پیر کو کویت کے ولی عہد شیخ مشعل الاحمد الجابر الصباح نے 2020 کی قومی اسمبلی کو تحلیل کرنے کا اعلان کردیا۔ اس اسمبلی کو مارچ میں آئینی عدالت کے فیصلے کے ذریعے ایک آئینی حل کے طور پر بحال کیا گیا تھا۔ اس بحالی کے لیے آئین کے آرٹیکل 107 کا سہارا لیا گیا تھا۔
باغی ٹی وی: عالمی خبررساں ادارے "اے پی” کے مطابق شیخ مشعل ال احمد الجابر نےیہ اعلان پیرکو قوم سےخطاب میں کیاجس میں انہوں نے اس فیصلے کو کویتی عوام کی مرضی قرار دیا۔یہ بات کویت کے ولی عہد نے کویت کے امیر شیخ نواف الاحمد الجابر الصباح کی جانب سے رمضان المبارک کے آخری عشرہ کے موقع پر خطاب کرتے ہوئے بتائی ۔
سعودی عرب کے ساتھ معمول کے تعلقات اور امن چاہتے ہیں،اسرائیلی وزیراعظم
شیخ مشعل نے کویتی قانون کا حوالہ دیا جس میں اس کے امیر کو پارلیمنٹ تحلیل کرنے کی اجازت دی گئی تھی، حالانکہ وہ ملک کے 85 سالہ حکمران شیخ نواف الاحمد الصباح کی جگہ تقریر کر رہے تھے۔
کویت کے ولی عہد نے خطاب میں کہا کہ ہمیں جو ذمہ داری سونپی گئی ہےاس کی بنیاد پرہم ریاستی اداروں کے اقدامات پردلچسپی سے عمل کرتے ہیں اور ہم رہنمائی اور مشورے قبول کرتے اور رہنمائی فراہم کرتےہیں تاہم ان دنوں یہ بات ہمیں تکلیف دیتی ہے کہ شہریوں کو تکلیف ہو رہی ہے۔ سیاسی منظر نامہ اضطراب کا احساسات لیے ہوئے ہے اور اس میں کوئی تبدیلی نہیں آرہی۔
انہوں نے مزید کہا کہ موجودہ سیاسی منظر نامے کے اثرات سے نکلنے کے لیے ہمیں آئین کی طرف رجوع کرنے کی ضرورت ہے۔ عوام کی طرف جانے اور ان کی خواہشات کو عملی جامہ پہنانے کی ضرورت ہے۔ ہم نے عوام کی مرضی سے حکمرانی کو مضبوط کرنے ریاست کے وقار کا تحفظ کرنے کو اختیار کیا ہے۔ آئین سے تجاوز نہ کرنے کو اختیار کیا ہے۔
ایرانی صدر کی سعودی فرمانروا کو ایران کے دورے کی دعوت
ولی عہد نے خطاب میں کہا کہ مارچ میں، کویت کی آئینی عدالت نے پارلیمنٹ کے لیے 2022 کے انتخابات کو مسترد کر دیا، اس کے حکم کے لیے 2020 کی پارلیمنٹ کو تحلیل کرنے کے حکم نامے میں "تضادات” کا حوالہ دیا کہا کہ مذکورہ بالا تمام چیزوں کو ترتیب دینے اور آئین کو مدنظر رکھتے ہوئے اور عوامی مرضی کا احترام کرتے ہوئے ہم نے 2020 کی قومی اسمبلی کو تحلیل کرنے کا فیصلہ کیا ہے جسے آئینی عدالت کے حکم سے بحال کیا گیا تھا جو ایک آئینی حل پر مبنی تھا۔
کویت کے ولی عہد نے خطاب میں کہا کہ ہم آنے والے مہینوں میں عام انتخابات کی بھی اپیل کر رہے ہیں واضح رہے مارچ میں آئینی عدالت نے 2022 کے قومی اسمبلی کے انتخابات کو کالعدم قرار دینے اور 2020 میں منتخب پارلیمنٹ کو بحال کرنے کا فیصلہ سنایا تھا۔
یہ فوری طور پر واضح نہیں ہوسکا کہ آیا یہ حکم پیر کو فوری طور پر نافذ العمل ہوا، حالانکہ تجزیہ کاروں کو توقع تھی کہ پارلیمنٹ تحلیل ہوجائے گی۔
تیونس نے آئی ایم ایف کے قرضوں کو مسترد کر دیا، برکس میں شامل ہونے …
کویت میں خلیجی عرب ریاستوں میں سب سے آزاد اور فعال اسمبلی موجود ہے، لیکن سیاسی طاقت اب بھی زیادہ تر حکمراں الصباح خاندان کے ہاتھ میں مرکوز ہے، جو وزیراعظم اور کابینہ کا تقرر کرتا ہےاور کسی بھی وقت اسمبلی کوتحلیل کر سکتا ہےدریں اثنا، سیاسی جھگڑوں نے ملک کی معیشت کو متاثر کیا ہے، اس نے کویت کو قرض لینے کی اجازت دینے والے قانون کو منظور کرنے سے روک دیا ہے۔
کویت، جس کی سرحد سعودی عرب اور عراق سے ملتی ہے، دنیا کا چھٹا سب سے بڑا معروف تیل کے ذخائر رکھتا ہے اور وہاں ہزاروں امریکی فوجی موجود ہیں۔
