Tag: پولیس

پاکستان تحریک انصاف (پی ٹی آئی) کے رہنما علی زیدی کو ملیر کورٹ پہنچا دیا گیا ہے۔

علی زیدی کو گڈاپ پولیس کی جانب سے کورٹ پہنچایا گیا ہے،پولیس علی زیدی کو گڈاپ تھانے سے سخت سیکورٹی میں لے کر روانہ ہوئی ملیر عدالت کے باہر پی ٹی آئی کے رہنماؤں اور کارکنان کی بڑی تعداد موجود ہے پی ٹی آئی رہنما کے ملیر کورٹ پہنچنے پر کارکنان نے نعرے بازی کرتے ہوئے بکتر بند پر پھول نچھاورکیں۔ علی زیدی کو پولیس نے سخت سیکورٹی میں بکتربند گاڑی میں عدالت پہنچایا گیا ہے

جوڈیشل مجسٹریٹ ملیر، علی زیدی کیس کی سماعت ہوئی، وکیل علی زیدی نے کہا کہ یہ کیس سول عدالت کا بنتا ہے کریمنل کیس نہیں بنتا ہے ،ٹرانزیکشن کیسے ہوئی ہے ایف آئی آر اس حوالے سے بلینک ہے ،کوئی بینک چیک وغیرہ کچھ بھی مدعی کی طرف سے پیش نہیں کیا گیا ہے ،مدعی مقدمہ اور علی زیدی کے درمیان لین دین کا کوئی ثبوت پیش نہیں کیا گیا ہے مدعی مقدمہ کی پراپرٹی سے متعلق کوئی دستاویزات پیش نہیں کی گئی ہیں مدعی مقدمہ نے 2013 سے اب تک کہیں کوئی درخواست نہیں دی ہے کیا پولیس کو یہ اختیار ہے کہ اس طرح کے کیسز میں مقدمہ درج کرے کوئی گواہ نہیں ہے ،علی زیدی کو ضابط فوجداری کی سیکشن 63 میں ڈسچارج کیا جائے ،

علی زیدی نے عدالت میں کہا کہ میں اس آدمی سے کبھی ملا ہی نہیں ہے میں اس آدمی کو جانتا نہیں ہُوں ،میری پاس اتنی رقم ہے ہی نہیں ایف بی آر سے میرا ریکارڈ چیک کرلیں ،جس دن کا واقعہ بتایا جارہا ہے میں اس دن ملک میں نہیں تھا علی زیدی کی جانب سے پاسپورٹ عدالت میں پیش کردیا گیا، علی زیدی نے کہا کہ یہ بالکل بوگس ایف آئی آر ،شناختی کارڈ کے مطابق مدعی مقدمہ کی عمر 2013 میں بائیس سال بنتی ہے ،

وکیل مدعی مقدمہ نے کہا کہ اس کیس کی انوسٹی گیشن ہونی چاہیے ،پتا نہیں اور کس کس کے پیسے کھائے ہوئے ہیں ،علی زیدی کا جسمانی ریمانڈ دیا جائے ،علی زیدی نے کہا کہ میں اگر کوئی رقم لی ہے تو کوئی ریکارڈ تو ہوگا نا ؟ مدعی مقدمہ کے خلاف جعل سازی کا کیس ہونا چاہیے ،علی زیدی کو ضابطہ فوجداری کی سیکشن 63 کے تحت ڈسچارج کیا جائے ، اور مدعی مقدمہ کے خلاف کاروائی کا حکم دیا جائے مجھے کل پیش ہونا چاہیے تھا جو کہ پیش نہیں کیا گیا ہے ،علی زیدیپولیس نے قانون ہے مطابق 24 گھنٹوں میں پیش نہیں کیا پولیس کہ رہی ہے ساڑھے بارہ بجے گرفتار کیا گیا ہے ،

تفتیشی افسر نے عدالت میں کہا کہ قانون کے مطابق ملزم کو چوبیس گھنٹوں میں پیش کیا گیا ہے ،تفتیشی افسر نے علی زیدی کا مزید جسمانی ریمانڈ مانگ لیا،عدالت نے علی زیدی کے جسمانی ریمانڈ کی استدعا پر فیصلہ محفوظ کرلیا ،عدالت نے علی زیدی کو ضابط فوجداری کی سیکشن 63 کے تحت ڈسچارج کرنے کی درخواست پر بھی فیصلہ محفوظ کرلیا جو سنا دیا گیا ہے،عدالت نے علی زیدی کے خلاف فراڈ کے مقدمے میں تفتیشی افسر کی درخواست منظور کرتے ہوئے علی زیدی کو 3 روزہ جسمانی ریمانڈ پر پولیس کے حوالے کر دیا ہے،

پی ٹی آئی سندھ کے صدر و سابق وفاقی وزیر علی زیدی کی عدالت میں پیشی کا معاملہ

پولیس علی زیدی کو گڈاپ تھانے سے سخت سیکورٹی میں لے روانہ

پی ٹی آئی سندھ کے صدر علی زیدی کو ملیر کی عدالت میں پیش کیا جائے گا

ملیر عدالت کے باہر پی ٹی آئی کے رہنما اور کارکنان کی بڑی تعداد موجود… pic.twitter.com/slTeWNTT0J

— PTI (@PTIofficial) April 17, 2023

واضح رہے کہ گرفتاری کے بعد پولیس کی جانب سےعلی زیدی کوعدالت میں پیش نہ کرنے پرتحریک انصاف کے وکلا نے درخواست جمع کروائی تھی۔

یاد رہے کہ پی ٹی آئی رہنما علی زیدی کو کراچی میں ہفتے کے روز گرفتار کیا گیا تھا ترجمان پی ٹی آئی سندھ کے مطابق علی زیدی پی ٹی آئی سندھ سیکریٹریٹ میں تنظیمی عہدیداران سے ملاقات کررہے تھے کہ اس دوران سول اور یونیفارم میں ملبوس اہلکاروں نے علی زیدی کو گرفتار کرکے نامعلوم مقام پرمنتقل کردیا۔

سندھ کے ضلع کشمور میں ٹک ٹا ک کے بہانے بلوا کر اغوا کئے گئے لڑکوں کو پولیس نے بازیاب کرا لیا-

باغی ٹی وی : سینیئر سپرنٹنڈنٹ پولیس لاڑکانہ عمران خان کے مطابق ڈاکوؤں نے دو نوجوانوں فرمان میرانی اور سعید بھٹی کو فیس بک کے ذریعے رابطہ کرکے کشمور میں لگنے والے میلے اور وہاں ٹک ٹاک بنانے کیلئے بلایا۔

جھنگ : پسندکی شادی میں رکاوٹ ،بیٹی نے باپ کوقتل کردیا

دونوں ویگن پر سوار ہو کر لاڑکانہ سے کندھ کوٹ پہنچے جہاں سے ڈاکوؤں نے انہیں اغوا کرکے کچے میں رکھا اور ان پر تشدد کرتے ہوئے ایک ویڈیو سوشل میڈیا پر وائرل کی جس میں ان کے ورثا سے 25 لاکھ روپے تاوان طلب کیا گیا تھا جس کے بعد ڈی آئی جی لاڑکانہ مظہر نواز شیخ نے لاڑکانہ اور کندھ کوٹ کشمور پولیس کی مشترکہ ٹیمیں تشکیل دیں اور غوث پور تھانے پر سرکار کی مدعیت میں اغوا برائے تاوان کا مقدمہ بھی درج کیا گیا۔

پی ٹی آئی رہنما علی زیدی گرفتار ہو گئے

پولیس کی ٹیموں کی جانب سے کچے میں دونوں نوجوانوں کی موجودگی کی ملنے والی اطلاع پر کارروائی کی گئی اور دو طرفہ فائرنگ کے تبادلے میں دونوں مغویوں کو باحفاظت بازیاب کروالیا گیا۔

کراچی: پاکستان تحریک انصاف (پی ٹی آئی) سندھ کے صدر اور سابق وفاقی وزیر علی زیدی کو کراچی سے گرفتار کرلیا گیا۔

باغی ٹی وی : ترجمان پاکستان تحریک انصاف کا کہنا ہے کہ سابق وفاقی وزیر علی زیدی کو ڈیفنس پی ٹی آئی سیکریٹریٹ سے حراست میں لیا گیا علی زیدی کو پولیس اور سادہ لباس اہلکار اپنے ہمراہ لے گئےعلی زیدی پی ٹی آئی سندھ سیکرٹریٹ میں تنظیمی عہدیداران سے ملاقات کر رہے تھے، پولیس اہلکاروں نے علی زیدی کو گرفتار کرکےنامعلوم مقام پر منتقل کر دیا پولیس اہلکار جاتےوقت دفترمیں موجود کچھ افراد کے موبائل فونز بھی ساتھ لے گئے۔

ترجمان علی زیدی کا کہنا ہے کہ پی ٹی آئی سندھ کے صدر کو پولیس اہلکار اپنے ساتھ لے گئے ہیں۔

سابق گورنر سندھ عمران اسماعیل کا کہنا ہے کہ علی زیدی کو سندھ پولیس نے حسب روایت بغیر وارنٹ گرفتار کیا، پاکستان میں یہ غنڈہ راج زیادہ نہیں چلے گا، جبر کے دن تھوڑے ہیں۔

پاکستان تحریک انصاف کے رہنما فرخ حبیب نے سوشل میڈیا پر جاری بیان میں بتایا کہ علی زیدی کو کراچی سے گرفتار کیا گیا ہے، علی زیدی کو پی ٹی آئی سندھ کے دفتر سے گرفتار کیا گیا۔

تحریک انصاف کے صدر علی زیدی کو بغیر کسی وارنٹ کے گرفتار کیا گیا ہے، ظلم اور جبر کا یہ نظام کسی طور قبول نہیں #آئین_بچاؤ_ملک_بچاؤ pic.twitter.com/TTD16ECiRU

— Ch Fawad Hussain (@fawadchaudhry) April 15, 2023

پاکستان تحریک انصاف کے مرکزی رہنما فواد چوہدری نے کہا کہ علی زیدی کو بغیر کسی وارنٹ کے گرفتار کیا گیا ہے، ظلم اور جبر کا یہ نظام کسی طور پر قبول نہیں ہے۔

تحریک انصاف نے دعوی کیا ہے کہ علی زیدی کو نامعلوم افراد ساتھ لے گئے ہیں جو کہ سراسر بے بنیاد ہے علی زیدی کے خلاف تھانہ ابراہیم حیدری میں مقدمہ درج کیا گیا ہے ۔ علی زیدی کو درج مقدمے کی بنا پر پولیس نے گرفتار کیا ہے مقدمہ شہری فضل الہیٰ کی مدعیت میں درج کیا گیا، مقدمہ فراڈ اور دھمکی کی دفعات کے تحت درج کرایا گیا۔

مقدمے میں مدعی نے الزام عائد کیا ہے کہ علی زیدی نے مجھ سے 2013 میں 18 کروڑ روپےلیےپلاٹ کی فائل دی جس کی قیمت 16 کروڑ پچھتر لاکھ روپے بتائی، علی زیدی نے ایک کروڑ 25 لاکھ روپے چھ ماہ بعد دینے کا وعدہ کیا، وقت مقررہ پر رقم کا تقاضہ کیا تو ملزم ٹال مٹول کرنے لگا، رقم نہ ملنے پر پلاٹ کی فائل بیچنا چاہی تو وہ بھی جعلی نکلی، ملزم سے رقم کے لیے بار بار رابطہ کرنے پر دھمکیاں دی گئیں، ملزم کے خلاف کارروائی عمل میں لائی جائے۔