Tag: چڑیا گھر

لاہور پنجاب کے سرکاری چڑیا گھروں میں موجود شدید بیمار اور لاعلاج شیروں کو گزشتہ چند ہفتوں کے دوران پرسکون موت دے دی گئی جبکہ یہ اقدام کیپٹو وائلڈ لائف مینجمنٹ کمیٹی کی منظوری کے بعد کیا گیا۔

ایڈیشنل چیف وائلڈ لائف رینجرز سینٹرل پنجاب مدثر حسن نے بتایا کہ پنجاب بھر میں مجموعی طور پر 9 شیروں کو یوتھنائز کیا گیا یہ شیر طویل عرصے سے مختلف بیماریوں اور معذوری کا شکار تھے اور مسلسل تکلیف میں مبتلا تھےبہاولپور چڑیا گھر، لاہور سفاری زو اور لاہور زو میں موجود بیمار اور لاعلاج شیروں کی کلنگ کی گئی جانور معذوری اور بیماری کی وجہ سے تکلیف میں تھے، شیروں کی کلنگ چند ہفتے قبل کی گئی تھی ،متعلقہ ویٹرنری ماہرین کی رائے اور طے شدہ قواعد کے مطابق یہ عمل مکمل کیا گیا۔

واضح رہے کہ 23 جنوری 2026 کو کیپٹو وائلڈ لائف مینجمنٹ کمیٹی نے پنجاب کے سرکاری چڑیا گھروں میں موجود شدید بیمار اور ناقابل علاج شیروں کو پرسکون موت دینے کے فیصلے کی منظوری دی تھی اجلاس میں ایسے شیروں کی تفصیلات پیش کی گئی تھیں جو طویل عرصے سے بیماری میں مبتلا تھے اور جن کا علاج ممکن نہیں رہا تھا۔

کمیٹی کو بریفنگ کے دوران بتایا گیا تھا کہ قانون کے تحت نہ صرف بگ کیٹس بلکہ ایسے تمام جنگلی جانور، جو انسانوں یا دیگر جانوروں کے لیے ممکنہ خطرہ ہوں یا شدید تکلیف میں مبتلا ہوں، کو طے شدہ قواعد و ضوابط کے مطابق پرسکون موت دی جا سکتی ہے۔

لاہور: عید پر چڑیا گھر میں عوام کا رش بڑھا تو انتظامیہ نے داخلہ ٹکٹ کی قیمت میں 3 گنا اضافہ کردیا، جس پر عوام سیخ پا ہوگئے جبکہ پنجاب کی سینئر وزیر مریم اورنگزیب نے چڑیا گھر کی ٹکٹ کی قیمت میں اضافے سے متعلق وضاحت دے دی۔

باغی ٹی وی : عیدالفطر پر بچوں کو تفریح کے لیے چڑیا گھر لانے والے شہری ٹکٹ کی قیمت میں حیران کن اضافے سے پریشان ہوگئے چڑیا گھر کا ٹکٹ 80 روپے سے بڑھا کر 300 روپے کردیا گیا، شہریوں نے شکوہ کیا کہ چڑیا گھر ہم غریبوں کے بچوں کے لیے سستی تفریح تھی، اس کو بھی مہنگا کردیا گیا، چڑیا گھر کے اندر بھی کھانے پینے کی اشیا کی قیمتوں میں کئی گنا اضافہ کیا گیا ہے۔

لاہور چڑیا گھر میں ڈولفن فاؤنٹین اور سوزی کا مجسمہ بھی سیاحوں کی توجہ کا مرکز بنا رہا جبکہ سیاحوں کا کہنا تھا کہ ہاتھی کی امید میں ایک اور عید گزر گئی مگر ہاتھی تاحال نہ آسکا۔

بھارتی فوج کی پونچھ سیکٹر پر بلااشتعال فائرنگ پاک فوج کا بھی بھرپور جواب

لاہور چڑیا گھر میں زائد قیمتیں وصول کرنے کی شکایات پر پنجاب کی سینئر وزیر مریم اورنگزیب نے سخت نوٹس لے لیا۔

مریم اورنگزیب نے کہا کہ عوام صرف 100 روپے میں پورا چڑیا گھر دیکھ سکتے ہیں، قیمت میں کسی قسم کا کوئی اضافہ نہیں کیا گیا، رینگنے والے جانوروں کو دیکھنے کا ٹکٹ 200 روپے ہے، اسی طرح ایکویریم کا 200 روپے ہے، ہولوگرام کا ٹکٹ 300 روپے ہے۔

علی امین گنڈاپور کی اڈیالہ جیل میں عمران خان سے ملاقات

انہوں نے مزید کہا کہ یہ نئی سہولیات ہیں جن کی قیمت الگ مقرر کی گئی ہے، چڑیا گھر کا 98 فیصد حصہ 100 روپے میں دیکھا جا سکتا ہے، داخلہ ٹکٹ کے لیے الگ کاؤنٹرز موجود ہیں، ٹکٹنگ سینٹر کے باہر ایک شکایت سیل بھی قائم ہے2 سال کے بعد عید الفطر پر چڑیا گھر کھلا ہے، گزشتہ روز 35 ہزار شہری چڑیا گھر آئے جو ریکارڈ ہے، زیادہ افراد کی آمد کی وجہ سے بعض انتظامی مسائل پیدا ہوئے، یقینی بنایا جارہا ہے کہ مستقبل میں ایسا نہ ہو۔

پنجاب پولیس کی خاتون افسر نے عالمی اعزاز اپنے نام کرلیا

لاہور: لاہور سفاری زو کے بعد لاہور چڑیا گھر بھی نیلام کردیا گیا،چڑیا گھر 50 کروڑ میں نیلام کیا گیا-

باغی ٹی وی: لاہور چڑیا گھر کی ری ویپنگ کا منصوبہ 2023 میں نگران حکومت نے شروع کیا تھامنصوبے پر ایک ارب 83 کروڑ روپے کی خطیر رقم خرچ کی گئی ہےتعمیراتی کام مکمل ہوچکا ہے بڑی تعداد میں نئے جانور،پرندے اور ریپٹائلز بھی لائے گئے ہیں تاہم بیرون ملک سے بعض نئے جانور ابھی لائے جانے باقی ہیں لاہور چڑیا گھر میں ہولوورس ورچوئل رئیلٹی کا نیا اضافہ کیا گیا ہے ہولوورس پر تقریبا دو کروڑ روپے لاگت آئی ہے 60 ملین صرف بلڈنگ کی تعمیر پرخرچ ہوئے ہیں جبکہ 200 ملین کا سامان خریدا گیا ہے۔

چاہتے ہیں اگلے چار سال میں توانائی کا شعبہ بحران سے نکل آئے،اویس لغاری

نجی خبررساں ادارے ایکسپریس کے مطابق چڑیا گھر کا ٹھیکہ 3 سال کیلئے 50 کروڑ روپے میں نجی کمپنی کو دیا گیا ہے کمپنی جنوری کے پہلے ہفتے انتظام سنبھال لے گی ، نیلامی میں لاہور چڑیا گھر کی مال روڈ اور لارنس روڈ کی پارکنگ ٹکٹ،انٹری ٹکٹ، فش ایکوریم، ہولوور س،ورچوئل رئیلٹی،واک تھروایوری اور سانپ گھر کی انٹری ٹکٹ کے ٹھیکے کی نیلامی کی گئی ہے۔

لاہور چڑیا گھر کی انٹری ٹکٹ 100 روپے، ایکوریم 100 روپے، سانپ گھر 200 روپے، واک تھرو ایوری 100 روپے، مکسڈ رئیلٹی 100 روپے، ورچوئل رئیلٹی 200 روپے اور زو ہولو ورس300 روپے ادا کرنا ہوں گے جبکہ پارکنگ فیس الگ سے ہے۔
نیو ایئر نائٹ: پنجاب پولیس کا سکیورٹی پلان مکمل

نجی خبررساں ادارے سے بات کرتے ہوئے ڈائریکٹر پراجیکٹ مدثر حسن نے بتایا کہ انہیں حیران کن حدتک کامیابی ملی ہے اور یہ سب ڈی جی وائلڈلائف اور زومینجمنٹ کمیٹی کی بہترین حکمت عملی کی وجہ سے ممکن ہوا ہے ابھی مزید الیکٹرک جھولوں، ہارس رائیڈ، جمپنگ کیسل اور کینٹین کے ٹھیکوں کی نیلامی بھی ہوگی انٹری ٹکٹ اور پارکنگ کے بعد کیفے ٹیریا کے ٹھیکوں کی نیلامی سے بھی خطیر رقم حاصل ہوگی۔

اس حوالے سے وائلڈلائف حکام نے بتایا اس وقت 100 روپے انٹری ٹکٹ اور پارکنگ فیس ہے ان میں کوئی اضافہ نہیں کیا گیا نئی سہولتیں کے ٹکٹ الگ ہوں گے اور یہ سہولتیں پہلے موجود نہیں تھیں سانپ گھر تھا لیکن اس کی انٹری ٹکٹ الگ تھی۔

اسرائیل کی جانب سے شام پر نیوکلئیر حملہ کرنے کا دعویٰ

پنجاب کے صوبائی دارالحکومت لاہور میں گزشتہ روز ہونے والی بارش سے جہاں سڑکیں ، گلی محلے تالاب کا منظر پیش کر رہے تھے وہیں چڑیا گھر میں پانی جمع ہو چکا تھا

وزیراعلیٰ پنجاب مریم نواز نے لکشمی سمیت کئی علاقوں کا دورہ کیا اور پانی نکالنے والے واسا کے عملے کو شاباش دی، تا ہم لاہور کی تفریح گاہ ، تاریخی چڑیا گھر جو بارش کے بعد پانی سے بھر چکا تھا وہاں سے پانی نکالنے کا کسی کو خیال نہیں آیا،چڑیا گھر کے حکام بھی سوئے رہے،بارش کے بعد موسم خوشگوار ہوا شہری چڑیا گھر بچوں کے ہمراہ سیر کے لئے پہنچے تو چڑیا گھر پانی سے بھرا ہوا تھا

لاہور کا تاریخی چڑیا گھر سال بھر سے زائد کی بندش کے بعد کھلنے پر بارش کے بعد تالاب کا منظر پیش کررہا ہے جبکہ جانوروں کے پنجرے باقاعدہ جوہڑ بنے ہوئے ہیں۔ شدید ترین گرمی میں شیروں کو درجہ حرارت نارمل رکھنے کے لیے برف کے بلاکوں کا روایتی اہتمام ندارد ہے بلکہ توڑ پھوڑ سے شیروں کے پنجروں کے اندر تک جولائی کی دھوپ انہیں ادھ موا کیے ہوئے ہے۔

چڑیا گھر کو گزشتہ برس ماہ نومبر میں ری ویپنگ منصوبے کی وجہ سے بندکیا گیا تھا، اس وقت نگران حکومت تھی اور پنجاب کے نگران وزیراعلیٰ محسن نقوی تھےجو اسوقت وزیر داخلہ اور چیئرمین پی سی بی ہیں،انہوں نے ری ویپنگ منصوبے کا افتتاح کیا تھا، منصوبے کے تحت لاہور چڑیا گھر کی ری ویپنگ 31 جنوری تک مکمل ہونی تھی جو مکمل نہیں ہوئی، عید الاضحیٰ تک چڑیا گھر بند رہا ، عید سے چند دن قبل کھولا گیا،اور بارش کے بعد اب کام کی قلعی کھل گئی ہے، ہر طرف چڑیا گھر کے اندر پانی ہی پانی نظر آ رہا، انتظامیہ کی جانب سے پانی کو نکالنے کی کوشش ہی نہیں‌کی گئی.چڑیا گھر سیر کے لئے آنے والے شہریوں کا کہنا ہے کہ انتظامیہ کو چاہئے چڑیا گھر سے بھی پانی نکالے اور جانوروں کے پنجروں کی صفائی کا بھی انتظام کرے.

لاہور: نگران وزیراعلی پنجاب سید محسن نقوی کی ہدایت پر لاہور چڑیا گھر کو تین ماہ کے لیے بند کرنے کا فیصلہ کیا گیا ہے،تعمیراتی کام کی وجہ سے چڑیا گھر 7 نومبر سے 31 جنوری 2024 تک مکمل بند رہے گا۔

باغی ٹی وی : یہ فیصلہ اپ گریڈیشن منصوبے کی وجہ سے کیا گیا ،اس دوران لاہور چڑیا گھر کے جانوروں کو وائلڈائف پارک جلو اور چھامانگا منتقل کیا جائے گا، چڑیا گھر کے جانوروں اور پرندوں کی منتقلی کا کام آئندہ چند روز میں شروع ہوجائے گا،چڑیا گھر انتظامیہ کے مطابق شفٹنگ کمیٹی نے سفارشات جمع کروا دی ہیں کہ کون سے جانور کہاں شفٹ کیے جائیں گے، سفارشات کی منظوری کے بعد جانوروں کی منتقلی کا کام شروع ہوجائےگا۔

لاہور چڑیا گھر اورسفاری پارک کی اپ گریڈیشن پر تقریبا 5 ارب روپے خرچ ہوں گے، چڑیا گھر میں پانڈا سمیت نئے جانور لانے کا بھی منصوبہ ہے جبکہ پاکستان میں پہلی بار کسی چڑیا گھر میں ورچوئیل رائیلٹی کے ذریعے نایاب قسم کے جانور دیکھے جاسکیں گے-