Baaghi TV

Tag: پی ڈی ایم اے

  • پی ڈی ایم اے نے 8 اضلاع کو 15 کروڑ روپے جاری کر دئے

    پی ڈی ایم اے نے 8 اضلاع کو 15 کروڑ روپے جاری کر دئے

    چیف سیکرٹری خیبرپختونخوا کی ہدایت پرپی ڈی ایم اے نے مون سون سمیت تمام ناگہانی آفات سےنمٹنےکےلیے15 کروڑ روپے جاری کردیے۔ سیکرٹری ریلیف عبدالباسط کے مطابق 8 اضلاع کی ضلعی انتظامیہ کو ریلیف ہیڈ میں15 کروڑ روپے جاری کئے گئے ہیں۔ سیکرٹری ریلیف عبدالباسط نے بتایا کہ یہ رقم ریلیف ہیڈ میں مون سون اور کسی بھی ناگہانی صورت حال سےنمٹنے کےلیےجاری کی گئی ہیں۔ مزید کہا کہ
    ضلعی انتطامیہ بنوں کو چار کروڑ، بونیر کے لیے تین کروڑ، چترال لوئر اور لکی مروت کو دو دوکروڑ جاری کئے ہے ترجمان محکمہ ریلیف کے مطابق ۔ضلعی انتطامیہ کوہاٹ کو ایک کروڑ پچاس لاکھ،ہنگو اور دیر اپر کو ایک ایک کروڑ، کوہستان لوئر کو پچاس لاکھ روپے جاری کردیے گئے۔ ترجمان محکمہ ریلیف نے مزید بتایا کہ دیگر اضلاع کی ضلعی انتظامیہ کو پہلے ہی رقوم جاری کر دئے گئےہیں۔

  • چترال، کوہستان اپر، اپر دیر اور سوات کے بالائی علاقوں میں گلیشیر پگھلنے کا خدشہ

    چترال، کوہستان اپر، اپر دیر اور سوات کے بالائی علاقوں میں گلیشیر پگھلنے کا خدشہ

    پشاور،باغی ٹی وی (ویب نیوز)محکمہ موسمیات نے چترال سمیت ملک کے بالائی علاقوں میں گلیشیئر پگھلنے کا خدشہ ظاہر کر دیا۔
    صوبائی ڈیزاسٹر منیجمنٹ اتھارٹی (پی ڈی ایم اے) نے متعلقہ ضلعی انتظامیہ کو جاری کردہ مراسلے میں لکھا کہ ایمرجنسی اور ریسکیو سروسز کے اہلکاروں کی دستیابی کو یقینی بنایا جائے۔
    جاری کردہ مراسلے کے مطابق کسی بھی ہنگامی صورتحال میں فوری ریسپانس کے لیے ساز و سامان تیار رکھیں۔ حساس علاقوں میں سیاحوں اور مسافروں کو پیشگی خبردار کیا جائے۔پی ڈی ایم اے مراسلہ میں مزید کہا گیا کہ کسی رکاوٹ کی صورت میں سڑکوں کی بحالی کو یقینی بنایا جائے۔ متعلقہ ادارے ہنگامی صورت حال سے نمٹنے کے لیے الرٹ رہیں۔
    محکمہ موسمیات نے چترال، کوہستان اپر، اپر دیر اور سوات کے بالائی علاقوں میں گلیشیر پگھلنے کا خدشہ ظاہر کیا ہے

  • کے پی کے میں تیز آندھی کی وجہ سے نقصانات کا جائزہ لینے کے لئے کمیٹیاں قائم

    کے پی کے میں تیز آندھی کی وجہ سے نقصانات کا جائزہ لینے کے لئے کمیٹیاں قائم

    خیبر پختونخوا محکمہ ریلیف نے تیز آندھی اور طوفانی بارشوں سے متاثرہ اضلاع بنوں ،لکی مروت،ڈی آئی خان اور کرک میں نقصانات کے سروے کے لیے چار کمیٹیاں تشکیل دے دی ہیں۔ سیکرٹری ریلیف کےمطابق خیبر پختونخوا کے مختلف اضلاع میں شدید آندھی کی وجہ سے 25 افراد جان بحق جبکہ 100 سے زیادہ زخمی ہوئیں تھے،اور60 سے زیادہ گھروں کو نقصان پہنچا تھا،سیکر ٹری ریلیف کے مطابق تمام کمیٹیاں موسلا دار بارش اور طوفان کی وجہ سے ہونے والے نقصانات کا جائزہ لے مکمل رپورٹس مرتب کریں گی۔ کمیٹیاں 16 جون تک تفصیلی رپورٹس جمع کرائے گی۔
    سیکرٹری ریلیف عبدالباسط کے مطابق کمیٹیوں میں تکنیکی ماہرین اور پی ڈی ایم اے کے اعلی افسران شامل ہیں۔

  • پنجاب کے مختلف علاقوں میں آئندہ ہفتے گرج چمک کے ساتھ مزید بارشوں کا امکان

    پنجاب کے مختلف علاقوں میں آئندہ ہفتے گرج چمک کے ساتھ مزید بارشوں کا امکان

    پنجاب کے مختلف علاقوں میں آئندہ ہفتے گرج چمک کے ساتھ مزید بارشوں کا امکان ظاہر کیا گیاہے۔

    باغی ٹی وی : پی ڈی ایم اے نے الرٹ جاری کرتے ہوئے کہا ہے کہ بالائی اور مغربی علاقوں میں 28مئی کو مغربی ہوائیں داخل ہوں گی جو 31 مئی تک موجود رہیں گی پنجاب کے مختلف علاقوں میں آئندہ ہفتے گرج چمک کے ساتھ مزید بارشوں کی پیشگوئی کی گئی ہے-

    خلا سےمسجد الحرام کا روح پرور منظر،ویڈیو

    لاہور، اسلام آباد، لیہ، ڈی جی خان اورراجن پور میں 28 سے 31 مئی تک بارش کا امکان ہے، بہاولنگر، ملتان، ساہیوال، خانیوال، اوکاڑہ، پاکپتن میں بھی بارشوں کی پیشگوئی کی گئی ہے-

    علاوہ ازیں خطہ پوٹھوہار، مری، گلیات، راولپنڈی، ،حافظ آباد، منڈی بہاولدین ،اٹک، چکوال اور گوجرا نوالہ میں بھی موسلا دھار بارش کا امکان ظاہر کیا گیا ہے۔

    پی ٹی آئی رہنما راجہ خرم نواز کا پارٹی اور سیاست چھوڑنے کا اعلان

  • ملک میں آندھی/ جھکڑ، بارشوں اور ژالہ باری کے حوالے سے الرٹ جاری

    ملک میں آندھی/ جھکڑ، بارشوں اور ژالہ باری کے حوالے سے الرٹ جاری

    محکمہ موسمیات کے مطابق ملک کے بیشتر علاقوں میں موسم گرم اور خشک رہے گا –

    باغی ٹی وی : محکمہ موسمیات کے مطابق بلو چستان، خیبر پختونخوا، بالائی سندھ ، پنجاب اور خطہ پوٹھوہار میں بارش کا ا مکان ہے اسلام آباد، آزاد کشمیر اور گلگت بلتستان میں آندھی، گرج چمک کے ساتھ بارش کا امکان ظاہر کیا گیا ہےکوئٹہ، ژوب، سبی، بارکھان، نصیر آباد ،قلات، تربت لسبیلہ، خضدار، کیچ اور پنجگور میں گرج چمک کے ساتھ بارش متوقع ہے –

    نیب نے عمران خان کو کیس میں شامل تفتیش کرلیا

    محکمہ موسمیات کےمطابق میا نوا لی، بھکر، لیہ، ڈیرہ غازی خان،ملتان، رحیم یار خان، بہاولپور،راجن پور،خطہ پوٹھوہار،مری، گوجرانوالہ ، سیا لکو ت، نارو وال، لاہور، شیخو پورہ، ننکانہ صاحب میں بارش کا امکان ہے-

    دوسری جانب پراونشل ڈیزاسٹر مینجمنٹ (پی ڈی ایم اے ) نے آندھی/ جھکڑ، بارشوں اور ژالہ باری کے حوالے سے الرٹ جاری کر دیا ہے –

    گھر سے باہر نکلتا ہوں تو میں اپنی جان کو ہتھیلی پر رکھ کر نکلتا …


    پی ڈی ایم اے کے مطابق ملک کے بالائی اور مغربی علاقوں میں داخل ہونے والی مغربی ہوائیں رواں ہفتے وقفے وقفے سے اثر انداز ہو ں گی، 26 مئی تک اسلام آباد، مری، راولپنڈی، چکوال، سرگودھا، میانوالی، خوشاب ، بھکر، فیصل آباد، جھنگ، ٹوبہ ٹیک سنگھ، شیخوپورہ ،ننکانہ، گوجرانوالہ، لاہور،سیالکوٹ، منڈی بہاؤالدین، ناروال، قصور، پاکپتن، اوکاڑہ، ساہیوال، رحیم یار خان، ڈی جی خان، راجن پور، ملتان اور بہاولنگر میں آندھی/جھکڑ چلنے اورگرج چمک کے ساتھ بارش اور بعض مقامات پر ژالہ باری کا بھی امکان ہے۔

    پی ڈی ایم اے کے مطابق 23 سے 25 مئی کے دوران پنجاب میں آندھی/ جھکڑ کے باعث کھڑی فصلوں اور کمزور عمارات کو نقصان کا خطرہ ہے کسان حضرات موسمیاتی پیشگوئی کے پیش اپنے معاملات ترتیب دیں بارش کے دوران سیاح اورمسافرغیر ضروری سفر سے اجتناب کریں-

    عمران خان نے ہی منصوبہ کی تھی کہ اگر انہیں گرفتار کیا گیا تو کیا …

  • موسمیاتی تبدیلیاں،پنجاب میں گرمی کی شدت اورجنگلات میں آتشزدگی کے واقعات میں اضافہ ہوسکتا ہے

    موسمیاتی تبدیلیاں،پنجاب میں گرمی کی شدت اورجنگلات میں آتشزدگی کے واقعات میں اضافہ ہوسکتا ہے

    لاہور: پراونشل ڈیزاسٹر مینجمنٹ اتھارٹی( پی ڈی ایم اے) پنجاب نے خبردار کیا ہے کہ موسمیاتی تبدیلیوں کی وجہ سے ہیٹ ویو اور گرمی کی شدت میں اضافہ ہوسکتا ہے-

    باغی ٹی وی: ڈائریکٹر جنرل پی ڈی ایم اے کی ہدایت پر ڈائریکٹر کوارڈینیشن کی زیر صدارت ہیٹ ویو اور فاریسٹ فائر بارے کمیٹی روم میں اہم اجلاس منعقد ہوا جس میں سول ڈیفنس، جنگلات، زراعت، تعلیم، لوکل گورنمنٹ انڈسٹریز حکام شریک ہوئے-

    دنیا بھر میں سمندروں کی سطح کا درجہ حرارت تاریخ کی بلند ترین سطح پر …

    اجلاس میں ڈائریکٹر پی ڈی ایم اے طارق محمود بخاری نےکہا کہ تمام متعلقہ ادارے ہیٹ ویو کے مضر اثرات سے بچاؤ اور انتظامات بارے پلان پی ڈی ایم اے کو جمع کروائیں۔ محکمہ تعلیم بچوں کے امتحانی شیڈول بارے فی الفور پی ڈی ایم اے کو آگاہ کرے۔

    انہوں نےکہا کہ موسمیاتی تبدیلیوں کی وجہ سےہیٹ ویو اورگرمی کی شدت میں اضافہ ہو سکتا ہےجبکہ گرمی کی شدت بڑھنے سے جنگلات میں آتشزدگی کا سامنا کرنا پڑ سکتا ہے محکمہ جنگلات فاریسٹ فائر سےبچاؤ کے لیے خصوصی ٹیمیں تشکیل دے کر رپورٹ جمع کروائے۔

    دنیا میں موسمیاتی تبدیلیوں کے مزید خطرناک انکشاف

    طارق محمود بخاری نے یہ بھی بتایا کہ ہیٹ ویو سے بچاؤ کے لیے محکمہ صحت سمیت دیگر متعلقہ اداروں کو خصوصی ہدایات بھی جاری کی جا چکی ہیں، ہیٹ ویو سے بزرگ شہری اور بچے زیادہ متاثر ہو سکتے ہیں۔ بچاؤ کے لیے شہریوں کو احتیاطی تدابیر پر عمل پیرا ہونا ہوگا ہیٹ ویو کے مضر اثرات سے بچاؤ اور حفاظتی تدابیر بارے عوام الناس کو موثر آگاہی فراہم کی جائے پی ڈی ایم اے کسی بھی ہنگامی صورتحال سے نمٹنے کے لیے ہمہ وقت تیار ہے۔

    گرین ہاؤس گیسوں کے اخراج سےانٹارکٹیکا برف کا پگھلاؤ عالمی سمندری نظام درہم برہم کرسکتا …

  • بارش کاسبب بننے والی مغربی ہوائیں شمالی بلوچستان میں داخل

    بارش کاسبب بننے والی مغربی ہوائیں شمالی بلوچستان میں داخل

    کوئٹہ: بارش کاسبب بننے والی مغربی ہوائیں شمالی بلوچستان میں داخل ہوگئیں۔

    باغی ٹی وی: پرووینشل ڈیزاسٹر منیجمنٹ اتھارٹی (پی ڈی ایم اے) کے مطابق آج صبح سے بلوچستان کے مختلف علاقوں میں بارش اور برفباری کا امکان ہے۔

    سعودی عرب کا پاکستان میں ٹیکنالوجی ہاؤس قائم کرنے کا اعلان

    پی ڈی ایم اے کے مطابق مغربی ہواؤں کا اتوار کی دو پہر تک ملک کے بالائی علاقوں پر اثر انداز ہونے کا امکان ہے جس کے باعث زیارت، قلعہ سیف اللہ،دکی، ہرنائی، ژوب،بارکھان، شیرانی، نوکنڈی، دالبندین میں بارش متوقع ہے۔

    پی ڈی ایم اے کے مطابق پشین،قلعہ عبداللہ، زیارت، قلعہ سیف اللہ کے پہاڑوں پر برفباری متوقع ہے جبکہ برفباری سےقومی شاہراہیں اور رابطہ سڑکیں ٹریفک کیلئےمتاثرہونےکاامکان ہے مغربی سسٹم اتوار اور پیر کی رات تک بلوچستان کے مختلف علاقوں پر اثر انداز ہوتا رہے گا۔

    اسلام آبا د کیپیٹل پولیس کا جرائم پیشہ عناصرکیخلاف کاروائیاں جاری

    پی ڈی ایم اے کا کہنا ہے کہ متعلقہ اضلاع کے ڈپٹی کمشنرز کو ضروری اقدامات کرنے کیلئے الرٹ جاری کردیا گیا ہے،دوسری جانب موٹر وے پولیس نے بلوچستان کے شمال مغربی روٹس کے ٹرانسپورٹرز کے لیے الرٹ جاری کر دیا ہے۔

    پولیس کی جانب سے جاری کردہ الرٹ میں کوئٹہ سے چمن اور کوئٹہ سے قلعہ سیف اللّٰہ ہائی وے پر محتاط ڈرائیونگ کی ہدایات جاری کی گئی ہیں۔

    پشاور میں فورسز کی کارروائی، 4 دہشت گرد ہلاک

  • پی ڈی ایم اے پنجاب کا سیلاب سے ہونیوالے نقصانات کا تخمینہ لگانے کیلئےسروے مکمل ،کتنا نقصان ہوا؟

    پی ڈی ایم اے پنجاب کا سیلاب سے ہونیوالے نقصانات کا تخمینہ لگانے کیلئےسروے مکمل ،کتنا نقصان ہوا؟

    لاہور:پی ڈی ایم اے پنجاب نے سیلاب سے ہونے والے نقصانات کے اعدادوشمار جاری کر دیئے جبکہ سیلاب سے ہونے والے نقصانات کا تخمینہ لگانے کے لیے سروے مکمل کر لیا گیا۔

    باغی ٹی وی: ترجمان پی ڈی ایم اے کے مطابق پنجاب میں سیلاب سے مجموعی طور پر 55 ہزار452 گھر تباہ ہوئے47ہزار585 کچے اور 7867 پکے گھر تباہ ہوئے، حکومت پنجاب سیلاب متاثرین کو پکے گھر کے گرنے پر 04 لاکھ اور کچے گھر کے گرنے پر 02 لاکھ روپے مالی امداد دے گی۔ پکے گھر کے جزوی نقصان پر 02 لاکھ اور کچے گھر کے جزوی نقصان پر 50000 ہزار کی مالی امداد دی جائے گی۔

    کے پی حکومت نے وفاق سے مالی وسائل لینے کیلیے سپریم کورٹ جانے کا فیصلہ کرلیا

    رپورٹ کے مطابق 81 افراد کی حالیہ سیلاب سے اموات ہوئیں۔ حکومت پنجاب سیلاب سے وفات پانے والے افراد کے لواحقین میں 10، 10 لاکھ روپے کی امدادی رقم پہلے ہی تقسیم کر چکی، مجموعی طور 81 افراد کے لواحقین میں 8کروڑ 10 لاکھ روپے تقسیم کیے گئے۔

    پنجاب میں حالیہ سیلاب کے دوران 55 افراد زخمی اور 02 افراد معذور ہوئے، حکومت پنجاب سیلاب سے معذور ہونے والے افراد میں ایک ایک لاکھ روپے اور زخمیوں کو 40، 40 ہزار روپے مالی امداد فراہم کرے گی۔

    سیلاب سے مجموعی طور پر 652 جانور ہلاک ہوئے جن میں 494 چھوٹے اور 158 بڑے جانوروں کی ہلاکت ہوئی۔ حکومت پنجاب بڑے جانور کی ہلاکت پر 75000 ہزار روپے اور چھوٹے جانور کی ہلاکت پر 5000 ہزار روپے کی مالی امداد دے گی۔

    الیکشن سے قبل سیاسی جماعتیں الیکشن ریفارمز کے لیے آپس میں مذاکرات کریں،سراج الحق

    حالیہ سیلاب سے 4لاکھ 30 ہزار ایکڑ پر کھڑی فصلوں کو نقصان پہنچا۔ پنجاب حکومت سیلاب متاثرین کو فی ایکڑ 05 ہزار روپے مالی امداد بھی فراہم کرے گی، مالی امداد پانچ ایکڑ رقبے تک دی جائے گی۔

    ترجمان کے مطابق حکومت پنجاب کی جانب سے متاثرین کی بحالی کے لیے امدادی رقم میں کئی گنا اضافہ کیا گیا ہے، حکومت پنجاب سیلاب متاثرین کی بحالی پر 12 ارب روپے کی خطیر رقم خرچ کرے گی۔

    جامع سروے کی بنیاد پر متاثرہ خاندانوں کو رقوم کی شفاف اور ڈائریکٹ فراہمی بذریعہ بینک آف پنجاب کی جائے گی، امدادی رقوم کی تقسیم کا عمل رواں ہفتہ میں شروع کیا جائے گا۔ پی ڈی ایم اے پنجاب گھروں کی پائیدار تعمیر کے لیے ہدایت نامہ کی فراہمی کے عمل کو بھی یقینی بنائے گی۔

    پاکستانی عوام کی اوسط عمر میں کمی کا انکشاف. پاکستان آبادیاتی سروے

  • پی ڈی ایم اے پنجاب نے بارش اور برفباری کا الرٹ جاری کر دیا

    پی ڈی ایم اے پنجاب نے بارش اور برفباری کا الرٹ جاری کر دیا

    پنجاب صوبائی ڈیزاسٹر مینجمنٹ اتھارٹی (پی ڈی ایم اے ) پنجاب نے بارش اور برفباری کا الرٹ جاری کر دیا۔

    باغی ٹی وی : پی ڈی ایم اے کے مطابق مغربی ہواؤں کا ایک سلسلہ شام میں ملک میں داخل ہوگا، آج سے پیر تک پنجاب کے شمالی وسطی اور جنوبی علاقوں میں بارش کا امکان ہے۔

    ملک کے مختلف حصوں میں کل سے مغربی ہواؤں کا سسٹم اثر انداز ہوسکتا ہے،محکمہ موسمیات

    پی ڈی ایم اے کا کہنا ہے کہ پہاڑوں پر برفباری اور چند مقامات پر ژالہ باری بھی ہو سکتی ہے جب کہ بالائی علاقوں میں دن کا درجہ حرارت 5 سے7، جنوبی علاقوں میں 2 سے 4 سینٹی گریڈکم ہوجانے کا امکان بھی ہے۔

    قبل ازیں محکمہ موسمیات نے کہا تھا کہ 7 نومبر تک مغربی ہواؤں کا سلسلہ ملک پر اثرانداز رہے گا جس سے مختلف علاقوں میں گرج چمک کے ساتھ بارش اور برفباری کا امکان ہے محکمہ موسمیات نے متعلقہ اداروں کو ہائی الرٹ رہنے کی ہدایت بھی کی تھی-

    اسٹریٹ کرائم میں ملوث ملزمان گرفتار،لاڑکانہ میں پولیس مقابلے میں ایک ڈاکو ہلاک

    محکمہ موسمیات نے کہا تھا کہ کل یعنی 4 نومبر کی شام سے7 نومبر کے دوران چترال، دیر، سوات، گلگت اور کشمیر میں گرج چمک کے ساتھ بارش کا امکان ہے جبکہ پہاڑوں پر برفباری اور چند مقامات پر ژالہ باری بھی ہو سکتی ہے۔

    محکمہ موسمیات کا یہ بھی کہنا تھا کہ 5 سے 6 نومبر کے دوران دیر سوات، مانسہرہ، ایبٹ آباد، کشمیر، مری اور دیگرمقامات پر موسلا دھار بارش کا امکان ہے، اسی کے ساتھ 6 نومبر کی شام یا رات سے 7 نومبر کے دوران کوئٹہ اور ژوب میں تیز ہواؤں کے ساتھ بارش متوقع ہے۔

    قصور میں پی ٹی آئی کی ریلی پر فائرنگ کا مقدمہ درج، ملزم کی شناخت ہو گئی

  • گزشتہ 24 گھنٹوں میں ملک بھر میں سیلاب سے مزید 9 اموات

    گزشتہ 24 گھنٹوں میں ملک بھر میں سیلاب سے مزید 9 اموات

    ملک بھر میں بارشوں اور سیلاب کی تباہ کاریاں،نیشل ڈزاسٹر منیجمنٹ اتھارٹی (این ڈی ایم اے) نے تازہ رپورٹ جاری کردی-

    باغی ٹی وی : این ڈی ایم اے کے مطابق گزشتہ 24 گھنٹے میں سیلاب سے مزید 9 افراد جاں بحق ہوئے جس کے بعد ملک بھر میں اب تک جاں بحق افراد کی تعداد ایک ہزار578 ہو گئی ہے،گزشتہ 24گھنٹے میں بلوچستان میں 3،سندھ میں 6 افراد جاں بحق ہوئے-

    پاکستان میں سیلاب نے بہت زیادہ تباہی پھیلائی ہے، عالمی برادری بڑھ چڑھ کرتعاون کرے،:انجلینا جولی

    رپورٹ کے مطابق گزشتہ 24گھنٹے میں سیلاب سے 2 افراد زخمی ہوئے،مجموعی تعداد 12 یزار 862 ہو گئی،سیلاب اور بارشوں کے باعث 392 پل،13 ہزار 93 کلومیٹر سڑکیں تباہ ہوئیں،سیلاب کے باعث اب تک 10 لاکھ 17 ہزار423 مویشی ہلاک ہو چکے ہیں-

    پراونشل ڈزاسٹر منیجمنٹ اتھارٹی (پی ڈی ایم اے) کی جاری کردہ رپورٹ کے مطابق بلوچستان میں گزشتہ 24 گھنٹوں کے دوران سیلاب کے نتیجے میں ہونے والے حادثات میں میں مرد اور خاتون سمیت ایک بچہ جاں بحق ہوا ہے جس کے بعد صوبے میں یکم جون سے اب تک جاں بحق ہونے والے افراد کی تعداد 304 ہوگئی، جاں بحق ہونے والے تینوں افراد کا تعلق ضلع جعفر آباد سے ہے۔

    پی ڈی ایم اے کے مطابق بلوچستان میں یکم جون سے اب تک جاں بحق ہونے والوں کی تعداد 304 ہوگئی، جاں بحق ہونے والوں میں 138 مرد، 74 خواتین اور 92 بچے شامل ہیں، سب سے زیادہ 40 ہلاکتیں کوئٹہ، ژوب سے 23 اور لسبیلہ سے 21 اموات رپورٹ ہوئیں۔

    سیلاب زدگان کیلئے امدادی اشیاء کی خریداری اور لاجسٹکس کے ضمن میں 10 ارب روپے کی…

    پی ڈی ایم اے کے مطابق اب تک صوبے بھر میں بارشوں کے دوران مختلف حادثات میں 184 افراد زخمی ہوئے سیلابی ریلوں اور بارشوں سے مجموعی طور پر بلوچستان میں 72 ہزار 235 مکانات نقصان کا شکار ہوئے جبکہ 3 لاکھ، 5 ہزار 155 سے زائد مال مویشی سیلابی ریلوں کی نذر ہوچکے ہیں۔

    پی ڈی ایم اے کے مطابق اب تک مجموعی طور پر 2 لاکھ ایکڑ زمین پر کھڑی فصلوں کو نقصان پہنچا جبکہ صوبے میں سیلابی ریلوں میں 24 پل گر گئے جبکہ بلوچستان بھر میں سیلاب اور بارشوں سے 2200 کلومیٹر پر مشتمل مختلف شاہراہیں بھی شدید متاثر ہوئیں۔

    دوسری جانب محکمہ موسمیات کے مطابق ملک کے بیشتر علاقوں میں موسم خشک اورموسم گرم رہے گا،اسلام آباد میں موسم گرم اور خشک رہے گا،گلگت بلتستان میں مطلع جزوی ابر آلود رہنے کا امکان ہے آزاد کشمیر میں مطلع جزوی ابر آلود رہنے کا امکان ہے-

    پورے ملک میں کہیں بھی حکومت سیلاب متاثرین کی مدد کو نہیں پہنچ رہی:یہ پہلے اپنی…