Tag: کوئٹہ

اسلام آباد:سعودی عرب سے پاکستان آنے والی قومی ایئرلائن کی پرواز حادثے سے بال بال بچ گئی۔تفصیلات کے مطابق پی آئی اے کی پرواز دمام سے اسلام آباد آرہی تھی کہ اڑان بھرتے ہی نوز وہیل بند کرتے ہوئے پائلٹ کو خرابی محسوس ہوئی۔

لینڈنگ کے دوران بوئنگ 777 طیارے کا اگلا ٹائر پھٹ گیا۔ کپتان نے مہارت سے طیارہ کنٹرول کرتے ہوئےلینڈ کرایا۔پی کے 246 میں 200 سے زائدمسافر سوار تھے۔ ترجمان پی آئی اے کے مطابق ہائی اسپیڈ ٹمپریچر کی وجہ سے نوزوہیل کی لیئر اتری ٹیک آف کےدوران پائلٹ کونوز وہیل میں خرابی محسوس ہوئی۔

دمشق ائیرپورٹ پر بمباری اور پروازیں منسوخ:مگرپی آئی اے نے متبادل بندوبست کرلیا

ترجمان نے بتایا کہ واقعہ 3روز قبل پیش آیا تھا طیارے کی اسلام آباد لینڈنگ کے بعد مکمل جانچ کی گئی۔

ادھر آج کوئٹہ میں موسم خراب ہونے کی وجہ سے پی آئی اے کی لاہور سے کوئٹہ کی پرواز کو کوئٹہ ایئرپورٹ لینڈ کرنے میں دشواری کا سامنا ہے۔

پی آئی اے کی گوادر سے کراچی جانے والی پرواز کا ٹائر پھٹ گیا

تفصیلات کے مطابق ذرائع کا کہنا ہے کہ پی آئی اے کی لاہور سے کوئٹہ جانے والی پرواز پی کے 322 کوئٹہ ایئر پورٹ لینڈ نہ کرسکی، جہاز کوئٹہ ایئر پورٹ کے اطراف فضا میں چکر لگاتا رہا، پرواز خراب موسم اور تیز ہواؤں کی وجہ سے کوئٹہ ایئر پورٹ پر لینڈنگ کی اجازت نہیں ملی۔

پی آئی اے کا کمال، مسافروں کو چھوڑ کر پرواز روانہ

ترجمان پی آئی اے کا کہنا ہے کہ پرواز کو خراب موسم کی وجہ سے واپس لاہور ایئرپورٹ پر روانہ کردیا گیا، مسافروں کو گھر بجھوانے کا فیصلہ کر لیا ہے، خراب موسم کی وجہ سے مسافروں کی سیفٹی کو مدِ نظر رکھتے ہوئے پرواز کو واپس لاہور بھجوایا گیا۔

کوئٹہ:کوئٹہ میں سی ٹی ڈی کی بڑی کاروائی،خودکُش بمبارگرفتارکرلیا،خطرناک انکشافات،اطلاعات کے مطابق کوئٹہ میں‌ آج دہشت گردی کی ایک بڑی کارروائی ناکام بنا دی گئی ہے ، ادھر اس حوالے سے مزیدمعلوم ہوا ہے کہ سی ٹی ڈی کو اطلاع ملی کے دہشتگرد دھماکہ کرنے جا رہے ہیں،

ترجمان سی ٹی ڈی کے مطابق خفیہ اطلاع پر موٹر سائیکل سوار کو روکا اور چیک کیا،چیک کرنے پر موٹر سائیکل میں IED کو نصب پایا، BD نے IED بم کو ناکارہ بنایا، ترجمان سی ٹی ڈی کے مطابق گرفتار ہونے والے ملزم کی شناخت نظام الدین عرف خالد کے نام سے ہوئی، ملزم نے انکشاف کیا کہ وہ ہائی کورٹ سیشن کورٹ ایف سی اور پولیس پر حملے کی منصوبہ بندی کر رہے تھے،

ترجمان سی ٹی ڈی نے مزید انکشاف کیا کہ ملزم نے بتایا 8 ساتھیوں پر مشتمل گروپ نے مختلف دہشت گرد کاروائیاں کیں، ڈی آئی جی ٹیلی حامد شکیل پر خودکش حملے میں یہی گروپ ملوث تھا ملزم کا آر آر جی فورس کے ٹرک اور میکانگی روڈ ایف سی کی گاڑی پر آئی ای ڈی دھماکے کا اعتراف بھی کیا ہے ، اس کے ساتھ ساتھ سرینا ہوٹل کار پارکنگ میں خودکش دھماکے میں بھی یہی گروپ ملوث تھا،

سی ٹی ڈی ترجمان کے مطابق بی اے مال کے قریب پاک فوج کے ٹرک پر آئی ای ڈی دھماکے کا بھی اعتراف،ملزم نے یونیورسٹی چوک سریاب میں بی سی پولیس کے ٹرک پر آئی ای ڈی حملے کا بھی اعتراف کیا، قندہاری بازار بخاری سینٹر کے باہر موٹر سائیکل ایک آئی ڈی دھماکے میں بھی یہی گروپ ملوث تھا،سائنس کالج کے مین گیٹ پر جمعیت نظریاتی پر آئی ای ڈی دھماکے کا بھی اعتراف کیا ہے ملزم نے فاطمہ جناح روڈ پر دکان میں ہزارہ ٹارگٹ کلنگ کا بھی اعتراف کیا، ملزم کے دیگر ساتھیوں کے لیے مختلف چھاپے مارے جا رہے ہیں،

کوئٹہ :بلوچستان میں بلدیاتی انتخابات 29 مئی کو ہونگے:اطلاعات کے مطابق میر ضیاء اللہ لانگو نے کہا ہے کہ بلوچستان میں بلدیاتی انتخابات 29 مئی کو ہونگے۔اس حوالے سے مشیر داخلہ بلوچستان میر ضیاء اللہ لانگو نے کہا ہے کہ بلدیاتی انتخابات کے دوران امن وامان کو برقرار رکھنے کے لئے سیکیورٹی پلان ترتیب دے دیا گیا ہے۔

مشیر داخلہ بلوچستان میر ضیاء اللہ لانگو نے کہا کہ 32اضلاع کے پولنگ اسٹیشن پر پولیس اور لیویز کے21ہزار سے زائد اہلکار اور افسران تعینات ہونگے، حساس ترین پولنگ اسٹیشن پر پولیس اور لیویز کے علاوہ پاک فوج اور ایف سی کو بھی ہائی الرٹ رکھا گیا ہے۔

میر ضیاء اللہ لانگو نے کہا ہے کہ کسی ہنگامی صورتحال میں پاک فوج اور ایف سی کو کوئیک ریسپانس فورس کے طور پر رکھا گیا ہے، حساس ترین پولنگ اسٹیشن پر ضرورت پڑنے پر پاک فوج کو بھی بلایا جاسکتا ہے۔

مشیر داخلہ بلوچستان نے کہا ہے کہ فل پرف سیکیورٹی کو یقینی بنانے کے لئے موثر حکمت عملی اپنائی گئی ہے، امن وامان سے متعلق اجلاس میں صوبے کی سیکیورٹی صورتحال پر تفصیلی جائزہ لیا گیا ہے۔انہوں نے کہا کہ عوام کو حق رائے کے دوران پرامن ماحول کی فراہمی حکومت کی ذمہ داری ہے، وزیراعلیٰ بلوچستان کی ہدایت پر تمام معاملات کو حتمی شکل دے دی گئی ہے۔

مشیر داخلہ بلوچستان میر ضیاء اللہ لانگو نے کہا کہ عوام ووٹ کا استعمال کرکے اپنے حق رائے دہی میں ضرور حصہ لے، عوام بلا خوف و خطر پولنگ اسٹیشن پہنچ کر اپنا حق رائے دہی استعمال کریں۔

کوئٹہ : چیف سیکرٹری بلوچستان عبدالعزیز عقیلی کی زیر صدارت صوبے میں بلدیاتی انتخابات میں سکیورٹی انتظامات کے حوالے سے اعلیٰ سطحی اجلاس کا انعقاد کوئٹہ میں ہوا۔ چیف سیکرٹری نے اجلاس کو بریفنگ دیتے ہوئے کہا کہ بلدیاتی انتخابات کے لئے تمام تیاریاں مکمل ہیں۔32 اضلاع میں انتخابات کرائے جائیں گے۔ پرامن اور شفاف انتخابات صوبائی حکومت کی اولین ترجیح ہے۔

چیف سیکرٹری بلوچستان نے حساس اضلاع میں سکیورٹی فورسز کی اضافی نفری تعینات کرنے کی ہدایت جاری کرتے ہوئے کہا کہ قانون نافذ کرنے والے ادارے مضبوط روابط قائم رکھیں۔ بلدیاتی انتخابات کے لئے سکیورٹی، کمیونیکیشن اور ٹرانسپورٹ پلان ترتیب دے دیا گیا ہے۔ انکا کہنا تھا کہ الیکشن کمیشن کی جانب سے جاری کردہ ضابطہ اخلاق پر عملدرآمد کو یقینی بنائیں گے۔ اس کے علاوہ آنے والے بلدیاتی انتخابات کے تناظر میں پورے صوبے میں امن و امان کی مجموعی صورتحال کا جائزہ لیا گیا۔

اجلاس کے دوران چیف سیکرٹری نے پورے صوبے میں سکیورٹی انتظامات میں اضافے کے لئے ڈویژنل کمشنرز اور ڈپٹی کمشنرز کو ہدایات بھی جاری کئے۔ انہوں نے مقامی انتظامیہ اور قانون نافذ کرنے والے اداروں کو ہدایات دیتے ہوئے کہا کہ سیاسی قیادت سے رابطہ مربوط بنایا جائے اور انہیں حکومت کی طرف سے کئے گئے سکیورٹی انتظامات کے بارے میں آگاہ کیا جائے۔ سیاسی قیادت اور انتظامیہ ایک دوسرے سے تعاون کو بڑھائے تاکہ کسی بھی ناخوشگوار واقعہ کو روکا جا سکے۔

چیف سیکرٹری نے آنے والے انتخابات کے پرامن اور احسن انداز میں انعقاد کو یقینی بنانے کی ہدایت دی اور کہا کہ اگر ضرورت پڑی تو وہ خود مختلف اضلاع کا دورہ کرکے سکیورٹی انتظامات کا جائزہ لیں گے۔ اجلاس میں ایڈیشنل چیف سیکرٹری داخلہ، آئی جی پولیس، سیکرٹری لوکل گورنمنٹ، جوائنٹ ڈائریکٹر جنرل آئی بی، صوبائی الیکشن کمشنر اور دیگر قانون نافذ کرنے والے اداروں کے نمائندوں نے شرکت کی۔

کوئٹہ:بلوچستان شدید گرمی کی لپیٹ میں:محکمہ موسمیات نےخبردارکردیا ،اطلاعات کے مطابق ملک بھرکی طرف اس وقت صوبہ بلوچستان میں گرمی کی شدید لہر آئی ہوئی ہے اوراس حوالے سے محکمہ موسمیات نے خبردارکرتے ہوئے کہاہےکہ بلوچستان کے بیشتر علاقے شدید گرمی کی لپیٹ میں رہیں گے۔

بلوچستان میں کس قدر گرمی ہے اس حوالے سے محکمہ موسمیات نے بلوچستان کے کچھ علاقوں کی تازہ صورت حال شیئر کی ہے ، محکمہ موسمیات کا کہنا ہے کہ کوئٹہ میں زیادہ سے زیادہ درجہ حرارت 35 ڈگری سینٹی گریڈ کیا گیا

کوئٹہ کے علاوہ قلات میں زیادہ سے زیادہ درجہ حرارت 31 ڈگری سینٹی گریڈ ریکارڈ کیاگیا ۔محکمہ موسمیات کا کہنا ہے کہ اس وقت بلوچستان کے ساحلی علاقے گوادر میں زیادہ سے زیادہ درجہ حرارت 33 ڈگری سینٹی گریڈ ریکارڈ۔

محکمہ موسمیات نے بلوچستان کے اس علاقے کی بھی نشاندہی کی ہے جس میں اس وقت درجہ حرارت سب سے زیادہ ہے ، اس میں سبی میں زیادہ سے زیادہ درجہ حرارت47ڈگری سینٹی گریڈ ریکارڈ ۔

محکمہ موسمیات کی طرف سے جاری کردہ اعدادوشمار کے مطابق نوکنڈی میں زیادہ سے زیادہ درجہ حرارت43ڈگری سینٹی ریکارڈ کیا گیا ہے

صوبے میں اس وقت ہوا میں نمی کی کیا صورتحال ہے اس حوالے سے بتایا گیا ہے کہ کوئٹہ میں ہوا میں نمی کا تباسب 21فیصد گوادر میں 77فیصد قلات میں 33 فیصد سبی میں 34 فیصد نوکنڈی میں 7فیصد ریکارڈ کیا گیا۔

کوئٹہ :زلزلہ متاثرہ علاقوں میں امدادی سامان روانہ کر دیا گیا ہے،اطلاعات کے مطابق وزیر اعلیٰ بلوچستان میر عبد القدوس بزنجو نے کہا ہے کہ پی ڈی ایم اے کی جانب سے متاثرہ علاقوں میں امدادی سامان روانہ کر دیا گیا ہے۔

تفصیلات کے مطابق وزیر اعلیٰ بلوچستان نے بی این پی کے سربراہ رکن قومی اسمبلی سردار اختر مینگل سے ٹیلیفونک رابطہ کیا، دونوں رہنماؤں کے درمیان خضدار کے مختلف علاقوں میں زلزلے سے پیدا صورتحال اور امدادی سرگرمیوں کے حوالے سے بات چیت ہوئی۔

وزیر اعلیٰ بلوچستان نے سردار اختر جان مینگل کو حکومتی اداروں کی جانب سے متاثرہ علاقوں میں شروع کی گئی امدادی کارروائیوں پر بریفنگ دی، میر عبد القدوس بزنجو کا کہنا تھا کہ پی ڈی ایم اے کی جانب سے متاثرہ علاقوں میں امدادی سامان روانہ کر دیا گیا ہے۔

انہوں نے کہا کہ ضلعی انتظامیہ کو متاثرین کے ریسکیو اور فوری امداد کے لیۓ ہدایات جاری کر دی گئی ہیں، ضلع خضدار میں تما م اداروں کو ہائی الرٹ کر کے ایمرجنسی نافذ کر دی گئی ہے۔

ان کا کہنا تھا کہ متاثرین کی امداد و بحالی میں کوئی کسر اٹھا نہیں رکھی جائے گی، متاثرین کی بھرپور معاونت اور نقصانات کا ازالہ کیا جائے گا۔

واضح رہے کہ بلوچستان کے علاقے ضلع چاغی میں زلزلے کے جھٹکے محسوس کیے گئے ہیں، زلزلہ پیما مرکز نے بتایا کہ ریکٹل اسکیل پر زلزلے کی شدت 5.1 ریکارڈ کی گئی ہے۔