اوکاڑہ(علی حسین) ڈاکٹر نے کم عمر بچے کو بدفعلی کا نشانہ بناڈالا۔ 6 نمبر چونگی اوکاڑہ سٹی میں ڈاکٹر حسن وٹو نے اپنے کلینک کے کم عمر ملازم نعمان کو زبردستی بدفعلی کا نشانہ بنا ڈالا۔ بچے کے والد کی مدعیت پر پولیس نے ملزم کو گرفتار کرکے مقدمہ درج کرلیا ہے۔
Tag: پولیس
دیپالپور میں دوران ڈکیتی اجتماعی زیادتی کا بڑا واقعہ
اوکاڑہ (علی حسین )دیپالپور کے نواحی دیہات اڈا صالحووال میں ایک محنت کش خالد کے گھر سات نامعلوم مسلح ڈاکو گھس آئے اور گن پوائنٹ پر گھر کا سامان لوٹنا شروع کردیا۔ دریں اثناء چار ڈاکوؤں نے محنت کش کی بیوی کیساتھ اجتماعی زیادتی کی ۔ ملزمان فرار ہوگئے ۔ اہل علاقہ نے دیپالپور ملتان روڈ بلاک کرکے احتجاج کیا۔ پولیس مصروف کاروائی ہے۔
ال
اوکاڑہ میں بڑے بھائی نے فائرنگ کرکے اپنے چھوٹے بھائی کو قتل کردیا۔
اوکاڑہ(علی حسین) اوکاڑہ سٹی میں تحصیل روڈ پر ایک بھائی نے فائرنگ کرکے اپنے سگے بھائی کو قتل کردیا۔ تحصیل روڈ ٹھنڈی سڑک پر موجود ریفریشمنٹ پوائنٹ ملا فروٹ چاٹ پر فروٹ چاٹ کھانے آئے تنویر عالم پر اسکے بڑے بھائی نے اچانک آکر فائرنگ شروع کردی۔ جس کیوجہ سے تنویر عالم شدید زخمی ہوگیا۔ حالت نازک ہونیکی بنا پر مضروب کو ڈسٹرکٹ ہسپتال ریفر کیا گیا لیکن وہ زخموں کی تاب نہ لاتے ہوئے جان کی بازی ہار گیا۔ قاتل تاحال فرار ہے۔ قتل کی وجہ فی الحال معلوم نہ ہوسکی۔ پولیس مصروف کاروائی ہے۔
اوکاڑہ، موضع لشاریاں میں مسلح افراد کا مکان پر قبضہ کرنیکی کوشش، مزاحمت پر مکینوں پر تشدد اور اغواء کی کوشش
اوکاڑہ(علی حسین) موضع لشاریاں میں بیس مسلح افراد نے محنت کش جعفر علی کے مکان پر قبضہ کرنیکی کوشش کی۔ مزاحمت پر گھریلو سامان اٹھا کر گلی میں پھینک دیا۔ جعفر علی کی دو بیٹیوں اور بیوی حلیمہ پر تشدد کیا۔ داماد عمران اور بھانجے رفیق کو اغواء کرکے ایک ڈیرے پر لے گئے ۔ دیہاتیوں کے آنے پر انہیں چھوڑ کر فرار ہو گئے۔ پولیس نے ملزمان کے خلاف مقدمہ درج کر لیا ہے۔
اوکاڑہ، واں محبت کی میں ڈاکو گھر میں گھس آئے، سامان اور نقدی چھین کر فرار
اوکاڑہ(علی حسین) نواحی گاؤں واں محبت کی میں پانچ نامعلوم مسلح ڈاکو ایک کاشتکار کے گھر میں رات کو گھس آئے اور میاں بیوی کو باندھ کر پانچ تولے سونا اور 52 ہزار روپے چھین کر رات کی تاریکی میں غائب ہو گئے۔
اوکاڑہ نہر سے تیس سالہ نوجوان کی نعش برآمد
اوکاڑہ ( علی حسین ) اوکاڑہ میں فیصل محمود کالونی کے قریب سے گزرنے والی نہر سے تیس سالہ نوجوان کی لاش برآمد ہو ئی ہے۔ لاش کی شناخت شہباز علی ساکن عید گاہ روڈ اوکاڑہ کے نام سے ہوئی ہے۔ شہباز رکشہ ڈرائیور تھا اور تین روز سے غائب تھا۔ متوفی کا رکشہ جنرل بس سٹینڈ اوکاڑہ سے ملا ہے تاہم آج لاش نہر سے برآمد ہوئی ہے۔ متوفی کو اغواء کے بعد قتل کرکے نہر میں پھینکنے کا شبہ ظاہر کیا جارہا ہے۔ پولیس نے لاش تحویل میں لیکر تحقیقات کا آغاز کردیا ہے۔
اوکاڑہ: دیپالپور میں 17سالہ لڑکی نے خودکشی کرلی
اوکاڑہ(علی حسین ) دیپالپور کے نواحی گاؤں رتیکی میں 17سالہ نوجوان لڑکی نے خود کو گولی مار کر زندگی کا خاتمہ کرلیا۔ محنت کش محمد امیر کی 17سالہ جواں سال بیٹی ریحانہ بی بی نے گھریلو رنجش کی بنا پر دلبرداشتہ ہوکر گزشتہ رات خود کشی کرلی ۔
اوکاڑہ: رینالہ خورد میں پولیس مقابلہ، ایک ڈاکو ہلاک
اوکاڑہ(علی حسین) رینالہ خورد تھانہ صدر کی حدود پیردی ہٹی روڈ پر پولیس اور ڈاکووں کے مابین فائرنگ کا تبادلہ ہوا۔ پولیس کی فائرنگ سے ایک ڈاکو ہلاک جبکہ اسکے دو ساتھی ڈاکو فرار ہوگئے۔ ڈاکووں کی فائرنگ سے ایک خالد نامی پولیس اہلکار بھی زخمی ہوا ہے۔ ہلاک ہونیوالے ڈاکو کی شناخت تاحال نہیں ہوسکی۔ پولیس مفرورین کی تلاش کررہی ہے۔
اوکاڑہ رینالہ خورد میں کبوتر بازی سے منع کرنے پر ایک شخص ہلاک
اوکاڑہ(علی حسین) رینالہ خورد کے نواحی علاقے 11 ون ایل میں کبوتربازی سے منع کرنے پر کبوتر بازوں نے فائرنگ کردی۔ فائرنگ سے ایک شخص موقع پر جاں بحق ہوگیا۔ جاں بحق ہونے والے شخص کی شناخت دلبر کے نام سے ہوئی ہے۔ ایس ایچ او تھانہ صدر پولیس کی بھاری نفری کے ہمراہ موقع پر پہنچ گئے۔ ملزم فائرنگ کے بعد فرار ہوگیا۔ ملزم کو گرفتار کرنے کے لیے پولیس کاروائی کررہی ہے۔
اوکاڑہ: جندراکہ میں قائم پولیس چوکی بارش کے پانی کیوجہ سے ڈوب گئی۔
اوکاڑہ(علی حسین) اوکاڑہ کے نواح جندراکہ میں قائم پولیس چوکی بارش کے پانی سے ڈوب گئی۔ تھانہ راوی کی جندراکہ میں موجود پولیس چوکی گاوں کی آبادی سے پانچ فٹ نشیب میں ہے جسکی وجہ سے ہمیشہ بارش کے پانی سے چوکی تقریباً ڈوب جاتی ہے۔ گزشتہ رات شدید بارش کے باعث پانی نشیبی چوکی میں داخل ہوگیا۔ چوکی میں موجود فرنیچر اور متفرق سامان پانی میں ڈوب گیا۔ پولیس چوکی کے عملہ کی بے بسی دیکھتے ہوئے اہل علاقہ نے متعلقہ محکمے کے اعلیٰ افسران سے مطالبہ کیا ہے کہ چوکی کو کسی محفوظ مقام پر تعمیر کیا جائے۔
