امریکی فضائیہ کے ایک مصنوعی ذہانت (اے آئی) کے حامل ڈرون نے مبیبنہ طور پر مشن کی کامیابی کو یقینی بنانے کے لیے جان بوجھ کر اپنے آپریٹر کوماردیا-
باغی ٹی وی : "دی گارڈین” کے مطابق اس خبر کے سامنے آنے کے بعد امریکی فضائیہ ایک نئے تنازعے کی زد میں آگئی ہے جس کے بعد امریکی فضائیہ نے اس بات کی تردید کی ہے-
فضائیہ کے ایک اہلکار نے اس سے قبل یہ انکشاف کیا تھا کہ امریکی فوج کے ذریعے کیے گئے ورچوئل ٹیسٹ میں اے آئی کے زیرِ کنٹرول ڈرون اپنے مقاصد کو پورا کرنے کے لیے ’انتہائی غیر متوقع حکمت عملی‘ استعمال کرتا تھالیکن فضائیہ نے سختی سے اس کے وجود سے انکار کیا ہے۔
کرنل ٹکر’سنکو‘ ہیملٹن، چیف آف اےآئی ٹیسٹ اورآپریشنز ہیں، اورایک تجرباتی فائٹر ٹیسٹ پائلٹ بھی ہیں انہوں نےگزشتہ ماہ فیوچر کامبیٹ ایئر اینڈ اسپیس کیپبلٹیز سمٹ میں مصنوعی ذہانت کے منظر نامے میں اے آئی سےچلنےوالے ڈرون کے پریشان کن رویے کا انکشاف کیا تھا۔
کرنل ٹکر "سنکو” ہیملٹن نے وضاحت کی کہ دشمن کے فضائی دفاعی نظام کو تباہ کرنے کے لیے تفویض کئے گئے ڈرون نے ہدایات کی خلاف ورزی کی اور اپنے انسانی آپریٹر کو یہ سمجھتے ہوئے نشانہ بنایا کہ وہ اس کے مقصد میں رکاوٹ ہے۔
ہیملٹن نے کہا کہ سسٹم نے یہ سمجھنا شروع کیا کہ جب وہ خطرے کی نشاندہی کرتے تھے، بعض اوقات انسانی آپریٹر اسے اس خطرے کو مارنے کے لیے نہیں کہتا تھا، لیکن اس نے اس خطرے کو مار کر اپنے پوائنٹس حاصل کیے تو اس نے کیا کیا؟ اس نے آپریٹر کو مار ڈالا۔ اس نے آپریٹر کو مار ڈالا کیونکہ وہ شخص اسے اپنے مقصد کو پورا کرنے سے روک رہا تھا-
ہم نے سسٹم کو تربیت دی ‘ارے آپریٹر کو مت مارو یہ بری بات ہے۔ اگر آپ ایسا کرتے ہیں تو آپ پوائنٹس کھو دیں گے۔ تو یہ کیا کرنا شروع کرتا ہے؟ یہ کمیونیکیشن ٹاور کو تباہ کرنا شروع کر دیتا ہے جسے آپریٹر ڈرون کے ساتھ بات چیت کے لیے استعمال کرتا ہے تاکہ اسے ہدف کو مارنے سے روکا جا سکے کسی حقیقی شخص کو نقصان نہیں پہنچا۔
ہیملٹن، جو ایک تجرباتی فائٹر ٹیسٹ پائلٹ ہے، نے AI پر بہت زیادہ انحصار کرنے کے خلاف خبردار کیا ہے اور کہا ہے کہ ٹیسٹ سے پتہ چلتا ہے کہ "آپ مصنوعی ذہانت، ذہانت، مشین لرننگ، خود مختاری کے بارے میں بات نہیں کر سکتےہیملٹن نے اے آئی کے اخلاقی جہتوں اور سوچ سمجھ کر غور کرنے اور اے آئی پر ضرورت سے زیادہ انحصار کے خلاف احتیاط کی ضرورت پر زور دیا۔
رائل ایروناٹیکل سوسائٹی جس نے کانفرنس کی میزبانی کی اور امریکی فضائیہ نے اس معاملے پر تبصرہ کرنے سے انکار کردیا ہے۔
امریکی فضائیہ کی ترجمان این اسٹیفنیک نے مبینہ سمیولیشن کے وجود سے انکار کیا ہےان کا کہنا تھا کہ فضائیہ نے کوئی اے آئی-ڈرون کی سمیولیشن نہیں کی ہے اس سے معلوم ہوتا ہے کہ ہیملٹن کے تبصرے سیاق و سباق سے ہٹ کر کیے گئے تھے اور اس کا مقصد ایک کہانی گڑھنا تھا۔
واضح رہے کہ جہاں امریکی فوج نے اے آئی کو اپنایا ہے اور حال ہی میں ایف 16 لڑاکا طیارے کو کنٹرول کرنے کے لیے مصنوعی ذہانت کا استعمال کیا ہےوہیں ہیملٹن نے معاشرے اور فوج میں اے آئی کی موجودگی سے نمٹنے کی ضرورت پر مسلسل زور دیا ہے۔
