اسلام آباد:چیف جسٹس پاکستان یحییٰ آفریدی اتوار کو پانچ روزہ دورے پر چین جائیں گے۔
باغی ٹی وی : ذرائع کے مطابق جسٹس امین الدین خان اور جسٹس شاہد وحید بھی چیف جسٹس کے ہمراہ ہوں گے، چیف جسٹس ساتھی ججز کے ہمراہ جوڈیشل کانفرنس میں شرکت کریں گے، جسٹس منصور علی شاہ 21 اپریل کو قائم مقام چیف جسٹس کا حلف اٹھائیں گے، چیف جسٹس اور ساتھی ججز آئندہ اتوار کو وطن واپس پہنچیں گے۔
بیجنگ: ٹک ٹاک کی مالک کمپنی بائیٹ ڈانس کے بانی زینگ یامنگ چین کے سب سے امیر شخص بن گئے ہیں۔
باغی ٹی وی: بلومبرگ کی رپورٹ کے مطابق یہ پہلا موقع ہے جب ٹک ٹاک کے بانی نے چین کے روایتی ارب پتیوں کو پیچھے چھوڑ دیا ہے 41 سالہ زینگ یامنگ اس وقت 57.5 ارب ڈالر کی دولت کے مالک ہیں، جس کے ساتھ وہ ایشیا کے تیسرے اور دنیا کے 24 ویں امیر ترین شخص بن چکے ہیں۔
بلومبرگ کے مطابق صرف رواں سال میں ان کی دولت میں 13.6 ارب ڈالر کا اضافہ ہوا ہے انہوں نے نونگفُو اسپرنگ کے مالک زونگ شانسان اور ٹین سینٹ کے شریک بانی پونی ما ہواٹینگ کو پیچھے چھوڑ دیا ہے۔
سلمان خان نےاپنی زندگی کو لاحق خطرات اور دھمکیوں پر خاموشی توڑدی
دلچسپ بات یہ ہے کہ ٹک ٹاک جیسے مقبول پلیٹ فارم کے بانی ہونے کے باوجود زینگ یامنگ خود لو پروفائل زندگی گزارنا پسند کرتے ہیں چین کے صوبے فوجیان میں پیدا ہونے والے زینگ کے والدین سرکاری ملازم تھے، اور انہوں نے نآنکی یونیورسٹی سے سافٹ ویئر انجینئرنگ میں گریجویشن کیا۔
زینگ یامنگ نے اپنے کیریئر کا آغاز ایک اسٹارٹ اپ Kuxun سے کیا، جہاں وہ جلد ہی ٹیم لیڈر بن گئے بعد میں، انہوں نے مائیکرو سافٹ میں بھی کام کیا لیکن اپنی کمپنی بنانے کے لیے ملازمت چھوڑ دی 2012 میں انہوں نے بائیٹ ڈانس کی بنیاد رکھی، جو آج ٹک ٹاک کے باعث دنیا بھر میں مقبول ہے۔
اسلام آباد اور خیبر پختونخوا میں زلزلے کے شدید جھٹکے
زینگ یامنگ کے مطابق وہ شروع میں ٹک ٹاک کا استعمال نہیں کرتے تھے کیونکہ انہیں یہ پلیٹ فارم نوجوانوں کے لیے لگتا تھا، لیکن بعد میں، کمپنی کے ملازمین کے لیے ویڈیوز بنانا اور لائکس حاصل کرنا لازمی قرار دے دیا گیا، جس کے بعد انہوں نے خود بھی اس ایپ کا استعمال شروع کیا۔
بائیٹ ڈانس اور ٹک ٹاک کی مقبولیت میں روز بروز اضافہ ہو رہا ہے، اور زینگ یامنگ کا شمار دنیا کے سب سے بااثر ٹیکنالوجی انٹرپر ینیورز میں ہوتا ہے۔
افغان مہاجرین کی واپسی کی ڈیڈ لائن میں کوئی تبدیلی نہیں ہوگی، ترجمان دفترخارجہ
امریکہ سے چین جانے والی یونائیٹڈ ایئرلائنز کی ایک پرواز کے پائلٹ اپنا پاسپورٹ ساتھ لانا بھول گئے –
باغی ٹی وی : عالمی میڈیا کے مطابق یہ واقعہ 22 مارچ کو پیش آیا جب یونائیٹڈ فلائٹ 198 دوپہر 2 بجے لاس اینجلس انٹرنیشنل ایئرپورٹ سے شنگھائی کے لیے روانہ ہوئی، تاہم پرواز کے دو گھنٹے بعد، طیارے نے اچانک یوٹرن لیا اور شام 5 بجے سان فرانسسکو انٹرنیشنل ایئرپورٹ پر لینڈ کر گیا۔
یونائیٹڈ ایئرلائنز نے اپنے بیان میں تصدیق کی کہ پرواز کو سان فرانسسکو موڑنے کی وجہ پائلٹ کا پاسپورٹ نہ ہونا تھاایئرلائن نے فوری طور پر نیا عملہ ترتیب دیا، جس کے بعد سان فرانسسکو سے رات 9 بجے ایک نئی پرواز شنگھائی کے لیے روانہ ہوئی، جو 12 گھنٹے کے سفر کے بعد مقامی وقت کے مطابق صبح 1 بجے منزل پر پہنچی۔
ایئرلائن نے معذرت کا اظہار کرتے ہوئے کہا کہ ہم نے اپنے مسافروں کے لیے ایک نئے عملے کا انتظام کیا اور انہیں اسی رات اپنی منزل کی جانب روانہ کیا، تمام مسافروں کو کھانے کے واؤچرز اور اضافی معاوضہ دیا گیا۔
دورانِ پرواز مسافروں کو پیغام بھیجا گیاجس میں کہا گیا کہ آپ کی پرواز کو عملے سےمتعلق ایک غیر متوقع مسئلے کی وجہ سے سان فرانسسکو موڑا گیا ہے نیا عملہ پہنچنے کے بعد، ہم جلد از جلد آپ کو دوبارہ شنگھائی روانہ کریں گے ہمیں اس پریشانی پر دلی افسوس ہے اور آپ کے صبر کی قدر کرتے ہیں،سان فرانسسکو میں لینڈنگ کے بعد، مسافروں کو 15 ڈالر مالیت کے کھانے کے واؤچرز فراہم کیے گئے۔
اسلام آباد: چین کی جانب سے پہلی بار اسلام آباد کے لئے کارگو پروازوں کا آغاز کردیا گیا۔
باغی ٹی وی : تفصیلات کے مطابق ارومچی سے ایس ایف کی پہلی کارگو پرواز 25 ٹن سے زائد سامان لے کر اسلام آباد ایئرپورٹ پر پہنچ گئی، چیف آپریٹنگ آفیسر اور ایئرپورٹ منیجر آفتاب گیلانی نے چائنیز وفد کا خیرمقدم کیا۔
چیف آپریٹنگ آفیسر اسلام آباد ایئرپورٹ اور ایئرپورٹ منیجر آفتاب گیلانی نے کہا کہ ہفتہ وار 2 کارگو پروازیں آپریٹ ہوں گی جس میں مزید اضافہ بھی ہوگا، پاکستان اور چین کے دیرینہ تعلقات ہیں کارگو سروس کے آغاز سے دونوں ممالک کے درمیان تجارت کو فروغ حاصل ہوگا، کارگو پروازوں کے آغاز سے کارگو تھروپٹ چارجز میں اضافے کے ساتھ پاکستان ایئرپورٹ اتھارٹی کے ریونیو میں بھی خاطر خواہ اضافہ ہوگا۔
قومی شاہراہوں اور موٹر ویز پر عائد ٹول ٹیکس میں ایک بار پھر اضافہ
دوسری جانب پی آئی اے سمیت دیگر پاکستانی ایئرلائنز کی بحالی کے سلسلے میں برطانوی ایئر سیفٹی کمیٹی نے منعقدہ اجلاس میں اہم فیصلہ محفوظ کر لیا ہے، ذرائع کا کہنا ہے کہ برطانوی ایئر سیفٹی کمیٹی 25 مارچ کو اپنے فیصلے سے آگاہ کرے گی، برطانوی ٹیم نے حالیہ دورہ پاکستان کے دوران پاکستان سول ایوی ایشن اور پی ائی اے سمیت نجی ایئر لائنز کا آڈٹ کیا تھا، پابندی ہٹنے کی صورت میں پی آئی اے فوری طور برطانیہ کے لیے فلائٹ آپریشن شروع کرے گی، یورپی ایئر سیفٹی ایجنسی نے گزشتہ سال نومبر 2024 میں پاکستانی ایئرلائنز کی پروازوں پر عائد پابندی ہٹا دی تھی۔
پی سی بی کا نئے کھلاڑیوں کی تلاش کیلئے ٹیلنٹ ہنٹ پروگرام شروع کرنے کا اعلان
چین میں روس اور ایران کے ساتھ ایرانی ’ایٹمی مسئلے‘ پر ایک اہم اجلاس منعقد ہوگا، جبکہ دونوں ممالک اپنے نائب وزرائے خارجہ کو بیجنگ بھیجیں گے۔
غیر ملکی خبر رساں ادارے ’رائٹرز‘ کے مطابق چینی وزارت خارجہ کے ترجمان ماو ننگ نے ایک باقاعدہ پریس کانفرنس میں بتایا کہ چین کے نائب وزیر خارجہ ما زاؤکسو اجلاس کی صدارت کریں گے۔اس میٹنگ کے بعد اسی دن نیویارک میں اقوام متحدہ کی سلامتی کونسل کے بند کمرے ایک اجلاس ہوگا، جس میں ایران کی جانب سے یورینیم کے ذخیرے میں توسیع کے حوالے سے بات کی جائے گی، جو ہتھیاروں کے درجے کے قریب ہے۔
واضح رہے کہ ایران اور روس کے درمیان تعلقات 2022 میں یوکرین جنگ کے آغاز کے بعد سے مضبوط ہوئے ہیں، ان کے درمیان جنوری میں اسٹریٹجک تعاون کے معاہدے پر دستخط ہوئے تھے، دونوں ممالک کے چین کے ساتھ اچھے تعلقات ہیں۔ گزشتہ ہفتے روس نے کہا تھا کہ نائب وزیر خارجہ سرگئی ریابکوف نے اپنے سفیر کاظم جلالی کے ساتھ ایران کے جوہری پروگرام سے نمٹنے کے لیے بین الاقوامی کوششوں پر بات چیت کی ہے، یہ پیش رفت اُس وقت سامنے آئی تھی، جب روس نے امریکی صدر ڈونلڈ ٹرمپ سے اتفاق کیا تھا کہ وہ ایران کے ساتھ بات کرے گا۔تہران طویل عرصے سے انکار کرتا رہا ہے کہ وہ نیوکلیئر ہتھیار بنانا چاہتا ہے۔
تاہم، اقوام متحدہ کے جوہری نگران ادارے آئی اے ای اے نے خبردار کیا ہے کہ ایران ڈرامائی طور پر’ یورینیم کی افزودگی کو 60 فیصد تک لے گیا ہے، جو ہتھیار بنانے کے لیے درکار تقریباً 90 فیصد کے قریب ہے۔ایران نے 2015 میں برطانیہ، چین، فرانس، جرمنی، روس اور امریکا کے ساتھ ایک مشترکہ جامع پلان آف ایکشن کا معاہدہ کیا تھا، جس کے تحت نے کے جوہری پروگرام کے بدلے اس پر سے پابندیاں ختم کی گئی تھیں۔واشنگٹن نے ٹرمپ کی پہلی مدت کے دوران 2018 میں اس منصوبے کو ترک کر دیا تھا، اور ایران نے جوہری سے متعلق اپنے وعدوں سے ہٹنا شروع کر دیا۔چین نے کہا ہے کہ وہ اپنے جائز حقوق کے تحفظ میں ایران کی حمایت کرتا ہے اور ایرانی جوہری مذاکرات کی جلد از جلد بحالی کا مطالبہ کرتا ہے۔
تیل وگیس کی پیداوارمیں ہفتہ واربنیادوں پر اضافہ
مصطفیٰ کمال کی ڈبلیو ایچ او کے نمائندے ڈاکٹر لو ڈپینگ سے ملاقات
تیل وگیس کی پیداوارمیں ہفتہ واربنیادوں پر اضافہ
کم سن امریکی بچوں کی نازیبا وڈیوز بنانے والا ملزم کراچی سے گرفتار
ڈومیسٹک کرکٹ کھیلنے والی 90 خواتین کھلاڑیوں کو کنٹریکٹ مل گیا
دنیا بھر سے جعفر ایکسپریس ٹرین پر حملے کی مذمت کا سلسلہ جاری ہے، امریکا، چین، ایران، ترکیہ، روس کے بعد یورپی یونین نے بھی دہشت گردی کے واقعے کی مذمت کی ہے۔
باغی ٹی وی کے مطابق امریکا نے ٹرین دہشت گردی اور مسافروں کو یرغمال بنانے کی مذمت کی ہے، ترجمان امریکی سفارتخانے کا کہنا تھا کہ حملے کی شدید مذمت کرتے ہیں، اس حملے کی ذمہ داری بلوچ لبریشن آرمی نے قبول کی ہے۔امریکی سفارتخانے کا مزید کہنا تھا کہ بی ایل اے کو امریکا نے عالمی دہشت گرد گروپ قرار دیا ہوا ہے، امریکا متاثرہ افراد سے گہری ہمدردی و تعزیت کا اظہار کرتا ہے۔
چین نے بھی جعفر ایکسپریس پر دہشت گرد حملے کی شدید مذمت کرتے ہوئے دہشت گردی سے نمٹنے اور شہریوں کے تحفظ کے لیے پاکستان کی بھرپور حمایت جاری رکھنے کے عزم کا اظہار کیا ہے۔ترجمان چینی وزارت خارجہ کا کہنا تھا کہ چین کسی بھی شکل میں دہشت گردی کی سختی سے مخالفت کرتا ہے، پاکستان کے ساتھ انسداد دہشتگردی اور سیکیورٹی تعاون کو مضبوط بنانے کے لیے تیار ہیں۔
روس کی جانب سے بھی دہشت گرد حملے کی مذمت کی گئی ہے، پاکستان میں روس کے سفارت خانے نے جاری بیان میں کہا کہ وحشیانہ حملے کی شدید مذمت کرتےہیں۔یورپی یونین کی سفیر ریناکونیکا نے سماجی رابطے کی ویب سائٹ ایکس پر واقعے کی مذمت کی ہے۔سفیر یورپی یونین ریناکونیکا کا کہنا تھا کہ بلوچستان میں دہشت گرد حملے کی مذمت کرتے ہیں، پاکستان کے عوام اور متاثرین کے اہلخانہ سے تعزیت کرتے ہیں۔
دریں اثنا، پاکستان میں فرانسیسی سفارتخانے نے بھی ٹرین پر دہشت گردی کی مذمت کرتے ہوئے کہا ہے کہ فرانسیسی سفارتخانہ دہشت گردی کے حملے کی مذمت کرتا ہے۔فرانسیسی سفارتخانے کا کہنا تھا کہ متاثرین اور اہلخانہ کے ساتھ گہری ہمدردی کا اظہار کرتے ہیں، مزید کہا کہ ہم پاکستانی عوام کے ساتھ بھرپور اظہار یکجہتی کرتے ہیں۔
واضح رہے کہ گزشتہ روز (11 مارچ) دہشت گردوں نے بولان پاک کے علاقے میں ریلوے ٹریک کو دھماکے سے اڑایا، اور جعفر ایکسپریس پر حملہ کر کے 400 سے زائد مسافروں کو یرغمال بنایا۔اگرچہ دور دراز علاقے کی وجہ سے مشکلات کا سامنا تھا، سیکیورٹی فورسز نے بتایا تھا کہ انہوں نے ڈھاڈر کے علاقے میں بولان پاس میں یرغمالیوں کو بچانے کے لیے ایک بڑے آپریشن کا کیا تھا، جس میں گزشتہ رات تک کم از کم 16 حملہ آور ہلاک کیے جاچکے تھے۔
آج پاک فوج کے شعبہ تعلقات عامہ کے ڈائریکٹر جنرل لیفٹیننٹ جنرل احمد شریف چوہدری نے بتایا کہ جعفر ایکسپریس کے یرغمالی مسافر بازیاب ہوگئے اور تمام 33 دہشتگرد ہلاک کردیے گیا، تاہم آپریشن شروع ہونے سے پہلے دہشت گردوں نے 21شہریوں کو شہید کیا۔
جعفر ایکسپریس حملہ آپریشن مکمل، 33 دہشتگرد جہنم واصل، 21 مسافر، 4 ایف سی جوان شہید
اسلام آباد:چین نے پاکستان پر واجب الادا 2 ارب ڈالر کی مدت میں ایک سال کی توسیع کردی۔
باغی ٹی وی: وزارت خزانہ کی جانب سے جاری اعلامیے کے مطابق پاکستان کے معاشی استحکام اور بحالی کے لیے پاکستان کے دیرینہ دوست چین کا معاشی تعاون جاری ہے اور اس سلسلے میں چین نے پاکستان کے ذمے واجب الادا 2 ارب ڈالر کی رقم کی مدت میں ایک سال کی مزید توسیع کر دی ہے۔
چین کے 2 ارب ڈالر کے اس قرض کی واپسی کی مدت 24 مارچ کو پوری ہو رہی تھی وزارت خزانہ کی جانب سے چین کی طرف سے 2 ارب ڈالر کی مدت میں ایک سال کی توسیع کی تصدیق کر دی گئی ہےاعلامیے کے مطابق چین کی جانب سے 2 ارب ڈالر قرض کی واپسی کی مدت میں ایک سال کی توسیع سے پاکستان کو زرمبادلہ کے ذخائر کو مضبوط رکھنے میں مدد ملے گی۔
سینیٹ میں خواتین کے عالمی دن کے موقع پرقراردادمنظور
غیر قانونی مقیم غیر ملکیوں کی وطن واپسی کی ڈیڈ لائن میں توسیع نہ کرنے کا فیصلہ
کراچی:الیکٹرک اسکوٹی بنانے والے چینی صنعت کاروں کے وفد نے شرجیل میمن سے ملاقات کی –
باغی ٹی وی : ملاقات کے دوران سندھ میں الیکٹرک وہیکلز متعارف کروانے اور ٹرانسپورٹ کو جدید خطوط پر استوار کرنے کے حوالے سے تبادلہ خیال کیا گیاچینی وفد نے حکومت سندھ کو جدید اور ماحول دوست سفری سہولیات کے فروغ کے لیے اپنی تجاویز پیش کیں اور اپنی کمپنی کی جدید ٹیکنالوجی اور ٹرانسپورٹ سسٹمز کے بارے میں تفصیلی بریفنگ دی۔
صوبائی وزیر ٹرانسپورٹ شرجیل انعام میمن نے چینی صنعت کاروں کو حکومت سندھ کی جانب سے سرمایہ کاری کے لیے سازگار پالیسیاں فراہم کرنے کی یقین دہانی کرائی انہوں نے وفد کو سندھ میں الیکٹرک وہیکلز کا مینوفیکچرنگ پلانٹ قائم کرنے میں مکمل تعاون کی پیشکش بھی کی۔
مصطفیٰ عامر قتل کیس : ایف آئی اے ٹیم ملزم ارمغان کے گھر پہنچ گئی
شرجیل انعام میمن کا کہنا تھا کہ سندھ حکومت نے نوکری پیشہ خواتین اور طالبات کو ایک ہزار الیکٹرک اسکوٹیز جلد فراہم کرنے کا ہدف مقرر کیا ہے، الیکٹرک گاڑیوں کی تیاری سے نہ صرف صنعتی ترقی کو فروغ ملے گا بلکہ روزگار کے نئے مواقع بھی پیدا ہوں گے۔
یو اے ای سے گرفتار 7 خطرناک اشتہاری ملزمان پنجاب پولیس کے حوالے
امریکی صدر ڈونلڈ ٹرمپ نے اگلے ہفتے سے کینیڈا، چین، اور میکسیکو پر 25 فی صد ٹیرف لگانا کا عندیہ دے دیا جبکہ دو طرفہ ٹیرف اپریل سے لگانے کا منصوبہ ہے۔
غیر ملکی خبر رساں ادارے کے مطابق امریکی صدر ڈونلڈ ٹرمپ کا کہنا ہے کہ کینیڈا اور میکسیکو سے درآمد کی جانے والی اشیا پر 25 فیصد ٹیرف اگلے منگل 4 مارچ سے لاگو ہوں گے۔ٹرمپ نے اپنی سوشل میڈیا ایپ ٹروتھ پر کہا کہ امریکا میں منشیات کی سمگلنگ سے نمٹنے کے لیے ٹیرف کی ضرورت ہے۔ ہم اس لعنت کو امریکا کو نقصان پہنچانے کی اجازت نہیں دے سکتے ہیں، انہوں نے مزید کہا کہ ٹیرف عائد کیے جائیں گے "جب تک کہ یہ رک نہیں جاتا، یا اس میں کمی نہیں ہوجاتی ۔ٹرمپ نے یہ بھی کہا کہ بڑے تجارتی شراکت داروں پر باہمی ٹیرف، جن کی انہوں نے اس ماہ کے شروع میں دھمکی دی تھی، 2 اپریل سے نافذ ہونے والے ہیں ۔
یاد رہے کہ اس ماہ کے شروع میں کینیڈا اور میکسیکو پر ڈیوٹیز کی پہلی تجویز کے چند دن بعد صدر نے اعلان کیا کہ وہ ان دونوں ممالک سے مراعات حاصل کرنے کے سگنل کے بعد انہیں 30 دنوں کے لیے معطل کر رہے ہیں۔ اس حوالے سے کچھ ماہرین کا کہنا ہے کہ ان میں سے کچھ فوائد، جن میں میکسیکو کی طرف سے فوجیوں کی تعیناتی اور کینیڈا کے لیے نئی انسداد منشیات کی پالیسی شامل ہے، اس سے کہیں کم اہم تھی۔اس ماہ کے شروع میں اعلان کردہ اسٹیل اور ایلومینیم ٹیرف کی تجویز بھی 4 مارچ سے نافذ العمل ہونے والی تھی – لیکن ٹرمپ نے اپنی سوشل میڈیا پوسٹ میں ان ڈیوٹیز کا ذکر نہیں کیا۔ابھی حال ہی میں، امریکی صدر ڈونلڈ ٹرمپ نے آٹوز، کمپیوٹر چپس اور فارماسیوٹیکل پر ٹیرف کا مطالبہ کیا۔
ڈیڈلاک ختم، اسرائیل نے 456 فلسطینی قیدی رہا کردیے، 97 مصر جلاوطن
صدر مملکت سے ابوظہبی کے ولی عہد کی ملاقات، نشان پاکستان کا اعزاز
چینی محققین نے چمگادڑوں میں ایک نیا کورونا وائرس دریافت کیا ہے، جسے HKU5-CoV-2 کا نام دیا گیا ہے۔
باغی ٹی وی:غیر ملکی میڈیا کے مطابق تحقیق سیل سائنٹیفک جرنل (Cell scientific journal) نامی جریدے میں شائع ہونے والی تحقیق کی قیادت ایک اعلیٰ چینی سائنسدان وائرولوجسٹ نے کی جن کا نام شی زینگلی ہے، جسے ”بیٹ وومین“ بھی کہا جاتا ہے، اسے اس لیے کہا گیا ہے کیونکہ اس نے چمگادڑوں میں پائے جانے والے کورونا وائرس پر کافی تحقیق کی ہے۔ یہ مطالعہ گوانگزو لیبارٹری میں کیا گیا۔
چین میں سائنسدانوں نے چمگادڑوں میں HKU5-CoV-2 نامی ایک نیا وائرس پایا۔ اگرچہ یہ ممکن ہے کہ یہ وائرس انسانوں کو متاثر کر سکتا ہے، لیکن یہ سمجھنے کے لیے مزید تحقیق کی جا رہی ہے کہ یہ وائرس جانوروں سے انسانوں میں کیسے پھیل سکتا ہے،اگرچہ سینکڑوں کورونا وائرس موجود ہیں،لیکن صرف چند ہی انسانوں کو متاثر کر سکتے ہیں، یہ HKU5 کرونا وائرس کی ایک نئی قسم ہے-
محققین کے مطابق HKU5-CoV-2 نیا وائرس ہانگ کانگ میں چمگادڑوں میں پائے جانے والے ایک کورونا وائرس سے پیدا ہوا۔ یہ وائرس کے ایک گروپ سے تعلق رکھتا ہے جس میں وہ بھی شامل ہے جو MERS کورونا وائرس کی ایک قسم کا سبب بنتا ہے۔
سائنسدانوں نے تحقیق میں پایا کہ چمگادڑ میں چھپے وائرس HKU5-CoV-2 میں ایک عجیب خصوصیت ہے جو اسے COVID-19 وائرس کی طرح خلیوں میں داخل ہونے میں مدد دیتی ہے یہ خصوصیت وائرس کو سیل کی سطحوں پر پروٹین سے منسلک کرنے کی اجازت دیتی ہے، جس سے وائرس کے لیے خلیات کو متاثر کرنا آسان ہو جاتا ہے۔
محققین نے کہا کہ چمگادڑوں کے نمونوں سے الگ تھلگ وائرس انسانی خلیوں کو متاثر کر سکتا ہے ۔ انہوں نے خبردار کیا کہ چمگادڑوں کے وائرس براہ راست یا واسطہ کاروں کے ذریعے انسانوں میں منتقل ہونے کا بہت بڑا خطرہ ہیں، نئے HKU5-CoV-2 وائرس میں مختلف انواع کو متاثر کرنے کی زیادہ صلاحیت ہو سکتی ہے لیکن ابھی اس حوالے سے گھبرانے کی کوئی وجہ نہیں ہے۔