Tag: کراچی

کراچی: سفاری پارک میں سونیا نامی ہتھنی مرگئی۔

باغی ٹی وی : ذرائع کے مطابق ہتھنی سونیا کی عمر 22 سے 23 سال کے درمیان تھی، سونیا کی موت گزشتہ رات ہوئی، سونیا کی موت اچانک رات میں ہوئی صبح عملہ سفاری پارک پہنچا تو ہتھنی کو مرا ہوا دیکھا چند روز پہلے ہی ایک ہتھنی مدھوبالا کو چڑیا گھر سے سفاری پارک منتقل کیا گیا تھا جبکہ اس کی بہنیں سونیا اور ملکہ پہلے سے سفاری پارک میں موجود تھیں۔

عالمی ماہرین کی تنظیم فور پاز کی نگرانی میں مدھوبالا کو ایک خصوصی تربیتی کنٹینر میں نیم بیہوشی کی حالت میں منتقل کیا گیا تھا،ہتھنی سونیا کے مرنے کے بعد اب سفاری پارک میں 2 ہتھنیاں باقی رہ گئی ہیں۔

ڈائریکٹر سفاری پارک کے مطابق ابتدائی طورپر ہتھنی کی موت کا سبب ہارٹ اٹیک لگ رہا ہے تاہم پوسٹ مارٹم کے بعد ہتھنی کی موت کی وجہ معلوم ہوگی،ہتھنی سونیا کا پوسٹ مارٹم 2 دنوں بعد فور پاز کے عامر خلیل کے آنے کے بعد ہوگا، موسم ٹھنڈا ہے تو ہتھنی سونیا کی ڈیتھ باڈی کو برف لگا کر رکھا ہے،لاہور کی یونیورسٹی کے ماہرین سمیت فور پاز ٹیم بھی پوسٹ مارٹم میں حصہ لے گی –

کراچی سفاری پارک میں ہتھنی سونیا کی ہلاکت کے بعد سفاری پارک کے عملے نے ڈاکٹرز کی ٹیم کو طلب کرلیا جبکہ ہتھنی سونیا کی ہلاکت کی تصدیق کے بعد عملے نے سفاری پارک کے ہاتھیوں کے انکلوژر کو سیل کردیا۔

ڈائریکٹر سفاری پارک امجد زیدی کے مطابق مذکورہ مقام پر میڈیا سمیت کسی کو بھی آنے کی اجازت نہیں ہے، سفاری پارک میں مقیم ملکہ اور سونیا صحت مند تھیں یہ سونیا نام کی مادہ ہتھنی تھی، 2009 میں 4 ہاتھی افریقی ملک تنزانیہ سے پاکستان لائے گئے تھے، نور جہاں بیماری کے باعث مارچ 2023 میں انتقال کر گئی تھی۔

حکومت سندھ کی جانب سے پیپلز بس سروس کے 40 اسٹاپس کی تعمیر دو ماہ کے اندر مکمل کرنے کا فیصلہ کر لیا گیا ہے

محکمہ ٹرانسپورٹ کی جانب سے سندھ بھر میں گاڑیوں کی جدید سائٹیفک فٹنس چیکنگ لازمی کرنے کا بھی فیصلہ کیا گیا ہے،سندھ کے سینئر وزیر شرجیل انعام میمن کی زیر صدارت اہم اجلاس ہوا جس میں سیکریٹری ٹرانسپورٹ اسد ضامن، پیپلز بس سروس کے پروجیکٹ ڈائریکٹر صہیب شفیق اور دیگر شریک ہوئے، شرجیل میمن کا کہنا تھا کہ پیپلز بس سروس کے 100 اسٹاپس کی تعمیر مکمل ہو چکی ہے، باقی اسٹاپس کا کام بھی جلد از جلد مکمل کیا جائے، دو ماہ کے اندر جنوری 2025 تک باقی ماندہ 40 بس اسٹاپس پر بھی کام مکمل کرلیا جائے،حکومت سندھ ٹرانسپورٹ کے نظام کو دنیا سے ہم آہنگ اور جدید بنانے کی خواہاں ہے، پیپلز بس سروس کے جدید ترین بس اسٹاپ جدید، موثر، اور پائیدار نقل و حرکت کے لئے بہت اہمیت کے حامل ہیں،جدید بس اسٹاپس مسافروں کے لئے بیٹھنے کی بہترین جگہ اور موسم سے تحفظ فراہم کریں گے،

شرجیل میمن کا مزید کہنا تھا کہ گاڑیوں کی فٹنس کو یقینی بنانا روڈ سیفٹی اور ماحولیاتی تحفظ کا ایک سنگ بنیاد ہے،
باقاعدگی سے فٹنس چیکنگ حادثات کو ٹالنے اور نقصان دہ اخراج کو روکنے کے لئے اہم ہے،فٹنس چیکنگ کاربن فوٹ پرنٹ میں کمی اور عوام کے تحفظ کو یقینی بناتی ہے، شرجیل میمن نے گاڑیوں کے فٹنس چیکنگ یقینی بنانے کے سیکریٹری ٹرانسپورٹ کو ضروری اور سخت اقدامات کی ہدایات دی اور کہا کہ حادثات کی روک تھام اور ماحولیات کے تحفظ کے لئے گاڑیوں کی فٹنس چیکنگ ناگزیر ہے، گاڑیوں کی رجسٹریشن اور رجسٹریشن کے منتقلی اور ٹیکس ادائگی کے وقت بھی گاڑیوں کی فٹنس کا موثر نظام لایا جائے، ہر ایک سال کے اندر گاڑیوں کی لازمی فٹنس چیکنگ کو یقینی بنانے کے لئے اقدامات کئے جائیں، فٹنس قوانین پر عمل نہ کرنے والی گاڑیوں کے خلاف کارروائی سخت کارروائی عمل میں لائی جائے گی،

سندھ کے صوبائی وزیر شرجیل انعام میمن اور سابق اسپیکر سندھ اسمبلی آغا سراج درانی احتساب عدالت کراچی میں پیش ہوئے

عدالت میں آغا سراج درانی و دیگر کے خلاف آمدن سے زائد اثاثے بنانے کے ریفرنس کی سماعت ہوئی، عدالت نے ریفرنس کے دائرہ اختیار سے متعلق درخواست پر فیصلہ مؤخر کر دیا اور سماعت بغیر کارروائی کے 7 جنوری تک ملتوی کر دی۔

دوسری جانب احتساب عدالت نے سندھ کے سینئر صوبائی وزیر شرجیل میمن و دیگر کے خلاف آمدن سے زائد اثاثہ جات کے ریفرنس کے دائرہ اختیار سے متعلق درخواست پر بھی فیصلہ سنا دیا،عدالت نے اپنے فیصلے میں کہا کہ شرجیل میمن و دیگر کے خلاف ریفرنس احتساب عدالت کے دائرہ اختیار میں نہیں آتا،عدالت نے اپنا فیصلہ سناتے ہوئے آمدن سے زائد اثاثہ جات کا ریفرنس چیئرمین نیب کو واپس بھیج دیا، نیب نے شرجیل میمن و دیگر کے خلاف ریفرنس 2019ء میں بنایا تھا

عمران خان کا دماغ ڈکٹیٹر والا ہے،شرجیل میمن
عدالت پیشی کے موقع پر میڈیا سے بات چیت کرتے ہوئے شرجیل میمن کا کہنا تھا کہ عدالتوں سے لڑنا نہیں چاہئے، عدالتوں کو متنازعہ نہیں بنانا چاہیے،ہمیشہ حق اور سچ، انصاف کے لئے کوشش کرنی چاہئے،ایک ڈکٹوریل مائنڈ سیٹ ہوتا ہے کہ ہر چیز آپ کے کہنے پر چلے، کل عمران خان عدالت سے اٹھ کر چلے گئے، اس طرح عدالتوں کو نہیں جھکا سکتے، ہم عدالتوں میں حاضر ہوئے، نو نو برس عدالت میں آتے رہے، پارٹی پر سختی تھی،ہم عدالتوں میں آتے رہے، ہم نے عدالتوں پر اعتماد کی،عمران خان کا یہ مائنڈ سیٹ ہے کہ جج بھی ، اسٹیبلشمنٹ اور سیاستدان، الیکشن کمیشن بھی انکے کہنے پر چلے تو کیا کیا جا سکتا ہے، چیف الیکشن کمشنر کو مقرر کرتے ہوئے عمران خان نے کہا تھا کہ اس سے بہتر آدمی کوئی نہیں لیکن جب سکندر سلطان نے بات نہ مانی تو اسے متنازعہ بنا دیا، عمران خان کا دماغ ڈکٹیٹر والا ہے، کل گورنر خیبر پختونخوا نے امن و امان کے حوالہ سے اے پی سی بلائی اس میں پی ٹی آئی نے شرکت نہیں کی حالانکہ وہاں انکی صوبائی حکومت ہے، امن و امان وہاں مخدوش ہے، مغرب کے بعد پولیس نظر نہیں آتی، پی ٹی آئی نے اے پی سی نہیں‌بلائی، پیپلز پارٹی نے بلائی لیکن پی ٹی آئی والے شریک نہ ہوئے، اس سے ثابت ہوتا ہے کہ پی ٹی آئی ملک میں انارکی ،افراتفری چاہتی ہے،

سندھ کے سینئر وزیر شرجیل انعام میمن نے جماعت اسلامی کراچی کے امیر کے بیان پر ردعمل میں کہا ہے کہ حقائق کو مسخ اور عوام کو گمراہ کرنا جماعت اسلامی کی تاریخ رہی ہے،

شرجیل انعام میمن کا کہنا تھا کہ نئی بھرتی پالیسی اسٹاپ گیپ اقدام ہے، اس کا مقصد شفافیت کو فروغ دینا ہے، بے بنیاد الزامات اجتماعی ترقی کے لئے حکومت سندھ کی کوششوں کی راہ میں روڑے اٹکانا ہے، تعلیمی اداروں میں فیسوں کا تعین بنیادی ڈھانچے، سہولیات اور آپریشنل اخراجات کی بنیاد پر کیا جاتا ہے،حکومت سندھ، تعلیم کو سستی اور مساوی بنانے کے لیے اصلاحات پر کام کر رہی ہے، کراچی یونیورسٹی کے ٹرانسپورٹ سسٹم کا زوال وراثت میں ملا مسئلہ ہے،حکومت ٹرانسپورٹ نظام کی بحالی اور جدید بنانے کے لیے یونیورسٹی انتظامیہ اور اسٹیک ہولڈرز کے ساتھ مل کر کام کر رہی ہے،ریڈ لائن بی آر ٹی ایک تاریخی منصوبہ ہے جس کا مقصد پبلک ٹرانسپورٹ کی پریشانیوں کا خاتمہ ہے،میگا پراجیکٹس میں تاخیر اکثر تکنیکی مسائل سمیت ناگزیر چیلنجز کی وجہ سے ہوتی ہے، نگران دور حکومت میں کام روک دینا اور کراچی میں یوٹیلٹیز کی وجہ سے بھی بی آر ٹی پروجیکٹ کو تاخیر کا سامنا ہے،ریڈ لائن منصوبے کی بڑھتی ہوئی لاگت کی بڑی وجہ عالمی افراط زر، بڑھتی ہوئی مادی لاگت اور روپے کی قدر میں کمی ہے،

سندھ کے سینئر وزیر،وزیر اطلاعات شرجیل میمن نے کراچی میں میڈیا سے گفتگو کرتے ہوئے ملک میں جاری سیاسی اور معاشی صورتحال پر تفصیل سے روشنی ڈالی۔ ان کا کہنا تھا کہ پاکستان کو کمزور کرنے کے لیے عالمی سطح پر ایک بڑی سازش چل رہی ہے اور اس سازش کا ایک حصہ پاکستان تحریک انصاف (پی ٹی آئی) بھی ہے جو لاشوں کی سیاست کر رہی ہے۔

شرجیل میمن نے کہا کہ "پاکستان کو کمزور کرنے کے لیے اربوں روپے لابنگ کے ذریعے مختلف عالمی طاقتوں تک پہنچائے جا رہے ہیں”۔ پی ٹی آئی کے رہنما دنیا بھر میں پاکستان کو بدنام کرنے کی کوشش کر رہے ہیں اور یہ سب ایک اسکرپٹ کے تحت ہو رہا ہے، جس کا مقصد ملک میں عدم استحکام پیدا کرنا ہے۔ پی ٹی آئی کی قیادت نے عالمی اداروں اور فورمز پر پاکستان کے خلاف کام کرنے کے لیے منظم لابنگ کی ہے۔ اس لابنگ کا مقصد عالمی سطح پر پاکستان کی بدنامی اور معاشی مشکلات میں اضافہ کرنا ہے۔شرجیل میمن نے پی ٹی آئی کے رہنماؤں پر سخت تنقید کرتے ہوئے کہا کہ "پی ٹی آئی لاشوں کی سیاست کر رہی ہے”۔ ان کا کہنا تھا کہ اس جماعت نے ہمیشہ سیاسی مفادات کے لیے عوامی جذبات کو بھڑکانے کی کوشش کی ہے، جبکہ ان کے بیانات اور اقدامات کے درمیان تضاد پایا جاتا ہے۔ تحریک انصاف نے ملک میں افراتفری پیدا کرنے اور معاشی بحران بڑھانے کی بھرپور کوشش کی ہے۔

شرجیل میمن نے سندھ حکومت کی کارکردگی بارے بات چیت کرتے ہوئے کہا کہ وفاقی حکومت کی طرف سے متعدد چیلنجز کے باوجود سندھ حکومت نے عوامی فلاح کے منصوبوں پر بھرپور توجہ دی ہے۔ سندھ میں 10 ہزار افراد کو آئی ٹی کورسز فراہم کیے جا رہے ہیں تاکہ وہ جدید ٹیکنالوجی میں مہارت حاصل کر سکیں اور اپنی زندگیوں کو بہتر بنا سکیں۔سندھ حکومت نے 21 لاکھ بے گھر افراد کے لیے مکانات کی فراہمی کا منصوبہ شروع کر رکھا ہے، جس کے تحت ان افراد کو اپنے گھر دیے جائیں گے۔کراچی شہر میں متعدد ترقیاتی منصوبے جاری ہیں، جن میں دو بڑے پراجیکٹس شامل ہیں، جن پر اربوں روپے خرچ ہو رہے ہیں۔ ان منصوبوں کا مقصد کراچی کی انفراسٹرکچر کی بہتری اور شہریوں کو بنیادی سہولتیں فراہم کرنا ہے۔کراچی میں جاری ترقیاتی کاموں کی رفتار تیز کر دی گئی ہے تاکہ شہر کے مسائل کو حل کیا جا سکے اور یہاں کے عوام کو بہتر زندگی فراہم کی جا سکے۔

شرجیل میمن نے کہا کہ "پی ٹی آئی کا مقصد صرف پاکستان کو کمزور کرنا ہے، اور ان کی سیاسی حربے صرف ملک کی دشمنی میں ہیں”۔ انہوں نے مزید کہا کہ پی ٹی آئی کی قیادت نے مختلف مواقع پر اداروں کے خلاف بیانات دیے ہیں جس سے ملک میں مزید سیاسی بحران پیدا ہوا ہے۔ تحریک انصاف نے آئی ایم ایف (انٹرنیشنل مانیٹری فنڈ) کو خط لکھ کر پاکستان کی اقتصادی امداد بند کرنے کی کوشش کی۔ پی ٹی آئی کی قیادت ملک کے معاشی مفادات کو نقصان پہنچانے میں مصروف ہے اور عالمی اداروں کے ساتھ ان کے تعلقات ملک کے مفاد میں نہیں ہیں۔

وزیر اعلی سندھ سید مراد علی شاہ نے وفاقی وزیر برائے منصوبہ بندی احسن اقبال سے ملاقات میں کوسٹل ہائی وے کی تعمیر اور20 دیگر زیر التوا منصوبوں کی پلاننگ کمیشن سے منظوری کے حوالے سے بات چیت کی۔

باغی ٹی وی کے مطابق ملاقات میں کوسٹل ہائی وے کو اکنامک کوریڈور بنانے پر اتفاق کیاگیا کیونکہ یہ کیٹی بندر، کراچی اور ملک کے تمام دیگر شاہراہوں سے منسلک ہے۔اجلاس وزیراعلی ہاس میں منعقد ہوا جس میں صوبائی وزیر پی اینڈ ڈی و توانائی سید ناصر شاہ نے شرکت کی۔وفاقی وزیر احسن اقبال نے وزیراعلی سندھ کو بتایا کہ انہوں نے وزیر پی اینڈ ڈی ناصر شاہ سے مل کر منگل کوسٹل ہائی وے کے دوسرے مرحلے میں زمین کو ہموار کرنے کا شروع کر دیا ہے۔احسن اقبال نے کہا کہ مکران کوسٹل ہائی وے کو تقریبا 25 سال ہوچکے ہیں مگر اسے اکنامک کوریڈور کا درجہ نہ مل سکا ۔انہوں نے اس بات پر زور دیا کہ سڑک سیکٹر کے منصوبوں کو نہ صرف پبلک ٹرانسپورٹ تک محدود کیاجائے بلکہ انہیں اقتصادی زونز میں بھی شامل کیاجائے۔ اس پر وزیر اعلی سندھ نے کہا کہ سندھ اور وفاقی حکومت کی جانب سے تعمیر کی جانے والی کوسٹل ہائی وے میں معاشی سرگرمیوں کے قابل ذکر امکانات موجود ہیں۔وزیراعلی سندھ نے مزید کہا کہ کوسٹل ہائی وے کراچی اور ملک کے دیگر حصوں تک سامان کی نقل و حمل کے لیے واضح رسائی فراہم کرے گی کیونکہ یہ قومی شاہراہ اور موٹر وے سے منسلک ہے۔وزیر پی اینڈ ڈی ناصر شاہ نے وزیراعلی سندھ کو زیر تعمیر کوسٹل ہائی وے پر بریفنگ دی۔کوسٹل ہائی وی: سندھ کوسٹل ہائی وے کی کل لمبائی 279 کلومیٹر ہے جوکہ گھارو، ضلع ٹھٹھہ میں N5 سے شروع ہوتی ہے اور علی بندر ضلع بدین تک پھیلی ہوئی ہے۔ یہ منصوبہ سندھ حکومت نے 2007 میں سالانہ ترقیاتی پروگرام (ADP) کے تحت شروع کیا تھا۔ مالی مجبوریوں کی وجہ سے یہ منصوبہ مرحلہ وار مکمل کیا جائے گا۔انہوں نے بتایافیز1یہ مرحلہ 37 کلومیٹر پر محیط ہے، گھارو کے قریب نیشنل ہائی وے (N5) سے شروع ہوتا ہے اور یہ منصوبے کے اس حصے کو 24-2023 میں تعمیر کیا گیا تھا۔فیزI کی توسیع 11 کلومیٹر اضافی سڑک زیر تعمیر ہیجسے 2023 کیاختتام سے 4ماہ قبل شروع کیاگیا اوراسے اگلے پانچ سالوں میں مکمل کیاجائیگا۔فیز IIاس مرحلے میں مزید 36 کلومیٹر شامل کیاگیا ہے، جو سڑک کو 11 کلومیٹر سے بڑھا کر 47 کلومیٹر تک پھیلاتا ہے، گڈاجو – جھاپولو ڈھنڈ سے شروع ہو کر N110 پر ختم ہوتا ہے۔یہ مرحلہ فیڈرل پبلک سیکٹر ڈیولپمنٹ پروگرام (PSDP) کے تحت شامل کیاگیا ہے اور یہ نیشنل ہائی وے اتھارٹی سی ایس آر 2022 کا حصہ ہے۔ اسکیم فی الحال ہائپر انفلیشن اور NHA CSR 2024 کے اجرا کی وجہ سے نظرثانی میں ہے۔پی سی ون کی منظوری کے بعد کام باقاعدگی سے شروع کیاجائیگا۔فیز III،195کلومیٹر، کیٹی بندر سے علی بندر براستہ شاہ بندر اور زیرو پوائنٹ بدین، پالیسی فیصلوں اور فنڈز کی دستیابی پر منحصر ہے جسے بعد میں شروع کیا جائے گا۔وزیر اعلی سندھ نے احسن اقبال کے ساتھ مختلف صوبائی منصوبوں پر تبادلہ خیال کیا جوکہ گزشتہ دو سالوں سے نظرثانی کی وجہ سیزیر التوا کا شکار ہیں۔ ان منصوبوں میں حیدرآباد پیکج یعنی ایسٹرن کی تعمیر اور سدرن سیوریج ٹریٹمنٹ پلانٹس کی توسیع شامل ہے۔ حیدرآباد شہر کو صاف پانی فراہم کرنے کے لیے فلٹر پلانٹ اور واٹر سپلائی نیٹ ورکس کی توسیع بھی اس کا حصہ ہے۔وفاقی وزیر نے وزیراعلی سندھ کو یقین دلایا کہ ان کی منظوری جلد جاری کر دی جائے گی۔سائٹ انڈسٹریل اسٹیٹ، کراچی میں سڑکوں کی بحالی اور تعمیر کا کام جو کہ 13 اگست 2024 سے منظوری کے مراحل میں ہے۔ اس پر وفاقی وزیر احسن اقبال نے وزیراعلی کو بتایا کہ وہ سائٹ انڈسٹریل ایریا کا دورہ کریں گے اور پھر ان کو پلاننگ کمیشن کلیئر کرائیں گے۔ وزیراعلی سندھ نے کہا کہ کراچی اربن انفراسٹرکچر ڈویلپمنٹ پیکیج اس وقت PC-I کی منظوری کے مراحل میں ہے۔لہذا، دوسری سہ ماہی کی تجویز اس وقت قابل عمل نہیں ہے۔ پلاننگ کمیشن نے تفصیلی تخمینہ نہ ملنے پر PC-I واپس کر کیا۔حیدرآباد اربن انفراسٹرکچر ڈیولپمنٹ پیکج (اصلاح اور بحالی) بھی PC-I کی منظوری کے لیے زیر جائزہ ہے اس لیے دوسری سہ ماہی پروپوزل تجویز نہیں کی گئی ۔ کراچی کی طرح، پلاننگ کمیشن نے تفصیلی تخمینہ کے لیے PC-I واپس کر دیا۔2022 میں بارشوں اور سیلاب سے متاثر ہونے والے سندھ میں موجودہ اسکولوں کی تعمیر اور تعمیر نو کے لیے وزیر اعظم کے پروگرام (1800 یونٹس) کو ہر لحاظ سے کلیئر کر دیا گیا ہے اور پہلی سہ ماہی فنڈنگ جاری کر دی گئی ہے۔تمام اسکولوں کے لیے ٹینڈرز فی الحال جانچ کے مرحلے میں ہیں اور دوسری سہ ماہی کے لیے 2000 ملین روپے تجویز کیے گئے جوکہ کافی نہیں ہوں گے۔ وفاقی وزیر نے کہا کہ ایک بار کام شروع ہوجائے تو مزید فنڈز جاری کیے جائیں گے، وزیراعلی سندھ اور وفاقی وزیر نے یکساں نوعیت منصوبوں اور ان کے مسائل پر تبادلہ خیال کیا اور انہیں حل کرنے کا عزم کیا تاکہ کام شروع کیا جاسکے۔

اسلام آباد سےکراچی کی پرواز میں بم کی جھوٹی اطلاع، مذاق پر 2 مسافر گرفتار

پاکستان کو 20 سال بعد ورلڈ اسکواش ایونٹ کی میزبانی مل گئی

کراچی کے صارفین کیلئے بجلی سستی ہو گئی

مسائل پر خاموش نہیں رہ سکتےحکومت کو معاملات ٹھیک کرنے پڑیں گے،علی خورشیدی

منفی پروپیگنڈے، بنگلہ دیش میں بھارتی ٹی وی چینلز پر پابندی کی درخواست دائر