Tag: کرکٹ

لاہور:پاکستان اور انگلینڈ کے درمیان پہلے ٹی 20 میچ میں ایک کروڑ 30 لاکھ روپے کی گیٹ منی اکٹھی ہوئی۔ چیئرمین پی سی بی نے تمام رقم وزیراعظم فلڈ ریلیف فنڈ میں جمع کرانے کا اعلان کردیا۔

پاکستان اور انگلینڈ کے درمیان ٹی 20 سیریز کا پہلا میچ کراچی کے نیشنل اسٹیڈیم میں منگل کو کھیلا گیا۔ پی سی بی نے میچ سے حاصل ہونیوالی گیٹ منی کی تفصیلات جاری کردیں۔

پاکستان کرکٹ بورڈ کے مطابق انگلینڈ کیخلاف پہلے ٹی 20 میچ میچ گیٹ منی کی مد میں ایک کروڑ 30 لاکھ روپے اکٹھے ہوئے، یہ تمام رقم پرائم منسٹر فلڈ ریلیف فنڈ میں جمع کروائی جائے گی۔

چیئرمین پی سی بی رمیز راجہ کا کہنا ہے کہ کرکٹ نے ایک مرتبہ پھر پوری قوم کو متحد کرنے میں مدد کی، اس عظیم مقصد میں حصہ ڈالنے پر تمام شائقینِ کرکٹ کے مشکور ہیں۔انہوں نے مزید کہا کہ پی سی بی تمام سیلاب زدگان کے ساتھ کھڑا ہے، کراچی کے تماشائیوں نے مون سون کی بارشوں سے آنیوالے سیلاب سے متاثرہ افراد کی مدد کیلئے اپنا حصہ ڈالا۔

چیف ایگزیکٹو فیصل حسنین کا کہنا ہے کہ پہلے ٹی 20 انٹرنیشنل میچ کے ذریعے فلڈ ریلیف فنڈز میں ایک چھوٹا حصہ ڈالنا پاکستان کرکٹ بورڈ کیلئے اعزاز ہے، یہ حصہ سیلاب متاثرین کی بحالی میں کام آئے گا، ضرورت کے اس وقت میں عوام کا متحد ہونا قابل ستائش ہےپاکستان کو پہلے ٹی 20 انٹرنیشنل میں انگلینڈ کے ہاتھوں 4 وکٹوں 6 وکٹوں شے شکست کا سامنا کرنا پڑا تھا۔

صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

لاہور: ٹی 20 ورلڈ کپ بھی انہیں قوانین کے تحت کھیلا جائے گاانٹرنیشنل کرکٹ کونسل (آئی سی سی) نے کرکٹ قوانین میں بعض تبدیلیاں کی ہیں جن کا اطلاق یکم اکتوبر سے ہوگا۔آئندہ ماہ شروع ہونے والا ٹی ٹوئنٹی ورلڈ کپ بھی نئے قوانین کے تحت کھیلا جائے گا۔

آئی سی سی کرکٹ کمیٹی کے چیئرمین سارو گنگولی کی زیر صدارت اجلاس میں ارکان نے پلیئنگ کنڈیشنز میں جو تبدیلیاں کی ہیں انہیں مینز اور ویمنز کرکٹ دونوں نے تسلیم کیا ہے۔

ان نئے قوانین میں سب سے اہم ‘کراسنگ’ کا قانون ہے، جس کے تحت آؤٹ فیلڈ میں کیچ ہونے کے بعد بلے بازوں کا اینڈ تبدیل نہیں ہوگا۔ یعنی نیا آنے والا بلے باز اسٹرائیکر اینڈ پر جاکر ہی بیٹنگ کا آغاز کرے گا۔

اس سے قبل کیچ پکڑے جانے سے قبل دیکھا جاتا تھا کہ وکٹ پر بھاگتے ہوئےدونوں بلے بازوں کی پوزیشن کیا تھی۔ اگر بیٹر کیچ مکمل ہونے سے پہلے ایک دوسرے کے سامنے سے گزر کر دوسرے اینڈ پر پہنچ جاتے تھے، تو نئے والے بلے باز کو نان اسٹرائیکر یعنی امپائر کے اینڈ پر کھڑا ہوکر اپنی باری کا انتظار کرنا پڑتا تھا۔۔

اسی طرح، نئے آنے والے بلے بازوں کو پہلے وکٹ تک پہنچنے کے لیے ٹیسٹ اور ون ڈے انٹرنیشنل میں تین منٹ کا وقت دیا جاتا تھا، تاہم اب انہیں دو منٹ کے اندر اندر وکٹ پر گارڈ لینا ہوگا۔

اس نئے قانون کا اطلاق ٹی ٹوئنٹی کرکٹ میں نہیں ہوگا جہاں بلے بازوں کو 90 سیکنڈز کے اندر کریز سنبھالنا پڑتی ہے۔ایسا نہ کرنے کے صورت میں فیلڈنگ ٹیم ٹائم آؤٹ کے لیے امپائر سے اپیل کرسکتی ہے۔

گزشتہ سال ٹی ٹوئنٹی ورلڈ کپ کے دوران پاکستانی بالر محمد حفیظ کے ہاتھ سے نکلی ہوئی ایک گیند کو آسٹریلیا کے ڈیوڈ وارنر نے پچ سے باہر جاکر کھیلا تھا، جس پر فیلڈنگ سائیڈ نے اعتراض کیا تھا۔

قانون میں تبدیلی کے بعد اب اگر بلے باز کے جسم یا بلے کا کوئی بھی حصہ شاٹ مارتے وقت پچ سے باہر ہوگا، تو امپائر اس گیند کو ڈیڈ بال قرار دے سکیں گے۔

اگر کوئی بھی گیند بلے باز کو اس قسم کا شاٹ مارنے پر اکسائے گی، تو اسے نو بال قرار دیا جائے گا۔صرف یہی نہیں، اگر بالر کے رن اپ کے دوران فیلڈ میں تبدیلی ہوئی تو امپائر بیٹنگ سائیڈ کو پانچ اضافی رنز کے ساتھ ساتھ اس گیند کو ڈیڈ بال بھی قرار دینے کا مجاز ہوگا۔بال پر تھوک لگانے کی عارضی پابندی مستقل ہوگئی

دو سال قبل کرونا کی وجہ سے بال پر تھوک لگانے کی جو عارضی پابندی عائد کی گئی تھی اسے آئی سی سی کرکٹ کمیٹی نے مستقل قرار دے دیا ہے ۔

اب کرونا ہو یا نہ ہو، بالر اور فیلڈر گیند کو چمکانے کے لیے اس پر تھوک نہیں لگاسکتے۔ بال چمکانے کے لیے فیلڈ پر موجودکھلاڑیوں کو پسینے سے ہی کام چلانا پڑے گا۔

رن آؤٹ کے بھی قانون میں تبدیلی کی گئی ہے جس کے تحت اب گیند پھینکنے سے قبل بالر، نان اسٹرائیکر اینڈ پر موجود بلےباز کو رن آؤٹ کرسکتا ہے۔ اس سے قبل کریز سے باہر کھڑے ہوئے بلے باز کو آؤٹ کرنا جائز تو تھا لیکن اسے کرکٹ کی اسپرٹ کے خلاف سمجھا جاتا تھا ، لیکن اب ایسا کرنا غلط نہیں ہوگا۔

اگر بالر کے گیند کرنے سے پہلے بیٹنگ اینڈ پر موجود بلے باز کریز سے باہر کھڑا ہوگا تو گیند باز اسے رن آؤٹ کرنے کے لیے گیند نہیں پھینک سکے گا، اگر اس نے ایسا کیا تو اس بال کو ڈیڈ قرار دیا جائے گا۔

رواں سال جنوری میں ٹی ٹوئنٹی انٹرنیشنل میں لاگو ہونے والے ‘ان میچ پینلٹی’ قانون کو اب ون ڈے انٹرنیشنل کا بھی حصہ بنادیا گیا ہے۔ اس قانون کے تحت سلو اوور ریٹ کی وجہ سے فیلڈنگ سائیڈ کو آخری اوورز میں اس اضافی فیلڈر کی خدمات حاصل نہیں ہوں گی جسے فیلڈنگ سرکل سے باہر کھڑا ہونے کی اجازت ہوتی ہے۔

اگر فیلڈنگ سائیڈ اپنے اوور ریٹ سے پیچھے ہوگی تو آخری اوورز میں اسے اس فیلڈر کو فیلڈنگ سرکل میں ہی کھڑا کرنا ہوگا، جس کی اجازت قانون اسے دیتا ہے۔یہ قانون اگلے سال آئی سی سی مینز کرکٹ ورلڈ کپ سپر لیگ کے اختتام پر ون ڈے انٹرنیشنل کا حصہ بن جائے گا۔

آئی سی سی کرکٹ کمیٹی نے جن گزارشات کو قانون کی شکل دی ہے اس کے چیئرمین سابق بھارتی کپتان اور بھارتی کرکٹ بورڈ کے صدر سارو گنگولی ہیں۔ پاکستان کرکٹ بورڈ کے چیئرمین رمیز راجہ بھی اس کمیٹی کے بطور مبصر حصہ ہیں۔
انٹرنیشنل کرکٹ کھیلنے والے سری لنکا کے مہیلا جے وردھنے، ویسٹ انڈیز کے راجر ہارپر، نیوزی لینڈ کے ڈینئیل ویٹوری ، بھارت کے وی وی ایس لکشمن اور جنوبی افریقہ کے شان پولاک بھی اس کمیٹی میں شامل تھے۔

جہاں جے وردھنے اور ہارپر نے سابق کرکٹرز کی نمائندگی کی۔وہیں ویٹوری اور لکشمن بطور موجودہ کھلاڑیوں کے نمائندے اس کا حصہ تھے۔شان پولاک نےاس کمیٹی میں میڈیا اور سری لنکا کے نامور میچ ریفری رنجن مدوگالے نے میچ ریفریوں کے نمائندے کے طور پر اس میں شرکت کی۔

صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

لاہور :پاکستان کرکٹ بورڈ نے اعلان کیا ہے کہ انگلینڈ کے خلاف سات ٹی ٹونٹی انٹرنیشنل میچز، نیوزی لینڈ میں کھیلی جانے والی سہ فریقی سیریز اور آئی سی سی مینز ٹی ٹونٹی ورلڈکپ کے لیے پاکستان کے اسکواڈ کا اعلان آج جمعرات کی سہ پہر 4:30 بجے بذریعہ پریس کانفرنس کیا جائے گا۔

قومی کرکٹ ٹیم کے چیف سلیکٹر محمد وسیم 15 ستمبر بروز جمعرات کو قذافی اسٹیڈیم میں واقع فار اینڈ بلڈنگ میں پریس کانفرنس کریں گے۔ پی سی بی اس میڈیا کانفرنس کی ڈیجٹل کوریج کرے گا تاہم ویڈیو گرافرز کو ایونٹ کی کوریج کی اجازت ہوگی۔

مزید معلومات کے لیے ابراہیم بادیس (03040978327)سے رابطہ کریں۔

ادھر ٹی 20 ورلڈ کپ 2022 کے لئے آسٹریلیا، انگلینڈ، ویسٹ انڈیز اور دیگر ٹیموں نے اپنے اپنے سکواڈز کا اعلان کردیا ہے۔انٹرنیشنل کرکٹ کونسل (آئی سی سی) کی جانب سے جن ٹیموں کے سکواڈ کے بارے میں بتایا گیا ہے وہ درج ذیل ہیں:۔

آسٹریلیا سکواڈ

میگا ایونٹ کے لئے میزبان ٹیم آسٹریلیا کے سکواڈ میں کپتان ایرون فنچ، ایشٹن ایگر، پیٹ کمنز، ٹم ڈیوڈ، جوش ہیزل ووڈ، جوش انگلس، مچل مارش، گلین میکسویل، کین رچرڈسن، سٹیو سمتھ، مچل سٹارک، مارکس سٹوئنس، میتھیو ویڈ، ڈیوڈ وارنر اور ایڈم زمپا شامل ہیں۔

انگلینڈ سکواڈ

برطانوی سکواڈ میں کپتان جوز بٹلر معین علی، ہیری بروک، سیم کیورن، کرس جورڈن، لیام لیونگسٹون، ڈیوڈ ملان، عادل رشید، فل سالٹ، بین سٹوکس، ریسے ٹاپلی، ڈیوڈ ویلی، کرس ووکس، مارک ووڈ اور ایلکس ہیلز شامل ہیں جبکہ لیام ڈاسن، رچرڈ گلیسن اور ٹائمل ملز کو بطور ریزرو پلیئرز رکھا گیا ہے۔

جنوبی افریقہ سکواڈ

ورلڈ کپ کے لئے پروٹیز سکواڈ میں کپتان ٹیمبا باووما، کوئنٹن ڈی کوک، ہینرچ کلاسن، ریزا ہینڈرکس، کیشو مہاراج، ایڈن مرکرم، ڈیوڈ ملر، لونگی نگیڈی، اینرچ نورٹج، وین پارنل، ڈیوئن پریٹوریس، کگیسو ربادا، رائیلی روسو، تبریز شمسی اور ٹرسٹن سٹبز شامل ہیں جبکہ بجورن فورچیون، مارکو جانسن اور پہلکووائیو کو بطور ریزور رکھا گیا ہے۔

ویسٹ انڈیز سکواڈ

ٹی 20 ورلڈ کپ کے لئے ویسٹ انڈین سکواڈ میں کپتان نکولس پوران، روومین پاول، یانیک کاریا، جانسن چارلس، شیلڈن کوٹریل، شمرون ہٹمائر، جیسن ہولڈر، عقیل حسین، الزاری جوزف، برینڈن کنگ، ایون لوئس، کائل مائرز، اوبید مک کوئی، ریمن ریفر اور اوڈین سمتھ شامل ہیں۔

نیدر لینڈز سکواڈ

میگا ایونٹ کے لئے نیدر لینڈز کے سکواڈ میں کپتان سکاٹ ایڈورڈز، کولن ایکرمین، شاریز احمد، لوگان وان بیک، ٹام کوپر، برینڈن گلوور، ٹم وان ڈر گوگٹین، فریڈ کلاسن، باس ڈی لی ڈی، پال وان میکرین، رؤلوف وان ڈر مرو، سٹیفن مائی برگ، ٹیجا ندامانورو، میکس او ڈاؤڈ، ٹم پرنگل اور وکرم سنگھ شامل ہیں۔

نمیبیا سکواڈ

ٹی 20 ورلڈ کپ کے لئے نمیبیا کے سکواڈ میں کپتان جیرہارڈ ایراسموس، جے جے سمٹ، ڈیوان لا کوک، سٹیفن بارڈ، نکول لوفٹی ایٹن، جان فرائلنک ڈیوڈ ویزے، روبن ٹرمپلمین، زین گرین، برنارڈ شولٹز، ٹانگینی، لونگامینی، مائیکل وان لنگن، بین شیکونگو، کارل برکن سٹاک، لوہان لووارنس اور ہیلاؤ یا فرانس شامل ہیں۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

لاہور:جو کہتا ہے پاکستان میں ٹیلنٹ نہیں ہے وہ جھوٹ بولتا ہے:عاقب جاوید جو کہ پاکستان کرکٹ ٹیم کے ایک اسٹاررہے ہیں آجکل نئی نسل کو بہترین کرکٹ سکھانے کا مشن شروع کیے ہوئے ہیں ، عاقب جاوید نے کہا کہ اگرسلیکشن ہی غلط ہوگی تو پھرنتیجہ بھی ایسا ہی آئے گا

عاقب جاوید کہتےہیں کہ جون میں ہونے والے ٹرائلز میں کھلاڑیوں کا انتخاب کیا گیا، جس کے فوائد بھی سب جانتےہیں

ان کا یہ بھی کہنا تھا کہ غلط سیلکشن سے غلط نتیجہ آئے گا، عاقب جاوید نے کہا کہ انہوں نے تین ماہ میں بچوں کو نبیبیا ٹور کیلیے تیار کیا
ٹیم نے زبردست پرفارم کیا ،نمیبیا اور ساوتھ افریکن کھلاڑیوں کے خلاف پرفارم کیااور یہ سب کے سامنے ہے

عاقب جاوید کا کہنا تھا کہ پاکستانی میڈل آڈرز تین یا چار گیندوں کے پلئرز ہیں، ان کا یہ بھی کہنا تھا کہ اس بار پی ایس ایل میں اچھا ٹیلنٹ نظر آئے گا، عاقب جاوید نے پھر بات دہراتے ہوئے کہا کہ میبیا اور زیادہ مستحکم رشتہ بنانا چاہتے ہیں

ان کا کہناتھا کہ ڈم ڈیوڈ اور فل سالٹ دنیا کے بہترین پلئیرز بن گئے ہیں،زمانے کے ساتھ ساتھ اگر اپنے آپ کو ڈویلپ کیا جائے تو ٹیم ضرور بہتر ہوگی،نمیبیا ٹور سے تقریبا چار پلئیرز پی ایس ایل کا حصہ بنے گے، عاقب جاوید کا کہنا تھاکہ فاسٹ باولر بنا آسان ہے ،بلے باز کو بننے میں تھوڑا وقت لگتا ہے

عاقب جاوید کا کہنا تھا کہ پاکستانی ٹیم میں کوچنگ کی ضرورت نہیں ہوتی،پانچ سالوں میں افتخار نے بار بار کم بیک کیا خوشدل اور آصف علی کا بھ یہی حال ہے،شان مسعود اور شعیب ملک کو موقع دینا چاہیے، ان کا کہنا تھا کہ سری لنکا نے نئے پلئیرز بنائے ،دونوں اوپنرز ٹورنامنٹ جیتانےوالے ہیں

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

عاقب جاوید نے میڈیا سے گفتگو کرتے ہوئے کہا کہ رضوان سولہ اوورز تک میچ میں رہا جب آوٹ ہوا تو پندرہ کی ایوریج تھی،ہائی پرفارمنس سنٹر میں کوئی ڈاکٹر نہیں علاج کرنے والا نہیں،چھے ٹیمیں بنا کر کرکٹ برباد کر دی،چھے ٹیموں کی سیلکشن بھی درست نہیں

عاقب جاوید نے کہا ہے کہ وزیراعظم نے اعلان تو کردیا لیکن ابھی تک کوئی ڈیپاٹمنٹ دوبارہ شروع نہیں ہوا،ہمارے لوگ کیسے نالائق ہیں باہر والے کیسے بہتر ہیں،ہماری ٹیم سے وکٹ کیپر ،مڈل آڈر اور آل راونڈر بھی پاکستان کو ملے گے

عاطف رانا سی ای او لاہور قلندرنے اس موقع پر کہا کہ ہمارے فارن ٹور نہیں ہورہے تھے اب دوبارہ شروع ہوگئے ہیں،دوہزار بائیس میں ہم نے بائیس کھلاڑیوں کو منتخب کیا،نمیبیا ٹور میں قلندرز نے بہت زبردست پرفارم کیا،ہماری کوشش ہے ہاکی کی ڈویلپمنٹ کے حوالے سے کام کیا جائے گا