Tag: پیپلز پارٹی

چیئرمین پیپلزپارٹی بلاول بھٹو زرداری نےشہید محترمہ بینظیر بھٹو کے یوم شہادت پر پیغام جاری کیا ہے

بلاول بھٹو زرداری نے شہید محترمہ بینظیر بھٹو کے یوم شہادت پر خراج عقیدت پیش کیا اور کہا کہ شہید محترمہ بینظیر بھٹو جرات، استقامت اور پاکستانیوں کیلئے امید کی علامت تھیں.شہید محترمہ بینظیر بھٹو کی جدوجہد اور زندگی شہید ذوالفقار علی بھٹو کے وژن سے جڑی تھی. شہید محترمہ بینظیر بھٹو عوام کی طاقت پر یقین رکھتی تھیں. شہید محترمہ بینظیر بھٹو مزدوروں، کسانوں اور پسماندہ طبقات کوترقی کی بنیاد سمجھتی تھیں.شہید محترمہ بینظیر بھٹو کی میراث کو آگے بڑھانے کے لیے پرعزم ہیں. شہید محترمہ بینظیر بھٹوکے انسانی آزادی اور جمہوری اقدار کے فلسفے پر عمل پیرا ہیں.دہشتگردی اور پاکستان کے استحکام کو خطرے میں ڈالنے والی قوتوں کیخلاف جدوجہد جاری رکھیں گے.
فلسطین اور کشمیر سمیت تصفیہ طلب عالمی مسائل پر شہیدبینظیر کے وژن سے رہنمائی لیتے رہیں گے.قوم جمہوریت اور آئینی حکمرانی کو درپیش چیلنجوں پر قابو پانے کیلئے متحد ہو جائے،

شہید بینظیر بھٹو نے بہادری سے آخری دم تک دہشتگردی و آمریت کا مقابلہ کیا.گورنر خیبر پختونخوا
گورنر خیبر پختونخوا فیصل کریم کنڈی نے شہید بینظیر بھٹو کی برسی پر پیغام میں کہا کہ شہید محترمہ بینظیر بھٹو کو خراج عقیدت پیش کرتا ہوں.آج کے دن دہشتگردوں نے ملک کو ایک مثالی قیادت سے محروم کر دیا.شہید بینظیر بھٹو بہترین سیاسی بصیرت خاتون وزیراعظم تھیں.محترمہ بینظیر بھٹو کی جمہوری جدوجہد، بہادری اور عوامی محبت کی مثال نہیں ملتی.شہید بینطیر بھٹو کا مشن، ویژن اور جمہوری طرز عمل ہمیں حوصلہ و رہنمائی فراہم کرتا ہے.
شہید بینظیر بھٹو آج بھی عوام کے دلوں میں زندہ ہیں اور ہمیشہ زندہ رہیں گی.شہید بینظیر بھٹو نے بہادری سے آخری دم تک دہشتگردی و آمریت کا مقابلہ کیا.شہید بینظیر بھٹو اپنے ادوار حکومت میں عوام بالخصوص پسماندہ طبقات کی خوشحالی کا باعث بنیں.

شہید بینظیر بھٹو کی سیاسی جدوجہد اور اصولوں پر مبنی قیادت مشعلِ راہ ہے.چیئرمین سینیٹ
چیئرمین سینیٹ یوسف رضا گیلانی نےشہید محترمہ بینظیر بھٹو کی 17 ویں برسی پر پیغام میں کہا کہ شہیدبینظیر بھٹو کی برسی پر انکی قربانیوں کو خراج عقیدت پیش کرتے ہیں.شہید بینظیر بھٹو نے جمہوریت، مساوات اور انسانی حقوق کیلئے نئی مثال قائم کی. شہید بینظیر بھٹو کی سیاسی جدوجہد اور اصولوں پر مبنی قیادت مشعلِ راہ ہے.شہید محترمہ بینظیر بھٹو نے ہر قسم کے جبر اور آمریت کا دلیرانہ مقابلہ کیا.عوام کی فلاح و بہبود کیلئے شہید محترمہ بینظیر بھٹو نے اپنی زندگی وقف کر دی،

بینظیر بھٹو نے خواتین کو ملکی سیاست میں مثبت کردار ادا کرنے کا حوصلہ دیا.سپیکر قومی اسمبلی
سپیکر قومی اسمبلی سردار ایاز صادق نے شہیدمحترمہ بینظیر بھٹو کو انکی 17ویں برسی پر خراج عقیدت پیش کیا اور کہا کہ شہید محترمہ بینظیر بھٹو نے جمہوریت کی بحالی کیلئے جان کا نذرانہ دیا.شہید محترمہ بینظیر بھٹو کو جمہوریت کی عالمی علمبردار کے طور پر یاد رکھا جاتا ہے.شہید بینظیر بھٹو نے خواتین کو ملکی سیاست میں مثبت کردار ادا کرنے کا حوصلہ دیا.میثاق جمہوریت محمّد نواز شریف اور شہید محترمہ بینظیر بھٹو کی کاوشوں کا نتیجہ ہے.میثاق جمہوریت کے تحت آئین میں 18ویں اور 26ویں آئینی ترامیم کی گئیں،

سابق وزیراعظم بینظیر کی 17 ویں برسی، صدر مملکت کا پیغام

بینظیر کی 17 ویں برسی،گڑھی خدا بخش میں کارکنان کی آمد

قائد بینظیر،آصف زرداری کی شادی،یادگارلمحہ تھی،سحرکامران

جو حرکتیں نواز شریف بینظیر دور میں کرتا تھا، ویسا ہی مریم بی بی آج کررہی،فیصل میر

پاکستان پیپلز پارٹی کی رہنما اور سینئر سیاستدان ،رکن قومی اسمبلی سحر کامران نے کرسمس کے موقع پر اپنے دوستوں اور ساتھیوں کو تہہ دل سے کرسمس کی خوشیوں کی مبارکباد دی ہے۔

اپنے ایک بیان میں سحر کامران کا کہنا تھا کہ "میں اپنے تمام دوستوں اور ساتھیوں کو کرسمس کی خوشیوں کی دل کی گہرائیوں سے مبارکباد دیتی ہوں۔ یہ وہ حسین موقع ہے جب ہم اپنے گھروں اور دلوں میں محبت، سکون، اور خوشی کا پیغام بانٹتے ہیں۔ کرسمس کا تہوار نہ صرف خوشی کا باعث ہے بلکہ یہ انسانیت کے لیے محبت، اخوت اور امن کا پیغام بھی دیتا ہے۔””میں دعا گو ہوں کہ یہ کرسمس آپ کی زندگی میں خوشیاں، کامیابیاں اور محبت لے کر آئے۔ خدا سے یہ دعا ہے کہ ہمارے دلوں میں ہمیشہ انسانیت کی خدمت کا جذبہ زندہ رہے، اور ہم سب کے گھروں میں خوشیاں اور سکون کا ماحول قائم رہے۔”

انھوں نے اس پیغام کے ساتھ تمام دنیا بھر میں کرسمس کے خوشی کے موقع پر محبت اور امن کا پیغام دینے کی اہمیت پر زور دیا۔ سحرکامران نے کہا کہ یہ تہوار ہمیں انسانیت کی خدمت اور دوسروں کے لیے اچھا کرنے کی ترغیب دیتا ہے، اور یہی وہ اقدار ہیں جو ہمیں اپنے معاشرے میں فروغ دینی چاہئیں۔”کرسمس کے اس پیارے موقع پر، میں سب کو دل سے خوشی، سکون اور کامیابی کی دعا دیتی ہوں۔ کرسمس کا یہ تہوار آپ کی زندگی میں خوشی، محبت اور کامیابی کا پیغام لے کر آئے۔”سحر کامران نے اپنے پیغام کا اختتام کرتے ہوئے کہا کہ "کرسمس کا یہ موسم محبت، امن اور ہم آہنگی کا پیغام ہے، اور ہمیں اس کو اپنے عمل میں لانا چاہیے تاکہ ہم سب ایک بہتر اور خوشحال معاشرے کی تعمیر میں اپنا کردار ادا کر سکیں۔”

سحر کامران کا پی آئی اے کی نجکاری میں ناقص مارکیٹنگ پر تشویش کا اظہار

شہدا کا قرض ادا کرنا چاہتے تو نیشنل ایکشن پلان پر پوری طرح عمل کیا جائے،سحر کامران

جامشورو: پاکستان پیپلزپارٹی کے چیئرمین بلاول بھٹو زرداری کی سندھ یونی ورسٹی کے شہید بینظیر بھٹو چیئر اینڈ کنونشن سینٹر آمد ہوئی-

باغی ٹی وی : چیئرمین بلاول بھٹو زرداری کو سندھ یونی ورسٹی کے وائس چانسلر صدیق کلہوڑو ودیگر نے خوش آمدید کہا بلاول بھٹو زرداری نے وزیراعلی سندھ کے ہمراہ سندھ یونی ورسٹی میں نیم کا پودا لگایا اور چیئرمین بلاول بھٹو زرداری سندھ یونی ورسٹی کیلئے 2.45 میگاواٹ کے شمسی توانائی کے منصوبے کے آغاز کا افتتاح کیا

چیئرمین بلاول بھٹو زرداری نے وزیراعلی سندھ کے ہمراہ سندھ یونی ورسٹی کے کانووکیشن میں بطور مہمان خصوصی شرکت کی-

جامشورو یونیورسٹی میں اپنے خطاب میں بلاول بھٹو نے کہا کہ ڈگری لینے والے طالبعلموں کو مبارکباد دیتا ہوں میں اس دن کو یاد کر رہاہوں جب میں نے ڈگری حاصل کی تعلیم ایسا ہتھیار ہے جو چھینا نہیں جا سکتا،آپ جو کرنا چاہتے ہیں کرلیں ماضی میں ہمارے بڑوں نےاپنے چیلنجز کا سامنا کیا –

بلاول نے کہا کہ موسمی تبدیلی آنے والی نسلوں کے لئے بڑا خطرہ ہے،دنیا کا سب سے بڑا مسئلہ موسمی تبدیلی ہے،موسمیاتی تبدیلی کے لئے ہمیں جنگی بنیادوں پر تیاری کرنا ہو گی ،چاہتا ہوں کہ آپ کو اس خطرے کے بارے میں سمجھاؤں،موسمیاتی تبدیلی کے خطرے سے نمٹنے کیلئے نا ہی پاکستان اور نہ ہی دنیا تیار ہےچھ سات نہریں بنانے سے پہلے آنے والے دنوں کا سوچیں،موسمی تبدیلی کے حوالے سے نیا پی ایس ڈی پی بنانا چاہیئے-

انہوں نے نوجوانوں سے مخاطب ہوتے ہوئے کہا کہ ترقیاتی بجٹ 60 سال کی عمر کے لوگ بناتے ہیں ،جو نوجوانوں اور مستقبل کا نہیں سوچتے،آپ ملک کا مستقبل ہو ،ملک کا مستقبل آپ کے ہاتھ میں ہے،آپ اکیلے بھی بہت کچھ کر سکتے ہو،آپ نے محنت کر کے تعلیم حاصل کی ڈگری حاصل کی اب آپ نے اپنا اختیار استعمال کرنا ہے،اجتماعی جدوجہد کر کے آپ اور بھی بہت کچھ حاصل کر سکتے ہیں-نئی نسل کو مستقبل کے بارے میں فیصلے کرنا ہوں گے،ماضی میں آپ کو کنٹرول کرنے اور سنسر کرنے کی کوشش کی گئی،لوڈ شیڈںگ نا کرنے کے دعووں سے متعلق بڑا کوئی مذق نہیں ،کہتے ہیں لوڈ شیڈنگ ختم ہو گئی لیکن جب یہاں آتے ہیں تو لوڈ شیڈنگ سے متعلق بتایا جاتا ہے-

انہوں نے کہا کہ اب ہمیں ڈیجیٹل حقوق کیلئے قانون سازی کی جدو جہد کرنا ہو گی اسلام آبد میں بیٹھے لوگوں کو انٹر نیٹ سلو ہونے اور وی پی این بند ہونے سے کوئی فرق نہیں پڑتا اگر فرق پڑتا ہے تو آپ کو اور مجھے فرق پڑتا ہے انہیں نہیں پڑتا، انٹرنیٹ اب ایک بنیادی انسانی حق ہے، ہم ڈیجیٹیل بل آف رائٹس لے کر آئیں گے یہ ہمارا جمہوی حق ہے اور ہم اس حق کیلئے لڑیں گےمیں اس ملک کے تام تعلیمی اداروں میں پہنچوں گا اور اس جدو جہد میں ساتھ مانگوں گا-

بلاول ںے کہا کہ فیس بک، ٹوئٹر اور انسٹا گرام پر مجھے ایڈ کرکے مجھے بتائیں تجاویز دیں کہ ہمارے بل آف رائٹس میں یہ یہ چیزیں موجود ہونی چاہئیں میں آپ کے مطالبات لے کر اسلام آباد جاؤں گا آپ جانتے ہیں وہ مشکل جگہ ہے مگر جب اچھی نیت سے محنت کی جائے تو مسائل کا حل ملتا ہے۔

انہوں ںے کہا کہ 26 ویں آئینی ترمیمی میں پہلی بار اچھے ماحول کو بنیادی انسانی حقوق کے طور پر شامل کیا گیا، ماضی میں کسی نہ کسی بہانے یوتھ کو خاموش کرنے کی کوشش کی گئی، سنسر کرنے کی آج بھی کوشش ہورہی ہے اور یہ ثبوت ہے کہ آپ کے پاس کتنی طاقت ہے

کراچی: مسلم لیگ (ن) سندھ کے سینیئر رہنما رانا احسان نے پاکستان پیپلز پارٹی میں شمولیت اختیار کرلی۔

باغی ٹی وی: کراچی میں وقار مہدی اور ڈپٹی میئر کراچی سلمان عبداللہ مراد کے ہمراہ پریس کانفرنس میں وزیر بلدیات سعید غنی نے کہا کہ ن لیگ سندھ کے سینئر نائب رانا احسان نے اپنے ساتھیوں سمیت شمولیت اختیار کی ہے، ہمارے لیے خوشی کی بات ہے کہ رانا احسان نے پیپلز پارٹی میں شمولیت اختیار کی،میں رانا احسان کو پیپلز پارٹی کو خوش آمدید کہتا ہوں، کراچی میں پیپلز پارٹی مضبوط ہورہی ہے، اب نسبتا الیکشن جیتنا آسان ہوجائے گا۔

اس موقع پر رانا احسان کا کہنا تھا کہ شمولیتی پروگرام اپنے حلقے میں کروں گا، کثیر تعداد میں لوگوں کو پی پی میں شمولیت کروائیں گے، میں مسلم لیگ (ن) کے مختلف عہدوں پر رہا ہوں، مرکزی و صوبائی عہدوں پر فائز رہا، 2018 میں میں نے 2 انتخاب لڑے تھےجب شہر میں دہشتگردی کا راج تھا تو میرے بھائی نے شہادت پیش کی،کافی عرصے بعد میں نے اپنے نظریے کو بدلا، اس کی وجہ پیپلز پارٹی ہے، اس شہر کی مقبول جماعت پیپلز پارٹی ہے، پیپلز پارٹی کارکنان کے ساتھ مشکل وقت میں کھڑی ہوتی ہے۔

سعید غنی نے عمران خان پر تنقید کرتے ہوئے کہا کہ مذاکرات ہر صورتحال میں ہو سکتے ہیں، عمران خان سے امید نہیں کہ وہ سیاسی اپروچ لائیں گے مذاکرات سے ہم وہ سب نہیں بھول سکتے جو 9مئی کو ہوا تھا، عمران خان سے اچھے فیصلے کی کوئی امید نہیں ہے۔

پاکستان پیپلزپارٹی کے چیئرمین بلاول بھٹو زرداری سے سندھ لائیو اسٹاک ڈیپارٹمنٹ کے وزیر محمد علی ملکانی کی ملاقات ہوئی ہے

چیئرمین بلاول بھٹو زرداری کو سندھ لائیو اسٹاک ڈیپارٹمنٹ کے وزیر محمد علی ملکانی نے محکمے کی کارکردگی سے متعلق بریفنگ دی،بریفنگ میں بتایا گیا کہ لائیو اسٹاک کا ملک کے جی ڈی پی میں 14 فیصد حصہ ہے، سندھ کا انسٹی ٹیوٹ آف اینمل ہیلتھ 74 اقسام کی جانوروں کی ادویات خود تیار کرتا ہے، سندھ لائیو اسٹاک ڈیپارٹمنٹ جلد ایف ایم ڈی ویکسین تیار کرلے گا جو گوشت کی برآمد میں معاون ثابت ہوگی، سندھ میں جلد لائیو اسٹاک کی نمائش کا انعقاد بھی کیا جائے گا،

علاوہ ازیں پاکستان پیپلزپارٹی کے چیئرمین بلاول بھٹو زرداری سے پی پی پی گھوٹکی کے رہنما اور پیٹرولیم اینڈ سوشل ڈولپمنٹ کمیٹی گھوٹکی کے چیئرمین عبدالباری خان پتافی نے بلاول ہاؤس میں ملاقات کی، اس موقع پر گھوٹکی کی سیاسی صورت حال کے علاوہ ضلع میں عوامی فلاح و بہبود کے منصوبوں کی تکمیل پر بات چیت ہوئی۔

دوسری جانب پاکستان پیپلزپارٹی کے چیئرمین بلاول بھٹو زرداری سے تھرپارکر سے رکن سندھ اسمبلی فقیر شیر محمد بلالانی نے بلاول ہاؤس میں ملاقات کی، اس موقع پر مٹھی کے عوامی مسائل اور ان کے حل پر بریفنگ دی گئی۔

سندھ کے سینئر وزیر،وزیر اطلاعات شرجیل میمن کا کہنا ہے کہ چینی وفد نے شعبہ ٹرانسپورٹ میں سرمایہ کاری میں دلچسپی ظاہر کی ہے،

پریس کانفرنس کرتے ہوئے شرجیل میمن کا کہنا تھا کہ چینی سرمایہ کاروں نے پاکستان میں سرمایہ کاری کے حوالے سے صدر آصف علی زرداری، وزیرِ اعلیٰ سندھ مراد علی شاہ اور دیگر حکام سے ملاقاتیں کی ہیں۔ ان ملاقاتوں میں چینی سرمایہ کاروں نے ای وی (الیکٹرک گاڑیوں) ٹیکسیوں اور ای وی بسوں کے پاکستان میں متعارف کرانے کا ارادہ ظاہر کیا ہے۔ محکمۂ ٹرانسپورٹ میں انقلابی اقدامات کیے گئے ہیں، جس کے ذریعے ہر شہری کو سستی اور معیاری سفری سہولت فراہم کی جائے گی۔ دھابیجی اکنامک زون میں دس سال ٹیکس ہالیڈے، مشنیری کی ٹیکس فری درآمد ہوگی، ہماری پہلی ترجیح لوگوں کو روزگار فراہم کرنا ہے،پبلک پرائیویٹ پارٹنرشپ کی گلوبل رینکنگ میں پاکستان چھٹے نمبر پر سندھ کی وجہ سے ہے، سندھ کے محکمہ ٹرانسپورٹ نےموٹر گاڑیوں کی فٹنس کےلیےنئے ایس او پیز نافذ کیئےہیں جو 1 دسمبر 2024 سے لاگو ہونگے اس اقدام کا مقصد سڑک کی حفاظت کو بہتر بنانا ماحولیاتی حالات کو بہتر بنانا اور قیمتی انسانی جانوں کےضیاع کو روکنا ہے،وفاقی حکومت ان عناصر کیخلاف کارروائی کرے جو انسانی اسمگلنگ میں ملوث ہیں، موٹر وہیکل فٹنس کے حوالے سے نئے ایس او پیز یکم دسمبر سے نافذ کر دیے گئے ہیں۔ اس اقدام کا مقصد عوام کو بہتر اور محفوظ سفری سہولت فراہم کرنا ہے۔ پرانے فٹنس کارڈز کو مسترد کیا جا رہا ہے اور نئے فٹنس کارڈز کے اجراء کے عمل کو شروع کیا جا چکا ہے۔

شرجیل میمن کا مزید کہنا تھا کہ پی ٹی آئی والے وفاقی اداروں سے لڑنے کے بجائے دہشت گردوں سے لڑیں اور اپنے صوبے کے لوگوں کے جان و مال کی حفاظت کریں جس کہ ذمہ داری آپ کی حکومت کے کندھوں پر ہے، پی ٹی آئی والے مذاکرات بھی گن پوائنٹ پر کرنا چاہتے ہیں۔ سیاسی عمل میں مسلسل مداخلت اور دھمکیوں کا سلسلہ جاری ہے، جو کہ جمہوریت کے لیے نقصان دہ ہے۔ خیبرپختونخوا بہادر لوگوں کا صوبہ ہے، لیکن وہاں کے حکمران نااہل ہیں۔ کے پی کے وزیرِ اعلیٰ عمران خان کی قیادت میں دہشت گردوں کے خلاف کوئی مؤثر حکمت عملی نہیں اپنائی جا رہی، حالانکہ صوبے کا سب سے بڑا چیلنج دہشت گردی ہے۔ کے پی کی حکومت کا سربراہ دھمکیوں کو پسند کرتا ہے، اور یہ وہی شخص ہے جس نے پہلے بل جلائے تھے، جو ایک قسم کی سول نافرمانی تھی، وزیرِ اعلیٰ کو چاہیے کہ دہشت گردوں کے خلاف ایک حکمت عملی تیار کرے تاکہ عوام کی جان و مال کی حفاظت کی جا سکے۔

شرجیل میمن کا مزید کہنا تھا کہ پیپلز پارٹی دسمبر کے مہینے میں مختلف تقاریب کا انعقاد کر رہی ہے، جن میں اہم ترین تقریب شہید بے نظیر بھٹو کی برسی کی ہوگی جو کہ گڑھی خدا بخش میں منائی جائے گی۔ یہ تقریب پارٹی کے کارکنوں کے لیے انتہائی اہمیت کی حامل ہے اور اس موقع پر پیپلز پارٹی کے عزم و حوصلے کو دوبارہ اجاگر کیا جائے گا،پیپلز پارٹی ہمیشہ عوام کے حقوق کی جنگ لڑے گی اور وہ کسی بھی قسم کی دھمکیوں یا سیاسی چالوں کے سامنے نہیں جھکے گی۔ پی ٹی آئی والے ہمیشہ اپنے مفادات کے لیے جمہوریت کو خطرے میں ڈالنے کی کوشش کرتے ہیں، لیکن پیپلز پارٹی کا عزم اور جرات انہیں شکست دے گی۔

وزیراعلیٰ پنجاب کا دورہ چین،13 ارب کی سرمایہ کاری کا وعدہ

سیاسی انتقام کا نشانہ بنانے کی روایت بانی چیئرمین پی ٹی آئی نے رکھی،عطا تارڑ

خواجہ آصف کا بہت احترام لیکن ان کی زبان آگ اگلتی ہے،شیر افضل مروت