Baaghi TV

Tag: پولیس

  • گجرات میں پرویز الہی کی رہائشگاہ پر پولیس کا چھاپہ

    گجرات میں پرویز الہی کی رہائشگاہ پر پولیس کا چھاپہ

    گجرات : سابق وزیر اعلیٰ پنجاب اور پاکستان تحریک انصاف کے صدر چوہدری پرویز الہٰی کی رہائش گاہ پر پولیس نے رات گئے چھاپہ مارا۔

    باغی ٹی وی : ذرائع کے مطابق گجرات میں سابق وزیر اعلیٰ پنجاب چوہدری پرویز الٰہی کی رہائش گاہ کنجاہ ہاؤس پر پولیس نے چھاپہ مارا، پولیس اہلکار دیواریں پھلانگ کر گھر کے اندر داخل ہو گئے پولیس اہلکاروں نے رہائش گاہ کے تمام کمروں کی تلاشی لی اور ملازمین سے پوچھ گچھ بھی کی پرویز الٰہی کے بارے میں بھی پوچھتے رہے، سابق وزیر اعلیٰ پنجاب گھر پر نہیں ملے تاہم کچھ دیر بعد اہلکار واپس چلے گئے تین ملازمین پوچھ گچھ کے بعد رہا کر دیئے گئے۔

    ہمارےگھر پر ریڈ کسی اندر کے بندے نے کروائی. چوہدری سالک حسین کا دعویٰ


    چوہدری پرویز الٰہی کے صاحبزادے مونس الٰہی نے بھی سوشل میڈیا پر بیان جاری کرتے ہوئے کہا کہ پولیس نے ایک بار پھر چھاپہ مارا ہے، پولیس کی نفری چوہدری پرویز الٰہی کی رہائش گاہ کے باہر موجود ہے،پولیس کے پاس سرچ وارنٹ نہیں ہے۔

    اس کے علاوہ گجرات میں ہی چوہدری وجاہت حسین کی رہائش گاہ پر بھی پولیس نے چھاپہ مارا، پولیس اہلکار نت ہاؤس کی دیواریں پھلانگ کر اندر داخل ہوئے البتہ تلاشی اور ملازمین سے پوچھ گچھ کے بعد واپس چلے گئے۔

    جنوبی پنجاب کی سیاسی شخصیات کی پیپلزپارٹی میں شمولیت

    دوسری جانب اینٹی کرپشن پولیس کا کہنا ہے کہ کنجاہ ہاؤس میں چھاپے سے ہمارا کوئی تعلق نہیں، یہ پولیس کی کارروائی ہے۔

  • کوئی ایسی بات نہیں کرنا چاہتا جس سے معاملات مزید خراب ہوں،چودھری شجاعت

    کوئی ایسی بات نہیں کرنا چاہتا جس سے معاملات مزید خراب ہوں،چودھری شجاعت

    باغی ٹی وی کی رپورٹ کے مطابق مسلم لیگ ق کے سربراہ چودھری شجاعت حسین نے کہا ہے کہ کوئی ایسی بات نہیں کرنا چاہتا جس سے معاملات مزید خراب ہوں،کچھ لوگ واقعہ کو غلط رنگ دے کر عجیب کیفیت پیدا کرنا چاہتے ہیں،

    چودھری شجاعت کا کہنا تھا کہ پولیس کو بتایا گیا پرویز الہی میرے گھر پر ہیں، غلط گائیڈ کرنے پر پولیس والے پرویز الہی کا گھر چھوڑ کر میرے گھر کی طرف آئے، پولیس دروازے پر پہنچی تو دوسرے طرف میرے بیٹے موجود تھے،پولیس والے آگے بڑھے تو میرے دونوں بیٹوں نے انہیں روکا، پولیس نے دروازہ توڑنے کی کوشش کی، شیشے ٹوٹے، میرے بیٹے زخمی ہوئے، چودھری سالک کے ہاتھ پر ٹانکے لگے، دو گھنٹے بعد پولیس دروازے سے گئی،پولیس والوں سے پوچھا گیا کہ کس کیس میں یہ سب کیا جا رہا ہے بتایا گیا گجرات میں سڑکوں کی تعمیر میں اربوں کا کمیشن وصول کیا گیا، میرا یا میرے دونوں بیٹوں کا ایسے کسی معاملے سے کبھی کوئی تعلق نہیں رہا،سارے معاملے پر جو طریقہ کار اپنایا گیا وہ قابل قبول نہیں،

    چودھری شجاعت کا کہنا تھا کہ بکتر بند گاڑی سے مین گیٹ توڑا گیا، سختی سے مذمت کرتا ہوں، سارے معاملے کے پیچھے جو بھی ہے اسے کیفرکردار تک پہنچایا جائے، کسی اور موقع پر تفصیل سے بات کروں گا، بیٹوں سے کہا ہے صبر کا دامن مضبوطی سے تھامے رکھیں،

    پولیس چھاپہ،کوئی نہ آیا، پولیس کے جاتے ہی پرویز الہیٰ سے یکجہتی کیلئے گھر کا دورہ

    اس بار تو پولیس نے آپ پر ڈکیتی کی دفعہ بھی لگا دی ہے

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے

    زمان پارک سے اسلحہ ملنے کی ویڈیو

    پرویزالہٰی کی حفاظتی ضمانت پر تحریری فیصلہ 

  • پاکستان رینجرز،پولیس کا مشترکہ آپریشن،غیر ملکی باشندوں سمیت اشتہاری ملزم گرفتار

    پاکستان رینجرز،پولیس کا مشترکہ آپریشن،غیر ملکی باشندوں سمیت اشتہاری ملزم گرفتار

    پاکستان رینجرز،پولیس کا مشترکہ آپریشن،غیر ملکی باشندوں سمیت اشتہاری ملزم گرفتار
    پاکستان رینجرز (سندھ) اورپولیس کی جانب سے ڈکیتی، اسٹریٹ کرائم اور منشیات فروشوں کے خلاف کراچی کے علاقے جمالی گوٹھ میں مشترکہ سرچ اور کومبنگ آپریشن۔آپریشن کے دوران 6 غیر ملکی باشندے گل میر، آغانور، سعید میر، خدائے نور، محمد حفیظ اور اللہ داد کو گرفتار کر لیاجبکہ 4 مفرور ملزمان اسد اللہ، عبدالغفور،آغا محمداور جاوید احمد کوبھی گرفتار کر لیا۔

    آپریشن علاقے میں موجود جرائم پیشہ افراد اور منشیات فروشوں کے خلاف کیا گیا۔ آپریشن میں مشتبہ افراد اور جرائم پیشہ عناصر کی بائیو میٹرک ویری فیکشن کے ذریعے کرمنل ریکارڈبھی چیک کیا گیا۔ مشترکہ آپریشن میں رینجرز لیڈی سولجرز نے بھی حصہ لیا۔ آپریشن کے دوران عبدالقدوس نامی منشیات فروش کے کباڑخانے سے 6 کلو گرام چرس اور ایک عدد موٹر سائیکل بھی برآمد کر لی گئی۔

    گرفتارملزمان موٹرسائیکل بمعہ منشیات مزید قانونی کاروائی کے لیے پولیس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔

    شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    دوسری جانب بن قاسم پولیس کی بڑی کاروائی بد نام زمانہ کوکنگ آئل اور ایرانی ڈیزل چور رحمان عرف رحمانی 2 ساتھیوں سمیت گرفتار مقدمہ درج، بن قاسم پولیس کی مختلف علاقوں میں کارروائیاں بد نام زمانہ کوکنگ آئل کروڈ آئل اور ایرانی ڈیزل مافیا کا اہم کارندہ رحمان غرف رحمانی اپنے دو ساتھیوں سمیت گرفتار مقدمہ درج اس سلسلے میں رابطہ کرنے پر ایس ایچ او بن قاسم سید فراست شاہ نے بتایا کہ علاقے میں کسی بھی سماجی برائی کو پھیلنے کی اجازت نہیں دیں گے غیر قانونی کام کرنے والی تمام مافیاز کا گھیرا تنگ کر لیا گیا ہے اب علاقہ چھوڑ کر بھاگنے میں ہی ان کی بھلائی ہے علاقے میں امن و امان کی صورتحال کو قائم رکھنا ہماری اولین ترجیح میں شامل ہے جرائم پیشہ افراد سے سختی سے نمٹا جائے گا شہریوں کو چاہیے کہ وہ پولیس کو امن و امان کی صورتحال برقرار رکھنے میں ان کے ساتھ تعاون کو یقینی بنائے،

  • 13 سالہ بچے سے بدفعلی کرنے والا سکیورٹی گارڈ گرفتار

    13 سالہ بچے سے بدفعلی کرنے والا سکیورٹی گارڈ گرفتار

    باغی ٹی وی کی رپورٹ کے مطابق پنجاب کے صوبائی دارالحکومت لاہور میں جرائم میں کمی نہ آ سکی،

    بچے سے بدفعلی کرنے والا سکیورٹی گارڈ گرفتار کر لیا گیا، ر شادمان پولیس نے کارروائی کی، 13 سالہ بچے سے بدفعلی کرنے والا ملزم گرفتار کر لیا گیا، بچہ عبدالرحمن رات کو شادمان مارکیٹ واش روم گیا سکیورٹی گارڈ نے بدفعلی کی۔ملزم نے بچے کو شور کرنے پر مارا اور موقع سے فرار ہو گیا ۔ملزم کو جدید ٹیکنالوجی کی مدد سے شمع کالونی سے گرفتار کیا گیاملزم اشرف مسیح کیخلاف مقدمہ درج کر لیا گیا اور جینڈر سیل کے حوالے کر دیا گیا، ایس پی ڈاکٹر عمارہ شیرازی کا کہنا ہے کہ بچوں اور خواتین کا استحصال کرنے والے کسی رعائت کے مستحق نہیں۔

    دوسری جانب تھانہ شفیق آباد کی حدود میں اندھے قتل کا واقعہ پیش آیا ہے، نامعلوم افراد نے راوی کنارے گودام میں ڈیوٹی کرنے والا شخص کا قتل کردیا ، مقتول کی 40 سالہ نظام خان سے ہوئی نامعلوم افراد نے گودام میں داخل ہوکر فائرنگ اور فرار ہوگئے پولیس نے جائے وقوعہ سے شواہد اکٹھے کرلیے قانونی کاروائی کا آغاز کردیا ر پولیس نے ایدھی ایمبولینس کے ذریعے لاش مردہ خانہ منتقل کردی

    دوسری جانب تھانہ جنوبی چھاؤنی کی حدود میں امیر تیز رفتار کاروں کی ٹکر تین افراد کی ہلاکت کا معاملہ گزشتہ رات ہونے والے افسوس ناک واقعہ کا مقدمہ پولیس کی مدعیت میں درج کر لیا گیا، دو تیز رفتار کاروں نے دو موٹر سائیکلوں پر سوار چھ افراد کو کچل دیا تھا تین مردوں سمیت ایک مصوم بچی موقع پر ہلاک ہوئی ٹریفک حادثے میں ہلاک ہونے والے افراد کی شناخت محمد سعید ۔عامر ۔اور 5 سالہ ایمان فاطمہ شامل ہیں، زخمی افراد میں ثناء ۔یوسف اور عبداللہ شامل ہیں تیز رفتار کار سوار دونوں ڈرائیور موقع سے فرار ہوگئے ملزمان کی تلاش جاری ہے

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟

  • مقابلے کے دوران کبوتر بازوں میں جھگڑا ،4 افراد ہلاک

    مقابلے کے دوران کبوتر بازوں میں جھگڑا ،4 افراد ہلاک

    پرتگال میں کبوتر بازی کے دوران ہونے والے جھگڑے پر ایک شخص نے 3 افراد کو قتل کرکے خودکشی کرلی۔

    باغی ٹی وی:غیر ملکی میڈیا کے مطابق یہ واقعہ پرتگال کے شہر سیتوبال میں پیش آیا جہاں کبوتروں کی اڑان کا مقابلہ خونی واقعے میں بدل گیا پولیس کے مطابق مقابلے کے دوران کبوتر بازوں میں جھگڑا ہوگیا اور ان میں سے ایک شخص نے 3 افراد کو گولیاں مار کر قتل کردیا اور پھر خود کو گولی مار کر خودکشی کرلی۔

    شادی کے بعد اکثر جوڑوں کا جسمانی وزن کیوں بڑھ جاتا ہے؟

    لزبن کے جنوب میں واقع شہر سیٹوبل کے پولیس کمشنر اینڈریا گونسالویس نے بتایا کہ 30 سے 60 سال کی عمر کے چار افراد کے درمیان جھگڑا ہوا اور ان میں سے ایک افراد نے خود کو گولی مارنے سے قبل تین افراد کی جان لے لی تھی۔

    پُرتگالی میڈیا کے مطابق چاروں افراد نے کبوتربازی میں حصہ لیا تھا، ان کے درمیان سبزیوں کے ایک غیر قانونی باغ کو لےکرجھگڑا ہوا ، واقعے کے حوالے سے مزید تفتیش کی جارہی ہے۔

    اسامہ بن لادن آپریشن کے دن وائٹ ہاؤس کی خصوصی تصاویر پہلی بار منظر عام …

    واضح رہے کہ پرتگال میں آتشیں اسلحے کے استعمال پر پابندی ہے تاہم اسلحہ سے شکار کی اجازت دی جاتی ہے،پولیس کے اعداد وشمار سے معلوم ہوا ہے کہ تگال میں 2015 سے اب تک ہر سال ہونے والے 80 قتل میں سے اوسطاً پانچ آتشیں اسلحے سے کیے گئے –

  • کچے کے علاقوں میں آپریشن جاری،ملزمان کے 7 ٹھکانوں کو نذر آتش

    کچے کے علاقوں میں آپریشن جاری،ملزمان کے 7 ٹھکانوں کو نذر آتش

    رحیم یار خان اور راجن پور کے کچے کے علاقوں میں پنجاب پولیس کا آپریشن جاری ، پولیس نے ملزمان کے 7 ٹھکانوں کو نذر آتش کردیا گیا۔

    باغی ٹی وی: پولیس کےمطابق اب تک سات خطرناک مجرموں کےٹھکانوں کاخاتمہ کردیاگیا ہے پولیس کےمطابق کریمنلز نذیرلاٹھانی، ارشاد لاٹھانی، شبیرا لاٹھانی، فریدا کوکانی ، اسحاق جھوبرا سکھانی ، عبداللہ سکھانی اور حافظ مہر دین سکھانی کے ٹھکانوں کو نذر آتش کردیا گیا ہے۔

    سکیورٹی خدشات کے پیش نظر پشاور میں تین روز کیلئے دفعہ 144 نافذ

    پولیس کی جانب سے کچہ کے علاقوں میں مجرموں کے ٹھکانوں کو ختم کرنے کے بعد متعدد کیمپس قائم کر دئیے گئے ہیں اندرونی علاقوں میں دیگر خفیہ ٹھکانوں کے خاتمے کے لیے پیش قدمی جاری ہے کچہ کے داخلی و خارجی راستوں پر چیکنگ شروع کر کے سنائپر تعینات کردیئے ہیں کچے کے علاقوں میں پولیس گشت کررہی ہے داخلی اورخارجی راستوں پرناکہ بندی کی گئی ہے اورآنےجانےوالوں کی چیکنگ بھی کی جا رہی ہے۔

    لاہور: نامعلوم افراد مبینہ اجتماعی زیادتی کے بعد لڑکی کو سڑک پر پھینک کر فرار

    ترجمان نےبتایا ہے کہ پولیس کچے کے ڈاکوؤں کے خلاف پیش قدمی جاری رکھے ہوئے ہےڈاکوؤں کے خفیہ ٹھکانوں پر ٹارگٹڈ کارروائیاں بھی جاری ہیں آپریشن میں 3 ڈاکو ہلاک اور 28 کو گرفتار کیا گیا ہے جبکہ ان سے اسلحہ بھی آمد ہوا ہے۔

    مسافروں سے لوٹ مار میں مصروف بدنام زمانہ ڈاکو پولیس کی فائرنگ سے ہلاک

    دوسری جانب ڈی پی او محمد ناصر سیال نے بتایا ہے کہ راجن پور میں پولیس کے دستوں نے کچہ میانوالی ون کا کنٹرول حاصل کر لیا ہے کچہ میانوالی ون میں ڈاکوؤں کے ٹھکانوں، کمین گاہوں کو تباہ کر دیا گیا اور علاقے میں پولیس چوکیاں قائم کر دی گئی ہیں یہاں اب تک 4 ڈاکو ہلاک، 8 زخمی ہوئے ہیں جبکہ 5 ڈاکوؤں کو اسلحے سمیت گرفتارکیاگیا ہے جبکہ ڈاکوؤں کے 20 سہولت کار بھی گرفتارکیے جا چکے ہیں۔

    گھوٹکی:ڈاکوؤں نے دو افراد کو اغوا کرلیا،دو افراد مزاحمت پر زخمی

  • لاہور: نامعلوم افراد مبینہ اجتماعی زیادتی کے بعد لڑکی کو سڑک پر پھینک کر فرار

    لاہور: نامعلوم افراد مبینہ اجتماعی زیادتی کے بعد لڑکی کو سڑک پر پھینک کر فرار

    لاہور:نامعلوم افراد مبینہ زیادتی کے بعد لڑکی کو نیم بے ہوشی کی حالت میں سڑک پر پھینک کر فرار ہو گئے۔

    باغی ٹی وی: پولیس کے مطابق ی متاثرہ لڑکی کولاہور کے علاقے کاہنہ کے جھیڈو گاؤں کے قریب سڑک پر پھینکا گیا،پولیس نے اہل علاقہ کی اطلاع پر لڑکی کو تحویل میں لے کر اسپتال منتقل کر دیا حقائق میڈیکل رپورٹ اور تفتیش کے بعد سامنے آئیں گے۔

    کوئٹہ :19گھنٹے کی بندش کے بعدقومی شاہراہ کو بحال ،ٹریفک کی روانی شروع

    ابتدائی بیان میں لڑکی کا کہنا تھا کہ دو لڑکوں نے مبینہ طور اس سے زیادتی کی، جب اس کی حالت غیر ہوئی تو سڑک پر پھینک کر فرار ہو گئے۔

    دوسری جانب جنوبی چھاؤنی، ایئر پورٹ روڈ پر 2 تیز رفتار گاڑیوں کی 2 موٹر سائیکلوں کو ٹکر کے نتیجے میں باپ بیٹی سمیت 3 افراد جاں بحق ہوگئےجاں بحق ہونے والوں میں 35 سالہ عامر اور اس کی بیٹی 5 سالہ ایمان فاطمہ شامل ہیں،80 سالہ موٹر سائیکل سوار محمد سعید بھی ٹریفک حادثے کے دوران دم توڑ گیا، متوفین کی میتیں مردہ خانے منتقل کر دی گئی ہیں۔

    میہڑ: نجی ہسپتال میں دوران اپریشن خاتون جاں بحق،ورثاء کا لاش روڈ پر رکھ کراحتجاج

    پولیس کا کہنا ہے کہ حادثے کا سبب بننے والے دونوں کار سوار گاڑیوں سمیت فرار ہو گئے جن کی سی سی ٹی وی کیمروں کی مدد سے تلاش کی جا رہی ہے۔

  • سرکاری لائن سے تیل چرانے والے دو افراد مٹی میں دب کر ہلاک

    سرکاری لائن سے تیل چرانے والے دو افراد مٹی میں دب کر ہلاک

    کراچی پورٹ قاسم میں سرنگ کھود کر پارکو لائن سے تیل چرانے والے دو افراد مٹی میں دب کر ہلاک ہوگئے۔

    باغی ٹی وی: پولیس کے مطابق گزشتہ روز بارش کے بعد مٹی نرم ہوگئی تھی جس کے باعث ملزمان سرنگ میں دب گئے، ملزمان کے تین ساتھی انہیں نجی اسپتال لے کر پہنچے جہاں سے پولیس نے تینوں کو گرفتار کرلیا۔

    مسافروں سے لوٹ مار میں مصروف بدنام زمانہ ڈاکو پولیس کی فائرنگ سے ہلاک

    پولیس نے بتایاکہ ملزمان کراچی سے اندرون ملک جانے والی آئل لائن پر کلپ لگارہے تھے اس مقصد کیلئے ملزمان نے پارکو کی لائن کے ساتھ ایک ایکڑ کی زمین پر گودام بنا رکھا تھا اور ملزمان گودام کے اندر سے سرنگ کے ذریعے سرکاری تیل چوری کررہے تھے۔

    پولیس کا کہنا ہے کہ ملزمان کے زیر استعمال دو گاڑیاں بھی تحویل میں لے لی گئی ہیں، ہلاک ہونے والوں کی شناخت 36 سالہ زاہد ولد عبد الرزاق اور 33 سالہ عبدالغنی ولد محمد حسن کے ناموں سے ہوئی ہے جبکہ مرکزی ملزم اعتزاز کی گرفتاری کیلئے کوششیں کی جارہی ہیں۔

    کراچی:3 مزلہ رہائشی عمارت میں آگ لگنے سے بچوں سمیت 7 افراد زخمی

    پولیس حکام کے مطابق ملزمان کا گروپ پہلے بھی لائن سے کروڑوں روپے کا تیل چوری کر چکا ہے، تاحال گروپ کا ماسٹر مائنڈ گرفتار نہیں ہو سکا ہےاس سے قبل شاہ لطیف ٹاؤن، شرافی گوٹھ، بن قاسم، اسٹیل ٹاؤن، درخشاں سے اس گروپ کے 7 ملزمان گرفتار ہو چکے ہیں۔

  • امتحانات میں ناکامی پر 9 طلبہ کی نے خودکشی کر لی

    امتحانات میں ناکامی پر 9 طلبہ کی نے خودکشی کر لی

    نئی دہلی: بھارتی ریاست آندھرا پردیش میں امتحانات میں ناکامی پر 9 طلبہ کی نے خودکشی کر لی۔

    باغی ٹی وی: بھارتی خبر رساں ایجنسی کے مطابق بھارتی ریاست آندھرا پردیش میں گیارہویں اور بارہویں جماعت کے امتحانی نتائج میں ناکام ہونے والے 9 طلبہ نے 2 روز کے دوران خودکشی کی امتحانات میں ناکامی پر خودکشی کرنے والوں میں لڑکیاں بھی شامل ہیں جبکہ ناکام ہونے والے طلبہ کا تعلق معروف تعلیمی اداروں سے بتایا جا رہا ہے۔

    پی ٹی آئی کا کل سے الیکشن مہم شروع کرنے کا اعلان

    واضح رہے کہ آندھرا پردیش میں گیارہویں اور بارہویں جماعت کے امتحانات 10 لاکھ بچوں نے دیئے تھے۔ گیارہویں جماعت کے نتائج کا تناسب 61 فیصد رہا جبکہ بارہویں کے نتائج کا تناسب 72 فیصد رہا-

    رپورٹس کے مطابق سریکاکولم ضلع میں ایک 17 سالہ لڑکے نے ٹرین کے آگے چھلانگ لگا کر اپنی جان لے لی۔ ضلع کے ڈنڈو گوپالپورم گاؤں سے تعلق رکھنے والے انٹرمیڈیٹ کے پہلے سال کے طالب علم کے بارے میں کہا جاتا ہے کہ وہ زیادہ تر پرچوں میں فیل ہونے کے بعد مایوس تھا-

    ملکاپورم پولیس اسٹیشن حدود کے تحت ترندھا پورم میں ایک 16 سالہ لڑکی نے اپنی رہائش گاہ پر خودکشی کر لی۔ وہ وشاکھاپٹنم ضلع سے تعلق رکھتی ہے، اور مبینہ طور پر انٹرمیڈیٹ کے پہلے سال کے کچھ مضامین میں فیل ہونے کے بعد پریشان تھی۔

    پیٹرول کی قیمت میں 5 سے 7 روپے تک کمی کا امکان

    ایک اور 18 سالہ نوجوان نے وشاکھاپٹنم کے کنچراپلم علاقے میں اپنی رہائش گاہ پر پھانسی لگا کر اپنی زندگی کا خاتمہ کیا۔ وہ انٹرمیڈیٹ سیکنڈ ایئر میں ایک مضمون میں فیل ہو گیا تھا۔

    آندھرا پردیش کے چتور ضلع کے دو 17 سالہ طالب علموں نے اے پی انٹرمیڈیٹ کے امتحان میں ناکام ہونے کے بعد خودکشی کر لی۔ ایک طالبہ نے جھیل میں چھلانگ لگا کر خود کشی کر لی جبکہ اسی ضلع میں ایک لڑکا کیڑے مار دوا پینے سے ہلاک ہو گیا۔

    ایک اور 17 سالہ طالب علم نے اناکا پلی میں اپنی رہائش گاہ پر پھانسی لگا کر خودکشی کرلی۔ کہا جاتا ہے کہ وہ انٹرمیڈیٹ کے پہلے سال میں کم نمبر حاصل کرنے پر افسردہ تھا۔

    پی ایف یو جے کا صحافیوں کے حقوق کیلئے ملک گیر تحریک چلانے کا اعلان

    بھارت کے پریمیئر کالجوں میں خودکشی کے واقعات کے درمیان یہ چونکا دینے والی خبر سامنے آئی ہے۔ انڈین انسٹی ٹیوٹ آف ٹیکنالوجی (IIT) کے مختلف کیمپس میں اس سال مشتبہ خودکشی کے واقعات میں چار طالب علموں کی موت ہو چکی ہے۔

    بھارتی سپریم کورٹ کے چیف جسٹس نے طلبہ کی خودکشیوں کے واقعات پر افسوس کا اظہار کیا جبکہ متاثرہ خاندانوں سے تعزیت بھی کی انہوں نے کہا کہ وہ سوچ رہے ہیں کہ ہمارے ادارے کہاں غلط ہو رہے ہیں کہ طلباء اپنی جان لینے پر مجبور ہیں-

    ڈی آئی خان : سیکیورٹی فورسز کا آپریشن،2 دہشت گرد ہلاک

  • مسافروں سے لوٹ مار میں مصروف بدنام زمانہ ڈاکو پولیس کی فائرنگ سے ہلاک

    مسافروں سے لوٹ مار میں مصروف بدنام زمانہ ڈاکو پولیس کی فائرنگ سے ہلاک

    خیرپور میں مسافروں سے لوٹ مار کرنے والے ڈاکوؤں میں سے ایک ڈاکو پولیس کی فائرنگ سے ہلاک ہوگیا۔

    باغی ٹی وی: پولیس کےمطابق خیرپور کے علاقے رانی پور میں شاہانی پل کے قریب روڈ بلاک کرکے ڈاکو مسافروں سے لوٹ مار کررہے تھے کہ ایک مسافر نے پولیس کو اطلاع کردی۔

    کراچی:3 مزلہ رہائشی عمارت میں آگ لگنے سے بچوں سمیت 7 افراد زخمی

    پولیس کے پہنچنے پر ڈاکوؤں سے مقابلے میں بدنام زمانہ ڈاکو غلام سرور مارا گیا جبکہ اس کے ساتھی ڈاکو اندھیرے کا فائدہ اٹھاتے ہوئے فرار ہوگئے ہلاک ڈاکو سے اسلحہ،مسروقہ رقم اور موبائل فون برآمد کرلیا گیا، مارا گیا ڈاکو، ڈکیتی، اغوا برائے تاوان، چوری اور پولیس مقابلوں سمیت متعدد سنگین مقدمات میں مطلوب تھا۔

    سیالکوٹ :ایف آئی اے کی سمبڑیال ائرپورٹ پر کارروائی، جعلی ریزیڈنٹ کارڈ پر جرمنی جانے …

    دوسری جانب کراچی کے علاقے بلدیہ میں جھگڑے کے دوران سابق پولیس اہلکار نے فائرنگ کرکے نوجوان کو قتل کردیامقتول ماجد حسین نجی اسپتال میں او ٹی ٹیکنیشن تھا پولیس نے فائرنگ میں ملوث ملزم کو گرفتار کرلیا ہے، ملزم اسلم محکمہ پولیس کا ریٹائرڈ سب انسپکٹر ہے۔

    ٹیکساس میں شور سے روکنے پربچے سمیت 5 افراد قتل

    پولیس کے مطابق جھگڑے کے دوران ملزم نے فائرنگ کرکے ماجد کو قتل کیا ہے اور گرفتار ملزم سے مزید پوچھ گچھ کر رہے ہیں جبکہ لاش کو عباسی شہید اسپتال منتقل کردیا گیا ہے ماجد کو سینے پر گولی ماری گئی ہے جبکہ نوجوان پر فائرنگ سے قبل تشدد بھی کیا گیا اور فون کرکے بلوایا گیا تھا۔

    گھوٹکی:ڈاکوؤں نے دو افراد کو اغوا کرلیا،دو افراد مزاحمت پر زخمی