Tag: پی سی بی

پاکستان کرکٹ بورڈ (پی سی بی) نے ملک بھر میں اسکولز کے لیے بڑے ٹیلنٹ ہنٹ پروگرام کا آغاز کردیا۔

تفصیلات کے مطابق چئیرمین پی سی بی محسن نقوی نے ٹیلنٹ ہنٹ پروگرام برائے اسکولز 2025-26 کا افتتاح کردیاٹیلنٹ ہنٹ پروگرام برائے اسکولز کی افتتاحی تقریب کا انعقاد کریسنٹ ماڈل ہائیر اسکول میں ہوا جہاں چئیرمین پی سی بی نے ٹورنامنٹ کی ٹرافی کی رونمائی کی۔

چئیرمین پی سی بی کا کریسنٹ ماڈل ہائیر سیکنڈری اسکول اور کریسنٹ گرامر اسکول کے کھلاڑیوں سے تعارف کرایا گیامحسن نقوی نے ٹیموں کو پی سی بی کے کٹ بیگز دیےاس موقع پر چیئرمین پی سی بی نے کہا کہ ٹیلنٹ ہنٹ پروگرام ملک بھر کے تمام صوبوں میں بیک وقت شروع ہو رہا ہے جس میں 391 اسکولز حصہ لے رہے ہیں۔

https://x.com/TheRealPCBMedia/status/1970354860647207328

محسن نقوی نے بتایا کہ ٹیلنٹ ہنٹ پروگرام میں 175 سرکاری اسکولز جبکہ 218 نجی اسکولز شامل ہیں، ہمارا مقصد یوتھ سے نئے کرکٹ اسٹارز کی تلاش ہےامید ہے کہ ٹورنامنٹ سے نئے کھلاڑی سامنے آئیں گے جو پاکستان ٹیم میں شامل ہوکر ملک کا نام روشن کریں گے۔

محسن نقوی نے بتایا کہ ٹیلنٹ ہنٹ پروگرام سے سکولز سے کرکٹ سٹارز ابھریں گے،میں نےکریسنٹ ماڈل ہائیر سکول میں تعلیم حاصل کی اس سکول سے بہت سے یادیں وابستہ ہیں،خوشی ہے کہ ٹورنامنٹ کا آغاز کریسنٹ ماڈل ہائیر سکول سے ہو رہا ہے ہم اسی گراؤنڈ میں کئی کئی گھنٹے گھنٹے گزارتے تھے یہ پروگرام ٹیلنٹ کی تلاش کے دائرہ کار کو وسعت دینے اور نوجوانوں کو روایتی ڈھانچے کے علاوہ تعلیمی اداروں سے سامنے لانے کی جانب ایک اہم قدم ہے۔محسن نقوی

محسن نقوی نے بتایا کہ،طلباء کو تعلیم کے ساتھ ساتھ پیشہ وارانہ کرکٹ میں کیریئر بنانے کا موقع ملے گا،تمام سکولز بہترین ٹیلنٹ سامنے لائیں گے اور ہم اچھے کھلاڑیوں کا انتخاب کریں گے،پی سی بی ٹورنامنٹ میں جیتنے والی سکولز ٹیمز کی حوصلہ افزائی کرے گا ،بہترین کارکردگی دکھانے والے کھلاڑیوں کو U15، U17 اور U19 ریجنل ٹیموں اور اکیڈمیوں میں شامل کیا جائے گا

بورڈ آف گورنرز پی سی بی کے ممبر انوار غنی۔منیجنگ ٹرسیٹز کریسنٹ ماڈل ہائیر سکول میاں سیلم الطاف۔ پرنسپل رابعہ نجم۔ صدر ایل سی سی اے خواجہ ندیم
۔سیکرٹری سپورٹس۔ ڈی جی پنجاب سپورٹس بورڈ بھی اس موقع پر موجود تھے چیف فنانشل آفیسر پی سی بی جاوید مرتضی۔ ڈائریکٹر ڈومیسٹک کرکٹ عبداللہ خرم نیازی اور متعلقہ حکام نےبھی افتتاحی تقریب میں شرکت،کی-

پی سی بی نے پاکستان، سری لنکا اور افغانستان کی ٹرائی سیریز کا اعلان کر دیا ہے۔

پاکستان پہلی بار ٹی ٹوئنٹی ٹرائی سیریز کی میزبانی کرے گا، سہ ملکی سیریز 17 نومبر تا 29 نومبر راولپنڈی اور لاہور میں کھیلی جائے گی،سہ ملکی سیریز کا پہلا میچ 17 نومبر کو پاکستان اور افغانستان کے درمیان راولپنڈی میں کھیلا جائے گاراولپنڈی میں ہی 19 نومبر کو سری لنکا اور افغانستان میچ کھیلیں گےیہ افغانستان کا پاکستان میں پہلا ٹی ٹوئنٹی انٹرنیشنل میچ ہوگا، سہ ملکی سیریز کے باقی پانچ میچز لاہور میں کھیلے جائیں گے فائنل 29 نومبر قذافی سٹیڈیم لاہور میں کھیلا جائے گا۔

پاکستان کرکٹ بورڈ کے چیف آپریٹنگ آفیسر سمیر احمد سید نے کہا کہ یہ ٹرائی سیریز ٹی ٹوئنٹی ورلڈ کپ کی تیاری کا بہترین موقع ہے۔

واضح رہے کہ پاکستان کی ٹیم اس وقت بھی سہ ملکی ٹی ٹوئنٹی کھیل رہی ہے جس کا آج فائنل پاکستان اور افغانستان کے درمیان کھیلا جائے گا۔

پاکستان کرکٹ بورڈ (پی سی بی) کے چیئرمین محسن نقوی نے قومی ہاکی کھلاڑیوں کے لیے 10، 10 لاکھ روپے انعام کا اعلان کردیا۔

لاہور میں وفاقی وزیر داخلہ وچیئرمین پی سی بی نے قومی ہاکی ٹیم کے کپتان عماد شکیل کی سے ملاقات کی جس میں ہاکی کے کھلاڑیوں کی ویلفیئر اور ری ہیب کے مسائل پرتبادلہ خیال کیا گیا،اس دوران، محسن نقوی نے پرو ہاکی لیگ میں شرکت کے حوالے سے اپنا کردار ادا کرنے کی یقین دہانی کروائی۔

انہوں نےکہا کہ ہاکی کھلاڑیوں کے میڈیکل اور فٹنس کیسز پی سی بی کی پیشہ وارانہ میڈیکل ٹیم ہینڈل کرے گی جب کہ پی سی بی کی لاجسٹک ٹیم ہاکی پلیئرز کو سہولت دے گی، چیئرمین پی سی بی نے ہاکی پلیئرزکو فی کس 10 لاکھ روپے انعام دینے کا اعلان بھی کیا،عماد شکیل بٹ نے محسن نقوی کو نشان امتیاز ملنے پر مبارکباد دی۔

فیصل آباد اور گوجرانوالہ میں بھی میٹرو ٹرین چلانے کا فیصلہ

پاکستانی بینک کاروباری حجم بڑھانے کے بہتر مواقع سے فائدہ اٹھا سکتے ہیں،فچ

پاکستان میں بچت کی شرح جی ڈی پی کا صرف 7.4 فیصد ہے،گورنر اسٹیٹ بینک

پاکستان کرکٹ بورڈ (پی سی بی) نے قومی کرکٹرز کو سنٹرل کنٹریکٹس برائے 26-2025 کارکردگی کی بنیاد پر دینے کا فیصلہ کیا ہے، کئی نئے کھلاڑیوں کو سینٹرل کنٹریکٹس ملنے کا امکان ہے۔

پاکستان کرکٹ بورڈ نے بہترین کارکردگی دکھانے والے کھلاڑیوں کو نئے سینٹرل کنٹریکٹ دینے جب کہ ناقص پرفارمنس کے حامل کھلاڑیوں کو نئے کنٹریکٹس نہ دینے کا فیصلہ کیا ہےذرائع کے مطابق پاکستان کرکٹ بورڈ نے سینٹرل کنٹریکٹس برائے 26-2025 کے لیےکوچز اور متعلقہ آفیشلز سے مشاورت کر لی ہے، جلد ناموں کو حتمی شکل دے کر نئے کنٹریکٹس کا اعلان کر دیا جائے گا۔

پاکستان کرکٹ بورڈ نے آئندہ سیزن کے لیے سینٹرل کنٹریکٹس 2025-26 پر مشاورت کا عمل حتمی مرحلے میں داخل کر دیا ہے، جس کے دوران کھلاڑیوں کی پرفارمنس کو بنیادی معیار قرار دیا گیا ہے، ناقص کارکردگی دکھانے والے متعدد کھلاڑیوں کے معاہدے ختم ہونے کا امکان ہے جبکہ کئی نئے اور باصلاحیت کھلاڑیوں کو پہلی بار سینٹرل کنٹریکٹ دینے کی تجویز زیر غور ہے۔

پی سی بی کے کوچز، ڈائریکٹرز اور فنانس ڈپارٹمنٹ اس حوالے سے تفصیلی مشاورت کر رہے ہیں تینوں فارمیٹس میں مستقل جگہ نہ بنانے والے کھلاڑیوں کو آئندہ کنٹریکٹس میں شامل نہیں کیا جائے گا،حسن نواز، محمد حارث، صفیان مقیم، حسن علی، فہیم اشرف اور فخر زمان سمیت کئی کھلاڑیوں کو سینٹرل کنٹریکٹس میں شامل کیے جانے کا امکان ہے جبکہ حسین طلعت، خوشدل شاہ، محمد نواز اور صاحبزادہ فرحان کے نام بھی زیر غور ہیں۔

دوسری جانب عامر جمال، محمد حریرہ، حسیب اللہ، عثمان خان اور محمد علی کے لیے جگہ بنانا مشکل دکھائی دے رہا ہے یہ بھی بتایا گیا ہے کہ یہ سینٹرل کنٹریکٹ کے تین سالہ فنانشل ماڈل کا آخری سال ہوگا اور کھلاڑیوں کی حتمی فہرست چیئرمین پی سی بی کی منظوری کے بعد باضابطہ طور پر جاری کی جائے گی۔

موجودہ کنٹریکٹ کے مطابق اے کیٹیگری کے کھلاڑیوں کو آئی سی سی آمدنی سمیت 65 لاکھ، بی کو 45 لاکھ، سی کو 20 لاکھ اور ڈی کیٹیگری میں شامل کھلاڑیوں کو تقریبا 12 لاکھ روپے ماہانہ دیے جاتے ہیں، پاکستان کرکٹ بورڈ کے چئیرمین محسن نقوی کی منظوری کے بعد سینٹرل کنٹریکٹ کا اعلان کیا جائے گا، 3 سالہ فنانشل ماڈل کے 2026 میں ختم ہونے کے بعد نئے کنٹریکٹس میں کھلاڑیوں کا معاوضہ بڑھانے یا کم کرنے کا فیصلہ کیا جائے گا۔

پاکستان کرکٹ بورڈ نے ویسٹ انڈیز کے خلاف ون ڈے اور ٹی ٹوئنٹی انٹرنیشنل سیریز کیلئے قومی اسکواڈ کا اعلان کردیا۔

ویسٹ انڈیز کیخلاف قومی ٹیم تین ٹی ٹوئنٹی انٹرنیشنل اور تین ون ڈے انٹرنیشنل میچز کھیلے گی، محمد رضوان کو ون ڈے انٹرنیشنل میں کپتان برقرار رکھا گیا ہے جبکہ شاہین شاہ آفریدی اور بابراعظم بھی ون ڈے اسکواڈ میں شامل ہیں،قومی کرکٹ ٹیم 27 جولائی کو امریکہ پہنچے گی جہاں 31 جولائی، 2 اور 3 اگست کو تین ٹی ٹوئنٹی انٹرنیشنل میچز شیڈول ہیں، ون ڈے انٹرنیشنل میچز 8، 10 اور 12 اگست کو کھیلے جائیں گے۔ٹی 20 سکواڈ میں 15 جبکہ ون ڈے انٹرنیشنل سکواڈ میں 16 کھلاڑی شامل ہیں-

ٹی 20 سکواڈ :

سلمان علی آغا، حارث رؤف، حسن علی، شاہین شاہ آفریدی، فہیم اشرف، فخر زمان، خوشدل شاہ، حسین طلعت، محمد نواز، حسن نواز، صائم ایوب، ابرار احمد، صاحبزادہ فرحان، محمد حارث، سفیان مقیم۔

ون ڈے انٹرنیشنل سکواڈ :

محمد رضوان، سلمان علی آغا، بابر اعظم، عبداللہ شفیق، فہیم اشرف، فخر زمان ، حسن علی، شاہین شاہ آفریدی، نسیم شاہ، صائم ایوب، حسین طلعت، محمد نواز، حسن نواز، ابرار احمد، محمد حارث، سفیان مقیم۔

پاکستان کرکٹ بورڈ (پی سی بی) نے سابق آل راؤنڈر اظہر محمود کو قومی ٹیسٹ کرکٹ ٹیم کا عبوری ہیڈ کوچ مقرر کر دیا۔

پی سی بی کے اعلامیے میں کہا گیا ہے کہ ’پاکستان کرکٹ بورڈ آج اعلان کرتا ہے کہ اظہر محمود کو پاکستان کرکٹ ٹیم کا عبوری ریڈ بال ہیڈ کوچ مقرر کیا گیا ہے،سابق پاکستانی آل راؤنڈر یہ ذمہ داری اپنےموجودہ معاہدے کی تکمیل تک انجام دیں گےایک تجربہ کار کرکٹنگ ذہن کےطور پر اظہر محمود نےقومی ٹیم کے اسسٹنٹ ہیڈ کوچ کی حیثیت سے خدمات انجام دی ہیں اور وہ طویل عرصے سے ٹیم کی حکمتِ عملی کا اہم حصہ رہے ہیں۔

اعلامیے میں کہا گیا ہے کہ کرکٹ کے بارے میں گہرا علم، بین الاقوامی سطح پر براہ راست تجربہ اور انگلش کاؤنٹی سرکٹ میں کامیابی انہیں اس عہدے کے لیے بہترین انتخاب بناتی ہے ان کی ریڈ بال مہارت کو دو کاؤنٹی چیمپئن شپ ٹائٹلز نے مزید نمایاں کیا ہے، جو ان کی قیادت، حکمتِ عملی اور عمدگی کے لیے غیر متزلزل عزم کا ثبوت ہیں، اظہر کی رہنمائی میں پاکستان کی ریڈ بال ٹیم عالمی سطح پر طاقت، نظم و ضبط اور کارکردگی کے لحاظ سے مزید ترقی کرے گی۔

محکمہ موسمیات نے مون سون کےدوسرے اسپیل کی پیشگوئی کر دی

واضح رہے کہ اظہر محمود اس سے قبل بھی پاکستان ٹیم کے لیے مختلف کوچنگ ذمہ داریاں انجام دے چکے ہیں، جن میں حالیہ ذمہ داری اپریل 2023 میں نیوزی لینڈ کے خلاف 5میچز کی ٹی ٹوئنٹی سیریز کے دوران ہیڈ کوچ کی تھی۔

یاد رہے کہ گزشتہ دو برسوں کے دوران 6 ہیڈ کوچز آزمانے کے باوجود قومی ٹیم کی بین الاقوامی سطح پر کارکردگی میں کوئی خاطر خواہ بہتری نہ آئی تو پی سی بی نے اپریل میں ایک بار پھر اس عہدے کے لیے اشتہار دیا تھا آخری عبوری ہیڈ کوچ عاقب جاوید، جو گزشتہ چھ ماہ کے دوران سلیکٹر اور کوچ دونوں کے طور پر کام کر رہے تھے، اس سال فروری-مارچ میں ہونے والی آئی سی سی چیمپئنز ٹرافی کے بعد عہدہ چھوڑ چکے تھے۔

سیالکوٹ: دفعہ 144 نافذ، برسات اور شہری دفاع سے متعلق ڈپٹی کمشنر صبا اصغر علی کی زیر صدارت اہم اجلاس