٹی آئی کارکن کی موت کی تحقیقات کرنے والی ٹیم سے ملاقات

    وزیراعلیٰ پنجاب کی پی ٹی آئی کارکن کی موت کی تحقیقات کرنے والی ٹیم سے ملاقات

    لاہور: نگران وزیراعلیٰ پنجاب محسن نقوی نے پاکستان تحریک انصاف (پی ٹی آئی) کارکن کی موت کی تحقیقات کرنے والی ٹیم کو شاباش دی-

    باغی ٹی وی: تفصیلات کے مطابق محسن نقوی سے پی ٹی آئی کاکرن ظل شاہ کی مورت کی تحقیقات کرنے والی ٹیم کی ملاقات ہوئی ملاقات میں چیف سیکرٹری، آئی جی پنجاب اورسی سی پی او بھی موجود تھے۔


    ملاقات میں وزیراعلیٰ نے پولیس ٹیم کی کارکردگی کوسراہا اورشاباش دی اور کہا کہ آپ نے محنت، پیشہ ورانہ انداز سے کم وقت میں اندھےکیس کا سراغ لگایا، حکومت آپ کی کارکردگی کو سراہتی ہے جاں بحق شہری کے لواحقین کو انصاف کی فراہمی ہم سب کی ذمہ داری ہے، آپ نے پہلے بھی انصاف کے تقاضے پورے کیے، آئندہ بھی پورے کریں گے۔


    واضح رہے کہ لاہور میں جاں بحق ہونے والے کارکن سے متعلق پی ٹی آئی نے الزام عائد کیا ہےکہ علی بلال کی موت پولیس کے تشدد سے ہوئی بعد ازاں پنجاب حکومت نے پی ٹی آئی کارکن علی بلال کے حوالے سے سوشل میڈیا پر گردش کرتی ویڈیو کو جعلی قرار دیتے ہوئے کہا تھاکہ کارکن کی موت گاڑی کی ٹکر سے ہوئی۔

    لاہور میں ہنگامی پریس کانفرنس میں نگران وزیراعلیٰ پنجاب نے کہا تھا کہ پی ٹی آئی کارکن علی بلال کی موت پولیس تشدد سے نہیں گاڑی کی ٹکر سے ہوئی، جس گاڑی میں اس کی لاش اسپتال لائی گئی اس کا مالک پی ٹی آئی سینٹرل پنجاب کا رکن راجا شکیل ہے، اسی نے یاسمین راشد کو معلومات دی کہ گاڑی سے بندہ ہٹ ہوا، یاسمین راشد نے راجا شکیل کو کہا آپ میرے ساتھ کل زمان پارک چلیں، ڈرائیور کو گاڑی میں چھوڑ کر راجا شکیل یاسمین راشد کے ساتھ زمان پارک گئے، وہاں یہ سازش رچائی گئی۔

    انہوں نے کہا تھا کہ ڈرائیور کو گاڑی میں چھوڑ کر راجا شکیل یاسمین راشد کے ساتھ زمان پارک گئے، یاسمین راشدزمان پارک کےاندرگئیں اورباہر آکر راجاشکیل کوکہاکہ بے فکر ہوجائیں۔

    آئی جی پنجاب عثمان انور نے پریس کانفرنس میں کہا تھا کہ شہری لیاقت علی نے اپنے بیٹے علی بلال کی موت کی تحقیقات کرنے کی اپیل کی ، فیصلہ کیا گیا ہے کہ پولیس تشدد کے شواہد ملے تو مکمل کارروائی کی جائے گی سوشل میڈیا پر پھیلائی جانےوالے ویڈیو جعلی ہے، کالے رنگ کی گاڑی سروسز اسپتال آنے کی ویڈیو رپورٹ ہوئی ہے-

    انہوں نے کہا تھا کہ بلال کی لاش 6 بج کر 52 منٹ پر سروسز اسپتال میں چھوڑی گئی، گاڑی 31 کیمروں کی مدد سے جی پی ایس کی مدد سے وارث شاہ روڈ سے برآمد کی، گاڑی کے ڈرائیور کا نام جہانزیب اور مالک کا نام راجا شکیل ہے، اس شخص کو مارنے کی سازش نہیں تھی، ظل شاہ کے والد سے وعدہ ہےکہ انہیں تمام شواہد پیش کریں گے۔

  • سستی روٹی سوشل میڈیا پر ٹاپ ٹرینڈ بن گیا

    سستی روٹی سوشل میڈیا پر ٹاپ ٹرینڈ بن گیا

    لاہور: سوشل میڈیا پر سستی روٹی ٹاپ ٹرینڈ بن گیا-

    باغی ٹی وی: تفصیلات کے مطابق پاکستان مرکزی مسلم لیگ کی سوشل میڈیا ٹیم کی جانب سے #سستی-روٹی کے نام سے ٹرینڈ لانچ کیا گیا،جس میں ہر شعبہ ہائے زندگی سے تعلق رکھنے والے سوشل میڈیا صارفین نے حصہ لیا –

    اس موقع پرسوشل میدیا صارفین نے مختلف خیالات کا اظہار کرتے ہوئے کہا کہ پاکستان مرکزی مسلم لیگ باقی سیاسی جماعتوں کی طرح مہنگائی کے خلاف احتجاج کرنے کی بجائے عملی اقدامات کر رہی ہے-

    صج پورے پاکستان میں مرکزی مسلم لیگ کے تحت سستی روٹی کے تندور لگا کر بغیر منافع کے سستی روٹی فراہم کی جارہی ہے ۔جو سفید پوش گھرانوں کے لیے یہ ایک بہت بڑا قدم ہے-

    سوشل میڈیا پر ایک عبداللہ نامی صارف نے سماجی رابطے کی ویب سائٹ ٹوئٹر پر سستی روٹی ہیش ٹیگ استعمال کرتے ہوئے لکھا کہ اگر مرکزی مسلم لیگ جیسی ایک نئی سیاسی جماعت یہ کام کر سکتی ہے تو پھر سالوں پرانی سیاسی جماعتوں کیلئے عوام کیلئے ایسا کچھ کرنا تو کوئی مشکل ہی نہیں-جس کے سماجی رابطے کی ویب سائٹ ٹوئٹر پر ہیش ٹیگ #سستی-روٹی ٹاپ ٹرینڈ بنا رہا-


    https://twitter.com/AmraButt11/status/1634940770166915075?s=20

  • پنجاب حکومت نے لاہور میں دفعہ 144 نافذ کر دی

    پنجاب حکومت نے لاہور میں دفعہ 144 نافذ کر دی

    پنجاب حکومت نے لاہور میں دفعہ 144 نافذ کر دی-

    باغی ٹی وی: نگران وزیر اطلاعات نے پریس کانفرنس میں کہا کہ لاہور میں جلسے،جلوس اور ریلیاں نکالنے پر پابندی ہوگی،لوگ عدالت میں جانا چاہتےہیں تو جاسکتےہیں،لاہور میں دفعہ 144صرف ایک روز کے لیے لگائی گئی ہے-

    عمران خان کا کل لاہور میں انتخابی ریلی کی قیادت کا اعلان

    نگران وزیر اطلاعات عامر میر نے کہا کہ امیدواروں کی حتمی فہرست جاری ہونےکے بعد الیکشن مہم شروع کی جاسکتی ہے،پی ٹی آئی سے آج انتظامیہ کے مذاکرات ہوئے اور ریلی نہ نکالنے کا مشورہ دیا،12مارچ کیلئے پنجاب حکومت نے ریلی نکالنے پر پابندی لگانے کا فیصلہ کیا-

    عامر میر نے کہا کہ اگر ان کی جانب سے مزاحمت کی گئی تو دفعہ 144 کو آگے بڑھا دیا جائے گا،ہماری درخواست ہے قانون کو ہاتھ میں لینے کی کوشش نہ کریں،لاہور میں آج پی ایس ایل کا اہم میچ ہونےجارہاہے،لاہور میں آج میراتھون اور سائیکل ریس بھی ہوگی-

    صوبائی وزیرسردار عبدالرحمان کھیتران رہا

    نگران وزیر اطلاعات نے کہا کہ عمران خان نے آج اہم دن پر ریلی نکالنے کا اعلان کیا ،ہمارے لیے آج سب سے بڑا ایونٹ پاکستان سپرلیگ کا ہے،اگر ان کی جانب سے مزاحمت کی گئی تو دفعہ144کو آگے بڑھا دیا جائے گا-

    واضح رہے کہ پاکستان تحریک انصاف کے چیئرمین عمران خان کی جانب سے کل ریلی کے اعلان کے بعد لاہور کی ضلعی انتظامیہ نے اجازت دینے سے انکار کردیا تھا-

    عمران خان نے کل لاہور میں ریلی نکالنے کا اعلان کیا تھا کہ ریلی کی قیادت وہ خود کریں گے اس کے اعلان کے بعد ڈپٹی کمشنر لاہور کا کہنا تھاکہ کرکٹ میچ کی وجہ سے کل ریلی کی اجازت نہیں دی جا سکتی، کرکٹ میچ اور ٹیم کی آمدو رفت کی وجہ سےانتہائی حساس دن ہےان کا کہنا تھاکہ پی ٹی آئی نے ریلی ملتوی نہ کی تو دفعہ 144کے نفاذ کے سوا کوئی چارہ نہیں ہوگا۔

    چین میں کیڑوں کی برسات ،لوگوں میں حیرت اور خوف پھیل گیا

  • ہم الیکشن کمیشن کے پاس ماضی کی تلخیاں بھلا کر آئے ہیں،قریشی

    ہم الیکشن کمیشن کے پاس ماضی کی تلخیاں بھلا کر آئے ہیں،قریشی

    پی ٹی آئی کا اعلیٰ سطحی وفد شاہ محمود قریشی اور اسد عمر کی سربراہی میں چیف الیکشن کمشنر سے ملاقات کرنے الیکشن کمیشن گیا

    وفد نے الیکشن کمیشن کو پنجاب کی نگران حکومت کے خدشات سے آگاہ کیا، ملاقات کے بعد میڈیا سے بات کرتے ہوئے تحریک انصاف کے رہنما شاہ محمود قریشی کا کہنا تھا کہ لاہور میں جو ہوا سب نے دیکھا، پی ٹی آئی رہنماوں اور ورکرزپر مقدمات درج ہورہے ہیں،ایک طرف دفعہ 144 کا نفاذ اوردوسری جانب ہماراکارکن شہید ہوا ،مناسب تحقیقات چاہتے ہیں تو شہید کے والد کی خواہش پوری کر دیں، آر اوز کی تعیناتی، نگران حکومتوں سے ہم کتنی غیرجانبداری کی توقعات کر سکتے ہیں سپریم کورٹ نے فیصلہ دے دیا ،

    شاہ محمود قریشی کا مزید کہنا تھا کہ بہت سارے ایشوز پر تبادلہ خیال کیا، اپنے خدشات سے الیکشن کمیشن کو آگاہ کیا ہم الیکشن کمیشن کے پاس ماضی کی تلخیاں بھلا کر آئے ہیں، ہمارا یک نکاتی ایجنڈہ ہے کہ آزادانہ، شفاف اور منصفانہ انتخابات ہونے چاہییں،ملک کی 71 فیصد عوام فوری الیکشن چاہتی ہے،پی ٹی آئی سمجھتی ہے ملک ایک مشکل صورتحال میں داخل ہو چکا ہے،ہم نے ملک کو اس دلدل سے نکالنا ہے،

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

    جس میں وہ کرسی پر بیٹھے ہیں اور سگار پی رہے ہیں، شیخ رشید احمد کو لاک اپ میں بندنہیں کیا

  • پنجاب ،خیبرپختونخوا میں انتخابات ، 25 ارب روپے کے اخراجات آئیں گے،الیکشن کمیشن

    پنجاب ،خیبرپختونخوا میں انتخابات ، 25 ارب روپے کے اخراجات آئیں گے،الیکشن کمیشن

    وزارت داخلہ کے حکام الیکشن کمیشن پہنچ گئے

    اسلام آباد،پنجاب اور خیبرپختونخوا میں انتخابات کی تیاریاں، الیکشن کمیشن کا اجلاس ہوا،چیف الیکشن کمشنر سکندرسلطان راجہ کی زیرصدارت اجلاس ہوا،سیکریٹری الیکشن کمیشن کی جانب سے انتخابات کی تیاریوں پر بریفنگ دی گئی ،سیکریٹری خزانہ حامد یعقوب شیخ اوراسپیشل سیکریٹری داخلہ سید علی مرتضیٰ نے اجلاس میں شرکت کی،الیکشن کمیشن کا کہنا ہے کہ پنجاب اور خیبرپختونخوا میں انتخابات پر 25 ارب روپے کے اخراجات آئیں گے،

    سیکریٹری وزارت خزانہ حامد یعقوب شیخ نے الیکشن کمیشن کو بریفنگ دی ،الیکشن کمیشن نے وزارت خزانہ کو انتخابات فنڈز کی فراہمی کی ہدایت کردی وزارت خزانہ نے فنڈز کے حوالے سے آئینی ذمہ داری پوری کرنے کی یقین دہانی کرادی

    سیکرٹری خزانہ نے غیر رسمی گفتگو کرتے ہوئے کہا کہ ہم نے فنڈز دینے سے کبھی انکار نہیں کیا ،الیکشن کمیشن کو ڈیمانڈز پر نظرثانی کی درخواست کی ہے، سپریم کورٹ کے فیصلہ پر عملدرآمد کریں گے،

    واضح رہے کہ الیکشن کمیشن نے پنجاب کے انتخابات کا کل شیڈول جاری کر دیا ہے، خیبر پختونخوا میں الیکشن کے لئے ابھی تک تاریخ سامنے نہیں آ سکی، پنجاب میں 30 اپریل کو الیکشن ہوں گے،

    پنجاب کے تمام صوبائی اسمبلی کے حلقوں میں الیکشن ہوں گے، اس ضمن میں ن لیگ، پی ٹی آئی ، پیپلز پارٹی سمیت سب سیاسی جماعتوں نے ٹکٹوں کے لئے انٹرویوز کا سلسلہ شروع کر رکھا ہے

    الیکشن کمیشن آف پاکستان نے الیکشن شیڈول کے اعلان کے بعدپنجاب میں ٹرانسفرپوسٹنگ پرپابندی عائد کردی ہے، اے ایس پیزڈی ایس پیزاورتحصیلداروں ایس ایچ او ،اسسٹنٹ کمشنرزکےٹرانسفر پوسٹنگ پرپابندی ہوگی سپیشل عدالتوں میں ججز کی ٹرانسفرپوسٹنگ پرپابندی ہوگی،

    نوٹ، اس خبر کو اپڈیٹ کیا جا رہا ہے

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

    جس میں وہ کرسی پر بیٹھے ہیں اور سگار پی رہے ہیں، شیخ رشید احمد کو لاک اپ میں بندنہیں کیا

  • لاہور: سول جج فاروق احمد نوکری سے برطرف

    لاہور ہائیکورٹ نے سول جج فاروق احمد کو نوکری سے برطرف کردیا۔

    باغی ٹی وی : رجسٹرار لاہور ہائیکورٹ نےسول جج فاروق احمد کی نوکری سے برطرفی کا نوٹیفکیشن جاری کردیا جس میں بتایا گیا کہ سول جج فاروق احمد کیخلاف پنجاب سول سرونٹ رولز 1999 کے تحت ڈسپلنری کارروائی کی گئی۔

    سابق مشیر وزیر اعلیٰ پنجاب زبیر احمد خان گرفتار

    نوٹیفیکیشن کے مطابق انکوائری افسر نے تمام شواہد اکٹھے کرکے انہیں نوکری سے برطرف کرنے کی سفارش کی۔

    واضح رہے کہ ایڈیشنل سیشن جج بہاولپور اور سول جج بہاولپور ملک فاروق کے درمیان کافی عرصے سے تنازع چلا آرہا تھا جس پر سیشن جج نے سول جج ملک فاروق اور ان کی اہلیہ پر مقدمہ بھی درج کرایا تھا جبکہ ایف آئی اے نے ان کے گھر پر چھاپہ بھی مارا تھا۔

    گزشتہ برس جولائی میں ایڈیشنل سیشن جج بہاولپور کی جانب سے مقدمہ درج کرنے کے معاملے میں اسلام آباد ہائیکورٹ نے سول جج بہاولپور ملک فاروق اور ان کی اہلیہ کی حفاظتی ضمانت رات گئے منظور کی تھی-

    پاکستان اور آئی ایم ایف کے درمیان حتمی مذاکرات آج ہوں گے،درجنوں اشیا پر …

    اسلام آباد ہائیکورٹ کے چیف جسٹس اطہر من اللہ نے 10 ہزار روپے کے ضمانتی مچلکوں کے عوض 18 جولائی تک حفاظتی ضمانت منظور کرنے کے احکامات جاری کیے تھے-

    ہائیکورٹ میں دائر اپنی درخواست میں سول جج نے الزام عائد کرتے ہوئے کہا تھا کہ سیشن جج نے مجھے مختلف مقدمات کے فیصلے ان کی مرضی کے کرنے کا کہا لیکن میں نے میرٹ پر فیصلے کئے، سیشن جج نے دھمکی دی پھر میرا تبادلہ کروایا۔

    سول جج کا کہنا تھا کہ میرے خلاف مقدمہ درج کروا دیا اور اب پولیس گھر پر چھاپے مار رہی ہے، میرے پاس سیشن جج کے واٹس ایپ میسجز کالز کا مکمل ریکارڈ موجود ہے، گرفتاری کا خدشہ ہے اس لیے حفاظتی ضمانت منظور کی جائے۔

    عمران خان سیکورٹی وجوہات کی بنا پر اسلام آباد کی عدالتوں میں پیش نہیں ہوں …

  • پنجاب اور خیبرپختونخوا انتخابات: الیکشن کمیشن نے وزارت داخلہ اور خزانہ حکام کو طلب کر لیا

    پنجاب اور خیبرپختونخوا انتخابات: الیکشن کمیشن نے وزارت داخلہ اور خزانہ حکام کو طلب کر لیا

    اسلام آباد: الیکشن کمیشن آف پاکستان نے پنجاب اور خیبرپختونخوا میں انتخابات کے حوالے سے وزارت داخلہ اور خزانہ کو کل جمعرات کو دوپہر ساڑھے بارہ بجے طلب کر لیا۔

    باغی ٹی وی: ذرائع الیکشن کمیشن کے مطابق دونوں وزارتوں کے سیکریٹری کل الیکشن کمیشن کیجانب سے بریفنگ دی جائے گی، وزارت خزانہ سے الیکشن کے انعقاد کے لئے فنڈز کی فراہمی کا کہا جائے گا۔

    پنجاب اسمبلی کے انتخابات،الیکشن کمیشن نے شیڈول جاری کردیا

    ذرائع الیکشن کمیشن کے مطابق وزارت داخلہ کو الیکشن کی سیکورٹی کے لیے آرمی ، رینجرز اور دیگر قانون نافذ کرنے والے اداروں کی فراہمی یقینی بنانے کا کہا جائے گا۔

    ذرائع کے مطابق وزارت داخلہ سے یہ بھی کہا جائے گا کہ جی ایچ کیو اور وزارت دفاع سے رابطہ کرکے فوج کی الیکشن ڈیوٹی کو یقینی بنائیں۔

    ٹوئٹر کے دفتر میں محافظ ہروقت یہاں تک کہ باتھ روم میں بھی ایلون مسک …

    واضح رہے کہ پنجاب اسمبلی کے انتخابات کیلئے الیکشن کمیشن نے شیڈول جاری کردیا،الیکشن کمیشن کے مطابق پنجاب میں عام انتخابات 30 اپریل کو ہوں گے،کاغذات نامزدگی 12سے14مارچ تک جمع کرائے جائیں گےکاغذات نامزدگی کی جانچ پڑتال22مارچ تک ہوگی امیدوار 5 اپریل تک کاغذات نامزدگی واپس لے سکیں گے، انتخابی نشانات 6اپریل کو دیئے جائیں گے-

    واضح رہے کہ پنجاب میں اسمبلی ٹوٹنے کے بعد پنجاب میں انتخابات ہونے تھے تا ہم گورنر نے تاریخ نہیں دی تھی، سپریم کورٹ نے از خود نوٹس لیا تھا جس کے بعد الیکشن کمیشن نے صدر مملکت کو خط لکھ کر پنجاب میں الیکشن کی تاریخ 30 اپریل سے سات مئی تجویز کی تھی،جس پر صدر مملکت عارف علوی نے 30 اپریل کو الیکشن کی تاریخ کا اعلان کیا تھا، آج الیکشن کمیشن نے بھی 30 اپریل کو الیکشن کا شیڈول جاری کر دیا ہے-

    بھارتی فوج نے اپنے ہی گاؤں پر گولہ گرادیا ،3 دیہاتی ہلاک اور متعدد زخمی

    پنجاب کے تمام صوبائی اسمبلی کے حلقوں میں الیکشن ہوں گے، اس ضمن میں ن لیگ، پی ٹی آئی ، پیپلز پارٹی سمیت سب سیاسی جماعتوں نے ٹکٹوں کے لئے انٹرویوز کا سلسلہ شروع کر رکھا ہے-

  • اسلام آباد اورکوئٹہ میں مقدمات درج: عمران خان کا حفاظتی ضمانت کیلئےہائیکورٹ سے رجوع

    اسلام آباد اورکوئٹہ میں مقدمات درج: عمران خان کا حفاظتی ضمانت کیلئےہائیکورٹ سے رجوع

    چئیرمین تحریک انصاف اور سابق وزیراعظم عمران خان نے اسلام آباد اور کوئٹہ میں درج تین مقدمات میں حفاظتی ضمانت کیلئے لاہور ہائیکورٹ سے رجوع کرلیا۔

    باغی ٹی وی : عمران خان نے تھانہ رمنا اسلام آباد کے 2 مقدمات اور کوئٹہ کے ایک مقدمے میں ے بیرسٹر سلمان صفدر کے توسط سے حفاظتی ضمانت کی درخواستیں دائر کی ہیں جس میں آئی جی پنجاب کو فریق بنایا گیا ہے۔

    الیکشن کمیشن سے عمران خان کے وارنٹ گرفتاری اسلام آباد پولیس کو موصول

    عمران خان نے درخواست میں مؤقف اختیار کیا ہے کہ تھانہ رمنا کی دونوں ایف آئی آرمیں دہشت گردی کی دفعات لگائی گئی ہیں اور کوئٹہ میں مقدمہ پیکا قانون کی دفعات کے تحت درج ہے۔

    درخواست میں کہا گیا ہے کہ عمران خان ضمانت کیلئے عدالت میں پیش ہونا چاہتے ہیں مگر پولیس نےغیرقانونی حراست کیلئے زمان پارک رہائش گاہ کوگھیر رکھا ہے لہٰذا آئی جی پنجاب کو کہاجائے کہ پولیس رکاوٹ نہ ڈالے۔

    درخواست میں کہا گیا کہ 22 واں وزیراعظم بننے کے بعد ملک کو ادائیگوں کے بحران سے بچانے کیلئے بروقت آئی ایم ایف سے معاہدہ کیا، امریکا اور افغان طالبان کے مابین بات چیت کرائی –

    درخواست میں مزید کہا گیا کہ امریکی افواج کا افغانستان سے انخلا یقینی بنایا، کورونا کیلئے انتظامات پر دنیا نے تعریف کی، سیاسی مخالفین نے جھوٹے مقدمے درج کرائے ہیں۔

    عمران خان توشہ خانہ کیس میں مسلسل 7 مرتبہ حاضر نہیں ہوئے،عدالت

    واضح رہےکہ عمران خان کےخلاف کوئٹہ میں مقدمہ درج کیاگیا تھا،خبریں تھیں کہ عمران خان کے خلاف کوئٹہ میں درج مقدمے میں پولیس وارنٹ لے کر زمان پارک آ رہی ہے، بلوچستان پولیس پنجاب پولیس کی مدد سے عمران خان کو گرفتارکرے گی-

    کوئٹہ میں درج مقدمے میں کہا گیا تھا کہ جب پولیس عمران خان کو گرفتار کرنے ان گھر زمان پارک گئی تو انہوں نے ٹی وی پر آکر اعلیٰ افسران کیخلاف نفرت انگیز تقریر کی جس سے ان کی جان کو خطرہ ہوا اور انہوں نے ریاستی اداروں کے خلاف اپنے لوگوں کو اکسایا.

    بلوچستان پولیس کی ٹیم عمران خان کے وارنٹ گرفتاری لے کر لاہور روانہ