Tag: پولیس

لاہور میں سال نو کے موقع پر پولیس کی فول پروف سکیورٹی انتظامات اور شہریوں کے تعاون کی بدولت نیو ایئر نائٹ پر پرامن ماحول قائم رہا۔ کسی بھی افسوس ناک واقعہ کا سامنا نہیں ہوا اور شہر بھر میں پولیس نے اپنی بہترین حکمت عملی سے امن قائم رکھا۔ پولیس حکام کے مطابق اس دوران مختلف غیر قانونی سرگرمیوں میں ملوث 377 افراد کو گرفتار کر کے جیل بھیج دیا گیا۔

ڈی آئی جی آپریشنز فیصل کامران نے بتایا کہ پولیس نے پیشگی کارروائیوں کے دوران ہوائی فائرنگ کرنے والے 58 ملزمان کو گرفتار کر کے حوالات میں ڈال دیا۔ ان کارروائیوں میں ملزمان سے 7 رائفلز اور 47 پسٹلز برآمد کیے گئے، جو کہ پولیس کی موثر حکمت عملی کا نتیجہ تھا۔ڈی آئی جی آپریشنز نے مزید بتایا کہ شہر بھر میں پولیس کی طرف سے کی جانے والی ناکہ بندی کے دوران 107 ملزمان سے اسلحہ برآمد کیا گیا۔ ان ملزمان سے 12 رائفلز، 4 بندوقیں، 90 پسٹلز اور سینکڑوں گولیاں قبضے میں لی گئیں۔ فیصل کامران کا کہنا تھا کہ اسلحہ کی اس برآمدگی سے شہر کی امن و امان کی صورتحال مزید مستحکم ہوئی۔پولیس نے منشیات کے خلاف بھی سخت کارروائیاں کیں اور مجموعی طور پر 27 کلو چرس برآمد کی۔ اس کے علاوہ 1 کلو گرام ہیروئن، 4 کلو 220 گرام آئس، اور 1181 لیٹر شراب بھی برآمد کی گئی۔ فیصل کامران نے بتایا کہ پولیس کی اس کامیاب کارروائی کے دوران 383 لیٹر کچی شراب کی ترسیل بھی ناکام بنائی گئی، جس کے نتیجے میں 17 ملزمان گرفتار ہوئے۔

نیوز ایئر نائٹ کے دوران پولیس نے ون ویلنگ اور آتشبازی کرنے والے افراد کے خلاف بھی سخت کارروائی کی۔ ناکوں اور گشت کے دوران 63 ملزمان کو گرفتار کیا گیا جو پابندی کے باوجود ون ویلنگ کر رہے تھے۔ اس کے علاوہ آتشبازی کرنے والے 27 افراد کو بھی گرفتار کیا گیا، جن کے خلاف قانونی کارروائی عمل میں لائی گئی۔نیو ایئر نائٹ پر خواتین سے چھیڑ چھاڑ اور ہلڑ بازی کرنے والوں کے خلاف بھی پولیس نے سخت ایکشن لیا۔ اس دوران 16 افراد کو قانون کی گرفت میں لایا گیا۔ فیصل کامران نے کہا کہ پولیس کی جانب سے کیے گئے سکیورٹی اقدامات کے باعث شہریوں کو محفوظ ماحول فراہم کیا گیا۔

پولیس کی بہترین حکمت عملی اور سکیورٹی انتظامات کے نتیجے میں نیو ایئر نائٹ پر حادثات میں 88 فیصد کمی آئی۔ ڈی آئی جی آپریشنز نے کہا کہ صرف تین افراد معمولی زخمی ہوئے، جن میں سے دو افراد کو طبی امداد فراہم کر دی گئی، جبکہ ایک شخص ابھی ہسپتال میں زیر علاج ہے اور اس کی حالت خطرے سے باہر ہے۔فیصل کامران نے پولیس کی فیلڈ ٹیم کی محنت اور بہترین حکمت عملی کی تعریف کی اور کہا کہ گزشتہ سال کی نسبت حادثات میں اتنی بڑی کمی پولیس کی شاباش کی مستحق ہے۔ لاہور پولیس کے سکیورٹی انتظامات کی بدولت نیو ایئر نائٹ پر امن و امان کی فضا قائم رکھی گئی، جس پر شہریوں نے بھی پولیس کے اقدامات کی ستائش کی۔

نیو ایئر نائٹ پر لاہور پولیس کی طرف سے کئے گئے بہترین سکیورٹی انتظامات اور شہریوں کے تعاون سے لاہور میں سال نو کا آغاز محفوظ رہا۔ پولیس کی اس کامیاب حکمت عملی کے باعث شہر بھر میں امن قائم رہا اور کسی بھی بڑے حادثے یا افسوس ناک واقعے کی اطلاع نہیں ملی۔

پاکستان میں دہشت گردی اور ٹارگٹ کلنگ میں بھارت کا گھناؤناکرداربےنقاب

جنوبی کوریا طیارہ حادثہ، 181 میں سے دو افراد زندہ کیسے بچے

لاہور: لاہور میں شراب کے ساتھ اسلحے کی نمائش اور ہوائی فائرنگ کرنے والے شخص کو گرفتار کرلیا گیا۔

باغی ٹی وی: ترجمان لاہور پولیس کے مطابق راوی روڈ پولیس نے کارروائی میں شراب کی بوتل اور فلمی ڈائیلاگ کے ساتھ ہوائی فائرنگ کرنے والے کو گرفتارکرلیا، ملزم پابندی کے باوجود سرعام ہوائی فائرنگ کر رہا تھا ملزم اکثرعلاقے میں ہوائی فائرنگ کرتا اور ویڈیو بنا کر تشہیر کرتا ہے۔

پولیس کے مطابق ملزم نے ہوائی فائرنگ کی ویڈیو سوشل میڈیا پر وائرل کی ملزم کو اسلحے سمیت گرفتار کرکے مقدمہ درج کرلیا گیا ہے۔ ایس پی سٹی نے ہوائی فائرنگ کے خلاف ٹارگٹڈ کارروائی پر راوی روڈ پولیس کو شاباش دی ایس پی سٹی کیپٹن ریٹائرڈ قاضی علی رضا کا کہنا ہے کہ نیو ائیرنائٹ پر ہوائی فائرنگ ،اسلحہ کی نمائش اور ون ویلنگ کرنے والے حوالات کی ہوا کھائیں گے اسپیشل ٹیمیں تشکیل دے دی گئیں۔

یکم سے 6 جنوری تک ملک کے بیشتر علاقوں میں بارش

آئی جی پنجاب ڈاکٹر عثمان انور نے کہا کہ نیو ائیر نائٹ پر ہوائی فائرنگ اور ون ویلنگ کی ہر گز اجازت نہیں، ان جرائم میں ملوث ملزمان کے خلاف بلا امتیاز کاروائی عمل میں لائی جائے گی۔

دوسری جانب سٹی ٹریفک پولیس نے عوام سے اپیل کی ہے کہ نئے سال کو خوش آمدید کہیں، مگر ذمہ داری کے ساتھ۔ تیز رفتاری، ون ویلنگ اور خطرناک ڈرائیونگ سے گریز کریں اپنی اور دوسروں کی زندگی کا تحفظ یقینی بنائیں۔ نئے سال کا آغاز محفوظ اور خوشگوار انداز میں کریں-

لاہور میں نیو ائیر کے موقع پر آتش بازی پرمکمل پابندی عائد

لاہور: تھانہ ہربنس پورہ کے علاقے میں ایک پالتو شیر کی ہلاکت کے بعد گارڈ کے خلاف مقدمہ درج کیا گیا ہے جبکہ شیر کے مالک کے خلاف ابھی تک کوئی کارروائی نہیں کی گئی۔مبینہ غفلت یا اعلیٰ حکام کی آنکھوں میں دھول جھونکنے کی کوشش،محکمہ وائڈ لائف نے مقدمہ میں شہباز نامی گارڈ کو ملزم قرار دے دیا

دو روز قبل شیر کی ہلاکت اس وقت ہوئی جب یہ شیر اپنے پنجرے سے فرار ہو کر گلیوں میں آ گیا تھا اور شہریوں میں خوف و ہراس پھیل گیا تھا۔پولیس کے مطابق، مقدمہ پنجاب وائلڈ لائف ایکٹ 1974 کی سیکشن 5 اور 12 اور 289 ت پ دفع کے تحت درج کیا گیا ہے۔ اس میں کہا گیا ہے کہ شیر کو غیر قانونی طور پر ایک شہری کے گھر پر پالا جا رہا تھا، جس کی وجہ سے شیر کے مالک اور اس کے گارڈ کے خلاف کارروائی کی گئی۔ گارڈ کے خلاف مقدمہ درج ہونے کے بعد اسے گرفتار کر لیا گیا ہے، تاہم شیر کے مالک کے خلاف تاحال کوئی قانونی کارروائی نہیں کی گئی ہے۔محکمہ وائلڈ لائف کے حکام نے کہا کہ شیر کے مالک کو اسی مقدمہ میں شامل تفتیش کیا جائے گا اور اس کے خلاف محکمانہ چالان بھی تیار کیا جائے گا۔ تاہم، پولیس کا کہنا ہے کہ مقدمہ محکمہ وائلڈ لائف کے استغاثہ کے مطابق درج کیا گیا تھا اور اس میں شیر کے مالک کا نام شامل نہیں کیا گیا تھا۔

یہ واقعہ گزشتہ روز اس وقت پیش آیا جب ہربنس پورہ کے رہائشی علی عدنان نے اپنے ڈیرے پر ایک پالتو شیر رکھا ہوا تھا۔ شیر موقع پا کر اپنے پنجرے سے باہر نکل آیا اور گندے نالے کے قریب آ گیا۔ شیر کی دھاڑیں سن کر لوگوں میں شدید خوف و ہراس پھیل گیا،شہریوں نے فوراً پولیس کو اطلاع دی، لیکن اس سے پہلے ہی سکیورٹی گارڈ نے شیر پر گولیاں چلا کر اسے ہلاک کر دیا۔ پولیس اور محکمہ وائلڈ لائف کے اہلکار فوری طور پر موقع پر پہنچ گئے، لیکن شیر کی ہلاکت کے بعد تحقیقات کا عمل شروع کر دیا گیا۔واقعہ کی اطلاع ملتے ہی علاقے میں خوف و ہراس کی لہر دوڑ گئی، اور لوگ اس بات پر حیرانی کا شکار تھے کہ کس طرح ایک طاقتور جنگلی جانور کو ایک شہری کے گھر پر پالا جا رہا تھا۔ شہریوں کا کہنا تھا کہ اس طرح کے واقعات سے نہ صرف جانوروں کی زندگی خطرے میں آتی ہے بلکہ انسانوں کی جان بھی خطرے میں پڑ جاتی ہے۔

اب تک پولیس نے شیر کے مالک کے خلاف کوئی قانونی کارروائی نہیں کی ہے، تاہم محکمہ وائلڈ لائف نے اس بات کی یقین دہانی کرائی ہے کہ شیر کے مالک کو تفتیش میں شامل کیا جائے گا اور اس کے خلاف جلد کارروائی کی جائے گی۔اس واقعہ نے لاہور اور دیگر شہروں میں پالتو جنگلی جانوروں کی پرورش اور ان کے تحفظ کے حوالے سے سوالات اٹھا دیے ہیں۔ ماہرین کا کہنا ہے کہ جنگلی جانوروں کو غیر قانونی طور پر پالتو جانور کے طور پر رکھنا نہ صرف جانوروں کی فلاح کے لیے نقصان دہ ہے بلکہ یہ انسانی زندگیوں کے لیے بھی خطرناک ثابت ہو سکتا ہے۔اس واقعہ کے بعد ماہرین نے حکومت سے مطالبہ کیا ہے کہ جنگلی جانوروں کی پالتو حیثیت کے حوالے سے سخت قوانین وضع کیے جائیں تاکہ ایسے واقعات کی روک تھام کی جا سکے۔

ٹرین میں سوئی ہوئی خاتون کو ایک شخص نے زندہ جلا دیا

پولیس کا آپریشن”لٹیری دلہن”شوہروں پر الزامات لگا کر لوٹنے والی دلہن گرفتار

آگ کی بھٹی سے گزر چکی، گالی دے دو، نعرہ لگا دو، مجھ پر کچھ اثر نہیں کرتا،مریم نواز