Tag: کراچی

کراچی: گورنر اسٹیٹ بینک جمیل احمد نے ہدایت کی ہے کہ بینک کاشت کاروں کیلئےبروقت اورہمواررسائی یقینی بنائیں-

باغی ٹی وی: گورنر اسٹیٹ بینک جمیل احمد کی زیرسربراہی مشاورتی کمیٹی کا اجلاس ہوا، جس میں گورنر اسٹیٹ بینک نے زرعی شعبے میں نمو کی ضرورت پر زور دیا کہا کہ بینک کاشت کاروں کیلئےبروقت اورہمواررسائی یقینی بنائیں، 2023 میں زرعی قرضوں کی فراہمی کا ہدف 97.6 فیصد حاصل کیا، 2024 میں زرعی شعبہ مزید مستحکم ہونے کی امید ہے، 2024 میں زرعی قرضوں کی تقسیم کا ہدف2250 ارب ہے۔

گورنر اسٹیٹ بینک نے کہا کہ اسٹیٹ بینک ہر بینک کےساتھ رابطہ رکھے گا، بینک زراعت اور دیہی قرضوں کی رسائی بڑھانے کے لیے مائیکرو فنانس اداروں کے ساتھ بھی اشتراک کریں، بینک کسانوں کو کرایہ پر زرعی مشینری اور آلات دینے والے اداروں کو قرضے دینے کی فیزیبلٹی کاجائزہ لیں،اور ماحولیاتی تبدیلی کےخطرات کو کم کرنےکے آلات اور بیمہ اسکیموں پرمتوجہ ہوں اور بین الاقوا می ڈونر ایجنسیو ں سے اشتراک کریں، تمام بینکس زرعی قرضوں کی پروسیسنگ کے لیے پنجاب کا لینڈ ریکارڈ مینجمنٹ انفارمیشن سسٹم جون 2024 تک پوری طرح اپنالیں، دیگر صوبے بھی لینڈ ریکارڈ کی ڈیجیٹلائزیشن میں تیزی لائیں تاکہ قرضوں کی فوری پروسیسنگ کے لیے وہ بینکوں کے ساتھ مربوط ہو سکیں۔

قبل ازیں گورنر اسٹیٹ بینک نے اسٹرٹیجک پلان برائے 2023 تا 2028 جاری کیا تھا گورنر جمیل احمد نے کراچی میں منعقدہ تقریب میں اسٹیٹ بینک کا اسٹرٹیجک پلان برائے 2023 تا 2028’’ایس بی پی وژن 2028‘‘ جاری کیا، ’’اسٹیٹ بینک وژن 2028‘‘ اسٹیٹ بینک ایکٹ میں ترمیم کے بعد جاری کیا جانے والا پہلا منصوبہ ہے، اس میں مرکزی بینک کا نصب العین، مشن اور اگلے پانچ سال کے لیے متعین کلیدی اہداف بتائے گئے ہیں، اسٹریٹجک پلان اہم متعلقہ فریقوں کے ساتھ ایک مشاورتی اور جامع عمل کے ذریعے تیار کیا گیا ہے۔

اس موقع پر خطاب کرتے ہوئے اسٹیٹ بینک کے گورنر نے کہا تھا کہ ’’اسٹیٹ بینک وژن 2028 ‘‘ اسٹیٹ بینک کے اس عزم کا اظہار ہے کہ قیمتوں کا استحکام اورمالی استحکام حاصل کیا جائے گا اور ملک کی پائیدار اقتصادی ترقی میں حصہ لیا جائے گا، ’’ایس بی پی وژن 2028‘‘ میں چھ اہم اسٹریٹجک مقاصد کا احاطہ کیا گیا ہے۔

سابق وزیراعظم شاہد خاقان عباسی نے کہا ہے کہ کیسز بنتے ہیں لیکن گواہان نہیں آتے،ہم تو پہلے کہتے تھے کہ عدالتوں میں کیمرے لگوائیں،جس ملک میں عدالتی نظام غیر محفوظ ہو وہ آگے نہیں بڑھ سکتا،

کراچی میں عدالت پیشی کے موقع پر شاہد خاقان عباسی کا کہنا تھا کہ سابق چیئر مین نیب عوام سے معافی مانگیں،شاید بچت ہوجائے،انصاف کی کرسی پر بیٹھنا بہت بڑی ذمہ داری ہوتی ہے،جھوٹےکیس بنائے گئے، تماشے لگائے گئے، جسٹس ر جاوید اقبال سے آج کوئی ہے جو سوال کرے کہ جعلی کیس کیوں بنائے، جعلی فیصلے کیوں کئےیہ ناانصافی کا نظام ہے، کسی دن ہم نے ہاتھ ڈالنا ہے جاوید اقبال پر، میں آج بھی کہتا ہوں کہ ناانصافی چھوڑیں، جس ملک کا نظام ناانصافی پر مبنی ہو وہ ملک نہیں چل سکتا،عدالتیں بھری ہوئی ہیں لیکن صرف تاریخ ملتی ہے، گواہ نہیں آتے، اگر سابق وزیراعظم کو انصاف نہیں مل سکتا تو غریب آدمی کو کیسے ملے گا،ان ممالک کو دیکھیں جو ترقی کر رہے ہیں وہان بنیادی چیز انصاف کا نظام ہے

شاہد خاقان عباسی کا مزید کہنا تھا کہ اگر انصاف نہیں ملتا تو نظام بدلیں،جو عرصہ جیل میں گزرا اسکا حساب کون دے گا ، جسٹس ر جاوید اقبال معافی مانگ لے تو شاید بچت ہو جائے، جو آدمی سپریم کورٹ کا جج رہا ہو اور کرسی پر بیٹھ کر جھوٹ بولے، جعلی مقدمے بنائے، کیا اسکا احتساب نہیں ہو گا؟ آئین میں کہاں‌لکھا ہے کہ کسی کو تاحیات نااہل کر دیں، ناانصافی نہ کیا کریں ،بھٹو صاحب کو اب کیا انصاف دیں گے، پھانسی تو لگا دیا، جعلی فیصلے دینے سے پہلے سوچا کریں،

شاہد خاقان عباسی کا مزید کہنا تھا کہ ملک کے جو سیاسی حالات ہیں اس میں الیکشن کچھ نہیں دے گا، ایک بڑی خرابی پیدا ہو گی، جب مجھ جیسا آدمی بات کر رہا ہے تو سمجھنے کی کوشش کریں، حالات سے خوفزدہ نہیں ہوں، اس بار جتنا الیکشن آسان ہے زندگی میں کبھی نہیں تھا،اس اقتدار کی سیاست کا حصہ نہیں بنوں گا،میں نے جو فیصلہ کر لیا، اس سے پیچھے نہیں ہٹوں گا، اگر نواز شریف نے بلایا تو چلا جاؤں گا لیکن فیصلہ یہی ہے،جو آج ملک کی سیاست ہے اس سے میرا اتفاق نہیں ، سیاست کا مقصد اقتدار رہ جائے تو یہ سیاست نہیں رہتی،سب کو اقتدار چاہئے،اقتدار کا مسئلہ حل نہیں ہو رہا، عوام کے مسائل کی کوئی بات نہیں کر رہا ،

دوسری جانب سندھ اسمبلی کے اسپیکر آغا سراج درانی نے سابق وزیرِ اعظم شاہد خاقان عباسی سے کراچی کی احتساب عدالت میں ملاقات کی ،آغا سراج درانی نے شاہد خاقان عباسی سے مکالمہ کرتے ہوئے کہا کہ آپ کو سندھ آنے پر خوش آمدید کہتے ہیں،شاہد خاقان عباسی نے آغا سراج درانی کی طبیعت دریافت کی

شہداء فورم کا فوجی عدالتوں کی بحالی کا مطالبہ

سپریم کورٹ، فوجی عدالتوں میں سویلین کا ٹرائل کالعدم قرار

سپریم کورٹ،فوجی عدالتوں سے متعلق درخواستیں، فل کورٹ تشکیل دینے کی استدعا مسترد

جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

سیاسی مفادات کے لئے ملک کونقصان نہیں پہنچانا چاہئے

کراچی: بابائے قوم کے یوم ولادت 25 دسمبر کی مناسبت سے مزار قائد کی تزئین و آرائش کا آغاز کردیا گیا۔

باغی ٹی و ی: 25 دسمبر کے حوالے پیر کو مزار قائد کی تزئین وآرائش کا آغاز کیا گیا جو اگلے دس روز تک جاری رہے گی پہلے مرحلے میں مزار قائد کے 101 فٹ اونچے اور72 فٹ قطر کے گنبد کو ساتھ اس کی دیواروں کو بھی دھویا گیا اس سے قبل گنبد کی پالش اورمسلسل دھوپ کی وجہ سے چٹخ جانے والے ماربل کے جوڑوں کی مرمت کا کام مکمل کیا گیا تھا۔

مزار پر پودوں اور درختوں کی تراش خراش کاعمل بھی جاری ہے 63 ایکڑرقبے پرپھیلے بانی پاکستان کےمزارپرنیم، پیپل، جیٹروفا، جونیپر سمیت مختلف اقسام کے 16 ہزاردرخت موجود ہیں مزار قائد پر 12 برس میں دس ہزارکے لگ بھگ نئے درخت لگائے گئے ہیں تاکہ مزارقائد کے سفید سنگ مرمر کو کاربن ڈائی آکسائیڈ اورگرمی کی شدت سے بچایا جاسکے، گھاس کی کٹائی اور زینوں کی ماربل گھسائی کا کام بھی کیا گیا۔

خانہ کعبہ کی اصلاح و مرمت کا آغاز ،اطراف میں چار دیواری کھڑی کر …

اگلے مرحلے میں پاک چین دوستی کی علامت 80 فٹ طویل فانوس کی صفائی کے علاوہ بانی پاکستان کی قبر کے گرد موجود چاندی کی منقش جالیوں کی صفائی اور پالش کی جائیگی جبکہ دروازوں کے رنگ وروغن کا کام مکمل کیا جائے گا، چین کے سابق وزیر اعظم جناب چو این لائی نے اپنے عوام کی طرف سے خاص طور پر مزار قائد کے لیے بطور تحفہ حکومت پاکستان کو 20 جنوری 1971ء کو پیش کیا۔ فانوس کی لمبائی تقریباً پندرہ فٹ ہے اور اس کا وزن تین ٹن ہے فانوس کے نچلے حصے میں لگے ہوئے ستاروں کی تعداد سترہ ہے-

مزارقائد کے سبزہ زار اور زینوں کی دونوں جانب متعدد اقسام کے خوشنما نئے پودے بھی لگائے جائیں گے۔ 25 دسمبر کو تبدیلی گارڈز کی تقریب ہوگی جس کے بعدگورنر و وزیراعلیٰ سندھ کے علاوہ دیگر اہم شخصیات بانی پاکستان کو خراج عقیدت پیش کرنے کے لیے مزارقائد پرحاضری دیں گی۔

غزہ میں زمینی آپریشن میں مزید 4 افسران سمیت7 اسرائیلی فوجی ہلاک

کراچی: صدر میں پولیس افسر کی گاڑی کا شیشہ توڑ کر چور سرکاری پستول اور نقدی لے اڑا ۔

باغی ٹی وی : پولیس حکام کے مطابق اے ایس آئی شاہد خٹک صدر کے علاقے میں سندھ ہائی کورٹ کے قریب قائم مسجد میں نماز پڑھنے کے لیے رکے تھے جب وہ واپس آئے تو ان کی گاڑی کا شیشہ ٹوٹا ہوا ملا، گاڑی کے اندر جب انہوں نے دیکھا تو ان کا سرکار ی نائن ایم ایم پستول اور کچھ نقدی بھی غائب تھی، واقعے سے فوری طور پر متعلقہ تھانے کو آگاہ کیا گیا ، آس پاس لگے سی سی ٹی وی کیمروں کی فوٹیجز حاصل کی جارہی ہیں، واقعے کا مقدمہ درج کرکے مزید تحقیقات کا آغاز کردیا گیا ہے ۔

واضح رہے کہ گزشتہ روز اسلام آباد میں ڈی جی کسٹمز سے بھی مسلح افراد نے موبائل سے چھین لیا تھا،وفاقی دارالحکومت میں ڈکیتی اور رہزنی کی وارداتیں کم نہ ہوسکیں اور آج ڈی جی کسٹمز سے بھی مسلح افراد نے موبائل سے چھین لیا ، اسلام آباد کے تھانہ رمنا کی حدود میں ڈی جی کسٹمز چہل قدمی کیلیے نکلے تو موٹرسائیکل پر سوار مسلح ڈاکو قیمتی موبائل فون چھین کر لے گئے۔

مسلح افراد نے ڈی جی کسٹمز سے بھی موبائل چھین لیا

واقعے کا مقدمہ ڈی جی کسٹم کے ملازم کی مدعیت میں تھانہ رمنا میں درج کرلیا گیا، جس میں بتایا گیا تھا کہ جی 11/3 میں سڑک کنارے گاڑی کھڑی کر کے کھڑا تھا اور ڈی جی کسٹم چہل قدمی کیلیے چلے گئے تھے اسی دوران اچانک موٹر سائیکل پر سوار دو ملزمان آئے اور اسلحے کے زور پر مجھ سے صاحب کا قیمتی موبائل فون چھین کر لے گئے،مدعی نے استدعا کی تھی کہ پولیس ملزمان کیخلاف کارروائی کر کے موبائل فون برآمد کروائے۔

القسام بریگیڈز نے اسرائیلی فوج پر حملوں کی نئی ویڈیو جاری کردی

کراچی: اسرائیلی دہشتگردی کیخلاف اور اہل غزہ سے اظہار یکجہتی کیلئے کراچی میں ڈاکٹروں نے ’’وائٹ کوٹ مارچ‘‘ کیا۔

باغی ٹی وی: نیشنل اسٹیڈیم سگنل تا لیاقت نیشنل اسپتال تک ہونے والے مارچ کی قیادت امیر جماعت اسلامی کراچی حافظ نعیم الرحمٰن نے کی جس میںنائب امیر جماعت اسلامی پاکستان معراج الہدیٰ ، نگراں صوبائی وزیر صحت ڈاکٹر سعد خالد نیاز سمیت ڈاکٹرز اور پیرا میڈیکل اسٹاف کی بڑی تعداد شریک تھی۔ شرکاء نے فلسطینی رومال پہنے ہوئے تھے اور فلسطینی پرچم بھی اٹھا رکھے تھے۔

حافظ نعیم الرحمٰن نے ”وائٹ کوٹ مارچ“ سے خطاب کرتے ہوئے کہا کہ پوری دنیا میں ڈاکٹرز کا اس نوعیت کا احتجاج نہیں ہوا جس طرح آج کراچی کے ڈاکٹروں نے کیا ہے امریکا اور برطانیہ سمیت یورپی ممالک کے حکمران اسرائیل کی پشت بانی کررہے ہیں جس کی وجہ سے شکست خوردہ اسرائیل فلسطینی مسلمانوں پر بمباری کررہا ہے،حماس چھوٹی جماعت ہے لیکن مضبوط ایمان کے ذریعے اس جنگ کو لڑ رہے ہیں، حماس نے بتایا کہ مزاحمت میں زندگی ہے، 7 اکتوبر کو اسرائیل کو جھٹکا لگا،اسرائیل کی تمام ٹیکنالوجی ناکام ہوگئی ہے، اسرائیل شکست کھانے کے بعد انتقامی آگ ٹھنڈی کرنے کے لیے بچوں اور اسپتالوں پر بمباری کررہا ہے، 62 دن گزرنے کے باوجود حماس کے مجاہدین سے مقابلہ نہیں کرسکا، 75 ہزار سے زائد بچے شہید ہوچکے ہیں، 18 ہزار سے زائد شہادتیں ہوچکی ہیں۔

مارچ سے خطاب میں نگران وزیر صحت سعد نیاز کا کہنا تھا کہ فلسطین میں جاری بمباری اور دہشت گردی مذہب سے زیادہ مسئلہ انسانیت کا ہے، اسپتالوں ، ڈاکٹروں اور ایمبولینسز پر حملوں سے مغربی تہذیب کو چلانے والوں کا چہرہ کھل کر بے نقاب ہوگیا ہے، افسوس کی بات ہے کہ جس قوم نے آخری جنگ عظیم میں اذیت اٹھائی آج وہی قوم سب سے زیادہ بربریت کا مظاہرہ کررہی ہے فلسطین میں جاری بمباری و دہشت گردی سے مذہب سے زیادہ مسئلہ انسانیت کا ہے۔ کبھی بھی اسپتالوں، ایمبولینس اور ڈاکٹروں پر حملہ نہیں کیا جاتا۔

نگران وزیراعلیٰ سندھ جسٹس (ر) مقبول باقر سے ایشیائی ترقیاتی بینک کے اعلیٰ سطحی وفد کی ملاقات ہوئی

اے ڈی بی وفد کی سربراہی پرنسپل ڈائریکٹر مسز ایف کلیو کاواکی نے کی، وفد میں پرنسپل ڈائریکٹر کے مشیر محمد عظیم، ڈپٹی کنٹری ڈائریکٹر اسد علیم، سینئر پروجیکٹ افسر سلمان میاں شامل تھے،وزیراعلیٰ کے ہمراہ چیئرمین پی اینڈ ڈی شکیل منگنیجو، ڈی جی پبلک پرائیویٹ پارٹنرشپ یونٹ اسد ضامن و دیگر شریک تھے،اجلاس میں ADB کی پبلک پرائیویٹ پارٹنر شپ منصوبوں پر تبادلہ خیال کیا گیا،الیکٹرک بسوں کے منصوبے پر بات چیت کی گئی.

نگران وزیراعلیٰ سندھ جسٹس (ر) مقبول باقر کا کہنا تھا کہ سندھ حکومت چاہتی ہے کہ بی آرٹی فیڈر روٹس پر الیکٹرک بسیں چلائی جائیں، الیکٹرک بسوں سے آلودگی کے بڑھتے مسائل بھی کنٹرول ہونگے، ٹرانسپورٹ سیکریٹری اسد ضامن نے الیکٹرک بسوں کے منصوبے کی فزیبلٹی اسٹڈی تیار کی ہے، اسد ضامن نے کہا کہ گرین اینڈ اورینج لائنوں پر روزانہ 50 ہزار مسافر سفر کرتے ہیں، الیکٹرک بسوں کا بی آر ٹی روٹس پر چلنے سے رائیڈرشپ بہت زیادہ بڑھ جائے گی، چیئرمین پی اینڈ ڈی نے کہا کہ بی آر ٹی کے فیڈر روٹس پر 180 بسیں چلانا چاہتے ہیں، الیکٹرک بسوں کیلئے سولر پاور پینل نصب ہونگے جس سے آپریشن پر لاگت کم ہوجائے گی،

پرنسپل ڈائریکٹر ایشیائی ترقیاتی بینک نے الیکٹرک بسوں کے منصوبے کو فنڈز دینے کی یقین دہانی کروا دی،اور کہا کہ الیکٹرک بسوں کا منصوبہ بہت اہم ہے، جلد شروع کرنا چاہئے، اجلاس میں ویسٹ کراچی ری سائیکلنگ پلانٹ منصوبے پر بات چیت کی گئی، نگران وزیراعلیٰ سندھ کاکہنا تھا کہ ری سائیکلنگ پلانٹ ہارون آباد میں لگایا جارہا ہے جو سائیٹ کے قریب ہے، ہارون آباد سے سائیٹ کی 50-40 ایم جی ڈی پانی کی طلب بھی ری سائیکلنگ منصوبے سے شروع ہوگی، پہلا منصوبہ ہے جس سے کاربن اخراج کی کمی بھی رکارڈ ہوگی، چاہتے ہیں ADB فنڈنگ شروع کرے تاکہ منصوبہ پر کام شروع ہوسکے،ویسٹ کراچی ری سائیکلنگ پلانٹ منصوبے پر 180 ملین ڈالر کی لاگت آئے گی، چیئرمین پی اینڈ ڈی شکیل منگنیجو نے کہا کہ دسمبر کے آخر تک منصوبے کا ٹینڈر جاری کیا جائے گا، ٹینڈر کے کھلنے تک منصوبے پر کام جون 2024 میں شروع ہونے کا امکان ہے، پرنسپل ڈائریکٹر ایشیائی ترقیاتی بینک نے کہا کہ منصوبے کی فنڈنگ مقرر وقت پر کی جائے گی،

ٹی پی -4 ویسٹ واٹر ٹریٹمنٹ اینڈ ری سائیکلنگ منصوبہ پر بات چیت کی گئی، نگران وزیراعلیٰ سندھ نے کہا کہ ویسٹ واٹر ری سائیکل کرکے صنعتی طلب کو پورا کیا جائے گا،ٹی پی -4 سے 120 ایم جی ڈی ویسٹ واٹر کی ٹریٹمنٹ ہوگی، منصوبے کی لاگت 400 ملین ڈالر ہے جس میں ADB کا حصہ 50 ملین ڈالر ہے، ٹی پی -4 کا ٹینڈر نئے سال میں جاری ہوجائے گا،