Baaghi TV

Tag: چین

  • یوکرینی وزیردفاع کا فوجیوں کو روس سے جنگ کیلئے تیار رہنےکا حکم

    یوکرینی وزیردفاع کا فوجیوں کو روس سے جنگ کیلئے تیار رہنےکا حکم

    ماسکو:یوکرینی وزیردفاع کا فوجیوں کو روس سے جنگ کیلئے تیار رہنےکا حکم،اطلاعات کے مطابق یوکرین کے وزیردفاع نے یوکرینی فوجیوں کو جنگ کے لیے تیار رہنےکا حکم دے دیا۔

    روس کی طرف سے یوکرین کوٹکڑے ٹکڑے کرنے کی سازش کے خلاف یوکرینی وزیردفاع اولیکسی ریزنیکوف نے وزارت دفاع کی ویب سائٹ پر جذباتی پیغام پوسٹ کیا۔ اور کہا کہ روس نے جنگ کی بنیاد رکھ دی ہے

    اولیکسی ریزنیکوف نے اپنے پیغام میں فوجیوں کو کہا کہ وہ جنگ کے لیے تیار رہیں، مشکلات ہوں گی، نقصانات ہوں گے، ہمیں درد کو برداشت کرنا ہوگا، ہمیں خوف اور مایوسی پر قابو پانا ہوگا، روس کے خلاف یقینی فتح ہوگی۔

    یوکرینی وزیردفاع کا کہنا تھا کہ کریملن نے سوویت یونین کی بحالی کے لیے ایک اور قدم اٹھایا ہے،کل پیوٹن نے اپنا اصلی چہرہ دکھایا، مجرم کاچہرہ ، جوپوری آزاد دنیا کویرغمال بنانا چاہتا ہے۔

    خیال رہے کہ روسی صدر ولادیمیر پیوٹن نے مشرقی یوکرین کے دو علیحدگی پسند علاقوں کو آزاد ریاست کے طور پر تسلیم کرنے کے انتظامی آرڈر پر دستخط کردیے ہیں۔

    گذشتہ روز پیوٹن نے قوم سے خطاب میں اعلان کیا کہ انہوں نے یوکرین کے دو علاقوں کو آزاد ریاستوں کے طور پر تسلیم کرنے کے حکم نامے پر دستخط کردیے ہیں اور روسی پارلیمنٹ سے کہا ہے کہ وہ جلد از جلد اس کی توثیق کرے۔پیوٹن نے اپنے خطاب کے اختتام پر کہا کہ ’مجھے امید ہے کہ روسی عوام کی حمایت حاصل ہوگی’۔

    دوسری جانب یوکرین کےصدر ولودی میرزیلنسکی نے روسی اقدام کےجواب میں ‘نورڈ اسٹریم ٹو پراجیکٹ’ فوری طورپرروکنےکامطالبہ کیاہے.

    یوکرین کےصدر کا کہناہے روس سے نیچرل گیس بذریعہ بالٹک سمندر جرمنی بھیجنے کا پراجیکٹ نورڈاسٹریم ٹو فوری طورپر روکا جائے، روس کو مشرقی یوکرین کےدو علاقوں کو آزاد ریاست تسلیم کرنے پر فوری پابندیوں کی سزا کے ساتھ یہ سزا بھی ملنی چاہیے۔

  • یوکرین تنازعہ:روس کی جوہری جنگی مشقیں:امریکہ اور اتحادی بھی تیار:چین بھی ہوشیار

    یوکرین تنازعہ:روس کی جوہری جنگی مشقیں:امریکہ اور اتحادی بھی تیار:چین بھی ہوشیار

    میونخ:یوکرین تنازعہ:روس کی جوہری جنگی مشقیں:امریکہ اور اتحادی بھی تیار:چین بھی ہوشیار،اطلاعات کے مطابق ایک طرف روس نے امریکہ ، نیٹو اور دیگراتحادیوں کو جوہری جنگی مشقیں شروع کرکے ایک وارننگ دی ہے تو دوسری طرف امریکہ ، نیٹو اور دیگر اتحادی بھی مقابلے کے لیے تیار نظرآتےہیں ، ادھر اسی اثنا میں جرمنی میں جاری میونخ سکیورٹی کانفرنس میں امریکا اور نیٹو اتحادیوں نے روس کو اشتعال انگیزی کاذمہ دار قرار دے دیا، غیر معمولی پابندیوں کی دھمکی بھی دے ڈالی، چین نے روس کے موقف کی حمایت کرتے ہوئے ماسکو کے خدشات کو دور کرنے پر زور دیا۔

    جرمنی میں میونخ سکیورٹی کانفرنس جاری، یوکرین کا معاملہ زیر بحث آیا تو یوکرین کے صدر کا کہنا تھا کہ کیف ماسکو کے خلاف یورپ کی ڈھال ہے،یوکرین نے8 سال سے دنیا کی بڑی فوج کو روک رکھا ہے، روس کے ہرقسم کے اقدام کے لئے بھرپور تیار ہیں۔

    نیٹو کے جنرل سیکرٹری کا کہنا تھا کہ روس مشرقی یورپ میں نیٹو افواج کی کمی چاہتا ہے مگر اس اشتعال انگیزی سے نیٹو افواج کی تعداد میں اضافہ ہو گا۔ امریکی نائب صدر کملا ہیرس نے کہا کہ حملے کی صورت میں صرف معاشی پابندیاں ہی نہیں لگیں گی بلکہ نیٹو کے مشرقی دفاع کو مزید مستحکم کیا جائے گا۔

    چینی وزیر خارجہ نے امریکا اور یورپی ممالک کو تنقید کا نشانہ بنایا، میونخ کانفرنس سے ویڈیو لنک کے ذریعہ خطاب میں کہا کہ امریکا اور مغربی ممالک روس کے خدشات کا احترام کریں، کیا نیٹو کے مشرق کی جانب پھیلاؤ سے یورپ میں امن قائم ہو جائے گا۔

    یوکرین کو مشرق اور مغرب کے درمیان پل کا کام کرنا چاہیے، محاذ کا نہیں میونخ سیکورٹی کانفرنس کی سائڈ لائنز میں جی سیون کے وزرائے خارجہ کا اجلاس بھی ہوا۔

    یوکرین کی مشرقی چیک پوسٹ پر روسی حمایت یافتہ علیحدگی پسندوں کی شیلنگ کے بعدحالات مزید کشیدہ ہوگئے، درجنوں راکٹ یوکرینی وزیر داخلہ کے فرنٹ لائن کے دورے کے دوران سو میٹر کی حدود میں گرے۔ روس نے جوہری جنگی مشقوں کا باقاعدہ آغاز کر دیا، روسی فضائیہ نے جنگی طیاروں سے ہائپر سانک کروز میزائل ہدف پر داغے، وزارت دفاع نے بیلسٹک میزائل بھی فائر کرنے کی ویڈیو جاری کردی۔

    جرمنی اور فرانس نے ہنگامی بنیادوں پر اپنے شہریوں کو یوکرین چھوڑنے کا کہہ دیا، جرمن ایئر لائن لفتھانسا نے یوکرین کے دارالحکومت کیف اور اوڈیسا کے لئے پروازیں منسوخ کر دیں۔

  • چین میں کرپٹ لوگوں کو کیسے سزا دی جاتی رہیِ؟ پرانی ویڈیو وائرل

    چین میں کرپٹ لوگوں کو کیسے سزا دی جاتی رہیِ؟ پرانی ویڈیو وائرل

    چین میں کرپٹ لوگوں کو کیسے سزا دی جاتی رہیِ؟ پرانی ویڈیو وائرل

    اطلاعات کے مطابق اس وقت جہاں پاکستان میں حکومت کے خلاف اپوزیشن جوڑ توڑ اور سازشوں میں مصروف ہے ، دوسری طرف ملک میں کرپشن کنٹرول کرنے کے حوالے سے چین کا کرپش فری ماڈل پاکستان میں اپنانے اور لانے کے لیے چینی سوشل میڈیا ٹیموں نے پاکستانی مقتدر اداروں اور دیگر اہم سوشل میڈیا پیجز پر ایک ایسی ویڈیو وائرل کردی ہے کہ جس کو دیکھنے کےبعد بہت سے خیالات اور احساسات نے جنم لے لیا ہے

    اہم ذمہ داران کو شیئر کی جانی والی یہ ویڈیو 11 سال پرانی ہے لیکن اس میں دیکھنے والوں کےلیے بہت کچھ ہے ، اس ویڈیو کو شیئر کرنے والوں نے پاکستان میں چین کا کرپشن فری ماڈل نافذ کرنےکے لیے یہ ویڈیو وائرل کی ہے

    گیارہ سال پہلے کرپشن پر سزائے موت پانے والے ان چینی وائس میئرز کی کہانی کچھ اس طرح تھی کہ چین میں دوسابق نائب میئرز کو پھانسی دے دی گئی جولائی 2011 میں ان دونوں پراختیارات کے ناجائز استعمال اور رشوت لینے کے الزامات ثابت ہو نے کے بعد ان کو پھانسی کی سزا سنا دی گئی تھی

    تاریخ کے اوراق کو پلٹیں‌تو معلوم ہوتا ہے کہ چینی عدالت عظٰمی اور سرکاری ذرائع ابلاغ کے مطابق دونوں میئر حضرات نے مشرقی چین میں تیزی سے ترقی کرتے ہوئے دو شہروں میں تعمیراتی اور مختلف قسم کے دیگر منصوبوں میں دخل اندازی کی اور اپنے اختیارات کا ناجائز استعمال کیا۔ ٹھیکے اپنے من پسند افراد کو دلانے کے لیے انہوں نے لاکھوں ڈالر رشوت لی تھی ۔

    عدالت عظٰمی کی ویب سائٹ پر موجود تفصیلات کے مطابق شنگ ژو شہرکے سابق نائب میئر Xu Maiyong اور سوجو شہرکے نائب میئرJiang Renjie کو منگل کی صبح پھانسی دی گئی۔

    سرکاری خبر رساں ایجنسی شنہوا نے 19 جولائی کو ہی بتادیا تھا کہ Xu Maiyong نے سرکاری منصوبوں میں مداخلت کی اور مختلف افراد اورکمپنیوں کو فائدے پہنچائے، جس کے عوض انہیں تقریباً 22 ملین ڈالر رشوت کے طور دیے گئےتھے ۔ اسی طرح دوسرے نائب میئر Jiang نے جائیداد کا کام کرنے والوں سے 108 ملین یوآن رشوت لی تھی ۔

    چین کی کمیونسٹ حکومت کا دعویٰ ہے کہ ملک سے جرائم اور بدعنوانی کو مکمل طور پر ختم کرنے کا عزم کیے ہوئے ہیں ۔ اس سلسلے میں وہ سخت سے سخت اقدامات اٹھانے سے بھی گریز نہیں کرتی۔

     

     

    یاد رہے کہ اس سے پہلے چین میں2007ء میں بیجنگ حکام نے شنگھائی میں کمیونسٹ پارٹی کے سربراہ کو برطرف کر دیا تھا۔ ان کا شمار پارٹی کے طاقت ور ترین افراد میں ہوتا تھا۔ اس کے علاوہ رواں سال بدعنوانی کے الزامات کی وجہ سے ریلوے کے وزیر کو بھی ان کے عہدے سے ہٹا دیا گیا تھا۔

    دوسری طرف پاکستان میں 11 سال بعد وائرل ہونے والی ویڈیو کے بارے میں کہا جارہا ہےکہ اس ویڈیو کے وائرل کرنے میں عمران خان کےلیے ایک پیغام ہے کہ ان کے دورہ چین کے دوران چینی صدر سے ہونے والی گفتگو میں جہاں چینی صدر نے پاکستان کو کرپشن فری کرنے لیے کرپٹ لوگوں کو سخت سزائیں دینے کی تجویز دی گئی تھی حالیہ ویڈیواس حوالے سے ایک ریمانڈر ہے

    یہ بھی کہا جارہا ہے کہ کرپشن فری پاکستان کے لیے چینی صدر نے عمران خان کو سمجھانے کی کوشش کی تھی کہ اگر وہ پاکستان میں چینی ماڈل اپنانا چاہتے ہیں تو ان کو اس قسم کے سخت فیصلے بھی کرنے ہوں گے ، حالیہ ویڈیو ان تجاویز کی ایک کڑی ہے اور یہ ان طاقتورکرپٹ شخصیات کے خلاف سخت فیصلہ لینے کے لیے ایک پیغام قراردیا جارہا ہے

  • امریکا کا افغانستان کے اثاثے ضبط کرنا افغانیوں کے حق پر ڈاکہ ہے،چین

    امریکا کا افغانستان کے اثاثے ضبط کرنا افغانیوں کے حق پر ڈاکہ ہے،چین

    چین نے افغانستان کے اثاثے ضبط کرنے کے امریکی اقدام کو افغانیوں کے حق پر ڈاکہ قراردیا ہے۔

    باغی ٹی وی : ترجمان چینی وزارت خارجہ نے امریکی اقدام کو شرمناک قرار دتیے ہوئے واشنگٹن پر زور دیا ہے کہ وہ افغانستان کے تمام اثاثے فوری لوٹائے امریکا عراق، لیبیا اور دیگر ممالک کی عوام کا بھی ازالہ کرے جن کا امریکی فوجی کارروائیوں کی وجہ سے جانی نقصان ہوا۔

    امریکا کا منجمد افغان اثاثوں کو افغان عوام اور نائن الیون متاثرین میں برابر تقسیم کرنےکا فیصلہ

    یاد رہے امریکی صدر نے افغانستان کے امریکا میں منجمد اثاثوں میں سے نصف نائن الیون حملوں کے متاثرین کو دینے کا فیصلہ کیا ہے۔

    امریکی صدر جو بائیڈن نے ایک صدارتی حکم نامے پر دستخط کیے ہیں جس کے مطابق افغانستان کے امریکا میں منجمد سات بلین ڈالرز میں سے نصف افغانستان میں انسانی ہمدردی کے کاموں کے لیے خرچ کی جائے گی۔

    جبکہ نصف رقم نائن الیون دہشت گردانہ حملوں میں متاثر ہونے والوں میں تقسیم کی جائے گی۔ افغان شہریوں نے امریکی صدر کے حکم کی مذمت کی ہے۔ مظاہرین کا کہنا ہے کہ یہ اثاثے افغانوں کے ہیں۔ امریکی صدر انہیں چرا رہے ہیں۔

    برطانوی حکومت نے افغانستان سے متعلق خطرناک بات کہہ دی

    امریکی صدر کے حکم نامے میں یہ بھی کہا تھا کہ منجمد فنڈز میں ساڑھے تین ارب ڈالرز افغان عوام تک پہنچانے کے کا طریقہ کار طے کرلیا ہے تاکہ یہ رقم طالبان کے ہاتھ نہ لگے۔

    قطر میں طالبان کے سیاسی دفتر کے ترجمان محمد نعیم نے اس فیصلے کے بعد ٹویٹ میں رد عمل دیتے ہوئے کہا تھا کہ افغانستان کے مرکزی بینک کے فنڈز پر قبضہ کرنا ’چوری‘ ہے اور ’انسانی اور اخلاقی انحطاط‘ کے سب سے نچلے درجے پر گرنے کی نشانی ہے۔

    ابوظبی ولی عہد اورترک صدر کی ملاقات،یو اے ای اور ترکی کے درمیان 13 معاہدوں اور…

  • بھارت میں مزید 54 چینی ایپس پرپابندی

    بھارت میں مزید 54 چینی ایپس پرپابندی

    بھارت نے چین کی مزید 54 ایپس کو قومی سلامتی کا خطرہ قرار دے کر پابندی عائد کرنے کا اعلان کیا ہے، چین کے ساتھ سرحدی کشیدگی کے آغاز سے اب تک بھارت 300 چینی اپیس پر پابندی عائد کر چکا ہے۔

    باغی ٹی وی :"عالمی خبررساں ادارے الجزیرہ” کے مطابق بھارت کی الیکٹرانکس اور آئی ٹی کی وزارت نے تازہ ترین پابندیوں میں چین کی بڑی ٹیک فرموں جیسے ‘علی بابا’، ‘سویٹ سیلفی ایچ ڈی’، ‘بیوٹی کیمرا’، ‘سیلفی کیمرہ’، ‘گیرینا فری فائر’، ‘الیومیناتے’، ‘ویوا ویڈیو ایڈیٹر’، ‘ٹینسینٹ ایکس ریور’، ‘اونمائیوجی ایرینا’، ‘ایپ لاک’ اور ‘ڈوئل اسپیس لائٹ’ سمیت درجنوں مقبول و معروف ایپس شامل ہیں جو کہ 2020 میں بھارت کی جانب سے پہلے ہی پابندی عائد کردہ ایپس کے دوبارہ برانڈڈ ورژن ہیں۔

    چینی ایپس پر پابندی کے باوجود بھارت چینی کمپنیوں سے چندہ لیتا رہا

    بھارتی انفارمیشن ٹیکنالوجی اور الیکٹرانک کی وزارت کا کہنا ہے کہ یہ ایپس صارفین کا حساس ڈیٹا جمع کرتی ہیں۔ اور اس ڈیٹا کو دشمن ملک میں واقع سرورز پر منتقل کر کے غلط استعمال کیا جاتا ہے۔

    ادارے کا یہ بھی کہنا ہے کہ ان میں سے کچھ ایپس فائن لوکیشن (جی پی ایس) تک رسائی حاصل کر کے، کیمرہ/مائیک کے ذریعے جاسوسی اور نگرانی کی سرگرمیاں بھی انجام دے سکتی ہیں۔

    حکومت کا کہنا ہے کہ یہ ایپس مبینہ طور پر ملک کی خود مختاری اور سالمیت کو نقصان پہنچانے والی سرگرمیوں میں ملوث ہو کر ریاست کی سلامتی اور بھارتی دفاع کے لیے بھی سنگین خطرہ ہیں۔

    گزشتہ سال بھارت نے ٹک ٹاک اور وی چیٹ سمیت 59 ایپلیکیشنز (ایپس) پر مستقل طور پر پابندی عائد کر دی تھی-

    امریکا میں شئیرایٹ اور علی پے سمیت 8 چینی کمپنیوں پر پابندی عائد

    بھارتی میڈیا کے مطابق حکومت نے کمپنیوں سے تفصیلات طلب کی تھیں کہ وہ صارفین کی کیا کیا تفصیلات جمع کرتے ہیں اور انہیں کن مقاصد کے لیے استعمال کرتے ہیں۔

    وزارت داخلہ کے ترجمان نے فوری طور پر اس معاملے پر کوئی تبصرہ نہیں کیا۔

    تازہ ترین اقدام اس وقت سامنے آیا ہے جب دو جوہری ہتھیاروں سے لیس ممالک کے درمیان طویل عرصے سے ہندوستان اور چین ہمالیہ کے ساتھ 3,488 کلومیٹر (2,170 میل) پر جاری تنازع حل نہیں ہوا، 2020 میں ہونے والی خونریز جھڑپ م میں دونوں اطراف کے فوجی ہلاک ہو گئے-

    ہندو انتہا پسندی کے خلاف روشن خیال فورس تیار کی جائے،کمل ہاسن

    چین کے ساتھ لداخ کے سرحدی علاقے میں کشیدگی کے دوران انڈین حکومت نے اس فیصلے کو ایمرجینسی حل اور قومی سلامتی کے لیے ضروری قدم بتایا تھا دونوں ممالک کی افواج کے درمیان پر تشدد جھڑپ میں 15 جون کو 20 انڈین فوجی ہلاک ہو گئے تھے اور چین سے سرمایہ کاری کے لیے ہندوستان میں سخت قوانین بنائے گئے، جن میں ایپس پر پابندی بھی شامل ہے۔

    دونوں ممالک کے درمیان کشیدگی برقرار ہے، ہندوستان کے آرمی چیف نے حال ہی میں پچھلے مہینے کی طرح چینی جارحیت کے خطرے کا حوالہ دیا۔

    بھارت میں 87 سالہ خاتون کو جنسی زیادتی کا نشانہ بنا ڈالا

  • ہماری معیشت درست سمت میں ہے لیکن ملک میں اشیا کی قیمتیں یکساں ہونی چاہئیں،وزیراعظم

    ہماری معیشت درست سمت میں ہے لیکن ملک میں اشیا کی قیمتیں یکساں ہونی چاہئیں،وزیراعظم

    اسلام آباد: وزیر اعظم عمران خان نے کہا ہے کہ ہماری معیشت درست سمت میں ہے لیکن ملک میں اشیا کی قیمتیں یکساں ہونی چاہئیں-

    باغی ٹی وی :وزیر اعظم عمران خان نے میڈیا اور سابق سفیروں سے بات چیت کرتے ہوئے کہا کہ دنیا کا نقشہ تیزی سے بدلتا جا رہا ہے اور ملاقات کا مقصد آپ کی آرا لینا ہے چین کا دورہ انتہائی اہمیت کا حامل تھا اور دورہ چین سے متعلق بھی آپ کی رائے سننا چاہتا ہوں۔

    وزیراعظم اور خاتون اول میں علیحدگی کی خبریں، حقیقت سامنے آ گئی

    انہوں نے کہا کہ افغانستان پر چین اور پاکستان میں مکمل ہم آہنگی پائی جاتی ہے سوائے امریکا کے سب سمجھتے ہیں کہ افغانستان کے منجمد اکاؤنٹ بحال کیے جائیں، افغانستان کے حالات خراب ہوئے تو امریکا کو اور بھی مشکلات کا سامنا ہو گا اور امریکہ اپنے اندرونی مسائل کی وجہ سے پھنسا ہوا ہے امریکی خارجہ پالیسی کی بھی کچھ مجبوریاں ہیں –

    چین سے تعلقات پر بات کرتے ہوئے وزیر اعظم نے کہا کہ ہمارے چین سے تعلقات موجودہ دور کے بعد زیادہ مضبوط ہوئے۔ 2019 میں کورونا کے باعث چین میں لاک ڈاؤن کیا گیا اور چین کے صدر کا دورہ پاکستان ملتوی ہوا جس کی وجہ سے کچھ چیزیں طے ہونے سے رہ گئیں۔ اب 2 سال بعد چین کے صدر سے ملاقات ہوئی۔

    عامر لیاقت کی تیسری شادی:وزیراعظم نے کیا نصیحت کی؟

    انہوں نے کہا کہ ہماری معیشت درست سمت میں ہے لیکن ملک میں اشیا کی قیمتیں یکساں ہونی چاہئیں18ویں ترمیم کے بعد اختیارات صوبوں اور وفاق میں تقسیم ہو گئے اور 18ویں ترمیم کے بعد بہت سے مسائل سامنے آئے اب درپیش مسائل کے حل کے لیے مسلسل اجلاس کر رہے ہیں برآمدات دولت کمانے کا اہم طریقہ ہے سندھ میں اور پنجاب میں گندم الگ الگ قیمت پر فروخت ہو رہی ہے، ایک ملک میں گندم کی قیمت ایک ہی ہونی چاہیے، چین میں ایک فیصلہ ہو جاتا ہے تو سب جگہ عمل درآمد ہوتا ہے سی پیک کے تحت کئی ٹرانسمیشن لائنیں بنائی گئیں۔ ہر ملک نے اپنی آمدنی بڑھانے کے لیے بڑی محنت کی ہے اور چین نے کورونا پر بہترین انداز میں قابو پایا۔

    افغانستان سے کروڑوں روپے کی منشیات پاکستان اسمگل کرنے کی کوشش ناکام

    عمران خان نے کہا کہ چین میں اوپر سے کوئی سگنل آتا ہے تو فوری اس کے اثرات آتے ہیں اور کورونا پابندیوں پر وہاں پر بہت زیادہ سختی تھی دن میں دو دو مرتبہ ہمارے کورونا کے ٹیسٹ ہوتے تھے چین اور پاکستان کے درمیان تعلقات کی جڑیں مضبوط ہیں جبکہ اسٹریٹجک پالیسی پر میں اور میری ٹیم کلیئر ہے ملک میں بہت سی ریفارمز کی ضرورت ہے لیکن اگر آپ ریفارم کرنا نہیں چاہتے تو سب کو خوش کر سکتے ہیں، بل پاس کرانے کے لیے اکثریت کی ضرورت ہے، ہم قومی اسمبلی سے بل پاس کراتے ہیں تو سینیٹ میں پھنس جاتے ہیں۔

    کراچی میں 8 سالہ بچہ زیادتی کے بعد قتل، 2 ملزمان گرفتار

    انہوں نے کہا کہ کوویڈ میں بھی ہم سب سے بہتر نکل گئے اصلاحات کے لیے پارلیمان میں 2 تہائی اکثریت ضروری ہے اور کسی کو خوش کرنے کے بجائے اصلاحات کرنا چاہتے ہیں کورونا کے دوران لاک ڈاؤن نہ کرنے پر مجھ پر بڑی تنقید کی گئی کیونکہ میں کہتا تھا کہ لاک ڈاؤن کریں تو نچلا طبقہ کیا کرے گا اور ہم نے شدید دباؤ کے باوجو د لاک ڈاؤن نہیں کیا۔

    انہوں نے کہا کہ 2 سال پہلے بشکک میں روسی صدر پیوٹن سے ملاقات ہوئی تھی جس میں پیوٹن نے کہا تھا کہ روس میں کوئی اسلام فوبیا نہیں ہے۔

    پیٹرولیم مصنوعات کی قیمتوں میں مزید اضافے کا امکان

  • ٹیکنالوجی نہ صرف پاکستان بلکہ چین کے لیے بھی انتہائی اہم ہے،فواد چوہدری

    ٹیکنالوجی نہ صرف پاکستان بلکہ چین کے لیے بھی انتہائی اہم ہے،فواد چوہدری

    اسلام آباد: وفاقی وزیر اطلاعات فواد چودھری نے کہا ہے کہ ٹیکنالوجی نہ صرف پاکستان بلکہ چین کے لیے بھی انتہائی اہم ہے،ہم چاہتے ہیں چین کی ٹیکنالوجی کمپنیاں پاکستان آئیں-

    باغی ٹی وی : وفاقی وزیر اطلاعات فواد چودھری نے چائنہ اکنامک نیٹ کو دیئے گئے انٹرویو میں کہا کہ پاکستان چین کی مدد سے سیمی کنڈیکٹرز زون قائم کرنا چاہتا ہے اور دورہ چین پر سیمی کنڈیکٹرز انڈسٹری کی پاکستان منتقلی پر گفتگو ہوئی ٹیکنالوجی نہ صرف پاکستان بلکہ چین کے لیے بھی انتہائی اہم ہے۔

    بیجنگ اولمپکس:تقریب میں وزیراعظم عمران خان کی شرکت چین کےلیےاعزازہے:چین…

    وفاقی وزیر اطلاعات نے کہا کہ ہم چاہتے ہیں چین کی ٹیکنالوجی کمپنیاں پاکستان آئیں اور پاکستان کو سیمی کنڈیکٹرز مینوفیکچرنگ کا مرکز بنائیں۔ پاکستان میں سیمی کنڈیکٹر ڈیزائننگ کا آغاز کرنا چاہتے ہیں اور چینی سرمایہ کار پاکستان کے ساتھ کام کرنے میں بہت دلچسپی لے رہے ہیں۔

    انہوں نے کہا کہ ٹیکنالوجی زون کو سیمی کنڈیکٹرز زون میں بدل دیا جائے گا، سائنس و ٹیکنالوجی کا بڑا شعبہ ہے جس میں دونوں ممالک تعاون کر سکتے ہیں جبکہ موبائل فونز اب پاکستان میں بھی تیار ہو رہے ہیں تاہم پاکستان میں موبائل فونز کی مکمل مینوفیکچرنگ شروع کرنا چاہتے ہیں۔

    وفاقی وزیر اطلاعات نے کہا کہ شعبہ صحت میں آلات کے حوالے سے دوطرفہ تعاون میں اضافہ ہوا ہے اور کورونا کے ابتدائی چند ماہ میں شعبہ صحت سے متعلق ہر چیز درآمد کر رہے تھے لیکن اب پاکستان شعبہ صحت سے متعلق ایک بڑا برآمد کنندہ ملک ہے۔

    چین کےصدرسےملاقات بہت اچھی رہی:دفاعی اوراقتصادی حکمت عملی پربھرپوراتفاق بھی…

    فواد چودھری نے کہا کہ پاکستان کے پاس ہنر مند لیبر اور ایک بڑی مارکیٹ ہے، امید ہے کہ چینی ٹیک کمپنیاں ٹیکنالوجی زون میں ہماری مدد کریں گی اور وزیر اعظم کے دورہ چین کے بعد چینی ٹیکنالوجی کمپنیاں پاکستان آئیں گی۔

    قبل ازیں وفاقی وزیر اطلاعات و نشریات چوہدری فواد حسین نے کہا تھا کہ پاکستان اپنے خوبصورت شمالی علاقوں میں سرمائی کھیلوں کی ترقی اور فروغ کے لیے چینی تجربے سے سیکھنے کے لیے تیار ہے۔

    چائنہ اکنامک نیٹ کو خصوصی انٹرویو دیتے ہوئے انہوں نے کہا تھا کہ پاکستان اور چین کے درمیان اچھے اقتصادی اور سٹریٹجک تعلقات ہیں جو اب کھیلوں کے تعلقات میں تبدیل ہو رہے ہیں۔ چینی میڈیا اور ثقافت کو پاکستان میں مغربی میڈیا جتنا جانا جاتا ہے لیکن اب ہم ان شعبوں پر کام کر رہے ہیں وزیراعظم عمران خان نے چینیوں کو پاکستان میں موسم سرما کے کھیلوں کے مقامات اور سہولیات قائم کرنے کی دعوت دی۔ مجھے یقین ہے کہ اب پاکستان اور چین کے درمیان ثقافت، کھیل اور میڈیا سے بات چیت زیادہ ہوتی ہے۔

    ہندوستان میں اقلیتوں پر ظلم علاقائی امن و استحکام کے لیے خطرہ ہے ،وزیراعظم

    وزیر اطلاعات نے اظہار خیال کرتے ہوئے کہا کہ چینیوں نے جس طرح روشنیوں کے ساتھ کھیلا وہ دلفریب تھا، اور مزید کہا کہ اسٹیڈیم اور لائٹس سائنس اور آرٹ کا امتزاج ہیں اور چینیوں نے روشنیوں کے ساتھ خوبصورت اثرات مرتب کیے ہیں جن سے دنیا کو سیکھنا چاہیے پاکستان کا شمالی علاقہ جسامت کے لحاظ سے سوئٹزرلینڈ سے دوگنا ہے اور دنیا کی بلند ترین چوٹیاں ہیں جو موسم سرما کے کھیلوں کے لیے موزوں ہیں، لیکن ہمارے سرمائی کھیلوں کا کوئی خاص نام نہیں ہے۔ مجھے امید ہے کہ چین موسم سرما کے کھیلوں کے لیے ایک فریم ورک ترتیب دے کر ہماری مدد کرے گا۔ اس خطے میں اور ہم موسم سرما کے کھیلوں کے لیے ٹاپ ایتھلیٹس تیار کرنے کے قابل ہو جائیں گے-

    وزیرخارجہ کا بیجنگ میں پاکستانی طلباء اور پروفیشنلز کی سہولت کیلئے بنائے گئے پورٹل…

    واضح رہے کہ گلگت بلتستان کے ایک گاؤں نلتر سے تعلق رکھنے والے پاکستانی کھلاڑی محمد کریم بیجنگ سرمائی اولمپکس میں شرکت کرنے والے واحد سکئیر ہیں اور وہ واحد پاکستانی سکئیر بھی ہیں جنہوں نے سوچی، روس اور پیونگ چانگ، جنوبی کوریا میں ہونے والے دو سرمائی اولمپکس میں شرکت کی ہے وزیراعلیٰ گلگت بلتستان (جی بی) جی بی میں موسم سرما کے کھیلوں کی سہولیات کے قیام کے لیے بہت خواہشمند ہیں تاکہ شمالی علاقوں کو پاکستان میں سرمائی کھیلوں کا مرکز بنایا جا سکے اور چین ان سکی اور سرمائی کھیلوں کی سہولیات کے قیام میں ہماری مدد کر سکتا ہے”۔ وزیر اطلاعات نے ذکر کیا۔

    پاکستان کے کھلاڑیوں کا وفد 2 فروری کو بیجنگ پہنچا اور محمد کریم 16 فروری کو چائنا نیشنل الپائن سکینگ سینٹر میں ینگنگ ڈسٹرکٹ میں ڈھلوان پر جائیں گے۔

    وزیراعظم عمران خان اور چینی صدر شی جن پنگ کے درمیان کیا ہوئیں راز کی باتیں؟اعلامیہ…

  • کیا ادھر تم، ادھر ہم کا فیصلہ ہو چکا؟ وزیر خارجہ کا سوال

    کیا ادھر تم، ادھر ہم کا فیصلہ ہو چکا؟ وزیر خارجہ کا سوال

    کیا ادھر تم، ادھر ہم کا فیصلہ ہو چکا؟ وزیر خارجہ کا سوال

    باغی ٹی وی کی رپورٹ کے مطابق وفاقی وزیر خارجہ شاہ محمود قریشی نے کہا ہے کہ لانگ مارچ اپوزیشن کی سیاسی ضرورت ہے،

    شاہ محمود قریشی کا کہنا تھا کہ اپوزیشن والےمفادات کے تحفظ کیلئے اکٹھے ہوئے ہیں،جب اپوزیشن والوں کے مفادات پورے ہوگئے تو علیحدہ ہو جائیں گے، اپوزیشن احتجاج کرنا چاہتی ہے تو ضرور کرے ہمیں کوئی اعتراض نہیں ‘ہمیں کوئی گھبراہٹ نہیں ،اپوزیشن ملکی مفادات کو مد نظر رکھے ،قوم جانتی ہے پی ڈی ایم بنانے والے اور توڑنے والے کون ہیں ، قائد حزب اختلاف کی سیٹ کیلئے دھوکہ کس نے کیا؟ قوم سب جانتی ہے ، 22 اور23مارچ کو او آئی سی وزرائے خارجہ کونسل کا اجلاس اسلام آباد میں ہوگا،افغانستان، فلسطین ‘ اسلام فوبیا سمیت مسلم امہ کو درپیش مسائل پر بات چیت ہوگی،

    وزیر خارجہ شاہ محمود قریشی کا مزید کہنا تھا کہ شہباز شریف اور بلاول سے سوال کرنا چاہتا ہوں کہ کیا ادھر تم، ادھر ہم کا فیصلہ ہو چکا ہے؟ اگر ادھر تم ادھر ہم کا فیصلہ کرلیا تو ہم دونوں جماعتوں کا مقابلہ کریں گے، تاثر یہ سامنے آ رہا ہے کہ ن لیگ سندھ میں داخل نہیں ہوگی،یہ بھی تاثر ہے کہ پیپلزپارٹی پنجاب میں چھیڑ چھاڑ نہیں کرے گی

    وزیر خارجہ شاہ محمود قریشی کا مزید کہنا تھا کہ دورہ کے اختتام پر جاری مشترکہ اعلامیہ دورہ چین کی کامیابی کا مظہر ہے،وزیر اعظم کے دورہ چین کے دوران بہت نشستیں ہوئیں، چینی صدر سے ملاقات انتہائی جامع نوعیت کی تھی، وزیراعظم اور وفد کی تھنک ٹینکس کے ساتھ ملاقاتیں ہوئیں،افغانستان سے متعلق چین کے ساتھ مشاورت رہی ہے، مارچ کے آخر میں افغانستان کے ہمسایہ ممالک کا اجلاس بیجنگ میں بلایا جائے گا، اجلاس میں افغان عبوری حکومت کے وزیر خارجہ بھی مدعو کیے جائیں گے

    وزیر خارجہ شاہ محمود قریشی کا مزید کہنا تھا کہ اسپائیلرز ، سی پیک کو آگے بڑھتا ہوا نہیں دیکھ سکتے امن دشمن قوتوں نے سی پیک پر کام کرنے والے انجینئرز کو نشانہ بنایا تھا،یہ اسپائیلرز اپنی سازشوں میں کبھی کامیاب نہیں ہوں گے، بی جے پی سرکار کی منفی پالیسیاں ہندوستان کے اپنے مفاد میں بھی نہیں ہیں، ہندوستان میں ایک بہت بڑا طبقہ بی جے پی کی سوچ کے برعکس سوچ رہا ہے، وہ سمجھتا ہے کہ بی جے پی سرکار نے ہمیں بند گلی میں دھکیل دیا ہے،روس کے ساتھ ہمارے تعلقات میں بتدریج اضافہ ہوا ہے،

    اور مولانا فضل الرحمان نے سی پیک روٹ کا افتتاح کر دیا

    بھارتی خفیہ ایجنسی را کیلئے کام کرنے والا کراچی پولیس کا اہلکار گرفتار

    بھارتی خفیہ ایجنسی "را” کیلیے کام کرنیوالا گریڈ 17 کا سرکاری ملازم کراچی سے گرفتار

    بھارتی خفیہ ایجنسی را کے نیٹ ورک کے خلاف ایک اور کاروائی، را کا اہم رکن گرفتار

    بھارتی خفیہ ایجنسی را کے سلیپر سیلز کو کراچی میں رقوم فراہم کرنیوالا گرفتار

    بھارتی خفیہ ایجنسی را کے نیٹ ورک کا اہم رکن کراچی سے گرفتار

    کیا سی پیک رک چکا ، نئے چینی سفیر کس مشن پر آئے ، معاملہ گڑ بڑ.؟ مبشر لقمان کی اہم باتیں

    پاکستان میں بھارتی دہشت گردی کے ناقابل تردید ثبوت، ڈی جی آئی ایس پی آر سب کچھ سامنے لے آئے

    بھارت کے پاکستان کے خلاف مذموم منصوبے، شاہ محمود قریشی نے مودی سرکار کو کیا بے نقاب

    لندن کا جوکربھارتی ایجنٹ،پاکستان میں دہشت گردی میں ملوث،ثبوت سامنے آ گئے

    سی پیک کیخلاف بھارتی عزائم،مبشر لقمان کے اگست میں کئے گئے تہلکہ خیز انکشافات کی وزیر خارجہ نے کی تصدیق

    تین سال میں سی پیک کومکمل بند کرکے بیڑا غرق کردیا گیا .چینی سفیرکا شکوہ،تہلکہ خیز انکشافات

    کراچی کی مچھر کالونی کی سن لی گئی،سی پیک سے متعلق سست روی کا تاثر غلط ہے،خالد منصور

  • کراچی کی مچھر کالونی کی سن لی گئی،سی پیک سے متعلق سست روی کا تاثر غلط ہے،خالد منصور

    کراچی کی مچھر کالونی کی سن لی گئی،سی پیک سے متعلق سست روی کا تاثر غلط ہے،خالد منصور

    کراچی کی مچھر کالونی کی سن لی گئی،سی پیک سے متعلق سست روی کا تاثر غلط ہے،خالد منصور

    چیئرمین سی پیک اتھارٹی خالد منصور نے کہا ہے کہ دورہ چین پرسی پیک کے حوالے سے بھی بات ہوئی ، وزیراعظم نے چینی سرمایہ کاروں سے ملاقات میں مختلف امور پرگفتگو کی

    خالد منصورکا کہنا تھا کہ وزیراعظم نے ایم ایل ون پراجیکٹ سے متعلق گفتگوبھی کی،وزیراعظم اور چینی صدر کی ملاقات مثبت رہی سرمایہ کاری سے متعلق سازگار ماحول پید اکرنے کے لیے اقدامات کررہے ہیں،وزیراعظم نے 20سے زائد اجلاسوں کی صدارت کی ،سی پیک سے متعلق سست روی کا تاثر غلط ہے ،وزیراعظم نے چینی قیادت سے آئی ٹی اور ریسر چ کے شعبوں میں تعاو ن پر بات کی چینی سرمایہ کاروں نے وزیراعظم مران خان کے اقدامات پر اطمینان کا اظہار کیا،سی پیک ون ونڈو آپریشن کے پیچھے میں کھڑا ہوں،ہمارے مسائل حل نہیں ہوتے تو وزیر اعظم آفس بھی موجود ہے، وزیراعظم نے زراعت سے متعلق بھی تعاون پرگفتگو کی ،چینی سرمایہ کاروں کو سی پیک اٹھارٹی میں بلایا،سی پیک کے تحت منصوبوں کے لیے ای سی سی نے 100 بلین منظور کیے ،50 بلین دےدیاگیا باقی 50 بلین اسی ماہ دیا جا ئےگا،

    خالد منصور کا مزید کہنا تھا کہ وزیراعظم اور چینی صدر کی ملاقات مثبت رہی ،کراچی کوسٹل ڈویلپمنٹ منصوبے کیلئے کے پی ٹی چینی کمپنی کیساتھ ملکر کام کریگی،چین کراچی کوسٹل ڈویلپمنٹ منصوبے پر ساڑھے 3 ارب ڈالر سرمایہ کاری کا ارادہ رکھتا ہے،کراچی کی مچھر کالونی جدید ترین رہائشی منصوبے میں تبدیل ہوگی، چینی کمپنیاں پاکستان میں موبائل فونز کے سپئرپارٹس بھی تیار کریں گی،چائنا الیکٹرک کمپنی مزید پاور پلانٹ میں 2 سے 4 ارب ڈالر کی سرمایہ کاری کا ارادہ رکھتی ہے،چینی کمپنی نے وزیراعظم کے 50لاکھ گھروں کے منصوبہ میں کام کرنے کی دلچسپی ظاہر کی،چینی کمپنی پہلے5 ہزار گھر وزیراعظم کے منصوبے کے مطابق شروع کرے گی،

    قبل ازیں وزیر خارجہ شاہ محمود قریشی کا کہنا تھا کہ دورہ کے اختتام پر جاری مشترکہ اعلامیہ دورہ چین کی کامیابی کا مظہر ہے،وزیر اعظم کے دورہ چین کے دوران بہت نشستیں ہوئیں، چینی صدر سے ملاقات انتہائی جامع نوعیت کی تھی، وزیراعظم اور وفد کی تھنک ٹینکس کے ساتھ ملاقاتیں ہوئیں،افغانستان سے متعلق چین کے ساتھ مشاورت رہی ہے، مارچ کے آخر میں افغانستان کے ہمسایہ ممالک کا اجلاس بیجنگ میں بلایا جائے گا، اجلاس میں افغان عبوری حکومت کے وزیر خارجہ بھی مدعو کیے جائیں گے اسپائیلرز ، سی پیک کو آگے بڑھتا ہوا نہیں دیکھ سکتے امن دشمن قوتوں نے سی پیک پر کام کرنے والے انجینئرز کو نشانہ بنایا تھا،یہ اسپائیلرز اپنی سازشوں میں کبھی کامیاب نہیں ہوں گے، بی جے پی سرکار کی منفی پالیسیاں ہندوستان کے اپنے مفاد میں بھی نہیں ہیں،ہندوستان میں ایک بہت بڑا طبقہ بی جے پی کی سوچ کے برعکس سوچ رہا ہے، وہ سمجھتا ہے کہ بی جے پی سرکار نے ہمیں بند گلی میں دھکیل دیا ہے،روس کے ساتھ ہمارے تعلقات میں بتدریج اضافہ ہوا ہے،

    اور مولانا فضل الرحمان نے سی پیک روٹ کا افتتاح کر دیا

    بھارتی خفیہ ایجنسی را کیلئے کام کرنے والا کراچی پولیس کا اہلکار گرفتار

    بھارتی خفیہ ایجنسی "را” کیلیے کام کرنیوالا گریڈ 17 کا سرکاری ملازم کراچی سے گرفتار

    بھارتی خفیہ ایجنسی را کے نیٹ ورک کے خلاف ایک اور کاروائی، را کا اہم رکن گرفتار

    بھارتی خفیہ ایجنسی را کے سلیپر سیلز کو کراچی میں رقوم فراہم کرنیوالا گرفتار

    بھارتی خفیہ ایجنسی را کے نیٹ ورک کا اہم رکن کراچی سے گرفتار

    کیا سی پیک رک چکا ، نئے چینی سفیر کس مشن پر آئے ، معاملہ گڑ بڑ.؟ مبشر لقمان کی اہم باتیں

    پاکستان میں بھارتی دہشت گردی کے ناقابل تردید ثبوت، ڈی جی آئی ایس پی آر سب کچھ سامنے لے آئے

    بھارت کے پاکستان کے خلاف مذموم منصوبے، شاہ محمود قریشی نے مودی سرکار کو کیا بے نقاب

    لندن کا جوکربھارتی ایجنٹ،پاکستان میں دہشت گردی میں ملوث،ثبوت سامنے آ گئے

    سی پیک کیخلاف بھارتی عزائم،مبشر لقمان کے اگست میں کئے گئے تہلکہ خیز انکشافات کی وزیر خارجہ نے کی تصدیق

    تین سال میں سی پیک کومکمل بند کرکے بیڑا غرق کردیا گیا .چینی سفیرکا شکوہ،تہلکہ خیز انکشافات

  • چین کےصدرسےملاقات بہت اچھی رہی:دفاعی اوراقتصادی حکمت عملی پربھرپوراتفاق بھی کیا:وزیراعظم عمران خان

    چین کےصدرسےملاقات بہت اچھی رہی:دفاعی اوراقتصادی حکمت عملی پربھرپوراتفاق بھی کیا:وزیراعظم عمران خان

    اسلام آباد :‘چین کےصدر سے ملاقات بہت اچھی رہی:دفاعی اوراقتصادی حکمت عملی پربھرپوراتفاق بھی کیا:اطلاعات کے مطابق وزیراعظم عمران خان نے کہا ہے کہ چین کےصدرشی جن پنگ سےملاقات شاندار رہی۔

    وزیراعظم عمران خان نے چینی صدر سےملاقات کی فوٹیج کےساتھ ٹوئٹ کرتے ہوئے لکھا کہ یہ ملاقات بہت اچھی رہی ہم نے اسٹرٹیجک اوراقتصادی تعلقات کومزیدفروغ دینےپر اتفاق کیا۔

    وزیراعظم نے لکھا کہ ملاقات میں سی پیک کے دوسرے مرحلے میں تیزی لانے پر بھی اتفاق کیا گیا۔

    قبل ازیں وزیراعظم عمران خان اور چینی صدر شی جن پنگ کی ملاقات کا اعلامیہ جاری کر دیا گیا۔ دونوں عالمی رہنماؤں کی ملاقات بیجنگ کے گریٹ ہال آف پیپل میں ہوئی، اکتوبر 2019میں وزیراعظم کے دورہ چین کےبعد دونوں رہنماؤں کی پہلی ملاقات تھی۔

    اعلامیہ کے مطابق دونوں رہنماؤں نے پاک چین دوطرفہ تعاون کے تمام پہلوؤں کا جائزہ لیا اور خوشگوار ماحول میں باہمی دلچسپی کے علاقائی اور عالمی امور پر تبادلہ خیال کیا، وزیراعظم عمران خان نے اولمپک سرمائی کھیلوں کی کامیاب میزبانی پر چینی قیادت کو مبارکباد دی اور چین کے نئے قمری سال پر چینی عوام کے لئےنیک خواہشات کا بھی اظہار کیا۔

    یاد رہے کہ وزیراعظم عمران خان کے دورے کو چینی میڈیا بہت اہم قراردے رہا ہے اور یہ توقع کی ہے کہ پاکستان اور چین کے درمیان دفاعی ، خارجہ اور اقتصادی تعلقات ایک نئے دور میں داخل ہورہے ہیں ، چینی صدر وزیراعظم عمران خان کی گفتگو سُن کر بہت ہی متاثر ہوئے ہیں