Tag: کراچی شہر

حکومت سندھ نے صوبے بھر میں منشیات فروشوں کے خلاف بھرپور آپریشن کا فیصلہ کر لیا ہے، محکمہ ایکسائز نارکوٹکس کنٹرول ونگ کی جانب سے(کل)13 نومبر سے منشیات فروشوں کے خلاف باضابطہ آپریشن شروع کیا جا رہا ہے۔

باغی ٹی وی کے مطابق جاری اعلامیہ کے مطابق سندھ کے سینئر صوبائی وزیر برائے اطلاعات، ٹرانسپورٹ،ماس ٹرانزٹ، ایکسائز، ٹیکسیشن و نارکوٹکس کنٹرول شرجیل انعام میمن کی زیر صدارت محکمہ ایکسائز نارکوٹکس کنٹرول ونگ کا اہم اجلاس ہوا جس میں شرجیل انعام میمن نے منشیات فروشوں کے خلاف بھرپور آپریشن کے احکامات جاری کر دیئے اور آپریشن کے سلسلے میں سندھ بھر سے محکمہ ایکسائز نارکوٹکس کنٹرول ونگ کی نفری بھی طلب کر لی گئی ہے۔شرجیل انعام میمن نے کہا کہ کل سے سندھ بھر میں منشیات فروشوں کے خلاف مرحلہ وار آپریشن شروع کیا جائے اور پہلے مرحلے میں کراچی اور حیدرآباد کے منشیات فروشوں کے خلاف گھیرا تنگ کر کے منشیات سے پاک کیا جائے۔ منشیات کے خلاف دائرہ وسیع کرتے ہوئے دیگر اضلاع میں بھی جلد آپریشن شروع کر دیا جائے گا،ہمارا ٹارگیٹ کرسٹل، آئس، ہیروئن، کوکین اور چرس ہے،اس کا خاتمہ ہر صورت میں یقینی بنانا ہوگا،پولیس اور رینجرز بھی ایکسائز نارکوٹکس کنٹرول کی ٹیموں کے ساتھ تعاون کے لئے ہمہ وقت تیار ہے۔انہوں نے کہا کہ انسداد منشیات کے نئے قانون کے بعد ایکسائز نارکوٹکس کنٹرول کی ذمہ داریوں میں اضافہ ہوگیا ہے، اپنی آئندہ نسلوں کو منشیات کی لعنت سے بچانے اور منشیات سے پاک معاشرے کو یقینی بنانے کیلئے ہم سب کو کردار ادا کرنا ہوگا۔انہوں نے کہا کہ منشیات کی روک تھام کیلئے کی جانے والی کوششوں سے اطمینان کا احساس اور خوشی ہوتی ہے،انسداد منشیات ونگ کو مضبوط اور مثالی بنانا اب ہماری ذمہ داری ہے۔انہوں نے کہا کہ منشیات کے خلاف اچھی کارکردگی دکھانے والوں کو انعامات اور اعزازات سے نوازا جائے گا۔انہوں نے مزید کہا کہ انسداد منشیات کے خلاف کارروائیوں کو ذاتی طور پر مانیٹر کر رہا ہوں، روزانہ کی بنیاد پر آپریشن کی رپورٹ دی جائے۔اجلاس میں سیکریٹری ایکسائز محمد سلیم راجپوت، ڈی جی نارکوٹکس کنٹرول ونگ اورنگزیب اکبر پنہور اور دیگر افسران نے شرکت کی۔

کراچی: دھند کے باعث ٹرینوں کی آمد و رفت میں تاخیر، شہری پریشان

کراچی پولیس کا سرچ آپریشن،8ملزمان گرفتار،منشیات برآمد

کراچی میں کینٹ اسٹیشن پر ٹرینوں کی آمد و رفت گھنٹوں تاخیر کا شکار ہے۔

باغی ٹی وی کو ایک مسافر نے بتایا ہے کہ خیبر میل کو رات 10 بجے کینٹ اسٹیشن پہنچنا تھا جو صبح 5 بجے پہنچی ہے، مسافروں کو ٹرینوں سے متعلق معلومات دینے والا بھی کوئی نہیں۔مسافر کا کہنا ہے کہ سکھر ایکسپریس اکثر تاخیر سے روانہ ہوتی ہے، ریلوے انتظامیہ کہہ رہی ہے کہ ٹکٹ واپس نہیں ہو گا، اسے ضائع کر دو۔ٹرینوں کی ا?مد و رفت میں تاخیر سے مسافروں کو مشکلات کا سامنا ہے۔دوسری جانب ریلوے انتظامیہ کا کہنا ہے کہ مختلف شہروں میں دھند کے باعث ٹرینوں کی آمد و رفت تاخیر کا شکار ہے۔دوسری جانب ڈویژنل سپرنٹنڈنٹ آفس پاکستان ریلوے لاہور کی جانب سے جاری بیان کے مطابق شدید دھند اور سموگ کے باعث لاہور سے کراچی جانے والی شالیمار ایکسپریس کا شیڈول تبدیل کردیا گیا ہے۔

کراچی پولیس کا سرچ آپریشن،8ملزمان گرفتار،منشیات برآمد

کراچی میں فیڈرل اردو یونیورسٹی کراچی کیمپس کے ملازموں کا تنخواہ کے لیے احتجاج انتطامیہ جرم بنا دیا، احتجاج میں شامل افراد کے لیے خلاف تادیبی کاروائیاں شروع کر دی.باغی ٹی وی ایک بار پھر مظلوموں کی آواز بن گیا.

باغی ٹی وی کو موصول فیڈرل اردو یونیورسٹی کراچی کیمپس کے شیخ الجامعہ کے نام خط میں تادیبی کاروائیاں روکنے کا مطالبہ کیا گیا، عباس علی
نے خط میں موقف اختیار کیا کہ میں فیڈرل اردو یونیورسٹی کراچی کیمپس میں بحیثیت ( اسٹنٹ 16 BPS) میں اپنی خدمات سرانجام دے رہا ہوں مجھے ملازمت کرتے ہوئے عرصہ 30 سال ہو چکے ہیں کئی ماہ سے ہماری یونیورسٹی میں تنخواہیں ، ہاؤس سیلنگ نہیں دی جا رہی اور ہمارا میڈیکل پینل مکمل طور پر بند کر دیا گیا ہے جس پر میں نے بطور سینیئر نائب صدر انجمن غیر تدریسی ملازمین ( عبد الحق کیمپس) کی حیثیت سے کچھ عرصہ قبل جناب ضابطہ خان شینواری وائس چانسلر فیڈرل اردو یونیورٹی کو بذریعہ Fuuast ای میل مطالبہ کیا جس پر وائس چانسلر صاحب کی ہدایت پر مجھے شوکاز نوٹسز کا سلسلہ شروع ہوا، انکوائریوں کا سلسلہ شروع کیا گیا میری ایک سال کی سالا نہ انکریمنٹ بند کر دی گئی اور کئی مزید میرے خلاف انکوائریز کے لیے کمیٹیاں تشکیل دی گئیں۔ اور آخر میں مجھے میڈیکل فٹنس سرٹیفیکیٹ کے لئے سول سرجن کے نام کا خط دیا گیا۔ پاکستان کی تاریخ میں ایک سرکاری ملازم کو 50 سال کی عمر میں 30 سال سروس کہ بعد میڈیکل فٹنس سرٹیفیکیٹ طلب کرنا جیسے اقدامات انتقامی کارروائی کا شاخسانہ ہیں۔ کیا بنیادی تنخواہ مانگنا ایک ملازم کا اتنابڑا قصور بن جاتا ہے کہ وائس چانسلر پوری انتظامیہ کو ایک شخص کے خلاف کاروائیوں کے لیے استعمال کرے۔ یہ سرا سرانسانی حقوق کی خلاف ورزی ہے اور 1973 کے آئین ایکٹ 2018 معذوری کے بحالی کے لئے موجود ہے جس میں اگر ایک سرکاری ملازم دوران سروس معذور ہو جائے تو اسے قانونی تحفظ حاصل ہے اور وہ ادارہ اسے سہولیات فراہم کرنے کا پابند ہے لیکن اردو یونیورسٹی کی انتظامیہ اور وائس چانسلر صاحب مسلسل مجھے دھمکیاں اور انتقامی کاروائیوں کے خطوط جاری کیے ہوئے ہیں۔ جس سے میں شدید ذہنی دباؤ کا شکار ہوں کیونکہ میری دوران سروس بصارت انتہائی کمزور ہو چکی ہے جس کی درخواست میں نے ادارے کو اور بذات خود جناب ڈاکٹر خالد مقبول صدیقی صاحب وفاقی وزیر تعلیم و پیشه ورانه تربیت و پرو چانسلر وفاقی اور یونیورسٹی کو دی ہے لیکن مجھے تا حال کہیں سے بھی کوئی جواب موصول نہیں ہوا۔دوسری طرف عباس عالی کو جاری کیے گئے شوکاز نوٹسز اور 30 سال سروس کرنے کے بعد میڈیکل فٹنس سرٹیفیکیٹ طلب کرنے کی مذمت یونیورسٹی کے اساتذہ انجمن و غیر تدریسی انجمن نے بذریعہ خط وی سی آفس میں کروا کر کیا اور عباس علی کے خلاف شوکاز نوٹسز کا فوری طور پر منسوخ کرنے کا مطالبہ کیا۔

تحریک انصاف کے رہنماوں حلیم عادل شیخ اور راجہ اظہر نے پولیس کیخلاف توہین عدالت کی درخواستیں سندھ ہائیکورٹ میں دائر کردیں۔

باغی ٹی وی کے مطابق درخواستوں میں موقف اپنایا گیا ہے کہ پولیس ہمارے خلاف مقدمات درج کرکے سندھ ہائیکورٹ کے فیصلے کی توہین کررہی ہے۔سندھ ہائیکورٹ کے سابق چیف جسٹس احمد علی ایم شیخ اور جسٹس یوسف علی سعید کے بینچ نے دفعہ 144 کے مقدمات درج کرنے سے روکا تھا۔پریڈی اور سہراب گوٹھ پولیس نے عدالتی حکم کی خلاف ورزی کی ہے۔ہائیکورٹ میں سماعت کے بعد میڈیا سے گفتگو میں حلیم عادل شیخ نے کہا کہ مئی سے کراچی میں جلسے کی اجازت مانگ رہے ہیں لیکن ہمیں ٹرک کی بتی کے پیچھے لگایا ہوا ہے۔انہوں نے کہا کہ پولیس جس طرح پی ٹی آئی کے پیچھے لگی ہے اسی طرح اگر دہشتگردوں کے پیچھے پڑ جائے تو امن و امان کی صورتحال بہتر ہو جائے گی۔

ریلوے اسٹیشنز پر لگے سیکیورٹی کیمرے و دیگر آلات خراب نکلے

روس پاکستان سے بہترین تعلقات چاہتا ہے ،گورنرسندھ

پاکستان کسٹمز میں گریڈ 10سے 18تک کی 69آسامیاں مستقل ختم

گورنرسندھ کامران خان ٹیسوری نے کہا ہے کہ روس پاکستان کے ساتھ بہترین تعلق چاہتا ہے اس ضمن میں موجودہ معاشی صورتحال میں روس پاکستان کے ساتھ دوستی کا ثبوت بھی دینا چاہتا ہے۔

باغی ٹی وی کے مطابق ا ن خیالات کا اظہار انہوں نے گورنرہائوس میں روس کے سفیر Albert Khorev سے ملاقات کے دوران کیا ۔اس سے قبل جب روس کے سفیر Khorev Albert گورنر ہاؤس پہنچے تو انہیں گارڈ آف آنر پیش کیاگیا۔گورنر سندھ کامران ٹیسوری اور روس کے سفیر نے پرچم کشائی کی۔اس موقع پر روسی قونصلیٹ کے نمائندگان بھی موجود تھے۔روس کے سفیر نے مہمانوں کی کتاب میں اپنے تاثرات تحریر بھی کئے ۔گورنرسندھ کے ہمراہ روس کے سفیر نے قائد اعظم گیلری کا دورہ کیا۔ روس کے سفیر کی کراچی کے مشہور برگر اور مٹکہ چائے سے تواضع بھی کی گئی ۔گورنرسندھ نے مزید کہا کہ آج روس کے سفیر سے میری تفصیلی بات ہوئی ہے،انشاللہ پاک روس دوستی تجارت کے تبادلہ میں تبدیل ہوگی۔انہوں نے کہا کہ روس اور پاکستان کی بہت اچھے تعلقات ہیں۔کچھ عرصہ قبل روس کے ڈپٹی وزیر اعظم بھی پاکستان آئے تھے۔ انہوں نے کہا کہ روس کے سفیر کو صوبہ میں سرمایہ کاری کی دعوت دی ہے۔ بعد ازاں گورنر سندھ کامران خان ٹیسوری نے روسی سفیر اور قونصل جنرل کو عزازی ٹوپی اور شال دی۔رو س کے سفیر نے شجر کاری مہم کے تحت گورنرہائو س میں پودا بھی لگایا ۔

واٹس ایپ:تصویر فیکٹ چیک فیچر آزمائشی طور پر شروع

پاکستان کسٹمز میں گریڈ 10سے 18تک کی 69آسامیاں مستقل ختم

کراچی : پولیس افسر کے ساتھ ویڈیو بنوانے والی ٹک ٹاکر کیخلاف مقدمہ درج

ٹرمپ کی کامیابی کا پاکستان سے کوئی لینا دینا نہیں‘ آغا سراج

سابق اسپیکر سندھ اسمبلی آغا سراج درانی کا کہنا ہے کہ ڈونلڈ ٹرمپ کی کامیابی کا پاکستان سے کوئی لینا دینا نہیں ہے۔

باغی ٹی وی کے مطابق کراچی کی احتساب عدالت میں پیشی کے بعد میڈیا سے گفتگو کرتے ہوئے آغا سراج درانی نے کہا کہ ٹرمپ کے پاکستانی معاملات سے متعلق جو شوشا چھوڑا گیا ہے اس کی کوئی حقیقت نہیں، ہمارا اپنا قانون ہے اور امریکا کا اپنا قانون ہے۔ اپوزیشن کبھی بھی فرینڈلی نہیں ہوتی، اگر اپوزیشن کو ہاؤس میں موقع نہیں ملے گا تو باہر بولیں گے، بہتر ہے اپوزیشن ہاؤس میں اپنی بھڑاس نکال لے۔اپنے کیس کے حوالے سے گفتگو کرتے ہوئے آغا سراج درانی نے کہا کہ 6 سال ہوگئے ہیں اسی طرح کیس چل رہا ہے، عدالت جب بلاتی ہے حاضر ہوتے ہیں۔سابق اسپیکر سندھ اسمبلی کا کہنا ہے کہ پہلے بھی مقدمات کا سامنا کیا ہے، اگر مقدمات مقررہ مدت میں نمٹائے نہیں جاتے تو انہیں ختم کر دینا چاہیے، تاریخ پر تاریخ کا مقصد ہی یہی ہوتا ہے کہ عدالتوں میں آتے رہیں، 30 سال سے میڈیا ٹرائل ہو رہا ہے۔دوسری جانب کراچی کی احتساب عدالت میں سابق اسپیکر سندھ اسمبلی آغا سراج درانی و دیگر کے خلاف آمدن سے زائد اثاثے بنانے کے ریفرنس سے بریت اور ریفرنس کے دائرہ اختیار سے متعلق ملزمان کی درخواستوں پر سماعت ہوئی۔ملزمان کے وکیل نے کہا کہ نیب ترمیم کے بعد احتساب عدالت کے پاس ریفرنس کی سماعت کا اختیار نہیں۔ احتساب عدالت نے دونوں درخواستوں کی سماعت بغیر کارروائی 18 نومبر تک ملتوی کر دی۔

گوجرہ: شالیمار ٹرین سے ٹکرا کر ایک شخص جاں بحق

موبائل شاپ دکاندار کی لڑکی سے مبینہ زیادتی ، بلیک میل بھی کیا

شرجیل میمن سے یو اے ای کے قونصل جنرل کی ملاقات

سندھ کے سینئر وزیر شرجیل انعام میمن سے متحدہ عرب امارات کے قونصل جنرل بخیت عتیق الرومیتی نے کراچی میں ملاقات کی۔

باغی ٹی وی کے مطابق عرب امارات کے قونصل جنرل بخیت عتیق الرومیتی نے انسداد منشیات کیلئے حکومت سندھ کے اقدامات کی تعریف کرتے ہوئے کہا کہ سندھ کے عوام کیلئے مختلف شہروں میں اماراتی حکومت کی جانب سے مفت طبی کیمپس بھی لگانے جا رہے ہیں۔ملاقات کے موقع پر متحدہ عرب امارات کے قونصل جنرل نے سینئر وزیر شرجیل انعام میمن کو عرب امارات کے قومی دن کی تقریبات میں شرکت کی دعوت دی، شرجیل میمن نے متحدہ عرب امارات کا قومی دن جوش و جذبے سے منانے کی یقین دہانی کروائی۔ملاقات کے دوران مشترکہ اقدار کو مستحکم کرنے اور متعدد شعبوں میں تعاون کے مواقع بڑھانے پر تبادلہ خیال ہوا، معاشی و سماجی ترقی اور تعاون کو مزید فروغ دینے پر اتفاق کیا گیا۔ شرجیل میمن نے کہا کہ متحدہ عرب امارات اور سندھ کے باہمی برادرانہ تعلقات دہائیوں پر محیط ہیں، عرب امارات کی سندھ کے عوام کیلئے کاوشیں ناقابل فراموش ہیں، عرب امارات ہمارا دیرنیہ برادر ملک ہے۔ پاکستان خاص طور پر سندھ کی ترقی کے لئے عرب امارات کی کوششیں کسی سے پوشیدہ نہیں، عرب امارات کے عوام ہر مشکل وقت میں سندھ کے عوام کے ساتھ کھڑے رہے ہیں۔ صحت اور تعلیم کے میدان میں اماراتی سرمایہ کاری نمایاں کردار ادا کررہی ہے۔ حکومت سندھ اماراتی حکومت کے ساتھ شراکت داری بڑھانے اور امن و خوشحالی کو فروغ دینے کیلئے پرعزم ہے۔

وفاقی وزیر مذہبی امور نےحج پالیسی 2025 کا اعلان کردیا

کراچی ایئرپورٹ سگنل پر خود کش حملے کا ماسٹر مائنڈ بلوچستان سے گرفتار

سندھ حکومت نے اسٹیل مل بحال کیلئے روس سے رابطہ کر لیا

کراچی ایئرپورٹ سگنل پر چینی انجینئرز پر خود کش حملے کے ماسٹر مائنڈ کو بلوچستان کے علاقے وندر سے گرفتار کرلیا گیا۔

باغی ٹی وی کے مطابق بلوچستان میں پولیس اور حساس اداروں نے خفیہ معلومات پر ٹارگٹڈ آپریشن کیا جس کے نتیجے میں ضلع لسبیلہ سے 2 خود کش حملہ آوروں کو گرفتار کرلیا گیا،حملہ آور کراچی میں سیکیورٹی فورسز اور غیرملکیوں کا نشانہ بنانا چاہتے تھے۔بلوچستان کے دیگر مقامات سے 4 دہشت گردوں کو بھی گرفتار کیا گیا، کراچی ایئرپورٹ سگنل پر خود کش حملے کا ماسٹر مائنڈ بلوچستان کے علاقے وندر سے گرفتار کرلیا گیا۔واضح رہے کہ 6 اکتوبر کی رات کراچی ایئرپورٹ کے قریب خودکش بم دھماکے میں 2 چینی باشندوں سمیت 3 افراد ہلاک جب کہ پولیس اور رینجرز اہلکاروں سمیت 12 سے زائد افراد زخمی ہوئے تھے اور ایک درجن سے زائد گاڑیوں کو نقصان پہنچا تھا۔دھماکا اس قدر شدید تھا کہ اس کی گونج ڈسٹرکٹ سینٹرل سمیت شہر کے دور دراز علاقوں میں بھی سنی گئی تھی، ابتدائی طور پر دھماکے کی وجہ آئل ٹینکر پھٹنے کو قرار دیا گیا تھا تاہم تحقیقات کے بعد اسے خودکش دھماکا قرار دیا گیا تھا۔خودکش دھماکے کی ذمے داری بی ایل اے نے قبول کی تھی، واقعے کا مقدمہ تھانہ ایئرپورٹ کے ایس ایچ او کی مدعیت میں سی ٹی ڈی میں درج کیا گیا تھا، جس میں قتل، اقدام قتل، خودکش حملے، دھماکا خیزمواد، دہشت گردی سمیت دیگر دفعات شامل کی گئی ہیں۔

عرب اسلامک سربراہ اجلاس،وزیراعظم کی شرکت،فلسطینیوں سے یکجہتی