Tag: کشمیر

پاک فوج کے شعبہ تعلقات عامہ ، آئی ایس پی آر کا کہنا ہے کہ افواج پاکستان کشمیریوں کو ان کے عزم اور دلیرانہ جدوجہد پر خراج تحسین پیش کرتی ہے۔

پانچ فروری کو یوم یکجہتی کشمیر کے موقع پر آئی ایس پی آر کا کہنا ہے کہ کشمیری عوام بہادری سے غیر انسانی لاک ڈاؤن کا مقابلہ کر رہے ہیں،کشمیر 1948 سے اقوام متحدہ کے ایجنڈے پر ایک طویل عرصے سے زیر التوا حل طلب مسئلہ ہے، مسئلہ کشمیر عوام کی امنگوں کے مطابق اور حق خودارادیت کے لیے یو این قراردادوں کے مطابق حل ہونا چاہیے، آزادی کی جرأت مندانہ جدوجہد سے کامیابی کشمیری عوام کا مقدر ہے۔

ان شا اللہ وزیر اعظم منتخب ہو کر کشمیر کاز کو آگے بڑھائوں گا،بلاول
پاکستان پیپلز پارٹی کے چیئرمین بلاول بھٹو زرداری نے یومِ یکجہتیِ کشمیر پر پیغام میں کہا ہے کہ مقبوضہ کشمیر میں بھارتی مظالم کو روکنے کے لیے 8 فروری کو پی پی پی کی کامیابی بہت ضروری ہے،کشمیر کاز کو آگے بڑھانے کے لیے 8 فروری کے الیکشن میں پیپلز پارٹی کی بھاری اکثریت سے جیت ضروری ہے، پاکستان میں نفرت و تقسیم کی سیاست کا خاتمہ کرکے قوم کو اتحاد و اتفاق کی طاقت میں پِرونا کشمیر کاز کے لیے ناگذیر ہے،قائداعظم محمد علی جناح نے کشمیر کو پاکستان کہ شہ رگ قرار دیا تھا،قائدِ عوام شہید بھٹو نے قائدِ اعظم کے موقف کو آگے بڑھایا،شہید بھٹو نے کہا تھا کہ اگر ہمیں کشمیر کی خاطر ایک ہزار سال تک جنگ لڑنا پڑی، تو لڑیں گے،شہید محترمہ بینظیر بھٹو نے ہر سال 5 فروری کو یومِ یکجہتی کشمیر منانے کا تاریخی فیصلہ کیا،شہید محترمہ بینظیر بھٹو کے اس فیصلے نے کشمیر کاز کو ناقابلِ تسخیر بنادیا،شہید محترمہ بینظیر بھٹو کے اس اقدام کی گونج دنیا کے ہر کونے میں سنائی دیتی ہے،میں بھی وزیراعظم شہید ذوالفقار علی بھٹو اور وزیراعظم شہید محترمہ بینظیر بھٹو کے نقشِ قدم پر چلوں گا،انشا اللہ وزیر اعظم منتخب ہو کر کشمیر کاز کو آگے بڑھائوں گا،میں دنیا کے ضمیر کو جگاوَں گا کہ وہ کشمیریوں سے کیئے گئے اپنے وعدے پورے کرے،شہداءِ کشمیر کو خراج عقیدت پیش کرتا ہوں،کشمیری عوام کو بدترین مظالم کا مقابلہ کرتے ہوئے اپنے حقِ آزادی کے لیے جدوجہد جاری رکھنے پر سلام،

کشمیریوں کی جدوجہد ایک دن انشاءاللہ ضرور رنگ لائے گی،گورنر پنجاب
گورنر پنجاب بلیغ الرحمن نے یوم یکجہتی کشمیر پر پیغام میں کہا ہے کہ آج 5 فروری کو پاکستان کے کروڑوں عوام سمیت دنیا بھر میں بسنے والے لاکھوں کشمیری ریاست جموں و کشمیر پر بھارت کے غاصبانہ حملے اور قبضے کے خلاف یوم یکجہتی کشمیر منارہے ہیں۔اس دن کو منانے کا مقصد مقبوضہ ریاست جموں و کشمیر پر بھارتی غاصبانہ قبضہ اور ظلم و ستم کے خلاف عالمی برادری کی توجہ مبذول کروانا ہے. تاکہ مظلوم کشمیریوں کو ان کا حق خودارادیت مل سکے۔بھارت ایک جارح ملک ہے جس کی عسکریت پسند سوچ اور پالیسیوں نے خطے کا امن و سکون تباہ کیا ہوا ہے۔مسئلہ کشمیر حل کئے بغیر خطے میں دیرپا امن قائم نہیں کیا جا سکتا۔ اقوام عالم مسلہ کشمیر کے اقوام متحدہ کی قراردادوں کی روشنی میں حل میں کردار ادا کریں۔ عالمی برادری کو مسئلہ کشمیر اور مسئلہ فلسطین کے منصفانہ حل پر توجہ دینا ہوگی تاکہ دنیا کا مستقبل محفوظ رہ سکے۔ کشمیر اور فلسطین کے بے کس عوام اقوام متحدہ اور دنیا کی فوری امداد اور اعانت کے منتظر ہیں۔ میڈیا اور سوشل میڈیا مقبوضہ جموں و کشمیر میں انسانی حقوق کی خلاف ورزیوں اور ظلم و ستم کواجاگر کرنے میں کردار ادا کرے۔ تا کہ دنیا کو پتا چلے کہ بھارت ایک جارح ملک ہے جو عالمی امن کے لئے خطرہ ہے ۔کشمیریوں کی جدوجہد ایک دن انشاءاللہ ضرور رنگ لائے گی اور وہ بھارت کے تسلط سے آزادی حاصل کریں گے۔

کشمیری ہمارے بھائی ہیں اور ہم ہر حال میں ان کے ساتھ ہیں،وزیراعلیٰ پنجاب
وزیراعلیٰ پنجاب محسن نقوی نے یوم یکجہتی کشمیر پر پیغام میں کہا ہے کہ واضح پیغام دینا چاہتا ہو ں کہ کشمیری ہمارے بھائی ہیں اور ہم ہر حال میں ان کے ساتھ ہیں۔ 7دہائیاں گزر چکی ہیں اور تنازعہ کشمیر ابھی تک حل طلب ہے، یہ مہذب دنیا کے لئے لمحہ فکریہ ہے۔ مقبوضہ جموں و کشمیر میں بھارتی حکومت کی جانب سے بنیادی حقوق کی پامالی،بے رحمانہ قتل،عصمت دری اور تشدد کا سلسلہ جاری ہے۔مقبوضہ کشمیر میں بھارتی فوج کی جانب سے مسلسل جبر اور انسانی حقوق کی قابل مذمت خلاف ورزیوں پر شدید تشویش ہے۔بھارتی حکومت کشمیریوں کے ناقابل تنسیخ حق خودارادیت سے انکاری ہے۔آج بھی حق آزادی کے حصول کی جدوجہد میں کشمیریوں کا جذبہ اور حوصلے بلند ہیں۔ کشمیری بھائیوں کا جذبہ ہر گزرتے دن مضبوط ہوتا جا رہا ہے۔بھارتی کارروائیاں انسانیت کے خلاف سنگین جرائم ہیں جو بہادرکشمیریوں کے جائز حق خوداردیت کے جذبے کو پست نہیں کرسکتیں۔پاکستان اپنے کشمیری بھائیوں کی بین الاقوامی قوانین اور اقوام متحدہ کی قراردادوں کے مطابق مسئلہ کشمیر کے حل کے لیے ہر طرح کی سیاسی، اخلاقی اور سفارتی حمایت جاری رکھے گا۔

گورنر سندھ کامران ٹیسوری نے کہا ہے کہ عالمی برادری کو مسئلہ کشمیر ہر صورت حل کرنا ہوگا، کشمیریوں سے محبت ہمارے خون میں شامل ہے اور ہمارے دل کشمیریوں کے ساتھ دھڑکتے ہیں،بھارت کا مکروہ چہرہ دنیا پر آشکار ہوچکا، عالمی برادری کو مسئلہ کشمیر ہر صورت حل کرنا ہوگا،اقوامِ متحدہ کی قراردادوں کو مزید روندا نہیں جاسکتا، کشمیریوں کے جذبہ حریت کو قوم سلام پیش کرتی ہے، کشمیری ماؤں اور بہنوں کے ساتھ بھارتی مظالم پر ہر آنکھ اشکبار ہے

آرمی چیف جنرل سید عاصم منیر نے نیویارک میں اقوام متحدہ ہیڈکوارٹرز کا دورہ کیا

ڈی جی آئی ایس پی آر کے مطابق آرمی چیف جنرل عاصم منیر اور یواین سیکریٹری جنرل انتونیو گوتریس کی ملاقات ہوئی، یواین سیکریٹری جنرل نے آرمی چیف کے امریکا دورے کا خیرمقدم کیا،آرمی چیف جنرل سید عاصم منیر نے مقبوضہ کشمیر اور غزہ کی صورتحال پر روشنی ڈالی، آرمی چیف جنرل سید عاصم منیر نے کہا کہ خطے میں امن کا قیام اقوام متحدہ قراردادوں پر عمل درآمدسے مشروط ہے،جنوبی ایشیا میں امن تنازعہ کشمیر کے حل سے جڑا ہے،مسئلہ کشمیر یواین قراردادوں اورکشمیریوں کی امنگوں کے مطابق حل ہونا چاہیے،

ڈی جی آئی ایس پی آر کے مطابق آرمی چیف جنرل سید عاصم منیر نے مقبوضہ کشمیر کی حیثیت تبدیلی کی یکطرفہ بھارتی کوششوں کی مذمت کی،اور کہا کہ بھارتی اقدامات اقوام متحدہ کی سلامتی کونسل کی قراردادوں کی خلاف ورزی ہے،

ڈی جی آئی ایس پی آر کے مطابق اقوام متحدہ کے سیکرٹری جنرل کی جانب سے آرمی چیف جنرل سید عاصم منیر کا انتہائی گرم جوشی سے استقبال کیا گیا، یو این سیکرٹری جنرل نے عالمی امن اور استحکام کے لیے پاک فوج اور قانون نافذ کرنے والے اداروں کی کوششوں کو سراہا۔ آرمی چیف کی جانب سے اقوام متحدہ کو تعاون جاری رکھنے کی یقین دہانی کرائی گئی۔

آرمی چیف جنرل سید عاصم منیر کا امریکی دورہ کامیابی سے جاری ہے،دورے میں آرمی چیف امریکی اعلیٰ حکام سے ملاقاتیں کر رہے ہیں ،اب تک آرمی چیف جنرل سید عاصم منیر اپنے دورے میں سیکرٹری آف سٹیٹ، ڈیفنس سیکرٹری، ڈپٹی سیکرٹری آف سٹیٹ، سے ملاقات کر چکے ہیں ،آرمی چیف نے ڈپٹی نیشنل سیکورٹی ایڈوائزر، چیئرمین جوائنٹ چیف آف سٹاف اور اقوامِ متحدہ کے جنرل سیکرٹری سے کامیاب ملاقاتیں کی ،آرمی چیف جنرل سید عاصم منیر کے کامیاب دورے سے دونوں ممالک کے درمیان مختلف شعبوں میں تعاون بڑھے گا ،آرمی چیف جنرل سید عاصم منیر کے دورے سے پاکستان کا اہم امور پر نکتہ نظر بھی موثر طریقے سے اجاگر ہو رہا ہے

غزہ سے فلسطینیوں کی جبری بے دخلی سنگین جرم ہے، آرمی چیف

نوجوان فکری وسائل بروئے کار لاکر درپیش چیلنج کا حل تلاش کریں۔ آرمی چیف

عمان کی رائل آرمی کے کمانڈر کی آرمی چیف سے ملاقات

یوم تکریم شہدائے پاکستان کے موقع پر جنرل ہیڈ کوارٹرز (جی ایچ کیو) میں مرکزی تقریب 

یوم تکریم شہدائے پاکستان کی مناسبت سے نغمہ جاری

ہندو برادری بھی شہداء کی عزت و تکریم کے لئے میدان میں آ گئی

آرمی چیف جنرل عاصم منیر سے قطر آرمڈ فورسز کے چیف آف اسٹاف کی ملاقات

آرمی چیف جنرل سید عاصم منیر سے علمائے کرام و مشائخ کی ملاقات

امام کعبہ کا پاکستان آنا پاکستانی عوام کے لیے اعزاز کی بات ہے،آرمی چیف

آرمی چیف جنرل سید عاصم منیر کا کہنا تھا کہ خون کے آخری قطرے تک لڑیں گے،

فائرنگ کے تبادلے میں 3دہشتگرد ہلاک ،3 زخمی 

بھارتی سپریم کورٹ کا جموں کشمیر کی خصوصی حیثیت سے متعلق فیصلہ، پاکستان کا ردعمل آ گیا، پاکستان نے بھارتی سپریم کورٹ کا فیصلہ مسترد کر دیا

نگران وزیر خارجہ جلیل عباس جیلانی نے اسلام آباد میں پریس کانفرنس کرتے ہوئے کہا کہ مقبوضہ کشمیر یبن الاقوامی طور پر تسلیم شدہ ایک متنازع علاقہ ہے لہذا بھارت کو مقبوضہ کشمیر کے متنازع علاقے کے تعین کا کوئی حق نہیں ہے، کشمیری عوام بھارت کا 5 اگست 2019 کا یکطرفہ اقدام مسترد کر چکے ہیں، ریاست پاکستان بھی مقبوضہ کشمیر کی خصوصی حیثیت کی بحالی سے متعلق درخواستیں مسترد کرنے کا بھارتی سپریم کورٹ فیصلہ مسترد کرتی ہےبھارتی سپریم کورٹ کے فیصلے کی کوئی حیثیت نہیں ہے،پاکستان بھارت کے ایسے اقدام سے بے خبر نہیں،بھارت کو اختیار نہیں کہ ایسے فیصلے کرے،کشمیر ایک الگ حیثیت ہے، اس حوالے سے پاکستان تمام اسٹیک ہولڈرز کا جلد اجلاس بلائے گا،تنازع گزشتہ 7 دہائیوں سے زیر التوا ہے،پاکستان کشمیریوں کی سیاسی، سفارتی اور اخلاقی حمایت جاری رکھے گا،بھارت کا جموں کشمیر پر قبضے کا پلان ناکام ہوگا،

International law doesn't recognize India’s unilateral and illegal actions of 5 August 2019. The judicial endorsement by the Indian Supreme Court has no legal value. Kashmiris have an inalienable right to self determination in accordance with the relevant UN SC resolutions.

— Jalil Abbas Jilani (@JalilJilani) December 11, 2023

واضح رہے کہ بھارتی سپریم کورٹ نے جموں کشمیر سے آرٹیکل 370 کی منسوخی کیس کا فیصلہ سنا دیا، عدالت نے آرٹیکل 370 کی منسوخی کو برقرار رکھا ہے،بھارتی سپریم کورٹ نے اپنے فیصلے میں کہا کہ” جموں کشمیر میں آرٹیکل 370 کا نفاذ عبوری تھا اور اس کو ہٹانے کا فیصلہ درست تھا” سپریم کورٹ نے اپنے فیصلے میں جموں کشمیر میں 30 ستمبر 2024 تک اسمبلی انتخابات کروانے کی الیکشن کمیشن آف انڈیا کو ہدایت کی،بھارتی سپریم کورٹ نے جموں کشمیر کو جلدہی ریاست کا درج بحال کرنے کی ہدایت بھی کی، عدالت نے لداخ کو یوٹی بنانے کے فیصلہ کو بھی برقراررکھا