Baaghi TV

Tag: کویت

  • کویت میں ہلاک ہونے والے 6 امریکی فوجیوں کی لاشیں امریکا پہنچا دی گئیں

    کویت میں ہلاک ہونے والے 6 امریکی فوجیوں کی لاشیں امریکا پہنچا دی گئیں

    کویت میں ایرانی ڈرون حملے میں ہلاک ہونے والے 6 امریکی فوجیوں کی لاشیں امریکا پہنچا دی گئیں۔

    ریاست ڈیلاویئر کے ڈوور ایئر فورس بیس پر منتقلی کی تقریب ہوئی امریکی صدر ڈونلڈ ٹرمپ نے تقریب میں شرکت کی اور فوجیوں کو خراجِ عقیدت پیش کیاصدر ٹرمپ سفید رنگ کی ’یو ایس اے‘ تحریر والی بیس بال کیپ پہنے ہوئے تھے اور انہوں نے اس وقت سلامی دی جب فوجی اہلکار امریکی پرچم میں لپٹے تابوتوں کو فوجی طیارے سے اتار کر باہر لے جا رہے تھے۔

    ڈوور ایئر فورس بیس وہ مقام ہے جہاں بیرون ملک ہلاک ہونے والے امریکی فوجیوں کی میتیں سب سے پہلے امریکا لائی جاتی ہیں تقریب میں صدر ٹرمپ کے ہمراہ خاتونِ اول میلانیا ٹرمپ، نائب صدر جے ڈی وینس، وزیر دفاع پیٹ ہیگسیتھ، جوائنٹ چیفس آف اسٹاف کے چیئرمین جنرل ڈین کین سمیت دیگر اعلیٰ فوجی اور سرکاری حکام بھی موجود تھے۔

    ناروے میں امریکی سفارت خانے کے باہر زور دار دھماکا

    یہ فوجی گزشتہ اتوار کو کویت میں ایک اہم امریکی کمانڈ سینٹر پر ہونے والے ڈرون حملے میں ہلاک ہوئے تھے یہ حملہ ایسے وقت میں ہوا جب ایک دن قبل امریکا اور اسرائیل نے ایران کے خلاف بڑے پیمانے پر فوجی کارروائی شروع کی تھی۔

    ہلاک ہونے والے فوجیوں میں پانچ مرد اور ایک خاتون شامل تھے جن کی عمریں 20 سے 54 سال کے درمیان تھی یہ تمام فوجی ریزرو فورس سے تعلق رکھتے تھے اور انہیں آئیووا کے شہر ڈیس موئنز میں قائم 103ویں سسٹینمنٹ کمانڈ کے ساتھ تعینات کیا گیا تھا اس یونٹ کی ذمہ داری میدان جنگ میں موجود فوجیوں کو خوراک، ایندھن، سامان اور گولہ بارود فراہم کرنا ہوتی ہے۔

    تقریب کے بعد پرچم میں لپٹے تابوتوں کو خصوصی گاڑیوں کے ذریعے ڈوور میں قائم مردہ خانے منتقل کیا گیا جہاں آرمڈ فورسز میڈیکل ایگزامنر سسٹم کے ماہرین لاشوں کی شناخت مکمل کرتے ہیں اور بعد ازاں انہیں تدفین کے لیے تیار کیا جاتا ہے۔

    خاتم الانبیاء مرکزی ہیڈ کوارٹر نے امریکا اور اسرائیل کی سہولتکاری کرنے والے ممالک کو خبردار کر دیا

    صدر ٹرمپ نے اس موقع پر اپنے بیان میں کہا کہ انہوں نے فوجیوں کے تابوت وصول کیے جس پر انہیں بہت افسوس ہوا ہلاک ہونے والے فوجیوں کے اہلخانہ اور ان کے بچوں پر فخر ہے جنہوں نے ملک کے لیے قربانی دی۔

    انہوں نے اپنے سوشل میڈیا پلیٹ فارم ٹروتھ سوشل پر جاری بیان میں ایران کو خبردار کرتے ہوئے کہا کہ امریکا ضرورت پڑنے پر ایران کو ’بہت سخت‘ جواب دے گا اور حملوں کا دائرہ مزید اہداف تک بھی بڑھایا جا سکتا ہے۔

  • کویت میں امریکی ایف 15 طیارہ تباہ

    کویت میں امریکی ایف 15 طیارہ تباہ

    امریکی فضائیہ کا ایک ایف 15 لڑاکا طیارہ مبینہ طور پر کویت میں گر کر تباہ ہو گیا۔ غیر ملکی میڈیا رپورٹس کے مطابق پائلٹ طیارہ گرنے سے قبل بحفاظت ایجیکٹ کرنے میں کامیاب رہا۔

    واقعے کی وجوہات فوری طور پر سامنے نہیں آ سکیں اور حکام کی جانب سے تفتیش جاری ہے تاہم سوشل میڈیا پر گردش کرنے والی ایک ویڈیو میں طیارے کو آگ کے شعلوں میں گھرا ہوا زمین کی طرف گرتے دیکھا جا سکتا ہے، تاہم سرکاری سطح پر مزید تفصیلات جاری نہیں کی گئیں۔

    ایف 15 ایگل لڑاکا طیارہ F-15 Eagle امریکی فضائیہ کے لیے فضائی برتری حاصل کرنے کے مقصد سے تیار کیا گیا تھا۔ یہ طیارہ 1976 میں متعارف کرایا گیا اور 2026 تک فضائی لڑائیوں میں 104-0 کا ریکارڈ رکھتا ہے،یہ طیارہ ابتدائی طور پر کمپنی McDonnell Douglas نے تیار کیا تھا جو اب Boeing کا حصہ ہے اس کی رفتار میخ 2.5 تک پہنچ سکتی ہے اور یہ طویل فاصلے تک پرواز اور بھاری ہتھیار لے جانے کی صلاحیت رکھتا ہے بعد ازاں اس پلیٹ فارم کو ایف 15 ای اسٹرائیک ایگل اور جدید ایف 15 ای ایکس ایگل ٹو جیسے ماڈلز میں بھی اپ گریڈ کیا گیا۔

  • کویت انٹرنیشنل ایئرپورٹ پر ڈرون حملہ، متعدد ملازمین زخمی

    کویت انٹرنیشنل ایئرپورٹ پر ڈرون حملہ، متعدد ملازمین زخمی

    کویت کی جنرل اتھارٹی برائے شہری ہوابازی کے مطابق کویت انٹرنیشنل ایئرپورٹ کو ڈرون حملے کا نشانہ بنایا گیا جس کے نتیجے میں متعدد ملازمین کو معمولی زخم آئے اور مسافر عمارت کو محدود نوعیت کا نقصان پہنچا۔

    کویت انٹرنیشنل ایئرپورٹ پر ڈرون حملہ، متعدد ملازمین کے معمولی زخمی ہونے کی اطلاع، مسافر ٹرمینل کو بھی نقصان پہنچا، اتھارٹی کے سرکاری ترجمان عبداللہ الراجحی نے بتایا کہ حملے کے فوری بعد متعلقہ حکام نے منظور شدہ ہنگامی طریقہ کار فوری طور پر نافذ کردیا، حالات کو قابو میں کرلیا گیا ۔

    ایران نے ایک دن کے میزائل حملوں سے خلیجی ممالک کی پوری فضائی ٹریفک کو مفلوج کر دیا اس پر اربوں نہیں تو لاکھوں ڈالر لاگت آئے گی-

    ایرانی پاسداران انقلاب کا امریکا کے 14 اڈوں پر سیکڑوں فوجی ہلاک کرنے کا دعویٰ

    دوسری جانب سوشل میڈیا پوسٹس کے ،مطابق ایران نے کویت کے بین الاقوامی ہوائی اڈے پر حملے میں ملوث ہونے کی تردید کی ہے۔

    تہران نے تصدیق کی کہ کویت کے ہوائی اڈے کے واقعے میں اس کے ملوث ہونے کا دعویٰ کرنے والی تمام رپورٹس غلط ہیں، اس بات کی طرف اشارہ کرتے ہوئے کہ کوئی تیسرا فریق اس کے پڑوسیوں کے ساتھ کشیدگی کو ہوا دینے کی کوشش کر رہا ہے، اور اس بات پر زور دیا کہ ایرانی فوجی کارروائیوں کا رخ صرف امریکی اڈوں پر ہے۔

    ترکیہ اور چین کا ایران، امریکا اور اسرائیل کے درمیان جاری کشیدگی پر گہری تشویش کا اظہار

  • کویت میں تاریخ کا سب سے بڑا شہریت فراڈ بے نقاب،ہزاروں تارکین وطن ملک بدر

    کویت میں تاریخ کا سب سے بڑا شہریت فراڈ بے نقاب،ہزاروں تارکین وطن ملک بدر

    کویت میں تاریخ کے سب سے بڑے شہریت فراڈ کا انکشاف ہوا ہے، جس کے تحت حکومت نے 1,060 سے زائد افراد کی شہریت منسوخ کر دی ہے۔

    حکام کے مطابق یہ کارروائی ایک طویل اور جامع تحقیقات کے بعد عمل میں لائی گئی ہے، جسے ملکی تاریخ کا سب سے بڑا فراڈ آپریشن قرار دیا جا رہا ہے۔عرب میڈیا کے مطابق اس فراڈ کے دوران جعلی شناختی دستاویزات، جھوٹے خاندانی دعوے اور دوہری شہریت کے ایک منظم نیٹ ورک کی نشاندہی کی گئی۔یہ تحقیقات سپریم کمیٹی برائے کویتی شہریت تحقیقات کی نگرانی میں مکمل کی گئیں، جسے وزارت داخلہ کے نیشنلٹی انویسٹیگیشن ڈیپارٹمنٹ کی مکمل معاونت حاصل تھی۔

    کویتی اخبار الری کے مطابق یہ نیٹ ورک کئی دہائیوں سے سرگرم تھا، جس کے تحت متعدد افراد نے جعلی شناخت کے ذریعے غیر قانونی طور پر شہریت حاصل کی.یہ جعلی شہریتیں مختلف ذرائع، بشمول جعلی نسب ناموں اور خاندانی دعوؤں کے ذریعے حاصل کی گئی تھیں۔اس کے علاوہ مئی اور جون 2025 کے دوران کویتی وزارت داخلہ نے تقریباً 6,300 غیر ملکیوں کو بھی ملک بدر کیا ہے.یہ کارروائی رہائش اور لیبر قوانین کے نفاذ کی مہم کا حصہ تھی۔

    حکام کے مطابق ان میں سے بہت سے افراد کو داخلی سیکیورٹی شعبوں نے حراست میں لیا، جبکہ بعض کیسز میں عدالتی فیصلوں کی بنیاد پر ملک بدری کی گئی۔کویتی حکام کا کہنا ہے کہ ملک میں شہریت، رہائش، اور لیبر قوانین کے سخت نفاذ کو یقینی بنایا جائے گا اور جعلی دستاویزات یا غیر قانونی ذرائع سے شہریت حاصل کرنے والوں کے ساتھ کسی قسم کی رعایت نہیں برتی جائے گی۔

    خیبر پختونخوا: مخصوص نشستوں پر حلف ، وزیرِ اعلیٰ کا عدالت جانے کا اعلان

    آئی سی سی میں بھارتی دباؤ مسترد، فائنلز کی میزبانی انگلینڈ کو دے دی گئی

    غزہ کی جامعات سے کامسٹیک کا ورچوئل اجلاس، اسکالرشپس اور تعلیمی بحالی پر اتفاق

  • کویت کیجانب سے 19 سال بعد پاکستانیوں کیلئے دروازے کھل گئے

    کویت کیجانب سے 19 سال بعد پاکستانیوں کیلئے دروازے کھل گئے

    کویت نے پاکستانی شہریوں کیلئے ویزوں پر عائد پابندی ختم کر دی۔

    کویت کی جانب سے انیس سال بعد پاکستانیوں کے لئے دروازے کھل گئے ہیں، وزارت اوورزسیز پاکستانیز کے فوکل پرسن مصطفی ملک نے کہا ہے کہ کویتنے پاکستانیوں کو ورک، فیملی، وزٹ، سیاحتی اور کمرشل ویزوں کے اجرا کا آغاز کردیا ہے۔

    انہوں نے کہا کہ ویزوں کے اجرا سے ہزاروں افراد کو کویت میں روزگار، تجارت اور سیاحت کے مواقع میسر آئیں گے، ان کا کہنا تھا کہ تمام ویزے آن لائن پلیٹ فارم کے ذریعے حاصل کئے جا سکیں گے۔

    واضح رہے کہ کویتی دینار دنیا کی سب سے مضبوط کرنسی ہے اور ایک کویتی دینار کی قدر 914 پاکستانی روپے ہے کویت نے 2011 میں پاکستان، ایران، شام اور افغانستان کے شہریوں کو ویزے جاری کرنا بند کر دیئے تھے، جس کی وجہ ان ممالک میں خراب سیکیورٹی حالات بتائی گئی تھی اس کےبعد پاکستان نےکئی بار کوششیں کیں کہ پاکستانی شہریوں کے لیے ویزے کی بحالی ہوسکے لیکن کوئی کامیابی حاصل نہ ہو سکی سابق وزیراعظم نواز شریف نے بھی2017 میں اپنے کویت کے دورے کے دوران پاکستانی شہریوں کے لیے ویزے کی بحالی کی درخواست کی تھی۔

    گلف نیوز کی رپورٹ میں بتایا گیا تھا کہ کویت میں پاکستان کے سفیر ڈاکٹر ظفر اقبال نے آگاہ کیا ہے کہ کویتی حکومت نے پاکستانی شہریوں کو مختلف اقسام کے ویزے جاری کرنے کا عمل باضابطہ طور پر دوبارہ شروع کر دیا ہے، جو دونوں ممالک کے تعلقات کو مضبوط بنانے اور اہم لیبر ضروریات کو پورا کرنے کی جانب ایک اہم قدم ہے۔

    پاکستانی سفیر نے یہ بھی اعلان کیا تھا کہ کویت کے شعبہ صحت میں بڑھتی ہوئی ضرورت کو مدنظر رکھتے ہوئے ایک ہزار 200 پاکستانی نرسوں کو بھرتی کرنے کا منصوبہ ہے اس ضمن میں نرسوں کا ابتدائی گروپ (جس میں 125 نرسیں شامل تھیں) پچھلے ہفتے پہنچنا تھا لیکن رہائش کے مسائل کی وجہ سے اس کی آمد تاخیر کا شکار ہوئی، خصوصی ٹیمیں اس مسئلے کو حل کرنے کے لیے سرگرم عمل ہیں، اور ہمیں امید ہے کہ نرسیں آئندہ چند دنوں میں کویت پہنچ جائیں گی۔

  • کویت کے سابق وزیر داخلہ اور دفاع کو کرپشن کیسز میں قید اور جرمانہ

    کویت کے سابق وزیر داخلہ اور دفاع کو کرپشن کیسز میں قید اور جرمانہ

    کویت کے سابق وزیرِ داخلہ اور دفاع شیخ طلال الخالد کو دونوں وزارتوں میں کرپشن کے دو الگ الگ کیسز میں مجموعی طور پر 14 سال قید اور بھاری جرمانہ عائد کیا گیا ہے۔

    باغی ٹی وی : عالمی خبر رساں ادارے کے مطابق سابق وزیر پر دونوں وزارتوں کے بجٹ میں غبن کے الزامات پر داخلہ اور دفاع کے دو الگ الگ مقدمات تھےوزارت دفاع کے بجٹ میں غبن پر شیخ طلال الخالد کو 7 سال قید کی سزا سنائی گئی جب کہ 5 لاکھ کویتی دینار کے ساتھ اضافی ایک ملین کویتی ڈالر جرمانہ عائد کیا گیا۔

    وزارت داخلہ سے متعلق کیس میں شیخ طلال کو مزید 7 سال قید با مشقت کی سزا سنائی گئی اور 19 ملین کویتی دینار جرمانہ عائد کیا گیاان کیسز میں شیخ الخالد کو کسی بھی عوامی عہدے کے لیے نا اہل بھی قرار دیدیا گیا، عدالت نے کرپشن کی رقوم کی واپسی اور کیس سے منسلک گاڑیاں ضبط کرنے کا بھی حکم دیا۔

    سعودی عرب معاہدے کے تحت 570 پاکستانی قیدیوں کی واپسی کی لیے رضامند

    ایک اور شریک ملزم کو، جس کی شناخت ایک غیر ملکی کے طور پر ہوئی ہے، 4 سال قید کی سزا اور 2 لاکھ 94 ہزار کویتی دینار کا جرمانہ عائد کیا گیا قید و جرمانے کی سزا مکمل ہونے کے بعد اسے ملک بدر کر دیا جائے گا۔

    واضح رہے کہ سابق کویتی وزیر شیخ طلال الخالد نے غبن اور منی لانڈرنگ کے الزامات کو مسترد کر دیا تھا۔

    سیاست دانوں کے غلط رویوں سے آج پارلیمان بے معنی ہو گئی ،مولانا فضل الرحمان

  • شب معراج پر 3 چھٹیوں کا اعلان

    شب معراج پر 3 چھٹیوں کا اعلان

    کویت میں اسراء والمعراج کے موقع پر 3 چھٹیوں کا اعلان کر دیا گیا۔

    باغی ٹی وی :عرب میڈیاکے مطابق کویتی سول سروس کمیشن نے اسراء والمعراج کیلئے 3 روز عام تعطیل کا اعلان کیا ہے جس کا آغاز جمعرات، 30 جنوری سے ہفتہ یکم فروری تک ہوگا،اگرچہ اسرا والمعراج باضابطہ طور پر پیر 27 جنوری کو آتا ہے لیکن کویتی کابینہ نے رہا ئشیوں کے لیے ایک بڑے ویک اینڈ کی سہولت کیلئے اس تہوار کو جمعرات کو منتقل کرنے کا فیصلہ کیا ہے۔

    رپورٹ کے مطابق اس مدت کے دوران، تمام سرکاری محکمے اور عوامی ادارے بند رہیں گے جس کے بعد اتوار 2 فروری کو باقاعدہ کام دوبارہ شروع ہو گا،منفرد آپریشنل ضروریات کے حامل ادارے، جیسے ضروری خدمات، اپنی تعطیلات کے شیڈول کو اپنی مخصوص ضروریات کے مطابق ترتیب دیں گے تاکہ بلا تعطل کارروائیوں کو یقینی بنایا جا سکے۔

    2020 میں امریکی انتخابات،ٹرمپ کی اقتدار کیلئے مجرمانہ کوششیں، رپورٹ جاری

    واضح رہے کہ شب معراج اسلامی روایت میں ایک اہم واقعہ ہے جو پیغمبر اسلام ﷺ کے معجزانہ سفر اور معراج کی یاد میں منایا جاتا ہے،اصطلاح شریعت میں معراج سے مراد یہ ہے کہ نبی کریم ﷺکو رات کے ایک مختصر حصے میں روح اور جسم کے ساتھ مسجد اقصیٰ (بیت المقدس )سے ساتوں آسمانوں اور جنت ودوزخ کے مشاہدات اور سیر کرائی گئی اور آپ ﷺ وہاں تک پہنچے جہاں تک اس سے قبل کوئی بشر نہیں پہنچا۔ آپ ﷺنے وہ کچھ مشاہدہ کیا جو اب تک دوسرے انبیاءؑ نے بھی نہیں کیا تھا۔ ان مشاہدات میں سب سے اہم، اعلیٰ اور ارفع مشاہدہ یہ تھا کہ آنحضرت ﷺ، اللہ تعالیٰ کے دیدار سے مشرف ہوئے ۔آپ ﷺنے اپنے رب کی بڑی بڑی نشانیاں دیکھیں۔

    ریٹائرمنٹ کا فیصلہ فرنچائزز اور دنیا کی خودغرضی کی وجہ سے کیا، احسان اللہ خان

  • جنرل ساحر شمشادکی دورہ کویت کے دوران ولی عہد سے ملاقات

    جنرل ساحر شمشادکی دورہ کویت کے دوران ولی عہد سے ملاقات

    چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے کویت کا دورہ کیا جہاں انہوں نے ولی عہد،کویت کے نائب وزیر اعظم اوروزیر دفاع سے ملاقاتیں کیں۔

    آئی ایس پی آر کے مطابق ملاقاتوں میں دو طرفہ امور سمیت دفاعی تعاون پر تبادلہ خیال کیا گیا،دفاع اور سلامتی کے شعبوں میں تعاون کیلئےنئی راہیں تلاش کرنے کی اہمیت پر زو دیا گیا۔چیئرمین جوائنٹ چیفس آف اسٹاف کمیٹی نے مبارک العبداللہ جوائنٹ کمانڈ اینڈ اسٹاف کالج کا بھی دورہ کیا،جنرل ساحر شمشاد مرزا کو اکیڈمی میں جاری تربیتی سرگرمیوں کے بارے میں بریفنگ دی گئی۔اس سے قبل پی این ایس رسدگار اور پی این ایس عظمت نے کویت کی بندرگاہ الشویخ کا دورہ کیا، جبکہ پاکستان میری ٹائیم سیکیورٹی ایجنسی کے جہاز "دشت” نے عراق کی بندرگاہ ام قصر کا دورہ کیا۔ دونوں بندرگاہوں پر آمد کے موقع پر پاکستانی سفارتی اور میزبان بحریہ کے اعلیٰ حکام نے پاک بحریہ کے جہازوں کا پرتپاک استقبال کیا۔ مشن کمانڈر نے جہازوں کے کمانڈنگ افسرز کے ہمراہ دونوں ممالک کی بحری قیادت سے ملاقاتیں کیں۔ ملاقاتوں کے دوران باہمی دلچسپی کے امور، میری ٹائیم سیکیورٹی میں تعاون، اور بحری افواج کے مابین رابطے پر تبادلہ خیال کیا گیا۔ بعد ازاں، کویتی اور عراقی بحریہ کے جہازوں کے ساتھ بحری مشقیں بھی کی گئیں۔ مشقوں کا مقصد بحری افواج کے درمیان باہمی تعاون کو بہتر بنانے اور مشترکہ آپریشنز کی صلاحیت کو فروغ دینا تھا۔ پاک بحریہ کے فلوٹیلا کا کویت اور عراق کا دورہ دوست ممالک کے ساتھ موجودہ سفارتی اور بحری تعلقات کو مزید فروغ دے گا.

    کرنٹ سے بچے کی موت، والد کا کے الیکٹرک پر 48 لاکھ جرمانہ الخدمت کو دینے کا اعلان

    جنوبی افریقہ کیخلاف پہلے ٹیسٹ کیلئے پلیئنگ الیون کا اعلان

    بھارتی گلوکار جیسی گِل نے پاکستان آنے کا اعلان کر دیا

  • پاک بحریہ کے خلیج میں تعینات جہازوں کا عراقی، کویتی بندرگاہوں کا دورہ

    پاک بحریہ کے خلیج میں تعینات جہازوں کا عراقی، کویتی بندرگاہوں کا دورہ

    پاک بحریہ کے جہازوں نے خلیج عرب میں تعیناتی کے دوران کویت اور عراق کا دورہ کیا۔

    آئی ایس پی آر کے مطابق پی این ایس رسدگار اور پی این ایس عظمت نے کویت کی بندرگاہ الشویخ کا دورہ کیا، جبکہ پاکستان میری ٹائیم سیکیورٹی ایجنسی کے جہاز "دشت” نے عراق کی بندرگاہ ام قصر کا دورہ کیا۔ دونوں بندرگاہوں پر آمد کے موقع پر پاکستانی سفارتی اور میزبان بحریہ کے اعلیٰ حکام نے پاک بحریہ کے جہازوں کا پرتپاک استقبال کیا۔ مشن کمانڈر نے جہازوں کے کمانڈنگ افسرز کے ہمراہ دونوں ممالک کی بحری قیادت سے ملاقاتیں کیں۔ ملاقاتوں کے دوران باہمی دلچسپی کے امور، میری ٹائیم سیکیورٹی میں تعاون، اور بحری افواج کے مابین رابطے پر تبادلہ خیال کیا گیا۔ بعد ازاں، کویتی اور عراقی بحریہ کے جہازوں کے ساتھ بحری مشقیں بھی کی گئیں۔ مشقوں کا مقصد بحری افواج کے درمیان باہمی تعاون کو بہتر بنانے اور مشترکہ آپریشنز کی صلاحیت کو فروغ دینا تھا۔ پاک بحریہ کے فلوٹیلا کا کویت اور عراق کا دورہ دوست ممالک کے ساتھ موجودہ سفارتی اور بحری تعلقات کو مزید فروغ دے گا.

    مریم نواز کا پارا چنار کو ادویات کی فراہمی کا وعدہ پورا

    آن لائن فراڈ سے شہری پریشان، اذیت کا شکار ہوگئے

    ایک اور ملک کا ٹک ٹاک پر پابندی کا اعلان

    سندھ حکومت کا صوبے کے اسکولوں کو سولرائزڈ کرنے کا اعلان

    عمران خان شوکت خانم ڈونر کے پیسے کھاتا ہے، خواجہ آصف

  • ہوا میں کینسر پیدا کرنے والے آلودہ مواد کی موجودگی،کویتی حکومت کا بیان جاری

    ہوا میں کینسر پیدا کرنے والے آلودہ مواد کی موجودگی،کویتی حکومت کا بیان جاری

    کویت انوائرنمنٹ پبلک اتھارٹی نے ہوا میں کینسر پیدا کرنے والے آلودہ مواد کی موجودگی کے حوالے سے بیان جاری کیا ہے۔

    باغی ٹی وی: عالمی میڈیا رپورٹ کے مطابق سوشل میڈیا پلیٹ فارمز پر فضا میں کینسر کے آلودہ مواد کی گردش کرنے والی افواہوں کو حکام نے بے بنیاد قرار دیا ہے ان کا کہنا ہے کہ سوشل میڈیا ویب سائٹ پر گردش کرنے والی افواہیں غلط ہیں۔

    کویت کے محکمہ ماحولیات نے KUNA آبزرویٹری کو ایک وضاحتی بیان میں کہا کہ مانیٹرنگ اسٹیشن کویت میں فضائی آلودگی کی سطح کی پیمائش کرنے کے لیے سرکاری اور قابل اعتماد ذریعہ ہیں،یہ عوام کو نگرانی کی اجازت دیتا ہے ان کے منظور شدہ آلات کے ذریعہ نگرانی کی جانے والی اعلی ریڈنگ دھول مٹی والی ہواؤں کی طاقت کی وجہ سے ہے جو سڑکوں اور کھلے ریگستانی علاقوں کی مٹی سے گندگی اور دھول کو دوبارہ روکنے کا کام کرتی ہے۔

    کویت کے تمام خطوں میں ہوا کے معیار کی نگرانی کے لیے اقدامات کی یقین دہانی کرائی گئی ہے یو ایس انوائرنمنٹل پروٹیکشن ایجنسی کی طرف سے منظور شدہ اپنے جدید آلات کے ذریعےچھان بین جاری رکھنے کا اعلان کیا گیا ہے۔