باغی ٹی وی کی رپورٹ کے مطابق پی آئی اے کا ایک اور فضائی میزبان کینیڈا میں غائب ہو گیا

پی آئی اے کا ایک اور فضائی میزبان ٹورنٹو میں غائب ہونے سے گزشتہ ایک سال میں غائب ہونے والوں کی تعداد تین ہوگئی ہے ، پی آئی اے کا لاہور سے تعلق رکھنے والا فضائی میزبان ٹورنٹو میں غائب ہوا، پرواز کے ساتھ گیا لیکن وہاں سے پھر واپس نہیں آیا

کینیڈا میں جا کر پی آئی اے کے فضائی میزبانوں کا غائب ہو جانا ایک معمول بن چکا ہے،ایسے لگتا ہے کہ پاکستان کی قومی ایئر لائن پی آئی اے کا اپنے عملے پر کسی قسم کا کوئی کنٹرول نہیں رہا،قبل ازیں کینیڈین ایوی ایشن حکام نے لاہور اور اسلام آباد سے تعلق رکھنے والے پی آئی اے کے عملے کے ارکان پر منشیات سے متعلق الزامات عائد کیے تھے

رواں برس ماہ فروری میں فلائٹ اسٹیورڈ وقار احمد خان جدون ٹورنٹو میں غائب ہو گئے تھے،جس کے بعد جی ایم فلائٹ کی جانب سے جاری اعلامیہ میں کہا گیا تھا کہ فضائی عملے کے غائب ہونے کی وجہ سے کچھ اقدامات کو فوری اٹھایا جا رہا ہے، اس ضمن میں نئے ایس او پیز بنائے گئے ہیں ،فضائی میزبان کا پاسپورٹ سٹیشن منیجر کے پاس رکھا جائے گا اور اسکے پاس جمع ہو گا پاسپورٹ واپسی پر کسٹم کی قانونی کاروائی کے بعد واپس کیا جائے گا ہوٹل سیکورٹی اس بات کو یقینی بنائے گی کہ ہر ایک پہنچ گیا ہے اگر کوئی بھی غائب یا لاپتہ ہوا تو ہوٹل سٹاف فوری آگاہ کرے گا ،کسی بھی فضائی میزبان کو ہوٹل چھوڑنے کی اجازت نہیں ہو گی، تاہم اب ایسے لگتا ہے کہ پی آئی اے کی جانب سے جاری ہدایات پر عمل نہیں ہو رہا جس کی وجہ سے اب ایک بار پھر ایک فضائی میزبان غائب ہو گیا ہے

رواں برس ماہ فروری میں ہی قومی ائیرلائن پی آئی اے کی خاتون ائیرہوسٹس زاہدہ بلوچ کینیڈا سے لاپتا ہوگئی تھی پی آئی اے کی ائیر ہوسٹس پرواز پی کے 797 پر کراچی سے ٹورنٹو پہنچی تھی لیکن ائیر ہوسٹس نے ٹورنٹو سے کراچی کی پرواز کے لیے ڈیوٹی پر رپورٹ نہیں کیا۔ترجمان پی آئی اے نے ائیرہوسٹس کے لاپتا ہونے کی تصدیق کرتے ہوئے بتایا کہ خاتون فضائی میزبان سے متعلق کینیڈاکی امیگریشن اور ائیر پورٹ اتھارٹی کوآگاہ کردیا گیا ہے

فضائی میزبانوں کے بیرون ممالک میں غائب ہونے پر نئے ایس او پیز جاری

پی آئی اے کی فضائی میزبان کے کینیڈا میں "غائب”ہونے پر تحقیقات کا آغاز

وہ قوم جو ہر سال 200 ارب جلا ڈالتی ہے، سنیے سینئر اینکر پرسن مبشر لقمان کی زبانی

جہازکریش، حقائق مت چھپاؤ ، جواب دو، مبشر لقمان کا پالپا کو کھلا چیلنج

کاش. پی آئی اے والے یہ کام کر لیتے تو PK8303 کا حادثہ نہ ہوتا، سنیے مبشر لقمان کی زبانی اہم انکشافات

ماشاء اللہ، پی آئی اے کے پائلٹ ماضی میں کیا کیا گل کھلاتے رہے ؟سنئے مبشر لقمان کی زبانی

سول ایوی ایشن نے گونگلوؤں سے مٹی جھاڑ دی،پائلٹ کوذمہ دار ٹھہرانے کا لیٹر کیوں جاری کیا گیا؟ سنئے مبشر لقمان کی زبانی

اسلام آباد:حکومت پاکستان نے کی طرف سے 15 جولائی سےتمام حجاج کی واپسی پر کرونا کے خدشہ کے پیش نظر سکریننگ/ریپیڈ اینٹی جن ٹیسٹ ضروری قرار دے دیا گیا ہے ، اس حوالے سے جاری پیغام میں کہا گیاہے کہ ٹیسٹ پازیٹو آنے کی صورت میں 10 روز گھر میں کورنٹین کرنا ضروری ہوگا

اس سلسلے میں جاری نوٹیفکیشن کےمطابق ملک کے پانچ ائرپورٹس پر ریپیڈ اینٹیجن ٹیسٹ کے انتظامات کیے جاچکے ہیں ، نوٹیفکیشن میں اس بات کی بھی نشاندہی کی گئی ہے کہ 15 جولائی سے پوسٹ حج آپریشن شروع ہورہا ہے ۔نوٹیفکیشن میں کہا گیا ہے کہ اسلام آباد،لاہور،ملتان،باچا خان اور کوئٹہ انٹرنیشنل ائرپورٹس پر حجاج کے ٹیسٹ کئے جائیں گے

ملک میں کورونا کے بڑھتے ہوئے کیسز کے پیش نظر اینٹیجن اور سکریننگ ٹیسٹ ہر حاجی کے لئے ضروری ہوگا،این سی او سی کی طرف سے جاری نوٹیفکیشن میں کہا گیا ہے کہ حاجیوں کے لئے پاسٹ ٹریک ایپلیکیشن میں اپنے کوائف دینا ضروری ہونگےجبکہ اس کے ساتھ ساتھ ۔ڈائریکٹوریٹ آف سنٹرل ہیلتھ اسٹیبلشمنٹ نے ڈی جی ہیلتھ کو پانچواں ائرپورٹس پر عملے کی تعیناتی کا نوٹیفکیشن جاری کردیا

سعودی عرب: حجاج کرام کو آب زم زم لے جانے کی اجازت

 

حجاج کرام کے لیے الوداعی طواف کی تاریخوں کا اعلان ہوگیا

 

حجاج کرام مزدلفہ میں رات گزارنے کے بعد بڑے شیطان کی رمی کیلئے پہنچ گئے

 

یہ بھی معلوم ہوا ہےکہ اس مقصد کے تحت ائرپورٹ پر 4میڈیکل آفیسرز اور 16 پیرا میڈیکل سٹاف تعینات کیا جارہا ہےجبکہ صوبائی ہیلتھ ڈیپارٹمنٹس کو عملے کی فراہمی یقینی بنانے کی ہدایات جاری کردی گئی ہیں‌، سکریننگ/اینٹیجن ٹیسٹ کے تمام اخراجات حکومت پاکستان برداشت کرے گی۔

دوسری طرف پی آئی اے کا بعد از حج آپریشن کا آغاز آج رات ایک بجے سے شروع ہوگا۔تفصیلات کے مطابق اپنے ایک بیان میں ترجمان پی آئی اے کا کہنا ہے کہ حجاج کو وطن واپس لانے والی پی آئی اے کی پہلی پرواز پی کے 732 جدہ سے کراچی آج رات 1 بجے پہنچے گی۔

ترجمان کا کہنا ہے کہ پی آئی اے کی دوسری پرواز پی کی 739 آج رات 2 بجے پہنچے گی جبکہ 14جولائی کے روز پی ائی اے کی 5 پروازیں جدہ سے کراچی، لاہور، ملتان، اسلام آباد اور پشاور آئیں گی۔

ترجمان پی آئی اے کا یہ بھی کہنا ہے کہ پی آئی اے کا بعد از حج آپریشن 154 پروازوں پر مشتمل ہوگا، پی آئی اے کی حج پروازوں کے ذریعے 28 ہزار 80 حجاج وطن واپس آئیں گے۔ترجمان کے مطابق 17ہزار 200 حجاج سرکاری اسکیم اور 10 ہزار 8 سو 80 حجاج پرائیوٹ سکیم کے تحت پہنچیں گے۔

ترجمان پی آئی اے کا مزید کہنا ہے کہ پی آئی اے کا حج آپریشن 14 جولائی سے 13 اگست تک جاری رہے گا، ایئرپورٹس پر حجاج کے کورونا وائرس جانچنے کے لیے ریپڈ انٹیجن ٹیسٹ ہونگے۔

باغی ٹی وی کی رپورٹ کے مطابق عید کے موقع پر پی آئی اے نے مسافروں کو خوشخبری سنا دی

عید کے موقع پر پی آئی اے کے کرایوں میں کمی کی گئی ہے، کرایوں میں کمی کا اعلان وفاقی وزیر ہوا بازی خواجہ سعد رفیق نے کیا ہے،پی آئی اے کے کرایوں میں عید کے ایام میں 20 فیصد کمی کی گئی ہے ترجمان پی آئی اے کی جانب سے جاری کر دہ بیان میں بتایا گیا ہے کہ کرایوں میں کمی کی ہدایت وفاقی وزیر ہوا بازی سعد رفیق کی جانب سے دی گئی ہے سہولت عید کے تین دنوں میں اندرون ملک پروازوں پر میسر ہو گی ،وفاقی وزیر ہوا بازی خواجہ سعد رفیق کا کہنا تھا کہ عید کے دوران مسافروں کی سہولت کو ملحوظ خاطر رکھا جائے

https://twitter.com/KhSaad_Rafique/status/1544976991111241729

قبل ازیں وزیر ریلوے خواجہ سعد رفیق نے ریلوے کرایوں میں بھی کمی کا اعلان کیا تھا سعد رفیق کا کہنا ہے کہ عید کے تینوں دن تمام ٹرینوں کی تمام کلاسز کے کرایوں میں 30 فیصد کمی ہوگی۔خواجہ سعد رفیق نے کہا کہ تمام ٹرینوں کی تمام کلاسز کے کرایوں میں 30 فیصد کمی کا اطلاق 10 تا 12 جولائی ہوگا

واضح رہے کہ عید کے ایام میں مسافروں کا رش ہو جاتا ہے، عید کی چھٹیاں گزارنے کے لئے شہری گھروں کی جانب روانہ ہوتے ہیں اور بسز ، ٹرانسپورٹر منہ مانگا کرایہ وصول کرتے ہیں، عوام کو لوٹا جاتا ہے، وزیر ریلوے و وہوا بازی خواجہ سعد رفیق کی جانب سے کرایوں میں کمی اچھا فیصلہ ہے جسے عوامی حلقوں کی جانب سے سراہا گیا ہے اور کہا ہےگیا ہے کہ مہنگائی کے دور مین ایک اچھی خبر سننے کو ملی ہے، کم از کم عید کے دنوں میں سفر کرنے والوں کو تو کچھ سہولت ملی

اسلام آباد:وزیراعظم نے فضائی مسافروں سے 50 ہزار ایف ای ڈی وصولی کا حکم معطل کردیا،اطلاعات کے مطابق وزیراعظم شہباز شریف نے فضائی مسافروں سے 50 ہزار روپے فیڈرل ایکسائز ڈیوٹی (ایف اے ڈی) وصولی کا نوٹس لے لیا۔

وزیراعظم نے فضائی مسافروں سے ایف اے ڈی وصولی کو غیر قانونی قرار دیا اور اس حوالے سے جاری کردہ حکم نامہ فوری طور پر معطل کرنے کا حکم دے دیا۔

شہباز شریف نے ہدایت کی کہ ہوائی اڈوں پر مسافروں کو تنگ کرنے کا سلسلہ فوری طور پر بند کیا جائے۔انہوں نے اس فیصلے کی تحقیقات کا حکم دیا اور کہا کہ کابینہ کی بغیر منظوری ایف اے ڈی کی وصولی کیسے؟ اور کیوں ہوئی بتایا جائے۔

وزیراعظم نے وزیر خزانہ مفتاح اسماعیل کو حکم دیا کہ فوری تحقیقات کی جائے اور ذمے داروں کے خلاف کارروائی کی جائے۔شہباز شریف نےوزیر خزانہ کوہدایت کی کہ جن ذمےداروں کی وجہ سےمسافروں کو پریشانی ہوئی، انہیں عہدوں پر رہنےکا کوئی حق نہیں انہوں نے وفاقی وزیر کو ہدایت کی کہ جن مسافروں سےایف ای ڈی وصول کی گئی، انہیں رقوم واپس کی جائیں۔

وزیراعظم نے اپنے احکامات پر فوری عمل درآمد اور ذمے داروں کے خلاف کارروائی کی رپورٹ طلب کرلی ہے۔

 

یاد رہے کہ ایف بی آر نے فضائی مسافروں پرلاگوآرجی ٹیکس میں اضافہ کردیاتھا ، اس سلسلے میں  ایمرٹس ایئرلائنز نے ایک اعلامیہ جاری کیا ہے جس میں اس بات کی وضاحت کی گئی ہے کہ ایف بی آر نے فضائی مسافروں پرلاگوآرجی ٹیکس میں اضافہ کردیا تھا جو  یکم جولائی 2022 سےنافذ العمل ہے

اس حوالے سے جاری اعلان میں کہا گیاہے کہ آرجی ٹیکس جو کہ اس سے قبل 10ہزارروپے تھا بہت زیادہ بڑھا کر50 ہزارکردیا گیا ہے اور یہ دونوں قسم کے مسافروں یعنی فرسٹ کلاس اوربزنس کلاس دونوں پر لاگو ہے

اس حوالے سے ایمرٹس ایئرلائنز کی طرف سے یہ پیغام جاری کیا گیا ہے کہ ایف بی آر کی طرف سے جاری کردی یہ سرکلرتمام ایئرلائنز پرلاگو کیا گیاہے اوراس حوالےسے جومسافر بھی ٹکٹ لے گا اس کو اس ضمن میں اضافی رقم ادا کرنا ہوگی ، اس حوالے سے جاری پیغام میں یہ بھی کہا گیا ہے کہ تمام ایئرلائنزاب اس فیصلے پرعملدرآمد کرنے کی پابند ہوںگی

ادھر یاد رہےکہ پاکستان میں ٹیکس کولیکشن میں بہت زیادہ اضافہ ہوا ہے ،فیڈرل بورڈ آف ریونیو (ایف بی آر) نے عالمی مالیاتی فنڈ (آئی ایم ایف) کے مقرر کردہ ہدف سے زیادہ ٹیکس وصول کرلیا۔

 

ایف بی آر کے اعلامیے کے مطابق ایف بی آر نے آئی ایم ایف کے مقرر کردہ ہدف سے زیادہ ٹیکس وصول کیا، مالی سال 2022-2021 کے دوران 6129 ارب روپے سے زائد ٹیکس وصول کیا۔

گزشتہ ماہ ایف بی آر نے763 ارب روپے کی ٹیکس وصولیاں کیں،گزشتہ مالی سال کے اسی عرصے میں 580 ارب روپے کی ٹیکس وصولیاں کی گئی تھیں۔

اعلامیے کے مطابق جون کی ٹیکس وصولیاں پچھلے سال کی نسبت 32 فیصد زیادہ ہیں، جون 2022 میں ٹیکس دہندگان کو 39 ارب روپے کے ریفنڈز جاری کئے گئے، گزشتہ مالی سال کے اسی عرصے میں 27 ارب روپے کے ریفنڈزجاری کئے گئے تھے، جون کے ٹیکس ریفنڈز پچھلے سال کی نسبت 44 فیصد زیادہ ہیں۔

ایف بی آر کے ماتحت ادارے ایل ٹی یو کراچی کی ٹیکس وصولیاں بھی مقررہ ہدف سے تجاوز کرگئیں۔

رواں مالی سال میں ایل ٹی یو کراچی کی ٹیکس وصولیاں 1595 ارب روپے سے تجاوز کرگئیں جبکہ آئی ایم ایف نے پاکستان کو 6 ہزار 100 ارب روپے ٹیکس وصولی کا ہدف دیا تھا۔

ایف بی آر نوٹس کی مہلت ختم،عمران ریاض خان پیش نہ ہوئے

بریکنگ۔ اینکر عمران ریاض خان کو ایف بی آر نے طلب کر لیا

شوکت ترین نے معیشت اور ایف بی آر کی کارکردگی پر ویڈیو پیغام جاری کردیا

اسلام آباد:پی آئی اے سے متعلق سینیٹر سلیم مانڈوی والا کے بیان پر پی آئی اے کا ردعمل آگیا ہے اور اس سلسلے میں ترجمان پی آئی اے کاکہنا ہے کہ سینیٹر سلیم مانڈوی والا کا پی آئی اے سے متعلق بیان حقائق کے منافی ہے

ترجمان پی آئی اے نے اس سلسلے میں ادارے کی طرف سے وضاحت پیش کرتے ہوئے کہا ہے کہ قومی سطح کے رہنماوں کو حقائق کی جانچ کرنے کے بعد ایسے بیانات جاری کرنے چاہیں تاکہ قومی اداروں کے ساکھ متاثر نہ ہو ،ترجمان کا کہنا تھاکہ 12 بوئنگ 777 میں سے 8 طیارے محو پرواز ہیں، 2 بوئنگ 777 کی مینٹینس کا عمل جاری ہے،فنڈز کا اجرا کیا جاچکا ہے اور یہ طیارے اگست کے آخر تک آپریشنل ہو جائیں گے

ترجمان پی آئی اے کا کہنا تھا کہ 2 بوئنگ 777 دو سال سے طویل المدتی گراونڈنگ پر ہیں جن کے لئے نئے انجنوں کے حصول کیلئے خطیر فنڈد درکارہیں نئی حکومت فنڈز کے دستیابی کا بندوبست کررہی ہے، فنڈز ملتے ہی ان جہازوں کی بحالی اور قومی بیڑے میں شمولیت کا عمل شروع ہوجائے گا،بوئنگ 777 کو سکریپ نہیں کیا گیا ، ترجمان کا کہنا تھا کہ ائیر ایشیا سے لیز پر حاصل کئے گئے دو ائیربس 320 یقینا نو ماہ سے جکارتہ میں موجود ہیں

ترجمان پاکستان انٹرنیشنل ائیرلائنز کی طرف سے کہاگیا ہے کہ موجودہ حکومت نے آتے ہی لیزنگ کمپنی کے معیار کے مطابق ان طیاروں کی واپسی کے عمل کا آغاز کروایا اور اس ضمن میں کوئی فالتو پیسے نہیں ادا کئے گئے ،ترجمان کا کہنا تھاکہ 2021 میں لیز کی مدت ختم ہونے والے 6 ائیربس 320 کو نہایت کم داموں میں لیزنگ کمپنی سے خرید لیا گیا ،ان جہازوں کی واپسی کیلئےدرکار رقم سے بہت کم قیمت پر ان طیاروں کو پی آئی اے کیلئے حاصل کیا گیا ترجمان پی آئی اے

ان طیاروں میں سے 5 طیارے قومی فریضے کی ادائیگی میں مشغول ہیں جبکہ ایک طیارہ پرزہ جات کی دستیابی کیلئے رکھا گیا ہے جو کہ سیفٹی اور ائیر وردینس کے معیار کے عین مطابق ہیں، یہ بھی کہا گیا ہے کہ یہ طیارے پی آئی اے کی ملکیت میں 2033 تک قومی ہوابازی پالیسی کے تحت آپریشن سرانجام دینے رہیں گے

ترجمان کا کہنا تھا کہ نئے آنے والا ائیربس 320 کل صبح اپنی پہلی پرواز اسلام آباد سے سکردو آپریٹ کرے گا،دوسرا جہاز اس وقت شارجہ میں موجود ہے اور اگلے ہفتے پاکستان پہنچ جائے گا،نئے آنے والے طیاروں کی پیشگی کسٹم کلئیرنش حاصل کی جاچکی ہے اور وہ آتے ہی پروازیں آپریٹ کریں گے،حکومت پی آئی اے کی بحیثیت قومی اثاثے کی بحالی کیلئے پرعزم ہے اور اس سلسلے میں سنجیدہ اقدامات اٹھائے جارہے ہیں

سی پیک پاکستان میں غذائی ضروریات کوپوری کرنے میں معاون ثابت ہوگا:سید ظفرعلی شاہ

 

 

گلگت بلتستان سی پیک کا دروازہ:وفاق کی طرف سےبجٹ میں50فیصدکٹوتی کی گئی:وزیراعلیٰ…

 

آئی جی سندھ کی سی پیک اور نان سی پیک پروجیکٹ کی سیکیورٹی کے حوالے سے ہدایات