کراچی: جناح انٹرنیشنل ائیر پورٹ پر ہنگامی لینڈنگ کرنے والے بھارتی طیارے کے مسافروں کو لینے کے لیے دوسرا طیارا کراچی پہنچ گیا۔

باغی ٹی وی : سول ایوی ایشن ذرائع کے مطابق انڈیگو ائیر کی پرواز 6E9001 احمد آباد سے کراچی پہنچی ہے شارجہ سے حیدر آباد دکن کی پرواز 6E1406 کے مسافر متبادل پرواز سے روانہ ہوں گے۔

واضح رہے کہ پاکستان سول ایوی ایشن (سی اے اے) کے ذرائع کے مطابق بھارت کی نجی ایئر لائن کا طیارہ شارجہ سے حیدر آباد دکن جا رہا تھا کہ اس میں تکنیکی خرابی پیدا ہو گئی-

سی اے اے کے ذرائع نے بتایا تھا کہ مذکورہ طیارے میں تکنیکی خرابی کے باعث اس کے کپتان نے کراچی میں ہنگامی لینڈنگ کی اجازت مانگی اجازت ملنے پر بھارتی نجی ایئر لائن کے طیارے کے کپتان نے طیارے کو بحفاظت لینڈ کرایا ہے۔

سی اے اے کے ذرائع نے بتایا تھا کہ مذکورہ بھارتی طیارے میں 180 مسافر سوار ہیں بھارتی ایئر لاین کے مذکورہ طیارے نے رات 2 بج کر 20 منٹ پر کراچی میں بحفاظت لینڈ کیا فنی خرابی کا شکار ہونے والا بھارتی طیارہ ایئر بس 320 ہے۔

واضح رہے کہ اس سے قبل انڈین ایئرلائن اسپائس جیٹ کی پرواز ایس جی 9911 کی دہلی سے دبئی کی پرواز نے 5 جولائی کی صبح کراچی میں ہنگامی لینڈنگ کی تھی ایئرلائن اسپائس جیٹ کی دہلی سے دبئی کی پرواز نے فنی خرابی کے باعث منگل کی صبح سوا 9 بجے کراچی ایئرپورٹ پر ہنگامی لینڈنگ کی تھی پی آئی اے انجینئرز نے بوئنگ 737 طیارے کا معائنہ کیا، طیارہ کو اگلی پرواز کے لیے کلیئر قرار نہیں دیا گیا۔

جہاز کے معائنے کے بعد کئی گھنٹے سے زائد وقت سے جہاز میں موجود 138 مسافروں کو جناح انٹرنیشنل ایئرپورٹ کے لاؤنج میں منتقل کر دیا گیا تھاتمام مسافروں کی روایتی انداز میں مہمان نوازی کی گئی، سول ایوی ایشن کی جانب سے مسافروں کو کھانا اور سہولتوں کا دیگر سامان فراہم کیا گیا تھا-

ترجمان سول ایوی ایشن کا کہنا تھا کہ بھارتی طیارے کے مسافروں کو سہ پہر کو کراچی ایئرپورٹ کے ٹرانزٹ لاؤنج منتقل کیا گیا بھارتی پرواز کے 138 مسافر متبادل پرواز سے کراچی سے دبئی روانہ ہوئے تھے۔

بعد ازاں 6 جولائی بدھ کی صبح 3 بجے پی آئی اے کے انجینئرز نے بھارتی طیارے کا نقص دور کر دیا تھا یہ طیارہ پرواز SG-9922 کے طور پر کراچی سے صبح 3 بج کر 24 منٹ پر ٹیک آف کر گیا تھا اور صبح 5 بج کر 35 منٹ پر دہلی لینڈ کر گیا تھا بوئنگ طیارہ محض 3 سال پرانا ہے، جس نے دسمبر 2018ء میں پہلی اڑان بھری تھی۔

ہیومن رائٹس کمیشن آف پاکستان نے سندھ میں نسلی اور سیاسی تناؤ میں اضافے پر تشویش کا اظہار کیا ہے-

باغی ٹی وی : ہیومن رائٹس کمیشن آف پاکستان نے اپنے ایک بیان میں حیدرآباد میں بلال کا کا کے قتل کے واقعے کی شفاف تحقیقات کا مطالبہ کرتے ہوئے کہا کہ نسل پرستانہ بیانیہ مسترد کرنا انتظامیہ اور تمام ترقی پسند آوازوں کی ذمہ داری ہے۔

یاد رہے کہ حیدر آباد بائی پاس کے قریب 12 جولائی کو رات گئے ہوٹل میں مبینہ طور پر بل کی ادائیگی پر عملے اور نوجوان بلال کاکا کے درمیان جھگڑا ہوا جس کے بعد فائرنگ سے بلال جاں بحق اور تین افراد زخمی ہوئے تھے بعدازاں شہری بلال کاکا کی پوسٹ مارٹم رپورٹ جاری کردی گئی تھی-

پوسٹ مارٹم رپورٹ میں کہا گیا تھا کہ بلال کاکا کے جسم پرگولی کے نشانات نہیں ملے جبکہ سر پر زیادہ چوٹیں آنے اور پھیپھڑے پھٹنے سے بلال کی موت ہوئی بلال کاکا کے کندھوں،کمر سمیت جسم پر تشدد کے نشانات تھے بلال کو 12 جولائی کی صبح 4 بج کر 25 منٹ پر مردہ حالت میں اسپتال لایا گیا تھا۔

علاہ ازیں بلال کاکا کے قتل کے واقعےمیں غفلت برتنے پر 5 پولیس اہلکارو ں کو معطل کردیا گیا تھا ایس ایس پی حیدرآباد کا کہنا تھا کہ ہوٹل مالک کو حراست میں لے لیا گیا ہے۔ واردات کے وقت موقع پر موجود پولیس موبائل میں موجود اہلکاروں نے کارروائی کیوں نہیں کی اس حوالے سے تحقیقات کی جائیں گی۔

بعد ازاں مقتول کے ورثا نےقاسم آباد اور مٹیاری ہالہ بائی پاس پر میت کے ہمراہ احتجاج کیا ایس ایس پی امجد شیخ کا کہنا تھا کہ 5 نامزد ملزمان سمیت 10 افراد کے خلاف مقدمہ درج کرلیا گیا ہے۔ قتل کے محرکات اور واردات کے موقع پر پولیس موبائل کی کارروائی نہ کرنے تحقیقات کی جائے گی ۔

علاوہ ازیں کراچی کے علاقے سہراب گوٹھ میں احتجاج کے دوران بس ٹرمنل پر حملہ آور ملزمان نے ڈیوٹی پر موجود ایک پولیس افسر سے سرکاری اسلحہ، گولیاں اور موبائل فون چھین لیا۔

کوئی بھی زبان بولنے والاہو، قانون کی نظر میں سب برابر ہیں،شرجیل میمن

باغی ٹی وی کی رپورٹ کے مطابق سندھ کے صوبائی وزیر اطلاعات شرجیل میمن نے کہا ہے کہ حیدر آباد واقعہ کو لسانی رنگ نہ دیا جائے،کوئی بھی زبان بولنے والاہو، قانون کی نظر میں سب برابر ہیں،

پریس کانفرنس کرتے ہوئے شرجیل میمن کا کہنا تھا کہ کل کے واقعہ میں ایک سیاسی جماعت کے کچھ عناصر شامل تھے، بعض سیاسی جماعتیں چاہتی ہیں کہ امن و امان خراب ہو،ہم اس وقت کسی واقعہ کو ہوا نہیں دینا چاہتے،سندھ پرامن اور صوفیوں کی دھرتی ہے، سندھ لسانیت پر یقین نہیں رکھتا،جب بھی کوئی واقعہ ہوا سندھ حکومت فوری متحرک ہوئی، عوام کو شرپسندوں سے ہوشیار رہنا چاہیے پاکستان ایک گلدستہ ہے کوئی بھی زبان بولنے والے ہوں وہ بھائی ہیں شرپسند عناصر امن خراب کرنا چاہتے ہیں لیکن حکومت ایسے عناصر سے آگاہ ہے، کسی کے ساتھ زیادتی نہیں ہو گی انصاف ہو گا، سوشل میڈیا پر مختلف اکاؤنٹس سے یہ خبریں چلیں،ان میں سے چند اکاؤنٹ ہولڈرز کا ایک ڈیڑھ سال پہلے انتقال ہو چکا ہے، فارن فنڈنگ کیس میں پی ٹی آئی نے اسرائیل اور انڈیا سے فنڈنگ لی ہے، عمران خان کیخلاف فوری آرٹیکل 6 لگنا چاہیے،دکانیں بند کرانے والے 28 افراد کو ہم نے گرفتار کر لیے ہیں،

فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

علاوہ ازیں سہراب گوٹھ میں گزشتہ روز پرتشدد احتجاج کا معاملہ ڈسٹرکٹ ایسٹ پولیس کی بھاری نفری سہراب گوٹھ کے علاقے میں موجود رہی، پولیس حساس علاقوں میں گشت کرتی رہی،

قبل ازیں حیدرآباد کے ہوٹل میں جھگڑے کے دوران فائرنگ سے قتل کیے جانے والے شہری کی پوسٹ مارٹم رپورٹ آگئی  حیدرآباد میں ہوٹل میں مبینہ طور پر بل کی ادائیگی پر جھگڑے کے دوران قتل ہونے والے شہری بلال کاکا کی پوسٹ مارٹم رپورٹ جاری کردی گئی۔رپورٹ کے مطابق بلال کاکا کے جسم پرگولی کے نشانات نہیں ملے جبکہ سر پر زیادہ چوٹیں آنے اور پھیپھڑے پھٹنے سے بلال کی موت ہوئی۔پوسٹ مارٹم رپورٹ میں کہا گیا ہے کہ بلال کاکا کے کندھوں،کمر سمیت جسم پر تشدد کے نشانات تھے۔پوسٹ مارٹم رپورٹ کے مطابق بلال کو 12 جولائی کی صبح 4 بج کر 25 منٹ پر مردہ حالت میں اسپتال لایا گیا تھا۔

توشہ خانے سے چوری تم کرو اور چور ہم،وزیراعلیٰ سندھ برس پڑے

باغی ٹی وی کی رپورٹ کے مطابق وزیراعلیٰ سندھ سید مراد علی شاہ نے کہا ہے کہ کراچی میں3 گھنٹوں میں 127 ملی میٹر بارش ہوئی،کم وقت میں زیادہ بارش ہونے سے نظام متاثر ہوا،

وزیراعلیٰ سندھ سید مراد علی شاہ کا کہنا تھا کہ اس سے پہلے 2020 میں بہت زیادہ بارشیں ہوئی تھیں،جس دن بارش ہوئی اس دن الائشیں اٹھانے میں بڑی مشکلات پیش آئیں،عید کے دن میں شہر میں کوئی پانی نہیں تھا،عید کے روز شام سے اگلے دن تک شدید بارش ہوئی،بارش کی وجہ سے بہت زیادہ پانی تھا موسم میں تبدیلی کی وجہ سے زیادہ بارشیں ہو رہی ہیں ضلع جنوبی میں ایک دن میں 132 ملی میٹر بارش ہوئی،

وزیراعلیٰ سندھ سید مراد علی شاہ کا کہنا تھا کہ کہا گیا کہ سارے افسران عید پر گھروں کو چلے گئے ،ایڈ منسٹریٹر ،کمشنر سمیت تمام افسران کراچی میں ہی موجود تھے ،الیکشن کے نزدیک دوسروں کو گندا کرنے کیلئے یہ اس طرح کرتے ہیں،اب یہی لوگ بیٹھ کر زہر اگل رہے ہیں،پی ٹی آئی خود کو بہت بڑی جماعت کہتی ہے لیکن وہ ہے نہیں،جو ساڑھے 3 سال وزیراعظم رہے وہ ایک دن کراچی میں نہیں گزارا ،توشہ خانے سے چوری تم کرو اور چور ہم،چینی ،آٹا تم چوری کروا ور چور ہم،نور ی آباد پاور پلانٹ کبھی بند نہیں ہوا اس پر کیس بنا گیا،

وزیراعلیٰ سندھ سید مراد علی شاہ کا کہنا تھا کہ کل صبح تک پانی صاف تھا،پوری سندھ حکومت عید سے پہلے سے سڑکوں پر ہے،برسات کا ایک اور اسپیل کل سے آنا ہے،اس کے لیے ہم نے نالوں کو ابھی سے صفائی کرنی ہے،آج ایک صاحب نے کہا کراچی میں ایمرجنسی لگا دو،2007 میں بارشوں کے دوران 228 افراد جاں بحق ہوئے تھے ،2009 میں بارش کے دوران 50 افراد جاں بحق ہوئے میڈیا وہ بات نہ کریں جس سے انتشار پھیل جائے، میڈیا کو چاہیے کہ حقیقت کو سامنے لائیں،لوکل گورنمنٹ کی بلڈنگ نالے کے اوپر بنی ہے،کیا یہ عمارت 10،5یا 20سال پہلے بنی تھی؟سپریم کورٹ کی پارکنگ نالے پر میں نے بنائی ہے؟نالوں کے اوپر دکانیں بنی ہوئی ہیں وہ کیا میں نے بنائی ہیں،کیا ان دکانوں کو یا جو تعمیرات ہوئی ہے ان سب کو گرا دوں؟

حریم شاہ کی کسی شخص کے گھٹنے پر بیٹھنے کی تصویر وائرل، وہ شخص کون؟ حریم نے خود بتا دیا

حریم شاہ کی "لیکس” زرتاج گل بھی میدان میں آ گئیں، کیا کہا؟ جان کر ہوں حیران

دوسروں کی ویڈیو لیک کرنیوالی حریم شاہ خود "بے آبرو” ہو گئی،کہتی ہیں دو افراد آئے منہ پر ہاتھ رکھا اور پھر…

حریم شاہ پر تشدد سے قبل ایسا کیا کام کیا گیا کہ حریم شاہ کہیں کی نہ رہی

کراچی کے میوہ شاہ قبرستان میں یہودیوں کی 5 ہزار قبریں موجود ہیں جن سے پتہ چلتا ہے کہ کراچی کے قدیم باسیوں میں صرف پارسی، ہندو، سکھ اور عیسائی ہی نہیں بلکہ یہودی بھی شامل تھے-

باغی ٹی وی : جن کے آثار میوہ شاہ میں موجود ان کے قبرستان میں آج بھی دیکھے جاسکتے ہیں نجی خبررساں ادارے کی رپور ٹ کے مطابق شہر کے تاریخی ورثے میں صرف برطانوی دور کی عمارتیں نہیں بلکہ میوہ شاہ قبرستان میں یہودی مذہب کےماننے والوں کی 5 ہزار قبریں بھی ہیں جہاں 19ویں صدی سے لے کر 50 کی دہائی تک یہودی گھرانے اپنے پیاروں کو دفناتے تھے۔

کراچی کے علاقے رنچھوڑ لائن میں سولومن ڈیوڈ روڈ ایک صدی قبل موجود تھے سولومن ڈیوڈ 1902 میں کراچی میونسپل کارپوریشن کے ایک آفیشل تھے جنہوں نے کراچی کے واحد یہودی ہیکل کی بنیاد رکھی تھی۔

وہ بھی انہی 5 ہزار قبروں کے درمیان دفن ہیں۔ ان مقبروں کو سنبھالنے والوں کا کہنا ہے کہ یہاں لوگ قبروں کا دورہ تو کرتے ہیں لیکن ان قبروں کی حفاظت کی ذمہ داری کوئی نہیں لیتا۔

یہودی تو عرصہ ہوا یہ سرزمین چھوڑ گئے لیکن ان کے بعد پیچھے رہ جانے والی یہ نشانیاں گواہ ہیں کہ کراچی کی رونقوں کو سنبھالنے میں کئی اقوام، کئی مذاہب اور کئی ثقافتوں کی محنت شامل ہے جسے محفوظ رکھنا اب حکومت کی ذمہ داری ہے-