Tag: کراچی

باغی ٹی وی کی رپورٹ کے مطابق سمندری طوفان بپر جوائے کمزور ہوکر ڈپریشن بن گیا ہے، طوفان کی شدت میں کمی آ چکی ہے،

بحیرہ عرب سے اٹھنے والا سمندری طوفان جس سے بچاؤ کے لئے حکومت نے حفاظتی انتظامات کئے تھے اب اسکی شدت کم ہو چکی ہے اور طوفان کا ڈپریشن تھرپارکر اور بھارتی راجستھان پر موجود ہے ،بھارتی راجستھان میں ڈپریشن کمزور ہو کر لو پریشر ایریا میں تبدیل ہونے کا امکان ہے

این ڈی ایم اے کے مطابق سمندری طوفان بپرجوائے گزشتہ 12 گھنٹوں کے دوران مزید شمال مشرق کی جانب بڑھتے ہوئے ڈپریشن میں تبدیل ہو گیا ہے اور اب جنوب مغربی راجستھان (بھارت) اور جنوب مشرقی پاکستان (تھرپارکر)کے اوپر موجود ہے ۔ہوا کی رفتار 30 سے 40 کلومیٹر فی گھنٹہ ریکارڈ کی گئی ہے. سسٹم مزید مشرق کی طرف بڑھنے کا امکان ہے، جسکے بعد راجستھان (بھارت) کے اوپر کم دباؤ والے علاقے میں یہ مزید کمزور ہو جائے گا۔

1. سمندری طوفان بپرجوائے گزشتہ 12 گھنٹوں کے دوران مزید شمال مشرق کی جانب بڑھتے ہوئے ڈپریشن میں تبدیل ہو گیا ہے اور اب جنوب مغربی راجستھان (بھارت) اور جنوب مشرقی پاکستان (تھرپارکر)کے اوپر موجود ہے ۔ pic.twitter.com/w0hgVZMCvF

— NDMA PAKISTAN (@ndmapk) June 17, 2023

محکمہ موسمیات کے مطابق تھرپارکر، عمرکوٹ، بدین میں آج تیز ہواؤں اور گرج چمک کے ساتھ بارش کا امکان ہے سجاول اور میرپورخاص میں بھی گرج چمک کے ساتھ بارش کا امکان ہے، طوفان کے بعد شہر قائد کراچی میں سی ویو کے ساحل پر گندگی اور ڈھیر کا منظر دکھائی دے رہا ہے، سمندری لہروں کے ساتھ گندگی بھی ساحل پر پہنچ گئیں،

طوفان اور شدید بارش کی وجہ سے بھارت کے کئی علاقوں میں ٹرینیں منسوخ
بھارتی میڈیا کے مطابق گجرات کے بعد اب راجھستان میں سمندری طوفان پہنچ چکا ہے، ہفتہ کی صبح سے سروہی، جالور، ناگور، جودھ پور سمیت کئی علاقوں میں بارش ہو رہی ہے، پچاس سے ساٹھ کلومیٹر فی گھنٹہ کی رفتار سے ہوائیں چل رہی ہیں،کئی علاقوں میں چار سے پانچ انچ بارش ریکارڈ کی گئی ہے، طوفان اور شدید بارش کی وجہ سے بھارت کے کئی علاقوں میں ٹرینیں منسوخ کر دی گئی ہیں، ریلوے حکام کے مطابق باڑمیر سے 14 ٹرینوں کو منسوخ کیا گیا ہے، ادے پور ایئر پورٹ سے دہلی اور ممبئی جانیوالی پروازیں بھی منسوخ کی گئی ہیں، بھارتی محکمہ موسمیات کے مطابق سمندری طوفان، جنوب مغربی راجستھان اور کَچھ کے آس پاس کے جنوب مشرقی پاکستان پر کَل رات ساڑھے گیارہ بجے ہوا کے گہرے کم دباؤ میں بدل گیا تھا یہ علاقہ گجرات میں دھولاویرا کے تقریباً 100 کلو میٹر شمال مشرق میں ہے، راجھستان میں طوفان کا اثر اتوار تک رہے گا، گجرات میں طوفان تباہی مچا چکاہے، طوفان نے کچھ اور سوراشٹرا کے 8 اضلاع میں زیادہ نقصان پہنچایا ،جس کے سروے کے لئے ٹیمیں تشکیل دی گئی ہیں

اپنی حفاظت کرنا سب کا فرض ہے حکومت بھی مدد کررہی ہے . وزیراعلیٰ سندھ

سمندری طوفان کے پیش نظر کراچی ڈویژن کی 40 عمارتوں کو مکمل مخدوش قرار 

سمندری طوفان ”بائے پرجوائے“ کے پیش نظربھارت کی سات ریاستوں میں الرٹ جاری

سمندری طوفان ’’بائے پرجوائے‘‘ کا کراچی سے فاصلہ 850 کلومیٹر رہ گیا

 جوائے کے پیشِ نظر کراچی پورٹ پر الرٹ جاری

 پی آئی اے کی جانب سے حفاظتی انتظامات مکمل 

 کیٹی بندرسے شہریوں کا انخلا مکمل

امدادی کاموں کے لیے ہیلی کاپٹر الرٹ،مندروں میں دعائیں

باغی ٹی وی کی رپورٹ کے مطابق سمندری طوفان کی شدت کم پڑ گئی

سمندری طوفان بائپر جوئے کے حوالہ سے محکمہ موسمیات نے 29 واں الرٹ جاری کیا ہے،محکمہ موسمیات کے مطابق طوفان کی شدت کم ہونے کے بعد ایک درجہ کم ہو گئی ہے، آج دوپہر تک سمندری طوفان سائیکلونک سٹروم میں بدل جائے گا، شام کو اور کم ہونے کے بعد ڈپریشن میں بدل جائے گا، سندھ کے ساحلوں سے طوفان دور ہو رہا ہے ،طوفان کے اثرات سے راچی اور سندھ میں بارشوں کی پیشگوئی ہے ہلکی اور تیز بارش کا سلسلہ ایک دو دن جاری رہے گا، سمندری طوفان کراچی سے براہ راست نہیں ٹکرائے گا مگر اس کے اثرات نظر آئیں گے جس کے سبب کراچی میں سمندر میں تیزی اور لہریں مزید بلند ہوں گی بارشو‌ں کی وجہ سے کراچی اور حیدرآباد میں موسلادھار بارشوں سے اربن فلڈنگ کا خدشہ ہے

طوفان،پاکستان مکمل طور تیار تھا لیکن بڑی حد تک اس سے محفوظ رہا، شیری رحمان
دوسری جانب پیپلز پارٹی کی رہنما، وفاقی وزیر برائے موسمیاتی تبدیلی و ماحولیاتی رابطہ سینیٹر شیری رحمان کا کہنا ہے کہ کہ بحیرہ عرب سے اٹھنے والے سمندری طوفان نے بھارتی گجرات میں لینڈ فال مکمل کر لیا پاکستان مکمل طورپر تیار تھا لیکن بڑی حد تک اس سے محفوظ رہا طوفان کے باعث سطح سمندر بلند ہونے کی وجہ سے سندھ میں سجاول جیسے ملحقہ ساحلی علاقے زیر آب آئے ہیں لیکن احتیاطی تدابیر کے طور پر زیادہ تر لوگوں کو محفوظ مقامات پر منتقل کر دیا گیا تھا زندگیاں بچانے کے لیے شاندار اورمربوط کوششیں کی گئیں جس پر تمام شراکت داروں کا شکریہ ادا کرتے ہیں

این ڈی ایم کے مطابق سمندری طوفان کراچی سے 225، ٹھٹہ سے 165 اورکیٹی بندرسے 125 کلو میٹر دور ہے آج شام طوفان کی شدت کم ہوکر ڈپریشن میں تبدیل ہوجائے گی 17 جون تک ٹھٹہ، سجاول، بدین، تھرپارکر، میر پورخاص اور عمرکوٹ میں تیز ہوا کے ساتھ بارش کا امکان ہے کراچی، حیدرآباد، ٹنڈو محمد خان، ٹنڈو الہیار، شہید بے نظیر آباد اور سانگھڑ میں آج تیز ہواؤں اور گرج چمک کے ساتھ بارش کا امکان ہے

سمندر کے قریبی علاقوں سے عوام کو منتقل کیا جا چکا
طوفان بھارتی علاقے جھکاؤ پورٹ اورپاک بھارت سرحدی علاقوں سے ٹکرایا، طوفان کےزیراثر گجرات کے علاقے دوارکا میں طوفانی ہوائیں چل رہی ہیں جس کی وجہ سے متعدد درخت جڑوں سے اکھڑ گئے اور اشتہاری بورڈز گرگئے ہیں۔ بھارت میں گجرات کے علاقوں میں زبردست ہوائیں چل رہی ہیں کہیں بارش ہو رہی ہے چھتیں گر گئی ہیں مالی نقصانات کی اطلاعات موصول ہو رہی ہیں تا ہم ابھی تک جانی نقصان کی کوئی اطلاع سامنے نہیں آئی طوفان کی وجہ سے عوام میں خوف و ہراس ہے تا ہم حکومت کی کوشش تھی کہ کم سے کم جانی نقصان کے لئے شہریوں کو منتقل کیا جائے ۔ سمندر کے قریبی علاقوں سے عوام کو منتقل کیا جا چکا ہے پانچ سو کے قریب درخت طوفان کی وجہ سے گر چکے ہیں شہری اپنے ضروری سامان اور مویشیوں سمیت منتقل ہوئے ہیں بھارت میں طوفان کے حوالہ سے آگاہی مہم چلائی گئی تھی اور حفاظتی انتظامات بھی کیے گئے تھےامدادی اور ریسکیو ٹیمیں بھئ متحرک ہو چکی ہیں بھارتی نیوی بھی الرٹ اور ریسکیو میں شریک ہے

امدادی کاموں کے لیے ہیلی کاپٹر الرٹ،مندروں میں دعائیں
بھارتی گجرات میں 75 ہزار افراد کو منتقل کیا گیا ہے چھ سو افراد کی ٹیم بجلی کی بحالی کے لیے تیار ہے مندروں میں طوفان سے بچاو کے لیے پجاری دعائیں مانگ رہے ہیں امدادی کاموں کے لیے ہیلی کاپٹر بھی حکومت نے الرٹ کر رکھے ہیں گجرات کے وزیراعلی نے کئی علاقوں کا معائنہ کیا جام نگر میں شدید بارش ہوئی جس سے کئی علاقے زیر آب آ گئے ،امت شاہ نے خصوصی اجلاس بلایا اور ہر گھنٹے بعد طوفان کی اپڈیٹ لے رہے ہیں ایک مرکزی کنٹرول روم قائم کیا گیا یے بھارت میں ماضی میں کئی طوفان آئے اور شدید نقصان ہوا تا ہم اس بار حفاظتی انتظامات کیے گئے ۔ سمندر کے کنارے رہنے والے افراد کو این ڈی آر ایف کی ٹیموں نے دور دراز علاقوں میں منتقل کیا ۔

طوفان نے بھارت سمیت دنیا کے لئے خطرے کی گھنٹی بجائی ہے
سمندری طوفان کی رفتار کو مانیٹر کیا جا رہا ہے دنیا کی نظریں طوفان پر جمی ہوئی ہیں دس دن گزر گئے طوفان کی رفتار کم نہیں ہوئی یہ سب سے لمبے عرصے تک چلنے والا طوفان یے چھ اور سات جون کو طوفان کی رفتار میں اضافہ ہو تو آٹھ اور نو جون کو رفتار مزید تیز ہو گئی عموما کسی طوفان کا پیریڈ اتنا لمبا نہیں ہوتا جتنا اس طوفان کا ہو چکا ہے ، طوفان کی سپیڈ مختلف دنوں میں مختلف رہی جس کی وجہ سے ماہرین کا کہنا ہے کہ طوفان زیادہ نقصان ہو سکتا ہے ایسا گلوبل وارمنگ کی وجہ سے ہو رہا ہے بحیرہ عرب سے اٹھنے والے طوفان نے بھارت سمیت دنیا کے لئے خطرے کی گھنٹی بجائی ہے۔

درخت تنکوں کی طرح گرتے نظر آئے، بھارت میں طوفان کے مناظر
بھارتی گجرات میں جب طوفان سمندر سے ٹکرانے والا تھا تو سمندر باہر آنے کو بیتاب نظر آتا تھا ، دن کو سب صحیح تھا مگر رات کے وقت طوفان کی وجہ سے ماحول ڈراؤنا ہو گیا آس پاس درخت ہیں اور قریبی علاقوں کی بجلی معطل کر دی گئی ہے بارش اور تیز ہوائیں چل رہی ہیں ، 110 کلومیٹر کی رفتار سے طوفان کی وجہ سے سمندر میں کھڑی کشتیوں کی رسیاں ٹوٹ گئیں جس کی وجہ سے کئی کشتیاں ڈوب گئیں، ہوا کی رفتار تیز ہونے کی وجہ سے سمندر کے قریبی علاقوں میں کچے مکان گر چکے ہیں درختوں کے گرنے سے بھی گھر گرے ہیں اور گاڑیوں کو نقصان پہنچا ہے ،طوفان گجرات کے قریب آیا تو جام نگر کے علاقے میں ایک لمبا درخت گرنے کی وجہ سے کم از کم چار گھروں کو نقصان پہنچا ہے ، درخت تنکوں کی طرح گرتے نظر آئے ، سڑکوں پر ہر طرف درخت گرنے کی وجہ سے راستے بند ہو چکے ہیں جسکو کھولنے کے لیے ٹیمیں کام کر رہی ہیں سمندر کے کنارے ماربل سے تیار کردہ اوپن تھیٹر بھی طوفان کی وجہ سے تباہ ہو چکا ہے چھتوں کے شیڈ بھی تنکوں کی طرح آڑ رہے تھے ،طوفان کی کوریج کے لئے بھارتی صحافی کئی علاقوں میں موجود ہیں احتیاطی تدابیر کے ساتھ کوریج کی جا رہی ہے جام نگر میں ایک مندر کو بھی نقصان پہنچا ہے

اپنی حفاظت کرنا سب کا فرض ہے حکومت بھی مدد کررہی ہے . وزیراعلیٰ سندھ

سمندری طوفان کے پیش نظر کراچی ڈویژن کی 40 عمارتوں کو مکمل مخدوش قرار 

سمندری طوفان ”بائے پرجوائے“ کے پیش نظربھارت کی سات ریاستوں میں الرٹ جاری

سمندری طوفان ’’بائے پرجوائے‘‘ کا کراچی سے فاصلہ 850 کلومیٹر رہ گیا

 جوائے کے پیشِ نظر کراچی پورٹ پر الرٹ جاری

 پی آئی اے کی جانب سے حفاظتی انتظامات مکمل 

 کیٹی بندرسے شہریوں کا انخلا مکمل

میئر کراچی کے انتخابات، غیر حتمی، غیر سرکاری نتائج کے مطابق پیپلز پارٹی کے امیدوار نے اب تک 173 ووٹ حاصل کیے اور کامیاب قرار پائے، جماعت اسلامی کے احتجاج کے باوجود پولنگ جاری رہی، جماعت اسلامی کراچی کے امیر تحریک انصاف کی حمایت کے باجود میئر کا الیکشن ہار گئے،

پیپلزپارٹی کے امیدوار مرتضیٰ وہاب اور جماعت اسلامی کے حافظ نعیم کے درمیان میئر کراچی کا مقابلہ ہوا، مرتضیٰ وہاب کو 173 ووٹ ، حافظ نعیم کو 160 ووٹ ملے ، اس طرح مرتضیٰ وہاب 13 اضافی ووٹ لے کر میئر کراچی منتخب ہوئے

مئیر کے انتخاب ،366 میں سے 332 امیدوار ووٹ ڈالنے کے لیے موجود تھے ،گیارہ بجتے ہی دروازے بند کردیے گئے بعد میں آنے والے اراکین کو اندر آنے سے منع کردیا گیا ،کراچی میئر کے لئے کُل 366 ممبران نے ووٹ کاسٹ کرنا تھا۔ 332 ممبران کے ایم سی ووٹ دینے پہنچے ہیں، 34 ممبران سٹی کاؤنسل ووٹ کیلئے نہیں آئے جو اراکین نہیں آئے انکا تعلق پی ٹی آئی سے ہے،

مئیر کراچی کیلئے ووٹنگ کے دوران، تحریک انصاف کی جانب سے اغواء شدہ چیئرمینز کو پیش کرنے کے نعرے لگائے گئے،

اطلاعات ہیں کہ میئر کے الیکشن کی ووٹنگ روک دی گئی ،جماعت اسلامی کے میئر کے امیدوار حافظ نعیم الرحمان نے ووٹنگ رکوادی ہے ،بولے پہلے پی ٹی آئی کے اغوا کئے گئے ارکان کو پیش کریں جب تک ارکان پورے نہیں ہوں گے ووٹنگ نہیں ہونے دوں گا

پاکستان پیپلز پارٹی کی مخصوص نشستوں پر منتخب خواتین اراکین آرٹس کونسل پہنچ گئیں۔#میئر_تو_جیالا_ہوگا pic.twitter.com/jdsoG5ju4x

— Sardar Imran Jattak (@Sardar_Jattak) June 15, 2023

اس موقع پر سیکورٹی کے سخت انتظامات کئے گئے ہیں، ایس ایس ہی ساؤتھ موقع پر موجود ہیں انکا کہنا ہے کہ الیکشن کے موقع پر سیکیورٹی کے انتہائی سخت انتظامات ہیں پولیس اور رینجرز کے اہلکار آرٹس کونسل کے اندر اور اطراف میں تعینات ہے مجموعی طور پر پولیس کے 500 سے زائد اہلکار تعینات ہیں تعینات نفری میں ڈسٹرکٹ ساوتھ اور کیماڑی کے مختلف تھانوں کی نفری شامل ہے ریپڈ رسپانس فورس کے اہلکار بھی سیکیورٹی کے فرائض انجام دے رہے ہیں،تین ایس پیز اور 12 ڈی ایس پیز بھی سیکیورٹی میں شامل ہیں

وزیر محنت و افرادی قوت سندھ و صدر پیپلز پارٹی کراچی ڈویژن سعید غنی کا کہنا ہے کہ پاکستان پیپلز پارٹی کا کراچی میں مئیر اور ڈپٹی مئیر بھاری اکثریت سے کامیاب ہونے جا رہے ہیں اس وقت تک مئیر اور ڈپٹی مئیر کے انتخاب کے لیے بنائے گئے پولنگ اسٹیشن میں میری اطلاعات کے مطابق 331 ارکان موجود ہیں۔ پاکستان پیپلز پارٹی اور ان کی حلیف جماعتوں کے 173 ارکان اس وقت پولنگ اسٹیشن میں موجود ہیں۔ اس حساب سے جماعت اسلامی اور اس کی حلیف جماعت پی ٹی آئی کے 158 ارکان پولنگ اسٹیشن میں موجود ہیں۔11 بجے پولنگ اسٹیشن کے تمام دروازے بند کردئیے گئے ہیں اور اس کے مطابق ایوان میں 331 ارکان ہی اپنا حق رائے دہی استعمال کریں گے۔ انشاءاللہ آج شام پاکستان پیپلز پارٹی کے جیالے بھرپور جشن منائیں گے۔ میں پارٹی کے چیئرمین بلاول بھٹو زرداری، شریک چیئرمین آصف علی زرداری، ادی فریال تالپور، نثار احمد کھوڑو اور تمام پارٹی قیادت کو مبارکباد پیش کرتا ہوں۔

ہم صرف اپنے لیئے ووٹ مانگے سکتے ہیں کسی کو دلا نہیں سکتے، شرجیل میمن
سندھ کے صوبائی وزیر اطلاعات شرجیل میمن کا کہنا ہے کہ کراچی کے لوگ نفرت کی سیاست کو دفنانے جا رہے ہیں،
جماعت اسلامی جیسی فاشسٹ جماعت نے طالب علموں کے ہاتھوں میں اسلحہ دیا،حافظ نعیم اگرمگر سے کام لے رہا اگر اس کے پاس ثبوت ہے توسامنے لاٸے، پی ٹی آٸی کے چٸیرمینز اور کونسلرز کو ووٹ دینے کے لیکر آٸے، جماعت اسلامی چاہتی ہے پیپلز پارٹی پی ٹی آئی سے ووٹ دلائے ،ہم صرف اپنے لیئے ووٹ مانگے سکتے ہیں کسی کو دلا نہیں سکتے، پی ٹی آئی کے لوگ اپنے گھروں پر موجود ہیں اگر کوئی ووٹ نہیں دے رہا تو ہم کیا کر سکتے ہیں ،جماعت اسمبلی نے کراچی کیلئے کیا کیا ہے ، ہم نے کراچی کو بڑے بڑے منصوبے دیئے لوگ پیپلز کو چاہتے ہیں ، اگر پی ٹی آئی والے ہماری سنتے تو وہ ہمیں ووٹ دیتے ،حافظ نعیم کیلئے کیسے ووٹ مانگیں ،وہ سمجھ رہے ہیں کے اگر کوئی حافظ نعیم کو ووٹ نہیں کیا تو اس کو روکا گیا ہوگا، حافظ نعیم اپنی شکست تسلیم کریں، جماعت اسلامی 9 مئی کے ذمہ داران کی سپورٹ چاہتی ہے۔

سندھ میں مئیر، ڈپٹی میئر، چیرمین، وائس چیئرمین کے انتخابات ، انتخابات کی مانیٹرنگ کے لئے الیکشن کمیشن میں کنٹرول روم قائم کر دیا گیا،مرکزی کنٹرول روم انتخابی عمل کی مانیٹرنگ اور شکایات کے ازالے کے لئے قائم کیا گیا ،مرکزی کنٹروم روم سے سینئر افسران سندھ کے انتخابی عمل کی نگرانی کر رہے ہیں ،الیکشن کمیشن سیکریٹریٹ اسلام آباد میں سندھ میں مئیر ، ڈپٹی میئر، چیرمین، وائس چیئرمین کے انتخابات کی نگرانی کے لئے مرکزی کنٹرول روم شکایت سیل قائم کر دیا گیا۔ مرکزی کنٹرول روم انتخابی عمل کی مانیٹرنگ اور شکایات کے ازالے کے لئے قائم کیا گیا ہے۔ کنٹروم روم آج صبح 8 بجے سے کل 16 جون صبح 8 بجے تک بلا تعطل کام کرے مرکزی کنٹروم روم سے سینئر افسران بمع مانیٹرنگ ٹیم بلا تعطل سندھ میں مئیر،ڈپٹی میئر کے انتخابی عمل کی نگرانی کر رہے ہیں پولنگ کے حوالے سے شکایات درج کرانے کے لئے درج ذیل نمبروں پر رابطہ کیجئے ۔مرکزی کنٹرول روم ، الیکشن کمیشن اسلام آبادفون نمبر 9204403-051 0519204402 پر رابطہ کیا جا سکتا ہے

میئر انتخاب سے قبل پی ٹی آئی اراکین کئے گھروں پر چھاپوں کا سلسلہ جاری ہے،پی ٹی آئی کی جانب سے کہا گیا ہے کہ سندھ حکومت کی جانب سے پی ٹی آئی اراکین کی گرفتاری و گھروں پر چھاپوں کی مزمت کرتے ہیں،پیپل پارٹی میئر الیکشن سے پہلے پری پول ریگنگ کر رہی ہے،پی ٹی آئی کی منتخب خواتین اراکین کے گھروں پر چھاپے مارے جا رہے ہیں،پیپلز پارٹی نے بے شرمی کے تمام ریکارڈ توڑ دیئے پیپلز پارٹی چور دروازے سے میئر لانا چاہتی ہے،

جماعت اسلامی کراچی کے امیر، میئر کراچی کے امیدوار حافظ نعیم نے کہا ہے کہ آج کراچی میں میئر اور ڈپٹی میئر کا انتخاب ہونے جا رہا ہے، اس تحریک کو یہاں تک پہچانے میں کارکنان کو خراج تحسین پیش کرتا ہوں، کراچی کی عوام نے ہمیں بہت ساتھ دیا، ہم نے کے الیکٹرک کیخلاف آواز اٹھائی،مردم شماری میں بھی جماعت اسلامی نے آواز اٹھائی،بلدیاتی انتخابات میں کراچی میں لوگوں نے جماعت اسلامی کو سب سے بڑی جماعت بنا دیا،

فردوس شمیم نقوی صاحب سے میرا ذاتی رشتہ ہے،مرتضیٰ وہاب
میئر کے لیے سندھ کی حکمران جماعت پیپلز پارٹی کے امیدوار مرتضیٰ وہاب کا کہنا ہے کہ میئر کے لیے جاری الیکشن میں ہم فتح کے قریب ہیں اور انشااللہ ہماری جیت ہوگی اراکین کے لیے گزشتہ رات عشائیہ منعقد کیا گیا جس میں ہمارے تمام اراکین موجود تھے تمام اراکین کا شکر گزار ہوں جنہوں نے اپنی حمایت کا یقین دلایا ہم اپنا نمبر ایوان میں پورا کریں گے کبھی بھی نعیم الرحمان صاحب نے یہ نہیں کہا کہ کراچی کے مسائل حل کیسے ہونگے؟ کراچی کیلئے ایجنڈا کیا ہے؟ میرا کسی بھی پی ٹی آئی رکن اسمبلی کیساتھ کوئی رابطہ نہیں ہے،فردوس شمیم نقوی صاحب سے میرا ذاتی رشتہ ہے،

اپنی حفاظت کرنا سب کا فرض ہے حکومت بھی مدد کررہی ہے . وزیراعلیٰ سندھ

سمندری طوفان کے پیش نظر کراچی ڈویژن کی 40 عمارتوں کو مکمل مخدوش قرار 

سمندری طوفان ”بائے پرجوائے“ کے پیش نظربھارت کی سات ریاستوں میں الرٹ جاری

سمندری طوفان ’’بائے پرجوائے‘‘ کا کراچی سے فاصلہ 850 کلومیٹر رہ گیا

 جوائے کے پیشِ نظر کراچی پورٹ پر الرٹ جاری

 پی آئی اے کی جانب سے حفاظتی انتظامات مکمل