Tag: کرکٹ

لاہور:غلط منصوبہ بندی میچ ہارنے کا سبب بنی:ٹیم مینجمنٹ کونظرثآنی کرنی چاہے:ماہرین وشائقین کرکٹ کی طرف سے پاکستان کرکٹ ٹیم کو بھارت کے ہاتھوں شکست پرماہرانہ رائے اور تجاویز دی ہیں

پاکستان کی شکست پرشکستہ دل ماہرین کرکٹ اور شائقین کرکٹ کا خیال ہےکہ آج پاکستان کے ہارنے کی ویسے تو بہت سی وجوہات ہوسکتی ہیں لیکن بنیادی طور پر دوبڑی وجوہات ہیں

پاکستان ٹیم کے ذمہ داروں کوشاید پاکستان کی بیٹنگ لائن کا درست اندازہ نہیں جسے پہلے لانا چاہیے تھا وہ بعد میں بھیجا گیا اور جو بعد میں بھیجا جانا چاہیے تھا اس سے اوپننگ کروا کرٹیم کوشکست سے دوچار کیا گیا ہے

ماہرین کا خیال ہے کہ پہلی بار افتخار کو کھل کرکھیلنے کا موقع ملا ہے اور اس نے بہتر انداز سے اپنی اہلیت ثابت کی ہے اورزبردست کھیلا ہے

ماہرین کرکٹ اور شائقین کرکٹ کا خیال ہے کہ ہمارےہاں رضوان کو ٹاپ لیول کا کھلاڑی قرار دیا جاتا ہے لیکن 2 میچز کے علاوہ اس نے پاکستان کو کون سے دوسرے کوئی میچ جتائے، اہل رائے کا یہ بھی کہنا تھا کہ رضو ان کے خلاف ہندوستانیوں کا زبردست آف سائیڈ پلان تھا۔جووہ حاصل کرنے میں کامیاب رہے

میلبرن:ٹی20 ورلڈکپ کےسپر12مرحلہ:بھارت کے خلاف پاکستان کی بیٹنگ:14 اوورز کے اختتام…

ان کا یہ بھی کہنا تھا کہ شاہین شاہ آفریدی فٹ نہیں ہیں اور ان کے رن اپ نے کریز تک پہنچنے کے لیے جواور جس طرح منظرسامنے آیا اس سے یہ ثابت ہوتا ہے کہ شاہین شاہ آفریدی کو زبردستی ٹیم میں شامل کیا گیا ، شائقین پوچھتے ہیں کہ ایسا کیوں ہوا جبکہ علم بھی تھا کہ وہ کھیل نہیں پائے گا پھربھی اس کو شامل کرکے کس کو خوش کیا گیا

نواز کے کھیل پر تبصرہ کرتے ہوئے کہا گیا ہے کہ ایک سپنرکو کھیلنا اور چھکے مارنا بہت آسان ہوتا ہے پتہ نہیں پھر اس موقع پرغیرمتوقع فیصلہ کیوں کیا گیا

شائقین کرکٹ اورماہرین کرکٹ کہتے ہیں کہ آصف علی تیز رنز بنانے کے حوالےسے ٹیم میں ہیں پھر بھی آٹھویں نمبر پر آئے اور شاداب اور نواز دونوں باؤلنگ آل راؤنڈرز نے آصف سے پہلے بیٹنگ کی یہ ناقص منصوبہ بندی نہیں تو اور کیا ہے

ٹی20 ورلڈکپ:سپر12مرحلہ:سنسنی خیزمقابلے کے بعد بھارت نے پاکستان کو شکست دے دی

ماہرین کرکٹ اور شائقین کرکٹ کا کہنا ہے کہ انہوں نے پاکستان کی بیٹنگ لائن میں بہت سی خامیاں دیکھی ہیں، سب سے بڑی اور پہلی بات تو یہ ہےکہ پاکستان کی اننگز کی 9ویں گیند تک پاکستانی بلے بازوں کو 8 گیندوں کی سمجھ ہی نہیں آئی کہ کیسے کھیلنا ہے اور پھربڑی مشکل سے 9ویں گیند بلے سے جاٹکرائی جس سے بلے بازوں پر سے خوف کچھ کم ہوا اوراگریہ حال تھا تو وہ کیسے بھارتی باولروں کو آسانی سے کھیل سکتے تھے

بھارت نوازایمپائرنگ:بھارت کیخلاف آخری اوور میں نواز کی نوبال متنازع ہوگئی، سابق…

پاکستان کے فاسٹ باولروں نے اچھی باولنگ کی ، خاص کر حارث روف کا ذکرکرنا ضروری ہے اس نے بھی اچھی باولنگ کی ، جس پر کوہلی صرف 6 رنزبنا سکے ، ماہرین کرکٹ اور شائقین کرکٹ کا کہنا ہے کہ محمد نواز نے اچھی کوئی خاص باولنگ نہیں کی بلکہ الٹا نو بال بھی ان کے کھاتے میں پڑ گئی جو پاکستان کی شکست کا سبب بنی

ان سب باتوں اور آرا کو پیش کرتے ہوئے ماہرین کرکٹ اور شائقین کرکٹ کا کہنا ہے کہ پاکستان کو اگلے میچوں کے لیے بہتر منصوبہ بندی کرنی ہے،

میلبرن:ٹی 20 ورلڈ کپ کے ہائی وولٹیج میچ میں بھارت نے پاکستان کو سنسنی خیز مقابلے کے بعد پاکستان کو 4 وکٹ سے شکست دے دی۔

بڑے ایونٹ کے بڑے معرکے میں بھارت نے ٹاس جیت کر پہلے پاکستان کو بیٹنگ کی دعوت دیتے ہوئے خود فیلڈنگ کا فیصلہ کیا تھا۔

بھارت اننگز

روایتی حریف کی جانب سے کے ایل راہول اور کپتان روہت شرما نے اننگز کا آغاز کیا، تاہم کے ایل راہول دوسرے اوور میں 4 رنز بناکر نسیم شاہ کی گیند پر کلین بولڈ ہوگئے، دوسرے آؤٹ ہونے والے بیٹر روہت شرما تھے جو کہ 4 رنز پر ہی حارث رؤف کی گیند پر افتخار احمد کو کیچ دے بیٹھے، سوریا کمار یادیو نے 15 رنز بنائے اور حارث رؤف کی ہی گیند پر محمد رضوان کے ہاتھوں کیچ آؤٹ ہوئےچوتھے آؤٹ ہونے والے کھلاڑی اکشر پٹیل تھے جو کہ 2 رنز بناکر رن آؤٹ ہوئے۔اس طرح بھارت نے 6 وکٹوں کے نقصان 20 اوور کی آخری گیند پراپنا ہدف پورا کرکے پاکستان کو شکست سے دوچار کردیا

پاکستان اننگز

اس سے پہلے ٹی20 ورلڈکپ کے سپر 12 مرحلے کے چوتھے ہائی وولٹیج میچ میں ٹی 20 ورلڈ کپ کے سپر 12 مرحلے میں پاکستان نے بھارت کو جیت کے لیے 160رنز کا ہدف دیا تھا ۔

آسٹریلیا کے شہر میلبرن میں کھیلے جارہے میچ میں بھارت ٹاس جیت کر پاکستان کو پہلے بیٹنگ کی دعوت دی۔پاکستان نے مقررہ 20 اوورز میں 8 وکٹوں کے نقصان پر 159 رنز بنائے۔

بابر اور رضوان ناکام
پاکستان کی پہلی وکٹ صرف ایک رن پر گر گئی، بابر پہلی ہی گیند پر عرشدیپ کا شکار بن گئے۔بابر کے بعد شان مسعود کریز پر آئے، رضوان بھی بھارتی بولرز کے سامنے بجھے بجھے نظر آئے۔ 15 رنز کے مجموعی اسکور پر رضوان بھی عرشدیپ کا شکار بن گئے۔ انہوں نے 12 گیندوں پر 4 رنز بنائے۔

شان اور افتخار کی ذمہ دارانہ بیٹنگ
رضوان کےبعد افتخاراحمد میدان میں آئے اورشان مسعود کےہمراہ پاکستان کی گاڑی کو دوبارہ پٹری پرڈالنے کی کامیاب کوشش کی افتخار احمد نے 32 گیندوں پر شاندار ففٹی اسکور کی، انہوں نے اکشر پٹیل کو ایک ہی اوور میں 3 چھکے بھی لگائے۔افتخار احمد کی دھواں دھار اننگز کا خاتمہ محمد شامی نے کیا۔ جس کے بعد شاداب خان کریز پر آئے لیکن وہ بھی صرف 5 رنز ہی بناسکے۔

شاداب کے بعد حیدر علی شان مسعود کا ساتھ نبھانے میدان میں اترے لیکن وہ 2 رنز ہی بناسکے۔ اس طرح 98 رنز پر پاکستان کی آدھی ٹیم میدان بدر ہوگئی۔115 رنز کے مجموعی اسکور پر محمد نواز بھی شان مسعود کا ساتھ چھوڑ گئے۔ انہوں نے 9 رنز بنائے۔پاکستان کو ساتواں نقصان محمد آصف کی صورت میں ہوا۔ وہ صرف 2 رنز ہی بناسکے۔ شان کی بھی ففٹی

ایک اینڈ سے وکتیں گرنے کا سلسلہ جاری رہا اور شان نے دوسرا اینڈا سنبھالے رکھا۔ ذمہ داری سے کھیلتے ہوئے انہوں نے 40 گیندوں پر ففٹی اسکور کی۔

دوسری جانب شائقین کرکٹ کیلئے بھی اچھی خبر ہے کہ میلبرن کا موسم بھی قدرے بہتر ہوگیا، بارش کے امکانات انتہائی کم ہو گئے ہیں۔

میڈیا رپورٹس کے مطابق میلبرن میں کھیلے جانے والے پاک بھارت میچ سے قبل موسم صاف ہوگیا ہے جبکہ بارش کے امکانات کم ہوگئے ہیں، جس کے باعث دونوں ٹیموں کے مابین 20، 20 اوورز کا میچ مکمل ہونے کا قوی امکان ہے۔

یاد رہے کہ دونوں ٹیمیں میگا ایونٹ میں 6 مرتبہ آمنے سامنے آئیں، 4 میچز بھارت نے جیتے جبکہ 1 میچ میں قومی ٹیم فاتح ٹھہری اور ایک میچ بے نتیجہ ختم ہوا۔

پاکستان اور بھارت رواں سال دو بار مدمقابل آ چکے ہیں، ایشیا کپ کے پہلے میچ میں بھارتی ٹیم کامیاب رہی لیکن دوسرے میچ میں پاکستانی ٹیم نے بدلہ چکا دیا۔

پاکستانی سکواڈ:
کپتان بابراعظم، محمد رضوان، شان مسعود، افتخار احمد، حیدر علی، محمد نواز، آصف علی، شاہین شاہ آفریدی، نسیم شاہ، شاداب خان اور حارث رؤف شامل ہیں۔

بھارتی سکواڈ:
کپتان روہت شرما، کے ایل راہول، ویرات کوہلی، سوریہ کمار یادیو، ہاردک پانڈیا، دنیش کارتک، اکشر پٹیل، آر اشون، محمد شامی، بھونیشور کمار اور ارشدیپ سنگھ شامل ہیں۔

میلبرن:ٹی20 ورلڈکپ کے سپر 12 مرحلے کے چوتھے ہائی وولٹیج میچ میں بھارت کیخلاف پاکستان کی بیٹنگ جاری ہے۔اطلاعات کے مطابق بھارت کے خلاف پاکستان کی بیٹنگ:14اوورز کے اختتام پر5 آوٹ 98 رنزبنائے ، پاکستان کے دو اوپنر بلے باز آؤٹ ہوکرواپس پویلین واپس جاچکےہیں

ٹی 20 ورلڈ کپ کے بڑے معرکے میں بھارت نے ٹاس جیت کر پہلے پاکستان کو بیٹنگ کی دعوت دیتے ہوئے خود فیلڈنگ کا فیصلہ کیا ہے۔

پاکستانی اوپنر اننگز کا اچھا آغاز نہ کر سکے، کپتان بابر اعظم دوسرے اوور میں ارشدیپ سنگھ کی پہلی گیند پر ایل بی ڈبلیو ہوئے اور گولڈن ڈک پر پویلین لوٹ گئے، بعدازاں چوتھے اوور میں وکٹ کیپر محمد رضوان بھی 12 گیندوں پر 4 رنز بنا کر ارشدیپ کا شکار بنے۔

افتخار احمد نے 4 چھکوں اور 2 چوکوں کی مدد سے 51 رنز بناکرآوٹ ہوئے ، جبکہ شان مسعود30 رنز پر کھیل رہے ہیں

دوسری جانب شائقین کرکٹ کیلئے بھی اچھی خبر ہے کہ میلبرن کا موسم بھی قدرے بہتر ہوگیا، بارش کے امکانات انتہائی کم ہو گئے ہیں۔

میڈیا رپورٹس کے مطابق میلبرن میں کھیلے جانے والے پاک بھارت میچ سے قبل موسم صاف ہوگیا ہے جبکہ بارش کے امکانات کم ہوگئے ہیں، جس کے باعث دونوں ٹیموں کے مابین 20، 20 اوورز کا میچ مکمل ہونے کا قوی امکان ہے۔

یاد رہے کہ دونوں ٹیمیں میگا ایونٹ میں 6 مرتبہ آمنے سامنے آئیں، 4 میچز بھارت نے جیتے جبکہ 1 میچ میں قومی ٹیم فاتح ٹھہری اور ایک میچ بے نتیجہ ختم ہوا۔

پاکستان اور بھارت رواں سال دو بار مدمقابل آ چکے ہیں، ایشیا کپ کے پہلے میچ میں بھارتی ٹیم کامیاب رہی لیکن دوسرے میچ میں پاکستانی ٹیم نے بدلہ چکا دیا۔

پاکستانی سکواڈ:
کپتان بابراعظم، محمد رضوان، شان مسعود، افتخار احمد، حیدر علی، محمد نواز، آصف علی، شاہین شاہ آفریدی، نسیم شاہ، شاداب خان اور حارث رؤف شامل ہیں۔

بھارتی سکواڈ:
کپتان روہت شرما، کے ایل راہول، ویرات کوہلی، سوریہ کمار یادیو، ہاردک پانڈیا، دنیش کارتک، اکشر پٹیل، آر اشون، محمد شامی، بھونیشور کمار اور ارشدیپ سنگھ شامل ہیں۔

لاہور: آئی سی سی ٹی ٹوئنٹی ورلڈکپ کے سپر 12 مرحلے کا سب سے بڑا مقابلہ پاک بھارت ٹاکرا کل میلبرن کرکٹ گراؤنڈ میں ہوگا، اس میچ کے بارش سے متاثر ہونےکی پیش گوئی کی گئی ہے تاہم اب میلبرن کے موسم میں بتدریج بہتری آرہی ہے۔

میلبرن میں اتوارکو بارش کے امکانات میں کمی آرہی ہے اور مقامی وقت صبح دس بجے سے شام سات بجے تک کے اب 30 فیصد امکانات رہ گئے ہیں، شام سات بجے سے دس بجے تک بارش کے امکانات 50 فیصد رہ گئے ہیں جب کہ رات گیارہ بجے بارش کے ستر فیصد امکانات ہیں۔

یاد رہے کہ اس سے پہلے یہ کہا جارہا تھا کہ بارش کے مقامی وقت صبح دس بجے سے شام سات بجے تک کے اب 30فیصد امکانات رہ گئے ہیں، شام سات بجے سے دس بجے تک بارش کے امکانات 50 فیصد ہیں جبکہ رات گیارہ بجے بارش کے 70 فیصد امکانات ہیں۔

ٹی 20 ورلڈکپ، انگلینڈ نے افغانستان کو 5 وکٹوں سے ہرا دیا

ٹی 20 ورلڈکپ میں پاکستان اور بھارت کے میچز پر نظر ڈالی جائے تو اس وقت روہت شرما الیون کو بابر الیون پر برتری حاصل ہے، دونوں ٹیمیں میگا ایونٹ میں 6 مرتبہ آمنے سامنے آئیں،4 میچز بھارت نے جیتے جبکہ 1 میچ میں قومی ٹیم فاتح ٹھہری اور ایک میچ بے نتیجہ ختم ہوا۔

دوسری طرف پریس کانفرنس کرتے ہوئے قومی کرکٹ ٹیم کے کپتان بابراعظم نے کہا ہے کہ ٹی20 ورلڈ کپ میں پاک۔بھارت میچ کا سب کو انتظار ہے، بطور ٹیم ہم تیار ہیں اور کوشش کریں گے کہ 100 فیصد کارکردگی دکھائیں۔ موسم ہمارے ہاتھ میں نہیں ہے، بطور کھلاڑی اور کپتان میں چاہوں گا پورا میچ ہو کیونکہ سب لوگ اس میچ کا انتظار کر رہے ہیں۔ پورا میچ ہوگا تو زیادہ اچھا ہوگا، جتنا بھی میچ ہو اور صورت حال جیسی بھی ہو، بطور ٹیم ہم تیار ہیں اور کوشش کریں گے کہ 100 فیصد کارکردگی دکھائیں۔

ٹی ٹوئنٹی ورلڈ کپ: انگلینڈ کا افغانستان کیخلاف ٹاس جیت کر فیلڈنگ کا فیصلہ

پریس کانفرنس کے دوران سوال ہوا کہ لوگ پاکستان اور بھارت کے میچ کو دیکھ رہے ہیں کہ ایک بہترین باؤلنگ سائیڈ کا مقابلہ ایک بہترین بیٹنگ سائیڈ سے ہورہا ہے، آپ اس چیلنج کے لیے تیار ہیں؟ کے کپتان کا کہنا تھا کہ جس طرح ہمارے فاسٹ باؤلر پرفارم کررہے ہیں، شاہین آفریدی بھی ٹیم میں واپس آئے ہیں، نسیم شاہ کے علاوہ حارث رؤف نے جس طرح اپنے گیم اور باؤلنگ کو بہتر بنایا ہے، باؤلنگ کے حوالے سے ہمارا اعتماد بہت بُلند ہے۔ کوشش کریں گے کہ ہمارے جو پلان ہیں اس پر عمل کریں اور 100 فیصد دیں، ہمارے ہاتھ میں رزلٹ نہیں ہے ہمارے ہاتھ میں کوشش کرنا ہے۔

بھارت کے کھلاڑیوں کے ساتھ تعلقات سے متعلق ان کا کہنا تھا کہ جب بھی ہماری بھارتی کھلاڑیوں کے ساتھ ملاقات ہوتی ہے وہ ہم سے اچھے طریقے سے ملتے ہیں، میرا خیال ہے یہی سپورٹس مین سپرٹ ہے، صرف بھارتی نہیں ہر ٹیم کے کھلاڑیوں کے ساتھ ہمارے اچھے تعلقات ہیں اور کوشش کرتے ہیں کہ اچھے طریقے سے ملیں اور میدان میں اپنے ملک کے لیے 100 فیصد کارکردگی دکھاتے ہیں۔

ٹی20 ورلڈکپ؛ نیوزی لینڈ کے ہاتھوں میزبان آسٹریلیا کو بدترین شکست

شان مسعود کے حوالے سے ان کا کہنا تھا کہ شان مسعود ٹھیک ہیں، ان کے تمام ٹیسٹ ٹھیک آئے ہیں، وہ کل کے لیے تیار ہیں، ابھی تک ہم نے پچ نہیں دیکھی کیونکہ دو دن سے پچ ڈھکی ہوئی ہے، کون سے 11 کھلاڑی میدان میں اتریں گے وہ ہمارے ذہن میں ہے لیکن وکٹ دیکھ کر مزید فیصلہ کریں گے۔

بھارتی کھلاڑی سوریا کمار یادیو کے لیے پلان سے متعلق سوال کی بابت قومی ٹیم کے کپتان کا کہنا تھا کہ ہر کھلاڑی کے لیے ہمارا پلان ہوتا ہے، کوشش کریں گے کہ جو ہم نے پلان کیا ہے، ہم اس پر 100 فیصد دیں۔ فخر زمان ابھی تک مکمل فٹ نہیں ہوئے، انہیں ابھی فٹ ہونے میں ایک دو میچ لگیں گے، وہ تیزی سے صحت یاب ہو رہے ہیں اور پہلے میچ کے لیے وہ دستیاب نہیں ہیں۔ شاداب خان اور محمد نواز کو ہم ابتدائی نمبروں پر بھیجتے ہیں، وہ اچھی کارکردگی دکھاتے ہیں، وہ لوگ کھلے ذہن کے ساتھ کھیلتے ہیں، ہماری ٹیم کے لیے یہ ایک مثبت پوائنٹ ہے، آسٹریلیا میں گراؤنڈ بڑے ہیں تو یہاں پر زیادہ بڑے شاٹ نہیں لگیں گے، بھاگ کے رنز بنائیں تو آپ کو زیادہ ایج ہوگا۔

بابر اعظم نے کہا کہ چیلنج ہر میچ میں ہوتا ہے، خاص طور پر ٹی20 میں گیم تیزی سے تبدیل ہوتی ہے، جلدی فیصلے کرنے ہوتے ہیں، ایک اوور سے میچ دوسری طرف چلا جاتا ہے، اسی طرح ایک چھوٹی پارٹنرشپ یا رن آؤٹ ہونے سے میچ کا نتیجہ تبدیل ہو جاتا ہے، جتنا آپ مثبت رہیں گے اور جتنا اپنی پلاننگ پر عمل کریں گے، وہ زیادہ اچھا ہے۔ حارث رؤف نے یہاں پر کھیلا ہے، وہ یہاں کی کنڈیشنز سے بخوبی واقف ہے، جب وہ بگ بیش کھیلتے ہیں تو ان کا یہ ہوم گراؤنڈ ہوتا ہے، اس نے باؤلرز اور بلے بازوں کو کافی معلومات فراہم کی ہیں، انہوں نے شاہین آفریدی کی کمی بھی محسوس نہیں ہونے دی، میرا خیال ہے کہ ہمیں اس چیز سے کافی مدد ملے گی۔

سابق کرکٹرز کے اس مؤقف پر کہ بابر اعظم اور محمد رضوان کو جلدی آؤٹ کردیں تو بھارت میچ جیت جائے گا تو اس حوالے سے قومی ٹیم کے کپتان کا کہنا تھا کہ ٹی 20 میچ میں کوئی بھی کھلاڑی کارکردگی دکھا سکتا ہے، مجھے اپنی ٹیم پر پورا اعتماد ہے، مڈل آرڈر نے کافی میچ جتوائے ہیں، مڈل آرڈر نے مشکل وقت میں کافی پرفارمنس دی ہوئی ہیں۔

لاہور:پاکستان کرکٹ بورڈ (پی سی بی) ایشیا کپ کی میزبانی سے ہٹنےکے لیے بالکل تیار نہیں ، بھارت آئے نہ آئے ایشیا کپ کی میزبانی پاکستان نےکرنا ہے اور اگر نیوٹرل وینیو پر ایشیا کپ ہوا تو پاکستان ٹیم شرکت نہیں کرے گی۔

پاکستان کرکٹ بورڈکے ذرائع کا کہنا ہےکہ بھارت کا پاکستان میں آکر نہ کھیلنےکا معاملہ اندورنی ہے ، بھارت پاکستان نہیں آتا نہ آئے ، ایشیا کپ کا انعقاد پاکستان میں ہی ہو گا، بھارت کے نہ آنے پر ایشیا کپ کو متاثر نہیں ہونے دیا جائےگا، پاکستان آنے پر رضا مند ٹیموں کے ساتھ ہی ایشیا کپ کرایا جائےگا۔

پاکستان کو گرے لسٹ سے کیوں نکالا بھارتی صحافیوں کا واویلا

ذرائع کا کہنا ہےکہ ایشیا کپ کو پاکستان سے منتقل کیا گیا تو پاکستان شرکت نہیں کرے گا، ایسا ممکن نہیں کہ ایشیا کپ نیو ٹرل وینیو پر ہو اور پاکستان ٹیم شرکت کے لیے جائے کیونکہ نیوٹرل وینیو پر کھیلنا پاکستان میں کرکٹ کی بحالی کے تین سالوں کی محنت پر پانی پھیرنے کے مترادف ہے۔

ٹی20 ورلڈکپ؛ نیوزی لینڈ کے ہاتھوں میزبان آسٹریلیا کو بدترین شکست

ذرائع کے مطابق پاکستان کرکٹ بورڈ نے ہر پلیٹ فارم پر ایشیا کپ کی میزبانی پر ڈٹے رہنے کا فیصلہ کیا ہے، پاکستان کرکٹ بورڈ آئندہ ہفتے اے سی سی اور رکن ممالک کو دوبارہ خط لکھے گا، خط کے ذریعے اے سی سی کا ہنگامی اجلاس فوری طور پر بلانے کی یاد دہانی کرائی جائے گی۔

ٹی 20 ورلڈکپ، انگلینڈ نے افغانستان کو 5 وکٹوں سے ہرا دیا

خیال رہے کہ اے سی سی کے صدر اور سیکرٹری بی سی سی آئی جے شاہ نے ایشیا کپ کی نیوٹرل وینیو پر منتقلی کا بیان دیا تھا اور جے شاہ نے بھارتی ٹیم کے پاکستان نہ جانے کا بھی اعلان کیا تھا۔

لاہور:سابق کرکٹر مدثر نذر نے بھارتی کرکٹ بورڈ پر تنقید کرتے ہوئے کہا کہ بہت ہوگیا اور اب ہمیں اپنے فیصلوں کو سنجیدگی سے لیتے ہوئے بھارت کے خلاف کھیلنے کا بائیکاٹ کرنا چاہیے۔ پی سی بی نے ایشین کرکٹ کونسل کو لکھے گئے خط میں جو فیصلہ کیا ہے وہ انتہائی مناسب ہے۔ پی سی بی کو اب اس پر قائم رہنا چاہیے۔

مدثر نذر، جنہیں ان کی شاندار آل راؤنڈر کارکردگی پر گولڈن آرم کا نام دیا گیا، نے کرکٹ پاکستان سے بات کرتے ہوئے کہا، "پاکستان کو بھارت کے ساتھ معاملات پر دوسرے بورڈز کی حمایت نہیں مل سکتی کیونکہ دوسرے بورڈز کا مقصد اپنی جیبیں بھرنا ہے۔”

دونوں ممالک نے اے سی سی کے منصوبوں پر تعاون کیا جب ڈالمیا بھارتی کرکٹ بورڈ اور اے سی سی کے ساتھ منسلک تھے۔ اب یہ معاملہ نہیں رہا۔ ایشین کرکٹ کونسل پر صرف بھارت کا اثر دیکھا جا سکتا ہے۔ مدثر نذر سمجھتے ہیں کہ ہم ایک عرصے سے بھارت کے پاکستان میں آکر کھیلنے سے انکار کی باتیں سن رہے ہیں۔

"ہمیں اب مالی بلیک میلنگ کی پرواہ کیے بغیر اپنے فیصلے خود کرنے چاہئیں۔ میرا ماننا ہے کہ ہمیں اب بھارت سے کسی بھی سطح پر کھیلنے سے انکار کر دینا چاہیے۔”

76 ٹیسٹ اور 122 ون ڈے میچوں میں پاکستان کی نمائندگی کرنے والے قومی ٹیم کے سابق کوچ مدثر نذر نے ایشیا کپ کے حوالے سے بھارتی کرکٹ بورڈ کے سیکرٹری جے شاہ کے بیان پر مایوسی کا اظہار کیا۔

"حالیہ ہندوستانی بورڈ کے انتخابات میں گنگولی کے ساتھ جو کچھ ہوا اسے دیکھتے ہوئے، یہ واضح ہے کہ بی جے پی ہندوستان اور ایشین کرکٹ کونسل کے معاملات میں مداخلت کر رہی ہے۔ ایشیا کپ کے حوالے سے اے سی سی کے صدر جے شاہ مسلسل حد سے تجاوز کرتے نظر آتے ہیں۔ یہ رویہ بدل سکتا ہے۔” ایشین کرکٹ کونسل کے لیے نقصان دہ ہے۔”

سب کے لیے یاد دہانی یہ ہے کہ بی سی سی آئی کے سیکریٹری جے شاہ نے کہا ہے کہ ہندوستانی کرکٹ ٹیم ایشیا کپ 2023 میں شرکت نہیں کرے گی جس کی میزبانی پاکستان میں ہوگی۔