Tag: کرن جوہر

2022 ختم ہونے جارہا ہے اور کرن جوہر ہیں بہت خوش کیونکہ یہ سال ان کے کافی خوشیاں لیکر آیا یوں کہیے کہ یہ سال ان کے لئے کافی یادگار رہا. اس سال ان کی دو فلمیں جگ جگ جیو اور براہمسٹرا: پارٹ ون ، شیوا ریلیز ہوئیں ان دونوں فلموں نے باکس آفس پر کمال بزنس کیا ، جگ جگ جیو نے 100 کروڑ روپے سے زیادہ کی کمائی کی جبکہ براہمسٹرا نے عالمی سطح پر 400 کروڑ روپے سے زیادہ کی کمائی کی۔ یہی نہیں کرن جوہر کے چیٹ شو کافی ود کرن کا سیزن 7 اس سال اگست-ستمبر میں نشر کیا گیا تھا اور اسے OTT پلیٹ فارم ڈزنی پلس ہاٹ اسٹار پر

خوب پذیرائی ملی۔ اس کے علاوہ کرن ڈانس ریئلٹی شو جھلک دکھلا جا میں جج کے طور پر نظر آئے۔حال ہی میں دسمبر کے آغاز میں فلم گووندا نام میرا ڈزنی پلس ہاٹ اسٹار پر ریلیز ہوئی جسے دھرما پروڈکشن نے پروڈیوس کیا ہے۔ یہ فلم او ٹی ٹی پلیٹ فارم پر اچھا بزنس کر رہی ہے۔اس سال بےشمار کامیابیاں سمیٹنے پر کرن جوہر بہت خوش ہیں اور شکر گزار ہیں اپنے دوستوں اور مداحوں کے. انہوں نے اپنے مداحوں اور دوستوں کا شکریہ وڈیو کے زریعے انسٹاگرام پر کیا. یاد رہے کہ کرن جوہر کا گھر حال ہی میں گوری خان نے ڈیزائن کیا ہے اور کرن اس گھر میں جانے کے لئے بےتاب ہیں.

سب جانتے ہیں کہ شاہ رخ‌خان کی اہلیہ گوری خان بہت اچھی انٹیرئیر ڈیزائنر ہیں.ان کے سجائے ہوئے گھروں میں بہت ساری بالی وڈ‌ سلیبرٹیز رہتی ہیں گوری خان نے حال ہی میں معروف فلم میکر کرن جوہر کا گھر ڈیزائن کیا ہے.
گوری اور کرن جوہر پرانے دوست ہیں.کرن جوہر نے گوری خان کے شو ڈریم ہومز کے تازہ ترین ایپی سوڈ میں اپنے نئے گھر کو ڈیزائن کرنے کی درخواست کی جس پر گوری خان نے عمل کرتے ہوئے ان کے گھر کو لگا دئیے ہیں چار چاند. تاہم کرن جوہر کاکہنا ہے کہ میں بے تاب ہوں اپنے اس گھر میں جانے کےلئے جس کو گوری خان نے

ڈیزائن کیا ہے. کرن جوہر نے حال ہی میں اس حوالے سے ایک سوشل میڈیا پر ایک وڈیو شئیر کی جس میں وہ کہتے ہوئے سنے جا سکتے ہیں کہ گوری تمہاری وجہ سے میرا گھر خوبصورت بن گیا ہے میں اس گھر کے اندر داخل ہونے اور شفٹ ہونے کا بے صبری سے منتظر ہوں انہوں‌نے گوری خان کو ٹیگ بھی کیا جس پر انہوں نے کرن کا شکریہ ادا کیا اور لکھایہ پراجیکٹ یقینا میرے دل کے قریب تھا. دوسری طرف کرن جوہر نے گوری خان کی جمالیاتی حس کی بھی جم کر تعریف کی اور کہا کہ بے شک تمہاری جمالیاتی حس بہترین ہے.

دا لیجنڈ‌آف مولا جٹ جو کہ دو سو کروڑ کے کلب میں شامل ہو گئی ہے اس خوشی پر ڈائریکٹر بلال لاشاری ہیں نہایت خوش. ان کا کہنا ہے کہ ہمیں اندازہ تھا کہ ہم نے ایک اچھی چیز تیار کی ہے لیکن یہ اندازہ نہیں تھا کہ یہ کامیابی کے نئے ریکارڈ قائم کریگی . اپنے حالیہ انٹرویو میں بلال لاشاری نے کہا کہ بھارتی فلمساز کرن جوہر نے دا لیجنڈ آف مولا جٹ دیکھنے کے بعد مجھے کال کی اور فلم کی بے حد تعریف کی انہوں‌نے کہا کہ پاکستان کی طرف سے کافی برس کے بعد کوئی ایسی زبردست فلم دیکھنے کو ملی ہے. بلال نے کہا کہ میں نے مولا جٹ پر بہت محنت

کی بہت سال لگائے اب میں تھوڑا ریسٹ کرنا چاہتا ہوں جس کی وجہ سے کوئی بھی پراجیکٹ نہیں‌کررہا . ابھی آرام کررہا ہوں اور کچھ عرصے کے بعد کسی نئے پراجیکٹ‌پر کام کروں گی. ہم سب بہت خوش ہیں اور میری دعا ہے کہ پاکستان میں‌بننے والی تمام فلمیں‌زبردست بزنس کریں. انہوں نے کہا کہ پاکستان میں اس وقت اچھی فلم بن رہی ہیں ٹچ بٹن بھی ان میں سے ایک ہے . میں نے فلم دیکھی ہے بہت اچھی بنی ہے سب کی اداکاری بہت اچھی ہے میں فیملیز سے کہوں گا کہ ضرور سینما گھروں میں‌آکر فلم دیکھیں‌.

دا لیجنڈ‌آف مولا جٹ نے پاکستان سمیت پوری دنیا میں دھوم مچا رکھی ہے فلم کو ریلیز ہوئے پانچ ہفتے سے زائد کا وقت ہو چلا ہے لیکن فلم مسلسل سپر ہٹ جا رہی ہے اور سینما گھروں میں‌ ہائوس فلم جا رہے ہیں. فلم سے جڑے ہر انسان کی تعریف ہو رہی ہے . دا لیجنڈ آف مولا جٹ بھارتی فلم میکر کرن جوہر نے تک نے دیکھی ہے اور تعریفوں کے پل باندھے ہیں. حال ہی میں‌ایک انٹرویو میں‌اداکار گوہر رشید نے انکشاف کیا ہے کہ بھارتی فلمساز کرن جوہر نے دا لیجنڈ آف مولا جٹ دیکھنے کے بعد بلال لاشاری کو کال کی اور ان کے کام کی بے حد تعریف کی انہوں نے کہا کہ کرن جوہر نے نہ بلال لاشاری کو مبارکباد دیتے ہوئے کہا کہ یہ فلم پورے پاکستان اور پاکستانیوں کے لئے فخر ہے.

یاد رہے کہ دا لیجنڈ آف مولا جٹ میں‌ مولا جٹ کا کردار کرنے والے فواد خان کرن جوہر کے قریب دوست ہیں اور وہ ان کے ساتھ فلمیں بھی بنا چکے ہیں شاید انہوں نے فواد خان کی وجہ سے فلم دیکھی . لیکن صرف کرن جوہر ہی نہیں‌ جس جس نے بھی فلم دیکھی ہے وہ اس کی بے حد تعریف کررہا ہے اور ایک بار دیکھنے کے بعد فلم کو دوبارہ ضرور دیکھا جا رہا ہے.

عالیہ بھٹ اور رنویر سنگھ جلد ہی فلم راکی ​​اور رانی کی پریم کہانی میں ایک ساتھ نظر آئیں گے.عالیہ اور رنویر گلی بوائے کے بعد ایک بار پھر بڑے پردے پر نظر آئیں گے۔ اس فلم کے ساتھ کرن جوہر بھی کئی برسوں کے بعد ڈائریکشن کے میدان میں دکھائی دیں گے . کرن جو ہر نے جس فلم کی آخری بار ڈائریکشن کی تھی وہ فلم تھی اے دل ہے مشکل یہ 2016 میں ریلیز ہوئی تھی، اس میں انوشکا شرما اور رنبیر کپور نے مرکزی کردار ادا کیے تھے۔ راکی اور رانی کی پریم کہانی جو پہلے فروری 2023 میں ریلیز ہونے والی تھی اب ملتوی کر دی گئی ہے اور اب اپریل 2023 میں ریلیز کی جائیگی۔یوں اس بار جو فلم کی ریلیز کی تاریخ طے کی گئی ہے ایسا کہا جا رہا ہے کہ یہ فائنل ہو گی اس کے بعد اسکو تبدیل نہیں‌کیا جائیگا . اس فلم کے ڈائریکٹر کرن جوہر نے اپنے انسٹاگرام اکاؤنٹ پر

عالیہ اور رنویر کی فلم کی ریلیز کی تاریخ کے حوالے سے ایک پوسٹ شیئر کی اور لکھا کہ فلم 28 اپریل 2023 کو سینما گھروں میں ریلیز ہوگی۔انہوں نے یہ بھی لکھا کہ 7 سال بعد میرے لیے اپنے پہلے گھر یعنی سینما گھروں میں واپسی کا وقت آگیا ہے۔ مجھے اپنی 7ویں فلم کے سیٹ پر ایک نہیں بلکہ کئی نامور اداکاروں کے ساتھ کام کرنے کا اعزاز حاصل تھا۔انہوں‌نے کہا کہ اس فلم کی موسیقی دلوں کو موہ لینے والی ہے اورکہانی ایسی ہے کہ جو ہماری خاندانی روایات کی عکاسی کرتی ہے.کرن جوہر نے یہ بھی لکھا کہ پاپ کورن خرید کر بڑی سکرین پر دوستوں اور فیملی کے ساتھ بیٹھنے کا وقت آگیا ہے. یاد رہے کہ کرن جوہر کا دعوی ہے کہ جیا بچن اس فلم میں ایک نئے روپ میں نظر آئیں گی.

نوے کی دہائی کی سپر ہٹ اداکارہ کاجول جو ایک بڑے پیمانے پر فین فالونگ رکھتی ہیں. ان کے بارے میں فلم ساز کرن جوہر نے کپل شرما کے شو میں ایک انکشاف کیا ہے اور وہ انکشاف یہ ہے کہ کاجول کھلاڑیوں کے کھلاڑی اکشے کمار کی بہت بڑی فین تھیں انہیں بہت زیادہ پسند کرتی تھیں. کرن جوہر نے بتایا ہے کہ فلم حنا کے پریمئیر پر ہم سب موجود تھے کاجول بھی وہاں آئیں ، ہماری اس سے پہلے دوستی نہیں تھی، میں نے دیکھا کہ کاجول وہاں پر اکشے کمار کو ڈھونڈ رہیں تھیں میں بھی اکشے کو ہی تلاش کررہا تھا . ہم دونوں کو اس دن پریمئیر میں اکشے کمار تو نہ ملا لیکن ایک دوسرے کو ہم مل گئے. یہیں سے ہماری دوستی کا آغاز ہوا. ہمارے ماں باپ کی آپس میں دوستی تھی لیکن ہماری نہیں تھی

ہماری بھی دوستی ہو گئی . کرن جوہر نے یہ بھی بتایا کہ جب کاجول نے پہلی بار اجے دیوگن کو دیکھا تو انہیں وہ بھی پسند نہیں آئے تھے. انہوں نے کہا کہ سو میں سے ننانوے لوگ تو کاجول کو پسند نہیں آتے. یہاں تک کہ مجھے بھی کاجول نے جب دیکھاتو مجھ پہ ہنستی رہیں اور میں بہت شرمندہ ہوں. واضح رہے کہ کاجول نے اجے دیوگن کے ساتھ محبت کی شادی کی دونوں ایک دوسرے کے ساتھ ہنسی خوشی زندگی بسر کررہے ہیں.

دا لیجنڈ آف مولا جٹ نے پاکستان انڈیا امریکہ میں دھوم مچا رکھی ہے . اردو پنجابی سجھنے والے شائقین فلم دیکھنے کےلئے بےتاب ہیں یہی وجہ ہے کہ مولا جٹ جہاں جہاں جس جس سینمامیں لگی ہوئی ہے وہاں شائقین کا ہجوم دیکھنے کو مل رہا ہے. فواد خان چونکہ بالی وڈ میں بھی بہت مقبولیت رکھتے ہیں ، ماہرہ خان اور حمائمہ ملک بھی انڈیا میں کام کرچکے ہیں اور پھر فلم بہت بڑے بجٹ کے ساتھ بنی ہے اور بہت کمائی بھی کررہی ہے. لہذا بالی وڈ کے فلمسازوں کے اندر بھی ایک تشویش ہے کہ آخر فلم ہے کیسی . پنجابی زبان میں بنی اس فلم کو بھارتی فلمساز

کرن جوہر نے سینما گھر میں جا کر دیکھا ہے.کرن جوہر کی سینما گھر میں بیٹھے کی تصاویر سوشل میڈیا پر وائرل ہو رہی ہیں. کرن جوہر جو کہ فواد خان کے بہت اچھے دوست ہیں انہوں نے دا لیجنڈ آف مولا جٹ دیکھنے کےلئے خصوصی طور پر وقت نکالا ہے. کرن جوہر کی تصاویر وائرل ہوتے ہی سوشل میڈیا پر صارفین اس پر تبصرے کرنے لگے . یاد رہے کہ فلم دا لیجنڈ آف مولا جٹ ابھی تک دو سو کروڑ سے اوپر کا بزنس کر چکی ہے اور مزید بزنس جاری ہے کیونکہ فلم کو ایک نہیں بار بار شائقین دیکھنے کے لئے سینما گھروں کا رخ کررہے ہیں.

بالی وڈ اداکار سدھارتھ ملہوترا اور کیارا ایڈوانی کی دوستی یا ان کی محبت بی ٹائون میں خاصی چرچا میں ہے. دونوں ایک دوسرے کے ساتھ دیکھے جاتے ہیں ایک دوسرے کے ساتھ وکقت گزارتے ہیں. ٹی وی کا رئیلٹی شو جھلک دکھلا جا میں سدھارتھ ملہوترا نے گزشتہ دنوں شرکت کی اور اس شو کے جج کرن جوہر ہیں انہوں نے سدھارتھ ملہوترا سے مذاق میں ایک سوال کیا کہ ہم نے سنا ہے کہ ان دنوں آپ کی راتیں لمبی ہیں۔ کیا یہ سچ ہے؟ تو اس سوال پر سدھارتھ شرما گئے اور شرماتے ہوئے کہا کہ رانجھا ہوں تو ہوں گی نا. سدھارتھ ملہوترا اس شو میں نورا فتحی کے ساتھ اپنی آنے والی فلم تھینک گاڈ کی تشہیر کے لئے پہنچے.یاد رہے کہ فلم شیرشاہ سال 2021 میں ریلیز ہوئی تھی اس میں سدھارتھ ملہوترا اور کیارا

ایڈوانی نے مرکزی کردار ادا کیے تھے۔ فلم کے راتاں لمبیاں اور رانجھا جیسے گانے بہت زیادہ ہٹ ہوئے اور اب بھی مختلف سوشل میڈیا پلیٹ فارمز پر ٹرینڈ جاری رکھے ہوئے ہیں۔یہ گانے سدھارتھ اور کیارا ایڈوانی پر پکچرائز ہوئے تھے. ہندوستان ٹائمز کی چند روز قبل شائع ہونے والی ایک رپورٹ کے مطابق اس میں دعویٰ کیا گیا تھا کہ سدھارتھ اور کیارا دونوں اگلے سال اپریل 2023 میں دہلی میں شادی کے بندھن میں بندھ جائیں گے تاہم دونوں نے ابھی تک اس افواہ کی باضابطہ تصدیق نہیں کی ہے۔

گزشتہ روزبالی وڈ کے مشہور فلمساز کرن جوہر نے ٹوئٹر پر اعلان کیا کہ وہ مائیکرو بلاگنگ سائٹ چھوڑ رہے ہیں۔ انہوں نے اپنا آخری ٹویٹ شیئر کیا اور کہا کہ وہ اپنی مثبت توانائیاں مثبت کاموں‌میں لگانا چاہتے ہیں. انہوں نے اپنے ٹویٹ میں الوداع ٹوئٹر بھی لکھا اور اپنی اس آخری ٹویٹ کے بعد اپنا اکاؤنٹ ڈیلیٹ کر دیا۔کرن جو ایک عرصے سے بری طرح سے ٹوئٹر پر ٹرول ہو رہے تھے وہ اکثر اپنے شو میں ٹرولنگ کے حوالے سے زکر کرتے رہتے تھے کرن جوہر نے جو اپنا حالیہ سیزن کافی ود کرن کیا اس میں انہوں نے ہر قسط میں عالیہ بھٹ کا نام لیا اس

وجہ سے بھی کرن جوہر بہت زیادہ ٹرول ہوئے.کرن نے اپنے اسی شو میں اس بات کا اعتراف کیا کہ عالیہ بھٹ نے بھی انہیں‌ایسا کرنے سے منع کیا ہے یعنی کہ ہر قسط میں میرا نام لینا بند کریں. یوں کرن جوہر نے ٹرولنگ کے ہاتھوں اپنا ٹوئٹر اکائونٹ ہی ڈی ایکٹیویٹ کر دیا ہے. یاد رہے کہ کرن جوہر اپنی اگلی فلم راکی اور رانی کی پریم کہانی کی تیاری میں لگے ہوئے ہیں اس میں انکی ہیروئین عالیہ بھٹ اور ہیرو رنویر سنگھ ہیں. فلم کی شوٹنگ مکمل ہو چکی ہے تاہم ریلیز کا اعلان ابھی نہیں کیا گیا.

بالی وڈ کے فلمساز کرن جوہر نے حال ہی میں بات کی ان کو آن لائن ملنے والی نفرت پر. انہوں نے کہا ہے کہ ایک عرصہ سے میں ٹرول ہو رہا ہوں. اور وقت گزرنے کے ساتھ ساتھ میں نے خود کو اتنا مضبوط کر لیا ہے کہ اب مجھے آن لائن ٹرولنگ پریشان نہیں کرتی. لوگ کیا سوچتے ہیں میں اب اسکے بارے میں بھی بہت زیادہ نہیں سوچتا. میرے خلاف گھٹیا، خوفناک باتیں لکھی جاتی ہیں ٹرول کرنے والے میرے بچوں کو بھی نہیں چھوڑتے اور گالیاں دیتے ہیں. کرن جوہر نے یہ بھی انکشاف کیا کہ وہ زیر علاج ہیں اور ماضی میں انہیں پریشانی کے مسائل کا سامنا رہا ہے اور

پانچ سال تک وہ اسی جنگ کو لڑتے رہے. انہوں نے کہا کہ یہی وہ وقت تھا جب میں نے کھل کر اپنے ڈاکٹر سے بات کی اور علاج جاری رکھا. یاد رہے کہ کرن جوہر کی حال ہی میں فلم براہمسٹرا ریلیز ہوئی ہے اور اسے عوام میں خاصی پذیرائی ملی ہے. اسکے بعد کرن جوہر راکی اور رانی کی پریم کہانی کی تیاری میں مصروف ہیں اس میں عالیہ بھٹ ، رنویر سنگھ ، جیا بچن ، شبانہ اعظمی اور دھرمیندر نظر آئیں گے.اس فلم کی ریلیز کے فوراً بعد کرن جوہر ایک ایکشن فلم پر کام شروع کریں گے۔ تاہم آج کل ان کا شو کافی ود کرن کامیابی سے جاری ہے اس شو کی ہر قسط کسی نہ کسی سوال یا جواب کے حوالے سے کنٹرورشل ہوجاتی ہے.