Tag: پنجاب

لاہور:وزیراعلیٰ پنجاب کی زیرصدارت کابینہ کا چوتھا غیرمعمولی اوراہم اجلاس،بڑے فیصلے،اطلاعات کے مطابق ‏وزیراعلیٰ پنجاب چودھری پرویز الٰہی کی زیر صدارت صوبائی کابینہ کا چوتھا اجلاس منعقد ہوا ہے ، اس اہم اجلاس میں پنجاب میں شوگر ملوں کو 25نومبر سے کرشنگ شروع کرنے کا پابند کردیا گیا۔

وزیراعلٰی پنجاب چوہدری پرویز الٰہی کی زیرصدارت اہم اجلاس میں صوبائی کابینہ نے گنے کی سپورٹ پرائس300 روپے کرنے کی منظوری دے دی، اس کے ساتھ ساتھ احساس راشن رعایت پروگرام میں بینک آف پنجاب کو شامل کرنے کی منظوری دی گئی

‏باغی ٹی وی ذرائع کے مطابق صوبائی کابینہ نے ڈی جی ریسکیو1122ڈاکٹر رضوان نصیر کو گریڈ 21دینے کی منظوری دے دی، کابینہ اجلاس میں ڈی جی اور ریسکیو1122کی پوری ٹیم کو خراج تحسین پیش کیا گیا، صوبائی کابینہ نے الیکٹرک گاڑیوں کی رجسٹریشن کے ضابطہ کار کی منظوری دے دی

اس اہم اجلاس میں پنجاب میں الیکٹرک رکشے چلانے کااصولی فیصلہ کیا گیا ، اس کے ساتھ ساتھ اس موقع پر چوہدری پرویز الٰہی نے کہا کہ الیکٹرک گاڑیوں کو ٹیکسز کی مد میں 50فیصد تک رعایت دیں گے۔

پنجاب میں امن وامان کی بہتر صورت حال کے لیے وزیراعلیٰ نے پنجاب پولیس کی 3ہزار خالی آسامیوں پر بھرتی کی منظوری دے دی، جبکہ پنجاب سیف سٹی اتھارٹی کے چیف آپریٹنگ آفیسر کامران خان کے کنٹریکٹ میں دو سال کی توسیع دی گئی ، اس کےساتھ ساتھ ہواوے سے پنجاب سیف سٹی اتھارٹی کے معاہدے کی اصولی منظوری بھی دی گئی

چوہدری پرویزالٰہی کی زیرصدارت اجلاس میں‌ ایل ڈی اے ٹریبونل کے صدر کی تعیناتی کی منظوری دی گئی ، اس اہم اجلاس میں سرگودھا اور بہاولپورکومتعلقہ ڈویلپمنٹ اتھارٹی کا سٹی ایریا قرار دینے کی منظوری دی گئی ، کابینہ اجلاس میں پنجاب ڈرگ رولز میں ترمیم کی منظوری کے ساتھ ساتھ صوبائی کوالٹی کنٹرول بورڈکی ری ویمپنگ کی منظوری دی گئی ، کابینہ اجلاس میں پنجاب کمیشن آن سٹیٹ آف وویمن کی سالانہ رپورٹ کی منظوری دی گئی

وزیراعلیٰ پنجاب کی زیرصدارت اجلاس میں حکومت پنجاب کے اکاؤنٹس کے بارے میں آڈٹ رپورٹس کی منظوری کے ساتھ ساتھ پبلک سیکٹر انٹرپرائز گورنمنٹ آف پنجاب آڈٹ اکاؤنٹ کے آڈٹ کی منظوری دی گئی ، اس اجلاس میں ‏چیئرمین زکوٰۃ وعشر کونسل کی تعیناتی کے قواعد و ضوابط کی منظوری دی گئی ،

وزیراعلیٰ‌پنجاب چوہدری پرویزالٰہی کے زیرصدارت اجلاس میں قائداعظم لائبریری شیڈول ریگولیشن1984میں ترمیم کی منظوری دی گئی ، اس کے ساتھ ساتھ پنجاب پبلک لائبریری جنرل ریگولیشن2012میں ترمیم کی منظوری دی گئی ، قائداعظم بزنس پارک کے کنٹریکٹ کے ازسرنو جائزہ لینے کی اصولی منظوری بھی دی گئی

 چائلڈ پورنوگرافی ویڈیوز سوشل میڈیا پر پھیلانے کا کیس، سپریم کورٹ کا بڑا فیصلہ

چائلڈ پورنوگرافی میں‌ ملوث ملزم گرفتار،کتنی اخلاق باختہ ویڈیوز شیطان صفت کے پاس برآمد ہوئیں

لڑکی کو نازیبا ،فحش تصاویر بھیجنے والا ملزم گرفتار

پولیس اوردیگر محکموں کیلئے 1200 ڈرون کیمرے خریدنے کی منظوری

وزیراعلیٰ پنجاب چودھری پرویز الٰہی کا پبلک سیفٹی اورعوام کو سہولتیں دینے کیلئے انقلابی فیصلہ۔وزیراعلیٰ چودھری پرویزالٰہی نے پولیس اوردیگر محکموں کیلئے1200ڈرون کیمرے خریدنے کی اصولی منظوری دے دی۔

وزیراعلیٰ پنجاب چودھری پرویزالٰہی نے کہاہے کہ پنجاب بھر میں پبلک سیفٹی اورعوام کو سہولتیں دینے کیلئے ڈرون ٹیکنالوجی سے بھرپور استفادہ کیا جائیگا۔صوبے میں ڈرون ٹیکنالوجی کے ذریعے پولیسنگ کے نظام کوجدید بنائیں گے اورصرف پولیس کیلئے ایک ہزار سے ڈرون کیمرے لئے جائیں گے۔ڈرون ٹیکنالوجی کی مدد سے صوبے میں جدید پولیسنگ سسٹم کو فروغ دیں گے اور پٹرولنگ پولیس کی استعداد کار میں اضافہ کیا جائے گا۔ڈرون ٹیکنالوجی کے ذریعے صوبے میں سٹریٹ کرائم اوردیگر جرائم پر قابو پانے میں مدد ملے گی۔ جرائم پیشہ عناصر کو قانون کی گرفت میں لانے میں ڈرون کیمرے ممدو معاون ثابت ہوں گے۔ جدید ڈرون ٹیکنالوجی سے جلسے، جلسوں خصوصاً محرم الحرام اورمذہبی تہواروں کی موثر مانیٹرنگ ممکن ہوگی۔ انہوں نے کہا کہ 2021 کے دوران مینار پاکستان میں خاتون کے ساتھ انتہائی ناخوشگوار واقعہ پیش آیا،ڈرون کیمروں کے مدد سے پارکس اور تفریحی مقامات کی مانیٹرنگ سے ایسے واقعات کی روک تھام ممکن ہوگی اور پارکس اورتفریحی مقامات کی موثر نگرانی کی جاسکے گی اور کوئی بھی ناخوشگوار واقعہ فوری رپورٹ ہوگا اورمتعلقہ محکمے بروقت رسپانس دے سکیں گے۔ نائٹ ویژن ڈرون کیمروں سے رات کو بھی امن وامان کو بہتر بنانے میں مدد ملے گی۔ وزیراعلیٰ نے کہا کہ ڈرون ٹیکنالوجی کی مدد سے سیلاب کی پیشگی معلومات کا حصول ممکن ہوگا۔دریاؤں میں پانی کے فلو کو 24گھنٹے مانیٹر کیا جاسکے گا۔

سیلابی صورتحال کے پیش نظر ڈرون ٹیکنالوجی کے ذریعے متعلقہ اداروں کو ریڈ الرٹ جاری کیاجائے گا۔امدادی سرگرمیوں خصوصاً ادویات اورکھانے پینے کی اشیاء کی متاثرین تک فراہمی میں بھی ڈرون ٹیکنالوجی سے استفادہ کیا جاسکے گا۔انہوں نے کہا کہ آتشزدگی،زلزلے یا کسی اورقدرتی آفت کے دوران ڈرون ٹیکنالوجی سے متاثرہ علاقے میں بروقت امدادی سرگرمیاں شروع کرنے میں مدد ملے گی۔ زرعی شعبہ ڈرون ٹیکنالوجی سے بے پناہ مستفید ہوسکے گا۔انہوں نے کہا کہ بڑے ڈرونز کے ذریعے فصلوں پرزرعی ادویات کاموثر انداز میں سپرے ممکن ہوگا۔ٹڈی دل اوردیگرحشرات کا وقت سے قبل خاتمہ کیا جاسکے گااور زرعی پیداوار میں اضافہ ہوگا۔ فصلوں کی پیداوار کا درست تخمینہ لگانے میں مدد ملے گی۔ سالٹ رینج میں کان کنی کے علاقے میں مائینگ سرگرمیوں کی سرویلنس ہوسکے گی اورآن گراؤنڈ کام کا درست اندازہ لگایا جا سکے گا۔شجرکاری کے دوران لگائے گئے درختوں کی اصل تعداد کا تخمینہ ڈرون ٹیکنالوجی سے لگایا جاسکے گا۔ کسی بھی قدرتی آفت کے دوران زندگیاں بچانے کیلئے ڈرون ٹیکنالوجی کا استعمال بہت اہمیت رکھتا ہے۔انہوں نے کہا کہ ریسکیوکے حوالے سے ڈرون کیمروں کی مدد سے زندگیاں بچانے میں مدد ملے گی۔ ڈرون ٹیکنالوجی کے استعمال اوراس پروگرام پر عملدر آمد کیلئے پنجاب میں علیحدہ ونگ بنایا جائے گا۔ ڈرون ٹیکنالوجی کے استعمال کے بارے میں عملے کو چینی کمپنی سے تربیت دلوائی جائے گی۔

اسرائیلی صدر کے دورہ کے دوران حوثی باغیوں کا یو اے ای پر بیلسٹک میزائل حملہ

حوثی باغیوں کے حملے، امریکا کا جنگی بحری جہاز اور لڑاکا طیارے یو اے ای بھجوانے کا اعلان

ہیلی کاپٹر حادثہ، امریکی ڈرون کے چرچے،جعلی ٹویٹ،سازشی پکڑے گئے

سائبر کرائم ونگ کی کاروائی، چائلڈ پورنوگرافی میں ملوث تین ملزمان گرفتار

سائبر کرائم کا شکار ہونے والی خواتین خودکشی کی طرف مائل ہو جاتی ہیں،انکشاف

حوثیوں کے سعودی عرب،یو اے ای پر بیلسٹک میزائل حملے،یو اے ای نے میزائل تباہ کر دیئے

وزیراعلیٰ چودھری پرویزالٰہی نے پولیس اورمتعلقہ محکموں کو ڈرون کیمرے لینے کیلئے حتمی سفارشات مرتب کرنے کی ہدایت کرتے ہوئے کہا کہ متعلقہ محکمے اپنی ضروریات کے مدنظر رکھ کر فائنل رپورٹ جلد پیش کریں۔انہوں نے کہا کہ ڈرون ٹیکنالوجی کا حصول پنجاب کی تاریخ کا منفرد اورجدید ترین پروگرام ہے۔

وزیراعلیٰ پنجاب چودھری پرویزالٰہی سے آج وزیراعلیٰ آفس میں چین کی ڈرون ٹیکنالوجی کی معروف کمپنی Da-Jiang Innovations(DJI) کے وفدنے ملاقات کی۔وفد میں لائی مین یاک(Mr. Lai Man Yuk)، کولٹ چن(Mr. Colt Chen)،لومن ژاؤ(Mr. Lumen XU)، ہونگ جینگے ژانگ(Mr. Hongjingye Zhang)، مین یاک لائی(Mr.Man Yuk LAI)، زین وین لیان(Mr. Zhenwen Lian)، الیسٹرکونگ(Mr. Alistair KUNG) شامل تھے۔چینی کمپنی کے وفدنے وزیراعلیٰ چودھری پرویزالٰہی کوڈرون ٹیکنالوجی کے ذریعے مختلف سروسز کو بہتر بنانے کے حوالے سے تفصیلی بریفنگ دی۔سابق وفاقی وزیر مونس الٰہی،پرنسپل سیکرٹری وزیراعلیٰ محمد خان بھٹی،سابق پرنسپل سیکرٹری وزیراعلیٰ جی ایم سکندر،ایڈیشنل چیف سیکرٹری داخلہ کیپٹن (ر)اسد اللہ خان،قائمقام انسپکٹر جنرل پولیس کنور شاہ رخ،سیکرٹری زراعت،سیکرٹری آبپاشی،ڈی جی ریسکیو 1122 ڈاکٹر رضوان نصیر،ڈی جی پی ڈی ایم اے اورمتعلقہ حکام بھی اس موقع پر موجود تھے

جنوبی پنجاب سیکرٹریٹ کو رول بیک کرنے کی بجائے فعال بنانے پر اتفاق

وزیراعلیٰ پنجاب چودھری پرویز الٰہی کی زیر صدارت اعلی سطح کا اجلاس ہوا

صوبائی وزراء راجہ محمد بشارت،محسن لغاری،اختر ملک،شہاب الدین،سابق وفاقی وزیر مونس الٰہی نے اجلاس میں شرکت کی ،اجلاس میں جنوبی پنجاب سیکرٹریٹ کے امور میں بہتری لانے کیلئے تجاویز پر غور کیا گیا، جنوبی پنجاب سیکرٹریٹ کے معاملات میں رکاوٹیں دورکرنے کیلئے راجہ بشارت کی سربراہی میں کمیٹی قائم کرنے کا فیصلہ کیا گیا،جنوبی پنجاب سیکرٹریٹ کو رول بیک کرنے کی بجائے فعال بنانے پر اتفاق کیا گیا،جنوبی پنجاب کیلئے مختص35 فیصدترقیاتی فنڈ کا استعمال یقینی بنانے کی ہدایت کی گئی،

وزیراعلیٰ پنجاب چودھری پرویز الٰہی کا کہنا تھا کہ پی ٹی آئی حکومت کے دور میں جنوبی پنجا ب سے متعلق اہداف کو پورا کرنے پر بھر پور توجہ دی جائے گی جنوبی پنجا ب کیلئے مختص فنڈز کہیں اورخرچ کرنے کی اجازت نہیں دی جائے گی۔
(ن) لیگ نے جنوبی پنجاب کے ایشوپر ہمیشہ عوام کو دھوکہ دیا۔ ہمارے سابق دورحکومت میں جنوبی پنجاب میں مثالی ترقی ہوئی۔ ملتان وہاڑی روڈ کی مرحلہ وارتعمیر وبحالی کا پراجیکٹ شروع کریں گے ملتان میں جنوبی پنجاب سیکرٹریٹ کے ساتھ سٹیٹ آف دی آرٹ سرکٹ ہاؤس بنائیں گے۔ ملتان میں سٹیٹ آف دی آرٹ جم خانہ کلب بھی بنایا جائے گا

ایڈیشنل چیف سیکرٹری جنوبی پنجاب نے اجلاس کے شرکاء کو تفصیلی بریفنگ دی ، چیف سیکرٹری پنجاب عبداللہ خان سنبل، ایڈیشنل چیف سیکرٹری کیپٹن ریٹائرڈ اسد اللہ خان، سیکرٹری خزانہ وا صف خورشید، سیکرٹری ریگولیشن اور متعلقہ حکام نے اجلاس میں شرکت کی

سیلاب سے متاثرہ آخری آدمی کی بحالی تک چین سے نہیں بیٹھیں گے، آرمی چیف

پاک فوج نے فلڈ ریلیف ہیلپ لائن قائم کر دی،

آرمی چیف جنرل قمر جاوید باجوہ نے کانجو اور سوات کا دورہ کیا

لاہور:پی ڈی ایم اے پنجاب نے سیلاب سے ہونے والے نقصانات کے اعدادوشمار جاری کر دیئے جبکہ سیلاب سے ہونے والے نقصانات کا تخمینہ لگانے کے لیے سروے مکمل کر لیا گیا۔

باغی ٹی وی: ترجمان پی ڈی ایم اے کے مطابق پنجاب میں سیلاب سے مجموعی طور پر 55 ہزار452 گھر تباہ ہوئے47ہزار585 کچے اور 7867 پکے گھر تباہ ہوئے، حکومت پنجاب سیلاب متاثرین کو پکے گھر کے گرنے پر 04 لاکھ اور کچے گھر کے گرنے پر 02 لاکھ روپے مالی امداد دے گی۔ پکے گھر کے جزوی نقصان پر 02 لاکھ اور کچے گھر کے جزوی نقصان پر 50000 ہزار کی مالی امداد دی جائے گی۔

کے پی حکومت نے وفاق سے مالی وسائل لینے کیلیے سپریم کورٹ جانے کا فیصلہ کرلیا

رپورٹ کے مطابق 81 افراد کی حالیہ سیلاب سے اموات ہوئیں۔ حکومت پنجاب سیلاب سے وفات پانے والے افراد کے لواحقین میں 10، 10 لاکھ روپے کی امدادی رقم پہلے ہی تقسیم کر چکی، مجموعی طور 81 افراد کے لواحقین میں 8کروڑ 10 لاکھ روپے تقسیم کیے گئے۔

پنجاب میں حالیہ سیلاب کے دوران 55 افراد زخمی اور 02 افراد معذور ہوئے، حکومت پنجاب سیلاب سے معذور ہونے والے افراد میں ایک ایک لاکھ روپے اور زخمیوں کو 40، 40 ہزار روپے مالی امداد فراہم کرے گی۔

سیلاب سے مجموعی طور پر 652 جانور ہلاک ہوئے جن میں 494 چھوٹے اور 158 بڑے جانوروں کی ہلاکت ہوئی۔ حکومت پنجاب بڑے جانور کی ہلاکت پر 75000 ہزار روپے اور چھوٹے جانور کی ہلاکت پر 5000 ہزار روپے کی مالی امداد دے گی۔

الیکشن سے قبل سیاسی جماعتیں الیکشن ریفارمز کے لیے آپس میں مذاکرات کریں،سراج الحق

حالیہ سیلاب سے 4لاکھ 30 ہزار ایکڑ پر کھڑی فصلوں کو نقصان پہنچا۔ پنجاب حکومت سیلاب متاثرین کو فی ایکڑ 05 ہزار روپے مالی امداد بھی فراہم کرے گی، مالی امداد پانچ ایکڑ رقبے تک دی جائے گی۔

ترجمان کے مطابق حکومت پنجاب کی جانب سے متاثرین کی بحالی کے لیے امدادی رقم میں کئی گنا اضافہ کیا گیا ہے، حکومت پنجاب سیلاب متاثرین کی بحالی پر 12 ارب روپے کی خطیر رقم خرچ کرے گی۔

جامع سروے کی بنیاد پر متاثرہ خاندانوں کو رقوم کی شفاف اور ڈائریکٹ فراہمی بذریعہ بینک آف پنجاب کی جائے گی، امدادی رقوم کی تقسیم کا عمل رواں ہفتہ میں شروع کیا جائے گا۔ پی ڈی ایم اے پنجاب گھروں کی پائیدار تعمیر کے لیے ہدایت نامہ کی فراہمی کے عمل کو بھی یقینی بنائے گی۔

پاکستانی عوام کی اوسط عمر میں کمی کا انکشاف. پاکستان آبادیاتی سروے

لاہور میں ڈینگی مچھر اورفضائی آلودگی میں اضافے کےخلاف پنجاب اسمبلی میں قرارداد جمع کروا دی گئی

قرارداد مسلم لیگ (ن) کی رکن سعدیہ تیمور کی جانب سے جمع کرائی گئی ، قرارداد کے متن میں کہا گیا ہے کہ صوبائی دارالحکومت لاہور میں فضائی آلودگی اور ڈینگی مچھر کے کیسز میں تیزی سے اضافہ ہورہا ہے ہر روز ڈینگی کے کیسز سامنے آرہے ہیں فضائی آلودگی میں اضافے سے شہریوں میں گلے کی خرابی،کھانسی اور بخار کے شکایت بھی بڑھ رہی ہے پنجاب کی وزیر صحت ڈاکٹر یاسمین راشد کنٹینر پر سوار ہیں لاہور کے شہری ڈینگی وائرس اور فضائی آلودگی کے رحم و کرم پر چھوڑ دیے گئے ہیں ڈینگی وائرس کے پھیلاو کو روکنے کےلئے ہنگامی بنیادوں پر اقدامات اٹھائے جائیں فضائی آلودگی کے خلاف کمپئین چلائی جائے

دوسری جانب پنجاب کمیشن برائے حقوق خواتین کی چیئر پرسن کی تعینات کرنے کے مطالبے کی قرارداد پنجاب اسمبلی جمع کروا دی گئی، قرارداد مسلم لیگ(ن) کی رکن حناپرویز بٹ کی جانب سے جمع کرائی گئی، قرارداد کے متن میں کہا گیا کہ پنجاب کمیشن برائے حقوق خواتین کا عہدہ چار سال سے خالی ہے فوزیہ وقار کو 2019 میں صوبائی حکومت نے عہدے سے ہٹایا تھا جسکے بعد تاحال پنجاب کمیشن برائے حقوق خواتین کا عہدہ خالی ہے چیئرپرسن کی عدم تعیناتی کے باعث خواتین سے متعلق شکایات کا مناسب ازالہ نہیں ہو رہا جبکہ خواتین کی ڈویلپمنٹ کے پروجیکٹ بند ہو چکے ہیں قانون کے مطابق کمیشن کی سال میں چار میٹنگ ہونا لازمی ہیں جبکہ 2019 کے بعد کمیشن کی ایک بھی میٹنگ نہیں ہو سکی پنجاب کمیشن برائے حقوق خواتین کی چیئرپرسن کی تعیناتی فوری یقینی بنائی جائے

انیل مسرت منموہن سنگھ کے ہمراہ سیلفی بنانے لگے تو کیا ہوا؟

سابق بھارتی وزیراعظم منموہن سنگھ کا کرونا ٹیسٹ، کیا آئی رپورٹ؟

ڈینگی ایس او پیز کی خلاف ورزی پر کارروائی جاری، 68 افراد گرفتار،639 مقدمات درج

پنجاب ہیلتھ کیئر کمیشن نے الائزا ڈینگی ٹیسٹ کی قیمت 1,500روپے مقررکر دی

ڈینگی کا ڈنگ تیز، ہسپتال بھر گئے

لاہور میں ڈینگی کیسز کی شرح میں کمی

لاہور: پنجاب حکومت نے عمران خان پر وزیرآباد میں ہونے والے قاتلانہ حملے کی تحقیقات کے لیے جوائنٹ انویسٹی گیشن ٹیم تشکیل دے دی۔

محکمہ داخلہ پنجاب نے ڈی آئی جی اسٹیبلشمنٹ سی پی او لاہور طارق رستم چوہان کی سربراہی میں سانحہ وزیر آباد کی تحقیقات کیلیے جے آئی ٹی بنا دی۔ جس میں ڈی آئی جی سید خرم علی اور آئی جی انویسٹی گیشن برانچ پنجاب احسان اللہ چوہان، ضلعی پولیس آفیسر وہاڑی محمد ظفر بزدار اور ایس پی سی ٹی ڈی نصیب اللہ خان بھی شامل ہیں۔

پنجاب حکومت کی جانب سے تشکیل دی جانے والی جے آئی ٹی سانحہ وزیرآباد سے متعلق مکمل تفتیش کرے گی اور اپنی رپورٹ صوبائی وزیر داخلہ کو پیش کرے گی۔

واضح رہے کہ ایک روز قبل صوبائی وزیر داخلہ عمر سرفراز چیمہ نے پریس کانفرنس کرتے ہوئے کہا تھا کہ ابتدائی فرانزک تحقیقات میں یہ بات سامنے آئی ہے کہ عمران خان پر حملے میں دو لوگ ملوث تھے جبکہ کنٹرینرز سے دو قسم کی گولیاں برآمد ہوئیں ہیں۔

لاہور: پنجاب حکومت نے اہم پیغام وفاقی حکومت کو بھیج دیاہے ، اطلاعات ہیں‌کہ نئے آئی جی پنجاب کی تقرری کے معاملے پر پنجاب حکومت نے وفاقی حکومت کو تین نام بھجوا دیئے۔

وزیر اعلیٰ پنجاب چودھری پرویز الٰہی کی منظوری کے بعد وفاق کو پینل کے نام بھجوا دیئے گئے، فیاض احمد دیو ایڈیشنل آئی جی پولیس،عامر ذوالفقار ایڈیشنل آئی جی پولیس اور غلام محمود ڈوگر ایڈیشنل آئی جی پولیس کے نام تجویز کردیئے گئے۔

پنجاب کی درخواست میں کہا گیا ہے کہ 3 میں سے کسی ایک افسر کو پنجاب کا صوبائی پولیس آفیسر مقرر کیا جائے، آئی جی پولیس فیصل شاہکار خدمات جاری رکھنے سے معذرت کر چکے ہیں، پنجاب کابینہ بھی سانحہ وزیر آباد میں آئی جی کی کارکردگی بارے تحفظات کا اظہار کر چکی ہے۔

پنجاب کی جانب سے آئی جی کی خدمات واپس لینے کے لئے وفاق کو لکھے گئے خط کے متن کے مطابق صوبائی کابینہ آئی جی پنجاب فیصل شاہکار کی پرفارمنس پر تحفظات کا اظہار کر چکی یے، آئی جی پنجاب کی کارکردگی مایوس کن ہونے کی بنا پر وفاق میں خدمات واپس لی جائیں، آئی جی پنجاب فیصل شاہکار کی کارکردگی چار نومبر کو مایوس کن رہی۔

متن کے مطابق لانگ مارچ کےکے دوران وزیر آباد سانحہ کارگردی مایوس کن تھی، پنجاب حکومت نے 6 نومبر کو خدمات واپس لینے کے لیے وفاق کو خط لکھا، آئی جی پنجاب فیصل شاہکار نے خود بھی عہدے سے الگ ہونے کا فیصلہ کر رکھا ہے، تمام صورتحال کو مدنظر رکھتے ہوئے اسٹیبلشمنٹ ڈویژن فیصل شاہکار کی خدمات واپس لے۔

اسٹیبلیشمنٹ ڈویژن کے مطابق آئی جی پنجاب فیصل شاہکار کی خدمات واپس لینے سے متعلق کوئی معاملہ زیر غور نہیں، فیصل شاہکار نے وفاقی حکومت کو لکھا تھا کہ ان کی خدمات واپس لی جائیں وہ پنجاب میں کام نہیں کرنا چاہتے۔

وزیراعلیٰ پنجاب چودھری پرویز الٰہی کی زیر صدارت کابینہ سٹینڈنگ کمیٹی برائے گندم کا پہلا اجلاس ہوا

اجلاس میں گندم کے موجود ذخائر اور درکار ضروریات کا جائزہ لیا گیا پنجاب میں گندم کا روزانہ کا کوٹہ بڑھانے کا فیصلہ، وزیراعلیٰ چودھری پرویزالٰہی نے منظوری دے دی وزیراعلیٰ چودھری پرویز الٰہی نے زیادہ پیداوار دینے والے بیج بونے کے لئے بھرپور آگاہی مہم شروع کرنے کی ہدایت کر دی، وزیراعلیٰ پنجاب چودھری پرویز الہیٰ کا کہنا تھا کہ اس ضمن میں کاشتکاروں کی آگاہی کے لیے موثر انداز سے مہم چلائی جائے۔ پنجاب کو گندم میں خود کفیل بنائیں گے۔ 2008 میں جب میں نے وزارت اعلی کا منصب چھوڑا تو محکمہ خوراک کے ذمہ کوئی قرض نہیں تھا۔ میرے سابقہ دور میں پنجاب سرپلس صوبہ تھا۔ مسلم لیگ ن کی حکومت کی نااہلی سے قرضوں کا بوجھ بڑھتا چلا گیا۔ ن لیگ کی حکومت کی نالائقی سے سرپلس صوبہ قرضوں کے گرداب میں پھنس گیا ۔ انشاءاللہ پنجاب کے محکمہ خوراک کو دوبارہ مضبوط بنائیں گے اور قرضوں کے بوجھ سے نجات حاصل کریں گے۔

اجلاس میں سیکرٹری خوراک اور ڈائریکٹر فوڈ نے گندم کے ذخائر کی پوزیشن کے حوالے سے بریفنگ دی ،صوبائی وزیر خزانہ محسن لغاری، صوبائی وزیر خوراک حسنین بہادر دریشک، چیف سیکرٹری عبداللہ سنبل، پرنسپل سیکرٹری وزیر اعلی پنجاب محمد خان بھٹی، ایڈیشنل چیف سیکرٹری داخلہ، سیکرٹریز خزانہ، فوڈ، زراعت، ڈائریکٹرفوڈ، سابق صدر بینک آف پنجاب ہمیش خان اور متعلقہ حکام نے اجلاس میں شرکت کی

ٹی وی دیکھا تو بیٹی صدف کی تصویر دیکھ کر کلیجہ پھٹ گیا۔ صدف کی ماں کی گفتگو

 صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

عمران خان کی تعزیت کیلئے صحافی صدف نعیم کے گھر آمد 

کامونکی،لانگ مارچ کی کوریج کرنیوالے صحافیوں پر پولیس کا تشدد

پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا