Tag: کرکٹ

عمران خان پر حملہ: پاکستان میں موجود آئرلینڈ کرکٹ ٹیم کے حوالے سے آئرش بورڈ کا بیان آگیا ہے ، جس میں‌ پاکستان تحریک انصاف کے چیئرمین عمران خان پر آج گجرانوالہ میں قاتلانہ حملے کے بعد لاہور میں موجود آئرلینڈ کرکٹ ٹیم کے حوالے سے آئرش کرکٹ بورڈ کا بیان سامنے آگیا ہے۔

آئرلینڈ ویمن کرکٹ ٹیم ان دنوں تین ون ڈے میچز کی سیریز کے لیے لاہور میں موجود ہے،تاہم آج عمران خان کے ساتھ پیش آئے واقعہ پر کرکٹ آئرلینڈ نے بیان دیا ہے۔

کرکٹ آئر لینڈ کا کہنا ہے کہ ہم سابق وزیر اعظم عمران خان کے حوالے سے پیش آنے والے واقعہ سے آگاہ ہیں، یہ واقعہ لاہور سے تقریباً 150 کلومیٹر دور پیش آیا۔

کرکٹ آئر لینڈ نے اپنے بیان میں کہا ہے کہ ہم پی سی بی ، ملک میں سیکورٹی ایڈوائزرز اور ڈپلومیٹک سروسز کے ساتھ رابطے میں ہیں۔پی سی بی کے چیف ایگزیکٹو فیصل حسنین نے کرکٹ آئر لینڈ کے چیف ایگزیکٹو ویرن ڈیوٹرم اور منیجر بیتھ ہیلی سے براہ راست بات کی ہے۔

کرکٹ آئر لینڈ کے بیان میں کہا گیا ہے کہ تازہ واقعہ کے بعد تھریٹ لیول میں کوئی تبدیلی نہیں آئے گی، آئر لینڈ ویمن اسکواڈ کو تمام صورتحال کے بارے آگاہ کیا گیا ہے۔ دورے کے دوران سیکورٹی کے جو اقدامات کیے گئے ہیں ان میں کوئی تبدیلی نہیں کی گئی، اگر حالات میں تبدیلی ہوئی تو مزید اپ ڈیٹ فراہم کی جائے گی۔

واضح رہے پاکستان اور آئر لینڈ کی ویمن کرکٹ ٹیموں کے درمیان تین ون ڈے میچز کی سیریز کا پہلا میچ کل قذافی اسٹیڈیم لاہور میں کھیلا جائے گا۔

پرتھ:آئی سی سی ٹی ٹونٹی ورلڈ کپ کے اہم ترین میچ میں نیدرلینڈز نے پاکستان کو جیت کے لئے 92 رنز کا ہدف دیا تھا جو پاکستان نے 14 ویں اوورز میں4 وکٹ کے نقصان پر پورا کرلیا

اس سے پہلے پرتھ میں ہونے والے اس اہم میچ میں نیدرلینڈز کے کپتان اسکاٹ ایڈورڈز نے ٹاس جیت کر قومی کپتان بابر اعظم کو فیلڈنگ کی دعوت دی، نیدرلینڈز نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 91 رنز بنائے۔

17 اوورز میں نیدرلینڈز نے 6 وکٹس کے نقصان پر 73 رنز سکور کئے، شاہین، حارث اورنسیم شاہ نے ایک ایک جب کہ شاداب خان نے 3 وکٹیں حاصل کی ہیں۔

فاسٹ بولر شاہین شاہ آفریدی نے ٹورنامنٹ کی پہلی وکٹ اوپنر اسٹیفن مائیبرگ کی صورت میں حاصل کی، اس کے علاوہ شاداب خان نے ریٹائرڈ ہرٹ ہونے والے بیس ڈی لیڈ کی جگہ آنے والے ٹام کوپر کو آؤٹ کیا۔

واضح رہے کہ پاکستانی ٹیم ٹورنامنٹ میں اب تک کوئی میچ نہیں جیت سکی ہے، قومی ٹیم کو ابتدائی دو میچز میں بھارت اورزمبابوے کے ہاتھوں شکست کا سامنا کرنا پڑا۔

واضح رہے کہ پاکستانی ٹیم ٹورنامنٹ میں اب تک کوئی میچ نہیں جیت سکی ہے، قومی ٹیم کو ابتدائی دو میچز میں بھارت اورزمبابوے کے ہاتھوں شکست کا سامنا کرنا پڑا۔
پاکستانی ٹیم ٹورنامنٹ میں اب تک کوئی میچ نہیں جیت سکی ہے، قومی ٹیم کو ابتدائی دو میچز میں بھارت اور زمبابوے کے ہاتھوں شکست کا سامنا کرنا پڑا۔

دوسری جانب آج پاکستان میں ہوا اور بارش کا امکان ہے، پرتھ میں مقامی وقت کے مطابق دن دو سے چار بجے تک بارش کی پیش گوئی کی گئی ہے۔

بھارت اور زمبابوے سے شکست کے بعد پاکستان کو اب اپنے تمام میچ بھاری مارجن سے جیتنا ہوں گے۔نیدر لینڈز کے بعد پاکستان جنوبی افریقا اور بنگلا دیش سے مدمقابل آئے گا۔

ایک بھی میچ میں شکست پاکستان کو سیمی فائنل کی دوڑ سے باہر کردے گی۔ اس کے علاوہ آج شام بھارت کو جنوبی افریقا کے خلاف میچ جیتنا بھی ضروری ہے۔

لاہور:آئی سی سی ٹی 20 ورلڈ کپ 2022 میں زمبابوے کی پاکستان کے خلاف غیر متوقع جیت نے گروپ 2 کو تمام ٹیموں کے لیے دلچسپ بنا دیا ہے لیکن اس نے پاکستان سیمی فائنل میں پہنچنے کے لیے اگر اور مگر کے گھن چکر میں پھنسا دیا ہے۔

بھارت اور زمبابوے کے خلاف شکستوں کے بعد پاکستان اس وقت پانچویں نمبر پر ہے جس کے دو میچوں میں کوئی پوائنٹ نہیں ہے، ادھر بھارت، جنوبی افریقا، بنگلا دیش اور زمبابوے ٹیبل پر پاکستان سے آگے ہیں، بھارت کے دو میچوں میں 4 پوائنٹس ہیں جبکہ زمبابوے اور جنوبی افریقا کے دو میچوں میں 3، 3 پوائنٹس ہیں، بنگلا دیش کے پاس 2 پوائنٹس ہیں۔

ٹورنامنٹ میں پاکستان کا اگلا مقابلہ نیدرلینڈ سے ہے، اس کے بعد جنوبی افریقا اور بنگلا دیش کے خلاف کھیلے جائیں گے اور یہ تینوں میچز اب پاکستان کے لیے جیتنا ضروری ہیں، ایک اور شکست پاکستان کو سیمی فائنل کی دوڑ سے باہر کرنے کے لیے کافی ہوگی۔

لیکن بابر اعظم الیون کے لیے محض تین مسلسل جیت کافی نہیں ہوگی کیونکہ انہیں دوسری ٹیموں کی کارکردگی پر انحصار کرنا ہوگا۔

پاکستان کے لیے اب بہترین منظر نامہ یہ ہے کہ اتوار کو بنگلا دیش نے زمبابوے کو ہرایا، بھارت نے جنوبی افریقا کو اور پاکستان نے نیدرلینڈز کو ہرایا، اس سے بھارت 6 پوائنٹس کے ساتھ پہلے، بنگلا دیش 4، زمبابوے 3 اور پاکستان 2 پوائنٹس کے ساتھ دوسرے نمبر پر رہے گا۔

اس کے بعد 2 نومبر کو پاکستان کے لیے اہم ہو گا کہ نیدرلینڈز زمبابوے کو ہرائے اور بھارت بنگلا دیش کو ہرائے اور پھر 3 نومبر کو سڈنی میں پاکستان جنوبی افریقا کو ہرائے۔

ایسے میں بھارت کے 8 پوائنٹس ہوں گے، پاکستان اور بنگلا دیش کے 4 ،4 جبکہ جنوبی افریقا اور زمبابوے کے 3، 3 پوائنٹس ہوں گے۔

گروپ میں شامل تمام ٹیمیں 6 نومبر کو ایکشن ہوں گی جہاں پاکستان کو بنگلا دیش کو ہرانا ہوگا اور زمبابوے کے خلاف بھارت کی جیت اور نیدرلینڈز کے خلاف جنوبی افریقا کی ممکنہ جیت کی امید ہے۔

اگر خواہشات گھوڑے ہوتیں اور پاکستان کی مساوات کے مطابق سب کچھ ٹھیک ہو جاتا ہے، مذکورہ بالا منظرنامہ بھارت کو 10 پوائنٹس کے ساتھ سرفہرست رکھے گا، اس کے بعد پاکستان 6 اور جنوبی افریقا 5 پوائنٹس کے ساتھ دوسرے نمبر پر ہے۔

India lead the way in Group 2 with 4 points, Pakistan and Netherlands yet to get off the mark!#T20WorldCup pic.twitter.com/bySsg4tGXm

— ESPNcricinfo (@ESPNcricinfo) October 27, 2022

لیکن اگر اتوار کو جنوبی افریقا بھارت کو ہرا دیتا ہے تو وہ پاکستان کو ہاٹ سیٹ پر کھڑا کر دے گا، بھارت کے خلاف جنوبی افریقا کی جیت سے جنوبی افریقا 5 پوائنٹس کے ساتھ اور بھارت کے 4 پوائنٹس ہوں گے، جنوبی افریقا کا ہالینڈ کے خلاف ایک میچ ہوگا جس میں ان کے جیتنے کا امکان ہے اور بھارت کا مقابلہ زمبابوے اور بنگلا دیش سے ہوگا اور دونوں ہی کھیل میں بھارت کے جیتنے کا امکان ہے۔

لہٰذا اگر جنوبی افریقا بھارت کو ہرا دیتا ہے تو پاکستان کو نیدرلینڈز کے لیے دعا کرنی ہوگی کہ وہ جنوبی افریقا اور زمبابوے کو بھارت کو پریشان کرنے کے لیے اور اپنے نیٹ رن ریٹ میں بہتری کی امید کریں۔

اتوار کی شام تک پاکستان کی صورتحال واضح ہونے کا قوی امکان ہے، لہٰذا آئیے امید کرتے ہیں کہ ہندوستان اپنی جیت کا سلسلہ جاری رکھے گا اور پاکستان کی امیدوں کو زندہ رکھنے کے لیے جنوبی افریقا کو یقین سے شکست دے گا۔

لاہور:عدم برداشت بڑھنے لگی:وسیم اکرم نے لائیو شو میں شعیب ملک کی بےعزتی کردی ، اس بے عزتی کے چرچے دنیا میں وائرل ہونے لگے ہیں، اطلاعات ہیں کہ قومی کرکٹ ٹیم کے سابق کپتان وسیم اکرم نے براہ راست نشریات کے دوران شعیب ملک کو گدھے سے تشبیہہ دے دی۔

ٹی ٹوئنٹی ورلڈ کپ میں زمبابوے کے ہاتھوں شرمناک شکست کے بعد پاکستان ٹیم کی سلیکشن اور مینجمنٹ پر انگلیاں اٹھائی جارہی ہیں۔

شائقین کرکٹ کی جانب سے ٹیم کے بیٹنگ مڈل آرڈر کو لیکر متعدد سوالات ہورے ہیں۔ ایسے میں سابق اسٹار کرکٹر وسیم اکرم نے بھی کپتان بابر اعظم کو ٹیم کی درست سلیکشن نہ کرنے پر مورد الزام ٹہرایا ہے۔سوشل میڈیا پر وسیم اکرم کا ایک کلپ وائرل ہوا ہے جس میں وہ پاکستان کے مڈل آرڈر کی ناکامی پر اظہار خیال کررہے ہیں۔

لیجنڈ کرکٹر کہتے ہیں کہ ایک سال سے سب ہی جانتے ہیں کہ پاکستان کا مڈل آرڈر کمزور ہے۔ اب اگر میں کپتان ہوتا تو میرا ایک ہی مقصد ہوتا کہ ہم کیسے ورلڈ کپ جیتیں، اس کے لئے مجھے گدھے کو بھی باپ بنانا پڑے تو بنالوں گا کیونکہ میں ورلڈ کپ جیتنے جارہا ہوں۔

وسیم اکرم اپنی گفتگو جاری رکھتے ہوئے کہتے ہیں کہ اگر مجھے مڈل آرڈر میں شعیب ملک چاہیے تو میں اس بات کو یقینی بناؤں گا اور چیئرمین، سلیکٹر سے بات کروں گا۔

پرتھ:ٹی 20 ورلڈکپ میں زمبابوے نے پاکستان کو جیت کے لیے 131 رنز کا ہدف دیدیا،اطلاعات کے مطابق زمبابوے کی ٹیم نے ٹاس جیت کر پہلے بیٹنگ کو ترجیح دی تو کریگ ارون اور ویسلی مدھویرے نے اننگز کا آغاز کیا۔ دونوں بیٹرز نے جارحانہ انداز اپنایا۔

زمبابوے کو پہلا نقصان 42 سکور پر اٹھانا پڑا، حارث رؤف نے ارون کو پویلین بھیجا، کپتان نے 19 رنز بنائے، 43 سکور پر مدھویرے بھی کریز چھوڑ گئے، اوپنر نے 17 رنز کی باری کھیلی، شمبا 10 گیندوں پر آٹھ رنز بنا کر شاداب خان کو کیچ دے بیٹھے۔

دیگر کھلاڑیوں میں سین ولیمز 31، سکندر رضا 9، چکابوا 0، برل 10، جونگوے 0، ایونز 19 رنز بنا کر پویلین لوٹے، قومی ٹیم کی طرف سے محمد وسیم نے چار کھلاڑیوں کو پویلین بھیجا، شاداب خان نے تین شکار کیے۔

قومی سکواڈ:

بابراعظم (کپتان) ، نائب کپتان شاداب خان، محمد رضوان، شان مسعود، افتخار احمد ، حیدر علی، محمد نواز، محمد وسیم جونیئر، شاہین شاہ آفریدی، نسیم شاہ اور حارث رؤف

زمبابوین سکواڈ:

کریگ ارون (کپتان) ، ویسلی مدھویرے، کریگ ارون، شمبا، شان ولیمز، سکندر رضا، ریگیس چکابوا، ریان برل، لیوک جونگوے، بریڈ ایونز، رچرڈ نگروا، موذربانی

پاکستانی ٹیم میں ایک تبدیلی کی گئی ہے اور آصف علی کی جگہ محمد وسیم جونیئر کو پلیئنگ الیون کا حصہ بنایا گیا ہے۔

قومی کرکٹ ٹیم کی قیادت بابراعظم کررہے ہیں، دیگر کھلاڑیوں میں نائب کپتان شاداب خان، محمد رضوان، شان مسعود، افتخار احمد اور حیدر علی شامل ہیں۔ اس کے علاوہ محمد نواز، محمد وسیم جونیئر، شاہین شاہ آفریدی، نسیم شاہ اور حارث رؤف بھی پلیئنگ الیون کا حصہ ہیں۔

یاد رہے کہ ٹی ٹوئنٹی ورلڈکپ کے پہلے میچ پاکستان کو بھارت نے انتہائی دلچسپ مقابلے کے بعد آخری اوور میں 4 رنز سے شکست دی تھی جبکہ زمبابوے کا جنوبی افریقا سے سپر 12 مرحلے میں ہونے والا میچ بارش کے باعث بغیر کسی نتیجے کے ختم ہو گیا تھا اور دونوں ٹیموں کو ایک ایک پوائنٹ دے دیا گیا ہے۔

لاہور:کراچی کے نیشنل اسٹیڈیم کا نام تبدیل کر دیا گیا اور اب نیشنل بینک کرکٹ ارینا بن گیا۔پاکستان کرکٹ بورڈ نے نیشنل اسٹیڈیم کے نام کی تبدیلی کیلئے قومی بینک سے معاہدہ کر لیا۔این بی پی اور پی سی بی کے درمیان نیشنل سٹیڈیم کے نیمنگ رائیٹس کےلئے ایم او یو پر دستخط،اطلاعات کے مطابق نیشنل بینک آف پاکستان اور پاکستان کرکٹ بورڈ نے پاکستان میں کرکٹ کے فروغ اور ترقی کےلئے مفاہمت کی یادداشت پر دستخط کئے ہیں۔

معاہدے پر پی سی بی چیئرمین رمیز راجہ اور بینک کے صدر اور سی ای او رحمت علی حسنی نے دستخط کیے اور یہ معاہدہ 5 سال کیلئے ہوا ہے۔

ٹی20 ورلڈکپ؛ آسٹریلیا کیخلاف سری لنکا کی بیٹنگ جاری

اس حوالے سے رمیز راجہ کا کہنا تھاکہ قومی بینک کا پی سی بی کے ساتھ جڑنا ایک اعزاز ہے، اسٹیڈیمز مارکیٹنگ کا ایک شاندار طریقہ ہے اور دنیا بھرمیں اس کو اہمیت دی جاتی ہے۔

انہوں نے کہا کہ کراچی کرکٹ کا گڑھ ہے اور نیشنل اسٹیڈیم پاکستان کرکٹ کی ایک تاریخ ہے۔ سی ای او نیشنل بینک کا کہنا تھاکہ ہماری بورڈ کے ساتھ پارٹنر شپ کی شروعات ہیں، قومی ادارے کی حیثیت سے کام کر رہے ہیں، نیشنل اسٹیڈیم کے رائٹس لینا اعزاز ہے۔

مفاہمت کی یادداشت پر حال ہی میں این بی پی کے قائم مقام صدر رحمت علی حسنی اور پی سی بی کے چیئرمین رمیز راجہ نے لاہور میں پاکستان کرکٹ بورڈ کے ہیڈ آفس میں دستخط کئے جس کے تحت این بی پی کو نیشنل سٹیڈیم کراچی کےلئے آئندہ پانچ سال کےلئے نیمنگ رائیٹس ملیں گے۔

بلوچستان ہاکی ایسوسی ایشن کے چیف سلیکٹر سمیت 4 حکام ٹریفک حادثے میں جاں بحق

رمیز راجہ اور رحمت علی حسنی نے میڈیا سے بات چیت کرتے ہوئے اس بات پر اتفاق کیا کہ دونوں ادارے نچلی سطح پر ٹیلنٹ کی تلاش اور ان کی صلاحیتوں کو نکھارنے کےلئے مل کر کام کریں گے جو ملک میں کرکٹ کی ترقی اور فروغ کےلئے بہت ضروری ہے۔