اسلام آباد: ترجمان چینی وزارت خارجہ کا کہنا ہے کہ پاک چین تعلقات کے بارے میں غلط پروپیگنڈا کیا گیا-
ترجمان چینی وزارت خارجہ نے سوشل میڈیا پر منفی پراپیگنڈے پر رد عمل کا اظہار کرتے ہوئے کہا کہ وزیراعظم شہباز شریف کا دورہ چین ایک سنگ میل اور کامیاب ہے جو دونوں ممالک میں خوشحالی لائے گا وزیراعظم شہبازشریف کے اس دورے نے بہت سی راہیں پیدا کی ہیں جس سے لوگوں کو فائدہ ہوگا، وزیراعظم شہباز شریف نے چینی صدر شی جن پنگ سے بھی ملاقات کی جو دونوں ملکوں کے درمیان مضبوط تعلقات کی علامت ہے۔
اسلام آباد: وفاقی وزیرداخلہ محسن نقوی کی چین کے سفیر جیانگ زی ڈونگ سے ملاقات ہوئی، جس میں پاک چین تعلقات کے فروغ پر تبادلہ خیال کیا گیا-
باغی ٹی وی : وفاقی وزیر داخلہ محسن نقوی چینی سفارت خانے پہنچے جہاں چین کے سفیر جیانگ زی ڈونگ نے وفاقی وزیر داخلہ محسن نقوی کا خیر مقدم کیا،وفاقی وزیرداخلہ نے پاکستان میں متعین چینی سفیرسے ملاقات کی، جس میں پاک چین تعلقات کے فروغ اور چینی شہریوں کی سیکیورٹی کے لیے کیے گئے اقدامات پر تبادلہ خیال کیا گیا،ملاقات میں وزیراعظم پاکستان کے حالیہ دورہ پاکستان کے حوالے سے بات چیت ہوئی۔
اس کے علاوہ پاک چین تعلقات کےفروغ اور چینی شہریوں کی سیکیورٹی کے اقدامات پر بھی تفصیلی تبادلہ خیال کیا گیامحسن نقوی نے سی پیک اور دیگر منصوبوں پرکام کرنے والے چینی انجینئرز اور عملے کے سیکیورٹی پلان پر بھی بریفنگ دی، چینی سفیر نے سیکیورٹی انتظامات پر اطمینان کا اظہار کیا۔
اس موقع پر وزیر داخلہ نے کہا کہ وزیراعظم کا حالیہ دورہ چین سے دوستی کا رشتہ مضبوط ہوا ہے، چینی صدر، وزیراعظم اور اعلیٰ قیادت نے ہمیشہ پاکستان کا بھر پور ساتھ دیا چینی شہریوں کی سیکیورٹی کے لیے جامع اور مؤثر ایس او پیز بنائے ہیں، اسلام آباد میں غیر ملکی شہریوں کے لیے الگ فورس ایس پی یو بنائی جارہی ہے، پاکستان کی تعمیر وترقی کے لیے کام کرنے والے چینی بھائیوں کا تحفظ حکومت کی اولین ترجیح ہے۔
محسن نقوی نے مزید کہا کہ کوشش ہے کہ کسی چینی شہری پر ذرہ بھربھی آنچ نہ آئے، پاک چین کی لازوال دوستی میں کوئی دراڑ نہیں ڈال سکتا، ایسی کسی سازش کو ہرگز کامیاب نہیں ہونے دیں گے بعد ازاں چینی سفیر جیانگ زی ڈونگ نے کہا کہ پاکستان اور چین ہر موسم کے دوست ہیں، ہم پاکستان کے ساتھ تعلقات کو انتہائی اہمیت دیتے ہیں، ملاقات کے دوران وفاقی سیکرٹری داخلہ خرم علی آغا اور چینی سفارت خانے کے اعلیٰ حکام بھی موجود تھے۔
اٹلی: جی 7 ممالک نے چین پر روس کو سپورٹ کرکے یوکرین کے خلاف جنگ کو مزید بڑھا نے کا الزام لگایا ہے-
باغی ٹی وی : جی 7 ممالک کی میٹنگ جمعے کے دن اٹلی میں ہوئی جہاں میزبان اٹلی سمیت امریکا، برطانیہ، فرانس، کینیڈا، جرمنی اور جاپان کے سربراہان مملکت شریک ہوئے جی 7 اجلاس میں سربراہان نے چین کے خلاف سخت مؤقف اختیار کرتے ہوئےکہا کہ چین کی جا نب سے روس کے ڈیفنس انڈسٹریل بیس کو سپورٹ کرنے سے روس کو یوکرین میں اپنی غیر قانونی جنگ کو جاری رکھنے میں مدد مل رہی ہے جس کے بہت اہم اور وسیع تر سکیورٹی مضمرات ہیں۔
جی 7 ممالک نے مطالبہ کیا کہ چین، روس کو ہتھیاروں اور دیگر جنگی سازوسامان کی فراہمی روکے جو روس کے ڈیفنس سیکٹر کو مدد دے رہی ہیں، بصورت دیگر چینی اداروں کو مختلف پابندیوں کا سامنا کرنا پڑسکتا ہے،جی سیون نے مزید کہا کہ یوکرین کو 50 بلین ڈالر کے قرض کی تکنیکی تفصیلات کو آنے والے ہفتوں میں حتمی شکل دی جائیں گی۔
واضح رہے کہ روس اور یوکرین کے درمیان جنگ کا آغاز فروری 2022 میں ہوا تھا اور ایک رپورٹ کے مطابق جنگ میں اب تک 50 ہزار سے زائد روسی فوجی جبکہ 31 ہزار سے زائد یوکرینی فوجی ہلاک ہوچکے ہیں۔
دوسری جانب ائٹ ہاؤس نے جمعرات کو اعلان کیا کہ اسرائیل غزہ کی پٹی میں آٹھ ماہ سے جاری جنگ میں جنگ بندی کی تجویز کی حمایت کرتا ہے اور اس کا مقصد حماس کے ساتھ خلیج کو پاٹنا اور جلد کسی معاہدے تک پہنچنا ہے، وائٹ ہاؤس کے قومی سلامتی کے مشیر سلیوان نے اٹلی میں G7 رہنماؤں کے اجلاس کے موقع پر صحافیوں کو بیان دیتے ہوئے کہا کہ دنیا کو چاہیے کہ حماس کو ترغیب دے کہ وہ امریکی تجویز کو قبول کرے۔
سلیوان نے پہلے کہا تھا کہ حماس کی طرف سے جنگ بندی کی تجویز میں جو تبدیلیاں تجویز کی گئی ہیں وہ دراصل معمولی تھیں۔ امریکہ اس تجویز میں خلا کو پر کرنے کے لیے مصر اور قطر کے ساتھ مل کر کام کرے گا، امریکی قومی سلامتی کے مشیر نے حماس کے بعض تبصروں کو حسب توقع بیان کیا۔
نئی دہلی: بھارت نے پاکستان اور چین کے ساتھ مذاکرات کے ذریعے سرحدی تنازعات ختم کرنے کا عندیہ دیا ہے۔
باغی ٹی وی: بھارتی میڈیا کے مطابق دوسری مدت کے لیے وزیرِ خارجہ مقرر کیے جانے کے موقع پر سُبرامنیم جے شنکر نے کہا کہ پاکستان اور چین سے سرحدی تنازعات نے دو طرفہ تعلقات کو ایک مدت سے کشیدہ کر رکھا ہے، شنکر نے پاکستان اور بھارت کے ساتھ دیرینہ تنازعات ختم کرنے کی ضرورت پر زور دیا ۔
ایس جے شنکر کا کہنا ہے کہ ہم پاکستان کے ساتھ دیرینہ تنازعات کا حل چاہتے ہیں ان میں سرحد پار سے مبینہ دہشت گردی نمایاں ہے ،سرحد پار دہشت گردی کسی اچھے پڑوسی کی پالیسی نہیں ہوسکتی، چین کے ساتھ بھی متعدد معاملات حل طلب ہیں اس حوالے سے کام کرنے کی ضرورت ہے اور بھارت اس کے لیے تیار ہے۔
واضح رہے کہ 2019 مقبوضہ کشمیر کے علاقے پلواما میں بھارتی قابض فوج کے ایک قافلے پر حملے کا الزام بھارت نے پاکستان میں سکونت اختیار کیے ہوئے مجاہدین پر عائد کیا تھا۔ تب سے دو طرفہ تعلقات مکمل کشیدگی کا شکار ہیں، اس واقعے کے بعد بھارت نے ایبٹ آباد میں فضائی حملہ کیا تھا جس کے جواب میں پاک فضائیہ نے بھارتی فضائیہ کا طیارہ اپنی حدود میں مار گرایا تھا اور بھارتی پائلٹ ابھینندن گرفتار کرلیا گیا تھا۔
نریندر مودی نے مسلسل تیسری مدت کے لیے اتوار کو وزیرِ اعظم کا منصب سنبھالا تو وزیرِ اعظم محمد شہباز شریف اورسابق وزیرِ اعظم نواز شریف نے بھارتی وزیرِ اعظم کو مبارک باد دی –
دوسری جانب چین اور بھارت کے درمیان 3800 کلومیٹر کی سرحد ہے اس کا بڑا حصہ غیر نشان زد ہےسرحدی تنازع پر دونوں ملک 1962 میں جنگ لڑچکے ہیں، جولائی 2020 میں بھارت اور چین کے درمیان سرحدی کشیدگی نقطہ عروج کو پہنچی اور جھڑپوں میں 20 بھارتی اور 4 چینی فوجی مارے گئے، یہ ہلاکتیں دو بہ دو لڑائی میں ہوئیں کیونکہ ہتھیاروں کا استعمال ممنوع ہے-
اسلام آباد: وزیراعظم شہباز شریف نے کہا ہے کہ چین کا دورہ کامیاب رہا، بہت جلد چین سے اعلیٰ سطح کا وفد پاکستان آرہا ہے، اللہ نے چین کے ساتھ دوطرفہ تعلقات کو نئی بلندیوں تک لے جانے کا موقع عطا کیا-
باغی ٹی وی: وزیراعظم شہباز شریف کی زیر صدارت وفاقی کابینہ کا اجلاس ہوا جس میں ملکی معاشی اور سیاسی صورتحال پر غور کیا گیا، وزیر خزانہ محمد اورنگزیب نے کابینہ کو معاشی صورتحال اور بجٹ تیاری پر بریفنگ دی، اجلاس کے دوران وزیراعظم شہباز شریف نے دورہ چین کے حوالے سے کابینہ کو اعتماد میں لیا۔
وفاقی کابینہ اجلاس سے خطاب کرتے ہوئے وزیر اعظم شہباز شریف نے کہا کہ کابینہ ارکان کواجلاس میں خوش آمدید کہتا ہوں، چین کے دورے سے 2 روز قبل واپسی ہوئی،دورے کے دوران سیکیورٹی کا معاملہ سب سے پہلے تھا، چین کے دورے سے قبل تیاری کے حوالے سے کئی اجلاس کیے، وزارتی سطح پر بھی دورہ چین کی تیاری کے حوالے سے اجلاس ہوئے، دورہ چین میں ملاقاتوں میں سیکیورٹی سے متعلق معاملات ایجنڈے میں سرفہرست تھے۔
وزیراعظم نے کہا کہ آپ سب کی کاوشوں سے چین کا دورہ کامیاب رہا، سب نے کوشش کی اور محنتیں رنگ لائی، جس کی وجہ سے دورہ چین کامیاب ہوا، چین کے کامیاب دورے میں اہم امور پر بات چیت ہوئی ہے اور آئندہ کا لائحہ عمل طے کیا گیا ہے،بہت جلد چین سے اعلیٰ سطح کا وفد پاکستان آرہا ہے، اللہ نے چین کے ساتھ دوطرفہ تعلقات کو نئی بلندیوں تک لے جانے کا موقع عطا کیا، آپ دیکھیں گے کہ سی پیک کے دوسرے مرحلے پر کام تیزی سے کام آگے بڑھے گا، سی پیک کے حوالےسےمثبت بات چیت ہوئی۔
وفاقی وزیراطلاعات و نشریات عطا تارڑ نے کہا ہے کہ وزیراعظم پاکستان چین کا تاریخی اور کامیاب دورہ مکمل کر کے آئے ہیں، پاک چین تعلقات میں اس حد تک گرمجوشی کبھی دیکھنے کو نہیں آئی، ایسے موضوعات پر بھی گفتگو ہوئی جن پر کبھی بات نہیں ہوئی،
پریس کانفرنس کرتے ہوئےعطاء تارڑ کا کہنا تھا کہ پاکستان کا اقوام متحدہ کی سلامتی کونسل کا رکن منتخب ہونا ایک بہت بڑی سفارتی کامیابی ہے،صدر شی جنپنگ کے ساتھ وزیراعظم کی تین گھنٹے طویل ملاقات ہوئی، وزیراعظم کے اعزاز میں چین کی طرف سے بے مثال گرمجوشی دیکھنے میں آئی،گوادر پورٹ کو فعال کرنے، ایم ایل ون کے منصوبوں پر بات کوئی، ایم ایل ون کی تعمیر پر ایک کمیٹی تشکیل دی گئی ہے، وزیراعظم نے ہر میٹنگ میں کراچی سرکولر ریلوے کا تذکرہ کیا جس کی پذیرائی ہوئی،بزنس ٹو بزنس 32 معائدے ہوئے، شراکت داری کے معاملات طے پائے ہیں ، بزنس کانفرنس میں 500 افراد شریک ہوئے جن میں معائدے اور ایم او یوز پر دستخط ہوئے،دنیا دیکھ رہی ہے کہ ایک سنجیدہ حکومت نے مہنگائی میں کمی کی،چینی ٹیک کمپنی کی طرف سے 2 لاکھ پاکستانی طلبہ کو تربیت فراہم کی جائے گی، آئی ٹی برآمدات میں اضافہ ہو گا، سٹارٹ آپس کی حوصلہ افزائی ہو گی،
عطا تارڑ کا مزید کہنا تھا کہ آج بھی ایک شہید کی قبر سے ہو کر آئے ہیں، قربانیاں رائیگاں نہیں جائیں گی،پاکستان کے اندرونی و بیرونی دشمنوں کو یہ شراکت داری قبول نہیں ،پاکستان کے دشمنوں کو ملک کی ترقی ہضم نہیں ہو رہی.
وزیرِ اعظم شہباز شریف کا پاکستانی وفد کے ہمراہ چین کے تاریخی ورثےٹیراکوٹا وارئیر میوزیم کا دورہ
ہمیں پاکستان اسپیڈ نظر آنا شروع ہو گئی ہے۔چیئرمین چائینہ امپورٹ ایکسپورٹ بینک
وزیراعظم کا ہواوے ہیڈ کوارٹرز کا دورہ، چینی کمپنی کیساتھ فریم ورک معاہدے پر دستخط
ہم چین کے اقتصادی ماڈل کی پیروی کر کے پنجاب سپیڈ کو پاکستان سپیڈ بنائیں گے، وزیراعظم
ہم جنس پرستی کلب کے قیام کی درخواست پر ڈاکٹر فرید احمد پراچہ کا ردعمل
بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا
بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے
سماعت سے محروم بچوں کے لئے بڑی خوشخبری
ایبٹ آباد میں "ہم جنس پرستی کلب” کے قیام کے لیے درخواست
ہنی ٹریپ،لڑکی نے دوستوں کی مدد سے نوجوان کیا اغوا
بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا
طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج
اسلام آباد: چین آرٹیفیشل انٹیلی جنس، سائنس اینڈ ٹیکنالوجی، ماڈرن ایگریکلچر اور ہیلتھ کئیر میں انویسٹمنٹ کرے گا –
باغی ٹی وی: وزیر اعظم اور وفاقی وزراء کے دورہ چین میں مختلف شعبوں میں سرمایہ کاری اور دو طرفہ تجارتی سرگرمیوں کے فروغ کیلئے مذاکرات جاری ہیں اور بیجنگ میں ہفتے کے روز وفاقی وزیر برائے سرمایہ کاری بورڈ،مواصلات و نجکاری عبدالعلیم خان کی زیر صدارت چین کے 60سالہ پرانے سی زیڈ کے ہورائے گروپ اور پاکستان سے آئے ہوئے وفد کا مشترکہ اجلاس منعقد ہوا جس میں طے پایا کہ چین پاکستان میں آرٹیفیشل انٹیلی جنس، سائنس اینڈ ٹیکنالوجی، ماڈرن ایگریکلچر، ہیلتھ کئیر، لاجسٹک،انفراسٹرکچر اور سپلائی چین مارکیٹ کے شعبوں میں سرمایہ کاری کرے گا،اسی طرح ای کامرس کو وسعت دینے کیلئے پاک چین تعاون میں اضافہ کیا جائے گا۔
وفاقی وزیر سرمایہ کاری بورڈ عبدالعلیم خان نے چینی حکام کو پاکستان میں مکمل سازگار ماحول کی فراہمی کی یقین دہانی کراتے ہوئے کہا کہ ہمسایہ ہونے کے ناطے چین اور پاکستان کے باہمی تجارتی روابط خطے میں انتہائی اہمیت کے حامل ہیں جس کے مثبت اثرات دونوں ملکوں کی معیشت کیلئے حوصلہ افزا ہوں گے۔
اجلاس میں شامل چینی گروپ کے چیئرمین لیو یافی، جنرل مینجرصوفیہ لی، ڈیوی ڈانگ، چن وینلونگ اور شی جی نے پاکستانی وفد کو یقین دلایا کہ اُن کا ادارہ پاکستان میں امپورٹ اور ایکسپورٹ مصنوعات میں اضافے کے لئے بھاری سرمایہ کاری کرے گا، اسی طرح انڈ سٹری اکیڈمیا ریسرچ اور اثاثوں کی مینجمنٹ پر بھی دو طرفہ شراکت ہوگی، وفاقی وزیر کامرس جام کمال خان نے چینی حکام کو تجارتی حوالوں سے مکمل تعاون کی یقین دہانی کروائی اور چینی حکام کی طرف سے سرمایہ کاری میں دلچسپی کو سراہا۔
دریں اثناء بیجنگ چین سے ٹینگشن ڈونگھا آئرن سٹیل گروپ کے وفد نے بھی وفاقی وزیر سرمایہ کاری بورڈ،مواصلا ت و نجکاری عبدا لعلیم خان سےاجلاس منعقد کیا اور اُن سے پاکستان سٹیل ملز اور آئرن کےمختلف شعبوں میں سرمایہ کاری و دیگر امور پر بات چیت کی، اس اجلاس میں سینئر ایڈوائزر ڈونگھا گروپ چیئرمین مس لوشو نے وفاقی وزیر عبدالعلیم خان کو اپنے ادارے کی طرف سے پاکستان میں سرمایہ کاری کے امکانات پر بریفنگ دی اور ان سے دو طرفہ تجارتی امور پر تبادلہ خیال کیا۔
بیجنگ: چین کے سرکاری دورے پر موجود وزیرِاعظم شہباز شریف نے پاکستان سے سرکاری خرچ پر ایک ہزار طلبا و طالبات کو زراعت کی جدید تربیت کے لیے چین کے یانگلنگ ایگریکلچرل ڈیمانسٹریشن بیس بھیجنے کا فیصلہ کیا ہے۔
باغی ٹی وی : چین کے سرکاری دورے پر موجود وزیراعظم شہباز شریف نے آج چین کے شہرشی-آن میں قائم یانگلنگ ایگریکلچرل ڈیمانسٹریشن بیس کا دورہ کیا اس دوران انہوں ںے اس بات کا فیصلہ کیا، انہوں ںے پاکستانی سفیر اور متعلقہ حکام کو چینی حکام سے منصو بے کو حتمی شکل دینے کی ہدایت بھی کردی،وزیرِ اعظم نے نارتھ ویسٹ ایگریکلچر اینڈ فاریسٹری یونیورسٹی کو پاکستان میں کیمپس کھولنے کی دعوت دی اور کہا کہ حکومتِ پاکستان اس معاملے میں ہر قسم کے تعاون کے لیے تیار ہے۔
دورے میں وزیرِ اعظم کو بیس کے مختلف حصوں اور پاکستانی پویلین کا دورہ بھی کروایا گیا،وزیرِ اعظم کو پاکستانی پویلین میں پاکستانی مصنوعات بھی دکھائی گئیں، انہیں بریفنگ میں بتایا گیا کہ یانگلنگ ایگریکلچرل ڈیمانسٹریشن بیس میں 26 ممالک زرعی تحقیق میں تعاو ن کرتے ہیں، پاکستان سب سے پہلا ملک تھا جس نے یانگلنگ ایگریکلچرل ڈیمانسٹریشن بیس میں تعاون شروع کیا۔
بریفنگ میں پاکستانی سائنس دانوں اور تحقیق میں شرکت کرنے والی پاکستانی یونیورسٹیوں کے بارے میں بھی بتایا گیا، وزیراعظم نے کہا کہ پاکستان ایک زرعی ملک ہے، حکومت فی ایکڑ پیداوار میں اضافے کے لیے زراعت میں جدت کے لیے کوشاں ہے، پاکستان زرعی مصنوعات اور ان کی پراسیسنگ سے ملکی برآمدت میں اضافہ کرسکتا ہے جو کہ حکومت کی اولین ترجیح ہےوزیرِ اعظم کو جدید پلانٹ پروڈکشن فیکٹری کا بھی دورہ کروایا گیا جہاں زراعت کے عمودی طریقہ کار کے مختلف مراحل کا عملی مظاہرہ بھی پیش کیا گیا۔
وفاقی وزراء خواجہ محمد آصف، احسن اقبال، محمد اورنگزیب، عطاء اللہ تارڑ، ڈاکٹر مصدق ملک، رانا تنویر حسین بھی وزیرِ اعظم کے ہمراہ تھے۔
واضح رہے کہ وزیراعظم پانچ روزہ دورہ چین مکمل کرنے کے بعدآج رات وطن واپس آئیں گے۔
وزیراعظم شہباز شریف اور چینی وزیراعظم لی چیانگ کی ملاقات ہوئی ہے
وزیرِاعظم محمد شہباز شریف نے آج گریٹ ہال آف دی پیپل میں چین کے وزیرِاعظم عزت مآب لی چیانگ سے وفود کی سطح پر ملاقات کی وزیرِاعظم کے ہمراہ ان کی کابینہ کے اہم ارکان بھی تھے۔گریٹ ہال آف دی پیپل پہنچنے پر وزیرِاعظم کے اعزاز میں استقبالیہ تقریب کا اہتمام کیا گیا اور انہیں پیپلز لبریشن آرمی کے دستےکی جانب سے گارڈ آف آنر پیش کیا گیا۔ملاقات کے دوران، دونوں رہنماؤں نے دو طرفہ تعلقات کے تمام پہلوؤں پر تبادلہِ خیال کیا اور باہمی دلچسپی کی علاقائی اور عالمی پیش رفت پر بھی بات چیت کی۔دونوں رہنماؤں نے اس امر پر اطمینان کا اظہار کیا کہ پاک چین آل ویدر اسٹریٹجک کوآپریٹو پارٹنرشپ ،جو کہ باہمی اعتماد اور مشترکہ اصولوں پر مبنی ہے، وقت کو ساتھ مزید مضبوط ہو رہی ہے۔
پاکستانی و چینی وزیراعظم کا سی پیک کے مخالفین کے خلاف اپنے پختہ عزم کا اظہار
چینی وزیرِاعظم لی نے وزیرِاعظم شہباز شریف کو اقوامِ متحدہ کی سلامتی کونسل کا غیر مستقل رکن منتخب ہونے پر مبارکباد دی۔دونوں رہنماؤں نے اہم معاملات پر ایک دوسرے کی غیر متزلزل حمایت کا اعادہ کیا اور چین پاکستان اقتصادی راہداری کی اعلیٰ معیار کی ترقی کے لیے مسلسل عزم اور حمایت کا اظہار کیا۔انہوں نے باہمی فائدہ مند اور پاکستان کی سماجی و اقتصادی ترقی کے لیے صنعت، زراعت کی جدید کاری، سائنس اور ٹیکنالوجی اور خصوصی اقتصادی زونز پر خصوصی توجہ کے ساتھ تمام جاری منصوبوں کی بروقت تکمیل کی ضرورت پر بھی زور دیا۔سی پیک کو اپگریڈ کر کے مزید تعاون بڑھانے پر بھی اتفاق ہوا۔ دونوں فریقوں نے گوادر شہر کی سی پیک کے ایک اہم ستون کے طور پر اہمیت پر تبادلہِ خیال کیا اور گوادر کو علاقائی اقتصادی مرکز میں تبدیل کرنے کے لیے تمام متعلقہ بنیادی ڈھانچے کے منصوبوں کی بروقت تکمیل پر اتفاق کیا۔انہوں نے سی پیک کے مخالفین کے خلاف اپنے پختہ عزم کا بھی اظہار کیا۔ وزیرِاعظم شہباز شریف نے پاکستان میں چینی باشندوں اور منصوبوں کی حفاظت کو یقینی بنانے کے لیے پاکستان کے غیر متزلزل عزم کا اعادہ کیا۔دونوں فریقوں نے اعلیٰ سطح کے تبادلوں کو برقرار رکھنے پر اتفاق کیا جس میں تمام سطحوں اور دو طرفہ تعاون کے تمام شعبوں میں ادارہ جاتی روابط کو مضبوط کرنا شامل ہے۔ پاکستان اور چین علاقائی اور عالمی اہمیت کے مسائل اور کثیر الجہتی فورمز پر بھی قریبی مشاورت جاری رکھیں گے.خاص طور پر پاکستان کے اقوام متحدہ کی سلامتی کونسل کے غیر رکن کے طور پر دو سالہ دور کے دوران اس مشاورت میں اضافہ کیا جائے گا۔وفود کی سطح پر بات چیت کے بعد مفاہمتی یادداشتوں پر دستخط کی تقریب ہوئی، جس میں وزیرِاعظم محمد شہباز شریف اور وزیرِاعظم لی کیانگ نے شرکت کی۔جس دوران وزیراعظم شہباز شریف نے پاکستان میں چینی باشندوں اور منصوبوں کی حفاظت کی یقین دہانی کروائی۔مفاہمتی یادداشتوں پر دستخط کی تقریب میں دونوں ممالک کے درمیان ٹیلی ویژن، فلم، ٹرانسپورٹ انفرا اسٹرکچر سمیت 23 مفاہمتی یادداشتوں اور معاہدوں پر دستخط کیے گئے۔ملاقات کے بعد چینی وزیر اعظم لی چیانگ نے وزیر اعظم کے اعزاز میں ظہرانے کا اہتمام کیا گیا.
چینی وزیراعظم لی چیانگ کی جانب سے وزیراعظم شہباز شریف، ڈپٹی وزیراعظم اسحاق ڈار، وزیر دفاع خواجہ محمد آصف اور وفد کے اعزاز میں گریٹ ہال آف پیپل میں استقبالیہ تقریب ہوئی، آرمی چیف جنرل عاصم منیر نےبھی وزیراعظم کے ہمراہ استقبالیہ تقریب میں شرکت کی.
ہمیں پاکستان اسپیڈ نظر آنا شروع ہو گئی ہے۔چیئرمین چائینہ امپورٹ ایکسپورٹ بینک
وزیراعظم کا ہواوے ہیڈ کوارٹرز کا دورہ، چینی کمپنی کیساتھ فریم ورک معاہدے پر دستخط
ہم چین کے اقتصادی ماڈل کی پیروی کر کے پنجاب سپیڈ کو پاکستان سپیڈ بنائیں گے، وزیراعظم
ہم جنس پرستی کلب کے قیام کی درخواست پر ڈاکٹر فرید احمد پراچہ کا ردعمل
بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا
بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے
سماعت سے محروم بچوں کے لئے بڑی خوشخبری
ایبٹ آباد میں "ہم جنس پرستی کلب” کے قیام کے لیے درخواست
ہنی ٹریپ،لڑکی نے دوستوں کی مدد سے نوجوان کیا اغوا
بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا
طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج
وزیراعظم محمد شہبازشریف کے اعزاز میں چین کے وزیراعظم لی چیانگ نےپرتکلف ظہرانہ دیا.چین کے وزیراعظم لی چیانگ نے وزیراعظم محمد شہبازشریف کا پرتپاک خیرمقدم کیا؛ گرمجوش برادرانہ تعلقات کی جھلک واضح رہی .وزیراعظم شہباز نے وزیراعظم لی کے برادرانہ جذبات اور پرتپاک میزبانی پرشکریہ ادا کیا اور کہا کہ چین عظیم اور قابل اعتماد بھائی ہے، چین کی ترقی پر ہر پاکستانی کو فخر ہے ،آپ کے جذبے، کام کی رفتار اور عہد کی پاسداری سے بے حد متاثر ہیں.
Honored to meet Premier Li Qiang in Beijing today. Had a detailed discussion on all areas of mutual interest, including bilateral as well as regional and global developments. Reaffirmed our shared desire to further strengthen the Pakistan-China All-Weather Strategic partnership… pic.twitter.com/Pyc2IuiCVM
— Shehbaz Sharif (@CMShehbaz) June 7, 2024
اس موقع پر پاکستانی ملی نغموں کی دھنوں نے ظہرانے کی فضا کو پاک چین دوستی کے رنگوں کی قوسِ قزاح بنا دیا. وزیراعظم شہبازشریف چین کے وزیراعظم لی چیانگ کے ہمراہ ظہرانے میں آئے تو چین کی فوج کے بینڈ نے پاکستانی ملی نغموں کی دھنیں بجانا شروع کیں .”دِل دِل پاکستان“ ، ”دل سے میں نے دیکھا پاکستان، جاں سے میرا دھرتی پہ ایماں“ ، ” میں بھی پاکستان ہوں تو بھی پاکستان ہے” ، “جیوے جیوے پاکستان“ کی دھنیں بجائی گئیں .دونوں وزرائے اعظم نے مسکراہٹوں اور تالیاں بجا کر سازندوں کو داد دی .اس موقع پر ظہرانے میں شریک پاکستانی وفد کے ارکان نے بھرپور تالیوں سے بینڈ کو داد دی
مجھے کوئی شک نہیں کہ پاکستان معاشی طور پر مضبو ط ملک بن کر ابھرے گا،وزیراعظم
وزیراعظم شہباز شریف نے چین میں پاک چائنہ فرینڈشپ اینڈ بزنس ریسپشن سے خطاب کرتے ہوئے کہا ہے کہ مجھے کوئی شک نہیں کہ پاکستان معاشی طور پر مضبو ط ملک بن کر ابھرے گا، چین نے ا پنی ترقی پر توجہ دی اور ہر قسم کے تنازعات سے گریز کیا،چینی صدر شی جن پنگ نے محنت اور لگن سے کام کیا ،کالعدم تنظیم ٹی ٹی پی نے چینی باشندوں کو نشانہ بنایا جس پر بے انتہا افسوس ہوا،ملک دشمن عناصر پاک چین تعلقات خراب کرنے پر تلے ہیں،مضبوط عز م سے کہہ رہاہوں چینی باشندوں کو بہترین سیکیورٹی فراہم کی جائے گی ،دونوں ممالک شراکت داری کو معاشی اہداف کےحصول کے لیے نتیجہ خیزبنائیں گے ، پاک چین دوستی ہر موقع پر ثابت ہوئی اور ہر آزمائش پر پورا اتری ہے، ایسی دوستی کی کہیں مثال دنیا میں کہیں نہیں ملتی، پاکستان معاشی اصلاحات کے ایجنڈے پر عمل پیرا ہے اور پاکستان کو کاروباردوست ملک بنانا ہماری ترجیح ہے،چین کی مختصر مدت میں تیز رفتار ترقی ہماری لیے مشعل راہ ہے، پاکستان چین کے تجربات سے فائدہ اٹھا رہا ہے۔
قبل ازیں چائینہ انٹرنیشنل ڈویلپمنٹ کوآپریشن ایجنسی (سی آئی ڈی سی اے) کے چیئرمین جناب لو ژاؤہوئی کی وزیرِاعظم سے ملاقات ہوئی ہے،وزیرِاعظم اور چیئرمین سی آئی ڈی سی اے نے چین پاکستان کی منفرد اور پائیدار دوستی اور مشترکہ ترقی، اسٹریٹجک اعتماد اور باہمی فائدے سے چلنے والے عملی تعاون کے مزید فروغ پر تبادلہِ خیال کیا۔چیئرمین سی آئی ڈی سی اے کا کہنا تھا کہ پاک چین مشترکہ خلا میں سٹیلائٹ بھیجنے کے مشن سے پاک چین دوستی سرحدوں سے پار اب خلاؤں میں پہنچ چکی ہے۔
وزیراعظم شہباز شریف کا کہنا تھا کہ جناب لو ژاؤہوئی آپ نے پاکستان میں بطور سفیر اپنی ذمہ داریاں احسن طریقے سے سر انجام دیں،آپ نا صرف پاکستان میں چین کے سفیر تھے بلکہ آپ پاکستان میں پاکستان کے بہترین دوست بھی تھے اور یہ جذبہ اب بھی قائم ہے۔ پاکستان میں مقیم چینی باشندوں کی سیکیورٹی حکومت پاکستان کی اولین ترجیح ہے۔پاکستان چین کے ساتھ زراعت، انفارمیشن ٹیکنالوجی، بلیو اکانومی، مواصلات، معدنیات و کان کنی سمیت دیگر شعبوں میں تعاون مزید بڑھانے کی ضرورت ہے۔ پاکستان چین کی ترقی کے ماڈل سے استفادہ حاصل کرنا چاہتا ہے۔پاکستان ریلوے مین لائین 1 (ایم ایل1) کی اپ گریڈیشن کا منصوبے میں چینی سرمایہ کاری کے خواہاں ہیں۔
سی آئی ڈی سی اے نے پاکستان میں خصوصی اقتصادی زونز اور صحت کے شعبوں میں سرمایہ کاری میں دلچسپی کا اظہار کیا،وزیرِاعظم محمد شہباز شریف سے چائنہ انٹرنیشنل کوآپریشن ایجنسی (سی آئی ڈی سی اے) کے چیئرمین لو ژاؤہوئی نے آج بیجنگ میں ملاقات کی۔وزیرِاعظم نے چین پاکستان اقتصادی راہداری منصوبوں اور پاکستان کی سماجی و اقتصادی ترقی کے لیے CIDCA کی بھرپور حمایت کو سراہا۔ انہوں نے ترقی اور سلامتی کے درمیان باہمی طور پر مضبوط تعلقات پر بھی تبادلہِ خیال کیا۔ چین پاکستان اقتصادی راہداری (CPEC) کو پاکستان اور چین کے درمیان دوستی کی آہنی علامت قرار دیتے ہوئے انہوں نے کہا کہ سی پیک کے تحت سماجی اقتصادی ترقی پر مشترکہ ورکنگ گروپ کے مثبت نتائج برآمد ہوئے ہیں۔ انہوں نے اس اعتماد کا بھی اظہار کیا کہ دونوں اطراف کی عوام کی زندگیوں اور معاش کو بہتر بنانے کے لیے سی پیک کے فیز II میں تعاون کی یہ رفتار برقرار رہے گی۔وزیرِاعظم نے کہا کہ دونوں ممالک کی حکومتیں اور عوام قدرتی آفات اور آفات کے وقت ہمیشہ ایک دوسرے کے ساتھ کھڑے رہے ہیں۔ انہوں نے کووڈ – CoVID-19, 2022 کے بعد کے سیلاب کی تعمیر نو اور پولیو ویکسین کی فراہمی کے دوران ترقی پذیر ممالک اور خاص طور پر پاکستان کی مدد کرنے میں CIDCA کے اہم کردار کی تعریف کی۔ چیئرمین سی آئی ڈی سی اے نے مختلف شعبوں میں چین پاکستان تعاون کو مزید گہرا کرنے کے عزم کا اظہار کیا۔ انہوں نے بنیادی ڈھانچے کی ترقی، موسمیاتی تبدیلی کے ردِعمل اور انسانی وسائل کی ترقی بشمول بیلٹ اینڈ روڈ انیشیٹیو (بی آر آئی) اور گلوبل ڈویلپمنٹ انیشیٹیو (جی ڈی آئی) کے تحت جاری منصوبوں میں دو طرفہ شراکت داری کو بڑھانے کی ضرورت پر بھی زور دیا۔
ملاقات میں نائب وزیرِاعظم و وزیرِ خارجہ اسحاق ڈار، وزیرِ دفاع خواجہ آصف، وفاقی وزیرِ منصوبہ بندی احسن اقبال، وفاقی وزیرِ خزانہ و محصولات محمد اورنگزیب، وزیرِ پیٹرولیم مصدق ملک، وفاقی وزیرِ اطلاعات و نشریات عطاء اللّٰہ، وفاقی وزیرِ نجکاری عبد العلیم خان، وزیرِاعظم کے معاونِ خصوصی طارق فاطمی نے شرکت کی۔
چائینہ امپورٹ ایکسپورٹ بینک کے چیئرمین کی وزیرِاعظم سے ملاقات
علاوہ ازیں وزیرِاعظم محمد شہباز شریف سے چائینہ ایکسپورٹ امپورٹ بینک (سی ای ایکس آئی ایم) کے چیئرمین ڈاکٹر وو فلن نے آج بئیجنگ میں ملاقات کی۔ملاقات کے دوران وزیرِاعظم نے حکومتِ پاکستان کے اصلاحاتی ایجنڈے پر روشنی ڈالتے ہوئے گورننس کی بہتری ٹیکس نیٹ بڑھانے اور کاروبار کرنے میں آسانی کے حوالے سے حکومت پاکستان کی کوششوں کا ذکر کیا تاکہ براہِ راست غیر ملکی سرمایہ کاری (FDI) کو راغب کیا جا سکے۔ انہوں نے کہا کہ اصلاحاتی اقدامات کے نتائج سامنے آنا شروع ہوچکے ہیں کیونکہ غذائی شعبے میں مہنگائی پر کافی حد تک قابو پایا جا چکا ہے، کرنٹ اکاؤنٹ خسارہ کم ہوا ہے اور پبلک ڈیبٹ کو مزید پائیدار سطح پر لایا گیا ہے۔وزیرِاعظم نے پاکستان کی صنعتوں، زراعت اور آئی ٹی کے شعبوں کی جدید کاری کے لیے ایگزم بینک کی مسلسل حمایت کو سراہا۔ انہوں نے بین الاقوامی منڈیوں میں پاکستان کی برآمدات کو فروغ دینے کی کوششوں کے ایک حصے کے طور پر پاک چین مشترکہ منصوبے کے منصوبوں اور تجارتی فنانسنگ میں چینی ایگزم بینک کے ممکنہ کردار پر بھی تبادلہِ خیال کیا۔
ایگزم بینک کے چیئرمین نے وزیرِاعظم سے گفتگو کرتے ہوئے کہا جس طرح آپ نے پنجاب اسپیڈ سے کام کیا اور بہترین کارکردگی دکھائی اسی طرح ہمیں پاکستان اسپیڈ نظر آنا شروع ہو گئی ہے۔ انہوں نے کہا پاکستان کا ہر منصوبہ چائینہ ایگزم بینک کے لیے ترجیحی حیثیت رکھتا ہے۔ انہوں نے سی پیک فیز II کے تحت اقتصادی اور مالی تعاون کے اہم کردار اور چائینہ ایگزم بینک کی پاکستان کے ساتھ اسٹریٹجک شراکت داری اور "مشترکہ خوشحالی” کے تصور کے تحت پائیدار ترقی کو آگے بڑھانے کے لیے تعاون پر زور دیا۔ملاقات میں نائب وزیرِاعظم و وزیرِ خارجہ اسحاق ڈار، وزیرِ دفاع خواجہ آصف، وفاقی وزیرِ منصوبہ بندی احسن اقبال، وفاقی وزیرِ خزانہ و محصولات محمد اورنگزیب، وزیرِ پیٹرولیم مصدق ملک، وفاقی وزیرِ اطلاعات و نشریات عطاء اللّٰہ تارڑ، وفاقی وزیرِ پاور اویس احمد خان لغاری اور وزیرِاعظم کے معاونِ خصوصی طارق فاطمی نے شرکت کی۔
وزیراعظم کا ہواوے ہیڈ کوارٹرز کا دورہ، چینی کمپنی کیساتھ فریم ورک معاہدے پر دستخط
ہم چین کے اقتصادی ماڈل کی پیروی کر کے پنجاب سپیڈ کو پاکستان سپیڈ بنائیں گے، وزیراعظم
ہم جنس پرستی کلب کے قیام کی درخواست پر ڈاکٹر فرید احمد پراچہ کا ردعمل
بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا
بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے
سماعت سے محروم بچوں کے لئے بڑی خوشخبری
ایبٹ آباد میں "ہم جنس پرستی کلب” کے قیام کے لیے درخواست
ہنی ٹریپ،لڑکی نے دوستوں کی مدد سے نوجوان کیا اغوا
بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا
طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج