Tag: کراچی شہر

کراچی میں ڈاؤ یونیورسٹی کے ناظم امتحان سمیت 15 ملزموں کے خلاف ایم ڈی کیٹ کا پرچہ لیک کرنے کا مقدمہ درج کر لیا گیا.

باغی ٹی وی کے مطابق فیڈرل انویسٹی گیشن ایجنسی (ایف آئی اے) سائبر کرائم ونگ نے سندھ کے میڈیکل اور ڈینٹل کالجز میں داخلے کے لیے ہونے والے امتحانات ایم ڈی کیٹ2024 کا پیپر لیک ہونے کا مقدمہ ڈاؤ میڈیکل یونیورسٹی کے ناظم امتحان اور نائب ناظم سمیت 15 ملزموں کے خلاف درج کرکے 3 ملزموں کو گرفتار کرلیا۔ایف آئی اے سائبر کرائم ونگ کراچی نے ڈاؤ میڈیکل یونیورسٹی کے ناظم امتحانات اور نائب ناظم سمیت 15ملزمان کے خلاف درج کرکے 3 ملزموں کو گرفتار کرلیا۔ڈاؤ میڈیکل یونیورسٹی کے افسران کے خلاف مقدمہ فارنزک رپورٹ کا انتظار کیے بغیر درج کیا گیا ہے جس میں پیکا ایکٹ 2016 کی مختلف دفعات شامل کی گئی ہیں۔ذرائع کے مطابق جناح میڈیکل یونیورسٹی کے خلاف 2023 کی انکوائری ڈیڑھ برس سے فارنزک رپورٹ کی منتظر ہے۔

عارف علوی کو سندھ ہائی کورٹ سے ریلیف مل گیا

کراچی میں پانی بحران کا خدشہ، آٹھ روز کی مرمت کے بعد پائپ پھر لیک

شہر قائد میں ایک بار پھر پانی کے بحران کا خدشہ پیدا ہوگیا کیونکہ ریڈ لائن کی تعمیرات کے دوران متاثر ہو نے والی 84 انچ کی لائن جس کی مرمت میں 8 دن لگے اس میں سے رساؤ شروع ہو گیا۔

باغی ٹی وی کے مطابق کراچی میں پانی کا بحران کا پھر سے خدشہ منڈلانے لگا ریڈ لائن کے تعمیراتی کام کے دوران 3دسمبر کو 84 انچ کی لائن دو مقامات سے پھٹ گئی تھی جس کے بعد سے شہر میں پانی کی فراہمی بند کرکے مرمتی کام کیا گیا جو 8 دن تک جا ری رہا پانی بند ہو نے کی وجہ سے شہر میں پانی کا بدترین بحران پیدا ہو گیا تھا۔اس دوران شہری پانی کی بوند بوند کو ترس گئے تھے ڈھائی ارب گیلن پانی 8 دن میں شہر کو فراہم نہیں کیا جا سکا تھا تاہم 8 دن کے بعد مرمتی کام کیا گیا اور شہر میں پانی کی فراہمی شروع کردی گئی تھی لیکن ایک مقام سے لائن میں رسا شروع ہو گیا جہاں گڑھے میں پانی بھر گیا جبکہ وقت کے ساتھ ساتھ رسا میں اضافے کا بھی امکان ہے۔واٹر کارپوریشن اس صورتحال پر سرجوڑ کربیٹھ گئے جعمرات کو فیصلہ ہو گا کہ کر اچی میں دوبارہ پانی بند کر کے مرمتی کام کیاجا ئیں گا یا پانی کی فراہمی کے دوران ہی کام کیا جا ئیں گے لیکن کراچی میں ایک بار پھر پانی کے بحران کا خدشہ پیدا ہو گیا ہے۔کراچی کے شہریوں نے 8 دن میں اپنی ضروریات پوری کر نے کے لئے تین ارب روپے سے زائد کا پانی خرید کراپنی ضروریات پوری کی تھی تاہم ایک با ر پھر کراچی کے شہر یوں کو پانی کے مسائل کا سامنے کا خدشہ ہے۔

کراچی سمیت ملک بھر کیلیےبجلی مہنگی

کراچی میں رات گئے مختلف علاقوں میں ٹریفک حادثات کے دوران چار افراد جاں بحق جبکہ دو زخمی ہوگئے۔

پولیس حکام کے مطابق قیوم آباد جام صادق پل پر ٹریلر کی موٹر سائیکل کو ٹکر سے ایک شخص جاں بحق جبکہ دوسرا زخمی ہوگیا، حادثے کے بعد ڈرائیور فرار ہوگیا، پولیس نے ٹریلر تحویل میں لے کر تھانے منتقل کردیا۔بلدیہ حب ریور روڈ پر تیز رفتار موٹرسائیکل سلپ ہونے سے دو افراد جاں بحق ہوگئے جبکہ ایک شدید زخمی ہوا، جاں بحق اور زخمی شخص کو سول اسپتال منتقل کیا گیا، حادثہ تیز رفتاری کے باعث پیش آیا۔ناظم آباد دو نمبر میں ریس لگاتی موٹر سائیکلیں آپس میں ٹکرا گئی، واقعے میں 18 سالہ حنین نامی نوجوان جاں بحق ہوگیا، لاش عباسی شہید اسپتال منتقل کی گئی، پولیس نے واقعے میں ملوث ایک نوجوان کو حراست میں لے لیا، لاش کو ضابطے کی کارروائی کے بعد ورثا کے حوالے کردیا گیا۔

چین ایک ملین ڈالر سرمایہ کاری سے کراچی میں میڈیکل سٹی بنا رہا

سندھ میں سیف سٹی منصوبے کی توسیع کا اعلان

سندھ:فارن فنڈنگ اسکیموں کے لیے سو ارب سے زائد کے فنڈز جاری

چین سے پاکستان کا دورہ کرنے والے 16 رکنی تجارت وفد کے سربراہ Meng Xiaowei نے کہا ہے کہ چینی سرمایہ کار کراچی میں ایک ملین ڈالر کی سرمایہ کاری سے میڈیسن سٹی بنا رہے ہیں جس کیلئے دھابیجی اکنامک زون میں انڈسٹری لگانے کیلئے حکومت سندھ سے کامیاب مذاکرات ہوئے ہیں۔ میڈیکل سٹی پاکستان کا پہلا میڈیسن اور فارما سیوٹیکل کا ایکو سسٹم ہوگا۔

باغی ٹی وی کے مطابق کورنگی ایسوسی ایشن آف ٹریڈ اینڈ انڈسٹری (کاٹی) کے دورے کے موقع پر کاٹی کے صنعتکاروں اور تاجروں سے خطاب میں انکا کہنا تھا کہ اس کے علاوہ کراچی میں 1000 الیکٹرک بسیں، کراچی تا سکھر ہائی اسپیڈ ٹرین، الیکٹرک ٹیکسیوں کے لئے سندھ حکومت سے مذاکرات حتمی مراحل میں ہیں۔چینی وفد کے سربراہ Meng Xiaowei نے مزید کہا کہ چین میں اعلی سطح کے سرمایہ کاروں کا ایک بزنس الائنس تشکیل دیا گیا ہے جس میں تمام شعبوں سے تعلق رکھنے والے صنعتکار اور سرمایہ کار موجود ہیں جو پاکستان میں فوری طور پر فارماسیوٹیکل، فرٹیلائزر، پولیمر، ٹرانسپورٹ، شمسی توانائی، سمیت دیگر شعبوں میں سرمایہ کاری کرنے میں دلچسپی رکھتے ہیں، اس سلسلے میں وزیر اعلی سندھ، وزیر توانائی، وزیر ٹرانسپورٹ اور دیگر وزرا اور اعلی حکام سے ملاقات ہو چکی ہے۔ تقریب میں کاٹی کے صدر جنید نقی، ڈپٹی پیٹرن ان چیف زبیر چھایا، سینئر نائب صدر اعجاز شیخ، نائب صدر طارق حسین، سابق صدر و چیئرمین مسعود نقی، سلیم الزمان، احتشام الدین، چین وفد کے کوآرڈینیٹر ادریس گیگی، علی اکبر سمیت چینی سرمایہ کاروں اور کاٹی کے ممبران کی بڑی تعداد موجود تھی۔انہوں نے کہا کہ ابتدائی طور پر چین کی 10 سرفہرست کمپنیاں اس وفد میں شاملِ ہیں جبکہ 50 سے زائد کمپنیاں پاکستان آنے اور سرمایہ کاری میں دلچسپی رکھتی ہیں۔ انہوں نے کہا کہ چین کے بڑے سرمایہ کار پاکستان خاص طور پر کراچی اور کاٹی سے تجارت کے ذریعے پاکستان کی برآمدات کو فروغ دینا چاہتے ہیں۔ انہوں نے کہا کہ وفد میں چین کی صف اول کی کمپنیاں شامل ہیں جن میں شینڈونگ نونگڈا فرٹیلائزرٹیکنالوجی کمپنی لمیٹڈ، شینڈونگ ہینگائی ڈٹونگ ایگریکلچر اینڈ اینیمل ہسبنڈری ٹیکنالوجی کمپنی لمیٹڈ، شینڈونگ پینزو ہینچنگ نیو انرجی ٹیکنالوجی کمپنی لمیٹڈ، شینڈونگ انڈسٹریل ایکوپمنٹ انسٹالیشن گروپ کمپنی لمیٹڈ ، شینڈونگ پینزو پلاسٹک انڈسٹری کمپنی لمیٹڈ، شینڈونگ یوہو نیٹ ورک ٹیکنالوجی لمیٹڈ ، شینڈونگ کیونسے بورڈپولیمر مٹیریل کمپنی لمیٹڈ، زونگلوڈنگ شینڈونگ ایگریکلچر ٹیکنالوجی ڈیولپمنٹ کمپنی لمیٹڈ، شیڈونگ جیوشنگ نیو انرجی ٹیکنالوجی کمپنی لمیٹڈ، شینڈونگ لانگوئنگ ٹیانسو سولر انرجی کمپنی لمیٹڈ، لیانگشن فیوکیانگ شنگ فرائٹ سروس کمپنی لمیٹڈ، شیڈونگ زونگ لنگ وہیکل مینوفیکچرنگ کمپنی سرفہرست ہیں۔قبل ازیں کاٹی کے صدر جنید نقی نے وفد کو خوش آمدید کہتے ہوئے زور دیا کہ چین پاکستان کا دیرینہ دوست ہے جس نے ہر مشکل وقت میں پاکستان کا ساتھ دیا۔ انہوں نے کہا کہ پاکستان میں براہ راست بیرونی سرمایہ کاری میں بھی چین سرفہرست ہے، جبکہ بین الاقوامی سطح پر بھی چین پاکستان کا سفارتی ساتھ دیتا ہے جو قابل تعریف ہے۔ صدر کاٹی نے کہا کہ کورنگی صنعتی علاقے میں پاکستانی برآمدات کی 10 سرفہرست صنعتیں موجود ہیں جو دو طرفہ تجارت کے فروغ میں بہترین معاونت فراہم کر سکتی ہیں۔انہوں نے کہا کہ چین کے سرمایہ کاروں کے وفد سے کاٹی کے صنعتکاروں کی ملاقات سے برآمدات کے مزید مواقع پیدا ہوں گے جس کیلئے بی ٹو بی اور جی ٹو جی اشتراک ضروری ہے۔ جنید نقی نے مزید کہا کہ کاٹی چینی کمپنیوں کیساتھ تجارت کے فروغ مین دلچسپی رکھتی ہے اور پاکستان کی برآمدات میں اضافہ کرسکتے ہیں۔ ڈپٹی پیٹرن ان چیف زبیر چھایا نے کہا کہ چین کی پاکستان سے دوستی اور محبت عوامی سطح پر بھی موجود ہے اور جس طرح پاکستان میں چین کو دیرینہ دوست اور برادر ملک سمجھا جاتا ہے اسی طرح چینی عوام بھی پاکستانیوں سے محبت کرتے ہیں۔انہوں نے کہا کہ پاکستان اور چین کے درمیان سی پیک گیم چینجر پروجیکٹ ہے، تاہم سی پیک کے ذریعے چین اور وسطی ایشیائی ممالک کو تجارت بڑھا کر برآمدات میں اضافہ ممکن ہے۔ اس موقع پر چینی وفد کے کو آرڈینیٹر ادریس گیگی نے خطاب میں کہا کہ سندھ حکومت کی جانب سے چینی وفد کی بہترین مہمان نوازی، فل پروف سیکیورٹی انتظامات پر وزیر اعلی مراد علی شاہ، صوبائی کابینہ خاص طور پر شرجیل انعام میمن، ناصر حسین شاہ، قاسم نوید قمر اور اعلی افسران کے مشکور ہیں۔انہوں نے کہا کہ چین کھاد کی تیاری کیلئے سندھ میں بڑا پروجیکٹ شروع کرنے جا رہا ہے جس کیلئے تھر میں جگہ مختص کی جارہی ہے۔ اس پروجیکٹ سے کوئلہ سے کھاد تیار کی جائے گی جس سے گیس پر انحصار کم ہوگا۔ ادریس گیگی نے مزید کہا کہ چینی وفد کراچی میں جمعرات 12 دسمبر کو مقامی ہوٹل میں بی ٹو بی میٹنگز کا انعقاد کر رہے ہیں جس میں پاکستانی کمپنیوں اور سرمایہ کاروں کو دعوت دی جارہی ہے کہ وہ کاروباری مواقع تلاش کرنے کیلئے شرکت کریں۔انہوں نے کہا کہ مستقبل قریب میں چین پاکستان کا سب سے بڑا شراکت دار بن جائے گا، چین میں زرعی مصنوعات اور گوشت کی بہت مانگ ہے۔ انہوں نے زور دیا کہ پاکستان میں 9.1 ملین ہیکٹر زرعی زمین موجود ہے جس پر چین کے اشتراک سے کاشتکاری کی جائے تو پاکستان اربوں ڈالر کی برآمدات میں اضافہ کرسکتا ہے۔ ادریس گیگی نے کہا کہ سی پیک سے چین مصنوعات پہنچانے کا وقت چند دنوں کا رہ گیا ہے جس سے بھرپور فائدہ اٹھانا چاہیے۔ تقریب سے کاٹی کے سابق صدور و چیئرمین مسعود نقی، احتشام الدین، سلیم الزمان و دیگر نے بھی اپنے خیالات کا اظہار کیا۔