Baaghi TV

Tag: کراچی

  • کراچی، ہم آپ کے ساتھ کھڑے ہیں، مریم نواز

    کراچی، ہم آپ کے ساتھ کھڑے ہیں، مریم نواز

    پاکستان مسلم لیگ ن کی نائب صدر مریم نواز نے کہا ہے کہ کراچی میں مون سون بارشوں سے جانی اور مالی نقصان پر پوری قوم فکرمند ہے۔

    ملک میں بارشیں اور سیلاب،پاک فوج عوام کی جان ومال کے تحفظ کیلئے پرعزم

    سماجی رابطے کی ویب سائٹ ٹویٹر پراپنے بیان میں انہوں نے لکھا کہ وفاقی حکومت کا عزم ہے صوبائی حکومت اور فوج کے جوانوں کے ساتھ مل کر ہنگامی بنیادوں پر متاثرین کو محفوظ مقامات پر پہچانے کا عمل جلد مکمل ہواور امدادی سرگرمیوں میں کوئی کمی نہ رہے۔


    مریم نواز نے مزید لکھا کہ کراچی میں مون سون بارشوں سے جانی اور مالی نقصان پر پوری قوم فکرمند ہے۔ کراچی! ہم آپ کے ساتھ کھڑے ہیں۔

     

    کراچی: موسلادھار بارش، متعدد علاقے ڈوب گئے، گھروں میں پانی داخل، کرنٹ لگنے سے 3 جاں بحق

     

    قبل ازیں ملک کے سب سے بڑے شہر کراچی کے مختلف علاقوں میں وقفے وقفے سے جاری طوفانی بارش سے ہونے والے نقصانات کے حوالے سے وزیرِ اعظم شہباز شریف نے وزیرِ اعلیٰ سندھ مراد علی شاہ سے رابطہ کیا ہے۔

    وزیرِ اعظم شہباز شریف نے اس حوالے سے بتایا ہے کہ ان کی وزیرِ اعلیٰ سندھ مراد علی شاہ سے بات ہوئی ہے، کراچی میں موسلا دھار بارشوں سے نقصانات پر دکھ ہے۔شہباز شریف کا کہنا ہے کہ یقین ہے کہ سندھ حکومت وزیرِ اعلیٰ سندھ کی قابل قیادت میں زندگی کو معمول پر لائے گی۔وزیرِ اعظم میاں شہباز شریف کا یہ بھی کہنا ہے کہ انہوں نے سندھ حکومت کو ہر ممکن تعاون کی پیشکش کی ہے۔

    مزید برآن وزیرِ اعظم شہباز شریف نے کہا ہے کہ کراچی سمیت ملک کے دیگر حصوں میں اموات پر دکھ ہے، کرنٹ لگنے جیسے واقعات کے تدارک کے لیے ہنگامی اقدامات کیے جائیں۔وزیرِ اعظم نے بارشوں سے ہونے والے نقصانات پر افسوس اور متاثرین سے یکجہتی کا اظہار کرتے ہوئے کہا کہ عوام کے تحفظ اور مدد کے لیے تمام وسائل بروئے کار لائیں گے۔

  • کراچی: موسلادھار بارش، متعدد علاقے ڈوب گئے، گھروں میں پانی داخل، کرنٹ لگنے سے 3 جاں بحق

    کراچی: موسلادھار بارش، متعدد علاقے ڈوب گئے، گھروں میں پانی داخل، کرنٹ لگنے سے 3 جاں بحق

    کراچی: موسلادھار بارش، متعدد علاقے ڈوب گئے، گھروں میں پانی داخل، کرنٹ لگنے سے 3 جاں بحق
    باغی ٹی وی رپورٹ۔محکمہ موسمیات نے کراچی میں مزید بارشوں کی پیش گوئی کرتے ہوئے کہاہے کہ بارشوں کا سلسلہ 18 جولائی تک جاری رہے گا۔شہرقائد میں کئی گھٹنوں سے جاری بارش اب بھی وقفے وقفے سے جاری ہے کو ابھی بھی مکمل طور پر تھم نہیں سکی اور آسمان پر سیاہ بادل منڈلا رہے ہیں جس سے مزیدبارش ہونے کاامکان موجودہے۔حکام کی جانب سے بھی شہریوں کو گھروں سے باہر نہ نکلنے کی ہدایات دی جارہی ہیں اور ایمرجنسی کی صورت میں 1299 ڈائل کرنے کا کہا گیاہے۔ کراچی کے مختلف علاقوں میں وقفے وقفے سے کل رات سے تیز بارش جاری ہے جس کے باعث شہر کے متعدد علاقے پانی میں ڈوبے ہوئے ہیں،


    شہر میں کئی گھٹنوں سے جاری بارش ابھی بھی مکمل طور پرنہیں تھمی اور آسمان پر سیاہ بادل منڈلا رہے مزیدبارش کا پیغام دے رہے ہیں جس سے شہریوں کی پریشانی میں مزیداضافہ ہوگیاہے ،

    کمشنر کراچی نے اپنے پیغام میں شہریوں سے کہا ہے کہ وہ بلا ضرورت گھر وںسے نکلنے سے اجتناب کریں۔محکمہ موسمیات کی جانب سے ملک کے سب سے بڑے شہر کراچی میں گزشتہ 24 گھنٹوں کے دوران ہونے والی بارش کے اعداد و شمار جاری کیے گئے ہیں۔

    محکمہ موسمیات کے جاری کیے گئے اعداد و شمار کے مطابق شہر میں سب سے زیادہ بارش مسرور بیس پر 119 اعشاریہ 5 ملی میٹر ریکارڈ کی گئی۔محکمہ موسمیات کے مطابق ڈی ایچ اے فیز ٹو میں 106، قائد آباد میں 76 ملی میٹر بارش ریکارڈ کی گئی ہے۔محکمہ موسمیات نے بتایا ہے کہ فیصل بیس پر 65، اورنگی ٹاون میں 56، اولڈ ایئر پورٹ پر 49، گلشنِ حدید میں 46 اور جناح ٹرمینل پر 29 ملی میٹر بارش ریکارڈ ہوئی ہے۔

    محکمہ موسمیات کا کہنا ہے کہ شہرِ قائد کو بارش برسانے والے بادلوں نے اپنی لپیٹ میں لیا ہوا ہے، اس لیے مختلف علاقوں میں دن بھر موسلا دھار بارش ہو سکتی ہے۔موسمیاتی تجزیہ کار کے مطابق بحیرہ عرب سے مسلسل بارش برسانے والے بادل شہر کی جانب بڑھ رہے ہیں، ٹھٹھہ، بدین اور کیٹی بندر سے بادلوں کے آنے کا سلسلہ بھی جاری ہے۔ان کا کہنا ہے کہ شہر میں مزید 2 سے 3 گھنٹے بارش کا سلسلہ جاری رہ سکتا ہے۔موسمیاتی تجزیہ کار نے امکان ظاہر کیا ہے کہ شہر میں کل شام تک وقفے وقفے سے بارش ہو سکتی ہے۔

    انہوں نے یہ بھی بتایا ہے کہ موجودہ مون سون سسٹم کو بحیرہ عرب سے مسلسل نمی مل رہی ہے۔محکمہ موسمیات نے کراچی میں مزید بارشوں کی پیش گوئی کرتے ہوئے کہاہے کہ بارشوں کا سلسلہ 18 جولائی تک جاری رہے گا۔

  • فوج کے دستے اور رینجرز اہلکار کراچی میں امدادی سرگرمیوں میں مصروف

    فوج کے دستے اور رینجرز اہلکار کراچی میں امدادی سرگرمیوں میں مصروف

    فوج کے دستے اور رینجرز اہلکار کراچی میں امدادی سرگرمیوں میں مصروف ہیں-

    باغی ٹی وی : غیر معمولی بارشوں سے پیدا صورتحال سے نمٹنے کیلئے پاک فوج کی امدادی سرگرمیاں جاری ہیں کرا چی، بالخصوص جنوبی علاقوں میں گزشتہ 6-8 گھنٹوں کے دوران شدید بارش ہوئی-

    کراچی کے چند علاقوں میں 106 ملی میٹر تک بارش ریکارڈ کی گئی گجر، اورنگی اور محمود آباد سمیت تمام نالوں سے بارش کے پانی کی نکاسی جاری ہے-

    کراچی میں اربن فلڈنگ کی صورتحال ہے شہر کے نشیبی علاقوں سے نکاسی آب کا کام جاری ہے سول انتظامیہ، پاک فوج اور رینجرز کہ 388 ٹیمز مسلسل۔نکاسی آب میں مصروف ہے کراچی کے بڑے برساتی نالوں میں پانی کا بہائو عروج پر ہے

    برساتی نالوں میں پانی کی انتہائی سطح کے بعد ڈی واٹرنگ سے ہی زیرآب علاقوں کو کلئیر کیا جا سکتا ہے
    وقت کے ساتھ ساتھ پانی کی سطح اور بہائو کم ہو جائے گا کنٹونمنٹ بورڈذ، ڈی ایچ اے حکام سمیت پاک فوج اور رینجرز امدادی سرگرمیوں میں مصروف ہیں-

    واضح رہے کہ کراچی میں مسلسل چوتھے روز بھی بارش کا سلسلہ جاری رہا، دوپہرسے شروع ہونے والی اس موسلا دھار بارش سے مختلف علاقوں میں اربن فلڈنگ کی صورتحال پیدا ہوگئی۔ ندیوں میں پانی کا بہاﺅ تیز ہوگیا، ملیر میمن گوٹھ کے بعد گڈاپ ندی میں بھی طغیانی ہے۔

    کراچی شہر کے مختلف علاقوں گلشن حدید، ملیر، اسٹیل ٹان، گھگھر پھاٹک، نیشنل ہائی وے، سپرہائی وے، گلزار ہجری، بفرزون، نارتھ کراچی، یوپی موڑ، سرجانی ٹاﺅن، ڈسکوموڑ، گلستان جوہر، حیدری، ناظم آباد، نارتھ ناظم آباد، گڈاپ کاٹھور، گلشن اقبال، یونیورسٹی روڈ، ایم اے جناح روڈ، کے ڈی اے، شادمان ودیگر علاقوں موسلا دھار بارش کا سلسلہ وقفے وقفے سے جاری ہے۔

    گلستان جوہر، گلشن اقبال، گڈاپ، لیاقت آباد، ملیر سمیت کئی علاقوں میں اربن فلڈنگ کی صورتحال ہے، شہر بھر کی سڑکیں زیر آب اور دریا کے مناظر پیش کررہی ہیں جب کہ برساتی پانی گھروں میں بھی داخل ہوچکا ہے جس کے باعث شہریوں بالخصوص خواتین، بچوں اور بزرگوں کو شدید مشکلات کا سامنا کرنا پڑ رہا ہے۔

    کراچی میں رات سے جاری بارش کے باعث مختلف علاقوں کی سڑکیں اور گلیاں تالاب کا منظر پیش کررہی ہیں۔ کئی علاقوں میں پانی گھروں اور دکانوں میں بھی داخل ہوگیا جس سے علاقہ مکینوں کی مشکلات میں اضافہ ہوگیا ہے-

    کراچی حیدر آباد موٹروے پر پانی کا بڑا ریلا آ جانے سے ٹریفک کی روانی شدید متاثر ہوئی ہے،رات گئے ہونے والی شدید بارش کے باعث چند گھنٹوں کے لیے ٹریفک کو معطل کرنا پڑا۔

    محکمہ موسمیات کے مطابق شہر میں تیز اور موسلا دار بارش کا سلسلہ آج شام تک جاری رہنے کا امکان ہے جب کہ آئندہ دو روز کے دوران کراچی میں مزید بارشوں کی پیشگوئی ہے۔

    چیف میٹرولوجسٹ سردار سرفراز کے مطابق گذشتہ دنوں بارش کا سبب بننے والا ہوا کا کم دباؤ گوادر کے جنوب میں ہے، سسٹم کا پھیلاؤ کراچی اور زیریں سندھ پر اب بھی موجود ہے۔

    انہوں نے بتایا کہ سسٹم کے تحت کبھی تیز اور کبھی معتدل بارش ہورہی ہے، پیر کو بھی دن بھر ہلکی اور معتدل بارش کا سلسہ جاری رہنے کاامکان ہے۔ 14 جولائی کی شام سے بارش برسانے والا ایک اور سسٹم بھی آسکتا ہے،جو 18 جولائی تک اثر اندازرہےگا پہلے سسٹم کی طرح دوسرا سسٹم بھی مضبوط ہوسکتا ہے، دوسرے سسٹم میں تیز اور موسلا دار بارش کا امکان ہے۔

  • شہر قائد میں آئندہ دو روز میں مزید بارشوں کی پیشگوئی

    شہر قائد میں آئندہ دو روز میں مزید بارشوں کی پیشگوئی

    کراچی : محکمہ موسمیات نے شہر قائد میں آئندہ دو روز میں مزید بارشوں کی پیشگوئی کی ہے-

    کراچی،دوسرے سسٹم میں تیز اور موسلا دار بارش کا امکان ہے 14 جولائی کی شام سے بارش برسانے والا ایک اور سسٹم آسکتا ہے، یہ سسٹم 18 جولائی تک اثر اندازرہےگا، سسٹم کا پھیلاؤ کراچی اور زیریں سندھ پر اب بھی موجود ،سسٹم کے تحت کبھی تیز اور کبھی معتدل بارش ہورہی ہے، گزشتہ دنوں بارش کا سبب بننے والا ہوا کا کم دباؤ گوادر کے جنوب میں ہے،تیز اور موسلا دار بارش کا سلسلہ آج شام تک جاری رہنے کا امکان ہے –

    کراچی میں صفورا چورنگی،کرن اسپتال روڈ اور کراچی یونیورسٹی کے اطراف پانی جمع ہے نیپا وفاقی اردو یونیو ر سٹی،بیت المکرم،حسن اسکوائر اور پرانی سبزی منڈی کے اطراف پانی جمع ہو گیا،اب تک نکاسی آب کا انتظام نہیں کیا جا سکا،کچھ علاقوں میں بارش کا سلسلہ تھم گیا ہے-

    رات گئے ہونے والی شدید بارش کے باعث چند گھنٹوں کے لیے ٹریفک معطل رہی آئی آئی چندریگر روڈ، کلفٹن، فیڈرل بی ایریا، پی ایچ اے، جیل روڈ میں بارش ہوئی شیر شاہ سمیت مختلف علاقوں میں موسلادار بارش کئی علاقے زیر آب آ گئے جبکہ نشیبی علاقوں سے رہائشیوں کی نقل مکانی جاری ہے

    کراچی دنبہ گوٹھ میں پانی کے ریلے میں تین افراد کے ڈوبنے کی بھی اطلاع ہے ریسکیو حکام کے مطابق علاقہ مکینوں نے ایک شخص کو نکال لیا،دو افراد کی تلاش جاری ہے-

    ڈائریکٹر محکمہ موسمیات کے مطابق بھارتی راجستھان میں بننے والے سسٹم کاکچھ حصہ بحیرہ عرب میں موجود ہے، کراچی میں بارشوں کاسلسلہ آج بھی جاری رہےگا-

    ٹھٹھہ میں بارش نے تباہی مچا دی ٹھٹھ میں بھی مسلسل بارش کے بعد نکاسی آب نہ ہونے سے شہری پریشان ہیں ،مختلف علاقوں میں گھروں میں پانی داخل ہو گیا تاریخی شاہی بازار کی متعدد دکانوں میں پانی داخل ہونے سے ،تاجروں کو لاکھوں کا نقصان ہوا-

    دوسری جانب محکمہ موسمیات نے سیالکوٹ ،نارووال ،سرگودھا، لاہور، ساہیوال، ملتان میں بھی بارش کی پیشگوئی کی ہے محکمہ موسمیات کے مطابق اسلام کوٹ ،میر پور خاص اوردادو میں تیز ہواؤں اور گرج چمک کے ساتھ بارش ہوسکتی ہے-

    کراچی، ٹھٹھہ،بدین،مٹھی،تھرپارکر، عمر کوٹ میں تیز ہواوں اور گرج چمک کے ساتھ بارش متوقع ہے ڈی جی خان، بہاولپور، وہاڑی اور بہاولنگر میں تیز ہواؤں اور گرج چمک کے ساتھ بارش کا امکان ہے

    ژوب، بارکھان ، خاران اور خضدار میں بھی آج موسلادھار بار ش متوقع ہے کوئٹہ ، لسبیلہ،پنجگور، تربت اورگوادر میں تیز ہواؤں اور گرج چمک کے ساتھ بارش کا امکان ہے-

    راولپنڈی،مری، اٹک، جہلم، گجرات، گوجرانوالہ میں بھی آج موسلادھار بارش کی توقع ہے محکمہ موسمیات نے آج اسلام آباد میں تیز ہواوں اور گرج چمک کے ساتھ بارش کی پیشگوئی کی

    محکمہ موسمیات نے کراچی کے جس علاقے میں کتنی بارشش ہوئی اعدادو شمار کر دیئے ہیں جس کے مطابق پی اے ایف فیصل بیس میں 7.5ملی میٹربارش ریکارڈ کی گئی، اولڈ ایئرپورٹ12،سرجانی ٹاون12.4 اورگڈاپ ٹاون میں 9.4ملی میٹر بارش ریکارڈ ہوئی-

    اورنگی ٹاون 23.4 اورگلشن حدید میں 12.4ملی میٹربارش ریکارڈ کی گئی ڈیفنس فیزٹو52.5 اورناظم آباد میں 31.8ملی میٹر ریکارڈ ہوئی سب سے زیادہ بارش قائدآباد میں 76ملی میٹر ریکارڈ کی گئی نارتھ کراچی میں 2.3 ملی لیٹر،سعدی ٹاون میں 1.1 ملی لیٹر،یونیورسٹی روڈ کے قریب 1.0 ملی لیٹر بارش ہوئی جناح ٹرمینل پر 4.4 ملی لیٹر،گلشن حدید میں 6.5 ملی لیٹر بارش ریکارڈ کی گئی-

    کراچی موٹر وے پولیس کے مطابق سپرہائی وے پر ٹریفک کی روانی متاثر ہوئی موٹروے پولیس کے دفترکےاطراف والی سڑک سے پانی کاریلا گزررہا ہے لٹھ ڈیم بھرنےکےباعث پانی کا ریلا سپرہائی وے پرآ گیا ملیر ندی کے قریب واقع رہائشی آبادیوں نے نقل مکانی شروع کر دی ملیر ندی یار محمد گوٹھ میں پانی کا ریلا داخل ہو گیا-

    شاہراؤں پر کئی کئی فٹ پانی جمع ہونے کے بعد گاڑیاں، موٹر سائیکلز، آٹو رکشا وغیرہ پھنسے ہوئے ہیں رات گئے ہونے والی شدید بارش کے باعث چند گھنٹوں کے لیے ٹریفک معطل رہی کراچی حیدر آباد موٹروے پر پانی کا بڑا ریلا آ جانے سے ٹریفک کی روانی شدید متاثر رہی –

    خیال رہے کراچی اور اس کےاطراف میں وقفےوقفےسے ہلکی اور تیزبارش کا سلسلہ جاری ہے جبکہ محکمہ موسمیات نے کراچی میں آئندہ دو روز کے دوران مزید بارشوں کی پیشگوئی کی ہے گزشتہ دنوں بارش کا سبب بننے والا ہوا کا کم دباؤ گوادر کے جنوب میں ہے،محکمہ موسمیات کے مطابق تیز اور موسلا دار بارش کا سلسلہ آج شام تک جاری رہنے کا امکان ہے-

  • بارشوں سے حب ڈیم میں پانی کی سطح میں اضافہ، پانی ذخیرہ کرنے کی گنجائش 5.6 فٹ رہ گئی

    بارشوں سے حب ڈیم میں پانی کی سطح میں اضافہ، پانی ذخیرہ کرنے کی گنجائش 5.6 فٹ رہ گئی

    کراچی: مون سون کی حالیہ ہونے والی بارشوں کے بعد حب ڈیم میں پانی کی سطح میں 11 فٹ کا اضافہ ہو گیا ہے۔

    باغی ٹی وی : چیف انجینئر واٹر بورڈ کے مطابق حالیہ ہونے والی تیز بارشوں کے بعد ڈیم میں سطح آب 333.4 فٹ ہو گئی ہے جب کہ اس سے قبل ڈیم میں پانی کی سطح 322 فٹ تھی۔

    وزیر اعلی ٰپنجاب حمزہ شہباز کا ایس او ایس ویلج کا دورہ، بچوں اورسٹاف کو عیدی بھی دی

    چیف انجینئر واٹر بورڈ نے بتایا کہ حب ڈیم میں پانی ذخیرہ کرنے کی گنجائش 339 فٹ ہے جبکہ حب ڈیم بھرنے میں تقریباً 5.6 فٹ باقی رہ گیا ہے-

    ایم ڈی واٹر بورڈ کا اس حوالے سے کہنا ہے کہ ڈیم میں پانی کی سطح میں اضافہ شہر کے لیے اچھی خبر ہے، حب ڈیم سے ڈسٹرکٹ ویسٹ میں پانی کی فراہمی میں مزید بہتری آئے گی۔

    ماحولیاتی تبدیلی شہری علاقوں کیلئے بڑا چیلنج ہے،سپریم کورٹ

    انہوں نے مزید کہا کہ حب ڈیم سے شہر کو یومیہ 100 ایم جی ڈی پانی فراہم کیا جاتا ہے،حب ڈیم بھرنے کے بعد شہر کو یومیہ 100 ایم جی ڈی پانی کے حساب سے تین سال تک فراہمی جاری رہے گی۔

    یاد رہے گزشتہ سالوں میں بھی بارشوں کے باعث حب ڈیم بھر گیا تھا جس کے بعد حب ڈیم کے اسپل ویز کھول دیئے گئے تھے۔

    آئی ایم ایف ہماری ناک سے لکیریں نکلوا چکا ہے،وزیرداخلہ رانا ثنااللہ

  • سندھ اور بلوچستان میں بارشوں کا 30 سالہ ریکارڈ ٹوٹ گیا

    سندھ اور بلوچستان میں بارشوں کا 30 سالہ ریکارڈ ٹوٹ گیا

    اسلام آباد:پاکستان کے صوبے سندھ اور بلوچستان میں جولائی کے مہینے میں مون سون کی بارشوں کا 30 سالہ ریکارڈ ٹوٹ گیا۔

    وزارت موسمياتى تبدیلی کی جانب سے جاری اعداد و شمار کے مطابق سب سے زیادہ بارش سندھ میں ہوئی جو معمول سے 61 ملی میٹر زیادہ تھی، جب کہ بلوچستان میں 39 ملی میٹر زیادہ بارش ریکارڈ کی گئی ہے۔

     

    رپورٹ میں کہا گیا ہے کہ سندھ میں 10.5 ملی میٹر، اور بلوچستان میں 6.9 ملی میٹر بارش ہوئی۔ آزاد جموں و کشمیر میں معمول سے تقریباً 10 ملی میٹر زیادہ بارشیں ہوئیں۔ گلگت بلتستان اور کشمیر میں معمول سے کم بارشیں ریکارڈ ہوئیں۔

    رپورٹ میں یہ بھی کہا گیا ہے کہ مجموعی طور پر ملک میں معمول سے 28 ملی میٹر زیادہ بارشیں ریکارڈ کی گئی ہیں۔

    دوسری جانب ترجمان پی ڈی ایم اے کا کہنا ہے کہ آج بروز ہفتہ 9 جولائی سے 12 جولائی کے دوران پنجاب کے مختلف علاقوں میں بارش کا امکان ہے۔

    میٹ آفس کے مطابق آج اور کل اسلام آباد، راولپنڈی اور لاہور کے نشیبی علاقے زیر آب آنے کا خدشہ ہے، جب کہ گوجرانوالہ، سرگودھا، ساہیوال، فیصل آباد اور لاہور ڈویژن میں بارش متوقع ہے۔ موسلا دھار بارش کے باعث اسلام آباد، راولپنڈی اور گوجرانوالہ ڈویژن کے ندی نالوں میں طغیانی کا خدشہ ہے۔

    ترجمان کا کہنا ہے کہ مری میں لینڈ سلائیڈنگ کا خدشہ ہے، مسافر اور سیاح محتاط رہیں، دریاؤں اور نہروں میں نہانے اور نشیبی علاقوں میں گاڑیاں کھڑی کرنے سے گریز کریں۔

     

    پی ڈی ایم اے کے ترجمان کا مزید کہنا ہے کہ آج خضدار، قلات، چمن، دالبندین، مسلم باغ، لسبیلہ، پنجگور، آواران، خاران، ژوب، بارکھان میں بھی بارش کا امکان ہے۔دوسری جانب بدین کے مختلف دیہی علاقوں میں آسمانی بجلی گرنے کے باعث 2 افراد جاں بحق ہوگئے۔

    علاوہ ازیں بلوچستان کے شہر حب میں ریلے میں پھنسنے والی خواتین اور بچوں سمیت 29 افراد کو ریسکیو کر لیا گیا، نورانی کراس پر ریلے گزرنے کے باعث ٹریفک کی روانی متاثر ہوگئی ہے۔

    شہر قائد میں تیز بارش کے باعث بدھ سے اب تک مختلف علاقوں میں پیش آنے والے حادثات میں 17 افراد جاں بحق ہوگئے۔تفصیلات کے مطابق گارڈن شو مارکیٹ میں کرنٹ لگنے سے 20 سالہ رحمان نوجوان کی ہلاکت ہوئی جبکہ منگھوپیر میں کرنٹ لگنے 23 سالہ رقیب جاں بحق ہوگیا۔

    لانڈھی مانسہرہ کالونی میں گھر میں کرنٹ لگنے سے 38 سالہ خاتون جاں بحق جبکہ کورنگی مہران ٹاؤن میں کام کے دوران 25 سالہ عبدالخالق جاں بحق ہوا۔

    اس کے علاوہ نارتھ کراچی ارسلان ہومز میں ایک گھر کے اندر کرنٹ لگنے سے ایک بچہ بھی جاں بحق ہوا جس کی شناخت 13 سالہ مذمل ولد مظفر کے نام سے ہوئی ہے۔

    کورنگی میں 100 کواٹرز کے قریب گھر کے اندر پانی کی موٹر سے کرنٹ لگنے سے بزرگ شہری جان بحق ہوگیا جبکہ محمد علی سوسائٹی میں پی ایس او پمپ کے قریب بجلی کا کرنٹ لگنے سے 15 سالہ بچہ جان کی بازی ہار گیا۔

    ادھربلوچستان میں اب تک بارش سے 60 افراد جاں بحق ہوگئے جبکہ پی ڈی ایم اے نے مزید بارش کی پیشگوئی کردی ہے۔

    تفصیلات کے مطابق بلوچستان میں مون سون بارش کا اسپیل 10 جولائی کے بعد بھی جاری رہنے کا امکان ہے جبکہ عوام حکومتی سرگرمیوں سے نالاں ہیں۔

    کرونا وائرس: گزشتہ 24 گھنٹوں میں 7 مریض انتقال کرگئے

    پی ڈی ایم اے کی رپورٹ کے مطابق حالیہ بارشوں سے اب تک 60 سے زائد افراد جاں بحق، 78 افراد زخمی، 676مکانات اور 5 برج تباہ ہوئے۔بلوچستان سے ملنے والی اطلاعات میں بتایا گیا ہے کہ اس کے علاوہ 400 سولر پلیٹس، الیکٹرک پول اور زرعی اراضی کو نقصان ہوا جبکہ برساتی نالوں، کاریزات اور آبی گزرگاہوں پر آباد کاری نقصان کی بڑی وجہ ہیں۔

    شہریوں کا کہنا ہے کہ حالیہ بارشوں سے ہونے والے نقصانات اور متاثرین حکومتی امدادی سرگرمیوں سے مطمئن نہیں، اقدامات کے حوالے سے صرف بلند وبانگ اعلانات ہی ہورہے ہیں۔

    کراچی میں 24گھنٹوں میں کہاں کتنےبادل برسے؟تازہ ترین اعدادوشمارجاری

    دوسری جانب شمالی بلوچستان میں طوفانی بارش کا سلسلہ جاری ہے، کوژک ٹاپ اور شیلا باغ میں موسلادھار بارش ہوئی جبکہ کوئٹہ چمن شاہراہ سیلابی ریلے اور لینڈ سلائیڈنگ کے باعث بند ہوگئی اور چمن کا ملک کے دیگر علاقوں سے زمینی رابطہ منقطع ہوگیا۔

    کشمور،گڈو بیراج کے مقام پر پانی کی سطح میں اضافہ

    توبہ اچکزئی میں سیلابی ریلے تین ڈیم بہا لے گئے جبکہ قلعہ عبداللّٰہ کے چار چھوٹے ڈیمز میں بھی شگاف پڑگئے جس کے باعث پانی مکانوں میں داخل ہوگیا اور فصلوں اور باغات کو شدید نقصان پہنچا۔

  • کراچی میں 24گھنٹوں میں کہاں کتنےبادل برسے؟تازہ ترین اعدادوشمارجاری

    کراچی میں 24گھنٹوں میں کہاں کتنےبادل برسے؟تازہ ترین اعدادوشمارجاری

    کراچی میں24گھنٹوں میں کہاں کتنےبادل برسے؟تازہ ترین اعدادوشمارجاری کر دیئے گئے-

    باغی ٹی وی : کراچی،ضلع جنوبی کے مختلف علاقوں میں بارش کا سلسلہ جاری ہے ڈیفنس،کلفٹن اورکینٹ اسٹیشن کےاطراف میں بارش وقفے وقفے سے جاری ہے-

    کشمور،گڈو بیراج کے مقام پر پانی کی سطح میں اضافہ

    گلشن حدید میں 102اعشاریہ 7ملی میٹربارش ریکارڈ کی گئی ،اولڈائیرپورٹ کےاطراف 53ملی میٹربارش ہوئی،پی اے ایف فیصل بیس پر46ملی میٹر،جناح ٹرمینل پر38اعشاریہ 8ملی میٹر بارش ہوئی ،یونیورسٹی روڈپر28اعشاریہ 4ملی میٹر،قائدآبادمیں 25اعشاریہ 5ملی میٹر بارش ہوئی اورنگی ٹاون میں 5اعشاریہ1ملی میٹربارش ریکارڈکی گئی-

    ناظم آبادمیں 20اعشاریہ4ملی میٹر،گڈاپ میں 15ملی میٹر بارش ریکارڈ ہوئی ،ڈیفنس فیزٹومیں 10اعشاریہ5ملی میٹر،سعدی ٹاون میں 9اعشاریہ 1ملی میٹر بارش ہوئی ، کیماڑی میں 8 ملی میٹر،سرجانی ٹاون میں 7اعشاریہ2ملی میٹر بارش ریکارڈ ہوئی،گلشن معمارمیں 6اعشاریہ6ملی میٹر،نارتھ کراچی میں 5اعشاریہ 5ملی میٹر بارش ہوئی

    کے الیکٹرک کا کہنا ہےکراچی میں مون سون بارش کے دوران بجلی کی بلا تعطل فراہمی کو یقینی بنایا ،گلشنِ حدید اور گڈاپ میں سڑکوں گلیوں میں بہت زیادہ پانی کھڑا ہو گیا ہے ، پانی کی موجودگی کی وجہ سے کام کرنے میں دشواری کا سا منا ہےبارش کے دوران 1,900 فیڈرز میں سے تقریباً150 فیڈرز متاثر ہوئے تھے،علاقائی ٹیموں سے کلیئرنس ملتےہی متاثرہ فیڈرز پر بجلی بحال کردی گئی-

    کراچی میں آج بھی وقفے وقفے سے بارش کا امکان

    دوسری جانب مخمہ موسمیات نے پیشگوئی کی ہے کہ ملتان میں آئندہ 48 گھنٹوں کے دوران بارش کا امکان ہے ملتان میں زیادہ سے زیادہ درجہ حرارت 38 سینٹی گریڈ رہنے کا امکان ہےملتان میں کم سے کم درجہ حرارت 31 سینٹی گریڈ ریکارڈ کیا گیا-

    محکمہ موسمیات کے مطابق کوئٹہ میں درجہ حرارت 36 سینٹی گریڈ ریکارڈ کیا گیا ،خاران میں درجہ حرارت 48 سینٹی گریڈ کیا گیا،قلات میں درجہ حرارت 35 سینٹی گریڈ ریکارڈ کیاگیا ،گوادر میں درجہ حرارت 35ڈگری سینٹی گریڈ ریکارڈ کیا گیا سبی میں درجہ حرارت 45 ڈگری سینٹی گریڈ ریکارڈ کیا گیا ،نوکنڈی میں درجہ حرارت 47 ڈگری سینٹی ریکارڈ کیا گیا ،ژوب میں درجہ حرارت 33ڈگری سینٹی گریڈ ریکارڈ کیا گیا-

    راولپنڈی،نالہ لئی کے کیچمنٹ ایریاز میں بارش تھم گئی بارش رکنے کے باعث نالہ لئی میں پانی کی سطح معمول پر آنا شروع ہوگئی کٹاریاں اور گوالمنڈی کے مقامات پر پانی کی سطح ساڑھے 5فٹ ہو گئی،راولپنڈی میں مجموعی طور پر 53 ملی میٹر بارش ریکارڈ کی گئی-

    بارشوں سے ہونےوالی تباہی پربہت دُکھ ہوا ہے:حکومت بھی ناکام ہوگئی:عمران اسمٰعیل

  • کراچی میں آج بھی وقفے وقفے سے بارش کا امکان

    کراچی میں آج بھی وقفے وقفے سے بارش کا امکان

    محکمہ موسمیات کا کہنا ہے کہ کراچی میں آج بھی وقفے وقفے سے بارش کا سلسلہ جاری رہنے کا امکان ہے۔

    باغی ٹی وی : چیف میٹرولوجسٹ سردار سرفراز کے مطابق شہرقائد میں بارش کا سلسلہ آج بھی وقفے وقفے سے شام یارات تک جاری رہ سکتا ہے جب کہ شہر کے مضافات میں تیز بارش ہوسکتی ہے۔

    بلوچستان میں طوفانی بارش سے تباہی،اموات میں اضافہ،670 مکانات کو پہنچا نقصان

    چیف میٹرولوجسٹ نے بتایا کہ مون سون سسٹم میں شدت برقرار ہے اور بارش کے باعث شہر کے نشیبی علاقوں میں اربن فلڈنگ کا خدشہ ہے۔

    دوسری جانب وفاقی دارالحکومت میں کئی گھنٹوں تک جاری رہنے والی شدید بارش کے باعث سیکٹر ایچ 13 پانی میں ڈوب گیا تقریباً 4 گھنٹے جاری رہنے والی موسلا دھار بارش کے باعث اسلام آباد کے سیکٹر ایچ 13 کے علاقے میں عمارتوں کی بیسمنٹ میں پانی داخل ہو گیا۔

    تیز ہوا کے ساتھ ہونے والی بارش کے باعث امدادی ٹیموں کے بروقت نہ پہنچنے کے باعث عمارتوں کی بیسمنٹ میں پانی داخل ہونے سے لوگوں کا لاکھوں روپے کا سامان خراب ہو گیا ہے-

    سیاسی ایڈمنسٹریٹر نے کراچی کو ڈبو دیا،جماعت اسلامی

    جبکہ راوالپنڈی کے بھی بعض مقامات پر شدید بارش کا سلسلہ جاری ہے جس کے باعث نشیبی علاقے زیر آب آ گئے ہیں-

    صوابی میں بارشوں کے باعث نالوں میں طغیانی آگئی اور ٹھنڈ کوئی روڈ ڈوب گیا ریسکیو ذرائع کے مطابق صوابی میں متعدد افراد اور گاڑیاں پھنس گئی،ریسکیو ٹیم امدادی کاروائیوں میں مصروف ہیں،مختلف ندی نالوں میں بہنے والی 6 سے زائد گاڑیوں نکال لیا گیا 18سے زیادہ افراد کو بھی ریسکیو کرلیا گیا ہے-

    صوابی میں مکان کی چھت گرنے سے ماں اور بیٹی جاں بحق ہو گئے :ملبے تلے دب کر 3 افراد زخمی ہو گئے ،زخمیوں میں خاتون اور دو بچے شامل ہیں-

    آزاد کشمیر کے علاقوں میرپور ،بھمبر ،باغ اور گردونواح میں موسلا دھار بارش جا ری ہے ملکہ کوہساراور گردو نواح میں موسلا دھار بارش ہوئی جبکہ منڈی بہاؤالدین میں موسلا دھار بارش،سڑکوں پر پانی کھڑا ہو گیا-

    عید پربارشوں کی پیشگوئی ، پی ڈی ایم اے نے الرٹ جاری کر دیا

  • کراچی میں بارش: پی آئی اے کی کراچی ایئرپورٹ سے جانے والی تین پروازیں منسوخ

    کراچی میں بارش: پی آئی اے کی کراچی ایئرپورٹ سے جانے والی تین پروازیں منسوخ

    کراچی:شہرقائد میں بارش سے فلائٹ آپریشن متاثر ہوگیا ہے۔تفصیلات کے مطابق کراچی سے جانے والی ملکی اور غیر ملکی ائیر لائنز کی پروازیں تاخیر کا شکار ہیں، بارش کے باعث کراچی ایئر پورٹ سے جانے والی تین پروازیں بھی منسوخ ہوگئیں۔

    ذرائع کا کہنا ہے کہ پی آئی اے کی کراچی سے اسلام آباد کی پرواز پی کے 308 چار گھنٹے تاخیر سے شام 7:36 بجے روانہ ہوئی، پی آئی اے کی کراچی سے نجف کی پرواز پی کے 219 ساڑھے پانچ گھنٹے تاخیر سے 9 بجے شیڈول ہوئی۔

    ذرائع نے بتایا کہ فلائی دبئی کی کراچی سے دبئی کی پرواز FZ-336 ڈیڑھ گھنٹہ تاخیر سے شام 6 بجے روانہ ہوئی، ایرسیال ایرلاین کی کراچی سے اسلام آباد کی پرواز PF 125 بھی 53 منٹ تاخیر سے شام 7:53 بجے روانہ ہوئی۔

    ایربلو کی کراچی سے لاہور کی پرواز PA 406 ڈیڑھ گھنٹہ تاخیر سے رات 10:35 بجے شیڈول ہوئی، پی آئی اے کی رات 10 بجے کی پشاور کی پرواز کو رات ایک بجے شیڈول کردیا گیا۔

    سیرین ایر کی کراچی سے لاہور کی پرواز ER524 منسوخ کردی گئی، پی آئی اے کی کراچی سے فیصل آباد کی پرواز PK340 بھی منسوخ کردی گئی۔امارات ایرلاین کی کراچی سے دبئی کی پرواز EK-609 منسوخ کردی گئی۔

    سی اے اے ذرائع کے مطابق کراچی ایئرپورٹ پر موسلا دھار بارش کے باعث پی آئی اے کی کوئٹہ سے کراچی کی پرواز کو ملتان ایئرپورٹ لینڈ کی ہدایت کی گئی، پرواز میں 120 سے زائد مسافر سوار ہیں۔

    سی اے اے ذرائع کا کہنا ہے کہ نوابشاہ ایئرپورٹ پر بھی بارش کے باعث پرواز پی کے 311 کو ملتان لینڈنگ کی ہدایت کی گئی، پی کے 311 کو سہ پہر 2:55 پر کراچی لینڈ کرنا تھا لیکن پرواز تاحال ملتان ایئرپورٹ پر موجود ہے۔

    سی اے اے ذرائع کا کہنا ہے کہ مسافروں کو رات 9 بجے ملتان سے کراچی لینڈنگ کا نیا وقت دے دیا گیا ہے۔

  • بارشوں سے ہونےوالی تباہی پربہت دُکھ ہوا ہے:حکومت بھی ناکام ہوگئی:عمران اسمٰعیل

    بارشوں سے ہونےوالی تباہی پربہت دُکھ ہوا ہے:حکومت بھی ناکام ہوگئی:عمران اسمٰعیل

    کراچی:بارشوں سے ہونےوالی تباہی پربہت دُکھ ہوا ہے،اطلاعات کےمطابق سابق گورنر سندھ عمران اسماعیل نے کہا ہے کہ سندھ بھر میں بارشوں سے ہونے والے نقصان پر افسردہ ہیں۔

    تفصیلات کے مطابق سندھ بھر میں بارشوں کی صورتحال پر سابق گورنر سندھ عمران اسماعیل نے بیان دیتے ہوئے کہا ہے کہ سندھ بھر میں بارشوں سے ہونے والے نقصان پر افسردہ ہیں، کراچی میں بارشوں کے بعد انتظامیہ اور سندھ حکومت غائب ہوچکی ہے۔

    انہوں نے کہا کہ سڑکوں پر پانی جمع ہے، لوگ ٹریفک پھنسے ہوئے ہیں، کئی نالے الٹے بہنا شروع ہوچکے ہیں، شہر کراچی پر سیاست کرنے والے گھروں میں چھپ کر بیٹھے ہیں۔

    عمران اسماعیل نے کہا ہے کہ پی ٹی آئی نے کراچی کے نالے صاف کروائے جس سے عوام کو رلیف ملا، سندھ حکومت نے ان نالوں کی دوبارہ صفائی نہیں کرائی، کراچی کے لوگوں کو پیپلزپارٹی ووٹ نہ دینے کی سزا دے رہی ہے۔

    سابق گورنر سندھ نے کہا کہ سڑکیں تالاب بن چکی ہیں مگر نااہل ایڈمنسٹریٹر اور انتظامیہ غائب ہے، سندھ حکومت صرف شہر کراچی سے بھتہ کلیکشن کا کام احسن طریقے سے کرسکتی ہے۔

    بارش نے سندھ حکومت کی کارکردگی کا پول کھول دیا،کراچی میں مون سون کے پہلے اسپیل میں آج بھی بادل خوب برسے اور شہر بھر میں صبح سے کہیں ہلکی اور کہیں تیز بارش کا سلسلہ جاری ہے۔

    کراچی کے علاقے ڈیفنس، کلفٹن، حسن اسکوائر، جیل روڈ، شارع فیصل، بہادرآباد، طارق روڈ، ملیر، گلستان جوہر، گلشن اقبال، ناظم آباد، آئی آئی چندریگرروڈ، گلشن حدید، قومی شاہراہ سپرہائی وے، کاٹھوڑ پر ہلکی اور تیز بارش کا سلسلہ جاری رہا۔

    دوسری جانب کراچی میں مسلسل بارش کی وجہ سے ٹریفک کی روانی شدید متاثر ہوگئی ہے اور ٹریفک کی روانی متاثر ہونے سے گاڑیوں کی قطاریں لگ گئیں۔

    کراچی میں شاہراہ فیصل ڈرگ روڈ ، راشد منہاس روڈ، میلینم، لالو کھیت کی طرف حسن اسکوائر، یونیورسٹی روڈ، سفاری پارک ، ایکسپو ٹرننگ جانب اسٹیڈیم ، حسن اسکوائر پل کی جانب اسٹیڈیم، (دونوں اطراف)، عصر شیریں کے قریب بارش کا پانی جمع ہونے کی وجہ بدترین ٹریفک جام ہے۔

    ٹریفک پولیس نے شہریوں سے درخواست کی ہے کہ ان تمام مقامات پر پانی روڈ پر جمع ہونے کی وجہ سے ٹریفک جام ہے لہذا تمام گاڑیوں والے اور بائیک والوں سے گزارش ہے کہ وہ تحمل کا مظاہرہ کریں اور ہمارے ساتھ تعاون کریں۔

    ٹریفک پولیس کے مطابق کراچی کازوے روڈ سیلابی ریلے کے بائث ٹوٹ پھوٹ کا شکار ہے ، کازوے روڈ پر ایک بڑا گھڑا بن چکا ہے ، ٹریفک کی آمد و رفت کو سیلابی ریلے کے بائث بند کیا گیا ہے ، کازوے روڈ پر کوئی بھی حادثہ پیش آسکتا ہے ، اعلی افسران سے متعلقہ اداروں کو درخواست لکھنے کی استدا کی ہے۔