ملک میں پیٹرولیم مصنوعات کی ممکنہ قلت کا خدشہ پیدا ہوگیا ہے جس پر آل پاکستان پیٹرول پمپ اونرز ایسوسی ایشن کی جانب سے وزیراعظم کو خط لکھ دیا گیا ہے۔
پیٹرول پمپ اونرز ایسوسی ایشن کی جانب سے خط میں مؤقف اختیار کیا گیا ہے کہ آئل مارکیٹنگ کمپنیوں کی جانب سے کوٹہ سسٹم نافذ کیا گیا ہے جس کے باعث پیٹرول پمپس کو مطلوبہ مقدار میں تیل فراہم نہیں کیا جا رہا آرڈرز دینے کے باوجود آئل سپلائی تاخیر کا شکار ہے اور ٹینکرز گھنٹوں انتظار پر مجبور ہیں خط کے مطابق اس صورتحال کے باعث مصنوعی قلت پیدا ہونے سے عوام میں خوف و ہراس پھیلنے کا خدشہ ہے۔
ایسوسی ایشن نے حکومت سے فوری مداخلت کا مطالبہ کرتے ہوئے کہا ہے کہ آئل کمپنیوں کو کسی بھی قسم کی پابندیاں عائد کرنے سے قبل مشاورت کا پابند بنایا جائے پیٹرول پمپ مالکان نے پیٹرولیم مصنوعات کی فراہمی فوری طور پر بہتر بنانے کی اپیل بھی کی ہے تاکہ ممکنہ قلت اور عوامی پریشانی سے بچا جا سکے۔
بل کلنٹن کے ٹرمپ اور جیفری ایپسٹین کی گفتگو سے متعلق اہم انکشافات
واضح رہے کہ ایران اور اسرائیل کے درمیان جاری جنگ کے اثرات پاکستان سمیت دنیا بھر میں محسوس کیے جا رہے ہیں ملک میں تیل کمپنیوں نے پٹرول پمپس کو تیل کی فراہمی محدود کرنا شروع کر دی ہے، جس کے باعث ممکنہ قلت کا خدشہ پیدا ہو گیا ہے۔
عالمی مارکیٹ میں بھی تیل کی قیمتوں میں اضافہ دیکھا گیا ہے برینٹ خام تیل کی قیمت میں ایک ڈالر گیارہ سینٹ یا تقریباً 1.4 فیصد اضافہ ہوا جس کے بعد اس کی قیمت 82 ڈالر 53 سینٹ فی بیرل تک پہنچ گئی اسی طرح امریکی ویسٹ ٹیکساس انٹرمیڈیٹ خام تیل 79 سینٹ اضافے کے ساتھ 75 ڈالر 37 سینٹ فی بیرل ہو گیاماہرین کا کہنا ہے کہ مشرق وسطیٰ میں جاری کشیدگی کے باعث تیل کی پیداوار اور برآمدات متاثر ہو رہی ہیں، جس سے قیمتوں پر دباؤ بڑھ رہا ہے۔
ایران پر حملے سے قبل دورہ اسرائیل:مودی کو کڑی تنقید کا سامنا
رپورٹس کے مطابق اسرائیلی اور امریکی افواج کی جانب سے ایران میں مختلف اہداف کو نشانہ بنانے کے بعد ایران نے خطے میں توانائی کے انفراسٹرکچر پر حملے کیے ہیں عراق، جو اوپیک کا دوسرا بڑا تیل پیدا کرنے والا ملک ہے، اس نے ذخیرہ کرنے کی گنجائش اور برآمدی راستوں کی کمی کے باعث اپنی پیداوا ر میں تقریباً پندرہ لاکھ بیرل یومیہ کمی کر دی ہے اگر برآمدات بحال نہ ہوئیں تو عراق کو مزید پیداوار بند کرنا پڑ سکتی ہے۔
ادھر آبنائے ہرمز میں بھی کشیدگی بڑھ گئی ہے، جہاں سے دنیا کا تقریباً پانچواں حصہ تیل اور مائع قدرتی گیس گزرتی ہے ایران نے چند ٹینکروں کو نشانہ بنایا جس کے بعد کئی روز تک جہاز رانی متاثر رہی، تاہم امریکی صدر ڈونلڈ ٹرمپ کے اس بیان کے بعد کہ امریکی بحریہ ضرورت پڑنے پر ٹینکروں کو سیکیورٹی فراہم کر سکتی ہے، قیمتوں میں مزید تیزی وقتی طور پر محدود رہی۔
ایران پر آئندہ چند روز میں مزید تباہ کن حملے ہوسکتے ہیں، امریکی وزیرخارجہ
انہوں نے خلیج میں بحری تجارت کے لیے سیاسی خطرات کی انشورنس اور مالی ضمانتوں کی ہدایت بھی دی،اس کے باوجود جہاز مالکان اور تجزیہ کاروں کا کہنا ہے کہ صرف فوجی سکیورٹی اور انشورنس سے اعتماد مکمل طور پر بحال نہیں ہو سکتا کئی ممالک اور کمپنیاں متبادل راستے اور توانائی کے نئے ذرائع تلاش کر رہی ہیں۔
بھارت اور انڈونیشیا نے دیگر سپلائرز سے رابطے شروع کر دیے ہیں جبکہ چین کی بعض ریفائنریاں عارضی بندش یا مرمت کے منصوبے آگے بڑھا رہی ہیں،سعودی آرامکو بھی کچھ برآمدات کو آبنائے ہرمز کے بجائے بحیرہ احمر کے راستے منتقل کرنے کی کوشش کر رہی ہے۔
گھر سے سودا لینے کیلئے جانے والے 14 سالہ بچے کیساتھ زیادتی، ملزم گرفتار
