Tag: ڈیرہ اسماعیل خان

فتنہ الخوارج کے دہشتگردوں نے ڈیرہ اسماعیل خان کے علاقے درازندہ میں زام ایف سی چیک پوسٹ پر رات کی تاریکی میں بھاری ہتھیاروں سے حملہ کیا،

خوارجی دہشتگردوں کا بہادری سے مقابلہ کرتے ہوئے ایف سی کے 10 جوان شہید۔ 3 زخمی ہوئے، ترجمان کے مطابق شہید جوانوں نے جانیں نچھاور کرکے خوارجی دہشتگردوں کا چیک پوسٹ پر حملہ ناکام بنایا۔شہید ہونے والے ایف سی کے 6 جوانوں کا تعلق جنوبی وزیرستان جبکہ 4 جوانوں کا تعلق ضلع کرک سے تھا۔شہداء میں نائب صوبیدار محمد جان، نائیک عارف، لانس نائیک سعید الرحمان،سپاہی اخونزادہ،سپاہی حضرت اللہ شامل ہیں،سپاہی مشتاق، سپاہی عبدالصمد، سپاہی عمران، سپاہی بصیر اور سپاہی مہتاب نے جام شہادت نوش کیا،زخمی ایف سی اہلکاروں نائیک حمزہ، سپاہی حسن اور سپاہی صابر ایوب کو علاج کے لیے سی ایم ایچ ہسپتال ڈیرہ اسماعیل خان منتقل کر دیا گیا ہے

ترجمان وزارت داخلہ کے مطابق ایف سی کے شہداء کو خراج عقیدت پیش کرتے ہیں۔ایف سی دہشتگردی کی لعنت کے خاتمے اور قیام امن کیلئے پر عزم ہے۔ شہداء کی عظیم قربانیاں ہمارے غیر متزلزل عزم کو مزید مضبوط کرتی ہیں۔

ایف سی کے دس جوانوں کی شہادت، صدر مملکت،وزیراعظم، وزیر داخلہ ودیگر کا اظہار افسوس
صدر مملکت آصف علی زرداری نے ڈیرہ اسماعیل خان میں دہشت گردوں کے حملے میں ۱۰ ایف سی کے جوانوں کی شہادت پر اظہارِ افسوس کیا ہے،صدر مملکت نے ڈیرہ اسماعیل خان میں دہشت گردوں کے حملے کی شدید مذمت کی ہے،صدر مملکت نےواقعے میں شہادت پانے والے جوانوں کو خراج عقیدت پیش کیا ہے،صدر مملکت نے شہید جوانوں کے جذبہ حب الوطنی اور بہادری کو سراہا ،صدر مملکت نے واقعے میں شہید ہونے والے جوانوں کے لواحقین کے ساتھ اظہار تعزیت کی،صدر مملکت نے شہداء کیلئے بلندی درجات ، ورثاء کیلئے صبر جمیل کی دعا کی.

وزیراعظم محمد شہباز شریف نے ضلع ڈیرہ اسماعیل خان اور ضلع بنوں میں دہشتگرد حملوں کی شدید مذمت کی ہے، وزیر اعظم نے ضلع ڈیرہ اسماعیل خان کے علاقے درازندہ میں خوارجی دہشت گردوں کا بہادری سے مقابلہ کرتے ہوئے جام شہادت نوش کرنے والے فرنٹیئر کانسٹیبلری کے اہلکاروں کو خراج عقیدت پیش کیا ہے، وزیراعظم نے ضلع بنوں میں دہشت گرد حملے میں دو پولیس اہلکاروں کی شہادت پر اظہار افسوس کیا ہے، وزیراعظم نے شہداء کی بلندی ء درجات کی دعاء اور ان کے اہل خانہ سے اظہار تعزیت کی اور کہا کہ دہشت گردی کے ناسور کو جڑ سے اکھاڑ پھینکنے کے لئے پر عزم ہیں ،پوری قوم شہداء کو سلام پیش کرتی ہے

وفاقی وزیر نجکاری عبدالعلیم خان کا کہنا تھا کہ ڈیرہ اسماعیل خان کے علاقے درازندہ میں ایف سی چیک پوسٹ پر اور بنوں کے علاقے تھانہ جانی خیل میں پولیس موبائل پر بزدلانہ حملہ قابلِ مذمت اور افسوسناک ہے۔ فتنہ الخواج کا مقابلہ کرتے ہوئے فرنٹیئر کانسٹیبلری کے 10 اور پولیس کے 2 جوان شہید ہو گئے۔ سکیورٹی فورسز کی ملک کے امن کے لیے قربانیاں رائیگاں نہیں جائیں گیں۔ اللہ تعالٰی شہداء کے درجات بلند اور اہل خانہ کو صبر جمیل عطا فرمائے۔ دُکھ کی اس گھڑی میں متاثرہ خاندانوں کے ساتھ ہیں۔

اسپیکر قومی اسمبلی سردار ایاز صادق نے ڈی آئی خان میں سیکیورٹی چیک پوسٹ پر خوارجیوں کے حملے کی شدید مذمت کی ہے،اسپیکر نےحملے میں ایف سی کے دس بہادد جوانوں کے جانی نقصان پر اظہار افسوس کیا،اسپیکر نے تمام شہدا کو خراجِ عقیدت پیش کیا اور کہا کہ شہدا قوم کا فخر ہیں،شہدا کی دفاع وطن کے لیے دی گئی عظیم قربانیوں کو ہمیشہ یاد رکھا جائےگا ، دکھ اور غم کی گھڑی میں شہداء کے اہلخانہ کے غم اور صدمے میں برابر کا شریک ہوں،دہشتگرد عناصر کو کبھی انکے ناپاک عزائم میں کامیاب نہیں ہونے دیں گے،پوری قوم دہشتگردی کے خاتمے کے لیے اپنے سیکیورٹی اداروں کے ساتھ کھڑی ہے،

قومی وطن پارٹی کے چیئرمین آفتاب شیر پاؤ کا کہنا تھا کہ خیبرپختونخواہ کے جنوبی اضلاع میں ایک بار پھر دہشتگردی کی سرگرمیاں عروج پر ہیں۔ تازہ ترین واقعہ میں درازندہ، ڈیرہ اسماعیل خان میں خوارج کے ایف سی کی پکٹ پر حملہ اور 10 جوانوں کی شہادت نہادت تکلیف دہ سانحہ ہے۔وفاقی اور صوبائی حکومتیں سیاست کررہی ہیں اور اس سنگین مسئلہ پر کوئی توجہ نہیں جہاں ہم روزانہ کی بنیاد پر قیمتی جانوں کا ضیاع دیکھ رہے ہیں

وفاقی وزیر داخلہ محسن نقوی نے ڈیرہ اسماعیل خان میں ایف سی چیک پوسٹ پر دہشتگردوں کے حملے کی شدید الفاظ میں مذمت کی، وزیر داخلہ نے بنوں میں ایس ایچ او تھانہ جانی خیل کی گاڑی اور کوہاٹ میں سب انسپکٹر پر فائرنگ کے واقعات کی بھی مذمت کی۔محسن نقوی نے زام چیک پوسٹ پر حملے میں شہید ایف سی کے 10 اہلکاروں کو خراج عقیدت پیش کیا۔

امن کے دشمنوں کا ایک اور وار، ڈیرہ اسماعیل خان میں دہشت گردی کے دو واقعات پیش آئے ہیں

ڈی جی آئی ایس پی آر کے مطابق ڈیرہ اسماعیل خان میں دہشتگردوں کےخلاف کارروائیاں کی گئیں، کاروائیوں میں 27 دہشتگرد ہلاک ہو گئے،دہشت گردوں کے حملے میں 25 سیکورٹی اہلکار شہید ہوئے ہیں،دہشتگردوں نے درابن میں سیکیورٹی فورسز کی چوکی پر حملہ کیا اور بارود سے بھری گاڑی ٹکرا دی،،عمارت گرنے سے 23 بہادر جوانوں نے جام شہادت نوش کیا، ایک اور واقعہ میں کلاچی میں دو بہادر سپوت شہید ہوئے

ڈی جی آئی ایس پی آر کے مطابق سیکیورٹی فورسز نے ڈیرہ اسماعیل خان میں دہشتگردوں کا حملہ ناکام بنادیا،سیکیورٹی فورسز کی کاروائی میں 27 دہشت گردوں کو جہنم واصل کردیا گیا، دہشت گردوں کی موجودگی کی اطلاع پر درازندہ میں انٹیلی جنس بیسڈ آپریشن کیا گیا، آپریشن کے دوران دہشت گردوں کے ٹھکانے کو تباہ کیا گیا،مارے جانے والے دہشت گرد سیکورٹی فورسز کے خلاف دہشت گردی کی متعدد کارروائیوں میں ملوث تھے، کارروائیوں کے دوران اسلحہ، گولہ بارود اور دھماکہ خیز مواد بھی برآمد کیا گیا،

ڈی جی آئی ایس پی آر کے مطابق سیکیورٹی فورسز نے کلاچی میں انٹیلی جنس اطلاعات پر آپریشن کیا،آپریشن کے نتیجے میں چار دہشت گردوں کو جہنم واصل کر دیا گیا،شدید فائرنگ کے تبادلے کے بعد دو جوان شہید ہوئے،ہلاک دہشت گرد سیکورٹی فورسز کے خلاف دہشت گردی کی متعدد کارروائیوں معصوم شہریوں کے قتل میں ملوث تھے، کارروائیوں کے دوران اسلحہ، گولہ بارود اور دھماکہ خیز مواد بھی برآمد کیا گیا ، دوسری جانب 12 دسمبر کی صبح چھ دہشت گردوں کے ایک گروپ نے درابن میں سیکورٹی فورسز کی چوکی پر حملہ کیا۔چوکی میں داخل ہونے کی کوشش کو مؤثر طریقے سے ناکام بنایا گیا ،
جس کے بعد دہشت گردوں نے بارود سے بھری گاڑی کو چوکی سےٹکرا دیا،چوکی سے گاڑی ٹکرانے کے بعد جس کے بعد خودکش حملہ کیا گیا،دھماکوں کے نتیجے میں عمارت گر گئی،تئیس بہادر سپاہیوں نے جام شہادت نوش کیا ،تمام چھ دہشت گردوں کو مؤثر طریقے سے جہنم واصل کر دیا گیا،علاقے میں موجود ممکنہ دہشت گردوں کے خاتمے کے لیے آپریشن جاری ہے، ڈی جی آئی ایس پی آر کے مطابق پاکستان کی سیکیورٹی فورسز ملک سے دہشت گردی کی لعنت کے خاتمےکے لیے پرعزم ہے،ہمارے بہادر سپاہیوں کی قربانیاں ہمارے عزم کو مزید مضبوط کرتی ہیں۔

قبل ازیں ڈیرہ اسماعیل خان کی تحصیل درابن پر دہشتگردوں نے تھانے پر حملہ کیا جس میں حملہ آوروں نے تھانے کے مین گیٹ پربارود سے بھری گاڑی ٹکرائی ،دہشتگردوں نے تھانے کے قریب فائرنگ بھی کی جس سے 16 اہلکار زخمی ہوئے۔حملے میں تھانےکی چھت گرگئی جب کہ اس دوران 2 دہشتگرد بھی مارے گئے،پولیس کا کہنا ہےکہ زخمیوں کو ڈیرہ اسماعیل خان اسپتال منتقل کر دیاگیا ہے جب کہ تحصیل درابن کی مکمل ناکہ بندی کردی گئی ہے۔علاقہ بھر میں سرچ آپریشن شروع کر دیا گیا ہے،

دہشت گردی کے واقعات کے بعد ڈی آئی خان میں ہسپتالوں میں ایمرجنسی نافذکردی گئی۔تحصیل درابن میں سکول ،کالج میں آج ہونیوالے پرچے ملتوی کردیئے گئے۔

دہشتگردوں کے خلاف جنگ جاری رہے گی،نگران وزیراعظم
نگران وزیر اعظم انوار الحق کاکڑ نےضلع ڈیرہ اسماعیل خان کے علاقے درابن کے پولیس اسٹیشن پر دہشت گرد حملے کی شدید مذمت کی ہے۔ وزیر اعظم نے حملے کے نتیجے میں زخمی ہونے والوں کو ہر ممکن طبی امداد دینے کی ہدایت کی.
نگران وزیراعظم انوار الحق کاکڑ نےڈیرہ اسماعیل میں درازندہ، درابن اور کلاچی کی علاقوں میں سیکیورٹی فورسز کو ان کی کامیاب کارروائیوں پر خراج تحسین پیش کیا، وزیراعظم نے انسداد دہشتگردی کی کارروائیوں میں 27 دہشتگردوں کو جہنم واصل کرنے پر سیکیورٹی فورسز کو ان کی کارکردگی پر سراہا،وزیراعظم نے انسداد دہشتگردی کی کارروائیوں میں شہید ہونے والے اہلکاروں کے لیے بلندی درجات کی دعا کی، اور کہا کہ ڈیرہ اسماعیل خان میں انسدادِ دہشت گردی کی حالیہ کارروائیاں دہشتگردی کے خاتمے کے لیے ہمارے پختہ عزم کا ثبوت ہیں،جب تک ملک سے دہشتگردی کا جڑ سے خاتمہ نہیں ہو جاتا تب تک ہماری دہشتگردوں کے خلاف جنگ جاری رہے گی،

دھرتی سے وطن دشمنوں کے ناپاک وجود کو مٹانے سے امن ہوگا،بلاول
چیئرمین پیپلزپارٹی بلاول زرداری نے 23 بہادر سپاہیوں کی شہادت پر اظہار افسوس کیا اور کہا کہ آخری دہشت گرد کے خاتمے تک شہیدوں کا خون قوم پر قرض رہے گا، دھرتی سے وطن دشمنوں کے ناپاک وجود کو مٹانے سے امن ہوگا، بلاول بھٹو زرداری نے شہداء کے خاندانوں سے ہمدردی اور تعزیت کا اظہارکیا

دہشت گردی کے خلاف پوری قوم متحد ہے۔مولانا فضل الرحمان
جمعیت علماء اسلام کے سربراہ مولانا فضل الرحمان نے ڈی آئی خان میں پولیس اسٹیشن پر دہشت گرد حملے کی شدید الفاظ میں مذمت کی ہے،مولانا فضل الرحمان نے دہشت گرد حملے میں جوانوں کی شہادت پر گہرے دکھ اور افسوس کا اظہار کرتے ہوئے کہا کہ شہداء کے اہلخانہ کے غم میں برابر کا شریک ہوں ۔دہشت گردی کے خلاف جنگ میں سیکیورٹی فورسز کی لازوال قربانیاں ناقابل فراموش ہے۔ دہشت گردی کے خلاف پوری قوم متحد ہے۔

وطن عزیز اور قوم کے تحفظ کےلئے شہداء کی عظیم قربانیاں ہمیشہ یاد رکھی جائیں گی،شہباز شریف
سابق وزیراعظم، ن لیگ کے صدر شہباز شریف نے کہا کہ سکیورٹی فورسز کو ڈیرہ اسماعیل خان میں مختلف کارروائیوں کے دوران 27 دہشت گردوں کو جہنم واصل کرنے پر خراج تحسین جبکہ 23 شہید بہادر سپاہیوں کو خراج عقیدت پیش کرتے ہیں۔ دہشت گردی سے ارض پاک کو پاک کرنے کی جدوجہد ملکی سلامتی، دفاع اور معاشی ترقی کے لئے ضروری ہے۔ وطن عزیز اور قوم کے تحفظ کےلئے شہداء کی عظیم قربانیاں ہمیشہ یاد رکھی جائیں گی۔ اللہ تعالیٰ شہداء کے درجات بلند فرمائے، اہل خانہ کو صبر جمیل اور اجر عظیم عطا فرمائے۔ آمین

شدت پسندوں کی کمین گاہوں کا تدارک کافی نہیں بلکہ ان سہولت کاروں کو بھی گرفت میں لانا ہو گا،علامہ راجہ ناصر عباس جعفری
مجلس وحد ت المسلمین کے رہنما علامہ راجہ ناصر عباس جعفری کا کہنا تھا کہ ڈیرہ اسماعیل خان میں دہشت گردی کی حالیہ کارروائی میں چوبیس سے زائد قیمتی انسانی جانوں کا ضیاع قومی سانحہ ہے۔ملک میں دہشت گردی کے بڑھتے ہوئے واقعات اس امر کی نشاندہی کر رہے ہیں کہ ملک دشمن تکفیری دہشت گرد پھرسے منظم ہونے کی کوششوں میں مصروف ہیں۔دہشت گردی کے خاتمے کے لیے پاکستانی قوم نے بھاری قیمت چکائی ہے۔قوم کسی نئی آزمائش کی قطعی متحمل نہیں۔ ملکی سلامتی جیسے حساس معاملات میں صاحبان اقتدار کو سنجیدہ اور فیصلہ کن اقدامات کرنے ہوں گے۔دہشت گردی کے خاتمے کے لیے شدت پسندوں کی کمین گاہوں کا تدارک کافی نہیں بلکہ ان سہولت کاروں کو بھی گرفت میں لانا ہو گا جو دہشت گردی کی مالی معاونت اور فکری آلودگی کا باعث بن رہے ہیں۔پوری قوم غمزدہ خاندانوں کے دکھ میں برابر کی شریک اور شہداء کی بلندی درجات زخمیوں کی جلد صحت یابی کے لیے دعاگو ہے۔

بزدلانہ حملے ملک میں امن وامان کی صورتحال کو سبوتاژ نہیں کرسکتے،چیئرمین سینیٹ
چیئرمین سینیٹ محمد صادق سنجرانی نے ڈیرہ اسماعیل خان کے مختلف علاقوں میں دہشت گردوں کے حملوں کی شدید الفاظ میں مذمت کی ہے۔ چیئرمین سینیٹ نے دہشت گرد حملوں کے نتیجے میں شہدا کے اہلخانہ سے دلی تعزیت اور ہمدردی کا اظہار کیا ہے۔انہوں نے دہشت گرد حملوں کے دوران زخمی سیکیورٹی اہلکاروں کی جلد صحت یابی کی دعا بھی کی۔چیئرمین سینیٹ محمد صادق سنجرانی نے کہا کہ دہشت گرد ترقی کے عمل کو روکنا چاہتے ہیں جس میں وہ کبھی کامیاب نہیں ہوں گے۔دہشت گردی کے خلاف جنگ میں پاکستان کی سیکیورٹی فورسز نے لازوال قربانیوں دی ہیں۔خطے کے امن کی بقا کے لیے سیکیورٹی فورسز کی قربانیاں رائیگاں نہیں جائیں گی۔چیئرمین سینیٹ کا مزید کہنا تھا کہ ایسے بزدلانہ حملے ملک میں امن وامان کی صورتحال کو سبوتاژ نہیں کرسکتے۔محمد صادق سنجرانی نے کہا کہ دہشت گردوں کا تعلق کسی مذہب سے نہیں ہوتا نہ ہی کوئی مذہب اپنے پیرو کاروں کو دہشت گردی کی اجازت دیتا ہے۔دہشت گردی کے اس ناسور کو جلد جڑ سے اکھاڑ پھینکیں گے۔چئیرمین سینیٹ نے کہا کہ دہشت گرد پاکستان کی ترقی سے خائف ہیں۔قوم سیکیورٹی فورسز کی ان قربانیوں کو خراج عقیدت پیش کرتی ہے۔

ڈپٹی چیئرمین سینیٹ مرزا محمد آفریدی، قائد ایوان سینیٹ سینیٹر محمد اسحاق ڈار، قائد حزب اختلاف سینیٹ سینیٹر ڈاکٹر شہزاد وسیم نے بھی ڈی آئی خان کے مختلف علاقوں میں دہشت گردوں کے حملوں کی شدید الفاظ میں مذمت کی ہے۔ انہوں نے دہشت گرد حملوں میں شہید اہلکاروں کے اہلخانہ سے دلی ہمدردی اور تعزیت کا اظہار کیا اور زخمی سیکیورٹی اہلکاروں کی جلد صحت یابی کی دعا بھی کی۔ انہوں نے کہا ہے کہ دہشت گرد پوری انسانیت کے دشمن ہیں۔پاکستان دہشت گردی کے ناسور کو ختم کرنے کیلئے پرعزم ہے.