بینکاک:چینی صدر شی جن پھنگ 29 ویں اے پیک غیر رسمی سر برا ہی اجلاس سے خطاب کر تے ہو ئے بین الاقوا می انصاف کو برقرار رکھنے اور ایک پر امن اور مستحکم ایشیا پیسیفک کی تجو یز پیش کی۔جمعہ کے روز چینی میڈ یا کے مطا بقشی جن پھنگ نے تمام فریقوں سے ایشیا پیسیفک ہم نصیب معاشرے کے قیام کی اپیل کی۔

انہوں نے نشاندہی کی کہ گزشتہ چند دہائیوں میں ایشیا پیسیفک خطے کی تیز رفتار ترقی نے پرامن اور مستحکم ماحول سے فائدہ اٹھایا ہے۔شی جن پھنگ نے اس بات پر زور دیا کہ ہمیں کھلے پن اور جامعیت پر قائم رہتے ہوئے اور مشترکہ خوشحالی کے ساتھ ایشیا پیسیفک کی تعمیر کرنا چاہیے،جلد از جلد ایک اعلیٰ سطحی ایشیا پیسفک آزاد تجارتی علاقہ بنانا چاہیے۔ اگلے سال، چین تیسرے بیلٹ اینڈ روڈ فورم برائے بین الاقوامی تعاون کی میزبانی پر غور کرے گا تاکہ ایشیا پیسیفک اور دنیا کی ترقی اور خوشحالی میں نئی تحریک پیدا کی جا سکے۔

انہوں نے سرسبز اور کم کاربن پر مبنی ترقی کو برقرار رکھتے ہوئے ایک صاف اور خوبصورت ایشیا پیسیفک خطے کی تعمیر پر زور دیا۔رواں سال بائیو سرکلر گرین اکانومی بنکاک گولز قائم ہوا، چین اس ہدف کو پورا کرنے کے لیے حمایت فراہم کرے گا۔انہوں نے ایک باہمی تعاون کرنے والے ایشیا پیسیفک کی تعمیر پر زور دیتے ہوئے کہا کہ ایپیک کے اہداف کی پاسداری کی جانی چاہیئے اور باہمی اعتماد،اشتراک،تعاون اور جیت جیت کے اصول پر قائم ایشیا پیسیفک شراکت داری کو مسلسل فروغ دیا جانا چاہئے۔

شی جن پھنگ نے نشاندہی کی کہ چین تمام ممالک کے ساتھ باہمی احترام ،مساوات اور باہمی مفادات کی بنیاد پر پرامن بقائے باہمی اور مشترکہ ترقی کرنے کا خواہاں ہے۔چین چینی طرز کی جدیدیت پر گامزن رہے گا اور دنیا کے ساتھ چین کی ترقی کے مواقع بانٹنا جاری رکھے گا۔

فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف

چائلڈ پورنوگرافی ویڈیوز سوشل میڈیا پر پھیلانے کا کیس، سپریم کورٹ کا بڑا فیصلہ

چائلڈ پورنوگرافی میں‌ ملوث ملزم گرفتار،کتنی اخلاق باختہ ویڈیوز شیطان صفت کے پاس برآمد ہوئیں

لڑکی کو نازیبا ،فحش تصاویر بھیجنے والا ملزم گرفتار

بالی: چین کے صدر شی جنپنگ نے انڈونیشیا میں ہونے والے جی 20 سربراہ اجلاس سے خطاب کرتے ہوئے کہا کہ شرح سود میں اضافے کو روکنے کی ذمہ داری دولت مند ممالک کو لینی چاہیے تاکہ دنیا میں یکساں طور پر ترقی، تعمیر اور خوشحالی کی راہ ہموار ہو۔

عالمی خبر رساں ادارے کے مطابق انڈونیشیا کے جزیرے بالی میں ہونے والے جی 20 سربراہی اجلاس سے خطاب کرتے ہوئے چینی صدر شی جنپنگ نے کہا کہ ہر قوم بہتر زندگی کی خواہش رکھتی ہے۔ ترقی یافتہ ممالک کو مخلصانہ طور پر دوسروں کی ترقی میں مدد کرنی چاہیے۔

چین کے صدر نے مزید کہا کہ اس دنیا میں خوشحالی اور استحکام اس وقت تک ممکن نہیں جب تک امیر، امیر تر اور غریب، غریب تر ہوتا چلا جائے۔ ہمیں عالمی افراط زر پر قابو پانے اور معیشت اور مالیات میں منظم خطرات کو حل کرنے کے لیے مشترکہ کوششیں کرنا چاہیے۔

صدر شی جنپنگ نے اس بات پر بھی زور دیا کہ دولت ممالک اپنی ذمہ داریاں پوری کرتے ہوئے تمام ممالک کے لیے ترقی کے یکساں مواقع پیدا کریں۔

چینی صدر نے یہ بھی کہا کہ اسی طرح ترقی یافتہ معیشتوں کو مانیٹری پالیسی ایڈجسٹمنٹ کے منفی اثرات کو کم اور قرضوں کو پائیدار سطح پر مستحکم کرنا چاہیے۔

چینی صدر نے خبردار کیا کہ خوراک اور توانائی کے مسائل کو سیاسی بنانے سے گریز کیا جائے۔ مساوات کے بغیر دنیا میں امن ممکم نہیں۔

لاپتہ افراد کی عدم بازیابی، سندھ ہائیکورٹ نے اہم شخصیت کو طلب کر لیا

 لگتا ہے لاپتہ افراد کے معاملے پر پولیس والوں کو کوئی دلچسپی نہیں

سندھ ہائیکورٹ کا تاریخی کارنامہ،62 لاپتہ افراد بازیاب کروا لئے،عدالت نے دیا بڑا حکم

انسان کی لاش مل جائے انسان کو تسلی ہوجاتی ہے،جبری گمشدگی کیس میں عدالت کے ریمارکس

امریکی فیڈرل بیورو آف انویسٹی گیشن نے انکشاف کیا ہے کہ چین اور ایران امریکہ میں مخالفین کی جاسوسی کے لیے نجی تفتیش کاروں کو استعمال کر رہے ہیں۔

باغی ٹی وی : امریکی اخبار "نیو یارک ٹائمز” کے مطابق ایف بی آئی کے تفتیش کاروں نے نیویارک اور کیلیفورنیا سمیت متعدد امریکی ریاستوں میں ایرانی نجی جاسوسوں کی تیزی سے موجودگی کی تصدیق کی۔

تائیوان پہلی سرخ لکیر ہے جو امریکا چین تعلقات میں عبور نہیں ہونی چاہیے،چینی صدر

ایف بی آئی کا کہنا تھا کہ ایران تفتیش کاروں کو یہ معلوم کرنے کے لیے استعمال کر رہا ہے کہ لوگ کہاں رہتے ہیں اور ان کی شناخت کیا ہے۔ ایران ان نجی جاسوسوں کے ذریعہ سے مخالفین کے فون نمبرز اور کام کی جگہ کا تعین بھی کرا رہا ہے۔

ایف بی آئی نے وضاحت کی کہ ایرانی انٹیلی جنس نے ممتاز ایرانی نژاد امریکی صحافی مسیح علی نجاد کو اغوا کرنے کی کوشش بھی کی ہے۔

امریکہ کو چین کے ساتھ تنازع میں نہیں گھسیٹا جائے گا. امریکن صدر جوبائیڈن

واضح رہے 16 ستمبر کو حجاب نہ کرنے پر گرفتاری کے بعد مہسا امینی کی پولیس کی حراست میں موت کے بعد سے مظاہرے جاری ہیں۔ دو ماہ سے زیادہ عرصہ سے مظاہرین سڑکوں پر ہیں اور ایرانی حکام کے خلاف شدید نعرہ بازی کر رہے ہیں-

ان مظاہروں میں درجنوں افراد ہلاک ہوچکے ہیں کم از کم دو ہزار افراد کے خلاف مقدمات قائم کیے جا چکے اور اتوار کے روز پہلی مرتبہ ایک احتجاجی شہری کو موت کی سزا بھی سنا دی گئی ہے۔

چینی صدر دسمبر میں سعودی عرب کا دورہ کریں گے:سعودی وزارت خارجہ

باغی ٹی وی : چینی صدر شی جن پنگ کا کہنا ہےکہ تائیوان چین کا اندرونی معاملہ ہے، تائیوان پہلی سرخ لکیر ہے جو امریکا چین تعلقات میں عبور نہیں ہونی چاہیے۔

باغی ٹی وی : کے مطابق انڈونیشیا کے جزیرے بالی میں امریکا اور چین کے صدورکی ملاقات ہوئی جس میں دو طرفہ تعلقات سمیت مختلف امور پر گفتگو کی گئی شی نے امریکی رہنما پر زور دیا کہ وہ تائیوان کے حوالے سے بیجنگ کے ساتھ کیے گئے امریکی وعدوں کو ٹھوس اقدامات میں تبدیل کریں۔

چینی صدر شی جن پنگ نے امریکی صدر جو بائیڈن سے 2017 کے بعد ان کی پہلی ذاتی ملاقات کے دوران کہا کہ تائیوان کا سوال چین کے بنیادی مفادات کا بہت بنیادی ہے اور دو طرفہ تعلقات میں "پہلی سرخ لکیر” ہے جسے عبور نہیں کرنا چاہیے۔

چینی میڈیا کے مطابق ملاقات میں چینی صدر شی جن پنگ نے امریکی صدر بائیڈن کو باور کرایا کہ تائیوان کا سوال چین کے بنیادی مفادات کا مرکز ہے،کسی کی تائیوان کو چین سے علیحدہ کرنےکی کوشش چینی قوم کے بنیادی حقوق کی خلاف ورزی ہوگی۔

چینی صدرکا کہنا تھا کہ تائیوان چین کا اندرونی معاملہ ہے، تائیوان پہلی سرخ لکیر ہے جو امریکا چین تعلقات میں عبور نہیں ہونی چاہیے، امید ہےکہ امریکا ون چائنا پالیسی کی پاسداری کرتے ہوئے اپنے الفاظ کوعملی جامہ پہنائےگا۔

چینی میڈیا کے مطابق چینی صدر کا مزیدکہنا تھا کہ دونوں ملکوں کا مقابلہ ایک دوسرے سے سیکھنے کے لیے ہونا چاہیے تاکہ خود کو بہتر بنا کر ساتھ ترقی کی جائے، مقابلہ دوسرے فریق کو زیرکرنے کے لیے نہیں ہونا چاہیے، کسی بھی فریق کو دوسرے کو یا اس کے نظام کو تبدیل کرنےکی کوشش نہیں کرنی چاہیے۔

شی جن پنگ نے کہا کہ کوروناکے بعد عالمی بحالی، موسمیاتی تبدیلیوں سے نمٹنا اور امریکا چین تعاون کے ذریعےعلاقائی مسائل حل کرنا باہمی مفاد میں ہے، چین تجارتی اور معاشی تعلقات کو سیاست اور ہتھیاروں کی نذر کرنےکا مخالف ہے۔

چینی صدر نے یوکرین کی صورتحال پر گہری تشویش کا اظہار کیا اور روس یوکرین بات چیت کے دوبارہ شروع ہونے کی حمایت کی۔

بیجنگ تائیوان کوچین کا ناقابل تنسیخ حصہ سمجھتاہےخود مختار جزیرے کی جمہوری طورپرمنتخب حکومت بیجنگ کےاس پرخود مختا ری کے دعووں کو مسترد کرتی ہے، جب کہ حالیہ برسوں میں امریکہ چین پر تائیوان کی آزادی کی حوصلہ افزائی کا الزام لگاتا رہا ہے۔

ریاض: سعودی وزیر مملکت برائے خارجہ عادل الجبیر نے تصدیق کی ہے کہ چین کے صدر شی جنپنگ دسمبر کے وسط میں سعودی عرب کا دورہ کریں گے۔

عالمی خبر رساں ادارے کے مطابق سعودی وزیر مملکت برائے امور خارجہ عادل الجبیر نے دسمبر کے وسط میں چینی صدر کی سعودیہ آمد کی تصدیق کرتے ہوئے کہا کہ چین سعودی عرب کا سب سے بڑا تجارتی شراکت دار ہے۔

سعودی وزیر مملکت نے مزید کہا کہ دونوں ممالک کے درمیان کثیر الاشتراکی سرمایہ کاری ہے۔ دورے میں تجارتی تعلقات میں مزید مضبوطی اور علاقائی سلامتی اولین ترجیح ہوگی۔

خیال رہے کہ چین کے دسمبر میں متوقع دورۂ سعودی عرب کا اعلان اُس وقت سامنے آیا جب سعودی عرب اور امریکا کے درمیان تیل کی سپلائی پر تنازع اور تناؤ ہے۔ خلیج عرب ممالک کے بعض معاملات پر بھی امریکا اور سعودی عرب کے درمیان کشیدگی ہے۔رائٹرز سے بات کرتے ہوئے سعودی وزیر عادل الجبیر نے کہا کہ یہ دورہ غیر معمولی نہیں۔ ہمارا بہت کچھ داؤ پر لگا ہے۔ تاہم ایسے دورے ہمارے دوسرے تجارتی شراکت دار بھی کرتے ہیں جس میں امریکا، برطانیہ، فرانس اور جرمنی شامل ہیں۔

واضح رہے کہ چینی صدر کے دورۂ سعودی عرب کے بارے میں خبریں زیر گردش تھیں تاہم چینی حکام نے لاعلمیت کا اظہار کیا تھا اور تاحال چین کی جانب سے دورے کے تصدیق نہیں ہوئی ہے۔

عمران خان کے صاحبزادوں قاسم اور سلیمان کی زمان پارک آمد 

شوکت خانم کے باہر سے مشکوک شخص گرفتار

جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا