Baaghi TV

Tag: کھیل

  • ریڈ بال کوچ ٹم نیلسن کا پاکستانی ٹیم کے ساتھ سفر اختتام پذیر

    ریڈ بال کوچ ٹم نیلسن کا پاکستانی ٹیم کے ساتھ سفر اختتام پذیر

    پاکستان کرکٹ بورڈ (پی سی بی) نے ہائی پرفارمنس ریڈ بال کوچ ٹم نیلسن کے معاہدے میں مزید توسیع نہیں کی ہے۔ نجی ٹی وی جیو نیوز کے مطابق پی سی بی نے جنوبی افریقا کے خلاف ہونے والی ٹیسٹ سیریز کے لیے نیلسن کی خدمات حاصل کرنے کا فیصلہ نہیں کیا۔ٹم نیلسن نے کرکٹ ویب سائٹ سے بات کرتے ہوئے کہا کہ "میں توسیع کے حوالے سے انتظار کر رہا تھا، ہم اچھی طرح آگے بڑھ رہے تھے اور جنوبی افریقا اور ویسٹ انڈیز کے خلاف سیریز کے لیے تیار تھے، لیکن پی سی بی نے مجھے آگاہ کیا کہ ان کی مجھے مزید خدمات درکار نہیں ہیں۔”نیلسن کے مطابق، ان کی ٹیم کے ساتھ کام کرنے کا تجربہ اچھا رہا اور وہ اس بات کے منتظر تھے کہ پی سی بی ان کی خدمات میں مزید توسیع کرے گا، مگر ایسا نہیں ہوا۔

    آسٹریلیشین کوچ ٹم نیلسن کو پاکستان کی ٹیسٹ ٹیم کے ہائی پرفارمنس ریڈ بال کوچ کے طور پر مقرر کیا گیا تھا۔ ان کی تقرری اگست میں ہوئی تھی جب پاکستانی ٹیسٹ ٹیم کے ہیڈ کوچ جیسن گلیسپی نے انہیں اپنی ٹیم کے ساتھ شامل کیا تھا۔ نیلسن کی مہارت اور تجربے کو پاکستان کے ٹیسٹ کرکٹ کے معیار کو بہتر بنانے کے لیے استعمال کیا گیا تھا۔

    یہ بھی سامنے آ رہا ہے کہ پاکستان کرکٹ بورڈ نے جیسن گلیسپی کو بھی ٹم نیلسن کی معاہدے کی توسیع کے بارے میں نہیں بتایا۔ اطلاعات کے مطابق پی سی بی کا گلیسپی پر اعتماد متزلزل ہو چکا ہے، اور ان کے مستقبل کے حوالے سے خدشات پیدا ہو گئے ہیں۔ اگرچہ پی سی بی نے جنوبی افریقا کے خلاف ٹیسٹ سیریز کے لیے گلیسپی کا بطور ہیڈ کوچ اعلان کیا تھا، لیکن ان کے مستقبل پر سوالیہ نشان لگ گیا ہے۔

    سپریم کورٹ سے عادل بازئی کو بڑا ریلیف مل گیا

    ہم خوابوں کو حقیقت میں بدلتے ہیں،سعودی ولی عہد

  • ہم خوابوں کو حقیقت میں بدلتے ہیں،سعودی ولی عہد

    ہم خوابوں کو حقیقت میں بدلتے ہیں،سعودی ولی عہد

    سعودی عرب کو 2034 میں فٹ بال ورلڈ کپ کی میزبانی ملنے کے بعد سعودی ولی عہد شہزادہ محمد بن سلمان نے اس اہم موقع پر اپنے خیالات کا اظہار کیا ہے۔ انہوں نے کہا کہ "ہم خواب نہیں دیکھ رہے، ہم ایک حقیقت کے بارے میں سوچ رہے ہیں جو سچ ہو گی۔” ان کے اس بیان سے سعودی عرب کی عزم و ارادے کی عکاسی ہوتی ہے کہ ملک نہ صرف عالمی سطح پر فٹ بال کے کھیل کو فروغ دے گا، بلکہ اس کے ذریعے محبت، امن اور رواداری کے پیغامات کو بھی دنیا بھر میں پھیلائے گا۔

    شہزادہ محمد بن سلمان نے مزید کہا کہ سعودی عرب کا مقصد عالمی سطح پر فٹ بال کی مقبولیت کو بڑھانا ہے، اور اس کے ذریعے نوجوانوں میں کھیلوں کی روح کو بیدار کرنا ہے۔ ان کا کہنا تھا کہ "ہمیں یقین ہے کہ فٹ بال ورلڈ کپ 2034 سعودی عرب کے لیے ایک سنگ میل ثابت ہو گا، جو نہ صرف ہمارے ملک کی ترقی کی علامت ہو گا بلکہ عالمی سطح پر امن، رواداری اور باہمی تعاون کو فروغ دینے کا بھی ایک وسیلہ بنے گا۔”

    سعودی ولی عہد نے عالمی فٹ بال کمیونٹی سے بھی تعلقات کے حوالے سے بات کی اور کہا کہ سعودی عرب دنیا کے تمام فٹ بال کے شائقین کو اپنے ملک میں خوش آمدید کہے گا۔ ان کا کہنا تھا کہ "ہماری کوشش ہو گی کہ ہم عالمی فٹ بال کی دنیا کو ایک نیا تجربہ فراہم کریں، جہاں محبت، احترام اور ثقافت کی قدر کی جائے۔” سعودی عرب کی میزبانی کی تیاریوں کے حوالے سے شہزادہ محمد بن سلمان نے مزید کہا کہ ملک میں جدید اسٹیڈیمز، بہترین انفراسٹرکچر اور عالمی معیار کی سہولتیں فراہم کی جائیں گی۔

    سعودی عرب کو 2034ء کے فٹ بال ورلڈ کپ کی میزبانی فیفا کی کونسل کے اجلاس میں دی گئی۔ اس فیصلے کے بعد سعودی عرب قطر کے بعد فٹ بال ورلڈ کپ کی میزبانی کرنے والا دوسرا مسلمان ملک بن گیا ہے۔ سعودی عرب کی اس میزبانی کو عالمی سطح پر ایک اہم قدم کے طور پر دیکھا جا رہا ہے کیونکہ یہ عرب اور اسلامی دنیا کے لیے ایک تاریخی موقع ہے۔

    سعودی عرب کی فٹ بال ورلڈ کپ 2034ء کی میزبانی نے عالمی سطح پر اس کی اہمیت اور اثر و رسوخ میں مزید اضافہ کر دیا ہے۔ سعودی ولی عہد محمد بن سلمان کی قیادت میں ملک نے اپنے آپ کو عالمی کھیلوں کے نقشے پر ایک اہم کھلاڑی کے طور پر قائم کیا ہے۔ اس فیصلے کے بعد سعودی عرب میں کھیلوں کے شعبے میں مزید سرمایہ کاری اور ترقی کی توقع کی جا رہی ہے۔

    سعودی ولی عہد نے اس بات پر بھی زور دیا کہ سعودی عرب کھیلوں کے شعبے میں اپنی حکمت عملی کو آگے بڑھانے کے لیے پرعزم ہے۔ سعودی عرب کے ویژن 2030 کے تحت کھیلوں، تفریح، اور ثقافت کے شعبوں میں سرمایہ کاری کی جا رہی ہے تاکہ نہ صرف عالمی سطح پر سعودی عرب کی ساکھ مضبوط ہو بلکہ ملک میں نوجوانوں کو ایک نیا رخ دینے کے لیے بھی اقدامات کیے جا سکیں۔

    ہوٹل میں غیر اخلاقی سرگرمیاں،خواتین سمیت 9 ملزمان گرفتار

    نواز ، زرداری،گیلانی کیخلاف توشہ خانہ ریفرنس سپیشل جج سنٹرل کو بھیج دیا گیا

    غیر متعلقہ شخص کو ڈسپلن کے نیچے لانا آرٹیکل 8 کی خلاف ورزی نہیں؟جسٹس مندوخیل

  • سعودی عرب پہلی بار فیفا ورلڈکپ کی میزبانی کرے گا،

    سعودی عرب پہلی بار فیفا ورلڈکپ کی میزبانی کرے گا،

    فیفا نے فٹبال ورلڈکپ 2030 اور 2034 کے میزبان ممالک کے ناموں کا اعلان کردیا

    باغی ٹی وی: فیفا کی تاریخ میں پہلی بار چھ ممالک ورلڈکپ 2030 کی میزبانی کریں گے فیفا ورلڈکپ 2034 میزبانی سعودی عرب کو سونپ دی گئئی فیفا ورلڈکپ 2030 کے میزبان ممالک میں ارجینٹینا، یوراگوئے، پیراگوئے، اسپین، پرتگال اور مراکش شامل ہیں-

    فیفا ورلڈکپ کے آرگنائزنگ ممالک میں صرف اسپین، پرتگال اور مراکش شامل ہوں گےفیفا ورلڈکپ کے 100 سال مکمل ہونے پر ارجینٹینا، یوراگوئے، پیراگوئے پہلے تین میچوں کی میزبانی کریں گےفیفا ورلڈکپ 1930 کی میزبانی بھی ارجینٹینا، یوراگوئے، پیراگوئے نے کی تھی فیفا ورلڈکپ 2030 کے پہلے تین میچوں کے علاوہ دیگر تمام میچوں کی میزبانی اسپین، پرتگال اور مراکش کریں گے-

    سعودی عرب پہلی بار فیفا ورلڈکپ کی میزبانی کرے گا،سعودی عرب فیفا ورلڈکپ 2034 کیلئے 15 اسٹیڈیم تیار اور اپ گریڈ کرے گا
    فیفا ورلڈکپ 2034 کیلئے تیار ہونے والے 15 اسٹیڈیمز میں سے گیارہ نئے اسٹیڈیم تیار کیے جائیں گےفیفا ورلڈکپ 2030 اور 2034 کے میزبان ممالک کا اعلان فیفا کانگرس میں کیا گیا ہے-

  • پاکستان اور جنوبی افریقا کے درمیان پہلا ٹی 20میچ آج کھیلا جائے گا

    پاکستان اور جنوبی افریقا کے درمیان پہلا ٹی 20میچ آج کھیلا جائے گا

    لاہور: پاکستان اور جنوبی افریقا کے درمیان پہلا ٹی 20 میچ آج ڈربن کے میدان میں کھیلا جائے گا۔

    باغی ٹی وی:پاکستان ٹیم دورہ جنوبی افریقا میں تین ٹی ٹوئنٹی تین ون ڈے اور دو ٹیسٹ کھیلے گی،ٹی ٹوئنٹی اسکواڈ میں بابراعظم، شاہین آفریدی اور نسیم شاہ کی واپسی ہوئی ہے،پاکستان کرکٹ ٹیم کی جنوبی افریقہ کے خلاف سیریز سے قبل ڈربن میں بھرپور ٹریننگ کی-

    قومی اسکواڈ نے کروسیڈرز اسپورٹس کلب میں ٹریننگ کے دوران مقامی کنڈیشنز میں اپنی صلاحیتوں کو نکھارنے پر توجہ مرکوز رکھی،کھلاڑیوں نے بیٹنگ، بولنگ اور فیلڈنگ پریکٹس کے دوران کوچز کے مشوروں کو بھی مدنظر رکھا،اس موقع پر کپتان محمد رضوان کا کہنا تھا کہ زمبابوے کے دورے کی جیت کا تسلسل جاری رکھنا چاہتے ہیں۔

  • فخر زمان نے ہیڈ کوچ کیجانب سے اَن فٹ ہونے کے بیان کو مسترد کر دیا

    فخر زمان نے ہیڈ کوچ کیجانب سے اَن فٹ ہونے کے بیان کو مسترد کر دیا

    لاہور: پاکستانی کرکٹر فخر زمان نے جنوبی افریقا کے خلاف سیریز میں فٹنس مسائل کی وجہ سے قومی اسکواڈ سے باہر کیے جانے کے بیان کو مسترد کر دیا۔

    باغی ٹی وی : گزشتہ دنوں جنوبی افریقا کے خلاف ٹیسٹ، ایک روزہ اور ٹی ٹوئنٹی سیریز کے لیے اسکواڈ کا اعلان کیا گیا جس میں فخر زمان سمیت اہم کھلاڑیوں کو شامل نہیں کیا گیا فخر زمان سے متعلق عبوری وائٹ بال ہیڈ کوچ عاقب جاوید نے کہا تھا کہ فخر کے نام پر اس لیے نہیں غور کیا گیا کہ وہ ابھی فارم اور میچ فٹنس حاصل نہیں کر پائے ہیں۔

    لیکن فخر نے ایک انٹرویو میں اپنی فٹنس اور ٹیم میں واپسی سے متعلق کہا کہ میں فٹ ہوں اور اسی لیے کھیل رہا ہوں، اور اگر موقع ملا تو پاکستان ٹیم میں ضرور کھیلوں گا،میں نے اپنا کیریئر چیمپئنز ٹرافی سے شروع کیا تھا، اور شکر گزار ہوں کہ میری کارکردگی اچھی رہی اور ہم نے وہاں میچ جیتے اس چیمپئنز ٹرافی میں میری پوری کوشش ہوگی کہ ٹیم میں شامل ہوں اور اچھی کارکردگی دکھاؤں۔

    واضح رہے کہ ہیڈ کوچ عاقب جاوید نے یہ بھی کہا تھا کہ قومی سلیکشن کمیٹی فخر کے ساتھ رابطے میں ہے اور انہیں فٹنس حاصل کرنے کے بعد منتخب کیا جائے گا –

  • بیوی سے طلاق، فٹبال سٹار 2 گھروں، پٹرول اسٹیشن اور 2 گاڑیوں سے محروم

    بیوی سے طلاق، فٹبال سٹار 2 گھروں، پٹرول اسٹیشن اور 2 گاڑیوں سے محروم

    کراچی:پریمیئر لیگ میں سنڈرلینڈ کے سابق سٹار فٹ بالر اساموا گیان کو اپنی بیوی گفٹی گیان سے طلاق کے نتیجے میں دو گھروں، دو گاڑیوں، اور ایک پیٹرول ا سٹیشن کو اپنی سابقہ بیوی کے حوالے کرنا پڑا۔

    باغی ٹی وی : غیر ملکی میڈیا کے مطابق ین سالہ طویل قانونی جنگ کے بعد 39 سالہ گیان کو اپنی طلاق کے نتیجے میں دو گھروں، دو گاڑیوں، اور ایک پیٹرول سٹیشن کو اپنی سابقہ بیوی کے حوالے کرنا پڑا گھانا کی قومی ٹیم کے سابق کپتان نے یہاں تک کہ اس بات پر بھی سوال اٹھایا کہ آیا ان کے تین بچے واقعی ان کے ہیں یا نہیں، لیکن ڈی این اے ٹیسٹ سے ثابت ہوا کہ وہ ان کے والد ہیں۔ عدالت نے گیان کو ہر ماہ 25 ہزار گھانین سیڈی (تقریباً 1,729 پاؤنڈ) بچوں رافیل، فریڈرک، اور فلوئیڈ کے اخراجات کے لیے ادا کرنے کا حکم دیا گیا۔

    عدالتی فیصلے کے بعد گیان کو دو جائیدادوں کی چابیاں حوالے کرنا پڑیں ان میں سے ایک جائیداد گھانا کے دارالحکومت ایکرا میں جبکہ دوسری برطانیہ میں واقع ہے عدالت نے یہ فیصلہ اس بنیاد پر کیا کہ گفٹی نے ان گھروں کے لیے "نان کیش شراکت” کی تھی، کیونکہ وہ ان کے تینوں بچوں کی پرورش اور دیکھ بھال کرتی رہی تھیں ان بچوں میں سے دو کا جنم 2013 میں گیان اور گفٹی کی شادی سے پہلے ہوا تھا۔

    سابق سٹرائیکر گیان نے رینس اور اڈینیز کے لیے بھی کھیلا اور 2010 میں اسٹڈیم آف لائٹ منتقل ہونے سے پہلے ترکی، دبئی، چین، اور بھارت میں بھی اپنی صلاحیتوں کا مظاہرہ کیا۔ انہوں نے دیگر شعبوں میں بھی کامیابی حاصل کی اور اس سال کے اوائل میں ان کی مجموعی دولت تقریباً 18 ملین پاؤنڈ سے زیادہ تھی،گیان کی شاندار کارکردگی کی بدولت گھانا نے 2010 کے ورلڈ کپ کے کوارٹر فائنلز تک رسائی حاصل کی تھی، لیکن لوئس سواریز کے مشہور ہینڈ بال کے بعد ان کی مس ہوئی پنالٹی کک نے گھانا کو یوراگوئے کے ہاتھوں شکست کے بعد باہر کر دیا تھا۔

  • عمران خان نہیں ہوتے تو میں کرکٹر ہی نہیں بنتا، شاہد آفریدی

    عمران خان نہیں ہوتے تو میں کرکٹر ہی نہیں بنتا، شاہد آفریدی

    کراچی: شاہد آفریدی کا کہنا ہے کہ شاہین کو کپتان بنانے کے حق میں نہیں تھا، بابر کے بعد بہترین چوائس رضوان ہی تھے، جب شاہین کو بنا دیا گیا تھا تو ایک سیریز کے بعد ہٹانا غلط تھا-

    باغی ٹی وی : کراچی میں عالمی اردو کانفرنس کے سیشن سے خطاب میں شاہد آفریدی کا کہنا تھا کہ عمر صرف ایک ہندسہ ہے، یہ نہ سوچیں کہ بس اب عمر ہوگئی ہے، ہم لوگ جب کے پی سے کراچی آئے تو بہت اچھا ماحول ملا، کراچی کی ترقی میں اردو بولنے والوں کا بڑا اہم کردار رہا ہے، خوابوں کی تعبیر کے لیے خود پر اور اللہ پر بھروسہ ہونا اہم ہے، جب مشتاق احمد انجرڈ ہوئے تو مجھے موقع ملا تھا، وسیم اکرم اور وقار یونس کو نیٹ پر میری بیٹنگ پسند آئی، میری ہمیشہ خواہش تھی کہ کرکٹ کھیلوں یا آرمی میں جاؤں، عمران خان کو دیکھ کر ہی کرکٹ شروع کی، عمران خان نہیں ہوتے تو میں کرکٹر ہی نہیں بنتا، پہلے فاسٹ بولنگ کی تو پتہ چلا بٹہ کرتا ہوں پھر اسپن بولنگ شروع کی۔

    شاہد آفریدی نے کہا کہ ہمارا مسئلہ یہ ہے کہ چیئرمین کے ساتھ سب کچھ ہی بدل جاتا ہےسوشل میڈیا پر آج کل جس کا جو دل چاہے کہہ دیتا، آپ تنقید کریں لیکن الفاظ کا چناؤ بہتر کریں، آپ ڈاکٹر انجینئر بن جائیں گے لیکن تربیت بھی ساتھ اہم ہے، بزرگوں سے کہوں گا کہ بچوں کو ٹک ٹاک کی دنیا سے باہر لاکر اصلی دنیا میں لائیں ،شاہین کے بارے میں ہر کسی نے تعریف کی تھی، بیٹی کے رشتے کے وقت انکوائری تو ضرور ہوتی ہے، ابھی خود کو نانا نہیں مانتا جب پانچویں بیٹی کی شادی ہوگی تو پھر نانا مانوں گا۔

    شاہد آفریدی نےکہا کہ جب کوچز فرعون ٹائپ ہوں تو بہت مشکل ہوتا ہے، پاکستان میں ٹیلنٹ بہت ہے لیکن وہ ضائع بھی تیزی سے ہوتا ہے، کراچی میں سیمنٹ وکٹ کی کرکٹ ختم نہیں ہونی چاہیے تھی، اس سے بیٹسمین نکلا کرتے تھے، بالی وڈ اداکارہ سونالی باندرے کے سوال پر شاہد آفریدی نے مسکرا کرکہا کہ اس کو ڈیلیٹ کر دیں بال چبانے اور پچ رگڑنے والےکام نہیں کرنا چاہیے تھے لیکن اس وقت جیت کی کوشش میں ایسا کر بیٹھا –

    چیمپئنز ٹرافی کے حوالے سے شاہد آفریدی کا کہنا تھا کہ بھارت کے خلاف مضبوط پوزیشن لینےکے لیے آپ کو اپنے پیروں پر بھی کھڑا ہونا پڑےگا، آئی سی سی کو دیکھنا ہے کہ اس نے سب کو کرکٹ کھلانا یا پیسے کو دیکھنا ہے، اس وقت چیمپئنز ٹرافی پر پی سی بی کی جو پوزیشن ہے وہ ٹھیک ہے، اگر بھارت نہیں آتا تو ہمیں بھی وہاں نہیں جانا چاہیے، صائم ایوب تینوں فارمیٹس میں پاکستاں کا ٹاپ پرفارمر بن سکتا ہے، پلیئرز کو سوشل میڈیا نہیں اس کی پرفارمنس کرکٹ کھلاتی ہے، عامر جمال پاکستان کے لیے عبد الرزاق والا کردار ادا کرسکتا ہے۔

  • چیمپیئنز ٹرافی پر بڑی پیشرفت،بھارت نے پاکستان کے سامنے گھٹنے ٹیک دیئے

    چیمپیئنز ٹرافی پر بڑی پیشرفت،بھارت نے پاکستان کے سامنے گھٹنے ٹیک دیئے

    بھارت نے پاکستان کے سامنے گھٹنے ٹیک دیئے،بھارت نے پاکستان کا چیمپئنز ٹرافی پر نئے فارمولے کا مطالبہ تسلیم کر لیا-

    باغی ٹی وی : بھارتی میڈیا کے مطابق چیمپیئنز ٹرافی پر بڑی پیشرفت ہوئی ہے،بھارتی میڈیا نے دعوی کیا ہے کہ بھارت نے پاکستان کا چیمپئنز ٹرافی پر نئے فارمولے کا مطالبہ تسلیم کر لیا، پی سی بی، بی سی سی آئی اور آئی سی سی کے درمیان ہائبرڈ ماڈل پر اتفاق پاگیا، چیمپینز ٹرافی میں بھارتی میچز پی سی بی کی تجویز کردہ فارمولے پر ہوں گے، پی سی بی نے پارٹنرشپ فارمولے کی تجویز دے رکھی ہے-

    بھارتی میڈیا نے دعوی کیا ہے کہ چیمپینز ٹرافی میں بھارت اپنے تمام میچز نیوٹرل وینیو پر کھیلے گا،سیمی فائنل اور فائنل میں بھارتی ٹیم کی رسائی نہ ہونے پر میچز پاکستان میں ہوں گے، پاکستان اگلے تین سال تک بھارت میں شیڈول آئی سی سی ایونٹ کے میچز نیوٹرل وینیو پر کھیلے گا، پاکستان ٹیم بھارت میں شیڈول کسی آئی سی سی ایونٹ کھیلنے کے لیے بھارت نہیں جائے گی-

  • تیسرا ٹی ٹوئنٹی:زمبابوے کی پاکستان کو شکست، پاکستان نے سیریز 1-2 سے جیت لی

    تیسرا ٹی ٹوئنٹی:زمبابوے کی پاکستان کو شکست، پاکستان نے سیریز 1-2 سے جیت لی

    بلاوائیو :زمبابوے نے ٹی ٹوئنٹی سیریز کے تیسرے اور آخری میچ میں پاکستان کو 2 وکٹوں سے شکست دے دی-

    باغی ٹی وی : پاکستان نے میزبان ٹیم کے خلاف 1-2 سے سیریز اپنے نام کر لی،بلاوائیو میں کھیلے گئے میچ میں پاکستان کے کپتان سلمان علی آغا نے ٹاس جیت کر پہلے بیٹنگ کرنے کا فیصلہ کیاپاکستان ٹیم نے مقررہ 20 اوورز میں 7 وکٹوں کے نقصان پر 132 رنز بنائے، کپتان سلمان آغا 32، طیب طاہر 21 ، قاسم اکرم 20 رنز بناکر نمایاں رہے عثمان خان 5 ، صاحبزادہ فرحان 4 ، عمیر بن یوسف صفر پر آؤٹ ہوئے جبکہ عباس آفریدی نے 15 رنز بنائےعرفات منہاس 22 اور جہانداد خان 6 رنز کے ساتھ ناقابل شکست رہے ، زمبا بو ے کی جانب سے بلیسنگ مزرابانی نے 2 جبکہ رائن برل، ویلنگٹن ماساکاڈزا، رچرڈ نگاروا اور ٹینوٹینڈا میپوسا نے 1، 1 وکٹ حاصل کی۔

    میزبان زمبابوے نے پاکستان کا 133 رنز کا ہدف آخری اوور میں 8 وکٹوں کے نقصان پر حاصل کیا برائن بیننٹ 43، مارومانی 15، سکندر رضا 19 اور میئرز نے 13 رنز بنائے، آخری اوور میں ماپوسا 4 گیندوں پر 12 رنز کے ساتھ ناٹ آؤٹ رہے اور اپنی ٹیم کو پاکستان کے خلاف آخری ٹی ٹوئنٹی میں کامیابی دلوادی، پاکستان کی جانب سے عباس آفریدی نے 3، جہاندان خان نے2 ،سلمان علی اور سفیان نے ایک، ایک وکٹ لی۔

  • محسن نقوی کا بلائنڈ کرکٹ ٹیم کو ایک کروڑ روپے انعام کا چیک

    محسن نقوی کا بلائنڈ کرکٹ ٹیم کو ایک کروڑ روپے انعام کا چیک

    لاہور: چیئرمین پی سی بی نے بلائنڈ کرکٹ ورلڈ کپ جیتنے والی ٹیم سے ملاقات کی اور انہیں ایک کروڑ روپے انعام کا چیک پیش کردیا۔

    باغی ٹی وی: قومی ٹیم چیئرمین پی سی بی محسن نقوی کی دعوت پر پی سی بی کے دفتر پہنچی۔ اس موقع پر انہوں نے پی سی بی کی طرف سے کھلاڑیوں کے لیے ایک کروڑ روپے کا چیک پیش کیا جب کہ دو کروڑ روپے کے جو اخراجات ہوئے ان کی ادائیگی بھی بذریعہ چیک کی گئی۔

    ملاقات کے دوران گفتگو انہوں نے کہا کہ ہم نے کم وقت میں اپنی ٹیموں میں چیزیں بہتر کرنے کی کوشش کی ہے، سی ای او کو کہہ دیا ہے کہ ہم اونر شپ دیں گے، جس طرح انڈر 19، پاکستانی شاہین اور ویمن کرکٹ اہم ہے اس طرح ہمارے لیے بلائنڈ کرکٹ بھی ہے، تمام کھلاڑیوں کو سپورٹ کریں گے، کھلاڑیوں کو کوئی بھی مدد درکار ہوگی انہیں فراہم کریں گے، امید ہے آپ لوگ آگے آنے والے میچز بھی اسی طرح جیتیں گے۔

    انہوں نے ایک بار پھر کہا کہ چیمپئنز ٹرافی سمیت دیگر بڑے ایونٹس آگے آرہے ہیں امید ہے اللہ تعالیٰ اس میں بھی ہمیں کامیاب کرے گا،انہوں بلائنڈ کرکٹ ٹیم کے کھلاڑیوں کی تعریف کی اور کہا کہ آپ لوگ ایونٹ میں سات کے سات میچز جیتے اور ناقابل شکست رہے۔

    واضح رہے کہ گزشتہ روز پاکستان کے ملتان کرکٹ اسٹیڈیم میں کھیلے گئے بلائنڈ کرکٹ ورلڈ کپ کے فائنل میں پاکستان نے بنگلہ دیش کو 10 وکٹوں سے شکست دے کر ٹائٹل اپنے نام کر لیا تھا۔