Tag: پی آئی اے

ٹیم نے تحقیقاتی عمل کا آغاز کر دیا اور ائیرکرافٹ ایکسیڈینٹ انویسٹیگیشن بورڈ کے ارکان کی جانب سے غیر ملکی ماہرین کو بریفنگ .
ٹیم آج دوپہر جائے حادثہ کا دورہ کرے گی اور شواہد کا جائزہ لے گی۔ پی آئی اے فلائیٹ سیفٹی اور انجنئیر نگ کا عملہ ائیربس کی تحقیقاتی ٹیم کو معاونت فراہم کرنے کے لئے جائے حادثہ پر موجود رہے گی۔ پی آئی اے کے جانب سے ضلعی انتظامیہ کی مدد سے سیکیورٹی کے فول پروف اقدامات . جائے حادثہ کو رینجرز نے پہلے ہی اپنے حفاظتی حصار میں لیا ہوا ہے۔

20 مئی 1965

پی آئی اے کے جہاز بوئنگ 707 اپنی افتتاحی پرواز پر مصر کے قاہرہ ایئرپورٹ پر لینڈنگ کے دوران حادثے کا شکار ہوا اور اس میں سوار 124 مسافر جاں بحق ہوئے۔

6 اگست 1970

پی آئی اے کا فوکر طیارہ ایف 27 راولپنڈی میں گر کر تباہ ہوا اور اس میں سوار تمام 26 مسافر جاں بحق ہوگئے۔

26 نومبر 1979

پی آئی اے کا بوئنگ 707 طیارہ سعودی عرب سے حاجیوں کو واپس لاتے ہوئے جدہ ائیرپورٹ سے اڑان بھرنے کے کچھ ہی دیر بعد گر کر تباہ ہوا اور اس میں سوار 156 افراد جاں بحق ہو گئے۔

23 اکتوبر 1986

پی آئی اے کا فوکر جہاز ایف 27 پشاور میں لینڈنگ کے دوران تباہ ہوا اوراس حادثے میں طیارے میں سوار 54 افراد میں سے 13 جاں بحق ہوئے۔

17 اگست 1988

امریکی ساختہ فوجی جہاز سی 130 بہاولپور شہر کے قریب گر کر تباہ ہوا جس میں سوار فوجی صدر جنرل محمد ضیاء الحق سمیت 30 فوجی جنرل اور امریکی سفیر جاں بحق ہوئے۔

25 اگست 1989

پی آئی اے کا فوکر طیارہ 54 مسافروں کو لے کر گلگت سے اڑان بھرنے کے بعد گر کر تباہ ہوگیا۔ اس طیارے کا ملبہ آج تک نہیں مل سکا۔

28 ستمبر 1992

پی آئی اے کا ائیربس اے 300 نیپال کے دارالحکومت کھٹمنڈو ائیرپورٹ پر خراب موسم کے دوران لینڈنگ کرتے ہوئے گر کر تباہ ہو گیا اور اس میں سوار 167 افراد جاں بحق ہو گئے۔

19 فروری 2003

پاکستان ائیرفورس کا فوکر ایف 27 کوہاٹ کے قریب گر کر تباہ ہو گیا۔ اس حادثے میں اس وقت پاکستان ائیرفورس کے سربراہ ائیرچیف مارشل مصحف علی اپنی اہلیہ اور 15 دیگر افراد سمیت جاں بحق ہوگئے۔

24 فروری 2003

سیسنا 402 بی چارٹرڈ طیارہ جس میں افغانستان کے ایک وزیر محمد محمدی، چار دیگر افغان حکام، ایک چینی ماہر اور دو پاکستانی کریو ممبر سوار تھے، بحیرہ عرب میں حادثے کا شکار ہوا۔

10 جولائی 2006

پی آئی اے کا فوکر طیارہ ایف 27 ملتان سے لاہور جاتے ہوئے پرواز بھرنے کے کچھ ہی دیر بعد ہوا میں تباہ ہو گیا ۔ اس حادثے میں 41 مسافر اور عملے کے 4 ارکان جاں بحق ہوئے۔

28 جولائی 2010

پاکستان کی نجی کمپنی ائیربلیو کا کراچی سے اسلام آباد جانے والا طیارہ لینڈنگ کے دوران مارگلہ کی پہاڑیوں میں گر کر تباہ ہو گیا۔ اس حادثے میں طیارے میں سوار 152 مسافر جاں بحق ہو گئے۔

5نومبر 2010

اطالوی تیل کی کمپنی دو انجنوں والا طیارہ کراچی سے اڑان بھرنے کے کچھ ہی دیر بعد گر کر تباہ ہو گیا جس کے نتیجے میں اس میں سوار 21 افراد ہلاک ہوگئے۔

28 نومبر 2010

جارجیا کی ائیرلائن سن وے کا روسی ساختہ طیارہ کارگو آئی ایل 76کراچی سے اڑان بھرنے کے کچھ ہی دیر بعد گر ا جس کے نتیجے میں 12 افراد ہلاک ہوئے۔

20 اپریل 2012

بھوجا ائیرلائن کا ائیربس 737 طیارہ کراچی سے اڑان بھرنے کے بعد اسلام آباد کے قریب گر کر تباہ ہوا ۔ اس حادثے میں طیارے میں سوار 121 مسافر اور عملے کے 6 ارکان ہلاک ہوگئے۔

8 مئی 2015

پاکستان آرمی کا ہیلی کاپٹر گلگت کے قریب حادثے کا شکار ہوا ۔ اس حادثے میں 8 افراد ہلاک ہوئے جن میں ناروے، فلپائن اور انڈونیشیا کے سفراء جب کہ ملائیشین اور اندونیشن سفیروں کی بیویاں شامل تھیں۔

7 دسمبر 2016

پی آئی اے کا اے ٹی آر طیارہ چترال سے اسلام آباد آتے ہوئے حادثے کا شکار ہوا ۔ اس حادثے میں جنید جمشید سمیت 48 افراد جاں بحق ہوئے۔

22 مئی 2020

پی آئی اے کا مسافر طیارہ ائیربس اے 320 لاہور سے کراچی آتے ہوئے جناح انٹرنیشنل ائیرپورٹ پر لینڈنگ سے چند سیکنڈ پہلے گر کر تباہ ہوا -!!

پی آئی اے نے سال 2019 کے نتائج جاری کردئیے.

سی ای او ائیر مارشل ارشد ملک کی سربراہی میں پہلے مکمل سال کے نتائج سٹاک ایکسچینج میں جمع کردئیے. 2019 میں پی آئی اے کے ریونیو میں 43 فیصد اضافہ جو 104 ارب سے بڑھ کر 148 ارب تک پہنچ گیا. 8 سال میں پہلی دفعہ پی آئی اے کو گراس منافع۔

2018 میں پی آئی اے کو 18 ارب کا گراس خسارہ ہوا تھا جو 2019 میں 8 ارب گراس منافع میں تبدیل ہوا. پی آئی اے کے کل آپریشنل نقصان میں 76 فیصد کی کمی۔ پی آئی اے نے 2018 میں 32 ارب کا آپریشنل نقصان کیا تھا جو 2019 میں کم ہو کے 7۔7 ارب رہ گیا.

2019 کے دوسرے چھ مہینوں میں پی آئی اے نے بریک ایون کیا تاہم پہلے چھ مہینوں میں ہونے والے خسارے کی وجہ سے سال 7۔7 ارب پر بند ہوا۔ پی آئی اے کے کل خسارہ میں سال 2018 کے خسارے کو فنانس کرنے کے باوجود 2019 میں 19 فیصد کی کمی. پی آئی اے کے سیٹ فیکٹر میں بھی واضح اضافہ جو 77 فیصد سے بڑھ کر 81 فیصد ہو گیا۔

واضح رہے دنیا کی بہترین ایئرلائنز کا سیٹ فیکٹر 80 فیصد کے قریب ہوتا ہے۔ ائیر مارشل ارشد ملک کی تمام ملازمین اور محنت کشوں کو مبارکباد. 2019 ہمارا ٹرن اراونڈ کا سال تھا جس میں تمام ملازمین نے انتظامیہ کے ساتھ مل کر بہت محنت کی، سی ای او پی آئی اے. جب انتظامیہ سنبھالی تو پی آئی اے کے دو سالوں (2017-2018) کا آڈٹ اور فنانشل نتائج التواء کا شکار تھے۔

ائیر مارشل ارشد ملک کا کہنا تھا کہ قلیل مدت میں تین سالوں (2017-2019) کا آڈٹ کروانا میری فنانس ٹیم کی بہت بڑی کامیابی ہے. ائیر مارشل ارشد ملک کا وزارت ہوابازی, غلام سرور خان اور وزیر اعظم پاکستان کا شکریہ جن کی مکمل سپورٹ پی آئی اے کو حاصل رہی. سی ای او پی آئی اے کا کہنا تھا کہ 2020 ایک چیلنجنگ سال ہے جس میں عالمی سطح پر ہوا بازی کی صنعت زوال کا شکار ہوگئی.

بہت محنت کرنا ہوگی اور مشکل فیصلے کرنا ہوں گے مگر اللہ کی مدد شامل حال رہی تو کچھ بھی ناممکن نہیں. وزیرہوبازی غلام سرور خان کی جانب سے حوصلہ افزا نتائج پر پی آئی اے کو مبارکباد. حکومت پاکستان اور وزارت ہوابازی پی آئی اے کے حالیہ اور آئیندہ کئے جانے والے انتظامی اقدامات کو مکمل حمایت کرتی ہے، وزیر ہوابازی غلام سرور خان.

غلام سرور خان کا مزید کہنا تھا کہ پی آئی اے کی بحالی کیلئے ہر ممکن وسائل کو بروکار لایا جائے گا.

اسلام آباد :پی آئی اے کی پرواز میں خاتون کو انجیکشن لگا کرکیوں خاموش کردیا گیا؟اس خبر نے سب کو حیران کردیا ، اطلاعات کے مطابق پی آئی اے کی بیرون ملک پرواز میں ذہنی مریضہ نے اپنی مشکوک اور احمقانہ حرکتوں سے مسافروں اور عملے کو پریشان کردیا، ایک مسافر نے ذہنی سکون کا انجکشن لگا کر حالات کو قابو میں کیا۔

مسلم ہولوکاسٹ جموں 1947—از….انشال راؤ

تفصیلات کے مطابق پی آئی اے کی مانچسٹر سے اسلام آباد آنے والی پرواز میں ذہنی مریضہ نے مسافروں میں کھلبلی مچا دی، اس حوالے سے پی آئی اے ترجمان کا کہنا ہے کہ مانچسٹر سے اسلام آباد آنے والی پرواز میں خاتون مسافر کو دوران پرواز اچانک نفسیاتی پن کے دورے پڑنا شروع ہوگئے ۔

مقبوضہ کشمیر ، بھارتی مظالم کی کہانی بھارتی صحافی کی زبانی

شازیہ نامی مسافر خاتون نے دوران پرواز الٹی سیدھی اور احمقانہ حرکتیں شروع کردیں، فضائی میزبان مسافر خاتون کو بار بار سمجھاتے رہے لیکن مسافر خاتون نے کسی کی نہ سنی۔صورتحال کو دیکھتے ہوئے پی آئی اے کے عملے نے فلائٹ میں موجود ایک مسافر ڈاکٹر کی معاونت سے خاتون مسافر کو ذہنی سکون کا انجکشن لگایا جس کے بعد صورتحال کنٹرول میں آئی۔

سپین کے سفیر بھی لاہوری نکلے

اس حوالے سے پی آئی اے کے سینئر پرسن نے مانچسٹر کے ٹریفک کے عملے کے خلاف لاگ بک میں شکایت درج کردی ہےکہ اگر مسافر ذہنی مریضہ تھی یا بیمار تھی تو اسے بورڈنگ پاس کیسے جاری کیا گیا اور اگر مریضہ بیمار تھی تو فضائی میزبان کو اس بارے میں آگاہ کیوں نہ کیا گیا۔

سیالکوٹ : وزیراعظم کی ہدایت پر سیالکوٹ سے لندن براہ راست پروازوں کو عملی جامہ پہنا دیا گیا ہے اور آج پی آئی اے کی سیالکوٹ سے لندن کیلئے پہلی پرواز پی کے777لندن پہنچ گئی، لندن کے ہیتھرو ایئرپورٹ پر پاکستانی ڈپٹی ہائی کمشنر محمد ایوب اور کنٹری منیجر نے مسافروں کا استقبال کیا۔

ذرائع کےمطابق لندن پہنچنے والے مسافروں کو گلدستے پیش کیے گئے۔ اس موقع پر پی آئی اے کی تاریخ میں پہلی مرتبہ ہیتھرو ائیرپورٹ انتظامیہ کے اعلی افسران بھی موجود تھے۔پاکستانی اس موقع پر بڑے خوش دکھائی دے رہے تھے

ڈپٹی ہائی کمشنر محمد ایوب نے اس موقع پر کہا کہ سیالکوٹ سے لندن کیلئے پی آئی اے کی پروازوں کیلئے پاکستانی مسافروں کو سفری سہولت میسر آئی ہے۔وزیراعظم عمران خان کے وژن کے مطابق پی آئی اے ترقی کی جانب گامزن ہے اور بہت جلد یہ اپنا مقام دوبارہ سے حاصل کرے گی۔

کراچی: بھارت سے کشیدگی کی وجہ سے ایک طرف پاکستان بڑاتیار نظر آتا ہے تو دوسری طرف پاکستان انٹرنیشنل ایئرلائن (پی آئی اے) میں پائلٹوں کی تنظیم اور انتظامیہ کے درمیان اختلافات کے باعث آئندہ ماہ اندرونِ و بیرونِ ملک پروازیں متاثر ہونے کا خدشہ ہے۔

ذرائع کے مطابق پائلٹوں کے اختلافات سےپہلے ہی ایک غلط تاثر پایاجاتا ہے . اور اگر پی آئی اے کے حوالے سے رپورٹ کے مطابق اگر معاملے کو وقت پر سلجھایا نہیں گیا تو اس چپقلش کا نشانہ بالآخر مسافر ہی بنیں گے کیوں کہ پروازوں میں تاخیر اور منسوخی کی وجہ سے پالپا کی شکایات کی فہرست خاصی طویل ہے۔جس میں نئے بزنس پلان کے تحت پائلٹس اور عملے کے دیگر اراکین کا کراچی سے اسلام آباد اور پنجاب کے دیگر شہروں میں تبادلہ شامل ہے۔