Tag: کابل

کابل: بھارت نےکابل میں اپنا سفارتخانہ خاموشی سے دوبارہ کھول لیا۔

باغی ٹی وی : غیر ملکی خبر رساں ایجنسی کے مطابق بھارت نے بغیر کسی باضابطہ اعلان کے خاموشی سے کابل میں اپنا سفارت خانہ دوبارہ کھول لیا اور بھارت سے ایک ٹیم سفارت خانے پہنچ گئی۔

First consignment of India's earthquake relief assistance for the people of Afghanistan reaches Kabul. Being handed over by the Indian team there.

Further consignment follows. pic.twitter.com/6v1oYSRZLO

— Randhir Jaiswal (@MEAIndia) June 23, 2022

بھارتی وزارت خارجہ نے کہا ہے کہ بھارتی سفارتخانے پہنچنے والی ٹیم افغان عوام کو انسانی ہمدردی کی بنیاد پر فراہم کی جانے والی امداد کی تقسیم کا جائزہ لے گی۔

واضح رہے کہ بھارت نے 10 ماہ قبل افغانستان میں طالبان کی حکومت قائم ہونے کے بعد اپنا سفارتخانہ بند کر دیا تھا۔ افغانستان میں اشرف غنی اور حامد کرزئی کی حکومتوں میں بھارت کا کابل میں ایک سفارتخانہ اور 4 قوںصل خانے کام کر رہے تھے۔

قبل ازیں طالبان کی عبوری حکومت نے بھارت کو سفارتخانہ کھولنے کی پیشکش کی تھی قطرمیں طالبان کے سیاسی دفترکے ترجمان سہیل شاہین نےایک انٹرویو میں کہا تھا کہ بھارت کابل میں دوبارہ سفارتخانے کھولے گا تو اس کے سفارتکاروں کومکمل سکیورٹی فراہم کی جائے گی بھارت کوقومی اورباہمی مفادات کےبنیاد پرطالبان حکومت سےتعلقات قائم کرناچاہئیں اورسابق افغان حکام سےروابط نہیں رکھنے چاہئیں۔

سہیل شاہین کا کہنا تھا کہ افغانستان میں کام کرنے والے تمام غیرملکی سفارتکاروں کو مکمل تحفظ فراہم کرنا حکومت کی ذمہ داری ہے۔بہت سے سفارت خانے کابل میں کام کررہےہیں اورانہیں بھرپورسکیورٹی دی گئی ہےبھارتی سفارت خانے اورسفارتکاروں کوبھی سکیورٹی فراہم کی جائے گی۔ سہیل شاہین نے کہا تھا کہ اگربھارت افغانستان میں جاری منصوبے مکمل کرنا چاہے گا یا نئے منصوبے شروع کرنا چاہے گا تو اس کا خیرمقدم کریں گے۔

نیویارک:ایک طرف دنیا افغآن طالبان کی حکومت کوتسلیم کرنے پرغورکررہی ہے تو دوسری طرف عالمی ادارے اقوام متحدہ کی سیکورٹی کونسل کی طالبان پرپابندی سے متعلق کمیٹی نے طالبان کے وزیرتعلیم اورنائب وزیرتعلیم پرسفری پابندی عائد کردی۔

اس سلسلے میں یہ بھی خبریں‌ گردش کررہی ہیں کہ اقوام متحدہ کی طرف سے افغآن طالبان کے وزیرتعلیم عبدالباقی حقانی اورنائب وزیرتعلیم سید احمد شاد خیل کا استثنیٰ ختم کرکے بیرون ملک سفر پرپابندی عائد کردی۔اقوام متحدہ کے سفارت کاروں کا کہنا ہے کہ طالبان کے وزیرتعلیم اورنائب وزیرتعلیم پرسفری پابندیاں وعدے کا باوجود افغانستان میں لڑکیوں کے اسکولزنہ کھولنے پرلگائی گئی ہے۔

ادھراس حوالے سے جاری ایک بیان میں کہا گیا ہے کہ افغان نائب وزیراعلیٰ تعلیم لطف اللہ خیرخواہ نے اقوام متحدہ کے فیصلے پر تنقید کرتے ہوئے اسے غیرمنصفانہ قراردیتے ہوئے کہا کہ ایسے فیصلے صورتحال کو مزید نازک بنا دیں گے۔اقوام متحدہ کی جانب سے 15 طالبان عہدیداروں پرمذاکرات کے لئے بیرون ملک سفر کے استثنیٰ کی مدت کل ختم ہوئی تھی جس کے بعد 13 طالبان عہدیداروں کے لئے سفری استثنیٰ میں دوماہ کی توسیع کی گئی ہے۔

یاد رہےکہ اس سال جنوری کے مہینے میں طالبان ترجمان ذبیح اللہ مجاہد نے کہا ہے کہ رواں سال مارچ سے ملک بھر میں لڑکیوں کے تمام اسکولز کھول دیئے جائیں گے۔ لڑکیوں کے اسکول کھولنے کے انتظامات آخری مراحل میں ہیں۔

غیر ملکی خبر رساں ایجنسی کے مطابق امارت اسلامیہ افغانستان کے نائب وزیر اطلاعات اور طالبان ترجمان ذبیح اللہ مجاہد نے اپنے ایک انٹرویو میں کہاتھا کہ لڑکیوں کے اسکول کھولنے کے انتظامات آخری مراحل میں ہیں۔انہوں نے کہا کہ افغانستان کے نئے سال کا آغاز 21 مارچ سے ہوتا ہے اور رواں برس نئے سال کی شروعات سے لڑکیوں اور خواتین کے لیے اسکول کالجز کھول دیئے جائیں گے لیکن مخلوط تعلیم کی ہر گز اجازت نہیں ہو گی۔

افغانستان کے نائب وزیر اطلاعات نے کہا تھا کہ ہم لڑکیوں کی تعلیم کے خلاف نہیں تاہم مخلوط نظام تعلیم کے خاتمے اور علیحدہ عمارتوں کے انتظامات سمیت نصاب میں تبدیلی کے باعث لڑکیوں کے اسکول کھولنے میں کچھ وقت لگا۔

واضح رہے کہ افغانستان کے منجمد فنڈز کی بحالی کے لیے طالبان حکومت پر لڑکیوں کے اسکول کھولنے اور خواتین کو ملازمتوں پر آنے کی اجازت دینے کے لیے شدید دباؤ تھا اور طالبان نے عالمی قوتوں سے لڑکیوں کے اسکول کھولنے کا وعدہ کیا تھا۔طالبان کے افغانستان میں اقتدار سنبھالنے کے بعد سے ساتویں کلاس سے لڑکیوں کی تعلیم پر پابندی عائد تھی تاہم کچھ صوبوں میں پرائمری اسکول کھلے ہوئے ہیں۔

کابل: طالبان حکومت نے بھارت کو کابل میں دوبارہ سفارتخانہ کھولنے کی پیشکش کردی۔

باغی ٹی وی : افغان میڈیا کے مطابق قطرمیں طالبان کےسیاسی دفترکےترجمان سہیل شاہین نےایک انٹرویومیں کہا کہ بھارت کابل میں دوبارہ سفارتخانے کھولے گا تواس کےسفارتکاروں کومکمل سیکورٹی فراہم کی جائےگی بھارت کوقومی اورباہمی مفادات کےبنیاد پرطالبان حکومت سے تعلقات قائم کرنا چاہئیں اورسابق افغان حکام سے روابط نہیں رکھنے چاہئیں۔

طالبان حکومت،افغان ایئرپورٹس کےمعاملات چلانےکیلئےیواےای سےمعاہدہ کرے گی

سہیل شاہین کا یہ بیان اس وقت آیا جب حال ہی میں بھارتی خبررساں ادارے انڈین ایکسپریس نے دعویٰ کیا تھا کہ بھارت افغانستان میں سفارت خانہ دوبارہ کھولنے پر غور کر رہا ہے-

سہیل شاہین کا کہنا تھا کہ افغانستان میں کام کرنے والے تمام غیرملکی سفارتکاروں کو مکمل تحفظ فراہم کرنا حکومت کی ذمہ داری ہے۔بہت سے سفارت خانے کابل میں کام کررہے ہیں اورانہیں بھرپورسیکورٹی دی گئی ہےبھارتی سفارتخانے اورسفارتکاروں کوبھی سیکورٹی فراہم کی جائے گی اور اگربھارت افغانستان میں جاری منصوبے مکمل کرنا چاہے گا یا نئے منصوبے شروع کرنا چاہے گا تو اس کا خیرمقدم کریں گے۔

دوسری جانب بھارت نے افغانستان میں طالبان حکومت کے ساتھ سفارتی سرگرمیوں کی بحالی پرغور کرنا شروع کردیا ہے اور ابتدائی طور پرافغان اہلکار ہی سفارت خانےمیں ذمہ داریاں سنبھالیں گےاس حوالےسے معروف بھارتی اخبار انڈین ایکسپریس نے دعویٰ کیا تھا کہ بھارتی سیکیورٹی اہلکاروں کی ایک ٹیم ورکنگ انوائرمنٹ، امن و امان کی صورت حال اور سفارت خانہ کے تحفظ سے متعلق زمینی حقائق کا جائزہ لینے کابل بھی گئی تھی۔

پاکستان اور ایران کے درمیان صحت کے مختلف شعبوں میں باہمی تعاون کے فروغ پر اتفاق

انڈین ایکسپریس نے یہ بھی دعویٰ بھی کیا تھا کہ ابھی سینیئر سطح کے سفارت کاروں کو بھیجنے کا کوئی منصوبہ نہیں ہے البتہ ابھی صرف مقامی اہلکار سفارت خانے میں فرائض انجام دیں گے تاہم ضرورت پڑنے پر قونصلر کی خدمات تک توسیع کی جا سکتی ہے۔

بھارتی وزارت خارجہ کے حکام نے انڈین ایکسپریس کو بتایا تھا کہ مقامی افغان اہلکاروں کے ساتھ سفارت خانہ کھولنے کا مطلب طالبان حکومت کو تسلیم کرنا ہرگز نہیں ہے۔ تاحال طالبان حکومت کو تسلیم کرنے کا فیصلہ نہیں ہوسکا ہے۔

واضح رہے کہ بھارت نے گزشتہ برس اگست کے وسط میں افغانستان میں طالبان کے اقتدار میں آنے کے بعد سے کابل میں اپنا سفارت خانہ بند کر دیا تھا۔

کابل: طالبان حکومت،افغان ایئرپورٹس کےمعاملات چلانےکیلئے یو اے ای سے معاہدہ کرے گی ،اطلاعات کے مطابق متحدہ عرب امارات، ترکی اور قطر کے ساتھ مہینوں سے جاری گفتگو کے بعد قائم مقام نائب وزیر اعظم کے گروپ نے اعلان کیا ہے کہ یو اے ای کے ساتھ معاہدے پر دستخط کریں گے تاکہ وہ افغانستان میں ائیرپورٹ معاملات چلا سکیں۔

غیر ملکی خبر رساں ادارے ’رائٹرز‘ کی رپورٹ کے مطابق ملا عبد الغنی برادر نے اس معاملے کا اعلان ٹوئٹر کے ذریعے کیا تھا اور بعد ازاں کابل میں میڈیا سےگفتگو کرتے ہوئے کہا کہ ان کی انتظامیہ یو اے ای کے ساتھ معاہدے کے ذریعے ائیر پورٹ کی تجدید کرنے جا رہی ہے۔

یہ بات اب تک واضح نہیں ہے کہ کیا کہ معاہدہ انتظامات کی حد تک ہے یا اس میں ائیر پورٹ کی سیکیورٹی بھی شامل ہے، سیکیورٹی طالبان کے لیے ایک حساس مسئلہ ہے جنہوں نے دہائیوں تک امریکی زیر قیادت نیٹو افواج سے جنگ لڑی اور کہا ہے کہ ہم بین الاقوامی افواج کی واپسی نہیں چاہتے۔یو اے ای کی وزارت خارجہ کی جانب سے فوری طور پر معاملے پر تبصرہ نہیں کیا گیا۔

ذرائع نے مذاکرات کی تفصیل بیان کرتے ہوئے ’رائٹرز‘ کو بتایا کہ قطر کے ساتھ مذاکرات کا بنیادی نقطہ یہ تھا کہ دوحہ کی شرط پر قطری سیکیورٹی کے اہلکار ائیر پورٹ پر موجود رہیں گے۔

ترکی اور قطر نے گزشتہ سال کے وسط میں جب غیر ملکی افواج کے انخلا پر طالبان کے اقتدار سنبھالنے کے بعد ہوائی اڈے کی کارروائیوں اور سیکیورٹی میں مدد کے لیے عارضی تکنیکی ٹیمیں بھیجی تھیں۔

ائیر پورٹ سے متعلق ہونے والی گفتگو سے یہ ظاہر ہوتا ہے کہ کس طرح ممالک افغانستان میں اپنا اثر و رسوخ قائم کرنے کی کوشش کر رہے ہیں جبکہ سخت گیر گروپ کی حکومت کو کسی بھی ملک نے باضابطہ طور پر تسلیم نہیں کیا ہے۔

غیر ملکی خبر رساں ادارے’رائٹرز‘کےمطابق ذرائع نے گزشتہ سال گفتگو کے آغاز کے حوالے سے آگاہ کرتےہوئے بتایا تھا کہ اماراتی قطر کے سفارتی تسلط کا مقابلہ کرنےکے خواہاں ہیں۔قطر اور متحدہ عرب امارات کے تعلقات برسوں سے کشیدہ رہے ہیں کیونکہ وہ علاقائی اثرو رسوخ میں ایک دوسرے کے مدِ مقابل ہیں۔

کابل: فغانستان میں طوفانی بارشوں سے کم از کم 20 افراد ہلاک اور متعدد زخمی اور 100 سے زائد مویشی ہلاک ہو گئے۔

باغی ٹی وی : غیر ملکی میڈیا رپورٹس کے مطابق افغانستان کے 10 صوبوں میں ہونے والی طوفانی بارشوں کے باعث سیلابی صورت حال پیدا ہوئی اور بڑے پیمانے پر جانی و مالی نقصان بھی ہوا۔

کوہلو: تیز بارش کے باعث گاڑی سیلابی ریلے میں بہہ گئی ،بچے سمیت 3 افراد سوار

افغانستان میں بند ٹوٹنے اور مسلسل بارشوں سے دریاؤں میں طغیانی آگئی اور سیلابی ریلا رہائشی علاقوں میں داخل ہوگیا۔ سیابی ریلے نے راستے میں آنے والی ہر شے کو تہس نہس کرکے رکھ دیا قندھار، ہلمند، ہرات، بدخشاں، تاخار، پروان، قندوز، میدان وردک، بغلان، فریاب اور جوز ان میں بارشوں کی باعث شدید نقصان ہوا شدید بارشوں کے باعث مختلف حادثات میں 20 افراد ہلاک اور 30 زخمی ہو گئے جبکہ مواصلات کا نظام بھی بری طرح متاثر ہوا۔

افغانستان کے قائم مقام نائب وزیر برائے نیچرل ڈیزاسٹر مینجمنٹ ملاوی شرف الدین مسلم کا کہنا ہے کہ سیلاب کے باعث درجنوں مکانات تباہ ہوئے اور 100 سے زائد مویشی ہلاک ہوئے۔

بہاولپور: فائرنگ سے ایک ہی خاندان کے 6 افراد جاں بحق اور2 زخمی،کوئٹہ میں خاتون…

واضح رہے کہ گزشتہ روز کوہلو علاقے منجھرا میں تیز بارش کے باعث ایک گاڑی سیلابی ریلے میں بہہ گئی تھی گاڑی میں 8سالہ بچہ سمیت3افراد سوار تھے،2 افراد کو نکال لیا گیا تھا جبکہ خان پور میں آندھی اور طوفانی بارش کے باعث سائن بورڈزا ور بجلی کے کھمبے گر گئے کھمبے گرنے کے باعث بجلی کا نظام درہم برہم ہو گیا تھا-

علاوہ ازیں لوئر کوہستان، پٹن میں شاہراہ قراقرم پر گاڑی کو حادثے کا شکار ہو گئی تھی گاڑی میں ایک ہی خاندان کے 5 افراد سوار تھے پولیس حکام کا کہنا تھا کہ حادثے میں 4 افراد جاں بحق، ایک زخمی ہو گیا گاڑی جگلوٹ سے راولپنڈی آرہی تھی تمام افراد کا تعلق چلاس بٹوگاہ نالے سے ہے پٹن میں شاہراہ قراقرم پر گاڑی کو حادثہ پیش آیا-

رقم کی غیر قانونی منتقلی پر بھارت کا چینی کمپنی پر 72 کروڑ کا جرمانہ