Baaghi TV

Tag: چین

  • جی 20 سربراہی اجلاس؛ امریکی صدر دہلی پہنچ گئے

    جی 20 سربراہی اجلاس؛ امریکی صدر دہلی پہنچ گئے

    بھارت میں جی 20 سربراہی اجلاس میں شرکت کیلئے عالمی رہنماؤں کی آمد کا سلسلہ جاری ہے، اجلاس میں غریب ممالک کیلئے قرضوں میں ریلیف،موسمیاتی تبدیلی کے خلاف اقدامات اور غذائی تحفظ بڑھانے پر بھی بات ہوگی جبکہ دو روزہ جی 20 سربراہی اجلاس کل سے بھارتی دارالحکومت نئی دلی میں شروع ہو رہا ہے، اجلاس میں شرکت کیلئے سربراہوں کی آمد کا سلسلہ جاری ہے، امریکی صدر جو بائیڈن بھی جی 20 سربراہی اجلاس میں شرکت کے لیےنئی دلی پہنچ گئے ہیں۔


    جبکہ اس کے علاوہ برطانوی وزیر اعظم رشی سونک بھی جی 20 سربراہی اجلاس کیلئے بھارت پہنچ گئے ہیں، واضح رہے کہ چینی صدرشی جن پنگ نے بھارت میں ہونے والے جی 20 سربراہی اجلاس میں شرکت سے معذرت کر لی تھی ان کی جگہ چینی وزیر اعظم لی چیانگ اجلاس میں شریک ہوں گے۔

    تاہم اس کے علاوہ روسی صدر ولادیمیر پیوٹن نے بھی جی 20 ممالک کے سربراہی اجلاس میں شرکت سے معذرت کی تھی۔ نجی ٹی وی کے مطابق کل سے نئی دلی میں شروع ہونے والے اجلاس میں سعودی ولی عہد محمد بن سلمان اور بھارتی وزیراعظم نریندر مودی سرمایہ کاری فورم کی میزبانی کریں گے، سرمایہ کاری فورم میں کیمیکلز،انرجی،مینو فیکچرنگ اور ٹیکنالوجی پراجیکٹس پر توجہ مرکوز رہے گی۔

    سعودی وزارت سرمایہ کاری کے مطابق سرمایہ کاری فورم کا مقصد تیل پر انحصار کے ساتھ ساتھ معیشت میں تنوع کی کوشش کرنا ہے اور اجلاس کے موقع پر سعودی عرب کے امریکا، بھارت اور یواے ای کے رہنماؤں کے ساتھ ایک انفرا اسٹرکچر ڈیل کا بھی امکان ہے جس کےتحت خلیجی اور عرب ممالک ریلوے اور بندرگاہوں کے ذریعے بھارت سے جڑ سکیں گے، اس کے علاوہ اجلاس میں بھارتی وزیراعظم مودی 15 سے زائد عالمی رہنماؤں سے سائیڈ لائن ملاقاتیں کریں گے۔

    بھارتی وزیراعظم مودی نے اپنے بیان میں کہا ہے کہ وہ آج اپنی رہائش گاہ پر امریکی صدر جوبائیڈن ،وزیراعظم بنگلا دیش اور وزیراعظم موریشس سے دوطرفہ ملاقات کریں گے۔یہ ملاقاتیں دو طرفہ تعلقات کا جائزہ لینے ، ترقیاتی تعاون کو مزید مستحکم کرنے کا موقع فراہم کریں گی تاہم دوسری جانب نئی دلی میں جی20 اجلاس سے قبل تبتی کمیونٹی نے احتجاج کیا،نئی دلی میں جی20اجلاس کےحوالےسےسکیورٹی سخت ہے۔

  • پاکستان کا روشن مستقبل چین کے ساتھ جڑا ہوا ہے،سینیٹر رانا محمود الحسن

    پاکستان کا روشن مستقبل چین کے ساتھ جڑا ہوا ہے،سینیٹر رانا محمود الحسن

    چین کے شہر اورمچی میں 17 اگست سے 21 اگست کو ہونے والی آموں کی نمائش کے حوالے سے ایوان بالاء کی جانب سے تشکیل دی گئی خصوصی کمیٹی کا اجلاس کنونیئر کمیٹی سینیٹر رانا محمود الحسن کی زیر صدارت پارلیمنٹ ہاؤس میں منعقد ہوا۔ کنونیئر کمیٹی سینیٹر رانا محمود الحسن نے کہا کہ پاکستان ان چند خوش قسمت ممالک میں سے ہے جہاں ہر طرح کا موسم اور بہترین معیار کا پھل دستیا ب ہے۔ پاکستانی آم کی دنیا بھر میں بہت طلب ہے اور جس معیار کا آم پاکستان میں ملتا ہے اس کی مثال نہیں ملتی اگر موثر حکمت عملی اختیار کی جائے اور ویلیو ایڈیڈ کے ذریعے ہم اربوں روپے کا زرمبادلہ حاصل کر سکتے ہیں۔پاکستانی آم کو پاؤڈر بنا کر اور چھوٹے حصوں میں خشک کر کے ویلیو ایڈیڈ کیا جائے تو خاصے مہنگے داموں فروخت کیا جا سکتا ہے۔

    کنونیئر کمیٹی نے وزرات کامرس، ٹی ڈیپ، ایوان بالاء، وزارت خارنہ امور اور دیگر متعلقہ اداروں کا تہہ دل سے شکریہ ادا کرتے ہوئے کہا کہ ان کے تعاون سے چین کے شہر اورمچی میں پاکستانی آموں کی نمائش انتہائی کامیاب رہی۔ انہوں نے کہا کہ آپ لوگوں کے تعاون سے آئندہ برس بھی نمائش میں حصہ لیا جائے گا جس میں ہزاروں لوگوں کو لے کر جائیں گے تاکہ پاکستانی ایکسپورٹ موثر فروغ دیا جا سکے۔ پاکستان کار روشن مستقبل چین کے ساتھ جڑا ہوا ہے۔ دونوں ممالک تجارت و سرمایہ کاری کو فروغ دے کر نمایاں بہتری لا سکتے ہیں۔

    انہوں نے کہا کہ چین میں منعقدہ نمائش کے مثبت نتائج سامنے ہیں۔ میں چیئرمین سینیٹ محمد صادق سنجرانی اور ڈپٹی چیئرمین سینیٹ مرزا محمد آفریدی کا بھی تہہ دل سے شکریہ ادا کرتا ہوں کہ انہوں نے بھی بھر پور تعاون کیا جس کی وجہ سے یہ دورہ انتہائی کامیاب رہا۔ پاکستان اور چین کا بارڈر 900 کلو میٹر پر مشتمل ہے وہاں ہماری اہم ملاقاتیں بھی ہوئیں اور پاکستانی وفد نے وہاں کے تعلیمی اداروں، ہسپتالوں، فارما سیوٹیکل، تحقیق کے اداروں سمیت مختلف اداروں کا دورہ کیا اور وہاں کے سرمایہ کاروں، کسانوں اور زمینداروں سے ملاقاتیں کیں۔ چین میں مکئی کی فی ایکڑ پیدا وار 250من کے قریب آتی ہے۔ پاکستان میں بھی پیدا وار میں بہتری لائی جا سکتی ہے۔ چین کے ساتھ ہم آم، چیری، ابلا ہوا بڑا گوشت سمیت کئی اشیاء ایکسپورٹ کر سکتے ہیں۔

    چینی کی قیمت 200 تک پہنچ گئی

    چینی کی قیمت 300 تک پہنچنے کا خدشہ

    چینی کی برآمد پر پابندی عائد

    1 ارب سے زائد کی چینی افغانستان اسمگل کرنے کی کوشش ناکام

    پنجاب میں آٹا اورچینی کے ذخیرہ اندوزوں کیخلاف کریک ڈاؤن کا فیصلہ

    یوٹیلٹی سٹور پر چینی ناپید، اشیا مہنگے داموں فروخت، شہریوں کا احتجاج

    ٹی ڈیپ حکام نے کمیٹی کو بتایا کہ اس کمیٹی نے نمائش کے حوالے سے جو مقاصد طے کیے تھے وہ حاصل کر لیے گئے ہیں۔ پاکستانی آم کو بہت پسند کیا گیا ہے۔ ویلیو ایڈیشن کی اشد ضرورت ہے۔ ایک جوائنٹ ورکنگ گروپ اور سرمایہ کاری فورم کی تجویز ہے جلد عملدرآمد ہو جائے گا۔ ایڈیشنل سیکرٹری وزارت کامرس نے کمیٹی کو بتایا کہ کرونا وبا کی وجہ سے بارڈر بند تھا اپریل میں کھل گیاہے۔ چین کے ساتھ بذریعہ سٹرک ایمپورٹ، ایکسپورٹ شروع ہے۔ انہوں نے کہا کہ چین، قازکستان، کرغستان اور پاکستان کے مابین ایک معائدہ بھی ہوا ہے اور بذریعہ سٹرک ایمپورٹ، ایکسپورٹ ہو سکتی ہیں۔ ہمیں اس سے فائدہ اٹھانا چاہیے۔پاکستانی پھلوں کو جوسسز اور پلپ کی شکل میں بھی ایکسپورٹ کیا جاسکتا ہے۔ اس سے بھی نمایاں بہتری آسکتی ہے۔ ہمیں بھی بارڈر کھلنے کا فائدہ اٹھانا چاہیے۔ ان ممالک کے ساتھ مچھلی، سمندری خوراک، لال مرچ، آم، چیری اور دیگر اشیاء کی ایکسپورٹ کو فروغ دینا چاہیے۔

    کنونیئر کمیٹی نے بعد ازاں وزارت کامرس اور ٹی ڈیپ حکام کو چین میں شاندار نمائش منعقد کرانے پر اعزازی شیلڈ بھی دیں۔خصوصی کمیٹی کے اجلاس میں سینیٹر دنیش کمار کے علاوہ وزارت کامرس اور ٹی ڈیپ حکام نے شرکت کی

  • جی 20 اجلاس میں چینی صدرکےشرکت نہ کرنے پرمجھے بہت مایوسی ہوئی،جوبائیڈن

    جی 20 اجلاس میں چینی صدرکےشرکت نہ کرنے پرمجھے بہت مایوسی ہوئی،جوبائیڈن

    چینی صدر کی جانب سے بھارت میں ہونے والے جی 20 اجلاس میں شرکت سے معذرت پر امریکی صدر جو بائیڈن نے مایوسی کا اظہار کیا ہے-

    باغی ٹی وی : اپنے ایک بیان میں امریکی صدر کا کہنا تھا کہ جی 20 اجلاس میں چینی صدر کے شرکت نہ کرنے پر مجھے بہت مایوسی ہوئی ہے کیونکہ میں تو وہاں ان سے ملنے کیلئے جا رہا تھا۔

    واضح رہے کہ امریکی صدر جو بائیڈن 7 سے 10 ستمبر تک بھارت میں جی 20 اجلاس میں شرکت کریں گے جس کے بعد وہ ویتنام کے دورے پر روانہ ہوں گے دوسری جانب چینی صدرشی جن پنگ نے بھارت میں ہونے والے جی 20 اجلاس میں شرکت سے معذرت کر لی تھی جبکہ ان کی جگہ چینی وزیر اعظم لی چیانگ اجلاس میں شریک ہوں گے،چین میں مقیم سفارت کار اور جی 20 گروپ میں شامل ایک ملک میں تعینات رکن کا کہنا ہے کہ چینی وزیراعظم لی کیانگ 9 سے 10 ستمبر کو نئی دہلی میں ہونے والے اجلاس میں چین کی نمائندگی کریں گے۔

    جنوبی پنجاب میں کپاس کی فصل پر سبز تیلہ اورگلابی سنڈی کا حملہ شدت اختیار …

    غیر ملکی خبر رساں ادارے کیوڈو کے مطابق چینی وزیراعظم لی کیانگ 5 سے 7 ستمبر تک انڈونیشیا میں منعقد ہونے والے مشرقی اور جنوب مشرقی ایشیائی رہنماؤں کے سربراہی اجلاس میں شرکت کریں گے جبکہ جی 20 اجلاس 9 سے 10 ستمبر تک نئی دہلی میں ہوگا۔

    اس سے قبل یہ خبریں گردش کر رہی تھیں کہ جی 20 اجلاس میں چینی صدر کی اپنے امریکی ہم منصب جوبائیڈن سے ملاقات ہو سکتی ہے، امریکی صدر نے اجلاس میں شرکت کی تصدیق کی ہے دونوں طاقتور ممالک نے متعدد تجارتی اور جغرافیائی سیاسی مسائل کی وجہ سے تناؤ کا شکار ہونے کے بعد اپنے تعلقات کو استحکام کی طرف دھکیلنے کی کوششیں شروع کی ہیں شی جن پنگ اور جو بائیڈن کی ملاقات آخری بار اس سے قبل گزشتہ سال نومبر میں ہوئی تھی جہاں دونوں نے انڈونیشیا میں ہونے والے جی 20 سربراہی اجلاس میں شرکت کی۔

    قانون کے مطابق الیکشن کمیشن انتخابات کا فیصلہ کرے گا. نگران وزیر اعظم

    روسی صدر ولادیمیر پیوٹن پہلے ہی اعلان کر چکے ہیں کہ وہ نئی دہلی میں ہونے والے جی 20 اجلاس میں شرکت نہیں کریں گے، روسی صدر کی جگہ وزیر خارجہ سرگئی لاوروف اجلاس میں شرکت کریں گے۔

    بھارت سے تعلق رکھنے والے اعلیٰ سرکاری عہدیدار نے خبر رساں ادارے کو بتایا کہ ہمیں اس بات کا علم ہے کہ اجلاس میں چینی وزیر اعظم لی کیانگ اپنے ملک کی نمائندگی کریں گے،چین میں موجود دو غیر ملکی سفارتکار اور جی 20 ملک سے تعلق رکھنے والے ایک سرکاری عہدیدار نے بتایا کہ شی جن پنگ کی جی 20 اجلاس کے لیے بھارت روانگی کا امکان بہت کم ہےچینی صدر کے بھارت نہ جانے کے حوالے سے انہیں چینی حکام نے بتایا تھا۔

    ڈاکٹر نے ڈیلیوری کے بعد لڑکی کے پیٹ میں کپڑا چھوڑ دیا

    عہدیداروں نے نام ظاہر نہ کرنے کی شرط پر بتایا کہ چینی حکام کو نہیں معلوم کہ شی جن پنگ کے اجلاس میں شرکت کیوں نہیں کررہے حال ہی میں کئی اہم امریکی حکام کے بیجنگ کے دورے کی وجہ سے شی جن پنگ اور جو بائیڈن کے درمیان ملاقات کا امکان بڑھ گیا تھا۔

    ان دوروں میں رواں ہفتے کے شروع میں کامرس سکریٹری جینا ریمنڈو کا دورہ بھی شامل ہے، اس کے علاوہ دونوں رہنماؤں کے درمیان آمنے سامنے بات چیت کے لیے ایک اور سربراہی ملاقات پر بھی غور کیا جا رہا ہے، رپورٹ کے مطابق 12 سے 18 نومبر کو سان فرانسسکو میں ہونے والے ایشیا پیسیفک اکنامک کوآپریشن لیڈرز کے اجلاس میں دنوں رہنماؤں کی ملاقات کا امکان ہے۔

    چترال : بونی روڈ کشادگی،پہاڑ میں بلاسٹنگ سے ایک شخص زخمی، 8 گھروں کا نقصان

  • ہاتھی نے کس طرح منشیات سے بھرا بیگ ڈھونڈ کر پولیس کی مدد کی؟ ویڈیو

    ہاتھی نے کس طرح منشیات سے بھرا بیگ ڈھونڈ کر پولیس کی مدد کی؟ ویڈیو

    ہاتھی نےاپنی سونڈ کی مدد سے چین کے شہرمینگمان کے بارڈرکے پاس جنگل سے 2.8 کلو گرام وزنی منشیات کا بیگ ڈھونڈ نکالا،جس کی ویڈیو سوشل میڈیا پر وائرل ہو گئی-

    باغی ٹی وی: یہ ایک جنگلی ایشیائی ہاتھی کا کارنامہ ہے،سوشل میڈیا پر وائرل ویڈیو میں چار جنگلی ہاتھیوں کے جھنڈ کو جاتے ہوئے دیکھا جا سکتا ہے، جن میں سے ایک ہاتھی نے رُک کر مشکوک بیگ کو سونگھ کر ہوا میں اچھال دیا جسے بعد میں پولیس نے قبضے میں لے لیا،پولیس نے بیگ کا معائنہ کرنے سے پہلے جنگلی ہاتھیوں کے باہرنکلنے تک انتظار کیاپولیس نے بیگ کھول کرمنشیات کی ایک اینٹ کو پکڑا جو کپڑوں کی تہوں کے نیچے دبی ہوئی تھی۔

    منشیات کو جدہ اسمگل کرنے کی کوشش ناکام

    جنگلی ہاتھی کی منشیات کا ڈھنڈ نکالنے کی ویڈیو سوشل میڈیا پروائرل ہے جس پر صارفین نے دلچسپ رد عمل کا سلسلہ جاری ہے-

    دوسری جانب پشاور میں ائیرپورٹس سکیورٹی فورس (اے ایس ایف) نے منشیات کو جدہ اسمگل کرنے کی کوشش ناکام بنا دی تھی، جدہ جانے والے ایک مسافر سے 1.66 کلو گرام آئس (ہیروئن) برآمد کرکے اسے حراست میں لے لیا مسافر داؤ د فیروز نے منشیات کو بیگ کے اندر مہارت سے چھپا رکھا تھا-

    1 ارب سے زائد کی چینی افغانستان اسمگل کرنے کی کوشش ناکام

    اے ایس ایف کے عملے نے سامان کی تلاشی کے دوران منشیات برآمد کرکے اسمگلنگ کی کوششں ناکام بنا دی ملزم کو ابتدائی تفتیش کے بعد برآمد شدہ منشیات سمیت مزید قانونی کارر وائی کے لیے اینٹی نارکوٹکس فورس (اے این ایف) حکام کے حوالے کر دیا گیا ہے۔

  • 61 سال ماں کے پیٹ میں رہنے والا بچہ پتھرکا بن گیا

    61 سال ماں کے پیٹ میں رہنے والا بچہ پتھرکا بن گیا

    خاتون کو اپنی اولاد کو دیکھنے کیلئے 61 سال انتظار کرنا پڑا،یہ ایک نایاب حالت ہے جو کسی ہارر فلم کی طرح لگتا ہے کہ ایک جنین مر جاتا ہے، اور پھر اس کی ماں کے جسم کے اندر بنیادی طور پر پتھر میں تبدیل ہو جاتا ہے۔

    باغی ٹی وی: چین کی ایک خاتون ہوانگ ییجون نے 92 سال کی عمر میں بچے کو جنم دیا، مگر جب ڈاکٹروں نے ان کے بچے کو دیکھا تو ان کے ہوش اڑ گئے، کیونکہ ان کا بچہ پتھر بن چکا تھا،دراصل ہوانگ 1948 میں 31 سال کی عمر میں ماں بننے والی تھیں، مگر کچھ ایسا ہوا کہ انہیں اپنا بچہ 61 سال تک پیٹ میں رکھنا پڑاجب انہیں پتہ چلا کہ وہ ماں بننے والی ہیں تب انہیں خوشی توکافی ہوئی،مگر جب ڈاکٹروں نے بتایا کہ ان کی ایکٹوپک پریگنینسی ہے تو وہ فکر مند ہوگئی تھیں۔


    ہیلتھ لائن کے مطابق اس حالت میں فرٹیلائز ایگ ماں کے رحم سے چپک نہیں پاتا اس حالت میں ماں اور بچہ دونوں کیلئے کافی خطرات ہوتے ہیں ان حالات میں پیدا ہونے والے بچوں میں پیدائشی نقائص کا 21 فیصد امکان ہوتا ہے بنیادی طور پر حفاظتی ایمنیوٹک سیال کی عدم موجودگی اور رحمِ مادر کے اندر نارمل بچوں کے مقابلہ میں انہیں اضافی دباؤ جھیلنا پڑتا ہے۔

    بی سی سی آئی صدر راجر بنی نے دورہ پاکستان کی تصدیق کر دی

    ہوانگ کے معاملے میں بچہ زندہ نہیں بچا ان کے پیٹ میں پرورش پا رہا بچہ اتنا بڑا ہوگیا تھا کہ اس کا جسم خود بخود باہر نہیں نکل سکتا تھا ڈاکٹروں نے اس سے نجات کیلئے سرجری کرانے کا مشورہ دیا تھا، کیونکہ اس کو رکھنے سے بعد میں صحت سے وابستہ پریشانیاں لاحق ہوسکتی تھیں لیکن سرجری کی لاگت خاتون اور اس کے اہل خانہ کیلئے کافی زیادہ تھی ہوانگ نے آپریشن کو نظر انداز کرنے کا فیصلہ کیا۔

    ایک ڈاکٹر نے این بی سی نیوز کو بتایا کہ جب ایسے معاملات میں بچہ اتنا بڑا ہوجاتا ہے کہ جسم قدرتی طور پر اسے باہر نہیں نکال پاتا تو مردہ بافتوں کے پاس کیلشیم جمع ہوجاتا ہے۔ اس تبدیلی کے نتیجہ میں ایک ’اسٹون بے بی‘ بنتا ہے۔ جو خواتین اس کا تجربہ کرتی ہیں وہ اکثر اس سے انجان رہتی ہیں۔

    تاہم، ہوانگ کے غیر معمولی معاملے میں وہ پتھر کے بچے کی موجودگی کے بارے میں بخوبی واقف تھیں، لیکن وہ اس کو ہٹانے کا رسک نہیں اٹھا سکتی تھیں۔

    خیبرپختونخوا میں ضمنی بلدیاتی انتخابات کیلئے ووٹنگ جاری

    آخر کار 2009 میں 92 سال کی عمر میں انہوں نے 60 سال سے رحم مادر میں موجود جنین کو ہٹانے کیلئے سرجری کروائی اور جب بچہ باہر نکلا تو اسے دیکھ کر ڈاکٹرز بھی حیران رہ گئے، کیونکہ وہ مکنمل طور پر پتھر بن چکا تھا۔

  • چینی حکومت کا عوام کوبچے پیدا کرنے پراُکسانےکا نیا طریقہ

    چینی حکومت کا عوام کوبچے پیدا کرنے پراُکسانےکا نیا طریقہ

    چین کے تاریخی شہر ژیان میں خاندانی منصوبہ بندی کے ادارے نے ملک کی خطرناک حد تک کم ہوتی شرح پیدائش کو بڑھانے کے لیے ایک نئے اقدام کے تحت عوام کو بچے پیدا کرنے پر اُکسانے کیلئے نیا طریقہ اپنایا ہے۔

    باغی ٹی وی :حکام کی جانب سے عوام کو موبائل فون پر ٹیکسٹ میسیجز بھیجے جا رہے ہیں جن میں ’محبت، شادی اور بچے کی پیدائش‘ کے ساتھ ’زرخیزی‘ کی خواہش ظاہر کی گئی ہے اس پیغام کی اطلاع مقامی چینی میڈیا بشمول چائنا نیوزویک کے آفیشل ”ویبو“ اکاوںٹ پر دی گئی اور 22 اگست کو کیسی فیسٹیول کے ساتھ موافق ہے، جسے چین کا ویلنٹائن ڈے بھی کہا جاتا ہے، جو کہ محبت اور رومانس کا جشن منانے والی روایتی چھٹی ہے۔

    یہ پیغام چی شی کے ہیلتھ کمیشن اور چی شی کی فیملی پلاننگ ایسوسی ایشن نے بھیجا تھا دونوں سرکاری محکموں نے فوری طور پر تبصرہ کی درخواستوں کا جواب نہیں دیا،جسے چین کا ویلنٹائن ڈے بھی کہا جاتا ہے۔

    چائنا نیوز ویک پر ویبو کی پوسٹ میں لکھا گیا کہ چین کی نسل جاری رکھیں اور جوانی کے اہم کام کو بانٹیں شادی اور بچہ ”صحیح عمر“ میں ہونا چاہیےیہ پیغام ایسے وقت سامنے آیا ہے جب چین کی حکومت نوجوان جوڑوں کو بچے پیدا کرنے کی ترغیب دینے کی کوشش کر رہی ہے، کیونکہ خواتین کی بڑھی تعداد بچے پیدا نہ کرنے کا انتخاب کر رہی ہیں۔

    طالبان نے یونیورسٹی اسکالر شپ کیلئے یو اے ای جانیوالی 100 طالبات کو روک دیا

    بہت سی خواتین بچوں کی پرورش کے زیادہ اخراجات، اپنے کیریئر کو جاری رکھنے میں دشواری، صنفی امتیاز، اور شادی نہ کرنے کی خواہش کو اولاد نہ چاہنے کے اہم عوامل کے طور پر بتاتی ہیں چین میں سرکاری قوانین کے تحت سنگل یا غیر شادی شدہ خواتین کے لیے شادی کے بغیر بچے پیدا کرنا مشکل بلکہ تقریباً ناممکن ہے لیکن ملک کے جنوب مغرب میں سچوان جیسے کچھ صوبوں نے زرخیزی کی سطح کو بڑھانے کے لیے گزشتہ سال قوانین کو رد کرنا شروع کر دیا ہے۔

    چین کی آبادی میں چھ دہائیوں میں پہلی بار کمی ریکارڈ کی گئی ہے اس کی تیزی سے گرتی ہوئی آبادی کے بارے میں فکرمند، حکومت کے سیاسی مشیروں نے مارچ میں تجویز پیش کی تھی کہ سنگل اور غیر شادی شدہ خواتین کو دیگر خدمات کے علاوہ انڈے منجمد کرنے اور ان وٹرو فرٹیلائزیشن (IVF) علاج تک رسائی حاصل ہونی چاہیے۔

    21 بھارتی طلبا امریکا سے جعلی ویزوں کی وجہ سے ڈی پورٹ

  • چین میں چینی مٹی سے بنے ​​پانی کے پائپوں کا ایک قدیم ترین نیٹ ورک دریافت

    چین میں چینی مٹی سے بنے ​​پانی کے پائپوں کا ایک قدیم ترین نیٹ ورک دریافت

    یو سی ایل کے محققین کی ایک نئی تحقیق سے پتہ چلتا ہے کہ قدیم سیرامک ​​پانی کے پائپوں کا ایک نظام، جو چین میں اب تک کا سب سے قدیم دریافت کیاگیا ہے،یہ ظاہرکرتا ہے کہ نیو لیتھک لوگ کسی مرکزی ریاستی اتھارٹی کی ضرورت کےبغیرانجینئرنگ کے پیچیدہ کارناموں کے قابل تھے-

    باغی ٹی وی:یونیورسٹی کالج لندن کے محققین نے چین میں ایک قدیم بستی میں چینی مٹی (ceramic) سے بنے ​​پانی کے پائپوں اور نکاسی آب کے گڑھوں کا ایک پیچیدہ نیٹ ورک دریافت کیا ہے یہ دریافت neolithic زمانے سے تعلق رکھتی ہے اور حیرت کا ثبوت دیتی ہے کہ اس وقت کے لوگ کسی مرکزی ریاستی اتھارٹی کی ضرورت کے بغیر انجینئرنگ کے اہم کارنامے انجام دینے کے قابل تھے۔

    نیچر واٹر میں شائع ہونے والی ایک تحقیق میں، آثار قدیمہ کی ٹیم نے چینی دیواروں والی پنگلیانگٹائی کے مقام پر سیرامک ​​پانی کے پائپوں اور نکاسی آب کے گڑھوں کے نیٹ ورک کی وضاحت کی ہے جو 4,000 سال پرانا زمانہ ہے جسے لانگشن دور کہا جاتا ہے۔ نیٹ ورک نکاسی آب کے نظام کی تعمیر اور دیکھ بھال کے لیے کمیونٹی کے درمیان تعاون کو ظاہر کرتا ہے، حالانکہ مرکزی طاقت یا اتھارٹی کا کوئی ثبوت نہیں ہے۔

    ایکس کے مقابلے میں لائی جانیوالی ایپ تھریڈز کے استعمال میں 79 فیصد کمی

    انسٹی ٹیوٹ آف آرکیالوجی،یو سی ایل کے ڈاکٹر ییجی ژوانگ کا اس موقع پر کہنا تھا کہ اس سیرامک ​​پانی کے پائپ نیٹ ورک کی دریافت قابل ذکر ہے کیونکہ پنگلیانگٹائی کے لوگ پتھر کے زمانے کے اوزاروں کے ساتھ پانی کے انتظام کے اس جدید نظام کو بنانے اور برقرار رکھنے کے قابل تھے اور اس نظام کو کمیونٹی کی وسیع منصوبہ بندی اور ہم آہنگی کی ایک اہم سطح کی ضرورت ہوگی۔

    سیرامک ​​کے پانی کے قدیم پائپ چین میں اب تک دریافت ہونے والا سب سے قدیم مکمل نکاسی کا نظام سمجھا جاتا ہے۔ انفرادی حصوں کو آپس میں جوڑ کر بنائے گئے پانی کے پائپ سڑکوں اور دیواروں میں موجود تھے جو بارش کے پانی کو ہٹانے کا کام بھی کرتے تھے جو کہ نیو لیتھک سائٹ پر مرکزی منصوبہ بندی کی اعلیٰ سطح کو ظاہر کرتے ہیں۔

    عراق میں بنفشی رنگ کا جھنڈا کیوں لہرایا گیا؟

  • پاک چین دوستی اورسی پیک کوسبوتاژ کرنے کی کوئی کوشش کامیاب نہیں ہوگی،چین

    پاک چین دوستی اورسی پیک کوسبوتاژ کرنے کی کوئی کوشش کامیاب نہیں ہوگی،چین

    چین نےگوادر میں چینی انجینیئرز پر دہشت گرد حملے کی مذمت کرتے ہوئے کہا کہ پاکستان میں چینی اہلکاروں ،منصوبوں کے تحفظ کے لیے کام کرتے رہیں گے-

    باغی ٹی وی :ترجمان چینی وزارت خارجہ وانگ وینبن نے میڈیا بریفنگ میں کہا ہے کہ 13 گست کوچینی انجینئرزکے قافلےکو نشانہ بنایا گیا، حملے میں کوئی چینی شہری ہلاک یا زخمی نہیں ہوا،پاک چین دوستی اورسی پیک کوسبوتاژ کرنے کی کوئی کوشش کامیاب نہیں ہوگی-

    وانگ وینبن نے کہا کہ چین پاکستان سے مل کر دہشتگردی کے خطرات سے نمٹنے کے لیے کام جاری رکھے گا، پاکستان میں چینی اہلکاروں ،منصوبوں کے تحفظ کے لیے کام کرتے رہیں گے،پاکستان میں چینی سفارت خانے اور قونصل خانے نے فوری طور پر ہنگامی اقدامات کا آغاز کیا ہے، پاکستانی حکام منصوبہ سازوں کو انصاف کے کٹہرے میں لائیں، پاکستان میں منصوبوں پر کام کرنے والے چینی شہری،کمپنیاں اور ادارے چوکس رہیں علاوہ ازیں انہوں نے سکیورٹی کو مضبوط بنانے کے اقدامات کی ہدایت کی ہے۔

    ایرانی وزیر خارجہ بہت جلدسعودی عرب کا دورہ کریں گے

    واضح رہے کہ 13 اگست کو گوادربندرگاہ کےقریب چینی شہریوں کے ایک قافلے پر حملہ کیا گیا تاہم سکیورٹی فورسز نے دہشتگردوں کا قافلے پر حملہ ناکام بناتے ہوئے 2 حملہ آوروں کو ہلاک کیا تھاپاک فوج کے شعبہ تعلقات عامہ کے مطابق دہشتگردوں کے حملے میں کوئی جانی نقصان نہیں ہوا، سکیورٹی فورسز امن اور خوشحالی کے دشمنوں کی ہر کوشش ناکام بنانے کے لیے پر عزم ہیں،گوادر حملے کے بعد چین نے پاکستانی حکام سے مطالبہ کیا ہے کہ وہ تخریب کاروں کو سخت سزائیں دیں اور چینی شہریوں کے تحفظ کو یقینی بنائیں۔

    اقتصادی کامیابی کیلئے پاکستان کی بھرپورحمایت جاری رکھیں گے،یوم آزادی پر امریکا کا پیغام

  • بائیڈن کا چین میں امریکی ٹیکنالوجی کی سرمایہ کاری پر پابندی کا حکم

    بائیڈن کا چین میں امریکی ٹیکنالوجی کی سرمایہ کاری پر پابندی کا حکم

    نیویارک: امریکی صدر نے ایگزیکٹو آرڈر پر دستخط کیے ہیں، جس کے تحت چین میں حساس ٹیکنالوجی میں امریکی سرمایہ کاری پر پابندی ہوگی، ساتھ ہی دیگر ٹیک سیکٹرز میں فنڈنگ ​کے لیے حکومت کی اجازت کی ضرورت ہوگی۔

    باغی ٹی وی: برطانوی اخبار کی رپورٹ کے مطابق صدر جو بائیڈن نے بدھ کے روز ایک ایگزیکٹو آرڈر پر دستخط کیے جو کمپیوٹر چپس جیسی حساس ٹیکنالوجیز میں چین میں کچھ نئی امریکی سرمایہ کاری پر پابندی لگائے گا اور دیگر ٹیک سیکٹرز میں حکومتی اطلاع کی ضرورت ہے۔

    طویل انتظار کا حکم امریکی وزیر خزانہ کو تین شعبوں میں چینی اداروں میں امریکی سرمایہ کاری کو روکنے یا محدود کرنے کا اختیار دیتا ہے امریکا کی جانب سے چین میں ٹیکنالوجی کے جن سیکٹرز میں پابندی عائد کی ہے، ان میں سیمی کنڈ کٹرز اور مائیکرو الیکٹرانکس، کوانٹم انفارمیشن ٹیکنالوجیز اور کچھ مصنوعی ذہانت کے نظام شامل ہیں-

    پاکستان کے حوالے سےامریکا پر لگائے جانے والے الزامات جھوٹے ہیں،امریکی محکمہ خارجہ

    انتظامیہ نے کہا کہ پابندیاں تینوں علاقوں کے "تنگ سب سیٹ” پر لاگو ہوں گی لیکن تفصیلات نہیں بتائیں۔ تجویز عوامی ان پٹ کے لیے کھلا ہےاس آرڈر کا مقصد امریکی سرمائے اور مہارت کو چین کو ایسی ٹیکنالوجیز تیار کرنے میں مدد کرنے سے روکنا ہے جو اس کی فوجی جدید کاری میں مدد دے سکتی ہیں اور امریکی قومی سلامتی کو نقصان پہنچا سکتی ہیں۔ اس اقدام کا ہدف پرائیویٹ ایکویٹی، وینچر کیپیٹل، جوائنٹ وینچرز اور گرین فیلڈ سرمایہ کاری ہے۔

    بائیڈن نے کانگریس کو لکھے گئے ایک خط میں کہا کہ وہ چین جیسے ممالک کی جانب سے حساس ٹیکنالوجیز اور مصنوعات میں فوج، انٹیلی جنس، نگرانی، یا سائبر سے چلنے والی صلاحیتوں کے لیے اہم خطرے سے نمٹنے کے لیے قومی سطح پر ایمرجنسی کا اعلان کر رہے ہیں۔

    خط کے مطابق چینی کمپنیوں میں سرمایہ کاری کو ہدف بنایا گیا ہے، جو سافٹ ویئر تیار کرنے کے لیے چپس اور اوزار تیار کرتی ہیں۔ امریکا، جاپان اور نیدرلینڈز ان شعبوں پر برتری رکھتے ہیں لیکن دو بڑی معیشتوں کے درمیان تناؤ کو ہوا دے سکتا ہے۔ امریکی حکام نے اصرار کیا کہ ان پابندیوں کا مقصد ”انتہائی شدید“ قومی سلامتی کے خطرات سے نمٹنے کے لیے تھا۔

    پاکستان میں عام انتخابات پر ہنگاموں پرتشویش ہے،امریکا

    سینیٹ کے ڈیموکریٹک رہنما چک شومر نے بائیڈن کے اقدام کی تعریف کرتے ہوئے کہا کہ بہت عرصے سے امریکی پیسے نے چینی فوج کے عروج کو ہوا دی ہے۔ امریکی سرمایہ کاری چینی فوجی پیشرفت کے لیے فنڈز میں نہ جائے۔ریپبلکن نے کہا کہ بائیڈن کا حکم کافی حد تک نہیں گیا۔

    دوسری جانب واشنگٹن میں چینی سفارت خانے کے ترجمان نے کہا کہ چین اس اقدام سے ”بہت مایوس“ ہے۔ بیان میں لیو پینگیو نے کہا کہ یہ پابندیاں چینی اور امریکی کمپنیوں اور سرمایہ کاروں کے مفادات کو سنجیدگی سے مجروح کریں گی لیکن چین صورتحال کو قریب سے دیکھے گا۔

    اس کے اگلے سال لاگو ہونے کی توقع ہے۔ ریگولیٹرز پروگرام کے دائرہ کار کی مزید وضاحت کے لیے مجوزہ قاعدہ سازی کا پیشگی نوٹس جاری کرنے کا ارادہ رکھتے ہیں اور باضابطہ تجویز پیش کرنے سے پہلے عوامی رائے طلب بھی کی جائے گی۔

    پاکستان کے حوالے سےامریکا پر لگائے جانے والے الزامات جھوٹے ہیں،امریکی محکمہ خارجہ

  • چین:سیاحتی مقام پر دریا میں اچانک سیلابی ریلا آگیا،کئی افراد بہہ گئے

    چین:سیاحتی مقام پر دریا میں اچانک سیلابی ریلا آگیا،کئی افراد بہہ گئے

    چین کے صوبے سیچوان کے سیاحتی مقام پر دریا میں اچانک سیلابی ریلا آگیا، جس کی زد میں آکر کئی افراد طوفانی ریلے میں بہہ گئے۔

    باغی ٹی وی: فوٹو گرافی میں مصروف درجنوں سیاح اچانک آنے والے سیلابی ریلے سے سنھبل نہ پائے اور طوفانی ریلے میں بہہ گئے۔ حکام نے 7 افراد کے ہلاک ہونے کی تصدیق کی ہے درجنوں سیاح تاحال لاپتہ ہیں جبکہ چار افراد کو بچالیا گیا ہے چینی حکام کے مطابق ندی میں پانی ڈیم اوورفلو ہونے پر چھوڑا گیا،سیاحوں کو پانی چھوڑے جانے کی وارننگ کا علم نہ ہوا ہے اس وجہ سے وہ اس کی ذد میں آگئے۔

    بیجنگ میں شدید بارشیں، ہلاکتوں کی تعداد 33 ہو گئی

    چین کے دارالحکومت میں شدید بارشوں کے نتیجے میں ہلاکتوں کی تعداد 33 ہوگئی جب کہ 18 افراد اب بھی لاپتا ہیں، بیجنگ میں ہونے والی ریکارڈ توڑ بارشوں میں مزید 33 افراد ہلاک ہوگئے ہلاکتوں میں اضافے کا خدشہ ظاہر کیا جا رہا ہے بیجنگ کے مئیر نے بتایا تھا کہ بیجنگ میں مسلسل ہونے والی بارشوں میں انفراسٹر کچر کو بھی شدید نقصان پہنچا ہے۔ ٹریفک کا نظام درہم برہم ہوگیا اور کئی علاقوں میں بجلی منقطع ہوگئی،جبکہ چین ایک ماہ کے دوران بارشوں میں ہلاک اور لاپتا ہونے والوں کی تعداد 147 ہوگئی، بارشوں میں ہلاک ہونے والوں میں ریسکیو اہلکار بھی شامل ہیں تاہم انھوں نے تعداد نہیں بتائی۔

    ماں نے 7 ہفتوں کے بچے کو چپ کرانے کیلئے فیڈر میں شراب پلا دی