Baaghi TV

Tag: پنجاب

  • پنجاب بھر میں 27 سے 31 جولائی کے دوران موسلادھار بارشوں کا امکان

    پنجاب بھر میں 27 سے 31 جولائی کے دوران موسلادھار بارشوں کا امکان

    لاہور: محکمہ موسمیات نے لاہور سمیت پنجاب بھر میں 27 سے 31 جولائی کے دوران موسلادھار بارشوں کا امکان ظاہر کر دیا-

    باغی ٹی وی : محکمہ موسمیات کے مطابق 27 جولائی سے مون سون ہوائیں زیادہ شدت کے ساتھ ملک کے بالائی اور وسطی علاقوں میں داخل ہوں گی جس کے باعث 27 سے 31 جولائی کے دوران راولپنڈی، مری، اٹک، چکوال، جہلم، سیالکوٹ، نارووال، لاہور، گوجرانوالہ، گجرات، شیخوپورہ میں بارش کا امکان ہے-

    محکمہ موسمیات کے مطابق فیصل آباد، جھنگ، میانوالی، خوشاب، سرگودھا، حافظ آباد، منڈی بہاؤالدین، ساہیوال، اوکاڑہ، بھکر، لیہ، ملتان، راجن پور، ڈیرہ غازی خان میں بارش متوقع ہے-

    محکمہ موسمیات کے مطابق بہاولپور، بہاولنگر، رحیم یار خان اور خانپور میں تیز ہواؤں اور گرج چمک کے ساتھ مزید بارش اور کہیں کہیں وقفے سے موسلادھار بارش کا بھی امکان ہے۔

    دوسری جانب پی ڈی ایم نے الرٹ جاری کر دیا ہے 27 سے 31 جولائی کے دوران موسلادھار بارش کے باعث راولپنڈی، فیصل آباد، لاہور اور گوجرانوالہ میں نشیبی علاقے زیر آب آنے کا خطرہ ہے جبکہ اس دوران موسلا دھار بارش کے باعث راولپنڈی، سیالکوٹ، نارووال اور ڈیرہ غازی خان کے پہاڑی اور مقامی ندی نالوں میں طغیانی کا شدید خطرہ ہے-

    پی ڈی ایم کے مطابق موسلادھار بارش کے باعث دریائے راوی، جہلم اور چناب کے مقامی اور برساتی ندی نالوں میں پانی کے بہاؤ میں اضافے کی توقع ہے مری میں لینڈ سلائیڈنگ کا خطرہ بھی موجود ہے لہٰذا مسافر اور سیاح موسمی حالات کو مدنظر رکھ کر سفر کریں، ہنگامی صورتحال سے نمٹنے کے لیے پنجاب کی ضلعی انتظامیہ کو الرٹ جاری کر دیا گیا ہے کہ وہ اپنے انتظامات کو مکمل رکھیں اور تیار رہیں۔

    پی ڈی ایم نے ہدایت کی ہے کہ شہری گھروں کی چھتوں پر پانی کھڑا نہ ہونے دیں، گاڑیاں نشیبی علاقوں میں ہرگز کھڑی نہ کی جائیں، بچوں کو برقی آلات سے دور رکھیں، دریاؤں اور نہروں میں نہانے سے پرہیز کریں-

  • شک کئے جانے پر داماد نے سسرالیوں کے مکان کو نذر آتش کردیا

    شک کئے جانے پر داماد نے سسرالیوں کے مکان کو نذر آتش کردیا

    پنجاب کے دارالحکومت لاہورمیں داماد نے شک کئے جانے پر اشتعال میں آکر سسرالیوں کے مکان کو نذر آتش کردیا-

    باغی ٹی وی : تفصیلات کے مطابق موچی گیٹ پر داماد نے معمولی تنازعے پر سسرالیوں کے مکان کو آگ لگادی جس کے باعث چار منزلہ رہائشی عمارت زمین بوس ہوگئی حادثے کے دوران مکان کے رہائشیوں نے دیواریں پھلانگ کر جان بچائی تاہم ملزم کا برادر نسبتی آگ کی لپیٹ میں آکر شدید جھلس گیام، جسے اسپتال منتقل کردیا گیا ہے۔

    عینی شاہدین کا کہنا ہے کہ ملزم نے کیمیکل پھینک کر گھر کو آگ لگائی اور موقع سے فرار ہوگیا، آگ اتنی شدید تھی کہ مکان میں موجود سارا سامان جل کر راکھ ہوگیا واقعے کی اطلاع ملتے ہی ریسکیو ٹیمیں جائے وقوعہ پر پہنچی اور مکان میں لگی خوفناک آگ پر قابو پایا، کولنگ کا عمل جاری ہے۔

    پولیس کو دئیے گئے بیان میں سسر نے الزام لگایا ہے کہ ملزم میری بیٹی کو غیراخلاقی کاموں کےلیے بیرون ملک لے جانا چاہتا تھا لیکن میری بیٹی نے ساتھ جانے سے انکار کردیا جس پر ملزم (داماد) نے بیٹی کو تشدد کا نشانہ بنایاشوہر کے تشدد سے دلبرداشتہ ہوکر بیٹی میکے آئی تو داماد نے کیمیکل پھینک پر ہمارے آشیانے کو آگ لگا دی۔

    رپورٹ کے مطابق پولیس نے جائے وقوعہ سے شواہد جمع کرلیے ہیں، جس کے تحت قانونی کارروائی کی جائے گی۔

    قبل ازیں ناجائز اولاد ہونے پر شک پر باپ نے بیٹی کو قتل کر دیا، واقعہ چارسدہ میں پیش آیاتھا ترجمان پولیس کے مطابق عبید اللہ ولد شاکر اللہ سکنہ معتبر کورونہ شابڑہ پڑانگ نے ہسپتال کی جولٹی میں رپورٹ درج کرتے ہوئے پولیس کو بتایا تھا کہ میری بیٹی مریم عمر تقریباً 4/5 سال گھر سے کھیل کود کے لیے باہر نکلی کافی دیر بعد گھر واپس نہیں آئی جس کی تلاش شروع تو دوران تلاشی اطلاع ملی کہ مریم کی نعش قتل شدہ جائے وقوعہ پڑی ہے-

    جب موقع واردات پر آکر دیکھا تو واقعی مریم کی نعش ذبح شدہ خالت میں پڑی پاکر جس کو کسی نامعلوم ملزم/ملزمان نے قتل کی ہے۔میرا کیسی کے ساتھ کوئی دشمنی یا دلبدی نہیں ہے تھانہ پڑانگ پولیس نے نامعلوم ملزم/ملزمان کے خلاف مقدمہ درج کرلیا۔ڈاکٹروں کے مطابق بچی کے ساتھ کوئی جنسی زیادتی نہیں ہوئی ہے۔

    جوائنٹ انوسٹی گیشن ٹیم نے مختلف زاویوں پر تفتیش شروع کرتے ہوئے 40 گھروں کی پروفائلنگ کی اور 35/36 مشتبہ افراد کو شامل تفتیش کیا ٹیم نے تفتیش کو منطقی انجام تک پہنچاتے ہوئے ننھی بچی کے باپ کو شامل تفتیش کیا۔تفتیش کے دوران درندہ صفت باپ نے اپنے جرم کا اعتراف کرتے ہوئے کہا کہ مجھے شک تھا کہ یہ میری ناجائز اولاد ہے اس لیے ان کو ذبح کرکے قتل کردیا،پولیس نے عدالت سے تین یوم حراست پولیس حاصل کرکے دوران کسٹڈی ملزم کی نشان دہی پر آلہ قتل چھری خون آلود جبکہ ایک پستول بھی برآمد کر لی جس سے وہ خودکشی کرنا چاہتا تھا لیکن فائر مس ہوئی ہے۔

  • پنجاب کابینہ کاحلف:سپریم کورٹ کےفیصلے کی کھلم کھلاخلاف ورزی ہے:پرویز الٰہی

    پنجاب کابینہ کاحلف:سپریم کورٹ کےفیصلے کی کھلم کھلاخلاف ورزی ہے:پرویز الٰہی

    لاہور:پنجاب کابینہ کے حلف اٹھانے پر اسپیکرپنجاب اسمبلی چوہدری پرویز الٰہی کا ردعمل سامنے آگیا ہے۔

    ایک بیان میں اسپیکر پنجاب اسمبلی پرویز الٰہی کا کہنا تھا کہ جہازی سائز کی کابینہ ، ٹرسٹی وزیراعلیٰ نے اقتدار بچانے کے لیے پنجاب حکومت کے خزانےکا منہ کھول دیا۔

     

    چوہدری پرویزالٰہی کا کہنا تھا کہ ہر تین میں سے ایک شخص کو وزیر بنادیا گیا ہے، آج کابینہ کا حلف کسی مذاق سےکم نہیں، 63 وزرا یاوزیرکے برابر مراعات دے کر ٹرسٹی وزیراعلیٰ سپریم کورٹ کے حکم کا مذاق اڑا رہے ہیں۔

    ان کا کہنا تھا کہ حلف برداری اور کابینہ کا یہ سائز بھی ان حکمرانوں کو نہیں بچا سکتا، غیرآئینی اقدامات کے مرتکب حکمرانوں پر توہین عدالت بھی لگنی چاہیے۔

     

     

    وزیراعلیٰ پنجاب حمزہ شہباز کی کابینہ نے گورنر ہاؤس میں حلف اٹھا لیا۔اطلاعات کے مطابق گورنر ہاؤس میں پنجاب کابینہ کی تقریب حلف برداری کا انعقاد کیا گیا، تقریب کا آغاز تلاوت کلام پاک سے کیا گی، گورنر بلیغ الرحمان نے صوبائی وزرا سے حلف لیا۔

    حلف اٹھانے والوں میں رانا اقبال، مہر اعجاز آچلانہ، ملک ندیم کامران، بلال یاسین، رانا اقبال، یاور زمان ،منشا اللہ بٹ، حیدر علی گیلانی، رانا مشہود، خواجہ عمران نذیر، حسن مرتضیٰ، بلال اصغر وڑائچ، اسد کھوکھر،احمد علی اولکھ، صبا صادق، رانا لیاقت علی اور سیف الملوک کھوکھر شامل ہیں۔

    یاد رہے کہ اس سے پہلے یہ خبر جاری کی گئی تھی کہ پنجاب کی صوبائی کابینہ کی حلف برداری کی تقریب آج گورنر ہاؤس میں منعقد کی جائے گی۔اتحادی جماعتوں کے وزرا کو فون کرکے آگاہ کردیا گیا تھا ، یہ بھی معلوم ہوا

    ذرائع کا کہنا تھا کہ آج وزرا کی بڑی تعداد حلف اٹھائے گی، لیکن اس حوالے سے ارکان کے نام اور تعداد کے حوالے سے واضح نہیں کیا گیا۔

    وزیراعلیٰ پنجاب کے الیکشن سے قبل مسلم لیگ ن کو بڑا دھچکا،

    دوسری طرف میڈیا ذرائع کا کہنا ہے کہ گورنر ہاؤس کے حکام نے اس بات کی تصدیق کردی ہے کہ آج شام 6 بجے حمزہ شہباز کی کابینہ کی حلف برداری کی تقریب ہوگی۔

    وزیراعلیٰ پنجاب کے الیکشن سے قبل ہی تبادلے شروع،آئی جی پنجاب کا تبادلہ

    دوسری جانب سپریم کورٹ نے حمزہ شہباز کو ٹرسٹی وزیراعلیٰ مقرر کیا ہے، تاہم اتحادی جماعتوں نے فیصلہ کیا ہے کہ حلف برداری کی تقریب آج شام ہی ہوگی، اور دو درجن سے زائد ارکان اسمبلی حلف اٹھائیں گے۔

    وزیراعلیٰ پنجاب کا انتخاب:صوبائی اسمبلی کیلئےضابطہ اخلاق جاری:دفعہ 144نافذ

    ذرائع کے مطابق حلف اٹھانے والوں میں مسلم لیگ ن کے ارکان کی تعداد زیادہ ہے، جب کہ پیپلزپارٹی کے حسن مرتضیٰ اور یوسف رضا گیلانی کے صاحبزادے علی حیدر گیلانی بھی حلف اٹھانے والوں میں شامل ہیں، اس کے علاوہ ن لیگ کے عمران نذیر، عظمیٰ بخاری، حنا پرویز بٹ بھی حلف اٹھائیں گی۔

  • ڈپٹی اسپیکر پنجاب اسمبلی کی رولنگ کیخلاف درخواست پرسماعت پیرتک ملتوی

    ڈپٹی اسپیکر پنجاب اسمبلی کی رولنگ کیخلاف درخواست پرسماعت پیرتک ملتوی

    سپریم کورٹ لاہور رجسٹری ڈپٹی اسپیکر کی رولنگ کے خلاف دائر درخواست پر سماعت دوبارہ ہوئی

    سپریم کورٹ نے ڈپٹی سپیکر دوست مزاری کی رولنگ کے خلاف درخواستوں پر مختصر فیصلہ سناتے ہوئے حمزہ شہباز کے یکم جولائی کا عبوری وزیراعلیٰ کا سٹیٹس بحال کر دیا اور سماعت پیر تک ملتوی کر دی ،چیف جسٹس عمر عطا بندیال نے کہا کہ حمزہ شہباز پیر کے روز تک بطور عبوری وزیراعلیٰ فرائض انجام دیں گے ،کیس کی سماعت پیر کے روز اسلام آباد میں ہو گی ، تمام فریقین کے وکلاء کو سنیں گے اور پھر فیصلہ سنایا جائے گا

    کمرہ عدالت میں صرف متعلقہ وکلا کو ہی جانے کی اجازت دی گئی ہے باقی وکلا اور سائلین کورٹ روم نمبر تین میں لگی سکرین پر عدالتی کاروائی سن رہے ہیں چیف جسٹس پاکستان جسٹس عمر عطا بندیال کی سربراہی پر مشتمل تین رکنی بنچ سماعت کررہے ہیں ایڈووکیٹ جنرل پنجاب شہزاد شوکت نے دلائل دینا شروع کردیے

    دوران سماعت چیف جسٹس عمر عطا بندیال نے ریمارکس دیتے ہوئے کہا کہ آپ وہ پیرا پڑھ کر سنائیں کہاں لکھا ہے, یہ بتا دیں کہ ڈپٹی اسپیکر نے کیا تشریح کی, ڈپٹی اسپیکر نے آرٹیکل 63 اے کے مطابق فیصلہ دیا آپ وہ پیرا پڑھ دیں،عرفان قادر نے کہا کہ پارلیمانی پارٹی کا ہیڈ اسپیکر نے سمجھا ہے کہ پارٹی صدر ہے, اگر کوئی لیگل غلطی کی تو تو اتنا بڑا ایرر نہیں جو دورنہ ہو سکتا ہو،عدالت نے ڈپٹی سپیکرکے وکیل کو ہدایت کی کہ آپ ڈپٹی اسپیکر کی رولنگ پڑھیں، عرفان قادر نے کہا کہ پہلے آرڈر پڑھوں یا رولنگ پڑھوں جس پر عدالت نے کہا کہ آپ پہلے ڈپٹی اسپیکر کی رولنگ پڑھیں

    عرفان قادر نے کہا کہ پارلیمانی پارٹی کا ہیڈ پارٹی صدر ہوتا ہے, جس پر چیف جسٹس عمر عطا بندیال نے ریمارکس دیتے ہوئے کہا کہ اسکا مطلب انہوں نے غلط سمجھا, جسٹس منیب اختر نے ریمارکس دیتے ہوئے کہا کہ آپ کہہ رہے ہیں کہ انہوں نے ججمنٹ کو غلط لیا ہے, جس پر عرفان قادر نے کہا کہ جی بلکل وہ وکیل نہیں ہیں,

    چیف جسٹس عمر عطا بندیال نے کہا کہ ڈپٹی اسپیکر نے کس حکم کی آڑ لے کر رولنگ دی، عدالت میں یہ حکم پڑھ کر سنایا جائے، خاص طور پر متعلقہ پیرا پڑھیں، عرفان قادر نے کہا کہ فیصلے کا پیرا تین متعلقہ ہے، عدالت تفصیلی جواب کا موقع فراہم کرے تاکہ بلیک اینڈ وائٹ میں عدالت کو تحریری طور پر ڈپٹی سپیکر کا موقف پیش کر سکوں۔ جسٹس اعجاز الاحسن نے استفسار کیا کہ اگر فرض کرلیں سپیکر کی رولنگ غلط تھی تو پھر اگلا قدم کیا ہوگا ،عرفان قادر نے کہا کہ اس پر ہم تحریری جواب بھی دیں گے ، جسٹس اعجاز الاحسن نے کہا کہ وکیل صاحب یہ سوموٹو کیس نہیں ہے ،

    چیف جسٹس عمر عطا بندیال نے استفسار کیا کہ ہم نے ریکارڈ بھی مانگا تھا کیا ریکارڈ آیا تھا ؟ عرفان قادر نے کہا کہ اس حوالے سے مجھے معلومات نہیں ہے ،عدالت نے کہا کہ ہم دیکھنا چاہتے ہیں کہ سپیکر صاحب کے ہاتھ میں چوہدری شجاعت حسین کی خط تھا ہم وہ خط دیکھنا چاہتے ہیں ڈپٹی سپیکر نے اس خط کی بنیاد رولنگ دی ہےبا دی النظر میں آپ کی رائے یہی ہے کہ اسپیکر کی رولنگ درست تھی ، چیف جسٹس عمر عطا بندیال نے وکیل سے مکالمہ کرتے ہوئے کہا کہ آپ کے موکل جس آفس کو ہیڈ کو کر رہے ہیں اس پر گہرے بادل ہیں ،

    ڈپٹی اسپیکر کے وکیل نے جواب جمع کرانے کے لیے وقت مانگ لیا ،عرفان قادر نے کہا کہ ہمیں کل تک کا وقت دیا جائے، عدالت نے حمزہ شہباز کو رسمی اختیارات دیتے ہوئے سماعت پیر تک ملتوی کر دی ،عدالت نے حکم دیا کہ پیر تک حمزہ شہباز صرف روٹین کے امور سرانجام دیں گے,

    سماعت کے بعد چیف جسٹس عمر عطا بندیال نے ریمارکس دیتے ہوئے کہا کہ سوموار یا منگل کو فیصلہ سنا دیں گے،

    قبل ازیں سپریم کورٹ لاہور رجسٹری ڈپٹی اسپیکر کی رولنگ کے خلاف درخواستوں پر دوبارہ سماعت ہوئی چیف جسٹس پاکستان کی سربراہی میں تین رکنی بینچ نے پرویز الٰہی سمیت دیگر کی درخواستوں پر سماعت کی عدالتی حکم پر ڈپٹی اسپیکر دوست محمد مزاری سپریم کورٹ کے روبرو تاحال پیش نہ ہوئے ،کمرہ عدالت کھچا کھچ بھر گیا تحریک انصاف کے رہنماء بھی کمرہ عدالت میں موجود تھے، عدالت میں ایڈووکیٹ جنرل پنجاب شہزاد شوکت کی جانب سے دلائل دیئے گئے، عدالت میں ڈپٹی سپیکر کے وکیل کی جانب سے جواب جمع کرا دیا گیا، چیف جسٹس عمر عطا بندیال نے استفسار کیا کہ ڈپٹی سپیکر کہا ں ہیں, وہ بھی آ رہے ہیں؟

    کمرہ عدالت میں رش لگ گیا جس کے بعد چیف جسٹس عمر عطا بندیال نے کہا کہ تمام غیر متعلقہ افراد کمرہ عدالت سے باہر چلیں جائیں،ہم کوشش کرتے ہیں آپکو باہر بھی سماعت سننے کا بندوست کرتے ہیں،ایسے حالات میں سماعت ممکن نہیں ہے،ہم ایسا کرتے ہیں کہ سماعت دوسرے روم میں شفٹ کرتے ہیں،

    عدالت نے عرفان قادر کو دلائل دینے سے روک دیا . چیف جسٹس عمر عطا بندیال نے استفسار کیا کہ کیا آپ کے پاس دوست مزاری کا وکالت نامہ ہے، جسٹس اعجاز الاحسن نے ریمارکس دیتے ہوئے کہا کہ ہم آپ کے مکمل دلائل سنیں گے،

    دوسری جانب سپریم کورٹ لاہور رجسٹری میں وکلا اور تحریک انصاف کے اراکین کی بڑی تعداد بغیر بیکنگ کے کورٹ روم ون مین داخل ہو گئی ہے، دھکم پیل سے کورٹ روم نمبر ون کے دروازوں کے شیشے ٹوٹ گئے ہیں چیف جسٹس پاکستان نے کیس ویڈیو لنک والے کورٹ روم میں منتقل کردیا سماعت کچھ دیر بعد ہوگی پرائیویٹ افراد کا داخلہ بند کر دیا گیا

    واضح رہے کہ گزشتہ روز پنجاب اسمبلی میں وزیراعلیٰ کے الیکشن ہوئے، پی ٹی آئی کے امیدوار نے 186 ووٹ حاصل کئے تا ہم ڈپٹی سپیکر نے چودھری شجاعت کے خط کا حوالہ دیتے ہوئے دس ووٹ مسترد کر دیئے ، جسکے بعد حمزہ شہباز وزیراعلیٰ منتخب ہو گئے، پی ٹی آئی نے ایوان میں احتجاج کے بعد کئی شہروں میں احتجاج کیا اور رات کو سپریم کورٹ میں درخواست دائر کی، پی ٹی آئی کی درخواست عدالت نے قابل سماعت قرار دے دی ہے

    فرح خان کیسے کرپشن کر سکتی ؟ عمران خان بھی بول پڑے

    سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

    فرح خان بنی گالہ کی مستقل رہائشی ،مگرآمدروفت کا ریکارڈ نہیں، نیا سیکنڈل ،تحقیقات کا حکم

  • پنجاب میں بھی عمران خان کو مانگے تانگے کے اتحادی چھوڑ گئے،شیری رحمان

    پنجاب میں بھی عمران خان کو مانگے تانگے کے اتحادی چھوڑ گئے،شیری رحمان

    پنجاب میں بھی عمران خان کو مانگے تانگے کے اتحادی چھوڑ گئے،شیری رحمان

    باغی ٹی وی کی رپورٹ کے مطابق پیپلز پارٹی کی رہنما، وفاقی وزیر شیری رحمان نے کہا ہے کہ گزشتہ روز پنجاب اسمبلی وزیراعلیٰ کا انتخاب سپریم کورٹ کے فیصلے کے عین مطابق تھا،

    شیری رحمان کا کہنا تھا کہ سپریم کورٹ کے فیصلے کے مطابق ہونے والے الیکشن کو کس بنیاد پر چیلنج کیا جا رہا ہے؟ امید ہے معاملے کو مزید الجھنے سے پہلے عدالت فل بینچ تشکیل دے گی،سپریم کورٹ کے فل بینچ کو اس آئینی معاملے کی تشریح کرنی چاہیے،ہر موقع پر آئین کی مختلف تشریح نہیں کی جا سکتی،پنجاب کے 25 ایم پی ایز کو پارٹی لائین کے خلاف ووٹ دینے پر ڈی سیٹ کیا گیا تھا الیکشن کمیشن اور عدالت کے فیصلے کے بعد تحریک انصاف شادیانے بجا رہی تھی،ق لیگ کے 10 ارکان کا ووٹ مسترد کیا گیا تو وہی پی ٹی آئی احتجاج کر رہی ہے،شکست کے بعد عمران خان نے اپنے ہی موقف سے یوٹرن لے لیا ہے، آصف زرداری پر الزامات لگانے پر عمران خان اور پی ٹی آئی کو اب معافی مانگنی چاہیے، گزشتہ روز دنیا نے دیکھا کہ کسی کے ووٹ نہیں خریدے گئے، اتحاد بنانا آئینی عمل ہے،الیکشن میں جمہوری اور سیاسی آپشن استعمال کرنا سیاسی جماعتوں کا حق ہے،وفاق کی طرح پنجاب میں بھی عمران خان کو مانگے تانگے کے اتحادی چھوڑ گئے

    سیکرٹری جنرل پیپلز پارٹی سید نیر بخاری نے پی ڈی ایم کے امیدوار حمزہ شہباز شریف کو دوبارہ وزیراعلی پنجاب منتخب ہونے پر مبارکباد دی اور کہا ہے کہ وفاق سے نکالے گئے عمران خان پر پنجاب اسمبلی اراکین نے بھی عدم اعتماد کر دیا ہے،آصف زرداری نے ملکی تاریخ میں اتحادی جماعت کا دوبارہ وزیراعلی منتخب کرانے کا پہلا اور منفرد اعزاز حاصل کیا ہے،آصف علی زرداری پارلیمانی جمہوری نظام کے تسلسل پر راہبر جمہوریت کہلانے کے حق دار ہیں چویدری شجاعت کے جمہوری کردار سے پنجاب میں غیر جمہوری سوچ کو شکست فاش ہوئی ہے پنجاب اسمبلی ممبران نے آئینی ہتھیار ووٹ استعمال کے زریعے بدزبان بداخلاق بدتمیز بریگیڈ کا بوریا بستر گول کیا ہے،پارلیمنٹ میں ہارنے والا عمران خان سپریم کورٹ کے سہارے سے بھی محروم رہے گا ،پیپلز پارٹی آئین کے محور و مرکز پارلیمنٹ کی بالادستی پر یقین رکھتی ہے

    سندھ کے صوبائی وزیر اطلاعات شرجیل میمن کا کہنا ہے کہ سینیٹ چیئرمین الیکشن میں یوسف رضا گیلانی کے 7 ووٹ خارج کیے تو ہم نے عدالت سے رجوع کیا ،اسلام آباد ہائیکو رٹ نے پٹیشن رد کی اور کہا کہ پارلیمنٹ کی کارروائی ان کے دائرہ کار میں نہیں ،ہائیکورٹ فیصلے کو سپریم کورٹ میں چیلنج کیا لیکن آج تک اس کی سماعت نہیں ہوئی ،تعجب ہے کہ اس وقت قاسم سوری یا مظفر شاہ کو کسی رولنگ سے متعلق عدالت نے طلب نہیں کیا رات یہ لوگ سپریم کورٹ گئے ، اداروں ، الیکشن کمیشن اور قوم کو دھمکیاں دے رہے ہیں ،ان کے حق میں نہیں آیا تو ملک کے حالات خراب کریں گے ،فواد چودھر ی ہر سیاسی فیصلے میں اداروں کو گھسیٹنا بند کریں

    پیپلز پارٹی کے رہنما سید ناصر حسین شاہ کا کہنا تھا کہ چودھری شجاعت عمران کا ساتھ دیں تو باضمیر اور آصف زرداری کا ساتھ دیں تو غلط ،سینیٹ چیئرمین انتخاب میں ووٹ مسترد ہوجائیں تو ٹھیک پرویز الہٰی کے رجیکٹ ہوں تو غلط ،عمران خان کی مرضی کے برعکس 20 ایم پی ایز اگر وزیراعلیٰ پنجاب کوووٹ دیں تو غلط اور نااہل ،صحیح اور غلط کے بیچ میں کچھ غلط ہو رہا ہے جس کو قوم نے سمجھنا ہے ملک میں دو پاکستان چل رہے ہیں جس کا خمیازہ یہ قوم معاشی بدحالی کی صورت میں بھگت رہی ہے،

    فرح خان کیسے کرپشن کر سکتی ؟ عمران خان بھی بول پڑے

    سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

    فرح خان بنی گالہ کی مستقل رہائشی ،مگرآمدروفت کا ریکارڈ نہیں، نیا سیکنڈل ،تحقیقات کا حکم

    ڈپٹی اسپیکرکی رولنگ کے خلاف پی ٹی آئی کی درخواست قابل سماعت قرار،نوٹسز جاری

     پرویز الہٰی اب ق لیگ سے باہر ہیں وہ بنی گالہ جائیں اور پی ٹی آئی میں شامل ہوجائیں

    وفاقی حکومت نے لاہور اور راولپنڈی میں رینجرز تعینات کرنے کی منظور ی دے دی

  • لبرٹی احتجاج۔ پی ٹی آئی کارکنان نے توڑ پھوڑ شروع کر دی

    لبرٹی احتجاج۔ پی ٹی آئی کارکنان نے توڑ پھوڑ شروع کر دی

    لاہور:ڈپٹی اسپیکر پنجاب اسمبلی دوست مزاری کی رولنگ کے خلاف اس وقت لبرٹی تحریک انصاف کے کارکنان اب تک ایک گاڑی کو مکمل تباہ کرنے سمیت کئ چینلز کی ڈی ایس این جیز کو بھی نقصان پہنچا چکے ہیں,سمجھ سے باہر ہے یہ احتجاج کس کے خلاف ہے۔

     

    اسلام آباد میں تحریک انصاف کے کارکنوں کا جناح پارک ایف نائن کے باہر اجتحاج جاری ہے جبکہ لبرٹی چوک لاہور میں تحریک انصاف کے کارکنان سراپا احتجاج ہیں۔

    اسلام آباد میں پی ٹی آئی ورکرز کی جانب سے ایف نائن پارک کے سامنے احتجاج کے باعث روڈ بلاک ہوگئی جبکہ پشاور میں عمران خان کی کال پرپی ٹی آئی کے ہشتنگری چوک میں احجاجی کارکنان کی جانب سے ٹائر جلا کر ٹریفک کو آمد ورفت کےلیے بند کردیا گیا۔

     

    کراچی میں بھی تحریک انصاف کے کارکنان کی جانب سے شاہ فیصل نرسری پر احتجاج کے باعث شارع فیصل پر ٹریفک کا دباؤ ہے۔

    دوسری جانب اسلام آباد میں انتظامیہ نے ناخوشگوار واقعے سے نمٹنے کیلئے داخلی وخارجی راستوں پرچیکنگ بڑھادی گئی۔

    ترجمان اسلام آباد پولیس کی جانب سے کہا گیا ہے کہ اسلام آباد کے تمام اہم مقامات وتنصیبات کی سیکیورٹی بڑھادی گئی، امن وامان بحال رکھنے کیلئے تمام اقدامات کیے جائیں گے۔

  • الیکشن کمیشن نے سابق وزیراعظم عمران خان کےبیان کانوٹس لے لیا

    الیکشن کمیشن نے سابق وزیراعظم عمران خان کےبیان کانوٹس لے لیا

    اسلام آباد:الیکشن کمیشن نے سابق وزیراعظم عمران خان کےبیان کا نوٹس لے لیا،اطلاعات کے مطابق الیکشن کمیشن آف پاکستان نے سابق وزیراعظم عمران خان کے چیف الیکشن کمشنر سے متعلق گزشتہ روز ریمارکس کا نوٹس لے لیا،

     

     

    عمران خان کے کل لاہور سے نشر تقریر کا ٹرالسپکرپٹ پیمرا سے منگولیا گیا، ترجمان الیکشن کمیشن کا کہنا تھا کہ وقت بتائیے گا بدیانت کون ہے؟،

     

    یاد رہے کہ چند دن پہلے بھی عمران خان نے الیکشن کمیشن پر الزامات عائد کیئے تھے ،الیکشن کمیشن نے سابق وزیراعظم عمران خان کے کمیشن مخالف بیانات کا نوٹس لیا تھا الیکشن کمیشن نے سندھ اسمبلی میں قائد حزب اختلاف حلیم عادل شیخ، خرم شیر زمان اور سینیٹر اعجاز چوہدری کے بیانات کا ریکارڈ بھی طلب کیا ہے۔

    فوٹو جیونیوز

    واضح رہے کہ سابق  وزیراعظم  عمران خان چیف الیکشن کمشنر سکندر سلطان راجہ پر مسلسل جانبداری کے الزامات عائد کرکے ان سے مستعفی ہونے کا مطالبہ کررہے ہیں جب کہ گزشتہ روز ورکرز کنونشن سے خطاب میں عمران خان نے چیف الیکشن کمشنر کو (ن) لیگ کا ایجنٹ قرار دیا۔

     

     

  • پنجاب کا چوہدری کون ہو گا ؟ فیصلہ آج ہو گا

    پنجاب کا چوہدری کون ہو گا ؟ فیصلہ آج ہو گا

    پنجاب کا چوہدری کون ہو گا ؟اس کا فیصلہ آج ہو جائے گا.

    وزیر اعلیٰ پنجاب کے انتخاب کے لیے تاریخی دنگل آج ہوگا، جیت کےلیے پرویز الہیٰ اور حمزہ شہباز دونوں ہی پُرعزم ہیں۔ پی ٹی آئی کے 188 ن لیگ اور اتحادیوں کے 178 اراکین اسمبلی کا ٹاکرا ہوگا۔ پنجاب اسمبلی میں مہمانوں کا داخلہ بند کردیا گیا، میڈیا پریس گیلری سے کوریج کرے گا، موبائل فون لے جانے کی اجازت نہیں ہے۔ وزیراعلیٰ پنجاب کا انتخاب،صوبائی اسمبلی کا اجلاس شام 4بجے ہوگا ڈپٹی اسپیکر پنجاب اسمبلی دوست محمد مزاری اجلاس کی صدارت کریں گے اراکین اسمبلی کا اسمبلی سیکریٹریٹ میں داخلہ ڈیوٹی فری شاپ کی طرف گیٹ سے ہو گا

    وزیراعلی پنجاب کا انتخاب،آصف زرداری کی شجاعت حسین سے دوسری اہم ملاقات،رات گئے تک جوڑ توڑ

    پنجاب اسمبلی میں وزیر اعلیٰ کے انتخاب کے سلسلے میں آج ہونے والے اجلاس کی سیکیورٹی سے متعلق ڈپٹی اسپیکر کے مراسلے پر سیکیورٹی پلان بھی مرتب کرلیا گیا۔

    وزیراعلیٰ پنجاب کا انتخاب آج ہوگا، ضمنی الیکشن کے بعد نمبر گیم کی صورتحال تبدیل ہو چکی ہے،پی ٹی آئی کے 15 ایم پی ایز کے حلف کے بعد ایوان میں تعداد 178 ہو گئی ق لیگ کے 10 ارکان اسمبلی پی ٹی آئی کے اتحاد میں شامل ہیں پنجاب اسمبلی کے ایوان میں اپوزیشن اتحاد کے اراکین کی تعداد 188 ہے ڈپٹی اسپیکر پنجاب اسمبلی آج پریذائیڈنگ افسر کے فرائض سرانجام دیں گے پریذائیڈنگ افسر کا ووٹ پارٹی کے لیے شمار نہیں کیا جائے گا ایوان میں پی ٹی آئی ، ق لیگ اتحاد کی تعداد 186 ہو گی کیونکہ پی ٹی آئی کا ایک رکن بیرون ملک ہے اور ڈپٹی سپیکر کا ووٹ شمار نہیں ہو گا

    ن لیگ کے3 ارکان کے حلف کے بعد حکومتی اتحاد کی تعداد 181 ہو گئی ضمنی انتخاب میں 4 اراکین جیتے کے بعد تعداد 169 ہو گئی پیپلز پارٹی کے 7 اراکین ملا کرتعداد 176 ہو گئی 4 آزاداراکین اور ایک راہ حق پارٹی کا رکن ملا کرتعداد 181 ہوگئی , مسلم لیگ ن کے 2 رکن فیصل نیازی اور جلیل شرقپوری مستعفی ہو چکے ہیں ن لیگ کی ایک رکن اسمبلی عظمٰی زعیم قادری کو کورونا ہو گیا

    وزیراعلی پنجاب الیکشن میں ممکنہ دھاندلی کا خطرہ، الیکشن سے چند گھنٹے قبل چوہدری پرویز الہی سپریم کورٹ پہنچ گئے، اسمبلی ہال میں پولیس سیکیورٹی کیخلاف سپریم کورٹ میں درخواست دائر کر دی گئی،پولیس سیکیورٹی کیخلاف درخواست وزارت اعلیٰ پنجاب کے امیدوار پرویز الہٰی نے دائر کی ،عدالت میں دائر درخواست میں استدعا کی گئی کہ آئی جی پنجاب کو حکم دیا جائے کہ کوئی پولیس اہلکاراسمبلی ہال میں داخل نہ ہوسارجنٹس کو اسمبلی ہال کی سیکیورٹی کرنے دی جائے،

    چوہدری پرویز الہی کی زیر صدارت مسلم لیگ ق کی پارلیمانی پارٹی کے اجلاس میں پارلیمانی پارٹی کی وزیر اعلی کے انتخاب پر مشاورت مکمل ہو گئی.چوہدری پرویز الہی نے کہا کہ مسلم لیگ ن کے تمام ہتھکنڈے بری طرح ناکام ہوں گے ،وزیر اعلی کے انتخاب کو سبوتاز کرنے کی ہر سازش کا راستہ روکا جائے گا، بائیس جولائی کو جمہوریت اور اور عمران خان کامیاب ہوں گے ،مسلم لیگ ن کی تاریخ ، انتشار اور چھانگا مانگا کی سیاست سے بھری پڑی ہے ،حکومت سپریم کورٹ کے احکامات کی پابندی کرے ورنہ قانون اپنا راستہ بنائے گا.

    ڈپٹی اسپیکر پنجاب اسمبلی نےاپنی سکیورٹی کیلیے چیف سیکرٹری کو خط لکھ دیا

    ارکان خریدنے کا الزام،عطا اللّٰہ تارڑکا فواد چوہدری سمیت 3 پی ٹی آئی ارکان کو قانونی نوٹس

    موجودہ ملکی صورتحال اور پنجاب اسمبلی کا اہم اجلاس سی سی پی او بلال صدیق کمیانہ نے پنجاب اسمبلی سمیت شہر بھر کی سکیورٹی ہائی الرٹ کر نے کی ہدایت کر دی،اور کہا کہ تمام اراکین اسمبلی،ایوان اور اجلاس کو بھرپور سکیورٹی فراہم کی جائے گی، امن و امان برقرار رکھنا،شہریوں کے جان و مال کی حفاظت اولین ترجیح ہے، کسی بھی شخص کو قانون ہاتھ میں لینے،شہر کا امن متاثر کرنے کی ہر گز اجازت نہیں،

    سی سی پی او نے پنجاب اسمبلی کی عمارت اور اطراف میں سکیورٹی مزید سخت کرنے کی ہدایت کی، ترجمان لاہور پولیس کے مطابق 04ایس پیز،11ایس ڈی پی اوز،17 ایس ایچ اوز،52اپر سب آرڈینیٹس،اینٹی رائٹ فورس، ایلیٹ فورس،لیڈیز پولیس اہلکارسمیت 1400سے زائد افسران اور جوان تعینات ہیں، لا اینڈ آرڈر اور کسی بھی ہنگامی صورتحال سے نمٹنے کے لیے کوئیک ریسپانس فورس بھی الرٹ رہے گی،ارارکین اسمبلی کی پنجاب اسمبلی آمد کے دوران روٹ پر ٹریفک کی روانی یقینی بنائی جائے،ڈولفن سکواڈ،پیرو ٹیمیں پنجاب اسمبلی بلڈنگ اور اطراف میں پٹرولنگ بڑھا دیں،پنجاب اسمبلی آنے والے ہر شخص کو مکمل چیکنگ کے بعد ہی داخلے کی اجازت دی جائے،پنجاب اسمبلی کے اطراف کی بلند عمارات پر سنائپر تعینات کئے جائیں گے،کسی بھی غیر متعلقہ شخص یا گاڑی کو اسمبلی کے احاطے میں ہر گز داخل نہ ہونے دیا جائے،

    تحریک انصاف کے رہنما فیاض الحسن چوہان کا کہنا ہے کہ ڈپٹی اسپیکر دوست مزاری کا سیکیورٹی خدشات کا عندیہ پری پلان سازش ہے،پنجاب اسمبلی کا آج کا اجلاس سپریم کورٹ کے حکم پر ہو رہا ہے،پنجاب اسمبلی کے آج کے اجلاس میں رکاوٹ ڈالنے پر توہین عدالت کا اطلاق ہو گا،ڈپٹی اسپیکر کا سیکیورٹی کے لیے خط چور کی داڑھی میں تنکا کے مترادف ہے،ہم سپریم کورٹ کے فیصلے کے مطابق پرامن الیکشن کروانے کے پابند ہیں ن لیگ واضح شکست کے بعد ڈپٹی اسپیکر کو استعمال کرنے کا سوچ رہی ہے ہماری ساری صورت حال ہر گہری نظر ہے، پرویز الہٰی بھاری اکثریت سے وزیراعلی ٰمنتخب ہو نگے،

    وائس چیئرمین پی ٹی آئی شاہ محمود قریشی کا کہنا ہے کہ حقائق اور نمبرز پرویز الہٰی کے حق میں واضح ہیں ،کچھ عنا صر خریدوفروخت کی کوشش میں لگے ہیں ،کامیاب نہیں ہوں گے چودھری شجاعت سب کے سامنے اپنا فیصلہ سنا چکے ہیں چودھری شجاعت پرویز الہٰی کے حق میں فیصلہ دے چکے ہیں ،

    زلفی بخاری کا کہنا ہے کہ آج پھر جمعہ ہے، زمین پر بہت سے بت ٹوٹیں گے اور بہت سے مافیاز ہاریں گے،زرداری کے سیاسی مفاہمت کا بادشاہ ہونے کا خول بھی ٹوٹے گا،آج ثابت ہو جائے گا کہ بادشاہی صرف اللہ کی ہے ،

    پی ٹی آئی رہنما حسان خاور کا کہنا ہے کہ عوامی فیصلے اور ردعمل کے بعد ن لیگ کو خود ہی اقتدار سے الگ ہو جانا چاہیے،عوام نے ن لیگی حکومت کو قبول کیا تھا نہ ہی کریں گے،اقتدار پر قابض رہنا ملک کے لیے نقصان کے سوا کچھ نہیں، یہ عوامی مینڈیٹ کی بھی توہین ہوگی، میاں اسلم اقبال کاکہنا ہے کہ ضمیر فروشوں سے عوام نے بدلہ لے لیا ہے آج پرویز الہی کو وزیراعلیٰ پنجاب منتخب کرکے رہیں گے,

    ترجمان خیبرپختونخوا بیرسٹر سیف کا کہنا ہے کہ پنجاب اسمبلی میں ہارس ٹریڈنگ کا خدشہ ہے،پی ڈی ایم میدان میں مقابلہ نہیں کر پائی اسمبلی میں کیا کر پائے گی،ضمیر خریدنے پر مکمل پابندی ہونی چاہیے، یہ عوام کا پیسہ ہے، پی ڈی ایم جو بھی کرے ہم شکست سے دو چار کر یں گے،پنجاب عوام کی آج پی ڈی ایم سے جان چھوٹ جائے گی،

  • عمران خان آج پنجاب کی وزارت اعلیٰ کے انتخاب کے سلسلے میں لاہور پہنچیں گے

    عمران خان آج پنجاب کی وزارت اعلیٰ کے انتخاب کے سلسلے میں لاہور پہنچیں گے

    پاکستان تحریک انصاف کے چیئر مین اور سابق وزیر اعظم عمران خان پنجاب کی وزارت اعلیٰ کے انتخاب کے سلسلے میں آج لاہور پہنچیں گے۔

    باغی ٹی وی : ذرائع کے مطابق عمران خان کی زیر صدارت پارلیمانی پارٹی کا مشترکہ اجلاس آج لاہور میں ہوگا اور سابق وزیر اعظم پی ٹی آئی اور مسلم لیگ ق کے ارکان اسمبلی سے خطاب کریں گے۔

    بلدیاتی انتخابات ملتوی،پی ٹی آئی کا الیکشن کمیشن کا فیصلہ ہائیکورٹ میں چیلنج کرنے کا فیصلہ

    دوسری جانب پنجاب کی وزارت اعلیٰ کے انتخاب کیلئے حکومت اور اپوزیشن نے اپنے اپنے ارکان اسمبلی کو ہوٹلوں میں ٹھہرایا ہے ذرائع کے مطابق تحریک انصاف کے 160 سے زائد ارکان اسمبلی مال روڈ پر واقع ہوٹل پہنچ گئے ہیں جبکہ دیگر ارکان پنجاب اسمبلی بھی آج ہوٹل پہنچ جائیں گے۔

    ذرائع کا کہنا ہے کہ آج ہونے والے مشترکہ اجلاس میں پی ٹی آئی اور ق لیگ کے ارکان کی حتمی تعداد سامنے آئے گی پی ٹی آئی کے رہنما اور پنجاب اسمبلی میں اپوزیشن لیڈر سبطین خان کا کہنا ہے کہ ہمارے ارکان اسمبلی کی تعداد 187 ہے۔

    راجن پور: تحقیقات میں غیر ملکی خاتون کے ساتھ زیادتی ثابت نہ ہوسکی

    واضح رہے کہ سپریم کورٹ آف پاکستان کے حکم پر 22 جولائی کو وزیراعلیٰ پنجاب کا انتخاب ہوگا اور پی ٹی آئی کی جانب سے پرویز الٰہی اور ن لیگ کے حمزہ شہباز وزارت اعلیٰ کے امیدوار ہیں۔

  • ضمنی الیکشن:پی ٹی آئی16سیٹوں پرکامیاب،ن لیگ کی 3نشستیں،جبکہ ایک آزادامیدوارکامیاب

    ضمنی الیکشن:پی ٹی آئی16سیٹوں پرکامیاب،ن لیگ کی 3نشستیں،جبکہ ایک آزادامیدوارکامیاب

    لاہور: سابق وزیراعظم عمران خان کا بیانیہ جیت گیا، غیر حتمی اور غیر سرکاری نتائج کے مطابق 20 میں سے 16سیٹوں پر پی ٹی آئی، 3 پر مسلم لیگ ن جبکہ ایک پر آزاد امیدوار کامیاب ہوا۔ ایک پر تحریک انصاف کو برتری حاصل ہے۔

    ان 20 نشستوں میں لاہور کی 4، راولپنڈی کی ایک، خوشاب کی ایک، بھکر کی ایک، فیصل آباد کی ایک، جھنگ کی 2، شیخوپورہ کی ایک، ساہیوال میں ایک، ملتان میں ایک، لودھراں میں 2، بہاولنگر میں ایک، مظفر گڑھ میں 2، لیہ میں ایک اور ڈیرہ غازی خان کی ایک نشست شامل ہے۔

    غیر حتمی اور غیر سرکاری نتائج

    پی پی 7 راولپنڈی:

    پاکستان تحریک انصاف (پی ٹی آئی) کے کرنل (ر) شبیر اعوان 68902 ووٹ لیکر آگے جبکہ پاکستان مسلم لیگ ن کے راجہ صغیر احمد 68744 ووٹ لیکر دوسرے نمبر پر ہیں۔

     

     

    2018ء کے عام انتخابات میں راجہ صغیر احمد نے بطورِ آزاد امیدوار فتح حاصل کی اور بعد میں تحریک انصاف میں شمولیت اختیار کر لی تھی۔ انہوں نے ن لیگ اور پی ٹی آئی کے راجہ محمد علی اور غلام مرتضیٰ ستی کو شکست دی تھی۔

    پی پی 83 خوشاب:

    پاکستان تحریک انصاف نے ضمنی الیکشن کے دوران پی پی 83 کی نشست بھی جیت لی۔

    غیر حتمی اور غیر سرکاری نتائج کے مطابق پی پی 83 خوشاب میں پاکستان تحریک انصاف (پی ٹی آئی) کے امیدوار حسن اسلم نے کامیابی حاصل کی، انہوں نے 48475 ووٹ حاصل کیے۔

    آزاد امیدوار اسلم بھاء نے 41752 ووٹ حاصل کر کے دوسری پوزیشن حاصل کی۔

    2018ء کے عام انتخابات میں آزاد امیدوار ملک غلام رسول سنگھا کامیاب ہوئے تھے اور پاکستان تحریک انصاف میں شامل ہوئے تھے، انہوں نے مسلم لیگ ن کے امیدوار محمد آصف ملک، آزاد امیدوار ملک ظفر اللہ خان بگٹی اور تحریک انصاف کے گل اصغر خان کو زیر کیا تھا۔

    پی پی 90 بھکر:

    غیر حتمی اور غیر سرکاری نتائج کے مطابق پاکستان تحریک انصاف کے عرفان اللہ نیازی 68982 ووٹ لیکر کامیاب ہوئے، جبکہ مسلم لیگ ن کے امیدوار سعید اکبر نوانی 59856 لیکر دوسرے نمبر پر ہیں۔

    2018ء کے جنرل الیکشن میں آزاد امیدوار سعید اکبر خان نوانی نے فتح حاصل کی اور پی ٹی آئی میں شامل ہوئے، انہوں نے ن لیگ کے عرفان اللہ خان نیازی اور پی ٹی آئی کے احسان اللہ کو شکست دی تھی۔

    پی پی 97 فیصل آباد:

    غیر حتمی اور غیرسرکاری نتائج کے مطابق پاکستان تحریک انصاف (پی ٹی آئی) کے امیدوار علی افضل ساہی 44550 ووٹ لیکر آگے جبکہ مسلم لیگ ن کے محمد اجمل چیمہ 37016 ووٹ لیکر دوسرے نمبر پر ہیں۔

    2018ء کے جنرل انتخابات میں انہی امیدواروں کے درمیان کانٹے کا مقابلہ ہوا تھا، اجمل چیمہ نے بطورِ آزاد امیدوار فتح حاصل کر کے پی ٹی آئی میں شمولیت اختیار کی تھی۔

    پی پی 125 ، 127جھنگ:

    غیر حتمی اور غیر سرکاری نتائج کے مطابق پاکستان تحریک انصاف (پی ٹی آئی) کے اعظم چیلہ نے 82382 ووٹ حاصل کیے اور فتح حاصل کی جبکہ پاکستان مسلم لیگ ن کے امیدوار فیصل حیات جبوانہ نے 52128 ووٹ لیکر دوسری پوزیشن حاصل کی۔

    پی پی 127 میں غیر حتمی اور غیر سرکاری نتائج کے مطابق پاکستان تحریک انصاف (پی ٹی آئی) کے امیدوار مہر نواز بھروانہ نے 69986 ووٹ حاصل کر کے فتح کو گلے لگایا جبکہ مسلم لیگ ن کے امیدوار مہر اسلم بھروانہ نے 46825 ووٹ حاصل کیے۔

    2018ء کے جنرل انتخابات میں پی پی 125 سے آزاد امیدوار فیصل حیات جبوانہ نے فتح سمیٹی تھی اور میاں اعظم چیلہ کو شکست دی تھی جبکہ پی پی 127 سے بھی آزاد امیدوار مہر محمد اسلم بھروانہ نے مہر محمد نواز بھروانہ کو پچھاڑا تھا۔

    پی پی 140 شیخوپورہ:

    غیر حتمی اور غیر سرکاری نتائج کے مطابق پاکستان تحریک انصاف کے امیدوار خرم شہزاد ورک نے 49 ہزار 734 ووٹ حاصل کیے جبکہ مسلم لیگ ن کے امیدوار میاں خالد محمود نے 32 ہزار 812 ووٹ حاصل کر کے دوسری پوزیشن حاصل کی۔

    2018ء کے جنرل الیکشن میں پاکستان تحریک انصاف کے امیدوار میاں خالد محمود نے مسلم لیگ ن کے امیدوار یاسر اقبال کو شکست دی تھی۔

    پی پی 158لاہور

    پی پی 158 سے پاکستان تحریک انصاف کے اکرم عثمان نے 37463 ووٹ لیکر کامیابی حاصل کی، ن لیگ کے امیدوار رانا احسن شرافت 13906 ووٹ لیکر دوسرے نمبر پر رہے۔

    پی پی 167لاہور

    غیر حتمی اور غیر سرکاری نتائج کے مطابق پاکستان تحریک انصاف کے پی پی 167 سے امیدوار چودھری شبیر گجر نے فتح حاصل کی، انہوں نے 40206 ووٹ حاصل کیے، جبکہ مسلم لیگ ن کے امیدوار نذیر چوہان 26535 ووٹ حاصل کر سکے۔

    پی پی 168لاہور

    غیر حتمی اور غیر سرکاری نتائج کے مطابق پی پی 168 میں مسلم لیگ ن کے امیدوار ملک اسد کھوکھر 25685 ووٹ لیکر پہلے نمبر پر رہے جبکہ پاکستان تحریک انصاف (پی ٹی آئی) کے امیدوار 15 ہزار 81 ووٹ لیکر دوسرے نمبر پر رہے۔

    پی پی 170 لاہور

    پاکستان تحریک انصاف (پی ٹی آئی) کے امیدوار ظہیر عباس کھوکھر نے 23969 ووٹ حاصل کر کے کامیاب ٹھہرے، جبکہ مسلم لیگ ن کے امیدوار محمد امین ذوالقرنین نے 14916 ووٹ حاصل کیے۔

    2018ء میں صوبائی دارالحکومت لاہور کے چار حلقوں میں مسلم لیگ ن کے امیدواروں کا جوڑ پاکستان تحریک انصاف کے امیدواروں سے پڑے گا۔ چاروں حلقوں میں پی ٹی آئی نے فتح حاصل کی تھی، تاہم حمزہ شہباز کو ووٹ دینے کی پاداش میں تمام امیدوار ڈی سیٹ ہو گئے ہیں۔

    پی پی 202 چیچہ وطنی

    پاکستان تحریک انصاف کے امیدوار میجر (ر) غلام سرور نے 61 ہزار 989 ووٹ حاصل کر کے کامیاب ٹھہرے، جبکہ پاکستان مسلم لیگ ن کے امیدوار نعمان لنگڑیال نے 59167 ووٹ حاصل کیے۔

    2018ء کے جنرل الیکشن میں پاکستان تحریک انصاف کے امیدوار ملک نعمان لنگڑیال نے ن لیگ کے شاہد منیر کو 13 ہزار کی ووٹوں سے شکست دی تھی۔

    پی پی 217 ملتان

    غیر حتمی اور غیر سرکاری نتائج کے مطابق 122 پولنگ سٹیشنوں میں پاکستان تحریک انصاف ( پی ٹی آئی) کے امیدوار مخدوم زین قریشی نے 46427 ووٹ حاصل کر کے کامیابی حاصل کی۔ پاکستان مسلم لیگ ن کے امیدوار محمد سلمان نعیم 40285 ووٹ لیکر دوسرے نمبر پر رہے۔

    واضح رہے کہ فاتح امیدوار زین قریشی سابق وفاقی وزیر خارجہ شاہ محمود قریشی کے صاحبزادے ہیں۔

    محمد سلمان نعیم پاکستان تحریک انصاف (پی ٹی آئی) کے منحرف رکن تھے اور جہانگیر ترین گروپ کے حصے ہونے کے باعث وزارتِ اعلیٰ کے الیکشن میں حمزہ شہباز کو ووٹ دینے کے باعث ڈی سیٹ ہوئے تھے۔

    خیال رہے کہ 2018ء کے جنرل الیکشن میں بطورِ آزاد امیدوار محمد سلمان نعیم نے تحریک انصاف کے وائس چیئر مین شاہ محمود قریشی کو شکست دی تھی اور جہانگیر ترین کے توسط سے پی ٹی آئی میں شامل ہوئے تھے، ان کے بارے میں کہا جاتا ہے کہ یہ پی ٹی آئی کے دیرینہ کارکن تھے تاہم ان کو ٹکٹ نہیں دیا گیا جس کے باعث یہ آزاد امیدوار میدان میں اُترے تھے۔

    پی پی 224، 228 لودھراں:

    پی پی 228 لودھراں میں آزاد امیدوار رفیع الدین بخاری نے کامیابی حاصل کی، انہوں نے 42719 ووٹ حاصل کیے۔ پی ٹی آئی کے کیپٹن (ر) عزت جاوید 34 ہزار 635 ووٹ لے کر دوسرے جبکہ مسلم لیگ ن کے نذٰیر احمد بلوچ 30 ہزار 841 ووٹ لے کر تیسرے نمبر پر رہے۔

    پی پی 224 لودھراں سے پاکستان تحریک انصاف کے امیدوار عامر اقبال شاہ 69265 ووٹ لیکر کامیاب ہوئے جبکہ مسلم لیگ ن کے امیدوار زوار حسین وڑائچ 55748 ووٹ لیکر دوسرے نمبر پر رہے۔

    2018ء کے جنرل الیکشن میں دونوں حلقوں زوار حسین وڑائچ نے ن لیگ کے رہنما محمد عامر اقبال شاہ اور نذیر احمد خان نے مسلم لیگ ن کے سیّد محمد رفیع الدین بخاری کو پچھاڑا تھا، پی ٹی آئی کے دونوں فاتح امیدوار اب ضمنی الیکشن میں ن لیگ کے پلیٹ فارم سے حصہ لے رہے ہیں۔

    پی پی 237 بہاولنگر:

    غیر حتمی اور غیر سرکاری نتائج کے مطابق پاکستان مسلم لیگ ن کے امیدوار فدا حسین وٹو نے 61248 ووٹ حاصل کیے اور کامیابی کو گلے لگایا، پاکستان تحریک انصاف کے امیدوار سیّد آفتاب رضا نے 25227 ووٹ حاصل کیے۔۔

    2018ء کے جنرل الیکشن میں آزاد امیدوار فدا حسین نے پاکستان تحریک انصاف کے محمد طارق عثمان کو شکست دی تھی، اور بعد میں جہانگیر ترین خان کے توسط سے پی ٹی آئی میں شامل ہوئے تھے۔

    پی پی 272، 273 مظفر گڑھ:

    پی پی 272 میں پاکستان تحریک انصاف کے معظم جتوئی 49823 ووٹ لیکر فاتح ٹھہرے جبکہ زہرہ باسط بخاری 42995 ووٹ لیکر دوسرے نمبر پر رہے۔

    پی پی 273 میں پاکستان مسلم لیگ ن کے سبطین رضا 21795 ووٹ لیکر آگے تحریک انصاف کے یاسر عرفات جتوئی 21625 ووٹ لیکر دوسرے نمبر پر ہیں۔

    2018ء کے بائی الیکشن کے دوران زہرہ بتول نے کامیابی حاصل کی تھی، انہوں نے آزاد امیدوار سیّد ہارون احمد بخاری کو ہرایا تھا جبکہ پی پی 273 میں پاکستان تحریک انصاف کے سبطین رضا بخاری نے آزاد امیدوار رسول بخش کو پچھاڑا تھا۔

    پی پی 282 لیہ:

    پاکستان تحریک انصاف کے قیصر عباس مگسی 43922 ووٹ حاصل کر کے کامیاب ٹھہرے جبکہ لالہ طاہر رندھاوا 29715 ووٹ لیکر دوسرے نمبر پر ہیں۔

    2018ء کے الیکشن میں آزاد امیدوار لالہ طاہر رندھاوا نے پی ٹی آئی کے قیصر عباس خان کو شکست دیکر فتح حاصل کی تھی۔

    پی پی 288 ڈی جی خان :

    ضمنی الیکشن میں پاکستان تحریک انصاف (پی ٹی آئی ) نے ڈیرہ غازی خان میں ن لیگ کو پچھاڑ دیا۔

    پاکستان تحریک انصاف کے امیدوار سیف الدین کھوسہ نے 56 ہزار 857 ووٹ لیکر کامیابی حاصل کی جبکہ مسلم لیگ ن کے امیدوار عبد القادر کھوسہ نے 33 ہزار 254 ووٹ حاصل کیے۔

    2018ء کے جنرل الیکشن کے دوران اس حلقے میں محسن عطاء خان کھوسہ نے بطورِ آزاد امیدوار کامیابی حاصل کی تھی اور پی ٹی آئی میں شمولیت اختیار کی تھی۔