Baaghi TV

Tag: پیرس

  • استاد کا قتل ؛ فرانس میں اضافی سیکیورٹی کے لیے 7 ہزار فوجی تعینات

    استاد کا قتل ؛ فرانس میں اضافی سیکیورٹی کے لیے 7 ہزار فوجی تعینات

    فرانس کے صدر ایمانوئل میکرون نے ہفتے کے روز سکیورٹی گشت میں اضافے کے لیے سات ہزار فوجی تعینات کیے ہیں کیونکہ بموں کے انتباہ کے بعد لوور میوزیم کو خالی کرنا پڑا ہے۔ فرانس کے شمالی شہر اراس کے ایک اسکول میں 20 سالہ شخص کی جانب سے ایک ٹیچر پر چاقو سے حملہ کرنے اور دو افراد کو شدید زخمی کرنے کے بعد ملک کو انتہائی سخت سیکیورٹی الرٹ کر دیا گیا ہے۔

    جبکہ خبر رساں ایجنسی روئیٹرز کے مطابق فرانس کے وزیر داخلہ جیرالڈ ڈارمینن نے کہا ہے کہ لوور میوزیم، پیلس آف ورسیلز اور پیرس کے گارے ڈی لیون ٹرین اسٹیشن کو بم دھماکے کی اطلاع ملنے کے بعد خالی کرا لیا گیا ہے تاہم انہوں نے اراس حملے کی تحقیقات پر تبصرہ کرنے سے انکار کر دیا لیکن صرف اتنا کہا کہ مشرق وسطیٰ میں ہونے والے واقعات کے بعد ‘جہادی ماحول’ پیدا ہو گیا ہے، جہاں اسرائیل گذشتہ ہفتے حماس کے جنگجوؤں کے خلاف فوجی کارروائی کر رہا ہے۔

    روئیٹرز نے لکھا ہے کہ فرانسیسی وزیر داخلہ درمنین نے ایک نیوز کانفرنس میں کہا، کہ ہم سمجھتے ہیں کہ انتہائی گھناؤنی جغرافیائی سیاست نے لوگوں کی ایک مخصوص تعداد کو بنیاد پرست اسلام کے نام پر کارروائی کرنے کی اجازت دی ہے۔ تاہم میکرون دفتر سے جاری اعلامیہ کے مطابق شہر کے بڑے مراکز اور سیاحتی مقامات پر جاری سیکیورٹی آپریشن کے حصے کے طور پر پیر کی شام تک فوجیوں کو اگلے نوٹس تک تعینات کیا جائے گا۔
    مزید یہ بھی پڑھیں؛
    امریکا میں نائن الیون حملوں کو 22 برس بیت گئے
    جبکہ تازہ ترین سیکیورٹی الرٹ ایک ایسے وقت میں سامنے آیا ہے جب فرانس رگبی ورلڈ کپ کی میزبانی کر رہا ہے اور پیرس اولمپک کھیلوں کا خیرمقدم کرنے سے ایک سال سے بھی کم وقت پہلے ہے، جس میں ایک اسٹیڈیم کے باہر غیر معمولی افتتاحی تقریب اور دریائے سین میں پریڈ کا منصوبہ بھی شامل ہے۔

  • فرانس:پولیس نے نوجوان کو گرلی مار کر ہلاک کر دیا

    فرانس:پولیس نے نوجوان کو گرلی مار کر ہلاک کر دیا

    فرانسیسی پولیس نے نوجوان کو گولی مار کر ہلاک کر دیا، واقعے پر شہری سڑکوں پر نکل آئے، توڑ پھوڑ ، جلاؤ گھیراؤ شدید احتجاجی مظاہرے کئے-

    باغی ٹی وی : غیر ملکی میڈیا کے مطابق پیرس کے نواحی علاقے میں پوچھ گچھ کے دوران نوجوان کار سوار کو گولی مار دی، سینے میں گولی لگنے سے نوجوان موقع پر ہی ہلاک ہوگیا،فرانسیسی پولیس کی فائرنگ سے ہلاک نوجوان کی شناخت نائل کے نام سے کی گئی، نوجوان کرائے کی گاڑی چلا رہا تھا۔

    پولیس کے نوجوان کو گولی مارنے کی ویڈیو بھی سامنے آگئی ہے، پولیس نے دعویٰ کیا تھا کہ نوجوان ڈرائیور نے انہیں کچلنے کی کوشش کی تاہم ویڈیو نے حقیقت ظاہر کردی لواحقین کے وکیل کا کہنا ہے کہ ویڈیو نے پولیس کے مؤقف بدلنے کی کوشش ناکام بنا دی ہے،عینی شاہدین کے مطابق پولیس نے بلااشتعال گولی ماری-

    موبائل فون کی لت، 13 سالہ لڑکی نے گھر والوں کو قتل کرنے کی …

    ہلاک شدہ فرانسیسی، الجزائری نوجوان کی عمر17 برس تھی، اسے دن دیہاڑے مبینہ طورپر بغیر کسی وجہ کے قتل کیے جانے پر مشتعل افراد نے پولیس اسٹیشن کے باہر مظاہرہ کیا اور جلاؤ گھیراؤ کے دوران کئی گاڑیوں کو بھی آگ لگادی صرف 2022 میں گاڑی نہ روکنے پر فرانسیسی پولیس نے 13 افراد کی جان لی تھی۔

    یمرجنسی سروسز کی مدد کے باوجود نوجوان سینے میں گولی لگنے سے جائے وقوعہ پر ہی دم توڑ گیا رات بھر مظاہروں اور بدامنی کے بعد پندرہ افراد کو گرفتار کیا گیا۔

    خبر رساں ادارے اے ایف پی سے تصدیق شدہ واقعے کی فوٹیج میں دو پولیس افسران کو گاڑی کو روکنے کی کوشش کرتے ہوئے دکھایا گیا ہے۔ ایک اپنے ہتھیار کو کھڑکی سے ڈرائیور کی طرف اشارہ کرتا ہے اور جب وہ گاڑی چلانے کی کوشش کرتا ہے تو خالی جگہ پر فائر کرتا دکھائی دیتا ہے ویڈیو میں ایک شخص کو یہ کہتے ہوئے سنا جا سکتا ہے کہ "آپ کو سر میں گولی مار دی جائے گی” – لیکن یہ واضح نہیں ہے کہ یہ کس نے کہا۔

    فائرنگ کے وقت کار میں دو دیگر سوار تھے – جن میں سے ایک فرار ہو گیا جبکہ دوسرے، ایک نابالغ کو بھی پولیس نے گرفتار کر لیا نوجوان کو گولی مارنے کے الزام میں 38 سالہ افسر کو قتل کے الزام میں حراست میں لیا گیا ہے۔

    فائرنگ نے پیرس کے بالکل مغرب میں واقع علاقے نانٹیرے میں منگل کی رات مظاہروں کا ایک سلسلہ شروع کر دیا جہاں نوجوان کو ہلاک کر دیا گیا تھا کاروں اور کوڑے کے ڈھیروں کو آگ لگا دی گئی، اور بس شیلٹر تباہ کر دیے گئے۔ تھانے کے قریب آتش بازی بھی کی گئی۔ فسادات کی پولیس نے مظاہرین کو منتشر کرنے کے لیے آنسو گیس کا استعمال کیا، جن میں سے کچھ نے رات بھر رکاوٹیں کھڑی کر دیں۔

    روس کو درپیش مشکل ترین آزمائش پر قابو پالیا گیا ہے،روسی صدر

  • وزیر اعظم شہباز شریف 22 جون کو پیرس پہنچیں گے

    وزیر اعظم شہباز شریف 22 جون کو پیرس پہنچیں گے

    اسلام آباد: وزیر اعظم شہباز شریف اور سابق وزیر اعظم شاہد خاقان عباسی جمعرات کو پیرس میں مختلف پروگراموں میں شرکت کریں گے-

    باغی ٹی وی :” دی نیوز” کے مطابق شہباز شریف ماحولیات سے متعلق بین الاقوامی سمٹ میں شرکت کریں گے جبکہ شاہد خاقان عباسی آج سے شروع ہونے والے ایئر پیرس شو میں مہمان ہوں گے شہبازشریف جمعرات 22 جون کو پیرس پہنچیں گے جہاں شاہد خاقان پہلے سے موجودہوں گے-

    شاہد خاقان نے کہا کہ مسلم لیگ (ن)کا رکن قومی اسمبلی ہونے کے ناطے وہ جنرل کونسل کے بھی ممبر ہیں ‘اجلاس میں شرکت کیلئے انہیں کسی دعوت نامے کی ضرورت نہیں تھی اگر میں ملک میں ہوتا تو جنرل کونسل اجلاس میں ضرورت شرکت کرتا مجھے اس بات کا علم نہیں کہ مفتاح اسماعیل مجھے ملنے کراچی سے اسلام آباد آئے تھے ۔

    امریکی وزیر خارجہ کی چینی ہم منصب سےطویل ملاقات

    شاہدخاقان نے جنرل کونسل اجلاس کے موقع پر پارٹی عہدیداران کے الیکشن کے حوالے سے تبصرہ کرنے سے گریز کرتے ہوئے کہا کہ وہ وطن واپسی کے بعد اس معاملے پر تبادلہ خیال کریں گے ۔

    انہوں نے کہا کہ بجٹ کی منظوری میں کوئی رکاوٹ نہیں آئے گی بجٹ منظوری کیلئے پارٹی نے انہیں بلایا تووہ فوراًوطن واپس آئیں گے تاہم انہیں ایسے کوئی صورتحال نظرنہیں آتی کہ بجٹ کی منظوری کیلئے کسی ایک رکن کی موجودگی ضروری ہو۔

    پنجاب پولیس؛ بیمار اہلکاروں کے علاج کیلئے 1 کروڑ 11 لاکھ 86 ہزار …

    واضح رہے کہ سابق وزیراعظم اور پی ایم ایل این کے مضبوط رہنما شاہد خاقان عباسی نے بیرون ملک ہونے کے باعث گزشتہ جمعہ کو یہاں منعقدہ اپنی پارٹی کے جنرل کونسل اجلاس میں شرکت نہیں کی تھی۔

  • فرانس پنشن اصلاحات بارے مظاہرے؛ شاہ چارلس سوم کا دورہ منسوخ

    فرانس پنشن اصلاحات بارے مظاہرے؛ شاہ چارلس سوم کا دورہ منسوخ

    فرانس میں اس وقت افراتفری دیکھنے میں آئی جب پولیس نے مظاہرین پر آنسو گیس فائر کیا اور پیرس میں لاٹھی چارج کرنے والے ہجوم جہاں ہزروں نے پنشن اصلاحات بارے مارچ کیا ہے

    انگریزی اخبار ڈیلی میل کے مطابق فرانس میں پولیس نے پیرس میں احتجاج کرنے والوں پر آنسو گیس کے گولی داغے ہیں۔ اور واضح رہے فرانس کے صدر کے پنشن کےلئے عمر بڑھائے جانےکے منصوبے پر ہزاروں احتجاجیوں نے ملک بھر میں مارچ کیا ہے۔ ملک گیر سطح پر جاری احتجاج کے 9ویں دن بھی ٹرین اور فضائی سفر متاثر ہے۔ جبکہ کئی اساتذہ نے کام روک دیا ہے۔ وسطی پیرس میں احتجاجی عام طور پر پُرامن ہیں۔ البتہ احتجاجیوں کے چھوٹے گروپوں نے دکانوں کی کھڑکیوں کو توڑا اور بورڈیاکس ٹاؤن کو آگ لگا دی ہے۔ پارلیمنٹ میں ووٹ کےبغیر ریٹائرمنٹ کی عمر دو سال بڑھائے جانے کے حکومت کے ایک قانون کے خلاف احتجاج شروع ہوئے تھے۔

    یاد رہے کہ گزشتہ بدھ کے روز صدر میخواں نے کہا تھا کہ ملک بھر میں احتجاج کے بڑھنے کے باجود بھی اس قانون کو سال کے آخر تک نافذ کردیا جائے گا۔ کیونکہ انتہائی اہم چیز ہے اور ہم کسی دباؤ میں نہیں آئیں گے. فرانسیسی صدر ایمانوئل میخواں کی انتہائی متنازع پنشن اصلاحات کے خلاف تین ماہ سے جاری احتجاج کے دوران مظاہرین اور پولیس کے درمیان جھڑپوں میں 150 اہلکار زخمی ہو گئے ہیں عالمی ادارے کے مطابق اب تک کے سب سے سنگین تشدد میں جمعرات کو مظاہرین کی فرانسیسی سکیورٹی فورسز کے ساتھ جھڑپ کے بعد بڑی تعداد میں گرفتاریاں عمل میں لائی گئی ہیں جبکہ مظاہرین نے کئی شہروں میں سڑکوں پر نکل کر پُرتشدد احتجاج کیا اور پیرس کے ایک تاریخی مرکز میں آگ بھی لگا دی ہے.

    تاہم پولیس نے کئی شہروں میں تشدد میں ملوث مظاہرین کو حراست میں لیا ہے جبکہ فرانسیسی صدر کی جانب سے اصلاحات اُن کی حکومت کے لیے بہت بڑا چیلنج بن کر سامنے آئیں جب ملک بھر میں ریٹائرڈ سرکاری ملازمین احتجاج کے لیے نکلے ہیں جبکہ خیال رہے کہ ایمانوئل میخواں کے فرانس میں دوسری مدت کے لیے صدر منتخب ہونے کے بعد یہ اُن کے خلاف سب سے بڑی عوامی احتجاج کی لہر ہے۔
    مزہد یہ بھی پڑھیں؛
    بیان حلفی دیں کہ آپ نے دہشت گردی عدالت اسلام آباد میں ضمانت دائر کی تھی, عمران خان کو بیان حلفی جمع کروانے کی ہدایت
    20 رمضان سے قبل پنشن اور تنخواہ کی ادائیگی یقینی بنائی جائے، قائمہ کمیٹی
    سوال یہ ہے کہ اکتوبر میں کیسے ہوں گے الیکشن؟ عمران خان
    راہول گاندھی کو بھارتی پارلیمنٹ نے نااہل قرار دے دیا
    صدرکے ساتھ کوئی بامعنی مشاورت نہیں کی گئی، صدر کا وزیر اعظم کو خط میں شکوہ
    عمران خان کا افغان بچیوں کی تعلیم پر پابندی بارے طالبان کی مذمت کرنے سے انکار
    قومی اسمبلی؛ قائمہ کمیٹی برائے انفارمیشن ٹیکنالوجی نے ایل سیز کھولنے کی سفارش کر دی

    عالمی اخبار کے مطابق برطانیہ کے شاہ چارلس سوم اگلے ہفتے فرانس پہنچ رہے تھے لیکن اب یہ دورہ منسوخ ہوگیا ہے خیال رہے کہ یہ دورہ فرانسیسی ٹریڈ یونین کے منگل کو ہڑتال اور احتجاج کا اعلان کرنے کے بعد منسوخ ہوا ۔ جبکہ شاہ چالس سوم کا یہ پہلا غیر ملکی دورہ تھا اور وہ اس میں جنوب مغربی شہر بورڈو کا بھی دورہ کرنے والے تھے جہاں جمعرات کو مظاہرین نے سٹی ہال کے پورچ میں آگ لگائی۔ یہ بھی واضح رہے کہ گزشتہ بدھ کو فرانسیسی صدر کی جانب سے ایک ٹی وی چینل کو دیئے گئے انٹرویو میں اصلاحات واپس لینے سے انکار کے بیان کے بعد جمعرات کو غصے سے بھرے مظاہرین کی بڑی تعداد نے سڑکوں اور گلیوں کا رُخ کیا تھا۔ تاہم پیرس شہر کی سڑکوں اور گلیوں میں پولیس اور مظاہرین میں جھڑپیں ہوئیں جہاں اہلکاروں نے آنسو گیس کے شیل پھینکے اور احتجاج کرنے والوں پر لاٹھی چارج کیا۔

  • ملازمین کی ہڑتال ،پیرس کی سڑکوں پر ہزاروں ٹن کچرا جمع

    ملازمین کی ہڑتال ،پیرس کی سڑکوں پر ہزاروں ٹن کچرا جمع

    کوڑا اٹھانے والے ملازمین کی ہڑتال کے باعث پیرس کی سڑکوں پر ہزاروں ٹن کچرا جمع ہوگیا-

    باغی ٹی وی: فرانسیسی حکام کے مطابق کوڑا اٹھانے والے ملازمین کی ہڑتال کے باعث پیرس کی سڑکوں پرکچرے کی مقدار 10,000 ٹن تک پہنچ گئی ہے ہڑتالی ملازمین کو کام پرواپس لانے کی تمام تر کوششیں رائے گاں گئی ہیں۔

    ایران:مزار پر حملے میں ملوث دو ملزمان کو سزائے موت سنا دی گئی

    وزیر داخلہ جیرالڈ ڈرمینین نے اعلان کیا تھا کہ ہڑتال کرنے والوں کو ضروری خدمات کے تحفظ کے لیے بنائے گئے ہنگامی اختیارات کے تحت کام پر واپس آنے پر مجبور کیاجائے گا مگرحکومت ابھی تک ایسا نہیں کرسکی۔

    کوڑا اٹھانے والے کارکنان 12 دنوں سے پیرس میں ریٹائرمنٹ کے نظام میں اصلاحات کے خلاف احتجاج کر رہے ہیں۔ اس شعبے میں ریٹائرمنٹ کی قانونی عمر 57 سے بڑھا کر 59 سال کر دی گئی ہے یہ کارکن دارالحکومت کے تقریباً 20 اضلاع میں سے نصف میں کچرا اٹھانے کا کام کرتے ہیں، جب کہ دیگر علاقوں کو نجی کمپنیاں سنبھالتی ہیں۔

    ایکواڈوراورپیرو میں زلزلہ،15 افراد ہلاک اور 125 سے زائد زخمی،بلوچستان میں بھی زلزلے کے جھٹکے

    نجی کمپنیاں اب بھی کام کر رہی ہیں اور کچھ نے سب سے زیادہ متاثرہ علاقوں میں گنجان آباد سڑکوں کو صاف کرنے کے معاہدے پر دستخط کیے ہیں، جہاں تیزی سے بدبو پھیلتی ہےسخت متاثرہ 9 ویں ڈسٹرکٹ کی میئر ڈیلفائن برکلے نے جمعہ کو مشورہ دیا کہ "فوج سے سڑکوں کو صاف کرنے کا مطالبہ کیا جائے۔”

    پیرس میں جمعے کی شب مظاہرین کے ساتھ فرانسیسی فسادات کی پولیس کی جھڑپ ہوئی، کیونکہ ملک میں ریٹائرمنٹ کی عمر بڑھانے کے حکومتی منصوبے کے خلاف احتجاج کیا گیا-

    آسٹریلوی فوجی افغانستان میں مبینہ جنگی جرائم کے الزام میں 3 سال بعد گرفتار

  • پاسپورٹ پر میری عمر سات سال زیادہ لکھی ہوئی ہے ریشم

    پاسپورٹ پر میری عمر سات سال زیادہ لکھی ہوئی ہے ریشم

    لالی وڈ اداکارہ ریشم نے حال ہی میں جیو نیوز کے شو ہنسنا منع میں شرکت کی ہے، شو میں ان کے ساتھ اداکار وسیم عباس بھی موجود تھے. میزبان نے ان سے مختلف سوالات پوچھے ایک سوال کے جواب میں ریشم نے کہا کہ میرے پاسپورٹ پر میری عمر سات سال زیادہ لکھی ہوئی ہے ، زیادہ اس لئے لکھی گئی عمر کیونکہ مجھے عمرہ کی ادائیگی کرنی تھی اور میری عمر کم تھی اسلئے عمر بڑھا کر لکھی گئی تاکہ مجھے ویزہ مل سکے اور میں عمرہ کی ادائیگی کر سکوں.مجھے آج تک لوگ کہتے ہیں کہ میری عمر بہت زیادہ ہے ٹھیک ہیں کہتے رہیں مجھے اس چیز سے بالکل بھی فرق

    نہیں‌ پڑتا. مجھے اللہ کے گھر جانا تھا چلی گئی وہاں دعا کی کہ اللہ مجھے ہمیشہ اپنا محتاج رکھنا اور اللہ نے میری سن لی. میزبان نے کہا کہ آپ کے پاس موقع تھا پیرس سیٹل ہونے کا لیکن آپ نے لاہور کو ترجیح دی کیا یہ سچ ہے؟ تو ریشم نےکہا کہ جی ہاں ایسا ہی ہے میں نے لاہور کو ترجیح دی پیرس میں رہنا میرا خواب نہیں تھا. ریشم نے کہا کہ میری ایک عادت ہے کہ میں یہ دیکھتی ہوں کہ اگلے کا دل کتنا بڑا ہے اگر کسی کی جیب میں‌پانچ سو روپے ہیں بے شک وہ مجھ پہ خرچ نہ کرے لیکن اس کا دل بڑا ہونا چاہیے.
    ریشم کی اس شو میں کی گئی گفتگو کافی وائرل ہو رہی ہے اور ایک بار پھر یہ بحث چھڑ گئی ہے کہ لڑکیاں اپنی عمر کیوں چھپاتی ہیں.

  • پیرس اور بحریہ کا ایفل ٹاور!!! — ڈاکٹر حفیظ الحسن

    پیرس اور بحریہ کا ایفل ٹاور!!! — ڈاکٹر حفیظ الحسن

    ایفل ٹاور کا نام لیں تو ذہن میں پیرس آتا ہے۔ جسکے ویسے تو کئی ریپلیکا دنیا بھر میں موجود ہیں مگر مجھے اصلی ٹاور کے علاوہ بحریہ ٹاؤن لاہور کا "ایفل ٹاور” دیکھنے کا شرف بھی حاصل ہے۔

    اصلی ایفل ٹاور جو پیرس میں واقع ہے، انسانی آرٹ سے زیادہ انجنئیرنگ کا خوبصورت نمونہ ہے۔ اتنا کہ لوگ اسے دیکھنے دنیا بھر سے آتے ہیں۔ ایک اندازے کے مطابق دنیا بھر سے سالانہ 60 لاکھ سے زائد افراد اس ٹاور کی "زیارت” کو آتے ہیں۔

    ایفل ٹاور کی تاریخ دلچسپ ہے۔ خوبصورت انجنیرنگ کے اس شاہکار کی اونچائی تقریبا 330 میٹر ہے۔ تقابل میں لاہور کا مینارِ پاکستان تقریباً 70 میٹر ہے۔ مگر ایفل ٹاور کو بنایا کیوں گیا؟

    دراصل اسے 1889 میں پیرس میں ہونے والے ورلڈ فیئر کے لیے تعمیر کیا گیا۔ یہ ورلڈ فئیر 1789 میں آیے انقلاب ِفرانس کےصد سالہ جشن کی خوشی میں تھا۔ ایفل ٹاور جو پیرس کے دل میں دریائے سین کے کنارے ایستادہ ہے، اسے 2 سال کی قلیل مدت میں 1887 سے 1889 میں تعمیر کیا گیا۔ اسکا نام ایفل ٹاور اس لیے ہے کہ اسے فرانس کے ایک سویل انجنئیر الیکسینڈر گستاو ایفل کی کمپنی کے انجینئرز اور آرکیٹکٹس نے بنایا۔ شروع شروع میں جب یہ بنایا گیا تو اسکی فرانس کے کئی مشہور آرٹس اور دانشوروں نے مخالفت کی مگر آج یہ فرانس کی پہچان ہے۔

    اس ٹاور کے تین فلورز ہیں جو سیاحوں کے لئے کھلے ہیں۔ ان پر سیاحوں کے لیے ریستوران بھی موجود ہیں جہاں وہ لذیذ کھانے کھا سکتے ہیں۔ ساتھ ہی ساتھ پیرس کا نظارہ بھی۔ان فلورز پر جانے کے لئے سیڑھیاں بھی ہیں اور ایک لفٹ بھی، جنکا ٹکٹ ہوتا ہے۔ 600 قدم کی سیڑھیاں دوسرے فلور تک جاتی ہیں جبکہ لفٹ تیسرے فلور پر۔ سب سے اوپر کی فلور پر آپکو ٹاور سے مختلف ملکوں کے دارلحکومت کی سمت اور فاصلہ تحریر کی صورت لکھا ہوا دکھائی دیتا ہے۔ ٹاور کی تیسرے فلور تک جانے کا لفٹ کا ٹکٹ تقریباً 25 یورو یعنی تقریباً ساڑھے پانچ ہزار پاکستانی روپے ہے۔ جبکہ سیڑھیوں کے ذریعے دوسرے فلور تک جانے کا ٹکٹ تقریباً سوا چار ہزار روپے ہے۔

    ٹاور سے متصل ایک بہت بڑا پارک ہے جہاں مقامی لوگ اور سیاح اکثر شام کو وقت بتانے آتے ہیں۔ ٹاور پر باقاعدہ لائیٹنگ کا انتظام ہے جس میں کل ملا کر 20 ہزار کے قریب برقی قمقمے اور بلب نصب ہیں۔ جو شام ہوتے ہی اس ٹاور کو روشنی سے سجا دیتا ہے اور دیکھنے والے اسکے حسن سے کھو سے جاتے ہیں۔

    اس ٹاور کو بنانے میں اُس دور میں تقریباً ڈیڑھ ملین ڈالر خرچ ہوئے۔ یہ مکمل طور پر لوہے کا بنا ہوا ہے۔ اسے زنگ سے بچانے کے لیے اس پر تقریباً ہر سات سال بعد رنگ کیا جاتا ہے۔ مختلف ادوار میں اسکا رنگ تبدیل کیا گیا۔ شروع شروع میں جب یہ بنا تو اسکا رنگ سرخی مائل بادامی تھا جبکہ آج اسکا رنگ بادامی سا ہے۔ اسے رنگنے کے لئے 3 ٹن پینٹ استعمال ہوتا ہے جبکہ ٹاور کا کل وزن کل وزن 10 ہزار ٹن سے بھی زائد ہے۔

    بحریہ ٹاؤن لاہور کا ایفل ٹاور 80 میٹر اونچا پے۔اسے 2013 میں بنایا گیا۔ اسکا ٹکٹ شاید ہزار روپے سے کم ہے۔ پاکستان میں انسٹاگرام اور ٹک ٹاک سٹارز کے لیے سٹوریز بنانے کے لیے اچھی جگہ ہے۔

  • رات کولائٹیں بند کرکےسویا کریں:ملک میں توانائی کا شدید بحران آرہا ہے:فرانسیسی صدر

    رات کولائٹیں بند کرکےسویا کریں:ملک میں توانائی کا شدید بحران آرہا ہے:فرانسیسی صدر

    پیرس:رات کولائٹیں بند کرکے سویا کریں:ملک میں توانائی کا شدید بحران آرہا ہے:فرانسیسی صدر ایمانوئل میکرون نے فرانس میں لوگوں کو خبردار کیا ہے کہ وہ رات کے وقت پبلک لائٹس بند کرنے کے لیے تیار رہیں،کیونکہ مُلک میں توانائی کا شدید بحران آچکا ہے

    فرانسیسی شہریوں کو اس توانائی بحران سے خبردار کرتے ہوئے فرانسیسی صدر میکرون نے کہا کہ روس کے یوکرین پر حملے اور مغربی ریاستوں کی پابندیوں کی وجہ سے توانائی اور دیگر اشیا کی قیمتوں میں اضافہ ہوا ہے۔

    میکرون نے کہا کہ یوکرائن کی جنگ کا کوئی خاتمہ نظر نہیں آرہا ہے، فرانسیسیوں کو اپنے اخراجات کوکم سے کم کرنے کے لیے تیار رہنا چاہیے

    فرانسیسی صدر نے جمعرات کو فرانس کی قومی تعطیل، باسٹیل ڈے کے موقع پر ایک ٹیلی ویژن انٹرویو میں عوام کومخاطب کرتے ہوئے کہا کہ یوکرین کے ساتھ یہ جنگ جاری رہے گی جس کے مستقبل میں گھمبیراثرات مرتب ہوکررہیں گے

    عوام سے مخاطب ہوتے ہوئے فرانسیسی صدر میکرون نے کہا کہ "روس توانائی کا استعمال کر رہا ہے، جیسا کہ وہ خوراک کو جنگ کے ہتھیار کے طور پر استعمال کر رہا ہے،” میکرون نے مزید کہا، "ہمیں خود کو اس منظر نامے کے لیے تیار کرنا چاہیے جہاں ہمیں روسی گیس کے بغیر جانا ہے۔”

    دوسری طرف کریملن نے ان بیانات کو مسترد کرتے ہوئے کہا ہے کہ ماسکو گیس یا تیل کو "سیاسی دباؤ کے ہتھیار” کے طور پر استعمال کر رہا ہے۔

    فرانسیسی صدر نے عوام سے مخاطب ہوتے ہوئے کہاکہ حکومت توانائی کے تحفظ کے لیے ایک "سوبریٹی پلان” تیار کرے گی، جس کا آغاز رات کے وقت پبلک لائٹس کو بند کرنے سے ہو گا

    صدر نے کہا کہ فرانس گیس کے ذرائع کو متنوع بنانے کے لیے کوشاں رہے گا، موجودہ بحران سے نمٹنے کے لیے آف شور ونڈ فارمز کی طرف تیزی سے تبدیلی اور یورپی سرحد پار توانائی کے تعاون پر زور دیا۔

    میکرون کے انتہائی دائیں اور بائیں بازو کے سیاسی مخالفین نے یورپی یونین کی پابندیوں کو فرانسیسی صارفین کی قوت خرید کو کم کرنے کا ذمہ دار ٹھہرایا ہے ، اس موقع پر فرانس کے صدر نے انٹرویو کے دوران یوکرین کی طرف پالیسی میں تبدیلی کا کوئی اشارہ نہیں دیا۔

    میکرون نے کہا کہ ہم شام کی جنگ بھی جیت نہ پائے اب یوکرین کا محاذ کھل گیا ہے، آنے والے دنوں میں جنگ بندی کے آثار بہت کم دکھائی دیتے ہیں ، اس لیے احتیاطی تدابیرلازم ہیں‌

  • ارجن کپور اور ملائکہ اروڑا کی فرانس سے واپسی

    ارجن کپور اور ملائکہ اروڑا کی فرانس سے واپسی

    بونی کپور کے صاحبزادے ارجن کپور جو اپنی گرل فرینڈ ملائکہ اروڑا کے ساتھ اپنی سالگرہ منانے کےلئے پیرس گئے تھے ممبئی واپس پہنچ چکے ہیں ۔دونوں نے وہاں سے اپنی تصاویر جاری کیں ان تصاویر میں دیکھا جا سکتا ہے کہ کپل نے ان چھٹیوں کو بھرپور انداز سے منایا ہے۔ان کی تصاویر کے سوشل میڈیا پر کافی چرچے رہے یہاں تک کہ دونوں کا پیرس ٹرپ مختلف ویب سائٹ پر آنے والی خبروں کی زینت بنا رہا ۔ارجن کپور حال ہی میں سینتیس برس کے ہوئے ہیں اور اس بار انہوں نے اپنی برتھ ڈے پیرس اپنی گرل فرینڈ کے ساتھ منانے کو ترجیح دی۔ ارجن کپور ملائکہ اروڑا سے گیاراں برس چھوٹے ہیں۔ ارجن کپور سے جب سوال

    ہوا کہ آپ اور ملائکہ اروڑا کب شادی کے بندھن میں بندھیں گے تو انہوں نے کہا کہ تھا ہم ایک دوسرے کے ساتھ اسی طرح سے خوش ہیں ہمیں شادی کی ضرورت نہیں ہے جب لگے گا کہ شادی کر لینی چاہیے تو ہم یقینا کر لیں گے ۔ لیکن اس کے باوجود ان دونوں کا رشتہ اور شادی کی خبریں زیر بحث ہیں ۔ یاد رہے کہ ملائکہ اروڑا نے سلمان خان کے بھائی ارباز خان کے ساتھ محبت کی شادی کی تھی شادی کے اٹھاراں برس کے بعد دونوں کے ایک دوسرے علیحدگی اختیار کر لی دونوں نے اس علیحدگی کے حوالے سے میڈیا پر کچھ خاص بات نہیں کی۔

  • 2015 پیرس حملے: فرانسیسی عدالت نے ملزمان کو عمر قید کی سزا سنا دی

    2015 پیرس حملے: فرانسیسی عدالت نے ملزمان کو عمر قید کی سزا سنا دی

    فرانسیسی عدالت نے پیرس حملوں کے مرکزی کردار صالح عبداسلام(Salah Abdeslam) کو عمر قید کی سزا سنا دی۔

    باغی ٹی وی : غیر ملکی خبر رساں ایجنسی کے مطابق ججوں نے بدھ کے روز پیرس میں نومبر 2015 کے حملوں کے الزام میں 20 افراد کو فیصلہ سنایا جس میں 130 افراد ہلاک ہوئے تھے، جدید فرانسیسی تاریخ کے سب سے بڑے مقدمے کی سماعت ہوئی۔ٕ

    نومبر2015 میں ہونے والے پیرس حملوں کے کیس میں فرانسیسی عدالت نے حملوں کے مرکزی مجرم صالح عبداسلام کو عمر قید سنائی جبکہ 19 دیگر افراد کو بھی مجرم قرار دیا۔جن میں سے 6 کے بارے میں خیال کیا جاتا ہے کہ وہ مر چکے ہیں۔

    رپورٹس کے مطابق نومبر 2015 کو پیرس میں دہشت گرد حملوں میں 130 افراد ہلاک ہوئے تھے 13 نومبر 2015 کو پیرس کے بارز، ریسٹورنٹ، نیشنل فٹ بال اسٹیڈیم اور میوزک وینیو پر ہونے والے حملوں میں ہلاک ہونے والوں کے ساتھ سیکڑوں افراد زخمی بھی ہوئے تھے۔

    خبررساں ایجنسی کے مطابق فرانسیسی تاریخ کا سب سے بڑا ٹرائل گزشتہ ستمبر میں شروع ہوا تھا –

    دیگر مدعا علیہان میں سے، 18 کو دہشت گردی سے متعلق مختلف سزائیں سنائی گئیں اور ایک کو کم دھوکہ دہی کے الزام میں سزا سنائی گئی۔ انہیں معطل سزا سے لے کر عمر قید تک کی سزائیں دی گئیں۔

    مقدمے میں متعدد مدعیان کی نمائندگی کرنے والے وکیل جیرارڈ چیملا نے کہا، "یہ ایک متوازن فیصلہ ہے، کچھ کے لیے سخت، دوسروں کے لیے کم۔ اسے انصاف کہتے ہیں۔”

    عبدالسلام کے علاوہ جن افراد پر مقدمہ چل رہا ہے ان پر زیادہ تر لاجسٹک مدد فراہم کرنے یا دوسرے حملوں کی منصوبہ بندی کرنے کا شبہ ہے۔ ان میں محمد ابرینی بھی شامل تھا، جس نے پیرس کے کچھ حملہ آوروں کو فرانس کے دارالحکومت لے جانے کا اعتراف کیا۔ عدالت نے اسے عمر قید کی سزا سنائی اور کم از کم 22 سال کی سزا سنائی۔

    مقدمے میں سویڈن کا شہری اسامہ کریم بھی تھا، اسے 30 سال قید کی سزا سنائی گئی اور اس میں سے دو تہائی جیل کی سلاخوں کے پیچھے گزارنے کا حکم دیا گیا-