Tag: کراچی

جامعہ کراچی کی انتظامیہ نے یونیورسٹی کے طلبا کے لیے لباس سے متعلق نئی گائیڈلائنز جاری کر دی ہیں۔

اس ضمن میں ایک نوٹفکیشن جاری کیا گیا ہے، نوٹیفکیشن میں واضح کیا گیا ہے کہ یونیورسٹی کیمپس میں طلبا کو جسم کو ظاہر کرنے والے، اشتعال انگیز یا نفرت پھیلانے والے کپڑے پہننے کی اجازت نہیں ہوگی۔نوٹیفکیشن میں کہا گیا ہے کہ طلبا کو صاف ستھرے اور مہذب لباس پہننا ضروری ہے، جو یونیورسٹی کے ماحول کے مطابق ہو۔ یونیورسٹی کی انتظامیہ نے یہ بھی ہدایت دی ہے کہ طلبا چھوٹی آستینوں والے، ٹائٹ یا دھیان بھٹکانے والے کپڑے نہ پہنیں۔ اس کے علاوہ، قابل اعتراض پرنٹ یا گرافکس والے کپڑوں کو بھی یونیورسٹی میں پہننے کی اجازت نہیں ہوگی۔یونیورسٹی کے اس نئے ضابطہ اخلاق میں یہ بھی شامل کیا گیا ہے کہ طلبا کو عام چپلیں پہننے سے بھی منع کیا گیا ہے، تاکہ کیمپس میں ایک باوقار اور مناسب ماحول قائم رکھا جا سکے۔

یہ اقدام جامعہ کراچی کی انتظامیہ کی جانب سے یونیورسٹی کی ثقافتی اور تعلیمی اقدار کو برقرار رکھنے کی کوششوں کا حصہ ہے، تاکہ طلبا اپنے تعلیمی ماحول میں بہتر طور پر توجہ مرکوز کر سکیں اور ان کی ظاہری حالت سے کسی بھی قسم کی منفی تاثرات نہ پیدا ہوں۔یونیورسٹی کی انتظامیہ نے طلبا سے اس گائیڈلائنز کی پیروی کرنے کی درخواست کی ہے تاکہ کیمپس میں ایک مثبت اور پروفیشنل ماحول قائم رکھا جا سکے۔

مراکش کشتی حادثہ،جانوروں کی طرح برتاؤ،تاوان دینے والے رہاہوئے،بچ جانیوالوں کا انکشاف

کمیٹی چلتے ہوئے کیسز واپس لے تو عدلیہ کی آزادی تو ختم ،جسٹس منصور علی شاہ

کراچی: جناح ہسپتال کے گارڈز نے ایمانداری کی مثال قائم کردی-

باغی ٹی وی: جناح اسپتال میں چند روز قبل گائنی وارڈ کے باہر ایک خاتون بے ہوشی کی حالت میں ملی تھی ، خاتون کے پاس سے 27 لاکھ روپے نقد، پانچ لاکھ کے بانڈز، ساڑھے تین تولے سونا تھا ،خاتون کے پاس مکان کے دستاویزات اور دیگر قیمتی سامان برآمد ہوا تھا –

اسپتال کے تین گارڈز نے فوری طور پر خاتون کو ریسکیو کیا اور طبی امداد کے لیے ڈاکٹرز تک پہنچایا، گارڈز نے یہ تمام اشیاء ایمانداری کے ساتھ اسپتال انتظامیہ کے حوالے کیں ،اقدام پر جناح اسپتال کے ایگزیکٹیو ڈائریکٹر، پروفیسر شاہد رسول نے گارڈز کو سراہا، گارڈز تنویراحمد ،سجاد بلوچ اوراختر عباس کو تعریفی اسناد اور انعامات سے نوازا-

علاوہ ازیں ایڈیشنل آئی جی سندھ، جاوید عالم اوڈھو نے گارڈز کی ایمانداری کو سراہا-

مراکش کشتی حادثہ نہیں قتل عام تھا،بچ جانے والے پاکستانیوں کے ہولناک انکشافات

ڈسکہ: انسانی اسمگلنگ کا شکار 18 سالہ ابوبکر مراکش کشتی حادثے میں جاں بحق

سیالکوٹ: معذور افراد کے لیے "ہمت کارڈ” کی تقسیم

کراچی: وزیرِ صحت سندھ ڈاکٹر عذرا پیچوہو نے کہا ہے کہ کراچی میں کورونا وائرس کے پھیلنے کی خبریں غلط ہیں۔

ایک بیان میں انہوں نے وضاحت کی کہ حالیہ دنوں میں 100 افراد کے کورونا ٹیسٹ کیے گئے تھے، جن میں سے صرف 7 افراد کا ٹیسٹ مثبت آیا ہے۔ ڈاکٹر عذرا پیچوہو نے بتایا کہ یہ ٹیسٹ ان لوگوں کا کیا گیا تھا جنہیں موسمی فلو اور انفلوئنزا کی ہلکی علامات تھیں، اور احتیاطاً ان کا کورونا ٹیسٹ بھی کروایا گیا۔ڈاکٹر عذرا پیچوہو نے مزید کہا کہ جن افراد میں کورونا مثبت آیا، ان میں فلو کی بہت ہلکی علامات موجود تھیں۔ انہوں نے کہا کہ کورونا کی موجودہ صورتِ حال میں مبتلا افراد کو ہلکی علامات کے باعث اسپتال میں داخل کرنے کی ضرورت نہیں تھی، اس لیے انہیں گھر بھیج دیا گیا ہے۔ ان کا کہنا تھا کہ دنیا بھر میں اب کورونا کو موسمی فلو کی طرح ٹریٹ کیا جا رہا ہے اور اس سے گھبرانے کی ضرورت نہیں۔

اس کے ساتھ ہی محکمۂ صحت سندھ نے کورونا اور انفلوئنزا ایچ ون این ون کیسز کے حوالے سے اسپتالوں میں ہنگامی گائیڈ لائنز جاری کر دی ہیں۔ جاری کیے گئے مراسلے میں کہا گیا ہے کہ سردیوں کے موسم میں کورونا اور ایچ ون این ون کیسز میں اضافے کے پیشِ نظر فوری اقدامات ضروری ہیں۔محکمۂ صحت نے متعلقہ اداروں کو ہدایت کی ہے کہ مشتبہ اور تصدیق شدہ کیسز کی بروقت رپورٹنگ کی جائے اور صحت کے مراکز میں پی پی ای (پرسنل پروٹیکٹیو ایکوپمنٹ) اور دیگر ضروری سامان کی فراہمی کو یقینی بنایا جائے۔ مراسلے میں یہ بھی کہا گیا کہ سرکاری اور نجی صحت کے مراکز میں انفیکشن کنٹرول کے اقدامات مزید مضبوط کیے جائیں۔

محکمۂ صحت سندھ نے عوام میں کورونا اور انفلوئنزا کی علامات کے بارے میں آگاہی پھیلانے کی اہمیت پر زور دیا ہے اور کہا ہے کہ ماسک پہننا، ہاتھ دھونا اور سماجی فاصلے کی اہمیت کو اجاگر کیا جائے۔ محکمہ نے عوام کو بروقت طبی امداد حاصل کرنے کی ترغیب دی اور ہدایت کی کہ ان کیسز کی ہفتہ وار رپورٹ جمع کروائی جائے تاکہ صورتحال پر نظر رکھی جا سکے۔

اس وقت کراچی میں شہری بڑی تعداد میں نزلہ، کھانسی، بخار اور دیگر موسمی بیماریوں میں مبتلا ہیں، جس کی وجہ سے کورونا اور انفلوئنزا کے کیسز میں اضافہ ہو رہا ہے۔ صوبائی محکمۂ صحت نے عوام سے درخواست کی ہے کہ وہ ہدایات پر عمل کریں اور صحت کے حفاظتی تدابیر اختیار کریں تاکہ بیماریوں کے پھیلاؤ کو روکا جا سکے

منی ٹریل ثابت کرنا مشکل کام ، قاضی فائز عیسٰی بھی پیش نہیں کر سکے تھے،عدالت

طالبان کے اہم رہنما کی افغان خواتین ،لڑکیوں پر تعلیمی پابندیاں اٹھانے کی اپیل

کراچی میں بجلی کا بڑا بریک ڈاؤن، ہائی ٹینشن لائن میں ٹرپنگ کی وجہ سے شہر کے 23 گرڈ اسٹیشنز پر 400 سے زائد فیڈرز پر بجلی کی فراہمی معطل ہوگئی۔

باغی ٹی وی: ترجمان کے الیکٹرک کا کہنا ہے کہ شہر کے کچھ علاقوں میں بجلی کا تعطل آیا جس پر فوری بحالی کا کام شروع کیا گیا تاہم اب شہر میں بجلی کی فراہمی معمول پر ہے اتوار کی صبح 11 بجے کے الیکٹرک کی ہائی ٹینشن لائن میں ٹرپنگ آئی جس پر شہر کے بڑے حصے میں بجلی کی فراہمی معطل ہوگئی۔

ہائی ٹینشن لائن میں ٹرپنگ کی وجہ سے بلدیہ گرڈ کے 49 فیڈرز پر بجلی کی فراہمی متاثر ہوئی اور ایئرپورٹ گرڈ کے 33 فیڈرز پر بجلی بند ہوئی گارڈن گرڈ کے 40فیڈرز، نارتھ کراچی گرڈ کے 33فیڈرز، جیکب لائن کے 47فیڈرز، جیل روڈ گرڈ کے 28 فیڈرز، اورنگی گرڈ کے 38 فیڈرز، محمود آباد گرڈ کے 16 فیڈرز اور کورنگی ایسٹ گرڈ کے 40 فیڈرز ٹرپ کر گئے۔

پی ٹی آئی حکومت میں پنجاب کے سرکاری اسکولوں میں بوگس داخلوں کا انکشاف

ڈی ایچ اے گرڈ کے 23 فیڈرز، اولڈ گولیمار گرڈ کے 31 فیڈرز، ولیکا گرڈ کے 33 فیڈرز، ڈیفنس گرڈ کے 54 فیڈرز، ہاورن آباد گرڈ کے 38 فیڈرز، شادمان گرڈ کے 27فیڈرز اور کلفٹن گرڈ کے 38 فیڈرز، سائٹ گرڈکے67فیڈرز،کورنگی ساوتھ کے 24 فیڈرز، اولڈ ٹاون گرڈ کے 35 فیڈرز اور کریک سٹی گرڈ کے 27 فیڈر ٹرپ کر گئے۔

اطلاعات کے مطابق 2 گھنٹے بعد شہر میں بجلی کی فراہمی بحال ہونا شروع ہوگئی لیکن متعدد علاقوں میں کئی گھنٹے گزرنے کے بعد بھی بجلی کی بحالی ممکن نہیں ہو سکی تھی۔

مراکش کشتی حادثہ:بچ جانے والے 21 پاکستانیوں کے نام جاری

ترجمان کے الیکٹرک کا کہنا تھا کہ شہر کے چند محدود علاقوں سے بجلی کی فراہمی میں تعطل کی شکایات موصول ہوئیں، محدود تکنیکی خرابی کے باعث آنے والے تعطل کو فوری دور کر دیا گیا ہے،لسبیلہ اور بلدیہ میں بجلی کی فراہمی بھی مکمل بحال ہے جبکہ شہر اور گردونواح میں بجلی کی سپلائی معمول کے مطابق ہے مزید مدد کے لیے 118 یا سوشل میڈیا پلیٹ فارمز کے ذریعے رابطہ کیا جا سکتا ہے۔

ہم جدید علوم کے خلاف نہیں، تقسیم حکومت نے پیدا کی ہے،مولانا فضل الرحمان

شہر قائد میں نزلہ، کھانسی اور بخار کے مریضوں میں کورونا وائرس کی شرح میں تشویشناک اضافہ ہو رہا ہے۔

ماہر متعدی امراض، پروفیسر سعید خان نے بتایا کہ کراچی میں بڑی تعداد میں لوگ نزلہ، کھانسی اور بخار میں مبتلا ہو رہے ہیں، اور ان کے ٹیسٹ کرنے پر تقریباً 25 سے 30 فیصد مریضوں میں کورونا وائرس کی تصدیق ہو رہی ہے۔پروفیسر سعید خان نے مزید کہا کہ 10 سے 12 فیصد مریضوں میں انفلوئنزا ایچ 1 این 1 کی موجودگی بھی پائی جا رہی ہے، جب کہ 5 سے 10 فیصد بچوں میں سانس کی نالی کے انفیکشن کی تصدیق ہو رہی ہے۔ انہوں نے یہ بھی کہا کہ کورونا، انفلوئنزا ایچ 1 این 1 اور سردیوں کے دیگر وائرل انفیکشن کی علامات بہت ملتی جلتی ہیں، جس کی وجہ سے اکثر مریض ٹیسٹ نہیں کرواتے اور بیماری کی تصدیق نہیں ہو پاتی۔

کراچی میں حالیہ بارشوں اور موسم کی تبدیلی کے سبب نزلہ، زکام اور کھانسی کے مریضوں کی تعداد میں مزید اضافہ ہو گیا ہے۔ ایڈیشنل ایم ایس ڈاکٹر نظام شیخ کے مطابق، سول اسپتال میں یومیہ 200 مریض وائرل انفیکشن کے سبب آ رہے ہیں، جبکہ جناح اسپتال میں بھی یومیہ 150 سے 200 مریض وائرل انفیکشن کے شکار ہو رہے ہیں۔

ماہرین صحت کا کہنا ہے کہ کراچی میں اسموگ کی بڑھتی ہوئی سطح کے باعث نزلہ، زکام، کھانسی اور دیگر انفیکشنز میں مزید اضافہ ہونے کا خطرہ ہے۔ انہوں نے شہریوں کو احتیاطی تدابیر اختیار کرنے کی سخت ہدایت کی ہے۔

محکمہ صحت سندھ کے ترجمان نے بتایا کہ اس وقت کراچی کے سرکاری اسپتالوں میں کورونا وائرس کے ٹیسٹ کی سہولت موجود نہیں ہے، اور کورونا وبا کے بعد لوگوں نے ٹیسٹ کروانے سے گریز کرنا شروع کر دیا ہے۔

طبی ماہرین نے شہریوں کو وائرل انفیکشنز اور دیگر بیماریوں سے بچاؤ کے لیے ماسک پہننے، خود کو ڈھانپ کر رکھنے اور سینیٹائزر استعمال کرنے کی ہدایت کی ہے۔ اس کے علاوہ، ماہرین نے ہر سال انفلوئنزا کی ویکسین لگوانے کی اہمیت پر زور دیا ہے تاکہ بیماریوں سے بچا جا سکے۔مجموعی طور پر، ماہرین نے سردیوں میں وائرل انفیکشنز کے بڑھتے ہوئے خطرے سے نمٹنے کے لیے شہریوں سے احتیاطی تدابیر اختیار کرنے کی اپیل کی ہے۔

ڈاکٹر زیادتی و قتل کیس،ملزم سنجے عدالت پیش،فیصلہ آج

غور کیا جانا چاہیے کہ کس قانون کے تحت کتوں کو مارا جاتا ہے۔جسٹس عائشہ اے ملک

پاکستانی عدالتیں کسی بھی ٹرمپ کارڈ پر نہیں چلیں گی۔شرجیل میمن

شہر قائد میں سرد ہوائیں چلنے سے سردی کی شدت بڑھ گئی تاہم سرد ہواوں کا سلسلہ چند روز تک جاری رہے گا۔

باغی ٹی وی کے مطابق ملک بھرمیں شدید سردی کی لہربرقرارہے، کراچی میں سرد ہوائیں چلنے سے سردی کی شدت بڑھ گئی، شہر قائد کا کم سے کم درجہ حرارت دس سینٹی گریڈ ریکارڈ کیا گیا، لیکن شدت آٹھ ڈگری تک محسوس کی گئی۔کراچی میں شمال مشرقی سمت سے چلنے والی ہواں کے سبب سردی بڑھی تاہم سرد ہواوں کا سلسلہ چند روز تک جاری رہے گا۔صبح سویرے کراچی کے کچھ علاقوں میں ہلکی بارش بھی ہوئی تاہم شہر میں 25سی35کلومیٹر فی گھنٹہ کی رفتارسے تیز ہوائیں چلنے اور زیادہ سے زیادہ درجہ حرارت 25 ڈگری سینٹی گریڈ تک جانے کا امکان ہے۔

ننکانہ صاحب: دانش سکول میں سالانہ آرٹ اینڈ سائنس میلے کا شاندار انعقاد

خیبر بار ایسوسی ایشن نے ڈسٹرکٹ پریس کلب انتخابات کا نوٹیفیکیشن جاری کر دیا

کراچی: سندھ حکومت کی جانب سے کراچی میں خصوصی صلاحیت رکھنے والے بچوں کے لیے تین روزہ "سندھ اسپیشل گیمز” کا آغاز کر دیا گیا ہے۔ اس پروگرام میں کراچی کے 12 سو سے زائد خصوصی بچوں نے حصہ لیا، جو مختلف کھیلوں میں اپنی صلاحیتوں کا مظاہرہ کر رہے ہیں۔

وزیر کھیل سندھ سردار محمد بخش مہر نے سیکریٹری کھیل کے ہمراہ سندھ اسپیشل گیمز کا افتتاح کیا۔ اس موقع پر انہوں نے میڈیا سے گفتگو کرتے ہوئے کہا کہ سندھ حکومت کھیلوں کے فروغ کے لیے بھرپور کوششیں کر رہی ہے، اور اسپیشل بچوں کے لیے یہ گیمز ان کی صلاحیتوں کو جلا بخشنے کا ایک اہم موقع ہیں۔سندھ اسپیشل گیمز میں مختلف کھیلوں کا انعقاد کیا گیا ہے، جن میں ایتھلیٹکس، آرتھری، بیڈمنٹن، تائیکوانڈو، ٹینس، فٹبال اور دیگر گیمز شامل ہیں۔ ان کھیلوں میں شرکت کرنے والے بچے اپنے غیر معمولی ہنر کا مظاہرہ کر رہے ہیں۔

وزیر کھیل سندھ سردار محمد بخش مہر نے مزید کہا کہ سندھ حکومت نے اسپیشل بچوں کے لیے کھیلوں کے مزید مواقع فراہم کرنے کا عہد کیا ہے۔ انہوں نے اعلان کیا کہ "سندھ حکومت تھر جیب ریلی، تھر اسپورٹس فیسٹول اور دریائے سندھ پر کھیلوں کے انعقاد کا منصوبہ بنا رہی ہے۔”انہوں نے یہ بھی کہا کہ "ہم سالانہ کیلنڈر میں اسپیشل گیمز کو مستقل طور پر شامل کریں گے تاکہ ان بچوں کو ہر سال اپنے ٹیلنٹ کو مزید بڑھانے کا موقع مل سکے۔” وزیر کھیل سندھ نے اس عزم کا اظہار کیا کہ وہ چاہتے ہیں کہ یہ اسپیشل بچے نہ صرف ملکی سطح پر بلکہ بین الاقوامی سطح پر بھی اپنے کھیل کا مظاہرہ کریں۔ سردار محمد بخش مہر نے کہا کہ "ہماری کوشش ہے کہ اس سال اسپیشل گیمز کے دائرہ کار کو بڑھایا جائے۔” سردار محمد بخش مہر نے سندھ میں کھیلوں کے مزید فروغ کے لیے مختلف منصوبوں کا اعلان کیا۔ ان میں اکیسویں فروری کو "اکیسویں صدی میں نوجوانوں کے چیلنجز” پر ایک کانفرنس کا انعقاد، گھوٹکی میں اسپورٹس فیسٹیول اور تھر اسپورٹس فیسٹیول کا انعقاد شامل ہیں۔سردار محمد بخش مہر نے بتایا کہ سترہ سال بعد نیشنل گیمز کی میزبانی سندھ کرے گا۔ اس کے علاوہ، سندھ میں پہلی بار ای اسپورٹس کو بھی پذیرائی دی جائے گی، تاکہ جدید ٹیکنالوجی کے میدان میں نوجوانوں کو اپنے ہنر کا مظاہرہ کرنے کا موقع ملے۔

کراچی کے 30 سے زائد ادارے اور 1200 سے زائد خصوصی بچے ان کھیلوں میں حصہ لے رہے ہیں۔ وزیر کھیل سندھ نے اس بات پر زور دیا کہ سندھ کے نوجوانوں کو کھیلوں میں بھرپور مواقع فراہم کیے جائیں گے تاکہ وہ اپنے صوبے کا نام روشن کر سکیں۔سردار محمد بخش مہر نے اس خواہش کا اظہار کیا کہ پنجاب کے کھلاڑی بھی سندھ آ کر یہاں ہونے والے کھیلوں میں حصہ لیں تاکہ کھیلوں کے میدان میں ایک دوسرے سے سیکھنے کا موقع مل سکے۔سندھ اسپیشل گیمز کا انعقاد ایک اہم قدم ہے جس سے نہ صرف خصوصی بچوں کی حوصلہ افزائی ہو گی بلکہ سندھ حکومت کے کھیلوں کے فروغ کے عزم کو بھی تقویت ملے گی۔

الیکٹرک گاڑیوں کیلیے خصوصی 44 فیصد کم رعایتی ٹیرف تاریخ ساز پیکج ہے ، وزیراعظم

امریکا کے گہرے اور پراسرار پہاڑ جہاں آدم خور بونوں کا بسیرا ہے

کراچی: حکومت سندھ نے صوبے میں آرٹس، سینما اور تخلیقی صنعتوں کے فروغ کے لئے اپنی کوششوں کو تیز کر دیا ہے۔ اس ضمن میں حکومت سندھ نے عوامی آگہی بڑھانے، مقامی ٹیلنٹ کو پروان چڑھانے اور دہشتگردی و انتہا پسندی کے خلاف بیانیہ سازی کرنے کے لئے سینئر آرٹسٹوں، ڈرامہ نگاروں اور فلم سازوں کی حوصلہ افزائی کا فیصلہ کیا ہے۔

اس حوالے سے سندھ کے سینئر وزیرِ اطلاعات، شرجیل انعام میمن کی زیرِ صدارت کراچی میں کانٹینٹ اینڈ پروڈکشن اوور سائٹ بورڈ کا پہلا اجلاس منعقد ہوا۔ اجلاس میں سندھ حکومت کے مختلف اعلیٰ افسران اور بورڈ ممبران نے شرکت کی۔شرجیل انعام میمن نے اجلاس میں کہا کہ حکومت سندھ نے صوبے میں جمہوری اقدار کے فروغ اور صحت مند معاشرتی ترقی کے لئے ڈراموں، فلموں اور دیگر تخلیقی کاموں کو فروغ دینے کی پالیسی اپنائی ہے۔ ان کا کہنا تھا کہ کانٹینٹ اینڈ پروڈکشن اوور سائٹ بورڈ کا قیام معاشرتی نشونما کے لیے کیا گیا ہے اور اس کا مقصد مقامی تخلیقی ٹیلنٹ کو عالمی سطح پر اجاگر کرنا ہے۔اجلاس میں انہوں نے ہدایت دی کہ نئے فلم نویسوں اور ڈرامہ نویسوں کو خصوصی طور پر حوصلہ افزائی کی جائے تاکہ وہ اپنی تخلیقات کو حقیقت کا روپ دے سکیں۔ مزید برآں، بورڈ کی طرف سے تخلیقی کام کو مکمل کرنے کے لئے ضروری مالی معاونت فراہم کی جائے گی تاکہ یہ کام باقاعدہ اور معیاری طریقے سے مکمل ہو سکے۔

اجلاس میں سندھ کے سیکریٹری اطلاعات، ندیم الرحمٰن میمن، ڈائریکٹر جنرل پی آر، سلیم خان، ڈائریکٹر فلمز، حزب اللہ میمن اور دیگر حکومتی نمائندے بھی موجود تھے۔ بورڈ کے ممبران میں قاضی اسد عابد، وردہ سلیم، نمرہ ملک، اذان سمیع خان اور حسن اصغر نقوی بھی شریک ہوئے۔

ڈی جی پی آر سندھ سلیم خان نے اجلاس میں کانٹینٹ اینڈ پروڈکشن اوور سائٹ بورڈ کی تشکیل کے مقاصد اور پالیسی گائیڈ لائنز سے متعلق تفصیلات فراہم کیں۔ قاضی اسد عابد نے بورڈ کی فوری تشکیل اور اس کے فعال ہونے کو قابل تحسین قرار دیتے ہوئے کہا کہ یہ بورڈ نئے ٹیلنٹ کو اہمیت دے گا اور ان کی تخلیقات کو بہتر مواقع فراہم کرے گا۔

اجلاس کے دوران، بورڈ کے ممبران نے کانٹینٹ اینڈ پروڈکشن اوور سائٹ بورڈ کو موثر بنانے کے لئے اپنی تجاویز پیش کیں اور آئندہ ہفتے تک پروڈکشن ہاؤسز سے ان کے کام کا بنیادی خاکہ طلب کرنے پر زور دیا تاکہ آئندہ اجلاس میں ان کے کام کا جائزہ لیا جا سکے۔

حکومت سندھ کی یہ کوششیں صوبے کی تخلیقی صنعت کو نئی جہت دینے اور مقامی سطح پر ثقافتی ترقی کو فروغ دینے کے لیے اہم قدم ثابت ہو سکتی ہیں۔

راولپنڈی: ناجائز تجاوزات کے خلاف آپریشن جاری رہے گا، اے سی سٹی ملک حاکم خان

مفتی قوی کو کوئی حق نہیں….وینا ملک پھٹ پڑیں