Tag: کراچی

کراچی: چیئرمین پاکستان پیپلز پارٹی بلاول بھٹو دبئی روانہ ہو گئے ہیں۔

باغی ٹی وی : پارٹی کے ذمہ دار ذرائع کے مطابق چیئرمین پی پی بلاول بھٹو امارات ایئر لائن کی پرواز EK – 603 سے دبئی روانہ ہو ئے ہیں وہ دبئی میں تین دن قیام کریں گے۔

ذرائع کے مطابق بلاول بھٹو آج دبئی ایکسپو میں منعقد ہونے والی سرمایہ کاری کانفرنس میں شرکت کریں گے اور چیئرمین پی پی بلاول بھٹو سرمایہ کاری کانفرنس میں شریک سرمایہ کاروں سے خطاب بھی کریں گے-

وا ضح رہے کہ اس سے قبل بلاول ہاؤس میں اپنی زیر صدارت منعقدہ اعلیٰ سطحی اجلاس کے اختتام پر منعقدہ پریس کانفرنس سے خطاب کرتے ہوئے بلال ول زرداری نے کہا تھا کہ خان صاحب کا ہیلتھ کارڈ صحت کے نظام پر ڈاکہ ہے ہم عوام کے لیے 100 فیصد مفت علاج پریقین رکھتے ہیں سندھ کے اسپتالوں میں مفت کڈنی اور لیورٹرانسپلانٹ کی سہولتیں مل رہی ہیں جب کہ ہیلتھ کارڈ ان چیزوں کو کور ہی نہیں کرتا ہے۔

پی آئی اے کے لیے یورپ کے دروازے کھلنے کی امید پیدا ہوگئی

انہوں نے کہا تھا کہ سیاست ہر کسی کا حق ہے لیکن انتہا پسندی کی سیاست کرنے کا کسی کو حق نہیں ہے۔ انہوں نے کہا کہ الطاف حسین کی سیاست پر عوام نے فل اسٹاپ لگا دیا ہے میں چاہتا ہوں کہ اس شہر کی ترقی کے لیے کام کریں۔ ان کا کہنا تھا کہ کراچی کو مزید سفری سہولتیں ملنی چاہئیں مراد علی شاہ کے بیان کو سیاق و سباق سے ہٹ کر لیا جارہا ہے وزیراعلیٰ نے پارلیمان میں اقلیت کی بات کی تھی۔

بہت جلد پنجاب میں کھویا ہوا مقام حاصل کرلیں گے:ن لیگ عملا ختم ہوچکی:بلاول بھٹو

ایک سوال کے جواب میں چیئرمین پی پی بلاول بھٹو نے کہا کہ میں نہیں سمجھتا کہ مسلم لیگ (ن) سندھ میں گورنر راج کے نفاذ کی حمایت کرے گی بلاول بھٹو نے پریس کانفرنس سے خطاب میں دعویٰ کیا کہ آج پیپلزپارٹی واحد جماعت ہے جو سچ بولتی ہے تنقید کرنا بالکل جائز ہے لیکن جھوٹ بولنا جائز نہیں ہے۔

شاہ جی آپ جب بھی بولتے ہیں تو پتھرہی تولتے ہیں‌:ہم نے آپ کوموقع دیا مگرآپ ناکام…

کراچی :عرفان مہرکوسگی بیوی،سالے اوردیگرسسرالیوں نے قتل کیا:گرفتار ملزم کے سنسنی خیز انکشافات،اطلاعات کے مطابق گلستان جوہر میں سندھ بار کونسل کے سیکرٹری عرفان مہر قتل کے وقت فائرنگ کرنے والے ملزم کا حقیقی بیٹا بھی اسی کار میں مقتول کے ساتھ بیٹھا تھا۔

عرفان مہر قتل کیس میں گرفتار مقتول کے بھائی نسبتی غلام اکبر نے کاؤنٹر ٹیررزم ڈپارٹمنٹ پولیس کے سامنے دوران تفتیش سنسنی خیز انکشافات کیے ہیں۔

اس ہائی پروفائل قتل کیس کا سراغ لگانے والی سی ٹی ڈی کی خصوصی ٹیم کے انچارج راجہ عمر خطاب کے مطابق عرفان مہر کو قتل کرنے کا ٹاسک اس کی بیوی صاحبزادی اور سالی شبانہ عرف کراڑی عرف چھوٹی نے اپنے حقیقی بھائی ملزم غلام اکبر کو دیا۔

گرفتار ملزم غلام اکبر کے بیان کے مطابق مبینہ طور پر مقتول عرفان مہر اپنی بیوی یعنی اس کی بہن کے ساتھ سخت رویہ رکھتا تھا جس سے وہ تنگ تھی اور تینوں بہن بھائیوں نے مل کر قتل کی منصوبہ بندی کی۔

ملزم کے مطابق اس واردات کے لیے اس کی دلچسپی اس لیے بھی تھی کہ وہ 30،40 لاکھ روپے کا مقروض تھا جبکہ عرفان مہر کے قتل کی صورت میں انہیں مقتول کے پاس کیش کی شکل میں موجود لگ بھگ 70،80 لاکھ روپے ملنے کی اُمید تھی۔

ملزم کے مطابق اس کی بہن صاحبزادی نے اس کام کے لیے ابتدائی طور پر اسے ایک لاکھ 60 ہزار روپے اور پھر چند دن بعد مزید 60 ہزار روپے دیے۔

ملزم نے مزید بتایا کہ ان پیسوں سے اس نے ایک لاکھ 50 ہزار روپے میں نئی 125 موٹر سائیکل خریدی اور پستول کا بندوبست کیا۔

ملزم کے مطابق اس سے قبل اس نے اس کام میں معاونت کیلئے اپنی چھوٹی بہن شبانہ کے شوہر رحیم بخش مہر کو آمادہ کیا تاہم بعد میں اپنے ایک دوست واجد جاکھرو کو شریک جرم بنایا۔

ملزم نے بیان میں کہا کہ اس کیلئے اس نے واجد کو 40 ہزار روپے دیے اور مزید 60 ہزار روپے کام کے بعد دینے کا وعدہ کیا۔

ملزم کے مطابق واردات سے قبل اس نے مقتول عرفان مہر کی خود ریکی کی اور واردات سے ایک روز قبل صدر سے ٹراؤزر اور جیکٹ خریدیں بعد ازاں کالے رنگ کے دو ہیلمٹ خریدے اور اس نے کینٹ اسٹیشن پر واقع ایک ہوٹل میں قیام کیا۔

ملزم غلام اکبر کے مطابق واردات والے دن وہ اور واجد 125 موٹر سائیکل پر بیٹھ کر گلستان جوہر بلاک 13 پہنچے اور چیپل لگژری اپارٹمنٹ کے سامنے پارک کے ساتھ کھڑے ہوکر عرفان مہر کے نکلنے کا انتظار کرنے لگے۔

ملزم کے مطابق عرفان مہر اپنے بچے کو لے کر اسکول چھوڑنے کیلئے گھر سے نکلا تو اس کی بہن صاحبزادی نے موبائل فون سے اسے اطلاع دی ، عرفان مہر بچے کو اسکول چھوڑ کر واپس آیا تو انہوں نے اسے نشانہ بنایا۔

ملزم کا کہنا ہےکہ واردات کے وقت اس نے دیکھا کہ اس کا اپنا بیٹا خوشحال گاڑی کی پچھلی سیٹ پر عرفان بھائی کے ساتھ بیٹھا تھا تاہم اپنے بچے کو بچاتے ہوئے اس نے پے در پے فائرنگ کی۔

ملزم کے مطابق واردات کے بعد وہ وہاں سے سہراب گوٹھ پہنچے اور پھر ایک گوٹھ میں پہنچ کر کچھ دیر قیام کیا، کپڑے تبدیل کیے۔ اور پھر وہاں سے کینٹ اسٹیشن پہنچے جہاں ہوٹل سے سامان لے کر چیک آؤٹ کیا اور کرائے کی کار میں شکارپور چلے گئے۔

سی ٹی ڈی کے افسر راجہ عمر خطاب کے مطابق انہوں نے ٹیکنیکل بنیادوں پر اس واردات کا سراغ لگایا۔ پولیس کا کہنا ہے کہ واردات میں مقتول کی بیوی صاحبزادی اور سالی شبانہ مرکزی ملزمان ہیں۔ ان کی گرفتاری کے لیے چھاپے مارے جا رہے ہیں۔

خیال رہے کہ عرفان علی مہر کو یکم دسمبر کو کراچی کے علاقے گلستان جوہر میں فائرنگ کرکے قتل کر دیا گیا تھا جب وہ اپنی بچی کو اسکول چھوڑ کر واپس آرہے تھے۔

کراچی :’والد کی گردن دھڑ سےالگ تھی،لاش کمرے میں پڑی تھی‘:بیٹے کی درخواست پرپولیس کا ایکشن:خاتون گرفتار،اطلاعات کے مطابق کراچی کے علاقے صدر میں خاتون کے ہاتھوں مرد کے لرزہ خیز قتل کی واردات کا مقدمہ درج کرلیا گیا۔

ذرائع کے مطابق کراچی کے علاقے صدر میں خاتون کے ہاتھوں مرد کے قتل کی واردات کا مقدمہ مقتول کے بیٹے شاہد کی مدعیت میں پریڈی تھانے میں درج کیا گیا، مقدمہ قتل کی دفعہ 302 کے تحت درج کیا گیا۔

مقتول کے بیٹے نے پولیس کو دئیے گئے بیان میں بتایا کہ خاتون میرے والد کے ساتھ رہتی تھی، مجھے اطلاع ملی کے والد کو کسی نے قتل کردیا ہے، جب پہنچا تو میرے والد کی لاش اسٹور نما کمرے میں پڑی تھی۔

بیٹے نے پولیس کو بتایا کہ والد کی گردن دھڑ سے الگ تھی اور دونوں ہاتھ کلائی سے کٹے ہوئے تھے، برابر کمرے میں خاتون موجود تھی جس نے اپنا نام رباب، سونیا اور پھر عاصمہ بتایا۔

مقتول شیخ محمد سہیل کے بیٹے کا کہنا ہے کہ خاتون نے تیز دھار آلے سے میرے والد کو قتل کیا، ملزمہ کے خلاف قانونی کارروائی عمل میں لائی جائے۔

واضح رہے کہ کراچی کے علاقے صدر عبداللہ ہارون روڈ پر عمارت میں خاتون نے ایک شخص کو قتل کرکے لاش کے ٹکڑے کردئیے تھے۔

پولیس حکام کا کہنا تھا کہ خاتون کا بیوی ہونے کا دعویٰ مشکوک ہوگیا کیونکہ مقتول کے اہل خانہ نے پولیس سے رابطہ کرکے کہا ہے کہ خاتون مقتول کی اہلیہ نہیں ہے، ڈیڑھ سال پہلے بھی یہ خاتون ان کے پاس آئی تھی اور کہا مجھے شوہر نان نفقہ نہیں دے رہا۔

پولیس کے مطابق خاتون کے ہاتھ اور کپڑے پر خون کے دھبے موجود تھے اور سارے شواہد اس کے خلاف تھے، پولیس نے ملزمہ کو گرفتار کرکے جائے وقوعہ سے شواہد اکٹھے کرلیے، واقعے کی مزید تفتیش جاری ہے۔

سفاک بیوی نے شوپر کو قتل کرکے اس کے ٹکڑے کردیئے، ملزمہ واردات کے بعد آرام سے سو گئی، پولیس نے گرفتار کرکے مقدمہ درج کرلیا۔

اس حوالے سے پولیس نے میڈیا کو تفصیلات سے آگاہ کرتے ہوئے بتایا کہ کراچی کے علاقے صدر میں خاتون کے ہاتھوں شوہر کا قتل ہوا ہے جس کے بعد ملزمہ کو گرفتار کرلیا گیا ہے۔

ایس ایس پی زبیر نذیر شیخ کے مطابق رباب نامی خاتون نے اپنے شوہر شیخ محمد سہیل کی لاش کے ٹکڑے کرکے مختلف کمروں میں پھینک دیئے تھے۔

پولیس کا کہنا ہے کہ شوہر کو قتل کرنے کے بعد ملزمہ رباب آرام سے سوگئی، اطلاع ملنے پر پولیس اہلکار جائے وقوعہ پر پہنچے۔ایس ایس پی نے بتایا کہ گھر کی تلاشی کے دوران پولیس کو مختلف حصوں سے مقتول شیخ محمد سہیل کے جسمانی اعضاء ملے ہیں۔

اس کے علاوہ خاتون کے قبضے سے مختلف اوزار بھی ملے ہیں، پولیس کے مطابق سفاک بیوی نے واردات کے بعد شوہر کی لاش کے ٹکڑے مختلف کمروں میں پھینک دیے تھے۔

پولیس کی بھاری نفری نے جائے وقوعہ پر پہنچ کر لاش کی باقیات اور شواہد کوجمع کیا، کرائم سین یونٹ کی ٹیم کو بھی طلب کرلیا گیا ہے۔ ملزمہ رباب کیخلاف مقدمہ درج کرکے واقعے کی مزید تحقیقات کی جارہی ہیں۔

ملزمہ دوران گرفتاری اور دوران تفتیش نشے میں مدہوش تھی، اس نے اپنے ابتدائی بیان میں کہا ہے کہ مجھے انصاف نہیں ملا اس لیے میں نے یہ کام کیا۔

پولیس کا کہنا ہے کہ مقتول کے بیٹے کے مطابق مذکورہ خاتون 7سال سے والد کے ساتھ رہ ر ہی تھی اور بظاہر یہ بھی بتایا جارہا ہے کہ ملزمہ اس کی دوسری بیوی تھی۔

پولیس کے مطابق مقتول اور ملزمہ کی شادی کے فی الحال شواہد نہیں ملے، حالیہ شواہد اور بیان کے مطابق مطابق ملزمہ رباب نے اکیلے ہی قتل کی یہ سفاکانہ واردات انجام دی۔

پولیس حکام کا کہنا ہے کہ واردات کے بعد ملزمہ نے آرام سے کپڑے تبدیل کئے اور سکون سے سوگئی، جائے وقوعہ سے اوزار برآمد کرلئے گئے ہیں۔خاتون نشے میں ہے اور اس کا میڈیکل بھی کرالیا گیا ہے، رپورٹ آنا باقی ہے۔

کراچی :ن لیگ والوآپ باتیں کرتے رہے:ہم عمل سے ثابت کرتے ہیں:اسد عمر کا احسن اقبال کو احسن جواب،اطلاعات کے مطابق وفاقی وزیر منصوبہ بندی اسد عمر نے احسن اقبال پر تنقید کرتے ہوئے کہا ہے کہ ن لیگ کے دور میں صرف گرین لائن بس منصوبے کے ٹریک کی تعمیر شروع کرنے سے آگے کوئی کام نہیں ہوا۔

اسد عمر نے ن لیگ کے جنرل سیکرٹری احسن اقبال کواحسن انداز سے جواب دیتے ہوئے کہا کہ ن لیگ نے ہمیشہ عوام سے جھوٹے وعدے کیے ہم عملی طور پرکام کرکے دکھاتے ہیں

انہوں نے کہا کہ شاید اُن کا یہ منصوبہ تھا کہ سرجانی سے بھاگتے بھاگتے نمائش پہنچیں گے، بسوں کی خریداری، ٹکٹنگ اور آپریشن سمیت تمام معاملات پی ٹی آئی نے مکمل کیے۔

گورنر سندھ عمران اسماعیل کہتے ہیں کہ 13 سال سے پیپلزپارٹی نے کراچی کو ایک بس نہیں دی ،کل وزیر اعظم گرین لائن جدید ٹرانسپورٹ سسٹم کے آزمائشی آپریشن کا افتتاح کرنے کراچی آئیں گے۔

خیال رہے کہ کراچی میں ن لیگ نے گرین لائن بس منصوبے کا علامتی افتتاح کردیا ہے۔ن لیگ کے رہنما احسن اقبال کی قیادت میں پارٹی رہنما اور کارکن ناظم آباد میں تقریب کے لیے جمع ہوئے۔

رینجرز نے لیگی ارکان کو گرین لائن کے پیڈسٹرین پُل پر جانے سے روک دیا جس کی وجہ سے تقریب میں بے نظمی بھی ہوئی۔احسن اقبال کا کہناہے کہ ڈنڈا لگنے سے ان کے ہاتھ پر چوٹ آئی ہے،

ادھر دوسری طرف کراچی کے عوام وزیراعظم عمران خان کے مشکوردکھائی دیتے ہیں سوشل میڈیا پرایک عوامی تاثربن کرابھر رہا ہے کہ عمران خان پہلے وزیراعظم ہیں جنہوں نے کراچی کے عوام کےلیے خلوص دل سے کچھ کیا ہے ، یاد رہے کہ کل وزیراعظم عمران خان کراچی میں گرین لائن منصوبے کا افتتاح کرنے کراچی پہنچ رہے ہیں‌