Baaghi TV

Tag: کراچی

  • شاہ لطیف ٹاؤن میں شخص کے قتل میں ملوث اس کی بیوی اور آشنا سمیت 3 ملزمان گرفتار

    شاہ لطیف ٹاؤن میں شخص کے قتل میں ملوث اس کی بیوی اور آشنا سمیت 3 ملزمان گرفتار

    کراچی: پولیس نے شاہ لطیف ٹاؤن سے لاپتہ ہونے والے شخص کے قتل میں ملوث اس کی بیوی اور آشنا سمیت 3 ملزمان کو گرفتار کرلیا ہے۔

    باغی ٹی وی : تفصیلات کے مطابق اینٹی وائلنٹ کرائم سیل نے ملزمان کی نشاندہی پر ضلع خوشاب پنجاب سے مقتول کی جسمانی ہڈیاں برآمد کر کے ڈی این اے ٹیسٹ کے لیے لیبارٹری بھجوا دی ہیں۔

    کراچی : شادی کی تقریب میں فائرنگ سے 11 سالہ بچی جاں بحق

    اینٹی وائلنٹ کرائم سیل پولیس کی جانب سے جاری اعلامیے کے مطابق شاہ لطیف ٹاؤن کے علاقے سے تقریباً سوا سال قبل 30 ستمبر 2020 کو گل محمد ولد قدرت علی نامی شخص لاپتہ ہوا تھا جس کا مقدمہ نمبر 1200 سال 2021 زیر دفعہ 365/34 کے تحت 6 جولائی 2021 کو درج کیا گیا تھا۔

    بعدازاں مقدمے کی تفتیش گزشتہ سال 18 نومبر کو اینٹی وائلنٹ کرائم سیل منتقل کر دی گئی جہاں پولیس نے کیس کا ازسر نو جائزہ لیکر انتہائی حکمت عملی کے تحت واقعہ میں ملوث نہ صرف ملزمان کا سراغ لگایا بلکہ قتل کیے جانے والے مقتول کی باقیات بھی برآمد کرالیں۔

    اے وی سی سی پولیس نے گل محمد کے اغوا اور قتل کے الزام میں مقتول کی اہلیہ رابعہ ، آشنا مرتضیٰ اور دوست علی حمزہ کو گرفتار کر کے نشاندہی پر ضلع خوشاب پنجاب کے علاقے سے قتل کے بعد دفنائے گئے-

    میڈیکل طالبہ کی خودکشی کا معاملہ: چیف جسٹس سندھ ہائی کورٹ نےنوٹس لے لیا

    مقتول گل محمد کی جسمانی ہڈیاں برآمد کر کے ڈی این اے ٹیسٹ کے لیے لیبارٹری بھجوا دی ہیں جبکہ اغوا کے مقدمے میں قتل کی دفعہ 302 کا اضافہ کر کے ملزمان سے مزید تفتیش کا عمل جاری ہے ۔

    قبل ازیں شاہ فیصل کالونی پولیس نے گرین ٹاؤن میں اتوار کو لیاقت نامی شخص کے قتل کے الزام میں مقتول کی بیوی گرفتارکیا تھا پولیس حکام کا کہنا تھا کہ اتوار 2 جنوری کو قتل کی واردات کے بعد جب تحقیقات کا آغاز کیا تو مالک مکان راشد نے پولیس کو بیان دیا کہ ایک ماہ قبل کمال نامی شخص نجمہ خاتون کے ہمراہ آیا تھا اور مکان کرایہ پر لیا تھا جبکہ ایک ہفتے قبل لیاقت نامی شخص بھی مکان میں آیا تھا جس کا کمال سے جھگڑا ہوا تھا جس کے بعد ہمیں پتہ چلا کہ نجمہ لیاقت کی بیوی ہے۔

    شاہ رخ جتوئی سمیت متعدد بااثر قیدیوں کی پرائیوٹ اسپتالوں میں موجودگی کا انکشاف

    جھگڑے کے دوران شور شرابہ ہونے پر کمال نامی شخص گھر سے بھاگ گیا جس کے بعد لیاقت کبھی کبھی اپنی بیوی سے ملنے آتا رہتا تھا، اس بیان پر پولیس نے شک کی بنا پر مقتول کی اہلیہ نجمہ سے پوچھ گچھ کی تو اس نے مبینہ طور پر قتل کا اعتراف کرلیا مقتول کی اہلیہ نے پولیس کو بتایا کہ کمال کے ساتھ اس کے ناجائز تعلقات تھے اور ایک ماہ قبل ہم نے یہ مکان کرایہ پر لیا تھا اور میں اپنے شوہر سے ناراض ہو کر کمال کے ساتھ یہاں رہ رہی تھی چند روز قبل لیاقت کو پتہ چل گیا اور وہ یہاں آیا اور مجھے کمال کے ساتھ دیکھ کر اس کی کمال کے ساتھ تلخ کلامی ہوئی-

    اتوار 2 جنوری کو کمال مجھے اپنے ساتھ ملیر ہالٹ ریلوے اسٹیشن لے گیا جہاں پر بیٹھ کر ہم نے لیاقت کو قتل کرنے کا منصوبہ بنایا اور اسی دن شام کو میں نے لیاقت کو فون کر کے گھر بلایا جب لیاقت گھر میں آیا اور ٹی وی دیکھ رہا تھا تو کمال نے عقب سے اس کے سر میں ڈنڈا مارا اور تیز دھارآلے سے اس کے پیٹ اور کمر پر وار کیے جس سے وہ زخمی ہو گیا۔

    16 سالہ لڑکی کے ساتھ گھناؤنا کام کرنیوالا سفاک گرفتار

    مقتول کی اہلیہ کا مزید کہنا تھا کہ بعدازاں لیاقت کے پاؤں باندھے اور اپنا دوپٹہ کمال کو دیا جس نے لیاقت کے گلے میں باندھ کر گلا دبایا جس سے وہ ہلاک ہوگیا بعدازاں کمال نے مجھ سے کہا کہ تم شور مچاؤ کے کچھ لڑکوں نے میرے شوہر کو چھریاں مار کر قتل کر دیا خاتون کے بیان پر شاہ فیصل کالونی پولیس نے مقتول کی اہلیہ کو گرفتار کر کے قتل کی دفعہ کے تحت مقدمہ درج کرلیا جبکہ ملزمہ کے آشنا کمال کی گرفتاری کے لیے پولیس چھاپے مار رہی ہے۔

    اسلام آباد جرائم کا گڑھ بن گیا، روز پولیس مقابلے، ڈکیتیاں، وجہ کیا؟ تہلکہ خیز…

  • کراچی:جماعت اسلامی کا دھرنا جاری رکھنے کا اعلان، حکومتی درخواست مسترد

    کراچی:جماعت اسلامی کا دھرنا جاری رکھنے کا اعلان، حکومتی درخواست مسترد

    کراچی:جماعت اسلامی کا دھرنا جاری رکھنے کا اعلان، حکومتی درخواست مسترد ،اطلاعات کے مطابق کالے بلدیاتی قانون کے خلاف دھرنے کے دسویں روز پیپلزپارٹی اور سندھ حکومت صوبائی وزیر بلدیات ناصر ‏حسین شاہ، ایڈمنسٹریٹرکراچی مرتضیٰ وہاب،وقار مہدی پر مشتمل وفد سندھ اسمبلی کے باہر دھرنے میں ‏مذاکرات کے لیے پہنچا۔

     

    مذاکرات میں جماعت اسلامی کے وفد میں امیرجماعت اسلامی کراچی حافظ نعیم الرحمن، پبلک ایڈ کمیٹی کے ‏صدر سیف الدین ایڈوکیٹ،رکن سندھ اسمبلی و امیرضلع جنوبی سید عبد الرشید،نائب امیرکراچی ڈاکٹر اسامہ رضی ‏دیگر بھی موجود تھے.

     

     

    مذاکرات ومشاورت کے بعد صوبائی وزیر بلدیات ناصر حسین شا ہ نے کہاکہ چیئرمین بلاول بھٹو کی خصوصی ‏ہدایت پر مذاکرات کے لیے آئے ہیں،ہم بہت پہلے ہی آجاتے لیکن مصروفیات کی وجہ سے نہیں آسکے،ہم اس سے ‏پہلے ادارہ نورحق بھی جاچکے ہیں،آج مذاکرات کے بعد بلدیاتی قانون میں ترمیم و تبدیلی کے حوالے سے مشترکہ ‏کمیٹی بنانے کا فیصلہ کیاہے جو یومیہ بنیاد پر باہمی مشاورت کرے گی۔

     

    انہوں نے کہا کہ ہم یقین دلاتے ہیں کہ جماعت اسلامی کی جانب سے تجاویز مشاورت کے بعد ضرور شامل کریں ‏گے اور ہم قانون میں مزیدترامیم کے لیے آمادہ ہیں، ہم نے حافظ نعیم الرحمن اور دھرنے کے شرکاء ‏استدعا، عرض، گزارش کی ہے کہ دھرنے کو کچھ دنوں کے لیے مؤخر کیا جائے۔ میں یقین دلاتا ہوں کہ ہم جلد ہی ‏منطقی انجام تک پہنچیں گے، ہم نے 2013کے بلدیاتی قانون کو مزید بہتر کیا تھا جس پر آپ متفق نہیں ہیں،ہم ‏نے قانون میں جو ترامیم کی ہیں وہ آسمانی صحیفہ نہیں ہیں۔

     

    حافظ نعیم الرحمن نے گفتگو کرتے ہوئے کہاکہ کراچی میں تمام اکائی سے وابستہ افراد رہتے ہیں، جماعت اسلامی ‏نظریاتی تحریک ہے، سب کو اپنے ساتھ لے کر چلتی ہے، جماعت اسلامی کے دھرنامنی پاکستان بن گیا ہے،ہم ‏پیپلزپارٹی اور سندھ حکومت کی پوری ٹیم کا خیر مقدم کرتے ہیں۔

    اس موقع پر ناصر حسین شاہ کی گفتگو کے بعد حافظ نعیم الرحمن نے شرکاء سے پوچھا کہ کیا پیپلزپارٹی کی ‏یقین دہانی کے بعددھرنا ختم کردیا جائے؟،شرکاء نے تمام مطالبات کی منظوری تک دھرنا ختم کرنے سے انکار ‏کردیا، حافظ نعیم الرحمن نے اسٹیج سے تیز ہو تیز ہو جدوجہد تیز ہو کے نعرے لگوائے۔

     

    انہوں نے مزیدکہاکہ ہم ‏نے 2013کے بلدیاتی قانون کے حوالے سے بھی بات کی تھی میئر کو مکمل اختیارات دیے جائیں، ہم چاہتے ہیں ‏پورے صوبے میں ایک ہی تناسب سے یونین کونسلوں کا قیا م ہونا چاہیئے، ہم نے کہاکہ آپ کمیٹی بنائیں کام ‏کریں،ہمارا دھرنا جارے رہے گا، سندھ حکومت کی کسی بھی مثبت کام کا خیر مقدم کریں گے،ہم نے تجاویز ‏پیش کردی ہیں،امید ہے کہ آپ چیئرمین بلاول بھٹو کو دکھائیں گے، جب تک عملی طور پر کوئی قدم نظر نہیں ‏آئے گا،ہمارا دھرنا جاری رہے گا۔

    مذاکرات میں حکومت اور جماعت اسلامی کی طرف بلدیاتی قانون میں ترامیم کے حوالے سے کمیٹی بنادی گئی ‏جس کا باقاعدہ اسٹیج سے اعلان کیا گیا کمیٹی میں پیپلزپارٹی کی سندھ حکومت کی جانب سے صوبائی وزیر ‏سعید غنی،ناصر حسین شاہ،ایڈمنسٹریٹر کراچی مرتضی وہاب،تاج حیدر جب کہ جماعت اسلامی کے نائب امیر ‏مسلم پرویز، رکن سندھ اسمبلی سید عبد الرشید،پبلک ایڈ کمیٹی کراچی کے صدر سیف الدین ایڈوکیٹ شامل ‏ہیں۔

  • کراچی : شادی کی تقریب میں فائرنگ سے 11 سالہ بچی جاں بحق

    کراچی : شادی کی تقریب میں فائرنگ سے 11 سالہ بچی جاں بحق

    کراچی : اورنگی ٹاؤن میں شادی کی تقریب کے دوران ہونے والی فائرنگ سے 11 سالہ بچی جاں بحق ہو گئی-

    باغی ٹی وی : تفصیلات کے مطابق کراچی کے علاقے اورنگی ٹاؤن میں شادی کی تقریب کے دوران ہونے والی فائرنگ سے 11 سالہ بچی مدیحہ جاں بحق ہوگئی واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی۔

    کوئٹہ کراچی شاہراہ پرحادثہ، چیئرمین سینیٹ کے چھوٹے بھائی ڈرائیور سمیت جاں بحق

    لواحقین کے مطابق مقتولہ مدیحہ تین بہن بھائیوں میں دوسرے نمبر پر تھی، علاقے میں سیاسی جماعت کے علاقائی عہدیدار کے بھائی کی شادی کی تقریب تھی، مدیحہ گھر کی کھڑکی سے شادی کی تقریب دیکھ رہی اور کچھ افراد فائرنگ کر رہے تھے، اسی دوران ایک اندھی گولی بچی کے ماتھے پر لگی جو آر پار ہوگئی اور بچی کی موقع ہی موت واقع ہوگئی۔

    آشنا کے ساتھ مل کر شوہر کو قتل کرنے والی بیوی گرفتار

    پولیس حکام کا کہنا ہے کہ بچی کے لواحقین نے لاش کا پوسٹ مارٹم کرانے سے انکار کردیا اور میت اسپتال سے سرد خانے لے گئے اوراور ایس ایس پی غربی سہائی عزیز کی کوششوں سے لواحقین پوسٹ مارٹم کے لئے راضی ہوگئے مقتولہ مدیحہ کی لاش عباسی شہید اسپتال منتقل کی گئی، جہاں بچی کا پوسٹ مارٹم مکمل ہوگیا ہے۔

    بچے کی پیدائش کی خوشی میں ہوائی فائرنگ سے 12 سالہ لڑکی جاں بحق

    ڈاکٹر کا کہنا تھا کہ مدیحہ کو سر کے عقب میں گولی لگی اور ماتھے سے باہر نکلی، بچی کو گولی کافی دور سے لگی تھی پولیس نے قانونی کارروائی اور پوسٹ مارٹم کے بعد لاش ورثا کے حوالے کردی۔

    کراچی میں دوسری شادی کی خواہش نے نوجوان کی جان لے لی

    پولیس حکام کا کہنا ہے کہ شبہ ہے کہ مدیحہ افضل ہوائی فائرنگ سے جاں بحق ہوئی، ہوائی فائرنگ میں ملوث افراد کی تلاش جاری ہےاس حوالےسےپڑوسیوں سے بھی تفتیش کی جارہی ہے۔

    کراچی: ایڈونچر کے لئے شہری کا قتل،ٹک ٹاک انتظامیہ کا موقف سامنے آ گیا

    قبل ازیں ملتان میں تھانہ کپ کے علاقے پیپل محلہ میں ساحل نامی شخص کے ہاں بیٹا پیدا ہوا جس کی خوشی میں گھر میں تقریب منعقد کی گئی پولیس کے مطابق تقریب میں ساحل کے دوست مرشد نے ہوائی فائرنگ کی جس کی زد میں پڑوسیوں کی 12 سالہ بچی سویرا آکر زخمی ہو گئی سویرا کو زخمی حالت میں نشتر اسپتال منتقل کیا جا رہا تھا کہ راستے میں دم توڑ گئی فائرنگ کرنے والے ملزم کو گرفتار کر کے مقدمہ درج کر لیا ہے۔

    رانگ نمبریا پھرانٹرنیٹ کے فیوض وبرکات:2 بہنوں کا قتل، ملزم کی نشاندہی پر ایک کے شوہر کی لاش بھی…

    اس سے قبل کراچی میں ٹک ٹاک ویڈیو میں ایڈونچر کے لئے گھر کے باہر کھڑے شہری کو گولی ماردی تھی جس سے شہری جاں بحق ہو گیا تھا جس کے بعد پولیس نے تحقیقات کے دوران سی سی ٹی ویٹیج کی مدد سے دو کم عمر ٹک ٹاکرز کو حراست میں لیا تھا پولیس حکام کا کہنا تھا کہ دو ملزمان کو گرفتار کرلیا گیا، ملزمان کی عمریں 14 سے 15 برس کے درمیان ہیں، ملزمان ٹک ٹاکرز ہیں،ابتدائی تحقیقات میں ملزمان نے بتایا کہ انھوں نے ایڈونچر کے لیے فائرنگ کی تھی، وقوعہ کے وقت قمر رضا گھر کے باہر روڈ پر کھڑا ہوا تھا اور گولی اس کے پیٹ میں لگی تھی۔

    بھارتی جیل میں مسلم جوڑے پر بیہمانہ تشدد

  • ملتان سے جدہ جانیوالی پی آئی اے پروازو فنی خرابی کے باعث کراچی اتارلی گئی

    ملتان سے جدہ جانیوالی پی آئی اے پروازو فنی خرابی کے باعث کراچی اتارلی گئی

    قومی ایئر لائن پی آئی اے کی ملتان سے سعودی شہر جدہ جانے والی پرواز کو فنی خرابی کے باعث کراچی اتار لیا گیا۔

    باغی ٹی وی: پی آئی اے کے ترجمان کے مطابق پرواز پی کے 9739 نے کراچی میں ٹیکنیکل سیف لینڈنگ کی، کراچی قومی ایئر لائن کا انجینئرنگ بیس ہونے کی وجہ سے مذکورہ طیارہ یہاں اتارا گیا ہےجبکہ کراچی میں طیارہ تبدیل کر کے مسافروں کو جدہ روانہ کر دیا گیا ہے۔

    اسلام آباد سے سعودی عرب کیلئے اڑان بھرنے والی پروازحادثے سے بال بال بچ گئی

    ترجمان پی آئی اے نے مزید کہا کہ پہلے طیارے کی فنی خرابی بھی دور کر دی گئی ہے، جو اب پرواز کے لیے تیار ہے۔

    واضح رہے کہ اس سے قبل بھی اسلام آباد سے سعودی عرب کے لیے اڑان بھرنے والی نجی ایئرلائن کی پرواز میں ٹیک آف کرتے ہی فنی خرابی پیدا ہوگئی تھی طیارے کے کپتان نے ایئرٹریفک کنٹرولر سے رابطہ کرکے دوبار لینڈنگ کی اجازت طلب کی ایئر ٹریفک کنٹرولر نے کپتان کو فوری طور پر ٹیکنیکل لینڈنگ کی اجازت دی اجازت ملنے پر طیارے کے کپتان نے انتہائی مہارت سے طیارے کو لینڈ کروایا۔

    پی آئی اے کا فلائیٹ شیڈول اچانک تبدیل:لاہور آنے والوں کواسلام آباد اتارنے کا حکم…

    گزشتہ روز لاہور میں اچانک موسم کے شدید سلسلے کے باعث پروازیں اسلام آباد اتار لی گئیں تھیں پی آئی اے حکام کا کہنا تھا کہ کراچی تا لاہور پی کے 302، ابوظہبی تا لاہور پی کے 264 اور جدہ تا لاہور پی کے 9760 اسلام آباد اتر گئیں اس دوران موسم سے متاثر ہونے والی پروازوں کے 447 مسافروں کو خصوصی بسوں کے ذریعے لاہور لے جایا جائے گا جبکہ لاہور سے روانہ ہونے والی پروازیں پی کے 303 لاہور تا کراچی، پی کے 9759 لاہور تا جدہ اور پی کے 189 لاہور تا بحرین منسوخ کردی گئیں تھیں-

    ترجمان پی آئی اے کا کہنا تھا کہ پی آئی اے کال سینٹر 24 گھنٹے مسافروں کو معلومات فراہم کرنے میں مصروف ہےموسم کی خرابی کے پیش نظر مسافروں سے التماس ہے کہ گھر سے نکلنے سے پہلے اپنی پرواز سے متعلق معلومات حاصل کرلیں-

    معیشت مضبوط اورملازمتوں کےمواقع پیداہورہے ہیں،وزیراعظم

  • پی ٹی ایم کے وکیل قادر خان کے گھر پر چھاپہ:منشیات برآمد

    پی ٹی ایم کے وکیل قادر خان کے گھر پر چھاپہ:منشیات برآمد

    کراچی :پی ٹی ایم کے وکیل قادر خان کے گھر پر چھاپہ:سچ یا جھوٹ:حقائق پوشیدہ ہی رہ گئے ،اطلاعات کے مطابق وکیل قادر خان کا دعویٰ ہے کہ باوردی اہلکاروں نے گذشتہ شب ان کے گھر پر چھاپہ مارا اور گھر والوں کو ہراساں کیا، تاہم پولیس کے مطابق انہیں ایسے کسی چھاپے کی اطلاع نہیں، نہ ہی متاثرہ خاندان نے اسے رپورٹ کیا ہے۔

    پشتون تحفظ موومنٹ (پی ٹی ایم) کے رہنماؤں پر درج مقدمات کی عدالتی پیروی کرنے والے وکیل قادر خان ایڈووکیٹ نے دعویٰ کیا ہے کہ کچھ باوردی اہلکاروں نے ان کے گھر میں گھس کر توڑ پھوڑ کی اور گھر والوں کو ہراساں کیا، تاہم پولیس کا کہنا ہے کہ ان کو ایسے کسی چھاپے کے بارے میں کوئی اطلاع نہیں۔

    یہ واقعہ مبینہ طور پر قادر خان کی کراچی کے علاقے گلشن اقبال میں واقع رہائش گاہ پر گذشتہ رات دیر سے پیش آیا، اور اہل خانہ کا کہنا ہے کہ اہلکار وکیل کے ایک بیٹے کو بھی اپنے ساتھ لے گئے۔

    قادر خان کے بیٹے کا کہنا تھا کہ کچھ اہلکار گھر میں گھس آئے تھے اور توڑ پھوڑ کے ساتھ بچوں کے سکول بیگ کی بھی تلاشی لے رہے تھے۔ اہلکاروں نے گھر والوں کو ہراساں بھی کیا۔‘قادر خان ایڈووکیٹ کے مطابق اہلکار تین موبائل گاڑیوں اور ایک جیمر والی گاڑی میں آئے تھے۔

    انہوں نے بتایا: ’میں نے رات کو ہی متعلقہ تھانے کے ایس ایچ او کو ٹیلی فون کیا، مگر ایس ایچ او نے کہا ان کو چھاپے کے متعلق معلوم نہیں۔ صبح میں نے دوبارہ پولیس اور پیراملٹری سے معلوم کیا، مگر دونوں نے کہا کہ ان کو اس سے متعلق نہیں معلوم کہ چھاپہ کس نے اور کیوں مارا۔‘

    دوسری طرف معتبر ذرائع نے دعویٰ‌ کیا ہے کہ کوئی پی ٹی ایم کی وکالت کا ایشو نہیں بلکہ حقیقت یہ ہے کہ اطلاع ملنے پولیس کے لوگوں نے ایڈووکیٹ قادر خان کے گھر چھاپہ مارا

     

     

    https://twitter.com/CCtheLegendd/status/1479413828010061824?s=19

    سادہ لباس میں ملبوس اہلکارپی ٹی ایم ایڈووکیٹ قادر خان کے بیٹے اسد خان کو لے گئے،قادر خان کی فیملی کو قریب سے جاننے والے ایک اہم شخص کا دعویٰ‌ ہے کہ اسد خان منشیات کا عادی ہے اورمنشیات فروشی بھی کرتا ہے،اسد خان سے منشیات بھی برآمد ہوئی ہے ، اس شخصیت کا یہ بھی دعویٰ‌ ہے کہ اس سے پہلے اسد خان منشیات فروشی کے جرم میں 4مہینے جیل رہ چکا ہے.

    ادھر پی ٹی ایم کراچی نے واقعے کے خلاف جمعے کی شام کو کراچی پریس کلب کے سامنے احتجاج کیا، جس دوران مظاہرین نے مطالبہ کیا کہ قادر خان کے بیٹے کو رہا کیا جائے۔

    احتجاج سے خطاب کرتے ہوئے قادر خان کے چھوٹے بیٹے حماد خان نے کہا کہ ان کے والد گھر پر نہیں تھے، اور چھاپہ مارنے والے اہلکار ان کے بڑے بھائی اسد خان کو اپنے ساتھ لے گئے، جن کو تاحال رہا نہیں کیا گیا ہے۔

  • ڈاکٹرعامرلیاقت کے خلاف 295 کے تحت مقدمہ درج کرنے کی درخواست دائر

    ڈاکٹرعامرلیاقت کے خلاف 295 کے تحت مقدمہ درج کرنے کی درخواست دائر

    کراچی : ڈاکٹرعامرلیاقت کے خلاف 295 کے تحت مقدمہ درج کرنے کی درخواست دائر،اطلاعات کے مطابق پی ٹی آئی ایم این اے اور ٹی وی اینکرڈاکٹرعامرلیاقت ان دنوں کچھ ایسی حرکتیں کررہے ہیں کہ جن کےبعد ہرذی شعور کو ان کے تحت الشعور کی تندرستی پرشک ہونے لگا ہے

    اس حوالے سے ویسے تو بہت سے ایسے حقائق ہیں مگرآج ایک ایسی حقیقت سامنے آئی ہے جس کودیکھنے کے بعد یہ دعویٰ اور بھی مضبوط ہوجاتا ہے،یہ درخواست علما کی طرف سے تھانہ سچل ایسٹ کراچی میں جمع کروائی گئی ہے

    اس درخواست میں کہا گیا ہے کہ ایک ایسا واقعہ جو کہ آج سے 27 سال پہلے ہوا اورجس کے آج کے حالات سے کوئی تانے بانےنہیں پھرڈاکٹرعامرلیاقت جیسا شخص ان واقعات کو کیوں منسوب کرکے حالات خراب کرنا چاہتا ہے

    یہ درخواست جعفریہ الائنس کی طرف سے ایس ایچ او تھانہ سچل کو دی گئی ہے، اس میں کہا گیا کہ ڈاکٹرعامرلیاقت کی گفتگو اورحرکات سے مذہبی برداشت کو نقصان پہنچ رہا ہے اوراس شخص کی غلط بیانی سے معاملات خراب ہورہے ہیں،

    پاکستان جعفریہ الائنس کی طرف سے درخواست میں کہا گیا ہے کہ آئین کی دفعہ 298 اے اور 295 اے کے تحت جو شخص کسی دوسرے مسلک اور فرقے کی دل آزاری اور جماعتوں میں تفریق پیدا کرکے حالات خراب کرتا ہے اس کے خلاف مقدمات درج ہونے چاہیں اور ڈاکٹرعامرلیاقت نے مدینہ مسجد کے واقعہ کو بنیاد بنا کریہ جرائم کیے ہیں ،اس لیے اس شخص پرمقدمہ درج کیا جائے

    یاد رہےکہ دو دن قبل بھی ڈاکٹرعامرلیاقت نے ایسی ہی کچھ حرکات کی تھیں جن کی وجہ سے وہ بہت زیادہ متنازعہ بن چکے ہیں

    یاد رہے کہ دو دن قبل سماجی رابطے کی ویب سائٹ ٹوئٹر پرپاکستان تحریک انصاف (پی ٹی آئی) کے رکن اسمبلی ڈاکٹرعامر لیاقت کی ایک ویڈیو گردش کر رہیرتھی جو اب بھی موجود ہے جس میں وہ وزیراعظم عمران خا ن اور ریاست مدینہ پر بات کرتے دکھائی دے رہے ہیں-

    ویڈیو میں ڈاکٹر عامر لیاقت کہتے ہیں کہ میں الفاظ کا بہت نپا تلا آدمی ہوں میرے لئے یہ لفظ بہت اہم ہے مدینہ،انہوں نے کہا کہ ریاست مدینہ میں مسجد مدینہ گرا رہے ہیں-

    ویڈیو میں کسی نے سوال کیا کہ حکومت تو آپ کی ہے آپ اس حوالے سے کیا کہیں گے؟ جس پر رہنما پی ٹی آئی نے کہا کہ جو مسجدیں گراتی ہے وہ میری حکومت نہیں ہے –

    ڈاکٹر عامر لیاقت سے سوال کیا گیا کہ اس حوالے خان صاحب نے ابھی تک تو کوئی ایکشن نہیں لیا خان صاحب کو شرم نہیں آئی کہ وہ مسجد کے‌خوالے سے کوئی بات کریں؟ جس پر عامر لیاقت نے مزاحیہ انداز میں طنز کرتے ہوئے کہا کہ خان صاحب کو شرم ہوتی تو آتی ناں-

    ویڈیو وائرل ہونے پر صارفین کی جانب سے عامر لیاقت پر تنقید کی جا رہی ہے جبکہ صارفین کا کہنا ہے کہ قبضے کی زمین پر مسجد بنائی گئی ہے اس کا جھگڑا ہے ناجائز زمین پر مسجد بنانا کہاں کا اسلام ہے-

    دوسری جانب ویڈیو وائرل ہونے کے بعد عامر لیاقت نے صفائی پیش کی کہا کہ میرا خان صاحب سے رشتہ ایسا ہے جو کبھی ختم نہیں ہو سکتا جو بھی میری بات آپ کو بُری لگی ہے یقیناً وہ بُری لگنی بھی چاہیئے لیکن بات کا تناظر چھپانا سب سے بُری بات ہے میں نے یہ بھی کہا تھا کہ شرم آتی ہے تو آتا ہے اور اقوام متحدہ میں آتا ہے پھر آ کر وہاں خطاب کرتا ہے رسول کی بات کرتا ہے میری اس ویڈیو کودرمیان میں سے کاٹ کر وائرل ویڈیو میں اگلا حصہ نہیں دکھایا گیا لیکن اس کے باوجود میں سب پی ٹی آئی رہنماؤں سے معذرت خواہ ہوں-

    عامر لیاقت کا کہنا تھا کہ میں خان صاحب سے بھی معافی مانگتا ہوں اور ان کے پاس جا کر بھی معافی مانگوں گا ان کا عامر ایسا نہیں ہے ان کا عامر انہیں بہت چاہتا ہے دل سے محبت کرتا ہے-

    عامر لیاقت کا کہنا تھا کہ وزیر اعظم جناب عمران خان جو میرے پارٹی چیئرمین لیڈر اور رہبر کے ساتھ ساتھ میرے دوست بھی ہیں انہیں یقیناً میرے الفاظ سے ٹھیس پہنچی ہے میں ان سے دل کی گہرائیوں سے معافی مانگتا ہوں اور پی ٹی آئی کے تمام ساتھیوں سے بھی ان کے کارکن بھائی کی حیثیت سے معافی کا طلب گار ہوں-

    اس سے قبل اپنے ٹوئٹ میں عامر لیاقت نے کہا کہ رات کے اس پہر ناسازی طبع کے باوجود اپنے حلقے کے اہل دیو بند کے ساتھ سینہ سپر کھڑا ہوں، سب کا تعلق مولانا فضل الرحمن صاحب سے ہے لیکن میرا تعلق اس رحمن سے ہے جس نے مدینے والے کو بھی تخلیق کیا ، الرحمن، علم القران، خلق الانسان، علمہ البیان، ہم سب ساتھ ہیں مدینہ مسجد نہیں گرنے دیں گے-

     

    https://twitter.com/Silent_deserts/status/1478010882668048384?ref_src=twsrc%5Etfw%7Ctwcamp%5Etweetembed%7Ctwterm%5E1478011415201996805%7Ctwgr%5E%7Ctwcon%5Es2_&ref_url=https%3A%2F%2Fbaaghitv.com%2Famir-liaqat-apney-e-leader-pr-baras-parey%2F

    رہنما پی ٹی آئی نے کہا کہ شکر گذار ہوں مولانا فضل الرحمن صاحب کے کارکنان اورعلمائے دیو بند کا جنہوں نے میری بات توجہ سے سنی اور ہم سب نے این ے 245 کی فلاح اور امن و امان کی صورتحال برقرار رکھنے کے لیے جناب سومرو بھائی اور جناب سینیٹرعبدالغفور حیدری صاحب کی موجودگی میں مشترکہ پریس کانفرنس کا فیصلہ کیا ہے-

    واضح رہے کہ اس سے قبل ماضی میں عامر لیاقت حسین کراچی کے مسائل پر وزیراعظم عمران خان سے تحفظات کا اظہار کرتے رہے ہیں جب کہ انہوں نے کراچی کے مسائل پر مستعفی ہونے کا بھی اعلان کیا تھا لیکن وزیراعظم سے ملاقات کے بعد انہوں نے استعفے کا فیصلہ واپس لیا تھا-

    جبکہ گزشتہ سال اکتوبر میں کراچی سے پاکستان تحریک انصاف کے انتخابی ٹکٹ پر منتخب ہونے والے عامر لیاقت حسین نے قومی اسمبلی کی نشست سے استعفیٰ دے دیاعامر لیاقت حسین نے ٹوئٹ کرتے ہوئے مستعفی ہونے کی اطلاع دی تھی تاہم انہوں نےاستعفیٰ دینے کی وجہ نہیں بتائی تھی عامر لیاقت حسین نے ٹوئٹ کرتے ہوئے لکھا کہ ‘قومی اسمبلی سے استعفیٰ ارسال کردیا ہے، اللہ تعالی عمران خان اور پی ٹی آئی کا حامی و نا صر ہو ۔ اللہ حافظ-

     

    ڈاکٹر عامر لیاقت آئے سن اپنے متنازع بیانات کی وجہ سے خبروں کی شہ سرخیوں میں رہتے ہیں جبکہ اپنے بیانات کی وجہ سے انہیں صارفین کی جانب سے بھی تنقید کا سامنا رہتا ہے گزشتہ دنوں بھی انہیں اپنی ’تشویش ناک‘ صحت سے متعلق ٹوئٹ کرنے کے بعد لوگوں کی جانب سے تنقید کا نشانہ بنایا جا رہا ہے۔

    عامر لیاقت حسین نے 30 نومبر کی شب مختصر ٹوئٹ کی تھی کہ ’انہیں تشویش ناک حالت میں کراچی کے علاقے ڈیفینس میں موجود نجی ہسپتال منتقل کیا جا رہا ہے‘ان کے اکاؤنٹ پر کی گئی ٹوئٹ سے محسوس ہوتا ہے کہ ان کی صحت سے متعلق ٹوئٹ کسی دوسرے شخص نے لکھی۔

     

     

    جہاں لوگوں نے ان کی صحت سے متعلق تشویش کا اظہار کیا اور لوگوں نے ان کی جلد صحت یابی کے لیے دعائیں کیں، وہیں متعدد افراد نے ان کی ٹوئٹ کو ڈراما قرار دیتے ہوئے ان کے لیے نامناسب جملوں کا استعمال بھی کیا تھا درجنوں افراد نے ان کی ٹوئٹ کو ری ٹوئٹ کرتے ہوئے سوال کیا تھا کہ جب وہ تشویش ناک حالت میں ہیں تو ان کے اکاؤنٹ پر ری ٹوئٹ کس نے کیا؟ ساتھ ہی کچھ افراد نے انہیں اداکار قرار دیا تھا جبکہ کچھ صارفین نے تو انہیں چھوٹا نواز شریف اور چھوٹا الطاف حسین بھی کہا تھا-

  • پنجاب سے اغوا کی گئی لڑکیوں کو ملزمان کراچی چھوڑ کر فرار

    پنجاب سے اغوا کی گئی لڑکیوں کو ملزمان کراچی چھوڑ کر فرار

    پنجاب کے شہر خیرپور ٹامیوالی سے اغواء کی گئیں 2 لڑکیاں کراچی سے مل گئیں-

    باغی ٹی وی : تفصیلات کے مطابق مغوی لڑکیوں کو پولس نےحفاظتی تحویل میں لے لیا ہے پولیس کا کہنا ہے کہ ملزمان مغوی لڑکیوں کو ملیرکورٹ کے باہر چھوڑ کر فرار ہوئے پولیس مددگار 15 نے دونوں لڑکیوں کو حفاظتی تحویل میں لے کر علاقہ پولیس کے حوالے کیا۔

    بھارت میں ایک بار پھرمسلم خواتین کی آن لائن نیلامی کا انکشاف

    پولیس حکام کے مطابق دونوں لڑکیوں نے اپنا نام عائشہ بی بی اور طاہرہ بی بی بتایا، لڑکیوں کو 27 دسمبر 2021 کو خیرپور ٹامیوالی میں گھر سے اغواء کیا گیا تھا دونوں لڑکیوں کے اغواء کا مقدمہ متعلقہ تھانا خیرپورٹامیوالی میں درج ہے، مقدمہ لڑکیوں کے والد سلمان احمد نے درج کرایا تھا۔

    پولیس حکام کے مطابق لڑکیوں کے والد نے مقدمے میں بیٹے بلال کے برادر نسبتی لیاقت اور اس کی بیوی کو نامزد کیا تھا دونوں لڑکیوں کے ملنے کی اطلاع خیرپورٹامیوالی پولیس کو دے دی ہے۔

    محض سات سال کی عمر میں جنسی ہراسانی کا سامنا کرنا پڑا،امریکی اداکارہ و مصنفہ

    دوسری جانب بھارت میں مسلمان خواتین کو آن لائن فروخت کے لئے پیش کرنے کے حوالہ سے پولیس اب حرکت میں آئی ہےممبئی پولیس کا کہنا ہے کہ آن لائن نیلامی میں مسلم خواتین کو نشانہ بنانے والی ایپ بلی بائی کے اکاؤنٹ چلانے والے ملزم کو گرفتار کیا ہے ،پولیس کا کہنا ہے کہ ملزم ایک خاتون ہےبنگلورو سے گرفتار کیا گیا ہے پولیس کے مطابق ایک ملزم کو اترا کھنڈ سے گرفتار کیا گیا تھا جس کی عمر 21 برس ہے اور وہ سول انجینئر ہے، اس سے جب تحقیقات کی گئیں تو اس نے انکشاف کیا تھا کہ ایک خاتون ملزم بھی اس سارے معاملے میں اس کے ساتھ ہے-

    مسلم خواتین کی آن لائن نیلامی کی ایپ،خاتون سمیت دو ملزمان گرفتار

    بنگلورو سے گرفتار کئے گئے ملزم کی شناخت وشال کمار کے طور پر ہوئی، ممبئی پولیس سائبر سیل کے ڈی سی رشمی کرندیکر نے تحقیقات کے بعد ملزم کو گرفتار کیا تھا، پولیس نے دعویٰ کیا ہے کہ ملزم ایپ کے تین اکاونٹس کو ہینڈل کر رہا تھا ممبئی پولیس کے حکام کا کہنا تھا کہ وشال کمار نے ایک سوشل میڈیا پر اکاؤنٹ بنایا بعد میں ملتے جلتے ناموں سے تین اور اکاؤنٹ بنایا، سکھ ناموں کے اکاؤنٹ بنائے گئے تھے اور خالصہ تحریک کی بھی ان اکاونٹ سے حمایت کی جا رہی تھی ، ان اکاؤنٹ کو بنانے کا مقصد یہ تھا کہ ایسا لگے کہ اس ایپ کے پیچھے سکھ ہیں ،تا ہم ایسا نہیں ہے، پولیس تحقیقات کر رہی ہے اور جلد مزید گرفتاریاں متوقع ہیں-

    ملک میں اقلیت اکثریت خواتین اور بچے سب غیر محفوظ ہیں،حکومتی سینیٹرز

    بھارت میں Bulli Bai نامی ایپ پر سینکڑوں مسلم خواتین کی نیلامی کیلئے ان کی تصاویر شیئر کی گئیں جس کی وجہ سے بھارتی خواتین میں غصے کی لہر دوڑ گئی۔ سوشل میڈیا پر ایک عورت کو ٹرول کرنا یعنی اس کا مذاق اڑانا بہت سے لوگوں کے لیے سب سے زیادہ آسان کام ہوتا ہے اور یہ ٹرولِنگ زیادہ تر ذاتی حملوں پر مبنی ہوتی ہے۔لیکن انڈیا میں مسلمان خواتین کی ہراسانی کے لیے کم ظرفی کی تمام حدیں پار ہوتی نظر آتی ہیں۔

    نیوایئرپارٹی سے واپس آنے والی دو لڑکیوں سے جنسی زیادتی

    بھارت میں Bulli Bai نامی ایپ پر سینکڑوں مسلم خواتین کی نیلامی کیلئے ان کی تصاویر شیئر کی گئیں تصاویر ان خواتین کی ہیں جو ٹویٹر صارف ہیں اور ان کے کافی تعداد میں فالوؤرز ہیں۔ ایپ کو آن لائن سافٹ ویئر ڈویلپمنٹ کی سہولت کار کمپنی Github پر ڈیزائن کیا گیا ہے ’گٹ ہب‘ پر بنائی گئی اس ایپ کا نام ’بُلی بائی‘ ہے-

    تھانہ بستی ملوک کے علاقے میں انسانیت سوز واقعہ،ویڈیو وائرل

  • لاہو:مختلف علاقوں میں بوندا باندی،مسلسل 4 روز تک بارشوں کا سلسلہ جاری رہے گا،محکمہ موسمیات

    لاہو:مختلف علاقوں میں بوندا باندی،مسلسل 4 روز تک بارشوں کا سلسلہ جاری رہے گا،محکمہ موسمیات

    لاہور کے مختلف علاقوں میں بونداباندی جاری ہے، محکمہ موسمیات کے مطابق مسلسل 4 روز تک بارشوں کا سلسلہ جاری رہے گا۔

    باغی ٹی وی :مغربی ہواؤں کا سلسلہ بلوچستان میں بھی داخل ہو گیا ہے، بلوچستان کے مختلف علاقوں میں موسلا دھار بارش جاری ہے، گوادر اور گردو نواح میں 7 گھنٹے تک بارش جاری رہی، جس سے گوادر کے نشیبی علاقے زیر آب آگئے۔

    محکمہ موسمیات کی کراچی میں بارش کی پیش گوئی

    جڑانوالہ اور گردونواح میں بوندا باندی کا سلسلہ جاری ہے تو میرپور آزاد اور گردونواح میں رات سے بارش کا سلسلہ جاری ہے، ساہیوال اور گردونواح میں بھی وقفے وقفے سے بارش ہو رہی ہے۔

    پاکستان میں جمادی الثانی کا چاند نظر نہیں آیا

    جب کہ کراچی میں آج شام یا رات سے گرج چمک کے ساتھ بارش کا امکان ہے محکمہ موسمیات کے مطابق کراچی میں مزید3 روز تک موسم ابر آلود رہے گا، کراچی کا موجودہ درجہ حرارت 18 سینٹی گریڈ ہے جبکہ 15 کلومیٹر فی گھنٹے کی رفتار سے ہوا چل رہی ہے۔

    جو مسجدیں گراتی ہے وہ میری حکومت نہیں،ڈاکٹر عامر لیاقت اپنے ہی لیڈر پر برس پڑے

    محکمہ موسمیات کا کہنا ہے کہ کراچی میں دن میں درجہ حرارت 20 سے 22 سینٹی گریڈ تک رہے گا۔

    دوسری جانب لاہور3 ماہ بعد آلودہ ترین شہروں کی فہرست میں 7 ویں نمبر پرآ گیا ہے، شہر کا ائیر کوالٹی انڈکس 180 ریکارڈ کیا گیا جبکہ گلبرگ 380 اے کیو آئی کے ساتھ آلودہ ترین علاقہ ہے۔

    پی ٹی آئی کا مسلم لیگ (ن) اور پیپلز پارٹی کے خفیہ اکاؤنٹس چھپانے کا دعویٰ

  • آشنا کے ساتھ مل کر شوہر کو قتل کرنے والی بیوی گرفتار

    آشنا کے ساتھ مل کر شوہر کو قتل کرنے والی بیوی گرفتار

    کراچی: شاہ فیصل کالونی پولیس نے گرین ٹاؤن میں اتوار کو لیاقت نامی شخص کے قتل کے الزام میں مقتول کی بیوی گرفتار کرلیا۔

    باغی ٹی وی : پولیس حکام کے مطابق اتوار 2 جنوری کو قتل کی واردات کے بعد جب تحقیقات کا آغاز کیا تو مالک مکان راشد نے پولیس کو بیان دیا کہ ایک ماہ قبل کمال نامی شخص نجمہ خاتون کے ہمراہ آیا تھا اور مکان کرایہ پر لیا تھا جبکہ ایک ہفتے قبل لیاقت نامی شخص بھی مکان میں آیا تھا جس کا کمال سے جھگڑا ہوا تھا جس کے بعد ہمیں پتہ چلا کہ نجمہ لیاقت کی بیوی ہے۔

    اے این پی کے رہنما کا قتل، تیسری بیوی نے آشنا کے ساتھ ملکر کیا گھناؤنا کام

    پولیس کے مطابق جھگڑے کے دوران شور شرابہ ہونے پر کمال نامی شخص گھر سے بھاگ گیا جس کے بعد لیاقت کبھی کبھی اپنی بیوی سے ملنے آتا رہتا تھا، اس بیان پر پولیس نے شک کی بنا پر مقتول کی اہلیہ نجمہ سے پوچھ گچھ کی تو اس نے مبینہ طور پر قتل کا اعتراف کرلیا۔

    مقتول کی اہلیہ نے پولیس کو بتایا کہ کمال کے ساتھ اس کے ناجائز تعلقات تھے اور ایک ماہ قبل ہم نے یہ مکان کرایہ پر لیا تھا اور میں اپنے شوہر سے ناراض ہو کر کمال کے ساتھ یہاں رہ رہی تھی چند روز قبل لیاقت کو پتہ چل گیا اور وہ یہاں آیا اور مجھے کمال کے ساتھ دیکھ کر اس کی کمال کے ساتھ تلخ کلامی ہوئی-

    گارمنٹس فیکٹری کے کیمیکل ٹینک کی صفائی کے دوران دم گھٹنے سے 4 افراد جاں بحق

    ملزمہ کے مطابق اتوار 2 جنوری کو کمال مجھے اپنے ساتھ ملیر ہالٹ ریلوے اسٹیشن لے گیا جہاں پر بیٹھ کر ہم نے لیاقت کو قتل کرنے کا منصوبہ بنایا اور اسی دن شام کو میں نے لیاقت کو فون کر کے گھر بلایا جب لیاقت گھر میں آیا اور ٹی وی دیکھ رہا تھا تو کمال نے عقب سے اس کے سر میں ڈنڈا مارا اور تیز دھارآلے سے اس کے پیٹ اور کمر پر وار کیے جس سے وہ زخمی ہو گیا۔

    مقتول کی اہلیہ کا مزید کہنا تھا کہ بعدازاں لیاقت کے پاؤں باندھے اور اپنا دوپٹہ کمال کو دیا جس نے لیاقت کے گلے میں باندھ کر گلا دبایا جس سے وہ ہلاک ہوگیا بعدازاں کمال نے مجھ سے کہا کہ تم شور مچاؤ کے کچھ لڑکوں نے میرے شوہر کو چھریاں مار کر قتل کر دیا۔

    بلال یاسین پر قاتلانہ حملہ کیس،شوٹرزکو اسلحہ کس نے کس کے کہنے پر دیا؟

    خاتون کے بیان پر شاہ فیصل کالونی پولیس نے مقتول کی اہلیہ کو گرفتار کر کے قتل کی دفعہ کے تحت مقدمہ درج کرلیا جبکہ ملزمہ کے آشنا کمال کی گرفتاری کے لیے پولیس چھاپے مار رہی ہے۔

    واضح رہے کہ دوسری جانب اے این پی کے رہنما عمر خطاب شیرانی کا قتل، تیسری بیوی نے آشنا کے ساتھ مل کر کیا ڈی پی او ڈیرہ نجم الحسنین لیاقت کا کہنا تھا کہ ڈیرہ پولیس نے عوامی نیشنل پارٹی کے ضلعی صدر اور تحصیل مئیر ڈیرہ کے امیدوار عمر خطاب شیرانی کے قاتلوں کو گرفتار کر لیا۔تیسری بیوی انیتہ قاتلوں کی ساتھی نکلی۔عوامی نیشنل پارٹی کے راہنماء عمر خطاب شیرانی کو بلدیاتی الیکشن سے ایک دن قبل قتل کیا گیا تھا۔

    نیوایئرپارٹی سے واپس آنے والی دو لڑکیوں سے جنسی زیادتی

    عمر خطاب شیرانی کو بلدیاتی انتخابات میں عوامی نیشنل پارٹی کے نامزد امیدوار برائے سٹی مئیر تھے قتل کی واردات میں عمر خطاب کی تیسری بیوی ملوث ہے واقعہ میں ملوث بیوی سمیت تین افراد کو آلہ سمیت گرفتار کرلیا گیا ہےعمر خطاب کا قتل سیاسی ہے نہ دہشت گردی کا عنصر ہے، خالصتاََ خوانگی واقعہ ہے بیوی نے آپنے اشنا عبدالحکیم کے ساتھ مل کر یہ گھناؤنا کھیل کھیلاہے بیوی آشنا اور ساتھی سمیت گرفتار لی گئی ہےعمر خطاب شیرانی کو بلدیاتی انتخابات سے ایک روز قبل قتل کیا گیا تھا۔ تمام ملزمان کو گرفتار کر لیا گیا ہے۔ پولیس نے گہری تفتیش کے بعد ملزمان کو گرفتار کیا،واقعہ ذاتی نوعیت کے تھا۔

    کراچی میں دوسری شادی کی خواہش نے نوجوان کی جان لے لی

  • گارمنٹس فیکٹری کے کیمیکل ٹینک کی صفائی کے دوران دم گھٹنے سے 4 افراد جاں بحق

    گارمنٹس فیکٹری کے کیمیکل ٹینک کی صفائی کے دوران دم گھٹنے سے 4 افراد جاں بحق

    کراچی : گارمنٹس فیکٹری کے زیرِ زمین ٹینک کی صفائی کے دوران 4 افراد دم گھٹ جانے کے باعث جاں بحق ہوگئے جبکہ ایک کی حالت تشویشناک بتائی جاتی ہے۔

    باغی ٹی وی : تفصیلات کے مطابق اس حوالے سے پولیس حکام کا کہنا ہے کہ شاہ لطیف ٹاؤن کے علاقے بھینس کالونی موڑ چوکنڈی اسٹاپ کے قریب فیکٹری ورکرز زیرِ زمین کیمیکل ٹینک کی صفائی کر رہے تھے کہ زہریلی گیس کے باعث دم گھٹنے سے جاں بحق ہوگئے-

    تولیہ فیکٹری میں خوفناک آتشزدگی، لاکھوں روپے کا سامان جل گیا

    پولیس نے کہا کہ جاں بحق ہونے والوں کی لاشوں کو چھیپا کے رضا کاروں نے ضابطے کی کارروائی کے لیے جناح اسپتال پہنچایا جہاں ان کی شناخت شیراز، غلام حسین، عمران اور شہریار کے نام سے کی گئیں جن کی عمریں 22 سال سے 30 سال کے درمیان بتائی جاتی ہیں۔

    جناح اسپتال میں موجود شخص یعقوب نے بتایا کہ جاں بحق ہونے والوں میں غلام حسین اور شیراز آپس میں کزن اور دونوں ان کے بھتیجے ہیں جو کہ جام کنڈو گوٹھ شاہ لطیف ٹاؤن کے رہائشی ہیں اور مذکورہ گارمنٹس فیکٹری میں ملازمت کرتے تھے۔

    کراچی والے تیار ہوجائیں ، بجلی کی قیمتوں میں بڑے اضافے کا امکان

    انہوں ںے بتایا کہ کیمیکل گیس کی صفائی کے دوران زہریلی گیس سے دم گھٹنے سے 5 ملازمین متاثر ہوئے تھے جس میں سے 4 افراد دم توڑ گئے جبکہ ایک ورکر کو قریب ہی قائم نجی اسپتال میں طبی امداد فراہم دی جا رہی ہے۔

    قبل ازیں کراچی کے علاقے نیوکراچی انڈسٹریل ایریا میں تولیہ فیکٹری میں آگ بھڑک اٹھی تھی، اطلاع ملتے ہی فائربریگیڈ کی7گاڑیاں آگ آگ بجھانے میں مصروف رہیں چیف فائر افسر نے بتایا تھا کہ آگ فیکٹری کے گراؤنڈ فلور پر لگی ہے، آتشزدگی میں کوئی جانی نقصان نہیں ہوا تاہم آگ کومزیدپھیلنے سے روک لیا گیا ہے، جلد آگ بجھا کر کولنگ شروع کردی جائے گی۔

    محکمہ موسمیات کی کراچی میں بارش کی پیش گوئی

    حکام کا کہنا تھا کہ فائربریگیڈ نے 14گاڑیوں کی مدد سے کئی گھنٹوں کی جدو جہد کے بعد فیکٹری میں لگی آگ پر قابو پایا،رینجرزاہلکاروں نے بھی آگ بجھانے کے آپریشن میں حصہ لیا چیف فائرافسر نے مزید بتایا کہ آتشزدگی میں تولیہ فیکٹری میں موجود لاکھوں روپے کا مال جل گیا ہے ، کولنگ کے بعد آگ لگنے کی وجوہات کا تعین کیا جا سکے گا۔

    سرگودھا : تھانہ جھال چکیاں پولیس کی کارواٸی ۔ منشیات فروش رنگے ہاتھوں گرفتار ۔