Tag: کراچی شہر

کراچی کے علاقے سرجانی ٹاؤن سے اغوا کی گئی ایک نوعمر لڑکی کو اسکیم 33 میں سڑک کے کنارے سے بازیاب کرالیا گیا، تاہم ان کے جسم پر ’متعدد زخم‘ موجود تھے۔

تھانے ٹاؤن کے اسٹیشن ہاؤس افسر غلام حسین پیرزادہ نے میڈیا کو بتایا کہ لڑکی گزشتہ روز اپنے گھر یوسف گوٹھ سے دکان سے کچھ خریدنے گئی تاہم واپس نہیں آئی۔اہل خانہ کی جانب سے شکایت موصول ہونے کے بعد پولیس نے سرچ آپریشن شروع کیا، جس کے بعد صبح فرسٹ انفارمیشن رپورٹ (ایف آئی آر) درج کی گئی۔ایس ایچ او نے بتایا کہ سرجانی پولیس کو سچل تھانے سے فون کال موصول ہوئی اور ایک لڑکی کی تصویر بھی بھیجی گئی۔پولیس نے لڑکی کو بازیاب کروانے کے بعد والد کے ہمراہ عباسی شہید ہسپتال منتقل کیا، جنہوں نے اپنی بیٹی کی شناخت کی۔اسٹیشن ہاؤس افسر کا کہنا تھا کہ لڑکی سر اور ہاتھوں پر زخموں کے نشانات تھے۔

دریں اثنا، پولیس سرجن ڈاکٹر سمعیہ سید نے بتایا کہ 12 یا 13 سال کی لڑکی ’اپنے ہوش و حواس میں نہیں اور اس کے جسم پر متعدد زخم تھے۔پولیس سرجن کا کہنا تھا کہ نتائج سے پتا چلتا ہے کہ لڑکی پر جنسی تشدد کے بہت زیادہ امکانات ہیں۔انہوں نے کہا کہ سیمین سیرولوجی اور ڈی این اے ٹیسٹنگ کے لیے نمونے حاصل کر لیے گئے ہیں جبکہ بچی کو علاج کے لیے نیشنل انسٹی ٹیوٹ آف چائلڈ ہیلتھ (این آئی سی ایچ) بھیج دیا گیا ہے۔پولیس سرجن کے مطابق لڑکی ذہنی تناؤ کا شکار، پریشان اور بات چیت کرنے کے قابل نہیں ہیں۔ڈاکٹر سمعیہ سید نے کہا کہ ذہنی طور پر اس کی صورتحال بہتر نہیں ہے، مزید کہا کہ اسے تشخیص اور بحالی کے لیے این آئی سی ایچ کے شعبہ نفسیات میں بھیجا گیا ہے۔

بلاول بھٹو سے بلوچستان اور سندھ کے وزرائے اعلیٰ کی ملاقات

دنیائے ادب کا نئی نسل مشاعرہ- اک یاد.تحریر:عنبریں حسیب عنبر

صارم زیادتی و قتل کیس، والدین کا پولیس تفتیش پر عدم اعتماد

ْکراچی،ٹمپرڈ گاڑیاں روکنےپر کسٹم اہلکار ایکسائز عملے سے لڑ پڑے

آسٹریلیا کے خلاف میچ میں دباؤ دونوں ٹیموں پر ہو گا، روہت شرما

غزہ میں سامان کی ترسیل پر بندش، پاکستان کی شدید مذمت

کراچی میں غیر قانونی نمبر پلیٹس اور ٹیکس نا دہندگان کے خلاف مہم میں محکمہ ایکسائز نے کسٹم افسران کے زیر استعمال کئی گاڑیاں ضبط کرلیں،سی ویو پر سینئر افسر اور گاڑی کو چھڑوانے کسٹم اہلکار پہنچ گئے۔ ایکسائز اہلکاروں کو دھکے دیے اور سینئر افسر کو بھگا دیا۔

باغی ٹی وی کی رپورٹ کے مطابق محکمہ ایکسائز اینڈ ٹیکسیشن نے روڈ چیکنگ مہم کے دوران سرکاری نمبر پلیٹس والی کئی گاڑیاں روک لیں، گاڑیوں میں سوار کسٹم افسران نے مدد کیلئے کسٹم اہلکاروں کو بلا لیاجس کے بعد کسٹم اور ایکسائز کے اہلکار آمنے سامنے آگئے اور ایک دوسرے کو دھکے دیے، سینئر کسٹم افسر اپنی گاڑی بھگا کر لے گئے۔

ڈپٹی ڈائریکٹر ایکسائز اینڈ ٹیکسیشن دانش محمود نے کہا کہ ٹمپرڈ گاڑی پر سرکاری نمبر پلیٹ لگانا غیر قانونی ہے، ٹمپرڈ گاڑیوں کو ضبط کیا جائے گا، بدتمیزی پر قانونی کارروائی کی جائے گی۔دوسری جانب ڈپٹی کلکٹر کسٹم رضا علی نے کہا ہے کہ ایکسائز اہلکاروں کا ہماری گاڑیوں کو روکنا غلط ہے، ہم ٹمپرڈ گاڑیاں قانونی طور پر استعمال کر رہے ہیں، گاڑیوں کے استعمال کیلئے لیٹر بھی جاری کیا جاتا ہے۔

پی ٹی آئی خیبرپختونخوا کی تمام تنظیمیں تحلیل، نوٹیفکیشن جاری

آسٹریلیا کے خلاف میچ میں دباؤ دونوں ٹیموں پر ہو گا، روہت شرما

غزہ میں سامان کی ترسیل پر بندش، پاکستان کی شدید مذمت

خیبرپختونخوا کنٹرول آف نارکوٹک سبسٹانسز ترمیمی بل منظور

کراچی میں یونیورسٹی روڈ پر ایک تیز رفتار خونی ڈمپر نے موٹر سائیکل سوار دو افراد کا ٹکر مار دی، جس کے نتیجے میں ایک نوجوان ہلاک ہو گیا جبکہ دوسرا زخمی ہو گیا۔

باغی ٹی وی کے مطابق کے مطابق یونیورسٹی روڈ پر افسوسناک حادثے میں واٹر ٹینکر کی ٹکر سے موٹر سائیکل سوار دو دوست حادثے کا شکار ہو گئے، جس کے نتیجے میں نوجوان حارث موقع پر ہی جان کی بازی ہار گیا، جبکہ احمد کو زخمی حالت میں جناح اسپتال منتقل کر دیا گیا۔پولیس کے مطابق دونوں نوجوان جمعے کی نماز ادا کرنے کے بعد بیت المکرم مسجد کے قریب جا رہے تھے کہ حادثہ پیش آیا۔ جاں بحق اور زخمی ہونے والے دونوں افراد کا تعلق میرپور خاص سے ہے۔

حادثے کے بعد علاقے میں کشیدگی پیدا ہو گئی، اور مشتعل افراد نے واٹر ٹینکر کو آگ لگا دی۔ پولیس کا کہنا ہے کہ ٹینکر کا ڈرائیور موقع سے فرار ہو گیا، جبکہ ٹینکر کو نذرِ آتش کرنے والے ایک شخص کو حراست میں لے لیا گیا ہے۔دریں اثنا، حادثے کا شکار ہونے والوں کے اہل خانہ سے اظہار تعزیت کے لیے مہاجر قومی موومنٹ کے چیئرمین آفاق احمد جناح اسپتال پہنچے۔ پولیس مزید تحقیقات کر رہی ہے اور مفرور ڈرائیور کی تلاش جاری ہے۔

چکوال کے قریب موٹروے بس کھائی میں گرنے سے 8 افراد جاں بحق

امریکا سے جلاوطن پاکستانیوں کی واپسی میں سہولت فراہم کررہے ہیں ،دفتر خارجہ

سندھ ڈرگ ٹیسٹنگ لیبارٹری نے انکشاف کیا ہے کہ کراچی سمیت صوبے بھر میں 13 مختلف جعلی ادویات مارکیٹ میں کمپنیوں کے ناموں سے فروخت کی جارہی ہیں۔

میڈیا رپورٹس کے مطابق تحقیقات کے دوران یہ بھی پتہ چلا کہ جو جعلی ادویات مختلف کمپنیوں کے نام سے مارکیٹ میں فروخت کی جارہی ہیں ان کمپنیوں کا سرے سے وجود ہی نہیں۔ سندھ ڈرگ ٹیسٹنگ لیبارٹری کے ڈائریکٹر عدنان رضوی نے بتایا کہ گذشتہ 2 ماہ کے دوران مختلف ادویات کے 300 سے زائد سمپل ٹیسٹ کیے جاچکے ہیں جس میں 13 مختلف ادویات کے سمپل جعلی قرار دیے گئے ہیں، یہ جعلی ادویات اصل کمپنیوں کے ناموں سے مارکیٹ میں فروخت کی جارہی تھیں۔

انہوں نے بتایا کہ سندھ ڈرگ ٹیسٹنگ لیبارٹری کو کراچی سمیت اندرون سندھ میں جعلی ادویات کی سینکڑوں شکایت موصول ہوئی تھی جس ڈرگ انسپکٹروں نے ڈرگ ایکٹ کے تحت کارروائی کرتے ہوئے مختلف ادویات کے سپمل حاصل کیے، ان ادویات میں جسم میں درد، مرگی اور ہڈی و پٹھوں کے درد میں استعمال کی جانے والی آئیوڈیکس کے نمونے جب لیبارٹری میں ٹیسٹ کیے تو انکشاف ہوا کہ ان ادویات میں وہ اجزاء شامل نہیں جو درد میں استعمال کی جاتی ہے۔

عدنان رضوی نے بتایا کہ جس پر ڈرگ ٹیسٹنگ لیبارٹری نے متعلقہ ڈرگ انسپکٹروں کو ہدایت کی کہ ادویات پر درج کمپنیوں کے پتوں پر رابطہ کیا جائے، ڈرگ انسپکٹروں کی کاروائی پر انکشاف ہوا کہ یہ کمپنیاں وہاں سرے سے موجود ہی نہیں ہے۔ آئیوڈیکس بنانے والی کمپنی سے جب رابطہ کیا تو اس کمپنی کے حکام نے بتایا کہ آئیوڈیکس کی مینوفیکچرنگ 2017 کے بعد سے بند ہے، آئیوڈیکس پر مینیوفیکچرنگ کی تاریخ 2024 درج تھی۔ اسی طرح دیگر 13 مختلف ادویات پر درج بیج نمبر، لائنس نمبر اور کمینی کی پتے بھی غلط تھے جس کے بعد سندھ کے تمام ڈرگ انسپکٹروں کو جعلی ادویات کے خلاف کریک ڈاون کی ہدایت کردی۔

صدر آصف زرداری کی لاہور آمد، نواز شریف سے ملاقات کا امکان

مسلم لیگ ن نے سیاسی جماعت کی بڑی وکٹ گرادی

انڈونیشیا : ہم جنس پرستی پر 2 افراد کو سر عام کوڑے مارے گئے

امریکی کمپنی نے اڑنے والی کار کی کامیاب آزمائش کر لی

افغانستان جانے والے ڈی اے پی کی انشورنس گارنٹی لازمی قرار

پاکستان میں تیل و گیس کی پیداوار میں کمی

لائنوں میں رساؤ کا کام رات گئے مکمل کرنے کے بعد مختلف علاقوں میں پانی کی فراہمی شروع کر دی گئی۔

باغی ٹی وی کے مطابق کراچی واٹر اینڈ سیوریج کارپوریشن کے ترجمان نے بتایا کہ بلاک لائنوں کو چارج کیا جا رہا ہے جس کے بعد ڈسٹری بیوشن لائنوں میں شروع ہوگی۔ترجمان نے بتایا کہ آج شہر میں معمول کے مطابق پانی کی فراہمی بحال ہو جائے گی، 12 مختلف مقامات پر لیکیجز تھیں، رساؤ کے وجہ سے لائن کا پریشر کم کرنا پڑ رہا تھا جبکہ اس کے باعث یومیہ 10 ملین گیلن پانی ضائع بھی ہو رہا تھا۔

کارپوریشن کے مطابق لیکیجز کے باعث مختلف علاقوں میں پانی کی کمی کی شکایات تھی، رساؤ ختم ہونے سے لیاری، صدر، کلفٹن، ناظم آباد، نارتھ ناظم آباد سمیت ضلع وسطی میں فراہمی میں بہتری آئے گی۔

دھمکیاں دینے پر یو ٹیوبر رجب بٹ سمیت 7 افراد کیخلاف مقدمہ درج

پبلک اکاؤنٹس کمیٹی نے بجلی کے 300بڑے ڈیفالٹرز کی فہرستیں طلب کرلیں

کراچی کے صارفین کے لیے بجلی سستی ہونے کا امکان

وزارت داخلہ کو ملی ضمنی گرانٹ منظوری کے بغیر دی گئی

کراچی میں پانی اور بجلی کی بندش کے خلاف مظاہروں کے نتیجے میں مختلف مقامات پر بدترینٹریفک جام کی صورتحال ہے، حکام کے مطابق عوامی غصے میں اضافے کا خدشہ ہے۔

باغی ٹی وی کے مطابق بس ریپڈ ٹرانزٹ (بی آر ٹی) سسٹم کے لیے جاری تعمیراتی سرگرمیوں کے دوران پرانی سبزی منڈی کے قریب یونیورسٹی روڈ پر پانی کی لائن ٹوٹنے سے شہریوں کو جمعہ تک پانی کے بحران کا سامنا کرنا پڑ سکتا ہے۔کراچی ٹریفک پولیس کے مطابق شہریوں کو اپنے گھروں تک پہنچنے میں دشواری کا سامنا کرنا پڑا کیونکہ مختلف علاقوں میں دونوں اطراف سے متعدد سڑکیں مکینوں کی جانب سے بلاک کی گئیں، جس کےنتیجے میں ٹریفک حکام کو ٹریفک متبادل راستوں پر موڑنے پر مجبور ہوئے، جہاں ٹریفک کے سست روی کے ساتھ چلنے کی اطلاعات ہیں۔

ترجمان ٹریفک پولیس کے مطابق شہر بھر کی اہم سڑکوں پر کئی احتجاج اور دھرنے ہوئے،مرکزی ایم اے جناح روڈ پر کراچی میٹروپولیٹن کارپوریشن کے ریٹائرڈ ملازمین نے اپنی پنشن کے معاملے پر مظاہرے کیے، اسکے علاوہ تمام جگہوں پر احتجاج پانی اور بجلی کے مسائل پر کیے گئے۔ڈپٹی انسپکٹر جنرل آف پولیس (ڈی آئی جی) جنوبی سید اسد رضا کے مطابق پانی اور بجلی کی قلت کے خلاف مظاہروں کی وجہ سے اولڈ سٹی ایریاز بالخصوص آرام باغ، عیدگاہ چوک، تبت سینٹر اور فریسکو چوک سب سے زیادہ متاثر ہوئے۔ پولیس کو امن و امان کی صورتحال کے بگڑنے کے ساتھ مزید مظاہروں اور دھرنوں کی توقع ہے کیونکہ ایسی اطلاعات ہیں کہ پرانی سبزی منڈی کے قریب پانی کی لائن ٹوٹنے کی وجہ سے شہر کے متعدد علاقوں میں جمعہ تک پانی کی سپلائی نہیں ہو سکتی۔

ڈی آئی جی کا کہنا تھا کہ حکام کو ان شہری مسائل کو حل کرنے کی ضرورت ہے کیونکہ پولیس مظاہرین کے ساتھ بات چیت کرسکتی ہے یا ٹریفک کو موڑنے اور ریگولیٹ کرنے میں مدد کرسکتی ہے لیکن وہ پانی فراہم نہیں کرسکتے۔سید اسد رضا نے کہا کہ مسئلے کی سنگینی کو محسوس کرتے ہوئے چیف سیکریٹری سندھ تجاوزات کے خاتمے سمیت متعدد اقدامات کرکے ٹریفک کی صورتحال کو بہتر بنانے کے لیے ٹھوس کوششیں کر رہے ہیں۔نئے تعینات ہونے والے ڈی آئی جی ٹریفک پیر محمد شاہ نے بتایا کہ گزشتہ دو ماہ کے دوران شہر میں کم از کم 190 احتجاج اور دھرنے ہوئے جن کی بڑی وجہ پانی، بجلی اور دیگر مسائل تھے۔

سب سے زیادہ متاثرہ علاقے تین ہٹی، گرو مندر، لیاری، غریب آباد، لیاقت آباد، عسکری پارک، سبزی منڈی، قائد آباد، داؤد چورنگی، لنک روڈ اور سہراب گوٹھ رہے۔پانی اور بجلی کے مسائل کے خلاف روزانہ اوسطاً دو سے تین احتجاج ہوتے ہیں، سربراہ ٹریفک پولیس کا مزید کہنا تھا کہ یہ ایک حقیقی اور سنجیدہ مسئلہ ہے، جسے فوری طور پر حل کرنے کی ضرورت ہے۔ شاہ نجف کے قریب جہانگیر روڈ کے دونوں ٹریک ٹریفک کے لیے بند رہے کیونکہ رہائشیوں نے پانی اور بجلی کی بندش کے خلاف احتجاج کیا۔

مزید بتایا کہ متعدد ملحقہ سڑکوں جیسے نمائش چورنگی سے گرو منڈی، بہادر یار جنگ روڈ اور بزنس ریکارڈر روڈ پر ٹریفک کی روانی متاثر ہونے کے باعث شہریوں کو پریشانی کا سامنا کرنا پڑا۔پاکستان اسٹیٹ آئل کے پٹرول پمپ کے قریب جمشید روڈ کے دونوں ٹریک انہی مسائل کی وجہ سے ٹریفک کے لیے بند رہے، لانڈھی 89 کے مکینوں نے پانی نہ ہونے کے باعث مین روڈ کے دونوں ٹریک بلاک کر دیے، جبکہ مرتضیٰ چورنگی بھی اسی مسئلے پر بند رہی۔پانی اور بجلی کی قلت کے خلاف مکینوں کے احتجاج کے باعث گارڈن میں مین روڈ کے دونوں ٹریک بھی ٹریفک کے لیے بند کر دیے گئے، کورنگی انڈسٹریل ایریا سے بھی ایسے ہی مظاہروں کی اطلاع ملی۔

50 روز گر گئے، پولیس ننھے صارم کے ملزم کا سراغ لگانے میں ناکام

میئر پشاور کے اجلاس نہ بلانے پر ہنگامہ، ارکان نے گیٹ توڑ دیا

افغان کارڈ رکھنے والوں کو واپس بھجوانے کے منصوبے کا آغاز

رمضان المبارک کے لیے اسکولوں کے اوقات کار جاری

کراچی، ڈمپرز میں فرنٹ اور رئیرویو کیمرہ لگانا لازمی

کراچی میں بڑھتے ٹریفک حادثات کے بعد ڈی آئی جی ٹریفک پیر محمد شاہ نے اہم اقدام اٹھا لیا جس سے جان لیوا حادثات میں کمی واقع ہو سکے گی۔

باغی ٹی وی کے مطابق ڈی آئی جی پیر محمد شاہ نے ڈمپرز میں فرنٹ اور رئیرویو کیمرہ لگانا لازمی قرار دے دیا، فرنٹ اور بیک کیمرے لگانے سے حادثے میں قصوروار کا پتا چل سکے گا۔سڑک پر چلنے والے ڈمپرز میں ٹریکر بھی لگایا جائے گا جس کیلیے ڈمپر مالکان کو 15 روز میں سسٹم لگانے کی مہلت دے دی گئی۔اس حوالے سے ڈی آئی جی ٹریفک پیر محمد شاہ نے ڈمپرز ایسوسی ایشن سے ملاقات کی جس میں ایسوسی ایشن کے عہدیداروں نے اقدامات کی حامی بھر لی

۔ٹریکر کے ذریعے ڈمپر کی اوور اسپیڈنگ کا پتا چل سکے گا جبکہ ٹریکر کنٹرول سسٹم ڈی آئی جی ٹریفک دفتر میں لگایا جائے گا۔اس حوالے سے پیر محمد شاہ نے بتایا کہ ڈمپر کی اوور اسپیڈنگ پر فوری چالان ہوگا، ڈیجیٹل مانیٹرنگ اقدام سے حادثات میں کمی واقع ہوگی، تجربہ کامیاب رہا تو دیگر ہیوی گاڑیوں میں بھی سسٹم نصب کروائیں گے۔

اے آئی ٹیکنالوجی، ایشیا کے بڑے بینک نے ہزاروں ملازمتیں ختم کردیں

کراچی میں رمضان المبارک کے دوران ہیٹ ویو کا امکان

کسٹمز نے بھاری مقدار میں بھارتی ساختہ اسمگلڈ ادویات برآمد کرلیں

محکمہ موسمیات نے شہر قائد میں رمضان المبارک کے آخری عشرے کے دوران ہیٹ ویو کا امکان ظاہر کردیا۔

باغی ٹی وی کے مطابق محکمہ موسمیات نے خبردار کیا ہے کہ کراچی میں ماہ رمضان کے آخری عشرے میں ہیٹ ویو کا امکان ہے، رمضان المبارک کا آغاز معتدل موسم سے ہوگا لیکن اختتام گرم موسم سے ہوگا۔محکمہ موسمیات کے مطابق رمضان کے آغاز میں درجہ حرارت 34 ڈگری سینٹی گریڈ تک رہنے کا امکان ہے جب کہ آخری ایام میں درجہ حرارت 40 ڈگری سینٹی گریڈ تک جانے کا امکان ہے۔

ترجمان محکمہ موسمیات نے کہا کہ رواں ہفتے شہر میں موسم اسی طرح جزوی سے مکمل ابر آلود رہے گا جب کہ درجہ حرارت 32 ڈگری سینٹی گریڈ تک ریکارڈ کیا جا سکتا ہے۔ترجمان کا مزید کہنا تھا کہ مغربی ہواؤں کا سلسلہ کراچی پر اثر انداز نہیں ہوگا جب کہ آج بارش کا کوئی امکان نہیں۔

کسٹمز نے بھاری مقدار میں بھارتی ساختہ اسمگلڈ ادویات برآمد کرلیں

کراچی میں بس ریپڈ ٹرانسپورٹ ریڈ لائن منصوبے پر کام کے دوران یونیورسٹی روڈ پر ایک مرتبہ پھر پانی کی لائن ٹوٹ گئی جس کی وجہ سے سڑک پر ٹریفک کی روانی شدید متاثر ہوگئی۔

باغی ٹی وی کو موصول اطلاعات کے مطابق بی آر ٹی ریڈ لائن کے تعمیراتی کام کے دوران کراچی میں یونیورسٹی روڈ پر ایک مرتبہ پھر پانی کی لائن ٹوٹ گئی۔حسن اسکوائر سے جیل چورنگی کے درمیان لائن ٹوٹنے سے پانی سڑک پر آگیا جبکہ متعدد واٹر ٹینکرز بھی پانی بھرنے کی وجہ سے روڈ پر دھنس گئے۔سڑک پر پانی جمع ہونے سے ٹریفک کی روانی شدید متاثر ہوگئی جس کے باعث شہریوں کو مشکلات کا سامنا ہے۔

یاد رہے کہ واٹر اینڈ سیوریج کارپوریشن کی جانب سے فراہمی آب کی لائنوں کے مرمتی کام کی وجہ سے شہر کے بیشتر علاقوں کو پانی کی فراہمی پہلے ہی بند ہے۔واٹر کارپوریشن کے مطابق ایف ٹی ایم کی 48 انچ اور سی ٹی ایم کی 54 انچ کی لائن کی مرمت کی جارہی ہے، پانی کی لائنوں کا مرمتی کام72 گھنٹوں میں مکمل کرلیا جائے گا۔واٹر کارپوریشن کے مطابق مرمتی کی وجہ سے 250 ملین گیلن پانی کی قلت ہورہی ہے جس کے باعث لیاقت آباد، ناظم آباد، پاک کالونی، گولیمار، شیر شاہ، اولڈ سٹی ایریا، لانڈھی، کورنگی، پی اے ایف بیس مسرور میں بھی پانی کی سپلائی جزوی معطل ہے۔

واضح رہے کہ گزشتہ سال 15 دسمبر کو کراچی میں یونیورسٹی روڈ پر 3 کروڑروپے کی لاگت سے چند روز قبل مرمت کی گئی پانی کی لائن دوبارہ ٹوٹ گئی تھی جس کے بعد شہر قائد کو دھابیجی سے پانی کی سپلائی بند کردی گئی تھی۔ترجمان واٹربورڈ کی جانب سے جاری بیان میں کہا گیا تھا کہ یونیورسٹی روڈ پر پانی کی 84 انچ قطرکی مرکزی لائن کا مرمتی کام پیر سے شروع کیا جائے گا جس میں 3 روز لگ سکتے ہیں۔

سیکیورٹی فورسز کی ڈیرہ اسمعٰیل خان میں کارروائیاں، 7 خارجی دہشتگرد ہلاک

سیکیورٹی فورسز کی ڈیرہ اسمعٰیل خان میں کارروائیاں، 7 خارجی دہشتگرد ہلاک

لبنان:شہیدحسن نصر اللہ کے جنازے میں ہزاروں افراد کی شرکت

چیمپئنز ٹرافی: ون ڈے کرکٹ کے کئی ریکارڈز ویرات کوہلی کے نام