Baaghi TV

Tag: کھیل

  • ورلڈکپ کے دوران پچز کی تیاری پر سوال؟

    ورلڈکپ کے دوران پچز کی تیاری پر سوال؟

    پاکستانی کرکٹ ٹیم کے سابق کپتان محمد حفیظ نے ورلڈکپ کے دوران پچز کی تیاری پر سوال اٹھا دیا ہے جبکہ سرکاری ٹی وی پر اسپورٹس پروگرام میں گفتگو کرتے ہوئے محمد حفیظ کا کہنا تھا کہ آج ہورہا (نیوزی لینڈ، بنگلادیش) کا میچ ثابت کرےگا کہ ورلڈکپ کون کرا رہا ہے، آئی سی سی یا بی سی سی آئی کیونکہ اس پر بہت سارے سوالات ہیں


    جبکہ اینکر کے پوچھے گئے سوال پر حفیظ نے وضاحت کرتے ہوئے کہا کہ اب تک نئی دہلی، دھرم شالا اور حیدرآباد میں 2،2 میچز ہوچکے ہیں اور ان تینوں کے دونوں میچز میں پچ کنڈیشن ایک جیسی تھی، تاہم اگر چنئی میں نیوزی لینڈ اور بنگلادیش کے درمیان ہونے والے میچ کی پچ کنڈیشن اسی گراؤنڈ میں 8 اکتوبر کو کھیلےگئے آسٹریلیا اور بھارت کے میچ سے مختلف رہی تو پھر سوال ہوگا کہ یہ ٹورنامنٹ کون کروا رہا ہے؟
    مزید یہ بھی پڑھیں؛
    سینیٹ قائمہ کمیٹی برائے انسانی حقوق نے غزہ پر اسرائیلی جارحیت کے خلاف مذمتی قرارداد
    فلسطینیوں کے حق میں مظاہرہ ،عمران خان کے نعرے لگانے پر پی ٹی آئی کارکنان گرفتار
    ہنگو حملے کے دوران دہشتگردو ں کا مقابلہ کرنیوالے پولیس نوجوان سے وزیراعظم کی ملاقات
    واضح رہے کہ محمد حفیظ کا مزید کہنا تھا کہ ورلڈکپ آئی سی سی کا ایونٹ ہے اور اس میں کوئی اور مداخلت نہیں کرسکتا ہے یہ ایونٹ آئی سی سی کے اپنے کیوریٹر اور ان کی ہدایات پر چلنا چاہیے تاہم خیال رہےکہ چنئی میں بھارت کے خلاف کھیلے گئے میچ میں آسٹریلیا کی پوری ٹیم 199 رن پر آؤٹ ہوگئی تھی، بھارت نے 200 رن کا ہدف 4 وکٹوں کے نقصان پر 42 ویں اوور میں پورا کرلیا تھا۔

  • ذکا اشرف آج بی سی سی آئی کی دعوت پر بھارت روانہ ہوں گے

    ذکا اشرف آج بی سی سی آئی کی دعوت پر بھارت روانہ ہوں گے

    بھارتی کرکٹ بورڈ کے اعزازی سیکرٹری جے شاہ نے پاکستان کرکٹ بورڈ کی منیجمنٹ کمیٹی کے چیئرمین ذکا اشرف کو ان کے بھارت کے دورے کے موقع پر خوش آمدیدکہا اور خیال رہے کہ ذکا اشرف آج بی سی سی آئی کی دعوت پر بھارت روانہ ہونے والے ہیں جہاں وہ 14 اکتوبر کو احمد آباد میں پاکستان اور بھارت کے درمیان ورلڈکپ میچ کے موقع پر پاکستانی ٹیم کی حوصلہ افزائی کے لیے موجود ہوں گے۔

    جبکہ نجی ٹی وی کے مطابق ذکا اشرف کا کہنا ہے کہ وہ اس اہم موقع پر اپنی ٹیم کی سپورٹ کو بہت ضروری سمجھتے ہیں، پاکستانی ٹیم اپنی سخت محنت اور جذبے سے اس مرحلے تک پہنچی ہے اور انہیں امید ہےکہ وہ اپنی بہترین کارکردگی سے ہمیں فخرکرنےکا موقع فراہم کرےگی، علاوہ ازیں اس سے قبل جے شاہ اور ذکا اشرف کے درمیان ٹیلی فونک رابطہ ہوا جس میں جے شاہ نے ذکا اشرف کے بھارت آنے پر خوشی کا اظہار کیا۔
    مزید یہ بھی پڑھیں؛
    نواز شریف نااہلی معاملہ دوبارہ عدالت میں جائے گا. ماہر قانون کا دعویٰ
    پریکٹس اینڈ پروسیجر ایکٹ فیصلے کا نواز شریف پر کوئی اثر نہیں ہوگا. شہباز شریف
    سرفرانگا ریلی؛ عادل نعیم کی جیت

    واضح رہے کہ جے شاہ نےکہا کہ وہ ذکا اشرف کے بھارت میں قیام کے دوران ان کی دیگر حکام سے ملاقاتوں کا اہتمام بھی کرائیں گے اور ذکا اشرف کا اس موقع پر کہنا تھا کہ ہم دونوں نے اس موقع پر ان امکانات پر بھی بات کی کہ کس طرح ہم دونوں ملکوں کے درمیان کرکٹ روابط کو بڑھانے اور انہیں ترقی دے سکتے ہیں۔

  • بابر اعظم کا ٹیم کیلئے سوشل میڈیا پر پیغام

    بابر اعظم کا ٹیم کیلئے سوشل میڈیا پر پیغام

    حیدر آباد،دکن: قومی ٹیم کے کپتان بابر اعظم نے ورلڈکپ میں سری لنکا کے خلاف شاندار کامیابی کے بعد سوشل میڈیا پر بیان جاری کیا ہے-

    باغی ٹی وی: گزشتہ روز راجیو گاندھی انٹرنیشنل اسٹیڈیم حیدرآباد میں سری لنکا کیخلاف پاکستان نے ریکارڈ ساز جیت درج کی تھی، اس میچ میں آئی لینڈرز نے مقررہ 50 اوورز میں 9 وکٹوں کے نقصان پر 344 رنز بنائے، کوشال مینڈس 122 اور سمارا وکرما 108 رنز بناکر نمایاں رہےہدف کے تعاقب میں قومی ٹیم نے 4 وکٹوں کےنقصان پر 49 ویں اوور میں 345 رنز کا پہاڑ جیسا ٹارگٹ حاصل کرلیا، عبداللہ شفیق نے 113 جبکہ محمد رضوان 131 رنز بناکر ناٹ آؤٹ رہے۔

    حیدرآباد،دکن:بابر اعظم نے گراؤنڈ سٹاف کو اپنی شرٹ تحفے میں دیدی

    پاکستانی بیٹنگ کی خاص بات ورلڈکپ میں اپنا پہلا میچ کھیلنے والے عبد اللہ شفیق اور وکٹ کیپر محمد رضوان کی شاندار سنچریاں تھیں جن کی بدولت گرین شرٹس نے اتنا بڑا ہدف کامیابی سے حاصل کیا اور محمد رضوان کو شاندار بلے بازی کا میچ کا بہترین کھلاڑی بھی قرار دیا گیا، پاکستان نے سری لنکا کی جانب سے دیا گیا 345 رنز کا ہدف صرف 4 وکٹوں کے نقصان پر پورا کر کے ورلڈکپ کی 48 سالہ تاریخ کا سب سے بڑا ٹوٹل 10 گیندوں قبل حاصل کر لیا۔

    عبد اللہ شفیق اور محمد رضوان نے کونسے ریکارڈ توڑے

    https://x.com/babarazam258/status/1711819818025058790?s=20
    میچ کے بعد قومی ٹیم کے کپتان بابر اعظم نے سوشل میڈیا پر جاری بیان میں لکھا کہ میرے لڑکوں کی کمر پر تھپکی جو کبھی بھی نا نہیں کہتے، محمد رضوان اور عبد اللہ شفیق نے خطرناک بولنگ کے بعد جیت کی بنیاد رکھی۔

    عبداللہ شفیق بھارت میں ورلڈ کپ کے دوران سنچری بنانے والے پہلے پاکستانی بن گئے

  • حیدرآباد،دکن:بابر اعظم نے گراؤنڈ سٹاف کو اپنی شرٹ تحفے میں دیدی

    حیدرآباد،دکن:بابر اعظم نے گراؤنڈ سٹاف کو اپنی شرٹ تحفے میں دیدی

    حیدر آباد،دکن: آئی سی سی ورلڈکپ میں سری لنکا کے خلاف شاندار فتح کے بعد پاکستان کرکٹ ٹیم کے کھلاڑی حیدرآباد دکن کے راجیو گاندھی اسٹیڈیم کےگراؤنڈ اسٹاف کے ساتھ گُھل مل گئے۔

    باغی ٹی وی: سماجی رابطے کی سائٹ ایکس پر قومی کرکٹ ٹیم کے کھلاڑیوں نے اسٹیڈیم کے گراؤنڈ اسٹاف کے ہمراہ تصاویر بنوائیں جبکہ کپتان بابراعظم نے اپنی شرٹ بھی تحفے میں دی،آئی سی سی نے قومی ٹیم کے کھلاڑیوں کے گراؤنڈ اسٹاف کے ساتھ گزارے لمحات کی ویڈیو بھی شیئر کی جس کو مداحوں کی جانب سے خوب سراہا جارہا ہے۔
    https://x.com/TheRealPCB/status/1711806451008897366?s=20
    گزشتہ روز راجیو گاندھی انٹرنیشنل اسٹیڈیم حیدرآباد میں سری لنکا کیخلاف پاکستان نے ریکارڈ ساز جیت درج کی تھی، اس میچ میں آئی لینڈرز نے مقررہ 50 اوورز میں 9 وکٹوں کے نقصان پر 344 رنز بنائے، کوشال مینڈس 122 اور سمارا وکرما 108 رنز بناکر نمایاں رہےہدف کے تعاقب میں قومی ٹیم نے 4 وکٹوں کےنقصان پر 49 ویں اوور میں 345 رنز کا پہاڑ جیسا ٹارگٹ حاصل کرلیا، عبداللہ شفیق نے 113 جبکہ محمد رضوان 131 رنز بناکر ناٹ آؤٹ رہے۔

    عبد اللہ شفیق اور محمد رضوان نے کونسے ریکارڈ توڑے

    پاکستانی اوپنر امام الحق ورلڈ کپ میچ کے دوسرے 3000 ون ڈے رنز مکمل کرنے …

    عبداللہ شفیق بھارت میں ورلڈ کپ کے دوران سنچری بنانے والے پہلے پاکستانی بن گئے

    واضح رہے کہ قومی ٹیم ایونٹ میں اپنا اگلا میچ روایتی حریف بھارت کیخلاف 14 اکتوبر احمد آباد میں کھیلے گی۔

  • ورلڈکپ: سری لنکا کا پاکستان کیخلاف ٹاس جیت کر بیٹنگ کا فیصلہ

    ورلڈکپ: سری لنکا کا پاکستان کیخلاف ٹاس جیت کر بیٹنگ کا فیصلہ

    حیدرآباد،دکن: آئی سی سی ون ڈے ورلڈکپ کے آٹھویں میچ میں سری لنکا نے ٹاس جیت کر پہلے بیٹنگ کا فیصلہ کیا۔

    اس وقت لنکن ٹیم کے41 ویں اوور میں 5 وکٹوں کے نقصان پر 294 رنز ہیں، حسن علی نے تین وکٹیں حاصل کیں، انہوں نے کوشال مینڈس کو 122،کوشال پریرا کو صفر اور چریتھ اسالنکا کو ایک رن پر آؤٹ کیا،شاداب خان نے پاتھم نسانکا کو 51 رنز پر پویلین لوٹایا جبکہ محمد نواز نے ڈی سلوا کو 25 رنز پر آؤٹ کیا

    یہ میچ راجیو گاندھی انٹرنیشنل اسٹیڈیم حیدرآباد میں کھیلا جارہا ہے جہاں ٹاس جیت کرلنکن کپتان داسن شناکا نے کپتان بابر اعظم کو فیلڈنگ کی دعوت دی دوسری جانب قومی ٹیم میں آج ایک تبدیلی کی گئی ہے، اوپنر فخر زمان کی جگہ ٹیم میں عبداللہ شفیق کو شامل کیا گیا ہے۔

  • انڈین شائقین پاکستانی ٹیم کی سپورٹ کیلئے پرجوش

    انڈین شائقین پاکستانی ٹیم کی سپورٹ کیلئے پرجوش

    کرکٹ ورلڈ کپ میں آج شاہینوں کا پہلا امتحان ہے، پاکستان اور نیدرلینڈز کی ٹیمیں بھارتی شہرحیدرآباد کے راجیو گاندھی انٹرنیشنل اسٹیڈیم میں ٹکرا رہے ہیں اور میڈیا رپورٹ کے مطابق پاکستان کی کرکٹ ٹیم بھارتی شہر حیدر آباد کے راجیو گاندھی سٹیڈیم میں کرکٹ ورلڈ کا پہلا میچ کھیلا جارہا ہے جبکہ امید کی جارہی ہے کہ وہاں پرزیادہ تعداد میں پاکستانی شائقین موجود نہ ہوں کیونکہ بھارتی حکومت نے اب تک پاکستانی شائقین کرکٹ کو ویزوں کا اجرا نہیں کیا ہے۔

    تاہم حیدرآباد شہر میں میچ سے قبل سیکیورٹی کا سخت انتظام کیا گیا ہے جبکہ اسٹیڈیم میں شائقین کی آمد کا سلسلہ جاری ہے اور اگر موسم کی بات کی جائے تو دوپہر 12 بجے حیدرآباد میں درجہ حرارت 30 ڈگری سینٹی گریڈ تھا اور محکمہ موسمیات کا کہنا ہے کہ میچ کی شروع ہونے تک اس میں 2 سے 3 ڈگری اضافے کی توقع ہے، پاکستانی شائقین کو بھارت ویزا نہ ملنے کافی دکھ ہے، تو ساتھ ہی حیدرآباد میں کافی جوش و خروش پایا جاتا ہے۔

    خیال رہے کہ مقامی لوگوں کا کہنا ہے کہ یہاں پاکستانی ٹیم کی آمد پر جس طرح ان کا استقبال کیا گیا، سٹیڈیم میں اسی طرح کی سپورٹ انھیں ملے گی اور بھارتی شہر بنگلورسے خصوصی طور پر پاکستان اور نیدرلینڈز کا میچ دیکھنے کے لیے حیدرآباد تک کا سفر کرنے والے بھارتی شہری نوید خان کا کہنا ہے کہ جس انداز میں پاکستان کی ٹیم کا استقبال کیا گیا وہ بہت خوش آئند ہے، یہ ٹورنامنٹ بہت اچھے ماحول میں ہو گا۔
    مزید یہ بھی پڑھیں؛
    ورلڈ کپ؛ برائن لارا کا پاکستان کرکٹ ٹیم کے نام اہم پیغام
    ورلڈکپ؛ بھارت کو بڑا دھچکہ
    توہین عدالت کیس، سی سی پی او لاہور کی عدالت طلبی
    آئی سی سی کرکٹ ورلڈ کپ،پاکستان کا پہلا میچ آج،مدمقابل ٹیم کے ہارنے کی تاریخ
    علاوہ ازیں ایک خاتون مہوا دتا کا کہنا ہے کہ پاکستان کی ٹیم سات برس بعد انڈیا آئی ہے اور ان کا بہت شاندار خیرمقدم ہوا ہے، میں دونوں ٹیموں کے لیے نیک خواہشات کا اظہار کرتی ہوں، پاکستانی کرکٹ ٹیم حیدرآباد میں ایک ہفتے سے مقیم ہے اور اس دوران اُن کی میزبانی اور کھانے سے متعلق خبریں گردش کر رہی ہیں۔

  • پی سی بی اور مڈل سیکس کاؤنٹی کے درمیان ایم او یو سائن

    پی سی بی اور مڈل سیکس کاؤنٹی کے درمیان ایم او یو سائن

    مڈل سیکس کاؤنٹی کرکٹ کلب کے چیف ایگزیکٹو آفیسر اینڈریو کارنیش، مڈل سیکس کاؤنٹی کرکٹ کلب کے ڈائریکٹر ایلن کولمین اور مڈل سیکس کاؤنٹی کرکٹ کلب کے نمائندے محسن وڑائچ نے لاہور میں پاکستان کرکٹ ہیڈ کوارٹرز کا دورہ کیا اور پاکستان کرکٹ بورڈ کے ساتھ مفاہمت کی یادداشت پر دستخط کیے جبکہ اس دو روزہ دورے کے دوران کارنیش کی قیادت میں وفد نے پی سی بی مینجمنٹ کمیٹی کے چیئرمین ذکا اشرف اور دیگر پی سی بی حکام سے ملاقات یں کیں اور کرکٹ کے فروغ، ترقی اور ترقی سمیت کرکٹ سے متعلق باہمی دلچسپی کے امور پر تبادلہ خیال کیا۔ مڈل سیکس کے وفد نے نیشنل کرکٹ اکیڈمی کا بھی دورہ کیا جہاں انہوں نے پی سی بی حکام کو پریزنٹیشن دی۔


    جاری اعلامیہ کے مطابق مزید بات چیت کے بعد دونوں فریقین نے ایک مفاہمت نامے پر دستخط کیے۔ ایم او یو میں فریقین نے باہمی دلچسپی کے متعدد شعبوں میں باہمی تعاون کے معاہدے میں داخل ہونے میں دلچسپی کا اظہار کیا گیا۔ جبکہ ایم او یو کے کچھ اہم نکات جن میں ٹی 10 لیگ تیار کرنے اور مشترکہ طور پر شروع کرنے کے لئے فریقین کے مابین شراکت داری قائم کرنا۔ دونوں فریق اس لیگ میں مساوی ایکویٹی پارٹنر ہوں گے جو باہمی اتفاق رائے کے تصور، کاروباری منصوبہ بندی، مالیاتی تخمینوں اور انتظامی ڈھانچے سے مشروط ہوں گے۔
    مزید یہ بھی پڑھیں؛
    ورلڈکپ؛ بھارت کو بڑا دھچکہ
    توہین عدالت کیس، سی سی پی او لاہور کی عدالت طلبی
    آئی سی سی کرکٹ ورلڈ کپ،پاکستان کا پہلا میچ آج،مدمقابل ٹیم کے ہارنے کی تاریخ
    اٹک سے اڈیالہ جیل منتقلی؛ پی ٹی آئی وکلا کے اعتراضات پر چیف جسٹس عامر فاروق کی اہم ابزرویشن
    اور ایچ بی ایل پی ایس ایل کی ٹیموں اور مڈل سیکس کاؤنٹی کرکٹ کلب کے زیر انتظام ٹیموں کے درمیان پاکستان اور برطانیہ میں نمائشی میچوں کے انعقاد کے امکانات تلاش کرنا۔ علاوہ ازیں تربیت اور تعلیمی پروگراموں کا اہتمام کرنا ، بشمول کوچز ، تجزیہ کاروں ، امپائر اور کیوریٹرز / گراؤنڈمین کے لئے کورسز تک محدود نہیں ہے اور اس طرح کی تربیت اور تعلیم میں جدید ترین ٹکنالوجیوں پر توجہ مرکوز کرنا۔ مڈل سیکس پاکستان قومی خواتین ٹیم سمیت پی سی بی کے تحت کام کرنے والی خواتین کرکٹ ٹیموں کے لئے تربیتی پروگراموں کی تیاری اور نگرانی کے لئے بھی کام کرے گی، معاہدے پر دستخط کی تقریب میں چیئرمین مینجمنٹ کمیٹی ذکا اشرف سمیت اس موقع پر پی سی بی کے سی او او سلمان نصیر، ڈائریکٹر انٹرنیشنل عثمان واہلہ اور کمشنر پی ایس ایل نائلہ بھٹی بھی موجود تھیں۔

  • ورلڈکپ؛ بھارت کو بڑا دھچکہ

    ورلڈکپ؛ بھارت کو بڑا دھچکہ

    آئی سی سی کرکٹ ورلڈ کپ کا باقاعدہ آغاز ہو چکا ہے لیکن بھارت نے اپنا پہلا میچ 8 اکتوبر کو آسٹریلیا کے خلاف کھیلنا ہے تاہم اطلاعات ہیں کہ ورلڈکپ میں اپنے پہلے میچ سے قبل ہی بھارتی ٹیم کے ان فارم بیٹر شبمن گل بخار میں مبتلا ہو گئے ہیں اور بھارتی میڈیا کے مطابق ورلڈ نمبر ٹو بیٹر شبمن گل کا ڈینگی ٹیسٹ مثبت آیا ہے جس کے باعث ان کی ورلڈ کپ آسٹریلیا کے کے خلاف میچ میں شرکت مشکوک ہو گئی ہے۔

    صحافی سہیل عمران کے مطابق بھارت اور آسٹریلیا کے درمیان میچ اتوار کو چنئی میں شیڈولڈ ہے، گزشتہ روز کھیلے گئے ورلڈکپ کے افتتاحی میچ میں نیوزی لینڈ نے دفاعی چیمپئن انگلینڈ کو 9 وکٹوں سے شکست دی تھی۔ دوسری جانب بھارت میں جاری آئی سی سی مینز کرکٹ ورلڈ کپ میں ٹیم پاکستان اپنی مہم کا آغاز آج سے کرے گی، حیدر آباد دکن میں گرین شرٹس کا مقابلہ نیدرلینڈز سے ہوگا۔

    جبکہ میگا ایونٹ میں گرین شرٹس اپنی مہم کا آغاز نسبتاً آسان حریف کے خلاف کریں گے، پاکستانی ٹیم میں 6 بیٹر، 2 آل راؤنڈر اور 3 فاسٹ بولرز کی شمولیت کا امکان ہے، حیدر آباد دکن میں نیدرلینڈز کے خلاف اپنے پہلے میچ کیلئے ٹیم پاکستان کی تیاریاں بھی مکمل ہو گئیں ہیں، ایونٹ کا شاندار آغاز کرنے کیلئے قومی ٹیم نے بھرپور ٹریننگ کی ہے اور دو وارم اپ میچز بھی کھیل چکی ہے۔
    مزید یہ بھی پڑھیں؛
    کیا بابر اعظم بھارت کو منہ توڑ جواب دیں گے؟
    بھارتی فوجی میجر نے اپنے ہی افسران پر فائر کھول دیئے
    انڈیا میں‌پاکستانی فنکاروں کی بہت قدر کی جاتی ہے روبی انعم
    ایلزا بیتھ بشپ کا یوم وفات
    میچ کیلئے پاکستان کی ممکنہ فائنل الیون میں امام الحق کے ساتھ اننگز فخر زمان شروع کریں گے یا عبداللہ شفیق اس کا فیصلہ ہونا ابھی باقی ہے، پلیئنگ الیون میں شامل دیگر بیٹرز میں بابراعظم، محمد رضوان، سعود شکیل، افتخار احمد شامل ہوں گے جبکہ اسپن کا شعبہ شاداب خان اور محمد نواز سنبھالیں گے اور پیس اٹیک شاہین آفریدی، حارث رؤف اور حسن علی پر مشتمل ہو گا۔ پاکستان اور نیدرلینڈز کے درمیان مقابلہ مقامی وقت کے مطابق دوپہر ڈیڑھ بجے شروع ہوگا۔

  • بی جے پی کی اسٹینڈز کو بھرنے کی حکمت عملی،ٹکٹوں کے ساتھ چائے اور لنچ کے فری واؤچرز

    بی جے پی کی اسٹینڈز کو بھرنے کی حکمت عملی،ٹکٹوں کے ساتھ چائے اور لنچ کے فری واؤچرز

    احمد آباد: حکمران جماعت بی جے پی نے سٹی وارڈ لیول پر اسٹینڈز کو بھرنے کی حکمت عملی بنالی ہے،بھارتی میڈیا کے مطابق جمعرات کو نریندر مودی اسٹیڈیم میں دفاعی چیمپئن انگلینڈ اور نیوزی لینڈ کے درمیان کرکٹ ورلڈ کپ کا افتتاحی میچ مفت دیکھنے کے لیے احمد آباد بھر سے اندازاً 30 سے 40 ہزار خواتین کے لیے اسٹیج تیار کیا جا رہا ہے۔

    باغی ٹی وی: آئی سی سی کرکٹ ورلڈکپ کا آج سے بھارت میں آغاز ہونے جارہا ہے اور پہلے میچ میں احمد آباد کے نریندر مودی اسٹیڈیم میں دفاعی چیمپئن انگلینڈ اور نیوزی لینڈ مد مقابل ہوں گےورلڈکپ کے افتتاحی میچ کے ٹکٹس سولڈ آؤٹ ہونے یا نہ ہونے پر بھارتی میڈیا نے کا کہنا ہے کہ حکمران جماعت بے جے پی نے سٹی وارڈ لیول پر اسٹینڈز کو بھرنے کی حکمت عملی بنالی ہے، بی جے پی کا سٹی وارڈ لیول کا نیٹ ورک ٹکٹوں کے ساتھ چائے اور لنچ کے فری واؤچرز بھی دے رہے ہیں۔

    ورلڈ کپ 2023: تاریخ رقم ہو جائے گی کہ پاکستانی پریس باکس میں کوئی پاکستانی …

    مقامی بی جے پی رہنما ک بی جے پی کے نائب صدر للت وادھوان کے مطابق 30 سے 40 ہزار خواتین ورلڈکپ کا پہلا میچ دیکھنے کے لیے تیار ہیں، گزشتہ ماہ پارلیمنٹ میں پیش ہونے والے ویمن ریزرویشن بل سے متاثر ہو کر خواتین کو اسٹیڈیم لانے کا فیصلہ کیاٹکٹس تقسیم کردیے گئے ہیں، رضاکاروں کو نام بھیجنے کا کہا ہے، ٹکٹیں ٹاپ سے حاصل کی گئی ہیں، خواتین اسٹیڈیم خود پہنچیں گی۔

    بھارتی میڈیا کے مطابق خواتین کو اسٹیڈیم لانے کے حوالے سے مقامی سطح پر واٹس ایپ گروپ میں پیغامات شروع کیے گئے ہیں، احمد آباد کے اسٹیڈیم میں تقریباً ایک لاکھ 30 ہزار تماشائیوں کے بیٹھنے کی گنجائش ہے، افتتاحی میچ سولڈ آؤٹ نہیں ہےگجرات کرکٹ ایسوسی ایشن کے سینئر ممبر کے مطابق فیسٹیول کا موڈپیدا کرنے کے لیے اسکولوں کے بچوں کو بھی بلایا گیا ہے اور منفرد چیز خواتین تماشائیوں کا ہونا ہے۔

    ورلڈکپ افتتاحی میچ؛ دوپہر 1 بج کر 30منٹ پر شروع ہوگا

    دوسری جانب گجرات سے تعلق رکھنے والے بی جے پی ترجمان کا کہنا ہے کہ پارٹی لیول پر ایسی کوئی کوشش نہیں کی گئی، اگر خواتین اسٹیڈیم آتی ہیں تو اچھی بات ہے ۔

  • ورلڈکپ 2023 کیلئے قومی اسکواڈ کا اعلان

    ورلڈکپ 2023 کیلئے قومی اسکواڈ کا اعلان

    لاہور: پاکستان کرکٹ بورڈ نے ورلڈکپ 2023 کے لیے قومی اسکواڈ کا اعلان کردیا۔

    باغی ٹی وی: پی سی بی کے چیف سلیکٹر انضمام الحق نے پریس کانفرنس کے دوران 18 رکنی قومی اسکواڈ کا اعلان کیا انضمام الحق نے بتایا کہ قومی اسکواڈ میں بابراعظم کپتان اور شاداب خان نائب کپتان ہوں گے،فاسٹ بولر نسیم شاہ انجری کی وجہ سے قومی اسکواڈ کا حصہ نہیں ہیں جب کہ ان کی جگہ حسن علی کو اسکواڈ میں شامل کیا گیا ہے۔

    ورلڈکپ کے لیے قومی اسکواڈ میں بابراعظم (کپتان)، شاداب خان (نائب کپتان) ،عبداللہ شفیق، فخر زمان، امام الحق، حارث رؤف، افتخار احمد
    شاہین آفریدی، محمد رضوان، محمد نواز، محمد وسیم جونیئر، حسن علی، سعود شکیل ،سلمان آغا، اسامہ میرشامل ہیں جبکہ ورلڈکپ کے لیے تین کھلاڑیوں کو ریزرو میں رکھا گیا ہے جن میں محمد حارث، ابرار احمد اور زمان خان شامل ہیں۔

    ٹی 20 ورلڈ کپ 2024 کہاں ہوگا؟

    انضمام الحق کا کہنا تھا کہ حسن علی کو تجربے کی بنیاد پر اسکواڈ میں شامل کیا گیا ہے ، بڑے ایونٹ میں تجربہ کار بولر کی ضرورت ہوتی ہے جب کہ نسیم شاہ کا ٹیم میں نہ ہونا ہمارے لیے نقصان ہے ہمارے پاس فاسٹ بولرز میں کافی انجریز ہیں، بڑے میچز میں کوشش کی ہے کہ بولر ایسے ہوں جن کے پاس تجربہ ہوں جنہوں نے میچز کھیل رکھے ہوں، بھارت میں دوسری ٹیموں کی نسبت ہم پر زیادہ پریشر ہوتا ہے اس لیے پریشر ہینڈل کا بھی مسئلہ ہوتا ہے ان چیزوں کو دیکھتے ہوئے حسن علی کو شامل کیا گیا ہے۔

    پی سی بی اجلاس: ایشیا کپ کی کارکردگی کا جائزہ لیا گیا

    واضح رہے کہ آئی سی سی ون ڈے ورلڈکپ 5 اکتوبر سے بھارت میں شروع ہورہا ہےپاکستان ورلڈکپ میں پہلا میچ 6 اکتوبر کو نیدرلینڈ کے ساتھ ہے جب کہ اس سے پہلے قومی ٹیم وارپ میچز کھیلے گی۔